الكاتب : رزقو
الحلقة 01
صفية : خلوود خلوود
خلود : وي ماما ؟
صفية : نوضي تغسلي الماعن
خلود : هاني جاية
شوية هاك دخلت صفية للكوزينة لقات الماعن مزالو تقلقت ... راحت عند خلود لبيتها
صفية : مزلتي مع الفيزبوك ؟
خلود : ههه ماما فايسبوك فايسبوك
صفية : ايه فيزبوك...درك تحطيه وامشي تغسلي ماعنك
خلود : اصبري ياماما نكمل الكرونيك ونجي
صفية : واش هذي كورني ؟
خلود : هههههه خاه عليك يا ماما كرووونيك يعني قصة ... قصة بزاف شابة يحطوهم هنا فالفايسبوك ... ياماما يهبلو
وعنقت تليفونها وغمظت عينيها فرحانة.
صفية : يصفر وجهكم هبلكم التليفون هذاك ... نوضي تغسليهم وولي اقراي
خلود : منقدرش يا ماما ... راني بلايت ويكومنتو بزااف ومنلحقش الحلقات ... ولايت ملازمش ديباسي مية كومنتار
صفية : والله مفهمت واش راكي تهدري ... نوضي اغسلي لماعن هيا خفي
خلود : عيشك ماما خليني نكملها عيشك
صفية : خلود نزعف عليك
خلود : بففف خلاص هاني رايحة
حطت كيتمان وراحت تغسل لماعن تاع العشا وتغني
ياحبك ساكنلي فلدم
وعلى ذراعي غادي نوشم
ولد الحومة مابغا يحشم
قتلاتو لغيرة والسم
وهايا يا ...
كملت الماعن ترمات في فراشها دخلت تقرا الكرونيك لي داتلها عقلها ... تاع الڨلب تاع الكاتب رزقو
خلود : اوووف فاتوني بزاف الحلقات علاه يا هشام مجيش كامل وكي نغسل انا الماعن تنفحلك تحط الحلقات بفففف
كومنتاتلو
خويا عيشك عاود حطلي الحلقات راني بلايت ومخرجوليش
هشام يعوج في فمو قاللها : اممم كنتي فالبريفي دوري وجاية نعاودلك انا الحلقات ... طفرت درك
خلود تقلقت : وين شفتني كنت فالبريفي يخي حالة
هشام : هههههه زعما صح مكنتيش بريفي
خلود : مكنتش والله كنت نغسل فالماعن 😭😭 حرام عليك عاودهملي راهم يحرقو في قلبي 💔
هشام : مسكييينة 😂 خلاص درك نبعثهملك بريفي ولا عندك كاش واحد ميحبش ؟؟
خلود : معنديش ابعثلي
هشام : اوك درك. نبعثلك.
خلود : ميرسي 😍
هشام : وانا نقدر نخليها في خاطر عمري
خلود : اسمع بركا مالدسارة
هشام : هههههه اوك الحاجة مقلناش ماتكليناش برك
الحلقة 02
بقات خلود تستنا في هشام ... شوية هاك جاها للبريفي
هشام : سلام
خلود : سلام ... الكرونيك
هشام : اوك درك نبعثلك
بدا يبعثلها ... بعثلها الحلقات وهي تقرا وفرحانة
كلما يحبس تقولو
خلود : واااااع ڨلييع ڨلبي 😍 عشقت في يونس
هشام : ههههههخخخ شكون يونس؟
خلود : تاع الكرونيك ... ديجا متسقسينيش كمل كمل
هشام كمل بعثلها
خلود : ياااع يونس
هشام : عييتيني بيونس تاعك انا نبعثلك ونتي تحلبي فيه
خلود حلت فمها مخلوعة : شبيك تاكل في رووحك ... كمل واسكت
هشام: منكملش رنكي خدام عندك انا
وخرج وخلاها
خلود سكتت غاضتها عمرها : بفففف درك كيفاه نكملها ... وزيد هو واش دخلو نعشق في يونس ولا غيرو يعيي
نعاود نبعثلو بففف مقدرتش نصبر
خلود : خويا سمحلي خلاص منزيدش نهدر ... كملهالي عيشك ربي يعطيك ماتتمنى
هشام شاف ميساج تاعها عوج فمو مجاوبهاش خلالها vu
خلود : بففف خلالي vu نعاود
عاودت بعثتلو
خلود : اي هيا خويا عيشك ابعثهالي كون منقراهاش نهبل
هشام : vu
خلود : وقيلا حسباتلو نحلو يروح يرنك
بعثتلوو
خلود : خلاص متبعثليش نروح لرزقو يبعثهالي
هشام طلعلو الزبل : رنكي نتي ورزقو تاعك ... تبعثيلو والله متسلكي معايا
خلود : اووهو بلعقل عليك شبيك تسالني وقيل !!!
هشام : القصة عندي درك نبعثهالك
خلود تبسمت : اوك
هشام : بصح بلا هذوك القلوب اقراي بالسكات
خلود تضحك عليه : ايه بلا قلوب
بقا يبعثلها وهي تبعثلو 😷
تقلق منها
هشام : نتي مريضة ولا مريضة !؟ جابلي ربي مريضة وانا نتبع فيك
خلود : مريضة بالقصص هذو نحبهم
هشام : امممم علابالي مرضك وانا عندي دواه
خلود مستغربة : واش هو؟
هشام : حابة تعرفيه؟
خلود: ايه
هشام : انا نعيشك كيما القصص هذو
خلود : هههههههههههههههه اصبر نتنفس ههههههههههه من هههههه ايما كرشي ههههههخهههخخخ اصبر شوي
هههههههههههههههههههه
هشام : قلت حاجة تضحك؟
خلود : ياودي شكوبيستاني خاطيك الرومنسية نعرفك متشقاش هههههه
هشام : امممم تتحدايني ؟
خلود : هههههه تخسر متصبرش ... تولي لطبايعك ياولد بلادي مقلق متعصب خاطيك الرومنسية
هشام : صح مقلق ومتعصب بصح نعشق مالقلب ونغير على عرضي ونحب مرتي تاعي تااااااعي وحدي فهمتي
خلود عضت على شفتها : امممم
هشام : امممم انا واجد نبينلك ونوريلك الشوكبستاني كي يعشق يڨلبها
خلود : اوك نشوفوك
هشام : لعبة العشاق هذي هي
خلود : هههههه اوك روح برك هاني معاك نشوفك ولد بلادي يارومنسي
هشام : اوك اوك 😍 هيا نحي ليزامي رجال خفي خفي
خلود : شكون قالك عندي امي رجال؟ مانيش مبينتهم؟
هشام : شفتهم جادوغ على فوتو بروفيل
خلود : هههههه ايما على الشوكبستاني الغيور
هشام : يسموك تنحيهم متفهميش ياك قبلتي اللعبة معايا
خلود : اوك مي بلاك طيح فيا لعبة برك
هشام : مريضة نتي نطيح في وحدة ماافايس!؟ فالصح ومصراتش
الحلقة 03
حطت خلود تليفونها مور ماكملت طاحتلو الباتري ... شافت ابتسام ختها لقاتها غاطسة راسها فالتليفون ودايرة كيتمان ... راحت ليها
خلود : سست ابتسام
ابتسام كانت غايسة شافت فيها مفرفشة : ااه؟! شكون جا؟؟ ماشي انا!!
خلود شابعة ضحك : هههههه يالمهبولة شبيك غرقتي فالتليفون
ابتسام : بفففف يالكلبة واش تحوسي ياك قتلك كي نكون نقرا فالكرونيك مجيش تخلعيني بقرة بففف
خلود : شبيك تاكلي فيا 😑 حڨارة
ابتسام : كبيرة عليك متنسايش
خلود : بزوج دقايق كبيرة عليا
ابتسام : وي كبيرة عليك... بففف كنت متاثرة بالقصة جيتي قاطعتيني
خلود : خليك درك مالقصة عندي الجديد ياجدك ...
ابتسام : اووو الجديد تاعك نعرفو ... البريزة بلاصتي
خلود : بفففف يالكلبة ياك تفاهمنا بالدالة ليلة ليك وليلة ليا
ابتسام : واليوم دالتي
خلود : ايه علابالي هذا كامل حسين التريسيان جارنا الحابس دارلنا بريزة وحدة
ابتسام : متقوليش على حبيب قلبي حابس
خلود : حااي عليا الراجل كبير عليك واش عجبك فيه؟
ابتسام : يعجبني مانيش عارفة علاه
خلود : خلينا من حسين تاعك ... خليني اليوم لابريز ليا
ابتسام : علاه واش كاين اليوم؟
خلود : حبيب قلبي يستنا فيا نحكي معاه
ابتسام : يالبقرة ومتحكيليش
خلود : نورمالمو ختي تومية تحسي بيا
ابتسام : قولي خلينا مالخرطي تاعك
خلود : هذا هشام لي يحطلنا الكرونيك ... قالي زعما نلعبو انا ونتي بلي كوبل لعبة برك ... ويبينلي بلي الشوكبستاني كيما البطل تاع الكرونيك
ابتسام : هههههه قوليلو ريح في بلاصتك متوالمكش الرومنسية نتوما تتع كروشكم برك
خلود : خلي نجوز وقت ياك قالي لعبة العشاق مش صح يعني فالاخير واحد ميلوم صاحبو
ابتسام : تخافي لا تحبيه صح
خلود : نن بعدا نحب واحد فالفايس ههه مام هو قالي محال طيحني طفلة فالفايس
ابتسام : اممم
جات غنية تاع شطيح خاطر مزالها دايرة الكيتمان بقات تغني وتشطح وتصفق .. وخلود كيفها
ويغنو زدق زدق ايوااه زدق زدق زدق ... ايواااه اي اي اي ...
يشطحو كي مهابل ... حتى قربعتلهم يماهم فالحيط خاطر شنابرهم متلاصقين
طارو لبلايصهم يرقدو
ابتسام : ارقدي درك يحاوزنا الشيخ موح بالعكازة تاعو هههه
↚
الحلقة 04
ابتسام: خلاص روحي جيبي الغالونش تاع التليفيزيون وساميني نسهرو ...درك تخلاص العطلة ونرجعو نرقدو بكري
راحت خلود جيب الغالونش ملقاتهاش .
رجعت عند ابتسام
خلود: ابتسام ملقيتش الغالونش !!
ابتسام مستغربة : اوو ؟؟ وين راحت ؟؟
خلود: زعما يكون سيد علي داها ؟
ابتسام: بلاك ...مي ماشي موالف يديها واش يدير بيها ؟؟
خلود: روحي قرعجي عليه
ابتسام : وكون يفيقلي ؟؟
خلود: بوووه ميفيقلكش بلعقل برك
راحت ابتسام تمشي بلعقل لبيت خوهم سيد علي لحقت للباب حبست تسمع بلاك راهو يهدر فالتليفون .
بقات حابسة مسمعت والو ...قربت وذنها مليح وخلود طل عليها مالباب وتضحك عليها .
خلود بيدها تقوللها : واش سمعتي ؟!
ابتسام بيدها تردلها بالاشارة: مكان والو 😕
قربت ابتسام طل من الفتحة تاع المفتاح شوفو واش يدير.
حتى فتح سيد علي الباب يشوف فيها وعينيه تخرج ناار.
ابتسام شافتو ولات تبلع في ريقها بسيف شافت في خلود ملقاتهاش..
خلود هربت دخلت فراشها ودارت روحها راقدة .
سيد علي : واش ديري هنا ؟؟
ابتسام قلبها يضرب : ااا...مكانش...كنت ..كنت رايحة للكوزينة ..شفت ناموسة هنا قتلتها...قلت تقرصك..
سيد علي باستهزاء : ناموسة
ابتسام: ايه ..وهاني رايحة نشرب..
وهبطت راسها رايحة للكوزينة .
سيد علي بغش عارفها تكذب خاطر كان يهدر تليفون وشاف خيال تاع رجليها تحت الباب سكت
سيد علي : كي شو في ديناااصوور قدام شمبرتي متوقفيش..فهمتي ؟!!
ابتسام تشرب فالما. .حطاتو وقاتلو ايه براسها .
سيد علي : هيا امشي ترقدي..طيري
ابتسام هبطت راسها وزربت دخلت لبيتها...لقات خلود غاطسة راسها وزعما راقدة بالنوم وهي لي بعثتها ليه.
رجعت ابتسام للكوزينة جابت كاس ما بارد خاطر راهم فالصيف.
خلود زعما راقدة حست بالبنادم قرب ليها مي حسباتو سيد علي محبتش تحل عينيها ولا دور جيهتو
ابتسام رمات فوقها الما البارد..
وراحت دخلت فراشها وزعما رقدت.
خلود ناضت تجري لقات دنيا ظلمة خاطر ابتسام طفات كامل الضو.
خلود وجها وشعرها يسيلو زادت الظلمة.
خلود: والله ما انا ياسيدو والله ما انا هي جات هي جات..
وشعلت تليفونها لقات ابتسام راقدة وهي وحدها مكان ني سيد علي ني غير و.
خلود : سلمه رحمن رحيم جنون هذوما
راحت عند ابتسام : اسمعي نتي رميتي فوقي الما؟؟.
ابتسام: خااه شبيك مشمخة !!؟؟ماشي انا ...انا جيت قبيل شوي لقيتك راقدة. وسيد علي دخل بيتو قبلي
خلود : شكون امالا جنون 😨
ابتسام: هههههههههههه
خلود: يالكلبة نتي يالبقرة تعرفيني خوافة.
ابتسام : وووووووو درك يجوك الجنون هذا جن عاشق فيك.
خلود تمسح في وجها وتسب وابتسام تظحك عليها
الحلقة 05
خلود: محلبتينيش واش لقيتيه يدير ؟؟
ابتسام: مشفتوش مي شفت الغالونش كي فتح الباب ..باين كان يهدر
خلود: شكون هذي الحمارة لي يهدر معاها ؟
ابتسام: واش دخلك فيه حبيبتو بلاك .
خلود: يادرا شكونها زعما نعرفوها. .
ابتسام : يووه على القرعاجة خليني نرقد نعست
خلود : هيا نتبادلو البلايص. .نحتاج بريز.
ابتسام: نن بلاصتك شامخة
خلود: بفففف انا مجانيش النوم..
ابتسام رقدت وخلود قاعدة قدامها تكونيكتي مجاهاش النوم .
دخلت للفايس لقاتو اون لين
خلود عوجت فمها : زعما واش راهو يدير من مقبيل ..
خمت منبعد تبسمت صح هو قالي نلعبو لعبة العشاق درك نلعبهالو غرت ونشوف كيفاه يرضيني
بعثتلو: 😭😭😭😭😭😭😭 خاين خاين خداااع منسامحكش ياخاين حرام عليك.
هشام شاف ميساج تاعها مفهم والو بعثلها : واشبي راستك !؟ علاه راكي تندبي ؟؟
خلود عوجت فمها : هذي هي الرومنسية تاعك ؟؟ ياك زعما قتلي نكون كيما تاع الكرونيك !!!
هشام : وانا وين علابالي واش بيك فهميني قبل من بعد نوريلك الرومنسية
خلود: درك انا زعما غرت كي لقيتك اون لين ومبعثتليش ..فهمت !!؟
هشام : اممممم غرتي !! وعلاه لازم نبعثلك كل دقيقة ؟؟
خلود: نن درك نتا قتلي نهدرو وانا طولت مرجعتش نورمالو تتقلق عليا وتقولي وينك توحشتك ...فهمت !!!
هشام : ااا اوك...ديجا فكرتيني وين كنتي غايبة ياراسة راستك ؟؟
خلود : بفففف وليت تسب قتلك ماشي هاك الرومنسية
هشام: هذي رومنسية هاني انا ثان غرت عليك واش كنتي ديري ؟! جاوبي !!!!
خلود: طفالي تليفون .
هشام: معندكش شاجور؟؟
خلود: عندي مي بريزة كاين وحدة فالشومبرا وشدتها ختي اليوم دالتها
هشام : ككخخخخخخخ البريزة وحدة وبالدالة !!!!
خلود : ايه ..ومنبعد.
هشام: معليش المهم جيتي.
خلود: اممم مي مزلت زعفانة
هشام : وانا واش نديرلك كذبتي كذبة وامنتيها .
خلود: رضيني شبيك .
هشام : والله علاه واش درت ؟؟
خلود: لازم ترضيني كي نزعف ماشي شرط تفهم علاه .
هشام: نرضي عمري ماشي خسارة .
خلود تبسمت: هاك بديت تتعلم.
هشام: كيفاه نرضيك بصح واش حابة نديرلك؟
خلود: قولي خلاص متزعفيش عمري وانا كنت نحكي مع صاحبي ومقلق عليك وتوحشتك..هكا بلعطني وانا نتقلش شوي منبعد ورضا.
هشام: ايييه بصح لازم نتي ثان ترضيني !!
خلود: نننن نتا برك...
هشام : شوف اسيدي معليش درك نرضيك.
خلود تبسمت : ايا ابدا
هشام : عمري زعفتي ؟!
خلود : امممم
هشام: تزعفي مني ؟!!
خلود : ايه منك .
هشام: عمري واش كاين قدامك ؟؟
خلود: علاه ؟
هشام: اي قولي
خلود: الحيط واش كاين
هشام: اخبطي راسك عليه
وخرج طفا تليفونو ورقد خلاها تسب وحدها
الحلقة 06
رقدت خلود تسب وحدها في هشام ..
...
جازو يامات وخلود ديما تحكي مع هشام وساعات يداوسو ويقعدو مدة ميحكوش ويولو
هشام : بفف ملقيت مندير نبعث لهذيك المهبولة نصرعها شوي.
دخل للفايس لقاها اون لين.
هشام: يادرا واش راهي دير ؟
بعثلها ..
هشام: اي مهبولتي واش راكي ديري ؟
خلود: ايييه علا سلامتك هذي غيبة ..ناس تقول واش راكي لباس ماشي زادم هكا ديراكت .
هشام: مدام راكي اون لين معناها راكي حية علاه نسقسيك !!!
خلود: بففف لا رومنسية لا والو.قتلك خاطيك خاطيك.
هشام: ااااااه كون تعرفي شحال توحشتك ...توحشتك بزااف .
خلود شوف فالميساج تبسمت بعثتلو.
خلود: يتوحشك الخير
هشام عوج فمو : ونتي ؟!
خلود: وشنو انا ؟؟
هشام: متوحشتينيش ؟؟
خلود تضحك عليه بعثتلو
خلود: نن
هشام : اممممم معليش ...واش راكي ديري ؟
خلود : فالقروب
هشام: واش مالقروب ؟؟ تاعنا ؟؟
خلود: ايه..
دخل هشام للقروب حب يشوف واش راهي دير ...لقاها كومناتت في وحد الستاتي تاع ..
هل عندك شخص يقولك نحبك قبل النوم ؟؟
دخل يشوف واش جاوبت ...لقاها قاتلو نن..
هشام: اهيه .
لقا واحد حلاب يجابوها ...وقاللها نحبك..
قلق رجع يغلي خاطر هي بدات تضحك
هشام: د** **** وفرحانة بعمرها ..
دار كابتير وبعثولها .
هشام : ر*** واش هذا ؟؟
خلود شافتو : ومنبعد؟؟ ونتا علاه تقلقت ؟؟
هشام: لالا راني فرحان درك نوض نشطح..
خلود عارفة روحها قلقاتو: صح اشطح وابعثلي فيديو نشوف
هشام ولا يغلي راح يطرطق: تتقعدي ب*** قولي ؟!!
كي حابة يقولولك علاه مقلتيليش نقولهالك.؟؟
خلود طرطقت بالضحك سمعتها ابتسام..جات ليها .
ابتسام: واش راهو يقولك ؟!
خلود : يخرط عليا ...هدرت معاه زوج كلمات امن روحو يحكم فيا..
حطت تليفون يتشارجا وراحت تغسل الماعن.
ابتسام: مجاوبيهش ؟؟
خلود : نن خطيني منو..
خرجت خلود..وابتسام فتحاتو وراحت جاوباتو.
ابتسام : وعلاه حتى نقولك ؟؟ نورمالمو تعرفها وحدك.
هشام: ياك تفاهمنا نديرلك كيف الكرو مي تقوليلي.
ابتسام: هههههه عمرك مدير كيفهم غير خطيك.
هشام: شو في ماليوم منحبكش تهدري مع حتى واحد فالقروب ...معايا انا وبس.
ابتسام بينها وبين روحها : السيد امن روحو ..درك نبهدلو .
ابتسام: شوف متحكمش فيا ندير واش نحب.
هشام : نتي خلود ؟؟
ابتسام مخلوعة فيه : وي امالا شكون !؟؟علاه تسقسي فيا ؟؟
هشام: والو مانيش عارف بنتيلي مش هدرتك.
ابتسام: ربي يهديك الجنون امالا .
هشام: المرة اللخرى علمن داوسنا ؟!
ابتسام ساكتة معرفتش واش جابو
هشام : وينك ؟
ابتسام حطت التليفون معرفتش جاوبو
هشام: قتلك ماشي خلود شكون نتي ختها ؟
ابتسام مخلوعة فيه كيفاه عرفها : وي ختها هي راهي تغسل فالماعن
هشام: قوليلي خلود شابة؟! اوصفيهالي.
ابتسام : ههههههههههه
هشام: والله حاب نعرف كيفاه مدايرة.
ابتسام: خويا ننصحك اخطيك منها شوف وحدة وكون اون كوبل معااها ..حنا خاطينا نحبو نتمهبلو فالفايس برك.
هشام: متزيديليش ...واش ندير لروحي لي والفتها ؟!
ابتسام: هههههه نتا حبيت
هشام: اوك اوك سيبريمي واش قتلك.
ابتسام: علاه ؟؟
هشام: مانيش حابها تعرف بلي والفتها ..ومانيش حابها تبعد عليا.
ابتسام : وكون نقولك بلي انا خلود وين علابالك ؟؟
هشام: ننن والله ماهي ...نعرفها ونعرف هدرتها متتلفليش ...سيبريمي وخليها على ربي
↚
الحلقة 07
سيبريمات ابتسام الميساج لي بعثتهم وحطاتو يتشارجا ...راحت عند خلود لقاتها تغسل فالماعن. بقات شوف فيها ...خاطر حاسة بلي هشام تعلق بيها وممكن خلود تحبو وممكن متحبوش غاضها هشام
ابتسام: خلود غير خطيك هشام ..متزيديش تبعثيلو.
خلود مستغربة : ههه علاه ؟؟؟
ابتسام : تخافي توالفيه ولا يوالفك والله ماهو مليح .
خلود : منوالفو مايوالفني درك نرجعو نقراو ونبلوكيلو لي ميساج ..وكل واحد في حالو
ابتسام : وكون هو يتعلق بيك ويوالفك وعلاه مسكين تحرقيه
خلود : ابتساام بعدااا يتعلق بيا ونحرقو فالفايس .واش هذي الهدرة بصح امنتي كاين حب فالفايس ؟!!
ابتسام: والله كاين لي يوالف سيرتو الرجال يوالف قصرتك ديما معاه يولي ميصبرش عليك والله يهبل كي تخليه تخليلو الفيد .
خلود: متخافيش متصراش بسومتي...نجوزو وقت وهو علابالو ميلومنيش فلخر ..
راحت خلود لبيتها وابتسام تخمم في هدرة هشام كي قاللها متقوليلهاش باش متبعدش عليه خاطر والفها بلا مافيق.
فتحت خلود الفايس تقرا الكرونيك هو كان يستنا فيها تدخل ...بعثلها
هشام: واش وين رحتي !؟
خلود : كنت نغسل فالماعن ورجعت
هشام: اممم متكونيش كسرتيهم برك.
خلود: هههههه كسرت ومنبعد ياك ماشي دراهمك
هشام في قلبو فرحان وهو يهدر معاها ويتبسم وحدو ..ماهوش عارف علاه ...ويحب يهبلها
هشام: كون دراهمي تخلصيهم.
خلود: هههههه معنديش 😢 منغيضكش.
هشام تنهد : تغضيني
خلود : ايا حق مانغيضك خليني نقرا كرونيك..
هشام : وانا واش نقعد ندير ؟؟؟
خلود : ههه واش راحلي فيك دير لي تحب علاه موالف بيا !!!!
هشام : خلي انا نبعثلك هنا واقراي .
خلود: نن لقيت كرو شابة راح نقراها.
هشام تقلق : واش تقراي ..واحد كان يحب وحدة وهي تحبو ويقوللها نحبك ونموت عليك وهي ثان تحبو وتزوجو...
خلود : هههههه ايه نقراهم
هشام: انا نقولهملك..
خلود : والله قول شوف ؟!!
هشام : نحبك ونموت عليك ياجدك افهمي. .
هشام حاس روحو هدرها من قلبو مي خلود غلبها الضحك.
خلود : هههههه راك رومنسي
هشام: اممم
خلود: هيا نقرا الكرو ونرجع
هشام: طاقيني نقرا معاك.
خلود : اوك.
طاقاتو تقرا وهو يقرا شوي ويبعثلها هبلها مخلاهاش تقرا
خلود : اووف مجيت نكملها صرعتني .
هشام : روحي ترقدي درك بلاكي نلقاك اون لين
خلود: اصلا التليفون راح يطفا اليوم ماشي دالتي تاع لابريز
هشام تبسم : تصبحي بخير.
خلود : ونتا بخير .
هشام: اصبري نقولك حاجة
خلود: وي ؟؟
هشام : باش متزيديش تقولي مكاش لي يقولهالي ..
بعثلها فوطو فيها نحبك...
وديكوناكتا..
رما تليفونو وحط راسو تنهد با يرقد..
خلود شافتها : امممم شابة الفوطو ..المصفار عند و فوطوات شابين غدوة نقولو يبعثلي ..
حطت راسها ورقدت مهنبة مي هشام باقي يتقلب ويعاود يقرا واش كانو يحكو ويتبسم وحدو
الحلقة 08
غدوة منذاك مور الضهر يامات ااصيف ااسخانة تقتل.
ابتسام: بففف ديقوتاج يقتل. .ناس تحوس وتبحر وحنا مالغمة منخرجوش
خلود : واش تحبي هذا قانون الاسرة تقعدي فالدار.
ابتسام : نهبط عند صحبتي عفاف ...نجوز شوية وقت .
خلود : اوك.
راحت ابتسام عند يماها
ابتسام : ماما ضاق خاطري معليش نروح عند عفاف!!!
صفية: راهي السخانة متلقايش حتى واحد برا ..خلي العشية و روحي .
ابتسام: ماما ياك غير هنا بلخف نوصل وزيد قلتلها نروح خير.
صفية: ايه روحي وكي توصلي عيطيلي.
ابتسام: اوك.
لبست ابتسام حجابها وخرجت رايحة عند عفاف ..مهبطة راسها وتمشي .
.
نرجعو لخلود لي دايرة كيتمان وتشطح في البيت..
شافتها صفية : السخانة هذي ونتي تشطحي ؟؟ اعطيني قلبك
خلود: معليش ماما راني نوجد للعرس ..
..
شطحت خلود بردت قلبها وقعدت تكونيكتي.
بعثلها هشام لي ثم وين كمل خدمتو..
خلود: بففف درك هاذا ميخطينيش يخليني نقرا ...يظل يبعثلي ..
محبتش جاوبو بقات تقرا وهو لقاها اون لين ومحبتش جاوبوو..
راح بلوكاها مالقروب خاطر هي تقرا اغلبية غير مالقروب هذاك...
خلود تخلعت: اااه؟!! وينها الكرو واش صرا ؟؟
وهذا لاه راه يبعث ..درك نسقسيه .
خلود: وي هشام
هشام : واش كنتي ديري بعثتلك قبيل .
خلود: نقرا فالكرو حتى تبلوكا كلش القروب تاعكم ملقيتوش ..
هشام: شحلك.
خلود: بفففف تستشفا ايه شوفلي البروبلام وين
هشام: انا بلوكيتك
خلود مخلوعة : علاه ؟؟
هشام: كون مبلوكيتش مجيش .
خلود: يعني هذي السماطة علاه بسيف نهدر معاك ؟؟ مانيش حابة نهدر تسالني نقرا الكرونيك..
هشام قلق حس استحقار في هدرتها
هشام: ياك تفاهمنا لعبة العشاق.
خلود: خلاص منلعبش كثرت على ماوصاوك.
هشام: تحبسي كي نحب انا ...وانا مزلت حاب نلعب .
خلود : ايه هاني جيتك واش حاب ؟؟
هشام : 💔
خلود : شبيك ؟!
هشام: توحشتك مهبولتي .
خلود: يتوحشك الخير والخمير وافطير خلاص درك نحيلي اابلوكاج..
هشام: نن
خلود: وكيفاه نقرا ؟؟
هشام: انا نبعثلك.
خلود : هشام خليني نقرا .
هشام: لي تحبيها نبعثهالك ..اخرجي من ر** لي قروب ...
خلود : علاه ؟!.
هشام: ق*** معمر بالحلابين .
خلود : ايه يالسي الغيور ...ابعثلي نقرا.
هشام: نحطلك في البروفيل تاعي واقراي ..البروفيل هذا تاعك ديري فيه واش تحبي .
خلود ضحكت : امممم صح ؟؟
هشام :ايه ..نحيت كامل لبنات في جالك..هاوليك وحدك.
خلود: هههههه عندك بزااالف بنات امي ولي فانز نحيتهم كامل ؟؟
هشام : ايه ..ايه درك نبعثلك واقراي .
خلود تبسمت: اوك هيا ..
خلود : هشام
هشام: روحو
خلود: ابعثلي فوطوات لي عندك .
هشام : نبعثلك..
بعثلها بزااف فطوات.
خلود: واااع 😍😍😍 يهبلو .
هشام يضحك : عجبوك؟؟
خلود : ايه يهبلو ..شوف دير هذي فوطو دو بروفيل
هشام: نحي الفوطو تاعي؟!
خلود تضحك عليه : ايه بدلها نغير عليك 😜
هشام قلبو طار مالفرحة: نبدلها لي تحبيها نديرهالك.
خلود بعثتلو فوطو دارها .
هشام : ريحتي درك غيورة
خلود: اممم ابعثلي الكرو
هشام : اوك ..درك نبعثلك
الحلقة 09
بعدها بايام وخلود ديما تحكي مع هشام وهو كيفها.
هشام : خلود حاب نطلب منك حاجة .
خلود : واش هي !
هشام: حاب نسمع صوتك .
خلود: علاه تحوس تسمع صوتي ؟
هشام: هكاك علاه وين المشكل ؟
خلود: هشام مانيش حابة العلاقة هذي تزيد على حدها
هشام: قتلك صوتك برك واش قتلك انا ؟
خلود : ايه ومنبعد تولي حاجة وحدوخرا...قلنا جيست قصرة برك كوم دي زامي ماشي صوتك ومنعرف واش !!
هشام قلق : قتلك صوتك هالرب وليتي تخلطي تقول منعرف واش قتلك.
خلود : وانا قتلك نن وانا حرة تسالني درك ؟؟؟!
هشام: روحي **** **** درك مليح هاك.
خلود : معليش طيحلي كي قتلك منبعثش صوتي ابقا على خير وبلاك تزيد تبعثلي .
هشام: ن** *** ون*** **** ***** والساعة لي عرفتك فيها .
خلود بلوكات ليميساج وحطت تليفون يتشارجا
خلود : خي سامط رهج كي داير منعرف واش حاسب روحو
ابتسام كانت تكونيكتي قدامها شافت فيها : واش قالك؟؟
خلود : قالي بعثيلي صوتك فالميسنجر ...كي محبيتش قتلو مكلاه الدسارة هذي خلينا هاك خير محبش وطيحلي
ابتسام : هههههه مسكين كنتي تبعثيلو
خلود : منبعثلو منولفو منحصل بيه
ابتسام: بلاك عجبتيه ؟
خلود: ابتسام خطيك مالحب والخرطي تاع الفايس ...قالو عجبتو..
ابتسام تنهدت: ودرك متزيديش تهدري معاه ؟
خلود : نن خطيني منو نوجد روحي للعرس متروحيش ؟
ابتسام: نروح خسارة عليك
غمزتها وتضحك
خلود لبست وجدت روحها وابتسام كيفها .
خلود : نروح كاشما نصيد عجوزة ولا عريس برا متدري .
ابتسام: هههههه هذيك بكري عجوزة درك الراجل تمشي معاه بزااف وياربي
خلود : علاه مزالو كاينين زواج تقليدي وكون غير نتزوج تقليدي منحبش الحب ..الحب يوجع بزااف
ابتسام غمضت عينيها : اممم امنيتي نعيش قصة حب ...ويكون يحبني يموت عليا ويغرقني بالكادوات ويغير عليا 😍اااااع قلبي الصغير لا يتحمل
خلود : هههههه احلمي يا بنت ولد بلادي عمريلو كرشو البسي واضربي الحطة وكيما يقولك خوذيلو الراي وساعة ساعة هبليه...حنا نتزوجو ونجيبو ذراري ومع الوقت والعشرة يجي الحب
ابتسام: بففف تقول عجوزة ...انا منحبش هكاك .
خلود : شوفيني راني شابة ؟؟
ابتسام: تهبلي .
خلود : امشي ماما راهي تستنى بغمزة نطيح خمسة..
خرجت خلود وابتسام تظحك عليها
↚
الحلقة 10
لحقت ابتسام وخلود للعرس ثم جيران ويماهم معاهم.
دخلو للعرس نحاو حجاباتهم وقعدو ...
لي يشوفهم يقول لصفية الله يبارك بناتك كبرو راكي قريب ديري النسيب .
صفية : نشالله نشالله
...كاشما خطبوهم ولا مكاش!؟
صفية : راهم يقراو يكملو قرايتهم منبعد ساهل.
..ايه صح ربي ينجحهم.
صفية: نشالله عيشك.
راحت المرا وخلود شافت في ابتسام ..
خلود : ماما طيرتلنا العرسان 😭
ابتسام : انا نكمل نقرا ونتزوج بواحد نحبو ويحبني 😍
خلود : ماما علاه طيريلي فالعرسان ...قوليلهم نتزوج ومع الخطوبة ساهل نكمل قرايتي ..خلي البهلولة تاع ابتسام تقعد تستنا في كاش مصفار هههههه
صفية : ايه كي يكون يوالم ديجا هذي حميدة بناتها قباح خطينا منها.
خلود : وييي يما عندك الحق نستعرف بيك صفية ..
جات غنية ناضو يشطحو في زوج
...
يالحمام الغالي جاو ليك لبنات
يادرا من كتبا ولا من زهر
واه ماما ....واه الا لا
بويا يابويا معندي زهر
يااشيخ الطلبة بركاك من منامات
كل يوم تفسر وجيبلي خبر
واش من صبر بقا
من ذي الحرقا
يا عذاب اافرقا وعذاب البحر
..
يشطحو ويغنو ويصفقو ..
شافوهم ثم عرفوهم خيات خاطر يتشابهو و شنو شعرهم ولبستهم مش كيف كيف.
جات وحدة لمرا تسقسي في صفية ...
حكات معاها على وحدة من بناتها وصفية تبسمت.
صفية : خلي كي نروح للدار ونحكو ونرجعلك الخبر..
خلاص العرس بردو قلبهم تعشاو ورجعو للدار ..
..
قاعدين في بيتهم جات صفية عندهم..
صفية : مزلتو مع الفايزبوك نهار كامل ونتوما مع هذاك التليفون
خلود: الفيد يا ما ما الفيد.
صفية: قبيل جاتني فلانة تخطب .
خلود نكزت من بلاصتها .
خلود: صح ...عجبتها شفتي ابتسام قتلك...
واش قلتيلها ماما ؟؟؟
صفية: بوه عليك ماشي ليك لابتسام ..
خلود عوجت فمها ...و ابتسام بقات شوف مستغربة
صفية: انا قلتلها مزالت تقرا قاتلي نستناوها عادي.
ابتسام هبطت عينيها هي ماهيش حابة زواج تقليدي
ابتسام : واش قلتيلها ؟؟
صفية: قلتلها حتى نسقسيها...والله ناس ملاح وعندهم في يدهم كاين تاويل ووليدها لباس عليه تعيش لباس
ابتسام: نن نكمل قرايتي.
صفية: ياك يخليك تكملي.
ابتسام: يتمسخرو من بعد يدور عليا نولي في مشكل نن ق وليلها مكانش مكتوب.
صفية : دبري راسك زيدي خمي
خرجت صفية وخلود تعوج في فمها : مزلتي تحوسي على فارس الاحلام كون انا نقبل ديراكت.
ابتسام : حابة نعيش علاقة حب منديش واحد منعرفوش
خلود : ايه دبري راسك
ابتسام : واش هشام مزادش بعثلك ؟
خلود : بلوكيت ليميساج خطيني من جدو انسايه
الحلقة 11
بقات ابتسام تكونيكتي وخلود من جيهة لخرا دور فليقروب ..
هشام نهار كامل يحوس يبعثلها مي مبلوكية ليميساج .. قلق .
هشام: هذي واش بي راستها هذي نهار كامل مدخلتش.
بقا يحوس فاىقروب كاشما يلقاها دور والو..
قلق بقا يقرا فليميساج تاعهم القدم ويتنهد
هشام: مانيش عارف علاه نظل وراك هبلتيني...مكاش وحدة درت عليها هاك...مانيش فاهم واش صرالي ولا واش درتيلي ...والفت نصبح عليك واخر كلمة نقولهالك ليك قبل مانرقد..
حتى وكانت غير قصرة وتمسخير ولعبة مي انا والفت بيك ومانيش حاب تكمل اللعبة...
كيفاه ندير يا ربي درك...اليوم مهدرتش معاها نهار كامل حاس حاجة خاصتني...نوالف نبعثلها نهبلها نتمهبلو مي اليوم كلش سامط كي مكاشها...
يا ربي توحشتها بزااف ..حكيت مع بزاف بنات مي هي نحسها تفهمني ...يا ربي بلا منشتكيلها تحس بيا....حتى هدرتها وهبالها ينسوني في غشي يخلوني نظحك وحدي وحدي عليها. .
توحشتك يا*** وين راكي طلي على مغبونك راهو محروق عليك..
...
خلود كانت تقرا فالكرونيك وهو يتحومر وحدو..
دخلت للقروب تكومنتي عادي..
كومنتات على وحد الكرونيك خرجت عند و خاطر دايرلها ابوني
فرح...راح ليها وين كومنتات..
ريبوندالها : ارواحي.
خلود محبتش جاوبو
زاد ريبوندالها : ر**** قتلك ارواحي.
خلود : منجيش ..قتلك خلاص .
هشام رجعاتو يغلي : قتلك ارواحي متصدعينيش.
خلود قلقت منو سيبريمات الكومنتار ..
وراحت لستاتي وحدوخر كومنتات...تاع لي سيليباتار cc ولي كوبل bb ..
زاد خرجتلو راح ليها لقاها حاطة cc
هشام ريبوندالها : نسيتي واش تفاهمنا؟؟
خلود : منسيتش مي خلاصت اللعبة ...نتا رجعت غير تهدر..
هشام: ارواحي نهدر معاك ماشي هنا قدام الناس
خلود تهبل فيه : 😇 منجيش
هشام رجغ يسب كفر عليها .
هشام : جي ولا نطيرلك الفايس .
خلود : بففففف هاني جاية.
هشام تنهد لازم يهددها باش جيه #rezak_fouad
هشام: هبلتني راسها بيطون لازم نكسرولها
خلود نحات البلوكاج بعثتلو
خلود: وي واش تحتاج.
هشام تبسم : نحتاجك نتي .
خلود : فاش تحتاجني ؟؟
هشام: توحشتك 💔 الفايس سامط بلا بيك...وين كنتي نهار كامل ؟
خلود : كنت فالعرس زهيت بردت قلبي .
هشام : مليح بصختك وانا قاعد نغلي وحدي.
خلود : نتا حبيت.
هشام: نتي قلقتيني. متزيديش تقلقيتي منسبك.
خلود : امممم حقا اليوم جاو الخطابة لختي كنت طامعة يجو ليا مي دوماج
هشام هنا قلق لاقصى درجة استفزاتو حس روحو طحان ..
هشام: نقولك حاجة انا البغل انا الطحان انا الرخيس انا ال**** لي نتبع فيك...روحي تق**** اخطيني ..
وبلوكا ليميساج خلاها مخلوعة فيه
الحلقة 12
خلود حست بالذنب استناتو يرجع مرجعش...تقلقت شافت في ابتسام.
خلود : ابتسام دبري عليا
ابتسام: غير الخير ؟
خلود : رجعت حكيت مع هشام وكي حكيتلو على الخطبة تقلق.وبلوكاني
ابتسام: واش قلتيلو !؟
خلود: قتلو كون غير جاو ليا ...انا نهبل فيه مدريتوش يزعف .
ابتسام: ماشي حق عليك يزعف ويتغشش
خلود : احااي عليا واش داني نهدر معاه حتى يولي هاك يظل يحاسب فيا .
ابتسام: قتلك ديك الخطرة خطيك بلاك يوالفك نتي ماقتنعتيش ...وهاكي شفتي واش صار .
خلود بعيون حزان : زعما يكون والفني صح ؟
ابتسام: هذا قلب ياختي .ونتي ظلي تتمهبلي معاه مشفتك انا ترقدي تضحكي من عينيك وجيبي الفجر ونتوما تهدرو...وغير تنوضي تبعثيلو...السيد والفك خلاص وكون معجباتوش عقليتك مايظلش وراك .
خلود : بفففف حصلة كيفاه ندير معاه درك هذا فايس ماهوش واقع وتعرفيني الحب وجماعتو خاطيني نقرا عليه برك.
ابتسام : والله ماني عارفة ...بصح غاضني مسكين باين والفك...ومام نتي والفتيه..
خلود: والفتو منكذبش ومنحسش للوقت كي نكون معاه ..مي هذا فايس ومافيهش لمان ..ويلزم نلقا حل .
ابتسام: احكي معاه صارحيه وخليه يصارحك وتعيشو قصة حب 😍 يامامي.
خلود : احلمي قصة حب بلا ميشوفني ..وكون يشوفني ومنعجبوش كيفاه.
ابتسام: تعجبيه عله متعجبيهش.
خلود: اوااه لالا نخاف.منعجبوش ونغيضو يبقا معايا من فوق قلبو...نن جامي منتلاقاه موالو ..
ابتسام : واش راح ديري.
خلود: نبلوكيه
ابتسام: واااع علاه مسكين.
خلود: ابتسام هذا فايس برك يلقا غيري يك نجوزو وقت برك...نبلوكيه ميلقانيش ..
ابتسام: وزعما ميعرفكش.
خلود : وين يعرفني !!!
ابتسام : دبري راسك..
خلود تنهدت راحت للفايس تاعو وبلوكاتو...
خلود : سمحلي هشام مي هكا خير ...متعرفني منعرفك..
هشام بقا يدور يغلي منبعد رجع يبعثلها لقاها بلوكاتو كامل ...حوس وحوس على الفايس تاعها ملقاهاش ولا يسب.
هشام: هذي الطفلة راح تهبلني وين نلقا الفايس تاعها درك وهي كاتباتو باالتركية ولا شينوية ..محال نلقاه...
اه ياخلود ومادرتي فيا شيطتيني ..
خلود حطت تليفونها ورقدت وخلاتو بايت يغلي وخدو...درك بلوكاتو ومحال يلقاها
هشام : يلزم نلقاك بصح وين وكيفاه ..اااه يا ربي لعبت وحصلت ...واش داني نترشق حتى عشيت نعشق وينك يامصيبة وينك
↚
الحلقة 13
بقات خلود تكونيكتي وتقرا فالكرونيك...هشام قلب عليها الدنيا مكاش بلوكاتو..خاف تكون بدلت اافايس كامل
منبعد تفكر مدام هو ادمين مام تبلوكيه يبقاو لي كومنتار تعها يشوفهم وهي مشوفوش...
لقا الفايس تاعها في وحد الكرو....
هشام: يا*** الزح بلوكاتني ..
فتح فايس جديد وراح للكرونيك جبد لفايس تاعها بعثلها ميساج .
علاه تبلوكي فيا فهميني واش درت وفاش غلطت ؟؟
خلود شافت الميساج تخلعت..
خلود: ابتسام فتح فايس جديد ولقاني ...وهاو بعثلي
ابتسام : صارحيه وعلاه مسكين تهبلي فيه .
خلود : باش نصارحو.؟؟
ابتسام:: ياتولي اون كوبل معاه ولا قوليلو يخطيك متبقايش تهبلي فيه هاك
خلود : اوك.
فتحتلو الميساج.
خلود : وي شكون ؟
هشام: هشام علاه كنتي تستناي في غيري !؟
خلود : نستنى غيرك ولا منستناش هذاك شغلي .
هشام: شغلك هو شغلك ومنحب حتى واحد يدور جيهتك .
خلود: واش تكون نتا باش تحكم فيا !؟ مليحة هذي !!
هشام: خلود نتي يسموك تاعي افهميها كيما تحبي منحب حتى واحد يدور جيهتك.
خلود تنهدت : هشام ياك قلنا لعبة برك علاه راك دير هاك .
هشام: مقدرتش خلود..والفتك ...متبعديش عليا
خلود: واش الفايدة كي نبقا معاك راح توالفني كثر وتمرض روحك وتمرضني معاك.
هشام: خلود والفتك افهمي كي لقيتك بلوكيتيني قريب هبلت وقريب كسرت التليفون..ابقاي معاك محتاجك.
خلود تنهدت غاضها وحست بالذنب : هشام هاني معاك مي لوقتاش؟؟ هذا فايسبوك ماهوش واقع.
هشام: ابقاي معايا وخلاص.
خلود؛ نن منقدرش وزيد درك نرجع نقرا منبقاش نحكي معاك بلا فايدة.
هشام: خلود اذا حابة نتلاقو نجيك..
خلود : نن ننننووو ااه يا ربي واشبيك كيفاه قدرت تتعلق بطفلة فالفايس بلا مشوفها مانيش قادرة نامن حاساتك تكذب.
هشام: وعلاه انا فارغ شغل ولا مكاش لبنات باش نبقا وراك كي المهبول من فايس لفايس .!!!
خلود : وكون انا راجل 😑 واش يثبتلك بلي انا طفلة ؟؟
هشام: باينة عندك انوثة تقتل ...انوثتك مقدرتش نقاومها ...علابالك بلي الطفلة كلما تكون انثى بزااف كلما الراجل يتعلق بيها خاطر يحس برجولتو معاها.
خلود عضت شفتها وتبسمت
تنهدت قلبها يضرب حاساتو متعلق بيها بزااف مي محبتش تكون ضعيفة
خلود: انا منامنش بالحب تاع الفايس .. منكذبش عليك ...شوف غيري جوز بيها الوقت..
وبلوكاتو..ورمات التليفون قلبها ظرها مي هي ماهيش مقتنعة بالحب تتع الفايس وحست بالضغط من جيهتوو..
ابتسام : واش صار ؟
خلود : زدت بلوكيتو قتلو منامنش بالحب تاع الفايس يروح يشوف غيري يجوز بيها الوقت.
ابتسام : اممم دبري راسك..
هشام شافها بلوكاتو ولا يسب ويكفر...
جازو يامات خلود تحاول تنساه لهشام ساعات تتوحشو تقرا لي ميساج تبدا تظحك وحدها وتتبسم..
خمت شحال من مرة تبعثلو وتتراجع..
هشام ادمين يشوفها وين تكومنتي وتقرا وتهدر مع رجال فااقروب وتضحك..
قلق العصب ركبو ..كيفاه انا بلوكاتني وتحكي مع غيري والله ياخلود نلعب ولا نحرم...بعث لصاحبو هاكر قالو طيرلها ق*** الفايس خلي ننسا ر****
الحلقة 14
خلود جات تدخل تكونيكتي مقدرتش ..
خلود : ابتسام بففف سينيالاوني شكون سينيلاني علاه هاك 😭😭
ابتسام: بلاك كاش واحد قلقتيه
خلود : شكون هذا لي قلقتو.
ابتسام: هشام شكون غير و متنسايش هو ادمن ويلقاك تهدري مع غيرو..وهو بلوكيتيه.
خلود : ابتسام والله حصلت معرفتش واش ندير ساعات نقول نرجع نحكي معاه توحشت هبالو مي نخمم نقول مكانش فايدة.
ابتسام: علاه مكانش فايدة ...هذي دنيا مكاتيب تبعيه وشوفي وين توصلي ..
خلود بقات تخمم في هدرة ختها .حبت تعطيه فرصة وشوف وين حاب يوصل .خاطر شافتو تعلق بيها لدرجة يغير عليها كي تحكي مع غيرو حتى طيرلي الفايس ..
خمت وتبسمت
خلود: نفتح فايس جديد ونرسلو ونشوف وين حاب يوصل ولي صار يصير.
فتحت فايس جديد...رجعتها ختها للقروب ...حوست عليه وعلى الستاتيات تاوعو باش تبعثلوو..
لقاتو حاط قصة جديدة...وكاتب قصة حقيقية من ابداع صديقي #رزقو اسمها #احببتك_دون_ان_اراك .
لقاتو حاط حلقات الاولى..
بقات تقرا ...لقاتو حاط قصتها وهو..كامل واش صرا معاهم وكيفاه بلوكاتو وهبلاتو...
يعني هو بعث لرزقو الحكاية وهو حطها بطريقتو ...عبر على كامل واش حاس.
حبس فالحلقة كيما راهم حابسين هو سينياللها الفايس..
بقاو يقولولو كمل كمل ..
هشام: منقدرش نكمل راني نستنا فيها ترجع ليا...اذا رجعت نكمللكم واذا مرجعتش هنا تحبس ..
بقاو لبنات يضحكو ويقولو ارجعيلو ياخلود هبلتي السيد حتى كتب عليك كرونيك..
ابتسام شافتها وخلود ثان..
خلود بقات تقرا ودموعها نازلين بلا مافاقت ...
جات ليها ابتسام : شفتي المهبول تاعك واش دار عليك...اعطيلو فرصة خليه يتعرف عليك وشوفي.
خلود : خايفة ابتسام .
ابتسام: وعلاه تخافي هاو باين يحبك.
خلود : والله دوخني ودخلني في حيط..
ابتسام : احمدي ربي لقيتي واحد يحبك هاك.
خلود بقات شوف فالفايس تاعو وفالفوطوات تاوعو تنهدت.
خلود : راني خايفة نكمل معاك ومنعجبكش اااه يا ربي والله نهبل ...خايفة نوالفك ونتحرم منك.
بعثتلو ميساج تكتب وتبكي
خلود : هشام انا خلود..انا ماشي شابة منشبه لوالو .
مافيا مايعجب شوفني تهرب راك تعيي في روحك.
بقات تستنا فيه يجاوبها..ويقولها خلاص املا كل واحد في حالو.
بعثلها : ياااو نحبك افهمي نحبك...
خلود : شوفني تندم .
هشام : يااريت نشوفك ولو مرة وحدة معليش نندم..خليني نشوف لي مهبلتني ومجرحرتني ليالي كيفاه دايرة.
خلود : سامط نتا درك كيفاه نفهمك خايفة شوفني ومندخلش خاطرك..
هشام : عجبتني العقلية وانوثتك وكيفاه تحسي بيا وتفهميني ونرتاح كي نكون معاك....هذا يكفيني .
خلود ؛ عندي شرط...لما شوفني منعجبكش قولي .
هشام يضحك عليها : ههههخخخ ايه كشرودة.
خلود : والله ماني نتمسخر قول والله تصارحني.
هشام: والله العظيم نصارحك خليني نشوفك ونصارحك بواش في قلبي .
خلود تبسمت وقلبها طاير مالفرحة: خلاص درك شوف واش بعثتلك..
بعثتلو صوتها ..
خلود: هشام مانيش عارفة لا هبلتك ولا هبلتني ...ابعثلي لافوا تاعك.
هشام قراها تبسم.
بعثلها وهو يغني : نتي عشقك صعيب وانا زادم فيه جااامي ..جامي لا نسمح فيك ونتي باغي نديك ههههخ هبلنا لزوج خلوود نحبك وبزااف ڨااع كون شو في واش راكي دايرة فيا...راكي ضاربتلي في خاطري حتى متامنيش عقلك..
خلود تسمع وتضحك وتبكي في نفس الوقت..
خلود : هيا غدوة نحكو .
هشام : اهااا حتى غدوة
خلود: بزاااف عليا اليوم باااي
هشام : نشالله
الحلقة 15
جازو يامات وخلود تحكي مع هشام ديما ورجعو يحكو تليفون فاليل مي فالنهار يهدرو فالفايس ...يخافو يفيقلهم دارهم لخلود.
مبقاش على العطلة تع الصيف وتخلاص...
خلود : واش وين راك ؟
هشام: راني فالتران راجع للدار كانو عندي شوية شغالات
خلود: السخانة برا ..
هشام: تقتل ...مزية التران كليماتيزي .
خلود : واش راك تسمع علابالي مداير كيتمان على العام.
هشام: هههههه مانيش نسمع والله ..مي حاب نسمع صوتك.
خلود : ههه حتى اليل منقدرش درك.
هشام : حاب تغنيلي
خلود: 😱
هشام: شبيك 😑
خلود: صوتي ماشي شباب .
هشام:هههههه مهبولة خلي انا نمدلك رايي فيه.
خلود : ههه ايا اوك.
هشام: كاين زوج بنات راهم مقابليني يضحكو عليا هههخخ
خلود: باين شافوك غاطس راسك فالتليفون وتضحك وحدك هههههه
هشام: شفتي واش درتيلي غير التبهدايل
خلود: هههههه نورمال .
هشام : وليت كي المهبول لي يشوفني يقولي راك تعشق
خلود : امممممم هههههه راهي تعيطلي ماما ممبعد.
هشام : علابالي تكذبي ...ابقاي تكذبي حتى نطيحك...روحي من بعد.
خلود :😜
....
ديكونيكتا هشام وبقا يشوف وحد الطفلة واقفة ولابسة فيزو وطالقة شعرها والبارفان تاعها داير حالة..
وشاف وحد الراجل مناحاش عينو منها وهي تحكي فالتليفون
الراجل هذاك جارهم لهشام ومرتو مريضة وعندو بنتو صغيرة ديما يلقاها هشام يلعب معاها برا تقولو ماما مريضة ..هشام تغيضو ساعات يشريلها حاجات يمدلهملها.
هشام يشوف فالراجل هذاك تنهد من قلبو وهبط عينيه وساعة ساعة يشوف فيها.
هشام دور وجهو واستغفر : لا حول ولا قوة الا بالله...
نزل هشام والراجل هذاك...
...
لعشية كامل خرج هشام للحومة ىقاها قاعدة وتبكي.
هشام : شبيك فريال علاه راكي تبكي ؟
فريال : ب...بابا
هشام : شبيه ضربك ؟؟
فريال : لالا دوس مع ماما وسبها وهي مسكينة مريضة وبقا غير يعيط ويزڨي معاها
هشام تنهد : واش قاللها !؟
فريال : بزااف قاللها بزااف ويعيط مسكينة ولات تبكي وانا نبكي ...هي مسكينة مريضة علاه يعيط عليها .
هشام: موالف باباك يعيط على ماماك !؟
فريال : آآه ...جامي ...اليوم مسكينة خلاها تبكي وخرج...علاه دارلها هكاك منحبوش بابا نكرهو .
هشام تنهد : متقوليش هاك علا باباك نزعف عليك...هيا هاكي دراهم اشري مالحانوت وامسحي عينيك
فريال فرحت ببراءة : ياااي صحيت عمو هشام..
وراحت تجري لاحانوت وهشام بقا يشوف فيها تنهد وكمل طريقو
↚
الحلقة 16
لحق وقت يدخلو يقراو ..
خلود : غدوة نرجعو نقراو..نهبط انا وابتسام لافاك.
هشام : اممممم حاب نشوفك.
خلود : والله منعرف خايفة.
هشام : من واش خايفة؟؟
خلود: منك.
هشام : هههههه علاه تخافي مني ؟؟!!
خلود : وانا وين علابالي نتوما الرجال متاتمنوش ...وانا العلاقات هذو خاطيني والله ماني عارفة كيفاه حتى وليت نحكي معاك.
هشام : هذا الحب لي كنتي حابة تعيشيه .
خلود : امممم كاين فرق كبير بين تعيشو فااقصة وبين تعيشو صح .
هشام : وشنو كاين فرق فالحب تاعنا في دزاير والحب تاع الترك وتتع القصص
خلود : صح والله صح....فرق كبير.
هشام : واش قلتي غدوة نتلاقاو !؟
خلود : اه ياربي حصلت...خليني نخمم.
هشام : واش تخمي راح ناكلك انا ؟؟؟
خلود : مانيش عارفة ...
هشام : غدوة نجي لافاك تاعكم ...كي نلحق نعيطلك نستناك ونورمالمو نتي تعرفيني .
خلود تنهدت: خلاص ...اوك..مي بعيدة الطريق شوية.
هشام: ياودي واش لي بعيد جاي نشوف حبيبتي كون تكوني في طرف الدنيا نجي نشوفك...
خلود : اوك امالا غدوة نتلاقاو وتصارحني .
هشام : هههههه اوك نصارحك..
خلود : هشام مراكش تتمسخر بيا ياك
هشام : راح تهبليني يار*** ....خلي غدوة نشالله نتلاقاو ونحكو .
خلود : نشالله .
....
غدوة منذاك خلود الصبح لبست ووجدت روحها هي وابتسام ..
ابتسام : راح تتلاقاو 😍
خلود : راني خايفة...ابتسام زعما ميكونش يتمسخر بيا
ابتسام : مهبولة باين يحبك كون انا منخممش كامل ...اروع حاجة فالدنيا هي الحب .
خلود تنهدت : خلاص اوك..زعما نعجبو هاك؟؟؟
ابتسام : كون غيري درتي شوية كحل وفوندوتا.
خلود : مندير والو يشوفني على طبيعتي وكيما موالفة نلبس نعجبو ولا معجبتوش يروح يرنك..نقصان .بففف دارلي مرض الاعصاب
ابتسام تضحك عليها : هههههه امشي نروحو
الحلقة 17
لحقت خلود لافاك تلاقاو مع حباباتهم لي ثم حكاو وضحكو..
خلود عقلها عند هشام اذا يجي ولا ميجيش ..
لحق وقت الفطور خلود وابتسام قاعدين يفطرو.
خلود : طول زعما ميجيش 😢
ابتسام ؛ عيطيلو .
خلود : خايفة نعيطلو ويضحك عليا ويقولي منجيش نتي بهلولة نجي ليك من طرف الدنيا
ابتسام : نورمال فالتران يلحق
خلود : مي بلاك مراحش يجي وراهو يتمسخر بيا
ابتسام : وعلاه نتي جيتي علا جالو ..جيتي لافاك هو اذا جا مرحبا واذا مجاش ربي يسهل .
خلود : صح بصح حبيت نهبط للدار السخانة تقتل .
ابتسام : نزيدو شوية ونهبطو ..تغميت من قعدة الدار .
خلود : اوك.
بقاو يستناو هو معيطيش
هشام قاعد فالتران ويخمم : خايف نعيطلها وتقولي رحت يالزح حرڨة ..مانيش حاب نعيط وتبقا تتمسخر بيا...خلي نلحق ونعيط على جيه..
مانيش حاب يصرالي كيما حاتم صاحبي شقاتو من طرف الدنيا وفلخر شافتو وهربت ..
...
خلود : طول الزمر راهي الزوج ..امشي نروحو للدار .
ابتسام تنهدت : عيطيلو شبيك موسوسة هاك؟!!
خلود : منعيطيش تعرفيني كون نلقاه يتمسخر نقتلو .
ابتسام : حي عليا حتى هو معيطش.
خلود : شفتي كون عيط ...مي شكيت راهو يلعب .امشي ديجا استنيت بزااف..
هبطت ابتسام وخلود للڨار باش يطلعو فالتران ..
خلود تمشي ومقلقة يعني علاه قاللها نجو وممبعد تمسخر بيها ..
ابتسام : والله دوختوني خساارة كنت حابة نشوفكم مع بعض راطييت قصة حب بدات بلعبة فالفايس
خلود : سكتينا سخانة ربي والقلق الزمر الزبل .
خلود وابتسام لحقو للڨاار رايحين للدار ..
خلود شوف فالجيهة لخرا تران غير كيما قلع ..
بقات شوف ودقق..
حبست فالدرج
ابتسام : امشي خلود وش بيك؟!
خلود واقفة شوف فيه واقف مع طفلة لابسة فيزو وشعرها طويل هو بلحمو وشحكمو هشام. ..وواقف يهدر معاها وهي تتعوج.
لحق التران .
جبدتها ابتسام : شبيك خلود..
خلود هبطت تجري دخلو للتران..
قعدت ودموع في عينيها ..ابتسام مفهمتش واش بيها .
ابتسام : واش كاين خلود واش شفتي
خلود: شفتو واقف مع وحد الحمارة ...وقاعد يحكي ويتبهلل وهي تعوج في روحها كي اللفعى ..وانا الحمارة البهلولة قاعدة نستنا فيه وهو لاقي غرضو
انا جايحة وجاااايحة لي نامن فالفايس بصح والله منزيد نهدر مع خليقتو .
ابتسام : جا وشفتيه ..مسكين شقا لعندك وهربتي.
خلود : يالالة راهو ينوم بيا لقا زلة يجوز بيها الوقت
الحلقة 18
راحت خلود للدار ومن داخل تغلي حاساتو غير يتمسخر ..وهي امناتو وجيست لقا وحدة زلة بقا يحكي معاها ..
لحقت للدار دخلت لبيتهم هي وابتسام وقعدت تبكي وبااشهقة بقات صورتو مع هذيك الطفلة بين عينيها ..يعني هي بقات شحال وهي تستنى فيه ومحموقة باش شوفو ويشوفها...فلخر لقا وحدة شابة زلة نسا روحو ونسا خلود وقاعد يحكي معاها ..
ابتسام بقات شوف فيها تبكي وبااشهقة تنهدت قعدت شوف فيها حارت واش تقوللها
ابتسام: بلاك فهمتيه غلاط.
خلود : نن منحتاجوش معلاباليش بيه
ابتسام: مزال معيطلكش ؟
خلود : طفيت التليفون منحتاجوش ميزيدش يعيطلي يروح يخطيني كرهتو..
...
نرجعو لهشام .
هشام كي نزل مالتران ..شاف الطفلة لي تلاقاها ديك الخطرة فالتران وقعد جارهم يشوف معاها .
هشام : يعني هذي ممكن تقرا هنا .
تفكر فريال وكامل واش قاتلو وواش صار مع يماها وباباها .
قلق زير على يديه مالغش ...حلف يجيب حق فريال .
هبط مالتران وهي تمشي بلعقل وتتمايل ...لحق عندها قطعلها الطريق وتبسم.
هشام : بونصواغ ..سافا !؟
صونيا : كوا ؟؟
هشام : معليش نحكي معاك.
صونيا مشات وخلاتو.....زاد لحقها .
هشام : دقيقة من وقتك .
صونيا حبست وعوجت فمها : وي تفظل .
هشام : خليني نكمل هدرتي كامل اوك !!
صونيا : داكوغ .
هشام : علاه متستريش روحك ؟؟
صونيا حلت فمها مخلوعة: نعم ؟؟؟ واش دخلك فيا ؟!
هشام : راني نحكي معاك بلعقل وراكي كيما ختي...علابالك هكا راكي دايرة فتنة والرجال لي جوزي عليهم مينحوش عينيهم منك
صونيا : مش مشكلتي ..انا حرة نلبس واش نحب ..هذي حرية شخصية نورمالمو كون جا مربي ميشوفش في بنات الناس .
هشام : صحا نهدرو شوي ونفهمو بزاف .. ربي امرك بالحجاب ..عارف واش يحس الراجل كي يشوفك ونتي متبرجة...الرجل عند و غريزة تاعو اقوى من تاع المراة باربع مرات . محال يقاوم غير اذا كانو ايمانو قاوي .حرام عليك ديري الفتنة..
صونيا : هذا شغلي وحريتي نلبس واش نحب فهمت !!
ومشات كملت طريقها وتتعوج.
هشام قلق تفكر دموع فريال وهي تقولو نكرهو بابا نكرهو...
مشا وشدها من يدها بغش ودورلها ليها حتى عيطت .
صونيا: اطلقني وشبيك ؟؟ علاه تجبد فيا هبلت ؟!!!
ناس تتفرج وهو عينيه مالغش رجعو حمر.
هشام : شو في يا بنت الناس راني ولد فاميليا وفهمتك بلعقل محبيتيش تفهمي ..
البسي امشي عريانة ميهمنيش فيك...انا وحدة كيفك شعرة متحركهاش فيا ..خاطر نتي والسلعة المتوشية كيف كيف...وهدرت معاك ماشي علا جالي انا مي على جال طفلة صغيرة بكيتيها وقهرتيها.
صونيا مخلوعة: انا بكيت طفلة ؟؟ شكون هذي واش راك تهدر ؟؟
هشام : ايه شافك باباها وهو مرتو صابها ربي مريضة وهو صابر عليها ..وكي شافك السيد مقدرش الله غالب غواتو غريزتو وحس بلي هو معندوش مرا في دارو ..وراح ليها سبها وعايرها وهي مريضة ربي بلاها..
رجع ميشوفش فيها الشيطان عماه ونتي هي الشيطان ..مرتو مريضة بكاها وهي في حالة
الطفلة بنتو خافت وبكات ونقهرت..
تعرفي واش قاتلي ....قاتلي نكرهووووو بابا ..
رجعتي طفلة تكره باباها بسبتك وبسبة لي كيفك..
حرام عليك ظيعي طفلة صغيرة...حراام عليك حسبي الله ونعم الوكيل فيك..وكون كشما يصير للطفلة منسامحكش طول حياتي
تفووو عليك وعلى لي كيفك. ..
ومشا وخلاها واقفة مخلوعة والدموع في عينيها والناس كامل تتفرج..
هبطت راسها وراحت تجري
↚
الحلقة 19
مشا هشام شوية طلع خرج من لاڨار تنهد.
هشام : درك نعيطلها نشوفها وين راهي .
بقا يعيط ويعاود والو تليفون طافي.
هشام قلق ركبو ااعصب مفهمش هذي تمسخرت بيه ولا كيفاه.
بعثلها ميساج
هشام : صحا يا بنت الناس شقيتيني وهربتي وخليتيني بصحتك اللعبة ربحتي فيها .
...
خلود كانت دخلت دوش وابتسام فتحت تليفونها ..لقاتو عيطلها شحال من مرة ودخل ميساج تاعو..
ابتسام قراتو ...عاودت بعثتلو
هشام انا ختها لخلود...خلود استناتك بزاف وشافتك واقف مع وحدة زلة غارت وحست بلي تمسخرت بيها.
خلي فاليل عيطلها وفهمها اي وحدة في بلاصتها تحس كيفها
هشام قرا الميساج ..تنهد.
ابتسام سيبريماتو وطفات تليفون كيما كان ..
هشام قعد يتنهد ومن زهرو شافتو كي كان يهدر مع صونيا وفهمتها حاجة وحدوخرا...
رجع منين جا ..طريق كامل غايس داير كيتمان ويخمم في واش صار معاه
هشام : ااه ياخلود علاه شقيتيني وهربتي ...هذي كامل غيرة..
تنهد وتبسم : مهبولة ونحبها .
...
لحق لحومتهم...لقا فريال تلعب برا...
شافتو جات تجري ليه ..
فريال : عمو هشام واش جبتلي.
هشام : جبتلك شيكولة ...هاكي ..
فريال : واااي شيكولة..صحيت..
هشام تبسم : يسلمك..
...
راحت فريال تلعب وهشام هبط راسو وكمل يمشي لدارهم...
دخل لقا مانو راقدة ...شافتو قعدت
هشام سلملها على راسها .
فطيمة : على سلامتك وليدي .
هشام : الله يسلمك ماني كاش قهوة ؟؟
فطيمة : كاين وليدي اقعد نحطلك
هشام : ندوش ونرجع
دخل هشام للدوش ولما يسيل فوقو سخون وهو ماشي حاس بيه..
قعد فالدوش ويبكي بحرقة كلما يتفكر ذكريات جازو عليه يبكي ويشبع بكا فالدوش وميحبش يبين قدام مانو ..
هشام رباتو مانو ملي كان صغير خاطر يماه توفات وهو صغير..
بابات هشام كان يخدم بعيد وكانو فقراء قيسهم قيس روحهم...
وحد النهار كان صغير وختو بيبية صغيرة ونهار تاع شتا وريح..
رجع بابهم مالخدمة...
بعدها سمع دواس وعياط بيناتهم...ومن هذاك النهار وهوما المشاكل ...
باباه تزوج بوحدة متبرجة غواتو وتزوج بيها وسمح فيهم ...ومن ثم مزادش رجع ليهم..
كان صغير ويشوف يماه تبكي وتندب وتقول داتو بنت الكلب داتو وخلا ولادو قفة بلا يدين..ربي وكيلك نتا والفاسقة لي معاك...ربي وكيلكم يتمتولي ولادي وهو ما صغاار ...
مزالت هذيك الصورة بين عينين هشام ويماه تبكي ..
هشام يروح ليها يسقسيها وشبيها
تعيط عليه تقولو روح خطيييني زريعة باباك ...
هشام يرجع يبكي ميفهمش علاه تعيط عليه..
وساعات تعنقو وتبكي وتقولو سمحلي وليدي سمحلي
راني مقلقة ونتا معندك علاه.
هشام : ماما نعاونك نخدم ..
...بلاك تزيد تعاود هذي الهدرة شد في قرايتك ..
هشام يحكي مقنوط وختو الصغيرة تبكي : وشكون يشريلها الحليب لسمر .؟؟
...انا نشريلها درك نشوف عند الجيران عس ختك درك نرجع..
هشام قعد مع ختو يسكت فيها ويماه خرجت جيبلها الحليب وهي دورو معندهاش
الحلقة 20
عان هشام مع يماه وختو...
امو متحملتش الوضع هذاك والفقر لي ولاو فيه...
امو تزوجت بابهم غصب على والديها ...رغم لي عياو فيها مي هي اصرت عليه..
ولما خانها وسمح فيهم كلاتها الندامة وكامل لاموها وغلقو في وجها ووجه ولادها البيبان من غير الجيران وناس الخير لي عاونوهم بااشي القليل .
ام هشام عانات من ظغط كبير تاع راجلها واهلها وولادها ...مقدرتش تتحمل وربي خذا امانتو...
توفات ام هشام..
هشام صغير ويبكي معرفش واش صار ولا واش يدير.
قاعد في كوانة ويبكي وهو ما يسكتو فيه.
هشام البراءة لي فيه مقدرش يستوعب انو بابهم سمح فيهم وتزوج بوحدة فاسقة ...حتى كبر باش فهم واش صار..
هشام يبكي ويقولهم : وسمر درك شكون يرفدها وشكون يرقدها وشكون يشريلها حليب .
هوما يسكتو فيه وهو معرفش يبكي على يماه مي يبكي على ختو الصغيرة لي بقات وحدها..
داتهم جداتهم تربيهم عندها .
جداهم عندها غير بابات هشام معندهاش ولاد وحدوخرين
جداهم كان عندها لانتريت تاع راجلها ووحدها تربي فيهم وهو ما في زوج صغار..
هشام كبر شوي ورجع يخدم عند الناس من جيه لجيه .
كاين لي يعطوه حقو وكاين لي يحڨروه ويحاوزوه..
حتى من الناس تاع برا مرحموهش يقولو هوليك لي سمح فيهم باباهم...
هشام فترة المراهقة رجع يتحسس...يدخل عند مانو يبكي.
هشام : علاه ياماني بابا سمح فينا ؟؟ فهميني ؟؟
جداه معرفتش واش تقولو ولا تفهمو..
الجدة : الله غالب عاود تزوج وراح مرجعش ليكم.
هشام ؛ على هذيك يما ماتت صح ؟؟!
الجدة تبكي كيفو معرفتش تفهمو غاضها مي صعيب وهو صغير يفهم هذوما صوالح..
الجدة : يماك ربي كتبلها ربي يرحمها وانا راني معاكم وليدي نتا وختك..
...
جازو اليامات لحقت الشتا ..هشام كان يقرا وشاد في قرايتو...
وحد النهار مرضت سمر ..كانت عندها 3 سنين .حكمتها الحمى ومحبتش تهبط...سبيطار بعيد..
هشام جرا الدنيا يسلف دراهم حاوزوه وطردوه ..
هشام : عيشك عمو ميتينالف نشري الدوا..
كامل رفضوه وصدوه ويقولو باباهم عندهم وخوالهم ويجو كل يوم يسلفو علينا.
هشام ليل كامل وهو الشتا فوقو يحوس على دوا مي تغلقو كامل البيبان في وجهو..
لحق الفجر رجع للدار بلاك جداه تكون دبرت دوا والحمى هبطت لختو ..
هشام دخل عيان يسيل بالما..شاف جداه تبكي وسمر مغطية قدامها بليزار بيض..
جرا ليها مخلوع عراها لقاها مغمظة عينيها. .
هشام دموعو نازلين جمر ويشوف في مانو مقدرش حتى يسقسيها..
مانو تبكي فهم ....فهم بلي سمر توفات والحمى داتها وهو مقدرش يداويها...
رفد ختو عنقها ويبكي الحرقة لي كانت في قلبو لهشام محاس بيها حتى واحد...واليوم راهو راجل وكلما يتفكرها يبكي وكانها توفات البارح
الحلقة 21
خرج هشام مالدوش عينيه حمر تتلمو بكا بزاف ...مي يخرج يتبسم قدام مانو ميحبش يقلقها ولا يحيرها..
الجدة : اقعد وليدي تتقهوا..
قعد هشام يتقهوا ويحكي ويضحك مع مانو وكانو ولا شي ..ديما يخبي في قلبو وميحبش يبين ...يخلي كلش في قلبو ويتبسم وعايش عادي ...لي يشوفو يقول مكانش خيرمنو..مي لي فالقلب فالقلب..
يعطي لروحو وقت يبكي فيه يفرغ قلبو وغشو منبعد يرتاح ويمسح دموعو ويكمل حياتو عادي .
الماضي يبقا ماضي والشي لي صار هشام مقدرش ينساه مي رماه وراه.
مي حالة فريال خلاتو يتفكر صغرو محبش نفس السيناريو تاع حياتو يتعاود.
كانو فقراء بزااف وباباهم يخدم بعيد..
وامهم شاقية فالدار معندهمش تاويل ...معندهاش لبسة شابة ومعندهاش دراهم توجد روحها وتروح للحفافة ولا الشي هذا...ديما عادية..
راجلها كان باغيها فالاول لانو هي مرتو وحبها وحباتو...مي كي رجع يشوف برا ىبنات كاسيات عاريات ...غاوتو غريزتو ورجع ميشوفش لمرتو...سيرتو مع الولادة والشقا...
هذاك الحب كامل طفا ورجع يتبع بنات الزنقة...لي لابسة ولي شابة ...يتبع لانو موجودين في كل بلاص وين يروح يلقاهم ..
فلخر قرر يعاود الزواج ومن زهرو كانت فاسقة وقدرت تغويه وبعداتو على ولادو وفرقت العايلة..
هشام لما كان صغير كره باباه ولا مو على واش دار.
مي لما كبر ورجع راجل كيف و ...
فهم وفهم مليح باباه واش كان يعاني وعلاه تصرف هكاك .
صح باباه غلط مي الفاسقة هي كانت السبب الرئيسي. .على هذيك يكره يشوف وحدة مش متحجبة ولا متحجبة حجاب زينة تاع تمسخير وتمشي وتضحك فالطريق والرجال تتفرج .
للاسف هذيك البنت حاسبتها لعبة .
كاين شباب لي عينهم مليانة مي كاين رجال مغبونين زواولة يشوفو غير بالعين...
كاين لي مرتو مريضة يكرها ..وكاين لي مش شابة خلقة ربي يرجع يعايرها رغم لي كانو راضيين بعيشتهم..
وكاين لي عازب زوالي معندوش دار رغم لي خدام قيسو قيس روحو...ميقدرش يتزوج ...لي قلمنو بولادهم وهو يشوف بالعين ..
ميقدرش يحمل يرجع يزطل ولا يتبع غير حاجات مش ملاح وكاين لي وصل للعلاقات المحرمة وهي الزنى مع العاهرات على جال بنت الزنقة لي مقدرش يخطبها ولا حتى يحلم بيها
هشام قلبو معمر ..ماضيه وفريال تقريب نفس القصة ..
مخبش تعيش فريال معقدة كيفو وتبقا تكره باباها طول حياتها .
كل شي امرنا ربي بيه فيه حكمة كبيرة لكنا غافلون...
..
خرج هشام لقا فريال مزالها برا تلعب مع لبنات..
شاف باباها راجع للدار رافد قضيان في يدو تعبان
هشام ؛ روحي عند باباك
فريال : منحبوش.
هشام: هو يخبك شو في يخدم وينوض الصبح ويشقا ويجيبلك واش تحبي ...شو في مسكين جا عيان ...روحي ليه فرحيه
فريال : امممم بصح ميزيدش يعيط على ماما .
هشام : ميزيديش روحي ليه..
راحت فريال تحري عند باباها شافها فرح رغم لي كان رافد زاد رفدها ودخلها للدار وهو يضحك معاها
↚
الحلقة 22
عشية كامل وهشام يخمم في واش صار بينو وبين خلود...
شعل ڨاروه ينفخ فيه ويتبسم متوقعهاش تغير عليه لهذي الدرجة .
هشام : مهبولة.
...
نرجعو لخلود ...راقدة في فراشها ابتسام تكونيكتي وهي مقدرتش كلش رجع صامط بالنسبة ليها ...كلش ممل...حبت تدخل للفايس مي كلشي يفكرها بيه...وحتى مزادش عيط ولا حوس ...يعني تمسخر بيا وجوز الوقت ودرك راهو مع هذيك البغلة يكونيكتي ..
ااااه يا ربي حابة نقتلو ونرتاح منو ..علاه خلاني والفتو علااه هاك حرام عليه..
خلود عنقت مخدتها وتبكي ..تمسح في دموعها مقنوطة .حتى لحقها ميساج
رفدت تليفونها فتحت الميساج لقاتو هشام ..بعثلها.
...
ايتها المجرمة في حقي حبي
لقد دعستي على قلبي
دون ان تفهمي او حتى تستوعبي
ماحصل لي وعن سبب غيابي
عيوني ابت النوم وانتي سببي
دعيني اشرح لكي اسبابي
دعيني وافتحي لي الباب
دعيني اعش في ذلك القلب
الذي لم اعشق ولم احب
ارحميه وارحميني من هذا العذاب
...
خلود تقرا وتبكي حست كلامو خرج من قلبو مقدرتش حتى تقاومو...نحات الرونفوا ...
وعيطتلو ..
شاف نومروها تبسم كوبالها وعيطلها.
هشام : خلود..
خلود تمسح في عينيها مقدرتش حتى تهدر
هشام يسمع فيها ساكت تنهد : شبيها عمري تبكي ؟؟ شكون بكاها وقهرها .
خلود : مانيش عارفة سقسي روحك.
هشام : حبيبي علابالي تغشيتي عليا علاه مجيتش ..مي انا جيت روتار وملقيتكش...سمحيلي طولت عليك
خلود: ايه شفتك معامن تعطلت ...بيان سووغ هذيك شابة وحطة عليا منبانش انا معاها .
هشام ضحك عليها عارف الغيرة قتلتها..
هشام : انتي الڨلب انتي العمر انتي الحب انتي الهوا لي نتنفسو شبيك تغاري منها ..
خلود : مغرتش هذاك شغلك.
هشام : هذيك باش هدرت معاها كاين سبة كي نتلاقاو نحكيلك عليها .
خلود : منتلاقاو متحكيلي ..
هشام ؛ اممم انا نجيك....حاب نشوف عمري نشبع منها
خلود : مجيش نشوفك نهرب
هشام تبسم : نجي وراك
خلود : وين جي ورايا.
هشام : حتى لحومتك حتى لداركم.
خلود : خااه مهبول بلاك ديرها
هشام: نجي عند تاقتك ونجيك ونبقا نعيط عليك حتى تخرجي .
خلود : خااه والله بابا وخويا يقتلوني
هشام: امالا غدوة نجيك متقوليلي والو ..بلاكي تهربي وتخلفيها ..
خلود : اوك
هشام: خلود حاب نحكي معاك نفرغلك قلبي ونشكيك همي يكفيني رفدتو وحدي السنين هذو كامل حاب تكوني سندي ..حاب تكوني فرحتي وراحتي.
خلود تحسرت حاساتو موجوع :نشاالله خلي غدوة نشالله ونحكو براحتنا
هشام : خلود حاب نقولك حاجة .
خلود : واش هي .
هشام : نحبك ومنسمحش فيك.
خلود تبسمت : مام انا نحبك
هشام : امممم مسمعتهاش قوليها ..
خلود : ههه خلاص والو غدوة نشالله
كوبات خلود وهشام بقا يضحك عليها وعلى هبالها
الحلقة 23
غدوة منذاك رجعت خلود وابتسام لافاك ..
هشام المرة هذي جا بكري باش متهربلوش..
ابتسام : زعما ميطولش اليوم !؟
خلود : منعرف اسكتي راه حاكمني الستراس تقول راح نجوز الباك ..بففف خايفة ابتسام خايفة منعجبوش
ابتسام : هههههه موسوسة .
خلود : ياودي قلبي راح يخرج تعرفيني نكره هذو الصوالح ..كون شافني فالطريق خير يجي يخطب ونتزوجو وخلاص ..بففف نكره هذوما الصوالح.
يا ربي ومنعجبوش ويقولهالي في وجهي .
ابتسام: ههه باين عليك تصبري على فراقو .
خلود: حصلت روحي والله كامل بسبتك..
صونا تليفونها لقاتو هو .
خلود : هااو يعيطلي ..
خلود : الو وي هشام وصلت ؟
هشام: راني عند الدخلة تاع لاڨار ارواحي اني نستنا فيك
خلود : اوك...كيما تفاهمنا هشام.
هشام:ههه يالخوافة يالموسوسة قتلك نصارحك..ارواحي برك
كوبات خلود وشافت في ابتسام
خلود :راهو جا ويستنا فيا عند لاڨار ...بففف واش ندير ؟؟
ابتسام : روحي ليه هههههه شبيك.
خلود : ارواحي معايا .
ابتسام : انا علاه نجي معاك روحي وحدك.
خلود: يالكلبة نتكورج بيك..
ابتسام :امشي..
مشاو قريب يلحقو لاڨار لقاوه واقف متكي على الحيط والكتمان في وذنيه.
خلود حبست حست روحها فشلت .شدت ابتسام من يدها..
خلود : هاوليك واقف ..
ابتسام: هيا روحي وحدك راني نستنا فيك..
خلود تنهدت طلقت يد ختها وهبطت راسها تمشي لحقت عندو مقدرتش تحبس مالخوف شافت فيه خايفة وهو خزر فيها ..مقدرتش تحبس كملت طريقها دخلت لاڨاار ..
ابتسام شافتها كملت ديراكت تخلعت: خاااه على البهلولة..فالتليفون تهدر عادي وظل تندب عليه وفاىصح هربتلو ..
عيطتلها فالتليفون
ابتسام: يالحمارة وين هربتي ؟؟.
خلود : خطيني اعععع مقدرتش راني رايحة للدار.
وكوبات ..
ابتسام عاودتلها محبتش طلت شافت التران وصل..
ابتسام: اليوم نفريها ونحيلها الحشمة.
راحت عند هشام .
ابتسام: نتا هشام!؟
هشام شاف فيها مستغرب : ايه علاه ؟
ابتسام تهدر وتزرب : انا خت خلود ..شافتك هي خافت تواجهك تعرفها خوافة جازت عليك وهبطت وراهي رايحة للدار فالتران خف الحقها قبل ما تروح..
هشام هبط يجري وابتسام وراه والتران راح يقلع .
حبس هشام : بصح وين رح نعرفها .
ابتسام : تشبهلي ياك حنا توام نسيت..
هبط هشام يجري يسوطي بثلاث درجات...
دخل يجري للتران وقال لواحد حبسلي الباب ..
الجان شد الباب والناس تدوس التران مقدرش يديماري..
هشام يحوس لقاها قاعدة شافها عرفها تشبه لابتسام.
نوضها من يدها وهي شافتو عرفاتو ..
جبدها خرجها مالتران معاه..
ابتسام بقات شوف فيهم تبسمت ورجعت لافاك
الحلقة 24
خلود وجها حمر حشمت كي خرجها هكاك ..حست السخانة تخرج من وجها ..
هشام خرجها وحبس بقا يشوف فيها مدقق الخزرة في وجها وهي محبتش شوف فيه وجها حمر مالحشمة .
هشام محبش ينحي عينيه منها .
خلود قلقت كي شافتو محبش ينحي عينيه منها.
بقات تهدر في قلبها .
خلود: بففففف دارلي سكانااغ اععع قلقني وحتى لبقرة تاع ابتسام راحت وخلاتني وحدي ...خلي فالدار نوريلها الكلبة دارتلي لتبهدايل فالتران ..
هشام رجع يتبسم
وهي خلاص لعبلها باعصابها ...مقدرتش تسكت.
خلود : خلاص كملت سكاناغ تاعك .. باين معجبتكش خليني نروح نقرا عندي كور .
وهبطت راسها رايحة ...هشام شدها من يدها
هشام : شيطتيني وانا نجري وراك وزايدة هاربة مني حابة تهبليني درك.
خلود هبطت عينيها حشمانة.
هشام يطل عليها ويضحك: هذي كامل حشمة ياااه كون تبقاي حياتك كامل انا نهدر ونتي ساكتة وعاقلة هاك رحمة ربي هههههه
خلود عوجت فمها : اممممم شد في هذاك الخيط..
هشام يضحك ؛ خلود..
خلود ساكتة وقلبها يضرب.
هشام: خلوووود
خلود شافت فيه
هشام: ياريت مشفتكش..
خلود هبطت عينيها حزان يعني من هدرتو معجباتوش
خلود : قتلك انا ماشي شابة ومنعجبكش
تهدر والدموع في عينيها ..
هشام : شو في فيا ..
خلود مقدرتش غاضتها عمرها هبطت دمعة بلا ماتفيق.
هشام : مهبولة علاه راكي تبكي ؟؟
خلود مسحت دمعتها : والو ..مانيش نبكي.
هشام طلعلها وجها : خلود ندمت لي شفتك خاطر زدت حبيتك كثر ...يامهبلتني يامجرجرتني
خلود قلبها يضرب هبطت عينيها وتبسمت.
هشام عوج فمو : علاه هربتي معجبتكش ؟؟
خلود: نن انا شفتك من قبل شحال من مرة مي خفت ..
هشام : واش خفتي
خلود: خفت منعجبكش .
هشام: ااه ياخلود قتلك انا حبيتك وكيما كنتي قابل بيك ولقيتك كثرمن لي كنت حاب ..
خلود : تتقعد برك.
هشام: هههههه علاه حاڨرة روحك هاك ...خلود افهميها ومليح اناا نحببببببك فهمتي ياو نحبك...
كون مجيتش نحبك منجريش وراك..نخليك تروحي .
خلود؛ تبهديلة بصح حشمت .
هشام : وكيفاه ندير فت حبيتك ووالفتك ...متزيديش تهربي المرة الجاية نوقف في وسط الراية باش ميقلعش التران هههههه
خلود : خااه بعيد الشر عليك..
هشام : خفتي عليا هههههه مهبولة ...امشي نطلعو حاب نجوز النهار هذا معاك نحكو ماكثر ..خاطر درك تبدا الخدمة ونولي منقدرش نجي نشوفك..
خلود : صح ؟
هشام : واش تتوحشيني وقيل ؟؟
خلود : هه نن سقسيت برك.
هشام: متخافيش نتوحشك قبل متلحقي تتوحشيني ونجيك حتى تكرهي مني هههههه
طلعو يمشو ويحكو وخلود بلعقل بدات تروحلها الحشمة
↚
الحلقة 25
طلعو هشام وخلود يمشو ويحكو وراتلو لافاك وين يقراو.
خلود: هذي لفاك لي نقرا فيها .
هشام : ممم امشي نروحو .
خلود :خلي نشوفو بلاصة نقعدو فيها هنا
هشام: هه انا منقعدش معاك هنا طرف الطريق ..مكانش جاردان هنا ولا نهبطو للبحر .
خلود : كاين جاردان فالحومة هنا نريحو ثما .
هشام: اوك.
مشات خلود وهشام يمشو ويحكو ويضحكو ..خلود حشمانة وهشام يضحك عليها .
هشام: شكون قال نتي هي مولات لسان طويل فالتليفون والفايس هههههه
خلود: اععع مانيش موالفة ..اووف قلقت امشي نقعدو..
قعدت خلود وهشام .
هشام: بدات بلعبة شو في وين وصلنا.
خلود : والله صح مانيش عارفة كيفاه وصلت لهنا ..انا موالفة منامنش بالحب هذا ...ديما نخمم نتخطب تقليدي ونتزوج عادي وخلاص.
هشام : ايمااا قريب طارو بيك ..ههههخخخ
خلود : هههههه مكانش المكتوب برك.
هشام : اممم خلينا من هذي الهدرة.
خلود عوجت فمها فهماتو بلي يغير وميحبش السوجي تتع الخطبة هذا..
خلود: ايه حقا واش حكاية الطفلة هذيك..
هشام تبسم : قصة طويلة ..
حكالها هشام القصة
خلود مستغربة : صح والله بهدلو بينا وبلبستهم ..انا طفلة ونبقا دايخة فيهم .
هشام تنهد : ايه مانيش حاب فريال تعيش واش عشت انا ...
خلود تنهدت : علاه باباك تزوج بوحدة هاك ؟؟؟!
هشام تنهد كلما يتفكر ماضيه يتخنق ..ميقدرش يهدر .
خلود حاسة بيه مقهور
خلود : هشام حاساتك مخبي بزااف حاجات مش ملاح في قلبك ...احكيلي فرغلي قلبك.
هشام : ميهمش ..ماضي وفات .
خلود : هشام .
هشام شاف فيها دموع في عينيها وتهدر معاه
هشام : ههه شبيك ؟؟ قتلك والو
خلود : مانيش عارفة حاساتك حزين ..قولي احكيلي نقسم معاك همك .
هشام : متقدريش خلود ...مكانش لي يقدر يقسم معايا اللحظات هذوك...ماعدا جدة ربي يحفظهالي .
خلود : ربي يخليهالك.
هشام ورالها تصويرتو معاها ؛ هذي جدة هي لي رباتني هي كلشي في حياتي .
خلود تبسمت : باين تحبها وتحبك بزااف
هشام تبسم : ايه حبيت نبعثها لاحج قبل منتزوج وهي تقولي اتزوج خطيك مني .
خلود : هشام ..يماك كي توفات كنت كبير شوي معندكش خاوتك ؟
هشام طلع راسو حزين شاف ولد ثما رايح للحانوت ختو صغيرة تبع فيه و تبكي وهو يعيط عليها باش تولي للدار تبسم
هشام: كانت قدها وكنت قدو وكانت تبعني ونعيط عليها هاك.
خلود شافت فيهم وفيه الدموع في عينيه..
خلود : وينها درك ؟
هشام هبط راسو مقدرش حتى يهدر استغفر : م...ماتت.
هشام هدرها بصوت خافت خلود سمعت ومسمعتش .
خلود : ااه ؟؟!
هشام : ماتت رفدتها هاك بيديا ...وهي صغيرة باردة...مزالت نشوفها بين يديا شغل ماتت البارح ..مزلت نتفكرها ديما ...ختي الصغيرة والوحيدة كانت ديما تبعني واش ندير دير ..حتى كي نبكي تبكي معايا وهي صغيرة ماهيش عارفة علاه كنت نبكي.
خلود تسمع وتبكي وهشام يهدر مقهور الدمعة حابسها في عينيه .
هشام : شحال تمنيت تكبر وتكون معايا ونزوجها ونشوف ولادها .. يا ربي علااه بابات هرب وخلانا ويمات راحت عند مولاها وزادت حتى ختي الصغيرة توفات ومقدرتش نداويها .
وشاف في خلود : مقدرتش نداويها ..توفات داتها الحمى ...ماتت صغيرة واش ذنبها.....واش ذنبها ؟؟
خلود درك كيفاه حابتني نشوف الفاسقات سارحين ويضحكو فالطرق بالفيزوات والحجاب تاع تمسخير...ونبقا ساكت !!؟
خلود علابالك ...كل زنقة يمشوها يخربو فيها عايلة علابيها ربي لا عنهم تفوو الله لا تربحهم يلعبو بقلوب الرجال ويدمرو حياة الصغار ..تفوو عليهم نكرهم نكرهم
الحلقة 26
خلود هبطت عينيها حزان : ربي يرحمها ..
نزلت دمعة مسحتها.
هشام : كل واحد واش كتبلو ربي في هذي الدنيا...واش ذنبها الام كي تمرض واش ذنبها كي تكون مش شابة ولا زوالية معندهاش باش تلبس وتضرب الحطة ..واش ذنبها ؟؟
خلود بقات شوف في روحها ولبستها حتى توسوست من روحها
خلود دموعها نازلين: تعرف هشام نهار دارلي خويا سيد علي الحجاب محبيتش وشبعت بكا ...قلتلهم مزلت صغيرة وحابة نعيش ..
هشام : بغالك صلاحك.
خلود : ايه ...كنت نشوفو مجرد لبسة نستر روحي بيها وغامتني ...نلبس ليكات وفيزو وهو يظل يسب فينا ..
مكنتش عارفة بلي لحجاب مش مجرد لبسة برك نستر روحي بيها .
بالعكس لما كامل نكونو متحجبات الراجل هذاك مراحش يكره مرتو ولا يشوف غيرها ولا ولادو يتعذبو ويتحرمو من باباهم ...ااااه ياربي والله صعيبة تدمر عايلة بسبة لبسة.
هشام : لبسة ضحكة غمزة من كلش ..من كامل لي جاست تتع تق*** فالطريق ...تخلق مشكل .
خلود : منكذبش شحال من مرة نضحكو بلا سبة انا ولبنات سيرتو قدام لي جان ..عقل الصغر.
هشام شاف فيها قلب وجهو: تخدمو رايكم وماكمش عارفين مشكل على مشكل تولي مأساة مرا في دارها وولادها .
خلود : ربي يهدينا ويهديهم..
هشام تبسم بسخرية : ومش غير لي متزوج...
حتى العزاب ..ياحليل ...واش نحكي واش نخلي ..
شحال من واحد يعشق وحدة مهبلتو بلبستها ومشيتها وضحكتها ..وفلخر ميقدرش حتى يخطبها .
يتحرق وحدو ..كون سترت روحها مايعشقها ميهبل عليها ميصرا فيه هاك.
خلود : صح عندك الحق ..
هشام ورالها الفوطو تاع فريال : هذي فريال ..رجعت تكره باباها على جال وحدة فاسقة ...ديما يطلع معانا فالتران يروح يخدم وهي ثان هذيك طريقها..
شفتو يظل يتبع فيها ونسا مرتو المخلوقة مريضة وبنتو لي رجعت تكرهو..
خلود تنهدت : سبحانك ياربي كل حاجة درتها فيها حكمة..
هشام : سبحان الله..
خلود : هشام ..
هشام : وي ؟؟؟
خلود : وواش راني قاعدين درك انا وياك ثان غلاط !!!
دير في بالك كون يشوفني بابا هاك يزعف عليا ..
هشام تبسم وهبط راسو : علابالي من حقو..
انا حبيت نشوفك برك..وكون انا ندير كيفو
خلود : حتى انا متحجبة يلزم نحترم حجابي .
هشام : بصح قاعدين نحكو مرانا نديرو والو !! وزيد قدام الناس .
خلود : الشيطان واعر ...شوف من لعبة تاع فايس ولينا صح منبعد تليفون ودرك تلاقينا ...ومزال الخير ااقدام..
هشام تنهد : نوعدك حاجة متقيسك ..اصلا راح نبدا نخدم ومنجيش ليك.
خلود تبسمت: نن كلش يجي بلعقل وبالولف ...الشوفة شفتني ...والهدرة حكيت معاياً.حتى انا مانيش حابة نخون ثقة والديا.
هشام : اممم خلود قوية
خلود : ايوي ...تحب تهدر معايا وشوفني كاين دارنا .
هشام ضحك :؛ هههههه مانيش واجد والله قتلك حاب نبعث جدة للحج ولا مامنتيش ؟؟
خلود : والله هذاك شغلك...راني نستنا فيك ونكمل في قرايتي ...بصح منحبش زيد جيني لهنا ..اوك..
هشام: وكي نتوحشك كيفاه ؟
خلود : قتلك عندنا دارنا وبسلامتك تقدر تلقا لادراس وحدك...
وتبسمت وراحت راجعة لافاك وهو يشوف فيها ..
بعثلها ميساج : حكمتيني من اليد لي توجع ياخلود..
خلود قراتو تبسمت ورجعت لافاك وين تقرا
الحلقة 27
رجعت خلود للفاك عيطت لابتسام.
جات ابتسام فرحانة: احكيلي وين رحتو ؟؟؟ واش حكيتو؟؟ احكيلي يالبقرة متشوقة نعرف 😍
خلود : حبسنا .
ابتسام مخلوعة: ااااه ؟؟ كيفاه ؟؟ تتمسخري !!؟
خلود : وعلاه نتمسخر...خلاص كلش .
ابتسام: علاه معجبتيهش ؟؟
خلود تبسمت : وعلاه منعجبوش !! نن كي عجبتو لي راح نحبس .
ابتسام : بفففف اهدري ديراكات بلوكيتيني بالالغاز هذو !!
خلود : قصة طويلة....المهم قتلو منخونش ثقة والديا ونخرج معاك..يعني كلشي يحبس.
ابتسام : بوووه تتلاقو مرة فالزمان...وزيد يبان عاقل وولد فامليا متدري بلاك يكون مكتوبك !!
خلود: اذا كان مكتوبي مراح يفرقني عليه والو...ماشي كي نخرج معاه نشدو...كاين لي خرجو سنين وفلخر مداوهمش..
ابتسام : اعطيني قلبك..اععع وقدرتي تسمحي فيه عادي وواش قالك هو؟
خلود تنهدت: شكون قالك قدرت ..والله راني كامل نرجف ..والفتو..مي يلزم هاك ...لوقتاش نبقا معاه ونخاف نتخطاو الحدود ..بففف تعرفيني ابتسام خاطيني هذوما الصوالح.
ابتسام : وهو واش قالك ؟
خلود : نفس الهدرة لي يقولوها كامل .
والله منسمح فيك واصبري عليا و راني وراني ....نفس الاعذار .
ابتسام: بلاك صح ؟؟؟ اعذريه .
خلود : راني عذراتو...قتلو منا حتى نكمل قرايتي منزيدش نستنى ...وزيد مدام منخرجش معاه ومنهدرش معاه راح يبقا شاد فيا ويزدم للدار اذا كان صح يحبني واذا مكانش يحبني يهرب وهذاك افظل .
ابتسام : جربت نفهمك مفهمتكش.
خلود : هههههه خاطيك...امشي نروحو للدار ..
هبطت خلود وابتسام لاڨاار قعدو يستناو فالتران
خلود ساكتة حاسة بقنطة وابتسام تهدر وحدها ..
ابتسام : وين غايسة وانا ساعة وانا نهدر.
خلود شوف وتبع بعينيها ...هشام قاعد فالجيهة لخرا اون فاص ليهم..
ابتسام : اممم وانا نقول الطفلة وين غايسة.
خلود هبطت عينيها وهشام مدقق فيها الخزرة.
خلود : سكتينا بففف درك هذا واش جابو.
ابتسام : السيد رايح لدارهم ولا ميروحش درك هههههه
هشام عيطلها شافت نومرو محبتش ترفد كوباتلو..
هشام قلق بعثلها ميساج ؛ حتى التليفون لالا ...ارفدي نتفاهمو ..
ابتسام : شو في واش يحوس..
خلود : منرفدش ...يبدا يبلعط فيا مانيش حابة نضعف قدامو ...علابالي زوج كلمات يزبلحني تروح معاه فالخط ..
عاودلها هشام محبتش ترفد..
خلود طفات تليفون ...
ابتسام : اععع اعطيني قلبك ...غاضني يظل يجري وراك ونتي تهبلي فيه..
خلود : ماشي تربية والديا حياتي كامل تروح بزوج دقايق وبزوج كلمات ..ديجا اسكتي ابتسام راني علا شعرة..
ابتسام شافت الدموع في عينين خلود تنهدت..
هشام عاود عيطلها مرفدتش...
وقف يشوف فيها يقوللها ارفدي وهي محبتش دورت وجها محبتش شوف فيه
ابتسام شوف فيه يقوللها ترفد عليه وهي تقولو محبتش..
هشام قلق قريب كسر التليفون خاف تهربلو وميلقاهاش تبدل النومرو وفلافاك ميعرفش وقتاش تدخل وتخرج..
فيقو من غيستو صوت التران صونا معناها قريب يلحق..
هشام شافو مزال ملحقش قطع يجري مالقلق والعصب..
ابتسام شافتو تخلعت عيطت: هشام التراان اااا..
خلود دارت شوف مخلوعة والدموع في عينيها ملقاتوش ..
جرات شوف وينو وقلبها يضرب مالخلعة
↚
الحلقة 28
خلود تبكي وماهيش حاسة بروحها وشوف في ابتسام
خلود : وينو هشام ؟؟؟
ابتسام تهدر ومقلقة : شفتو قاطع فالراية والتران جايز. غمظت عينيا مقدرتش نشوف ..
خلود حاسة قلبها راح يخرج مالخلعة ودموعها ويدان
خلود : اااه يا ربي ياك مصرالو والو كون هكاك كون ناس تلمت ..بففف بعيد الشر عليه واش هذا الفال ااه يا ربي زعما جاز فوقو ومشافوش .
ابتسام :: شبيك خلود كون هكاك كان يفيقو الناس.
خلود: مانيش عارفة التران راهو حابس مقدرتش نشوف يلزم نشوف امشي نروحو ملهيك نشوفو..
خلود طلعت تجري رايحة للجيهة لخرا محبتش شوف فالراية خافت كاشما يكون ..
كي لحقت الفوق مقدرتش شافت التران التحت ومكان والو..
ابتسام : مكان والو وين راهو ؟؟
خلود : بفففف منعرف وينو زعما رجع ولا قطع ومشفناهش .
بقاو يشوفو يعينيهم الناس نازلة منا وناس ملهيك تستنا فالتران.
صونا التران راح يقلع.
ابتسام: راح يقلع التران امشي نروحو
خلود: وهشام وينو؟؟
ابتسام : وانا وين علابالي بلاك ماهوش يبان برك...كون قاسو التران بعيد الشر كون شافوه..بلاك رجع وراح .
خلود : مقدرتش ..منروحش تقلقت عليه .
ابتسام : التران راح يقلع ياابهلولة امشي..
خلود الدموع في عينيها خايفة جاتها الف حكاية في راسها ..
حتى صونالها ميساج..فتحاتو..
لقاتو من عند هشام..
هشام: اهبطي اطلعي راني شادلك الباب خفي ..
خلود شدت ابتسام من يدها : امشي..
ابتسام هابطة تجري ورا خلود وماهي فاهمة والو.
ابتسام: واش كاين خلود؟؟ هو بعثلك..
لحقو يلهثو وهشام شاد الباب والناس تسب..
لحقو للباب اللولى عند الدروج لقاوه واقف شاد الباب برجلو..
خلود حست بفرحة في قلبها ..تبسمت وهبطت عينيها ودخلت وابتسام وراها تضحك عليهم.
هشام نحا رجلو تغلقت الباب وقلع التران.
هشام : اوموان قوليلي صحيت..
خلود عوجت فمها وراحت قعدت..
هشام كان واقف مقابلها...متكي ...دار كيتمان في وذنو وقعد يشوف في وحدة واقفة قدامو..
خلود كانت شوف فيه مي محبتش تبين.
هشام كان فايق بيها ...يضحك عليها ويزيد يهبل فيها..
ابتسام : خلود هاكي شو في واش راني نشوف
خلود : هاني نشوف اسكتي هذيك راح نروح نضربها.
ابتسام : هههههه وهي علاه اضربيه هو.
خلود : بففف شو في يقلق فيا بلعاني يشوف فيها وزيد علاه جاي معانا
ابتسام : مشبعش منك ياك قلتيلو خلاص وهو راجع للخدمة .
خلود : اووف قلقت قلقت ..
دارت كيتمان حتى هي وبقات شوف جيهة الكارو وهو رجع يشوف فيها..
حبس ااتران نزلو شوية ناس جا هشام قعد اون فاص لخلود.
حط رجلو على رجلها يهبل فيها..
خلود تجبد فيه بالزعاف وهو يضحك.
منبعد نحالها تليفون ويشوف واش راهي تسمع.
خلود: شبيك هبلت اعطيني تليفوني..
هشام : اششت اسكتي.
شاف النومرو تاعو ماشي مسمياتو ..
راح سماه #المغبون
خلود نحاتلو : بففف
وخباتو
هشام : اهربي لوين تحبي وراك وراك.
خلود : متهدرش معايا اااه ياربي.
ابتسام تضحك عليها وجها حمر تعرفها تحشم وهو يهبل فيها.
لحق وين ينزلو ..
نزلو وهو وراهم..
خلود شافت فيه : وعلاه راك تبع فيا؟؟
هشام : مانيش نتبع ارض ربي .
ابتسام : خطيك منو امشي.
خلود : نن نخاف كاشما يخلقلي مشاكل امشي نتلفولو الطريق
ابتسام : وين تلفيها ؟؟
خلود تبسمت : ندورو فالفيترينات فلابرادلي بارتو حتى يعيا ويروح هههههه
ابتسام : مهبولة هههههه امشي..
بقاو يدورو الدنيا كامل مشاوها حتى هشام عيا دارت بيه كامل الدنيا حتى تلفها ومعرفهاش كامل وين راحت
هشام : يالزح هربتلي
الحلقة 29
بعدها يايام ..
هشام ديما يعيطلها وهي محبتش ترفد عليه مي تخليه يصوني .
حاتم : خطيك من ر** .هذو البنات ميحبوش الراجل لي يقيمهم ويحطهم في عينو ...يحبو لي يتمسخر بيهم.
هشام: اوااه ياحاتم هذي المهبولة تاعي هربتلي ويلزم نرجعها ونداويها ..انا طبيبها ودواها عندي
حاتم؛ ايه اقعد تبع في ر*** تندم فلخر ...شوف انا واش درت على جالها فلخر تمسخرت بيا ولعبت كيما حبت وبكل برودة قاتلي انا مقدرتش نحبك.
هشام : معليش حاتم خيرها في غيرها .
حاتم : منين ياهشام منين ..
لي ننويها حلالي متصدقش وزيد حتى بشروطها .
هشام : ههه واش شرطولك ؟؟
حاتم : تشرطلي دارها وحدها ...منعرف منين نلقالها دارها وحدها ...انا ومعنديش وين نرقد نلقالها دار ليها
ياودي خويا راح يتزوج وانا رماوني للكوزينة
هشام: هههههه والله هم يضحك وهم يبكي
حاتم : الله غالب ملقينا وين نحطو ريسانا.
هشام : شوف كاش وحدة عندها الورث..ولا خدامة بخيرها تسكنك عندها .
حاتم : هذاك ماخص تولي تقولي داري وتحب تخرج برااا ديڨاج...مزال مهبلتش نسكن عند المرا .
هشام : واش راح دير ..؟؟
حاتم جا يهدر جازت عليهم وحدة زلة شاف فيها حتى بعدت..
صفر بفمو وشاف في هشام.
حاتم : حنا نبقاو نكحلو مالبعيد برك ياخويا واش هذا الزين باخويا ياخويا
هشام : ايه والله صح نبقاو نشوفو غير بالعين.
حاتم ؛ نتا قال عندك دار وتسكنها وحدها انا ويين يازح ويين!!! نبقا نشوف بعيني برك..
زادت جازو زوج بنات
حاتم : اعطونا نيميرو ولا تشهونا برك.
دارت ليه وحدة : احشم على روحك خي حالة.
وراحت .
حاتم ؛ ايه عندك الحق انا زوالي معنديش الحق حتى نشوف ولا نتبلا ..
وناض
هشام : وين بيها ؟؟
حاتم: ياخويا هشام انا مقدرتش نتا عندك حبيبتك انا نطلع نكمي ڨارو زطلة باش نريح.
هشام : خطيك حاتم..تمرض روحك برك.
حاتم: دبرلي سكنة وين نسكنها وحدها والله لا زدت زطلت ....تقدر دبرلي ؟؟؟؟!
هشام تنهد: ربي يفرج.
حاتم : نشالله منا للوقت هذاك ااسهرة والزطلة الحل الامثل
وراح يمشي ويدندن..
هشام تنهد رفد تليفونو يعيط لخلود والو محبتش ترفد..
تبسم بعثلها: يالمهبولة راني في حومتكم ترفدي ولا نبدا نعيط ديجا راني زاطل ..
خلود قراتو تخلعت: زاااطل ؟؟؟؟ وفي حومتي ...ااه يااربي وشدت تليفونها يصوني تنهدت ورفدتلو
الحلقة 30
خلود رفدتلو وخايفة ومقلقة
خلود : الو .
هشام تبسم شافها رفدت : الو عمري توحشتك
خلود : واش جابك لحومتي ووين عرفتها وديجا علاه تزطل مقتليش تزطل كون قتلي تزطل واش جابني ليك ومنزيدش نهدر معاك كون تزطل والزطلة مش مليحة..و..
هشام يسمع فيها تسب فيه مي مقلقة عليه تبسم قاطعها
هشام: كون تخليني نولي نزطل كل يوم ونجيك نهبلك هنا...ونديرلك التبهدايل فالحومة ونقولهم خلود حبيبتي اعطوهالي
خلود تسمع مخلوعة وتضحك عليه قلبها يضرب : واش الفايدة كي دير هاك.
هشام : هكاك نهبلك وين المشكل .
خلود تنهدت : بففف علاه هاك واش داني نهدر معاك نهار لول واش داني يا ربي كنت لباس براسي يا ربي انا
شخلولة بهلولة ....
هشام يضحك عليها وهي تهدر وحدها قاطعها : نحبببك خلوود نحبك يا روحي يالكبدة تاعي ..
خلود : اسكت متزيدش تقولي هاك ومتزيدش تعيطلي كي وليت هاك ووليت تزطل .
هشام: ههه والله ماني زاطل وجامي حطيتها في فمي مي والله ونحلف بربي ومتزيديش ترفدي عليا غير نزطل ونديرلك التبهدايل قدام داركم
خلود تبكي وماهيش عارفة حتى علاه : حرام عليك ياك فهمتك الصبح.
هشام : منقدرش افهمي نحبك ووالفتك حابة تهبليني درك.
خلود : هشام.
هشام : روح هشام عينين هشام حبووو لهشام.
خلود : ااااع اسكت...اسمعني ..خلينا بعاد مع الوقت تنساني ولا كي توجد روحك ارواح للدار ديراكت.
هشام: خلاص كيما تحبي درك نخبطها ونجيك
خلود : اوووف منك اووف.
هشام : خلود...
خلود : وي
هشام : تكرهيني ؟؟؟
خلود ؛ نن.
هشام : امالا واش؟؟؟
خلود : والو علاه نكرهك واش درتلي؟!؟
هشام : تحبيني ؟؟؟
خلود حاسة قلبها راح يخرج...بقات ساكتة
هشام : جاوبي ولا نجيك لثم نسمعها .
خلود : واش الفايدة كي نقولك..
هشام : يااللزح نتي قولي وشوفي الفايدة..
خلود غمظت عينيها وتنهدت وقاتهالو بلعقل : نحبك.
هشام : مسمعتش.
خلود : اممم نحبك ريحت درك.
هشام : ههههههههههه
خلود : علاه تضحك ؟؟؟
هشام : تعجبيني ونفرح كي نكون معاك ..علابالك غير معاك لي نضحك..
خلود :اممم امنتك فاقو ..
هشام : نسيت مقتلكش ..ختك شابة عليك .
خلود عوجت فمها : وين المشكل. .
هشام : مكانش قلت برك هههههه نتي علاه زعفتي.
خلود: نن مزعفتش .
هشام : غيورة وعشاقة ...حبيبتي خلود طلي مالتاقة. .تلقايني طالع ليك كي السراق ..هههههه
خلود رمات تليفون في فراشها ناضت تجري طل وهو يضحك..
ابتسام : شبيك ؟؟
خلود : اااااع راح يهبلني ..
ابتسام قاتلو فالتليفون رفداتو : الطفلة راح تهبل هههههه
خلود نحاتولها: متهدريش معاه..
هشام : خليني نحكي مع ختك نتي متحبيش تهدري معايا .
خلود : ننن
هشام : اي هاايا .
خلود : ننن قتلك نن
هشام : مالها غيورتي مالها عارفة راني نحبها ونموت في عشقها .
خلود : خلاص هشام عيشك ارقد.
هشام ؛ هههههه راني رايح الصبح نبكر اتهلاي في روحك راكي عارفة راني شريك معاك فيهاههخخخ
خلود : ههه اوك نشالله.
هشام : خلووود
خلود : ارقد هشاااام غدوة نحكو
هشام : اخر كلمة
خلود : ايه اخر كلمة ..
تبسم هشام وكوبا وهي بقات تسب
ابتسام : هههخ طحتي في مول الفول راح يهبلك ههههخ
↚
الحلقة 31
غدوة منذاك الصبح الجمعة ميقراوش ...خلود وابتسام راقدين حتى يسمعو صوت ..
سااارديين ساااردين ساااردين عند حسين الساردين ..عشرالاف للكيلو. ....كووول ياڨليل كوووول ...عند حسين الساردين .
خلود ناضت تحك في عينيها بسيف ..
خلود : بففف شكون هذا لي جاي يبيع صبح ربي .
شافت في ابتسام لي فاتحة عين وعين غالقتها.
ابتسام : مول الساردين صبح ربي ..
خلود رجعت حطت راسها ..
حسين : ساااااردييين ساااردين عند حسين كووول يااڨليل عشرلاف للكيلو .
ابتسام ناضت قعدت مخلوعة.
خلود: شبيك ؟
ابتسام : هذي ماشي حسين التريسيان ؟؟؟
خلود: حسين يبيع السردين ؟؟
ابتسام : بلاك اصبري نشوف .
فتحت ابتسام التاقة وخلود تسب
خلود : اغلقي يالبقرة ااضو بففف.
ابتسام طلت لقاتو الحسين ولد الحومة طالع فالهاربين ويبيع فالسردين.
ابتسام : هههههه ساردين عند حسين قتلك هو..
خلود : هههههه هاو جابلك السردين علابالو تحبيه.
ابتسام : هههههه شافني مرة نشري فيه فالمارشي سبني مخلاليش تشفاي !!
خلود : هههههه ايه نشفا قالك واش جابك هنا ...كان المارشي معمر رجال.
ابتسام : واش دخلني فيه هههههه درك شهاني حابة نشىري..
خلود: اهبطي ليه يموت بالسعادة هههههه
ابتسام: يشوفني الشيخ موح يطلعني بالعكاز يعيبلي رجليا..هههههه
راحت ابتسام عند يماها
ابتسام : يما سردين اشريلنا ساردين عشرالاف رخيس .
صفية : شكون نبعث؟؟
ابتسام: نشوف كاش ولد مالحومة نبعثو..
طلت ابتسام لقات ولد فالحومة وليد الجيران
ابتسام عيطتلو : عليلو ...عليلو..
حسين سمعها طلع راسو شافها تبسم..
بقا يعيط
حسين : ساااردين من عند حسيين غير للحباب والغاليين كووول ياولد ما كوول عند حسين الساردين بنين.
طلع عليلو مدتلو ابتسام دراهم.
ابتسام: جيبلنا زوج كيلو قولو للشيخ موح .
هكا!!!
عليلو : وانا ؟؟
ابتسام : شد الفرانك.
عليلو زعف : منشرييش ..
ابتسام : يا ما ما ..تتشرط شد الفين وسكتنا ...هيا خف قبل مايروح.
هبط عليلو يجري خاطر ساكنين باطيمات .
خلود: ميروحش متخافيش هههههه
لحق عليلو عند حسين : هاك عمو قاتلك للشيخ موح
حسين ضحك طلع راسو شافها تتبسم ودخلت للدار تضحك عليه.
خلود : حرام عليك نتي متحبيهش وطمعي فيه.
ابتسام : اووف سكتينا ..خلينا ناكلو السردين تاع حسين هههههه
رجع عليلو مدلها الساردين..ورجعلها دراهم.
ابتسام : وهذو علاه رجعهم ؟؟
عليلو : معلاباليش قالي رجعهم.
ابتسام : شد اعطيهملو.
عليلو: منمدش ااااااه نظل طالع هابط...خليني..
هبط عليلو يجري ...وابتسام حطت السردين فالكوزينة ورجعت طل عليه لقتتو قلع .
حسين : بصحتكم الساردين ياجيران ويالجوارين ..
ابتسام طل وتضحك عليه.
خلود : رجعيلي عشرالاف تاعي
ابتسام : اسكتي يابقرة ياك هو رجعهالي
خلود : وانا سلفتهالك جيبيها .
ابتسام : امممم متخافيش عندي حسين نطلب عينيه يمدلي..
خلود : نسيتي عندي هشام .
ديجا راهو يعيطلي
الحلقة 32
جازو يامات خلود ديما تتهرب من هشام مي هو مخلالها حتى فرصة...حتى فالتليفون يهبلها فاليل حتى ترفد عليه ..
خلود : ياك قتلك خلاص منحكوش علاه تهبل فيا هاك
هشام: منقدرش نرقد بلا مانسمع صوتك...والفتك
خلود : ااه يا ربي مي فهمتك!!!
هشام : علاه تكرهيني ؟؟؟
خلود : نن علاه نكرهك مي فهمتك.
هشام : جابلي ربي انا راني نغيط وحدي ونتي ماكيش سامعة بيا...ابقاي على خير ..
وكوبا .
خلود تقلقت : بففف زعف
ابتسام : واش بيكم ؟؟
خلود : زعف مني ...كي محبيتش نهدر معاه .
ابتسام: ااه ياخلود راسك خشين شو في انا ..
وراتلها تليفون.
خلود قرات وعوجت فمها
خلود: شكون هذا ؟؟
ابتسام: حبقلبي 😍
خلود : خليتي حسين هابل عليك وتحوسي على واحد فالفايس
ابتسام: اممم حسين كبير عليا بزااف وجابلي ربي ماهوش رومنسي ومنقدرش نتفاهم معاه ...خلي هذا خير رومنسي يقتل 😍
خلود: اااه يا ربي حصلت والله.
ابتسام : هشام يحبك يموت عليك ونتي هاملاتو درك يزعف عليك شحال يبقا يساعف فيك ؟؟
خلود : نعيطلو منحبش نزعفو.
عاودت عيطتلو محبش يرفد...بقات تعاود والو..
منبعد رفد عليها وعيط عليها .
هشام: واااش ؟؟!.
خلود سمعاتو هكاك غاضتها عمرها بدات تبكي بلا مفاقت : هشام.
هشام سمع صوتها تبكي هبل : شبيك ؟؟!
خلود : متزعفش عليا ..هاك...هاك عارف وفهمتك
هشام: نحبك يار*** اووو !!! باااه تفهمي نتي درك؟؟؟
خلود : والله عارفة حتى انا .
هشام : قوليها مشتاق كلمة حلوة منك .
خلود : نحبك هشام والله نحبك.
هشام: حتى انا نحبك عمري ...متزيديش تبكي ومتظليش تهبلي فيا ...نتق*** من مخي .
خلود : نن ..خلاص راحلك الزعاف .
هشام : اممممم.
خلود : هشام .
هشام : شكون انا ؟؟؟
خلود : عمري
هشام: وثان
خلود : وروحي و حبيبي وكامل حياتي .
هشام : وثان ؟؟
خلود : هذو مقنعوكش ؟؟
هشام: انا راجلك ونتي مرتي وحبيبتي وشريكة حياتي ..
خلود تبسمت وتمسح في دموعها : علاه تحبني ڨااع هاك؟؟
هشام تنهد : مانيش عارف ..خاطر تفهميني وتحسي بيا وحنانتك تقتلني ..وديما في بالي وكي تضربيلي في مخي نحبك ترفديلي التليفون
خلود : بصح مرات نكون مديرونجية.
هشام: معلابالي بحتى واحد نعيطلك يسموك ترفدي فهمتي ..
طنننن طنن...تكوبا تليفون ..
هشام عاود عيط والو ..مفهمش..
خلود مغطية وتحكي مع هشام...حتى دخل سيد علي خوهم ..سمعها..
راح ليها خبطلها تليفون كسرو...وضربها برجلو وهي ساكتة وتبكي ..
سيد علي : تفوووو خامجة نزيد نلقا عندك تليفون نحرقك بيك بيه..
وخرج وخلاها تبكي وابتسام شوف وخايفة لا يدور ليها
الحلقة 33
ابتسام ناضت شافت ختها لقاتها تبكي وتتوجع .
ابتسام: خلود..راكي مليحة ؟؟
خلود : امم ...
وناضت قعدت تمسح في دموعها
ابتسام: خلاص اسكتي عيشك..
خلود تهدر وتبكي : كسرلي يدي والله راهي تستر ..
ابتسام: اصبري نديرلك شوية زيت واربطيها تصبح مليحة
حطت خلود راسها باش ترقد والدموع في عينيها تفكرت هشام...
خلود : درك سوور راهو مقلق و يا كل في روحو ..اااه يا ربي درك يقول معلابالهاش بيا..
ابتسام : ابعثيلو من عندي .
خلود : هاتي.
بعثتلو خلود ميساج.
هشام سيد علي كسرلي تليفون فاقلي نحكي معاك ..وبعثتلك منعند ابتسام ..متعاودليش تخاف يفيقلي ..غدوة ارواح نحكو..
هشام قرا الميساج تقلق ركبو الغش.
هشام: اااه يااربي وميكونش ضربها برك..
...
غدوة منذاك ناضت خلود الصبح يدها توجع فيها ربطتها ولبست.
صفية : شبيها يدك ؟؟
خلود : مكانش فوجاست برك.
صفية : حايدي على روحك.
...
خرجت خلود مع ابتسام طلعو لافاك يقراو...
شوية هاك جا هشام بعث عند ابتسام قاللها تخرج راهو يستنا فيها..
خلود خرجت ليه..
هشام بقا يشوف فيها مهبطة عينيها هذي ثاني مرة يشوفها .
شاف يدها مربوطة تخلع..
هشام : شبيها يدك ؟؟؟
خلود : مكانش فو جاست..
هشام : تتقعدي ؟؟؟ متقوليليش ضربك ؟؟؟
خلود دمعو عينيها تنهدت : نورمال ياك خويا .
هشام : نعل راسو تاعو يضربك هاك قريب كسرلك يدك ؟؟
خلود شافت فيه بتحدي : شوف هذاك خويا منحبكش تهدر عليه فهمت !!! مهما كان هو حامي عرضي مش كيفك ...وزيد نتا لي وصلتني لهنا ...شفت علاه قتلك مانيش حابة نحكو ..
وبقتت تحكي وتبكي .
طووول حياتي راسي مرفوع في دارنا جيت هبطتولي هاك؟؟! قتلك مانيش تاع هذوما صوالح...مليح هاك؟؟ مقدرتش حتى نكتب ..ريحت درك..
هشام مخلوع فيه وفي جرأتها : ليا الكلام هذا ؟!! هذا لي تقلقت عليك ؟؟
خلود: لي تقلق عليا هذاك لي ضربني البارح ..مش نتا ..هذاك حامي عرضي مش نتا ..هذاك لي وقت الشدة نلقاه مش نتا ...هذاك لي من دمي ولحمي مش نتا ...
متكونش داير في بالك بكلمات الحب وحدها تشريني ؟؟ لاااااا عندي شرفي ونيفي قبل كلشي وصح انا غلطت وهذي الضربة لي فيقتني ...ربي يحفظلي خويا ...والحمد لله لي عندي خويا
هشام مخلوع كلامها قهرو : خلود انا هشااام شبيك ؟؟
شافت فيه وتمسح في دموعها : هشام افهمني منقدرش مانيش مالنوع هذاك مانيش منو...وسمحلي عندي TD
رجعت خلود داخلة لافاك تمشي وهشام يتبع فيها بعينيه حتى رجعت متبانش
رجع تنهد حاس بكلام خلود مووس يقتل فيه ...مقدرش يعترض على هدرتها عارف كلامها صواب مي مقدرش يصبر عارف روحو يحبها ...
...
خلود داخلة لافاك وعقلها عند هشام علابالها قهراتو مي لازم يفهم ويدخلها في راسو ..
بقات مهبطة راسها حتى شافت حاجة انوغمال ...حبست وعضت على شفتها وتنهدت
↚
الحلقة 34
خلود : امممم معليش قلنا خويا و عندك الحق تخاف عليا وحامي عرضي ..هذي جوزناها وفهمناها ..
مي مش من حقك نتا تهدر مع صحبتك ...وتجي لهنا شوفها ...ولا حلال عليكم حرام علينا ..
بقات شوف في خوها يحكي مع صحبتو ويضحك ..
بقات تستنى فيهم حتى راح وطلع طونوبيلتو وقلع .
خلود : راح السبع تتع خويا ...جا وقت الانتقام 😈
لبست نواضر تاع شمس وراحت ليها
تمشي وتتمايل وخبات يدها لي مربوطة. ..
لحقت عند حبيبتو لسيد علي .
خلود : احم مدموزال.
رندة شافت فيها مستغربة : وي ؟؟
خلود: معرفتينيش صح ؟
رندة : نن مانيش شايفاتك !!#rezak_fouad
خلود تبسمت : املا درك نقولك شكون انا ...انا حبيبتو للي كان معاك درك
رندة مخلوعة فيها :ديدو؟؟!!!!!!
خلود في قلبها : سيد علي ولا ديدو ههخخ
خلود: ايه ديدو حبيبي انا واش ديري معاه ؟!!؟
رندة: واش راكي تخلطي ؟! انا معاه من مدة
خلود: خلاص مل منك ودرك راهو معايا .
رندة : وشبيك مدموزال من نيتك؟!
خلود : واش حبيبة مامنتيش وقيل ؟!!
رندة : سينورمال منامنش ...عندي ثقة فيه
خلود : اوك درك نبينلك..
جبدتلها نومروه لي سماتو حبيبي
خلود : هذا ماشي نومروه ؟؟؟
رندة مخلوعة : امبوسيبل؟؟!!!! واش جاب نومروه عندك ؟؟
خلود : باش متغلطيش مرة وحدوخرا واعرفي معامن راكي دوري .
رندة رجعت ترجف : مستحيييل ...بلاك سرقتيه غلطة..
خلود : هههههه شحال نية نتي ...هاذي فوطو تاعو...شفتيها ولا نزيدلك وحدوخرا..
رندة بقات مخلوعة فيها : ك...كيفااه خدعني الكذااب علاه هاك حرام عليه.
خلود : اطلقي ديدو ...ديدو تاعي وحدي وغير انا لي يحبني ..فهمتي ..
رندة تبكي وعيطتلو بهدلاتو فالتليفون : يالخدااع يالخاااين حراام عليك وانا دايرة فيك لمان ونتا تخون فيا وكيييلك ربي منسامحكش..
سيد علي : شبيك رنوش ؟؟ واش صار ؟؟.
رندة : بلااك تزيد تعيطلي يالخدااع نكرهك موووت ..
وكوبات وهي تبكي.
سيد علي مخلوع مافهم والو : شبيها هذي هذاوين كانت لباس بيها .. اااه يا ربي لبنات هذو يدوخوك..
عاودلها محبتش ترفد..
خلود كانت راحت ودخلت لافاك ونحات نواضرها ..
وتتبسم
خلود: حتى ديدو ملازمش يدير صحبتو...تحت شعاار نلعب ولا نحرم....وااااو يحيا العدل وتحيا خلود وتحيا انااا 😍...ههههههه
الحلقة 35
دخلت خلود لافاك تتبسم كي انتقمت من خوها ...
قعدت في بلاصة وحدها وغايسة....عيطتلها ابتسام
ابتسام خرجت تمشي وتحوس على ختها حتى شافتها قاعدة وحدها حزينة راحت ليها
ابتسام : واش صار خلود ؟! واش قالك هشام ؟
خلود تنهدت مقنوطة
طرطقت بالبكا تشهق مقدرتش حتى تهدر ولا تفرغ قلبها .
ابتسام وجعها قلبها مفهمتش واش صار : واش كاين خلود ؟؟ احكيلي ..فرغي قلبك.
خلود : راح هشام خلاص ميرجعش ...خلاص كلش
ابتسام مخلوعة : خاااه علاواش تفارقتو ؟؟
خلود تمسح في دموعها : هذا لي كان لازم يصير مالاول .
ابتسام : هو حبس معاك ؟.
خلود : انا حبست كلش ...محال نبقا هاك معاه ...هاكي شو في سيدو فاقلي وكون يسمع بابا ونولي في مشكل ...عمري متمنيت نطيح فالموقف هذا ...وياريتني معرفتو ماحبيتو ...شكون قال لعبة توصل لهاك ...صح كيما قال هو لعبة العشاق حتى ولينا صح عشاق.
ابتسام : وعلاه تخشني في راسك معاه وهو يحبك؟
خلود : الحب مش كلش في الدنيا ...لي يحبني ميقبلش يطيح بقيمتي قدام دارنا ...هذا هو الصح ياختي. .نخمم بعقلي مش بقلبي .
ابتسام : والله ملقيت منقولك...وهو واش قالك؟؟
خلود تنهدت بحسرة : واش يقول ..سكت. .درك يروح ويشوف غيري واش حاسبة يبكي عليا !!! الراجل عمرو ميجري ورا وحدة غير اذا كان يحبها صح.
ابتسام: علاه قليل مجرا وراك ؟!!
خلود : جرا ورايا ىصلاحو مش لصلاحي ...واذا كان صح يحبني كيما يهدر يقيمني ويجي يهدر مع بابا ...من غير هذا منقبلش.
ابتسام : بصح ضروفو متساعدوش ممكن درك !!!
خلود شافت في ابتسام : من يفعل يستطيع ...اذا كان صح يحبني يبينلي يدير جاست ويخليني نثيق فيه.
مش هدرة برك...هدرة وحدها بلا فعل معندهاش قيمة .
ابتسام : مي اذا كانت ضروفو صعيبة مراحش يقدر يهدر مع بابا !!
خلود: املا مانيش مكتوبو ربي يفتح عليه جيهة وحدوخرا.
ابتسام : بصح تحبيه ؟؟ كيفاه قسحتي قلبك عليه هاك.
خلود : نقسي اليوم قلبي عليه فالحق...خيرمن غدوة يقسي قلبو هو عليا غدوة نشالله فالباطل ...ويرميني كي يمل مني !!!
منبعد يمل ويشوف غيري واش نستفاد انا ؟؟؟ قولي واش نستفاد؟! هو يعيش حياتو بالطول والعرض وانا نعيش على الحزن والذكريات ...حتى ونتخطب نعيش مع راجلي من فوق قلبي ..واش ذنبو الراجل لي نتزوج بيه ...هذاك لي نواني للحلال وقصدني مالباب نعيشو في جحيم..
بعقليتك ولي كيفك الحلال تكرهوه للرجال وترجعو الحرام هو المليح...انا نبقا هاك مش شرط ندير حبيب ..الحب مور الزواج ..ربي قالها وجعلنا بينهم مودة ورحمة ...هذاك هو الحب ...بصح لي عاشوه فالحرام عمرهم ميحسو ببنة الحلال ...عمرهم...
وناضت تمشي و ابتسام تتنهد وهي تسمع في هدرة ختها ..
ابتسام : وينك ياهشام اذا ضيعت خلود ضيعت فرصة حياتك ...قلال لي كيفها درك...ربي عوضك بطفلة كيفها للحلال متهربهاش بالحرام وتقول معنديش زهر !!! كلشي بيدك
الحلقة 36
سيد علي رجع عند رندة للفاك مور مادوست معاه
عيطلها تليفون محبتش بسيف باش رفدت.
ديدو : الو رندة وينك علاه ماكيش حابة تهدري معايا ؟؟!؟
رندة : متهدرش معايا ومتزيدش تعيطلي قتلك خدااع ومنامنكش.
ديدو : وشبي رااستك ؟؟ معامن خنتك ؟؟ مع الجنون ؟؟
رندة : مانيش عارفة شوف نتا .
ديدو : اااه يا ربي مخي راح يحبس اخرجي راني برا نستنا فيك.
رندة تبكي : قتلك خطيني منخرجش روح ليها .
ديدو : رنوش اخرجي عمري نحكو ...هذي مش هدرة تاع تليفون ..
رندة ساكتة .
ديدو: هيا الزين تخلي حبيبك متحير !!؟ نهون عليك !؟؟ يازح اخرجي لا ندخل ليك نخرجك.
رندة : اوك هاني جاية
...
خرجت رندة من لافاك تمشي وتمسح في عينيها ...شافتها خلود تنهدت ..بقات تبع فيها بعينيها .
خلود : هايليك المقلشة تاع سيدو ولا ديدو كيما تعيطلو هي.
ابتسام شافتها : هذيك ؟؟ شكون قالك؟؟؟
خلود : شفتو معاها ...شفتها نزلت من عندو مالطنوبيل
ابتسام : تبان تبكي !!!
خلود تحسرت : مالڨري كلش غاضتني
ابتسام مستغربة : علاه واش بيها ؟؟
خلود : انتقمت من سيدو وبلاك خلاتو هي.
ابتسام ضيقت عينيها مفهمتش : واش قلتيلها ؟
خلود عوجت فمها : قلتلها انا حبيبتو لديدو
ابتسام : هههههه منك بصح ؟!
خلود : ايه وريتلها نومروه وفوطو تاعو امنتني وعيطتلو بهدلاتو.
ابتسام : واااااو مين جاوك هذو الافكار ...انتقام ولا خليني .
خلود : اوي حتى هو ملازمش يتمسخر ببنات الناس ..ولا حلال عليه حرام علينا .
ابتسام : بصح مش حق عليك هي واش ذنبها ؟؟
خلود: خاطر هي بهلولة تروح معاه فالطونوبيل يلعب بيها ويرميها ...يادرا شحال وهو معاها وخدام وعلاه مقالش ليما على الزواج !!
ابتسام : بلاك ماهوش واجد
خلود : خرط...راهو يلعب خلي انتقمت وبعدتها عليه فيها خير ليها .
ابتسام : ونتي وين شفتيهم ...وهي معندها حتى ذنب وبلاك يحبها حرام عليك درك كي يبات يحلف متامنوش خاطر كلش بالدليل ..
خلود : الله غالب راحت غلطة وهي في صلاحها صدقيني ..
ابتسام : ااه ياخلود قلقتيني وهي عاقلة وغاضتني نروح نفهمها
خلود : نن جي ليا تبهدلني!!!
ابتسام : متخافيش نفهمها مليح باش ترجع ليه.
راحت ابتسام وراها لرندة لحقت لعندها فالخرجة تاع لافاك لقاتها واقفة مع سيدو وتحكي وتبكي ..
ابتسام جات راجعة شافتها وهي وخلود يتشابهو ..
رندة : هايليك والله هي لي قاتلي ..
سيد علي شاف لقاها ابتسام عينيه رجعو حمر مالغش. ..
ابتسام جات هاربة عيطلها تليفون : ارواحي ردي بالك تزيدي خطوة..
ابتسام رجعت ليهم مهبطة راسها وتبلع في ريقها
↚
الحلقة 37
ابتسام راجعة وتسب في خاطرها: اااه يا ربي اليوم يبهدلني ...علاه انا واش درت في حياتي باش نخلص غلطة غيري ...اه ياخلود يالكلبة نتي تخربيها وانا نخلص ...واش راح يفريها اليوم ...اليوم يقتلني سيدو ااااع يا ارض ابعليني درك ومنسمعش الرخس هنا فلافاك .
لحقت عندو خايفة مقدرتش حتى ترفد عينيها فيه .
ابتسام : اليوم نقتلك ياخلود يابقرة اععععع.
سيدو: شو في فيا
ابتسام شافت فيه خايفة : وي !!
سيدو : واش قلتيلها ؟
ابتسام : انا ؟؟! لشكون؟؟؟
سيدو : متلعبيهاش متفهميش ...ليها واش قلتيلها؟؟؟
ابتسام شافت فيها وشافت فيه : شكون هذي والله منعرفها؟؟؟
رندة : علاه تكذبي ياك قبيل جيتي قلتيلي بلي راكي معاه وريتيلي نومروه عندي وفوطو تاعو .
ابتسام عوجت فمها: صح عندي نومروه وفوطو تاعو بصح نتي منعرفكش.
وبقات تكيل فيها مالفوق للتحت .
رندة شافت في سيدو : كيفاه عندها نومروك وفوطو تاعك مين جاوها .
سيدو : خاطر البغلة هذي ختي.
رندة مخلوعة : ختك !!؟
ابتسام : وي ختو .
سيدو: وعلاه تحلي في فمك وتحكي معاها هدرة مكانش منها كامل ..لوين حابة توصلي ؟؟ قولي ؟! واش استفدتي ؟؟ فهميني ...انطقي !!!
ابتسام الدموع في عينيها وهو يبهدل فيها برا فلافاك...
قلقت كانت راح تقولو بلي مش انا خلود لي دارتها .
ابتسام : بصح مش...
من بعد سكتت ..
سيدو : بصح وااش انطقي ؟!!
ابتسام خايفة مقدرتش تهدر خايفة تقولو خلود يقولها ياك تليفونها مكسر مين جابت تليفون !؟؟؟
وكون يعرف قادر يزيد يضربها وتوصل الهدرة لباباهم وممكن يخرجها ماىقراية .
بقات ساكتة والدموع في عينيها وتسمع فالسبان ولمعاير .
سيدو : والله وتزيدي تدخلي في حاجة خاطيااك سنانك نهدهملك فهمتي !!!؟
ابتسام : ايه فهمت..
صونا تليفون تاعها ...شافتو ابتسام لقاتها خلود..
كوباتلها ..
سيدو رجع يغلي شاف فيها بغش.
سيدو : ختك وين راهي ؟؟
ابتسام : ااه ؟؟ الداخل ..
سيدو: وعلاه راكي وحدك هنا ؟؟ جابلي ربي تقراو كيف كيف واش ركي ديري وحدك؟؟ ولا كاش وين راهي ؟؟ انطقي يالبقرة !؟؟
ابتسام خايفة منو : نن والله الداخل .
سيدو : ربع ساعة تكون هنا جيبيها ...وياويحك طولي ندفنكم كي نتي كي هي
ابتسام : اوك منطولش .
دخلت ابتسام تجري جيب خلود : ازربي سيدو برا يحوس عليك حاسبك كاش وين رحتي.
خلود خايفة: خااه ...هاني جاية..
راحت خلود تحري وماهيش عارفة بلي جابت البلا لعمرها .
خلود تزرب هي وختها
خلود : قلتيلو يالكلبة ؟! بيعتيني !!؟؟
ابتسام: مقتلوش بففف حق الخير ...حاسبني انا لي هدرت معاها .
خلود : اوك .
كي لحقو شافتهم رندة يتشابهو ..مي لي خلود لابسة نفس اللبسة تتع لي هدرت معاها قبيل ..
شافت في سيدو :وااو خياتك يتشابهو مي علابالك ديدو هذيك لي راهي جاية هي لي هدرت معايا ..
سيدو : اوو مين جابت تليفون ؟؟
رندة : علاه وينو تليفونها؟؟
سيدو : كسرتو....درك تفهمي
الحلقة 38
لحقت خلود وابتسام عند سيدو ..شاف فيهم بغش ..
خلود خايفة وشوف في ابتسام .
سيدو : اجبديه .
خلود مخلوعة: اااه؟؟!
سيدو عيط: اجبديييه.
خلود: واش نجبد ؟؟
سيدو : اجبدي ق*** التليفون ...ودرك.
خلود شافت في ابتسام مخلوعة : واش مالتليفون ؟؟!
سيدو شدها من يدها حتى وجعها ولات تبكي اصلا موجوعة منها
ابتسام : خليها سيدو عيشك ...يدها قريب كسرتهالها البارح وشادها منها ..عيشك طلقها..
خلود تتوجع من يدها وتبكي.
ابتسام غاضتها ختها وشوف في رندة لي تتفرج فيهم وكانها تستشفى..
ابتسام جبدت تليفون تاع ختها ومدتهولو
ابتسام : شد اديه ...اطلقها تكسرلها يدها..
سيدو شد تليفون زاد خبطو كسرو ..
سيدو : شكون الن** هذا لي راهو يشريلك فالتليفونات شكوونوو ؟؟؟
خلود تبكي وتتوجع خايفة
ابتسام جات تهدر : سيدو ..
سيدو : بلعي مانيش معاك ...انطقي خلود شكونو ؟؟؟
خلود تبكي وشفتها تترعد : مك....مكان حتى واحد...خلاص حبست معاه .
سيدو : ههه تتقعدي بيا!!؟ قتلك شكونو ؟؟ قولي شكونو ولا والله متزيدي تقراي هنا ساعة وكلشي يوصل لباباك .
خلود : عيشك سيدو والله منزيد نعاود نغلط...خلاص قتلك خلاص كلش ...عيشك متوصلش الهدرة لبابا عيشك ربي يكتبهالك رندة وتتهناو نشالله يااربي متقولوش..
سيدو: اووو خفتي درك املاا قولي شكونو انطقي !؟؟
خلود تقولو لالا براسها مقدرتش تقولو خافت على هشام كاشما يصرالو ولا يضربوه ويحڨروه وهو همو يكفيه.
سيدو : متهدريش!!؟ دافعي عليه ؟! صحا ...لليوم الشيخ موح يوصلو خرايبك .
خلود : لالا سيدو قتلك خلاص ..عيشك خلاص متقولوش والله يخرجني من قرايتي ومانيش حابة...حابة نكمل ...عيشك سيدو..
ودارت لرندة شوف فيها وتبكي : عيشك ختيتو ربي يجمعكم فالحلال راكي ولية كيفي قوليلو ميقولوش ..
ربي يخليلك العزاز عليك ..ربي يحفظلك والديك قوليلو نتي يسمعلك.
ابتسام غاضتها خلود لي تحلل فيهم وتبكي حست بغصة في قلبها على ختها الي الصبح دافعت على خوها ولعشية يذل فيها قدام حبيبتو.
جبدتها ابتسام : امشي خلود متطيحيش بقيمتك قدامها ..خليها لربي خلود عيشك اسكتي..
خلود تترعد خايفة من باباها خاطرو واعر ..تهدر وتبكي وترجف
خلود : درك يقول لبابا ...راني خايفة ابتسام
ابتسام عنقتها تسكت فيها : متخافيش راني معاك..
خلود جبدت روحها بغش : واش ديريلي ؟؟ كامل بسبتك نتي لي طلعتيهالي في راسي
ابتسام مخلوعة شوف في خلود دارت ليها عارفة الضغط لي دارلها هكاك..
خلود تمشي وتمسح في عينيها لحقتها ابتسام تسكتها
خلود : اطلقيني روحو خطوني ماكمش خاوتي خطوني ...
وكملت طريقها وعقلها عند هشام رغم كلشي مقدرتش تبيع عليه وراح تخلص طريحة بسبتو وممكن تخرج من قرايتها وتتغير كامل حياتها بين لحظة وختها
الحلقة 39
رجعت خلود للدار هي وابتسام...طريق كامل ساكتين وخلود غايسة وحاسة بقنطة وخايفة من ردة فعل باباها كي يعرف ويخبرو سيدو بلي لقاها تتمعشق في نصاف الليالي وكي زاد نحالها تليفون زادت جابت غيرو.
ابتسام : شفتي كون غير موريتلهاش للحمارة هذيك التليفون الصبح ..كون راهو عندك وعيطتي لهشام .
خلود شافت فيها بغش : واش يديرلي هشام تاعك ؟؟
يجي كي السبع ويقولو لسيدو متضربهاش هذي حبيبتي ...بلاك تمسها خليها تهدر معايا ودير رايها ..
هكاا؟؟ وعلاه قالك فيلم ترك ؟؟ راكي في دزاير وهشام ميقدر يدير والو ...فهمتي واالو ...قتلو اخطب محبش ودارلي الف سبة وسبة ...وفلخر فيمن طفرت ؟!!؟
طفرت فيا انا شو في يدي و شفتي الرخس لي سمعناه انا وياك والكلبة تاعو تستشفى..
ومزال الخير القدام ...درك شوفي بابا واش يدير فيا..
دمعو عينيها غايضتها عمرها.
ابتسام تنهدت عارفة بلي خلود كلامها صواب شافت فيها .
ابتسام : خلود ...هو هشام خلاص راح وكلش خلاص بيناتكم ...قولي لسيدو عليه...وهني راسك.
خلود : شبيك هبلتي !! نن غير هذي متصراش .
ابتسام : علاه ؟؟؟ نتي لي راح تخسري ...مفهمتش علاه دافعي عليه وهو مدافعش عليك ..
خلود : انا قبلت بروحي الشي هذا ...ولازم نتحمل غلطتي وزيد هشام لي فيه يكفيه مانيش حابة نزيدلو هم على هم .
ابتسام : علاه واش مالهم عندو ؟؟! كلشي ماضي وخلاص .
خلود بقات تتفكر في واش حكالها وكامل واش صار معاهم..وطريقة لي حكالها على ختو والدموع في عينيه ..وجعها قلبها ...حتى وكان مشارك معاها فالغلطة مقدرتش تبيع عليه.
تنهدت وشافت في ابتسام : مستحيل نخبر عليك وندري يخرجني بابا من قرايتي .
ابتسام : لهذي الدرجة تحبيه ؟؟
خلود تهدر والدموع في عينيها : وي واكثر مما تتخايلي ...تمنيت كون دار خطوة وقصدني فالحلال مي دوماج ...دوماج.
ودارت جيهة الكارو غايسة...
....
لحقو للدار...خلود لحقت للباب حبست خايفة وابتسام شوف فيها .
ابتسام : ادخلي خلود بلاك مقالوش.
خلود: خفت ابتسام.
ابتسام : لي فيها الخير ربي يجيبها..
دخلت خلود لبيتها وابتسام راحت للكوزينة ...يماها هدرت معاها عادي يعني مزال مخبرهمش.
....
خلود من التعب والستر لي في يدها وزيد الخوف والقهرة لي في قلبها ...حطت راسها ورقدت ..
دخلت ابتسام لقاتها راقدة وبالنوم...
تنهدت بقات تخمم في حل تعاونها بيه ...حتى سمعت سيدو دخل وراح لبيتو..
ابتسام وقفت شافت في خلود لي مزالت راقدة : سمحيلي خلود بصح هشام تخلا عليك ماهوش راجل لازم نخبرو لسيدو ...نتي تحبيه ومقدرتيش تخبري عليه وراح ضيعي حياتك بابا وسيدو راح يخرجوك من قرايتك وبلاك حتى يزوجوك...لازم نخبر سيدو على هشام سمحيلي خلود..
وخرجت راحت عند خوها .
ابتسام : معليش نهدر معاك.
سيدو يلبس في تريكوه ويشوف فيها بنص عين: واش كاين؟؟؟
ابتسام : نقولك على خلود وعلى لي كانت معه بصح بشرط متقولش لبابا عليها وخليها تكمل قرايتها نوعدك متزيدش دور بيه وحتى هي حبست كلش وخلاص
سيدو : اممم هاتي نشوف شكونو نومروه اسمو و وين يسكن
ابتسام : اوك هاك
↚
الحلقة 40
صفية : خلود خلود نوضي واش هذا الرقاد عليك ؟ متتعشايش ؟
خلود حلت عينيها شوف في يماها : شحال راهي الساعة ؟
صفية : ثمنية ونص ..شبيك راكي مريضة ؟
خلود : مكانش ...شوية عيانة برك.
صفية : متتعشايش؟؟
خلود : نن مانيش جيعانة.
خرجت صفية وبقات خلود مع ابتسام .
خلود شوف في ابتسام : جا بابا ؟؟؟
ابتسام : جا قبيل ودخل بيتو يرقد يتفرج .
خلود: سيدو مقالوش ؟
ابتسام : مشكيتش ...غير قبيل هدرت مع سيدو وحاولتو سكت مشكيتش يقولو .
خلود : وزعما ياخذلك الراي !!؟؟
ابتسام : نشالله انا قتلو بلي مراحش تزيدي دوري بهشام وكلش خلاص وعييت فيه باش سكت ..مشكيتش يقولو .
خلود هبطت عينيها وتكمست في فراشها خايفة ومقلقة وتخمم في واش راح يصير فيها
...
فالوقت هذا هشام كان ساهر برا هو وحاتم صاحبو..
هشام يتكيف وساكت عقلو عند خلود.
حاتم ؛ وشبيك اليوم تبانلي مدمر؟!؟
هشام تنهد : والله راهي تالفة من كل جيهة .
حاتم : علاه واش صار ؟ تسيباريتو ؟
هشام : مانيش عارف ...هي ماهيش حابة نكونو اون كوبل هي مالاول ماشي حابة مي انا ضغطت عليها ..والبارح فاقلها خوها بلي راهي معايا وضربها ..
حاتم : اوو...وواش صار منبعد؟؟
هشام : واش صار !! كي شفتها وسقسيتها وسبيتو دارت ليا وقاتلي خويا ومدخلش روحك فيا ..ارواح نتا وافهم النسا هذو كيفاه يخمو.
حاتم : راك متاكد بلي تحبك؟؟
هشام : متاكد وبينتلي شحال من مرة ...راني عارفها وحافظها .
حاتم تبسم : امالا هذي بنت فاميليا ومهيش حابة تكون معاك فلحرام.
هشام : بصح مانيش واجد ...راني نلايم فالدراهم لجدة باش نبعثها للحج ...وعدتها وهي راهي تستنا فيا..منقدرش نتراجع...جدة رباتني وهي كلشي في حياتي وخلود علابالها ..
حاتم ؛ تحبها خلود ولا متحبهاش ؟
هشام : ااه ؟؟
حاتم : تحبها ولا متحبهاش ؟؟
هشام : تتمسخر حاتم ياك علابالك بلي مكاش غيرها لي ساكنة قلبي .
حاتم : كي عدت تحبها وتحبك اتكل على ربي واش تستنا
هشام تنهد : هي مزالها تقرا وانا مرانيش واجد للزواج ..خلي نخمم مليح مانيش حاب نشدها معايا بلا فايدة .
حاتم : دبر راسك ...المهم اني قتلك...درك نطلع نقعد مخي .
هشام : حاتم خطيك والله .
حاتم شاف فالحومة قدامو كامل تبسم وشاف في هشام
حاتم : توحشتها هشام ...توحشتها ...واش ندير لقلبي لي بغاها ..
هشام : الله غالب ..هي محبتش تستاهل غيرها .
حاتم : ايه ..كلشي يبان ساهل مي مكانش لي تقبل بالزوالي ...مكانش ...خليهالهم ليهم يتزوجو ..وخلي انا نكملها سهرات ...
وهبط راسو وكمل طريقو.
هشام تنهد وهبط راسو رايح لدارهم..
عاود عيط لخلود مكانش طافي..
هشام تنهد يلزم نشوفهغ لخلود ونحكي معاها ...خلي نخمم مليح ونحكي معاها
فالوقت هذا سيدو برا في حومتهم
سيدو : يااارمزي ..رمزي .
رمزي : وي ؟؟
سيدو : اهبط نحتاجك .
رمزي هبط ليه يشوف فيه مستغرب : خير سيد علي واش تحتاج .
سيدو مدلو ورقة : هذا السيد نحبك جيبلي كامل خبارو وين يدور واش يخدم وين يسكن اكزاكت ...كلشي عليه.
رمزي : علاواه الشي هذا ؟
سيدو: متحوسش تفهم حقك تديه ..بصح تبقا بيناتنا ...فهمت !!!
رمزي : كيما تحب ...مكانش مشكل.
سيدو : صحيت .
رمزي : خدمتي بلا متوصي ..
الحلقة 41
غدوة منذاك الجمعة السبت لحق نهار الاحد ..
ناضت خلود الصبح هي وابتسام قعدت تشرب قهوتها ..
جا سيدو يتقهوا باش يروح يخدم قعد مقابلها..
خلود هبطت عينيها خايفة منو حست روحها ذليلة تمنات الارض تنشق وتبلعها .بقات تقول في خاطرها .
ااه يا ربي كنت لباس واش داني نتبع الحب هذا. ..واش داني ااه يا ربي حابة لرض تبلعني ونريح.
مقدرتش حتى تكمل قهوتها...
رفدت صاكها شافت في سيدو لي يكيل فيها مللفوق ىلتحت. بنظرة متعجبش.
خلود هبطت عينيها كانت تتهرب منو فاليومين لي فاتو.
زاد دخل باباهم شافتو قلبها يضرب خايفة.
ابتسام : بقاي على خير ماما .
صفية : بالسلامة .
خرجت خلود وختها ..
خلود : بففف زمر ...حاسة روحي منسواش ..رجعت منقدرش نرفد عينيا في خويا ولا بابا تقول درت جريمة ..
ابتسام : خلاص خلود انساي وعيشي حياتك..
خلود تنهدت وبلعت ريقها مقنوطة..
ابتسام حاسة بيها وفاهمتها بلي توحشت هشام ..وهي بلا تليفون مكاش كيفاه تهدر معاه ..
وزيد وعدت خوها باش متهدرش معاه. مهما كان ..والمشكل مزالها تحبو .. ومراحش تنساه بالسهولة هذي ..
لحقت لافاك نزلت مالتران هي وختها ...
يمشو وساكتين ..حتى شافتو واقف قدامها. .
خلود حبست شمت البارفان تاعو عرفتها طلعت راسها لقاتو واقف قدامها..حست روحها فشلت ...توحشاتو وجوزت فترة صعيبة وهو غايب عليها ...كانت محتاجة تعنقو وتبكيلو وتشتكيلو كيما تعودت ..حتى هو بقا يشوف فيها توحشها .
خلود شوف فيه دمعو عينيها ..هشام شاف في يدها نحاتلها الرباط...رما يدو ليدها شدها يشوفها اذا برات ولا لالا ..
خلود بقات شوف فيه باين تقلق عليها ...نسات فاللحظة هذيك كلشي واش صار معاها ...حتى فيقتها ختها
ابتسام : خلود..
خلود تفكرت كامل التهديدات تاع خوها وباباها ووعدها ...جبدت يدها من يدو ..هشام تنهد وشاف فيها. .
هشام : خلود ريحتي !؟ يلزم نهدرو ..
خلود هبطت عينيها ومشات ...هشام شدها نحاتلو يدو..
ابتسام راحت وراها.
هشام : خلوود احبسي عندي هدرة معاك ..
خلود كملت طريقها محسباتوش ...هشام قلق راح ليها حبساتو ابتسام .
ابتسام: هشام عيشك اخطي الطفلة ...اخطيها ..قريب تحاوزت من قرايتها بسبتك وسلكت من طريحة من عند بابا كامل بسبابك...اخطيها وخليها في حالها ..
هشام يشوف في خلود لي تمشي وتزرب هاربة منو ودموعها نازلين قلبو وجعو عليها عارفها تبكي ..
هشام : نحبها وتحبني علاه المنكر هذا !؟
ابتسام : هذا السؤال سقسيه لروحك مش ليا ...
ومشات ..
هشام : ابتسام.
ابتسام : وي ؟!
هشام : مزالها تحبني !!
ابتسام تبسمت : كثرمن لي تتصور..
هشام تبسم ورجع وعقلو مزالو عند خلود..
ابتسام لحقت خلود لقاتها تبكي : علاه راكي تبكي عليه خلود...مش نتي لي كنتي تقولي منامنش بالحب !!
خلود : مانيش عارفة كي نشوفو نهبل ...توحشتو ااه ياربي واش داني نحبو وااش داني العذاب هذا ...خويا من جيه وبابا من جيه وهو من جيه ...ااه يا ربي عييت والله عييت..
ابتسام : معليش خلود ياك نتي قوية ...اذا كان صح يحبك مراحش يسمح فيك..اتبسمي وامسحي دموعك..
خلود مسحت عينيها وتنهد وكملو طريقهم يقراو
الحلقة 42
بعدها بيامات....هشام كان ديما يخمم في حل بينو وبين خلود ..يتفكرها يتنهد .. ويتحسر ..وين كانو ووين رجعو ..صورتها كي محبتش تهدر معاه مزالت بين عينيه مقدرش ينساها ..
خلود كيفو ديما تتفكرو قبل ماترقد تبقا غايسة وتخمم فيه ..تتوحشو ديما يجي في بالها تبقا تبكي وتمسح في دموعها...ساعات تضحك تتفكر هبالهم هي وهشام ..وساعات تغيس حزينة كي تتفكر لوين وصلو
...
في اليل كان سهران مع حاتم صاحبو قاعدين يحكو كي العادة ...حتى جا ليهم واحد.
سيدو: سلام عليكم.
ردولو السلام مستغربين معرفوهش. .
سيدو: نتا هو هشام ؟!
هشام : ايه انا هو علاه كاشما تحتاج مني؟!!
سيدو شاف في حاتم ورجع شاف فيه : حاب نحكو ووحدنا .
هشام : مكانش مشكل ..
حاتم: نخليك هشام ..امالا
هشام : اوك اتهلا...
هشام : اقعد.
سيدو ضرب اللوحة برجلو وشاف في هشام : مجيتش باش نقعد
هشام تنهد ووقف وشاف فيه يديه في جيبو : هات ملخر واش حاب ؟
سيدو: تعرف شكون انا ؟؟
هشام : مغرفتكش
سيدو قرب ليه عينيهم لبعض : انا خوها لي شعرة ونكسرلها يدها ..نورمالمو قاتلك.
هشام ضيق عينيه فهم بلي خوها لخلود .
سيدو : احمد ربي ...سلكت لطريحة لي عمرك متنساها..
هشام : خلعتني صاحبي !!!
سيدو: هذيك رهي عرضي تقلبها نتا لروحك قول تقبلها !؟؟
ويضرب فيه لصدرو..
هشام : هبط يديك ...الهدرة مش باليدين حبيبي.
سيدو : هشام ديجا راني كالم معاك بلبزاف كون غيري يريبلك وجهك..
وضربو بالدبزة على وجهو ..حتى رعفو..
هشام مسح الدم وبقا يشوف في سيدو بغش .
سيدو: شبيك ؟ اضرب علاه خايف .
هشام : منضربش على سبة مانيش عارفها
سيدو راح شدو من صدرو : خاطر مشي ختك ختي انا. .
وزاد ضربو وهشام محبش يرجعلو خاطر عارفو بلي عند و الحق
سيدو: علاه مراكش دافع ن*** ر*** انطق ؟!!
هشام : خاطر نستاهل وكون انا ندير ماكثر...اضرب زيد اضرب. ..كون انا ختي نقتلو وندفنو حي .
سيدو قرب ليه يشوف فيه بتحدي : كنت قادر نمحيك في دقيقة بصح ..حبيت نسقسي عليك قبل ...ونشوف شكون هذا لي تجرأ ...تعرف كون جيت وحدوخر كون راك فلوبيتال ...مي كي عدت نتا تبدل كلش.
هشام : علاه ؟؟!
سيدو: سقسيت عليك بارتو وين دور ...كامل شكروك وقالولي هدرة زينة عليك....وعلى هذي محبيتش نتسرع ...جيت نسقسيك قبل .
هشام يشوف فيه مستغرب .
سيدو: مدام نتا ولد فاميليا وسمعتك مليحة وخدام علاه مجيتش مالباب ...محبيتهاش منك !!!
هشام تنهد عارف عند و الحق : خوك زوالي ومكنتش متاكد اذا تقبلو بيا..
سيدو: حنا كامل زواولة ...تحب جي مرحبا بيك ..لي غاضتني تضرب الرجال فالضهر ...حط روحك في بلاصتي .
هشام : عندك الحق ومحال نقدر نغلطك.. وانا عمري مخممت نضربكم في ضهركم ...نويت الحلال حبيت وقت برك
سيدو: الطفلة عندها رجال وراها تحب تخطب مرحبا دارنا مفتوحة ...بصح تخرج ورانا هذي نذبحك عليها فهمت..هذيك عزيزة وانا منحبش عليهم هي وختها هذاك واش عندي .
هشام تنهد تفكر ختو ..تنهد مقهور: ربي يخليهملك ويخليك ليهم ..ومتتقلقش نشالله فيها خير. .
سيدو تبسم : نشاىله .
سيدو مشا وهشام بقا يشوف فيه تنهد قعد وحط راسو بين يديه ويخمم
↚
الحلقة 43
رجع هشام للدار بعدما خمم مليح في واش صار كامل مع خلود ومع سيدو ...عرف خلود بلي بنت فاميليا وحتى دارهم ناس تفهم ...وكلام سيد علي قنعو وبزااف ...ودارلو الكوراج باش يتقدم يخطبها رسميا..
راح للدار ترما في فراشو يخمم حتى رقد..
غدوة منذاك الصبح ناض بكري كي العادة باش يخدم .
فطيمة : صبح الخير وليدي
هشام يتبسم : صباح الخير ..
سلملها على راسها وقعد يدندن .
فطيمة : خير ياوليدي تبانلي فرحان .
هشام حك راسو حشمان من جداه ...
قعدت قدامو تتبسم وشوف فيه .
فطيمة : على حساب الضحكة تاعك ووجهك لي صبح منور باين لقيتلي عروسة .
هشام ضحك :ايه
جداه تضحك عليه...تعرفو يحشم .
فطيمة : شكونها ؟؟؟واش اسمها ؟؟ بنت من ؟؟ وين تسكن ...قولي ياوليدي الفرحة مش سايعتني .
هشام : متعرفيهمش مش منا ...اسمها خلود عندها 22 سنة تقرا فالجامعة .
فطيمة : ربي يبارك ربي يفرحك ياوليدي ويهنيك والله فرحتني ..
وبقات تزغرتلو بلعقل: يووووووييي
حتى غلبتها الدمعة ولات تبكي وتمسح في عينيها .
هشام : علاه تبكي فطوم .
فطيمة : مدريت اليوم هذا يوصل ونزوجك ونفرح بيك...ربي يرحمك يا بنتي كون راكي اليوم راكي مع ولدك وتخطبيلو وتفرحي بيه .
هشام تنهد : ربي يرحمها..معليش عندي فطوم هي ميمتي هي دنيتي .
وناض يعنق فيها يهبل فيها وهي معرفت تبكي معرفت تضحك
فطيمة : وقتاش نروحو نشوفوها بنيتي .
هشام : حتى نهدر مع دارهم ونشوفو نهار لي يساعدهم .
فطيمة : نشالله ..خلود ربي يهنيك ويعطيك ماتتمناي رجعتيلي اىضحكة لوليدي ...والله حبيتها قبل منشوفها .
هشام يضحك عليها : هههههه خلود عندها الزهر ربحت داعويك فطوم...نشالله تعجبك برك.
فطيمة : بووه عليك لي تعجبك نتا انا تعجبني ...غير تهنيك برك ونعيش ونشوف ولاكم يكبرو قدامي قبل ماتغمض عيني
ورجعت تبكي .
هشام هبط على ركايبو يشوف فيها
هشام : ربي يخليك ليا ميمة وتربيلي ولا دي .ويجرو هنا قدامك كي اليوم نشالله
فطيمة : نشالله ..وليدي نشالله.
خرج هشام متبسم....راح خدم اليومين هذوك..
النهار الثالث ...ناض بكري راح لوين تقرا خلود...
بقا يستنا فيها فالدخلة تاع لافاك...
حتى شافتو هي وابتسام.
ابتسام : هذاك مش هشام؟؟
خلود تنهدت وهبطت عينيها محبتش شوف فيه مالغري قلبها يتقطع عليه توحشاتو بزااف ..
هشام شافهم راح ليهم...شاف خلود مكملة طريقها محبتش تحبس
هشام : ابتسام
ابتسام شافت فيه مستغربة
هشام : اعطيني نومرو تاع سيد علي خوك.
ابتسام وخلود مخلوعين .
هشام عوج فمو : ولا الخطبة ثان منخطبوش ..
ابتسام تبسمت وشافت في خلود لي مش مصدقة واش تسمع .
ابتسام : من نيتك ؟
هشام : علاه هذي هدرة تتع تمسخير؟!!
ابتسام مداتلو عيطلو ثم قدامهم .
هشام : الو سيد علي ..انا هشام .
سيدو : وي ؟؟
هشام : نهار السبت تساعدكم نجيب الدار ونجي ؟؟
سيدو : نقول للشيخ بابا ونرجعلك الخبر .
هشام : نشاىله هذا نومرويا .
سيدو : داكور .
كوبا هشام وغمز خلود ومشى خلاها واقفة معرفت تضحك معرفت تبكي
الحلقة 44
ابتسام : واااو شفتي راهو جاي يخطبك هشام ..وااع so cute😍 ...وشبيك خلود ساكتة ماكيش فرحانة ...كون انا نقلب لافاك بزغاريت ..والله ماني مامنة...بقات تخمم في عقلها ..زعما سيدو هدر معاه وتفاهمو ..
شافت في خلود لي مالشوك غايسة وساكتة ومتبسمة
ابتسام : علابالك خلود بلي انا السبة باش جا خطبك .
خلود شافت فيها مستغربة
ابتسام : وي انا قلت لسيدو على هشام
خلود مخلوعة:اااه؟؟ علاه قلتيلو وكون كاشما صرا بيناتهم نتي مريضة ولا بعقلك ؟؟
ابتسام : مصرا والو هاكي شفتي بعينيك ..يكونو هدرو مع بعضاهم وفرات..
خلود : مي كيفاه تخدمي من ورايا!!
ابتسام : نورمال المهم رضخ لخوك وجا يخطب ...افرحي يالبهلولة ...ديجا نرومالمو تشكريني
خلود شافت فيها بغش : عندك الزهر لي كملت هاك ..سينو كون كاشما صرالو ..والله منتفاهم معاك ..
ابتسام تعوج في فمها
خلود مشات شوية وحبست ..رجعت شافت وراها
ابتسام : خلود واش كاين ؟
خلود عضت شفتها وتبسمت: نروح نلحقو قبل ميروح
ابتسام تضحك عليها : هههههه اجري درك يروح .
راحت خلود تزرب باش تلحقو لحقت لاڨار لقات صونيا داخلة ...شافتها هبطت عينيها وكملت طريقها ...
لقاتو هابط فالدروج ..
حبست شوف فيه شاد تليفونو وهابط بقات تخمم من مقبيل ملي راح مزالو هابط فالدروج ..
شافت وراها ...تفكرت صونيا.
زعما كان يهدر معاها ..بففف واش داني للتخمام هذا درك ياك فهمني قصتها وراه جاي يخطبني واش داني نخمم فيها .
بقات غايسة تخمم والناس طالعة هابطة...
هشام كان هبط متكي طلع راسو لفوق شافها واقفة
هشام ضحك عليها : واقفة كي البهلولة في نص الدروج...حاب نعرف برك واش راها تخمم.
منبعد شافها هابطة ..
لحقت عند و دار كيتمان ومحبش يشوف فيها. .
خلود لحقت ليه حشمانة شافت فيه .
خلود : هشام..
هشام نحا كيت مان وشاف فيها : نعم مدموزال؟؟
خلود : هههههه واش هذي مدموزال ؟
هشام حط صبعو في فمو يخمم ويهبل فيها ؛ ديزولي منهدرش معاك ...خويا سيدو ميحبش
خلود : هههههه زعما تخلفهالي .
هشام رجع حط كيتمان ومحبش يشوف فيها يهبل فيها. .
لحق التران وهو مشا باش يطلع .
خلود جبدت نومروها الاول كتباتو في ورقة خاطر لابيس متكسرتش خباتها . ...وحسباتو سيبريما نيميرو
خلود : هاك نيميرو
وغمزاتو.
هشام شدو وشاف فيها وقطع الورقة : قتلك خويا سيدو ميحبش متهدريش معايا .
خلود شافت فيه بغش قلقها : بففف سامط رهج علاه تتمسخر بيا .
وطلعت راجعة ...
هشام جبدها من يدها ويضحك عليها : هههههه يالبهلولة نومروك جامي نحيه وحافظو ...نتي لي راكي تتمسخري بيا .
خلود بقات مشنفة
هشام شدها وطبعها لتران باش تدخل وهي حبست شافت فيه بغش
خلود : اووو شبيك ؟؟
هشام : تضحكي وتنحي هذيك الشنوفة ولا والله نكمل بيك للدار .
خلود ضحكت : ههه مهبول ..
وطلعت فالدروج وهو واقف عند الباب شادها ويضحك والناس تسب ويشوف في خلود يقولها امشي تروحي للدار معايا ..
وهي تطلع درجات وتحبس تلقاه مزال يستنا فيها. .تقولو مهبول بصبعها ..
وطلعت تضحك و وهو طلق الباب وقلع التران
الحلقة 45
لعشية هدر سيدو مع باباه ويماه.
سيدو : بابا كاين واحد نعرفو ناس ملاح خطبني في خلود ختي.
صفية فرحت : مليح وزعما ناس ملاح ؟
سيدو : ايه انا مقلتلكمش حتى سقسيت عليه ...الناس كامل ذاكراتو بالخير خاطيه المشاكل وخدام لباس بيه وزيد صغير ويوالمها لخلود.
صفية تبسمت: مليح وقتاش يجو !!؟
سيدو: قالي بالسبت اذا يسعادنا الحال .
محمد باباهم: ايه مليح يجو ونشوفوهم ومدام سقسيت نتا عليهم معندي منقول .
صفية راحت تجري لخلود وابتسام تخبرهم فرحانة
صفية : جاوك الخطابة خلود ...واحد قال لسيدو خوك وراهم جايين يشوفوك نهار السبت .
ابتسام تبسمت وخلود زعما مخلوعة: ماما شكون هذا تعرفوه ؟!
صفية :سيدو يعرفو وقال ناس ملاح .
خلود : اممم خليه يجي ونشوفو...بصح متسيفوش عليا اذا معجبنيش .
صفية: نشالله يعجبك وتعجبيه وتتفاهمو ..
خلود : نشالله..
خرجت وخلاتهم.
ابتسام تعوج في فمها : اذا معجبنيش متسيفوش عليا هههههه لي يسمعك يقول بصح ..ونتي ميتة عليه .
خلود تضحك غمزتها : شوية سيسبانس ياجدك هههههه
ابتسام : هههههه عندك الحق ..
..
فاليل قاعدة ابتسام تكونيكتي .
خلود جابت تليفون سانبل شوف في ابتسام
خلود : سلفيلي نكونيكتي نحكي مع هشام توحشتو.
ابتسام : احكي معاه تليفون .
خلود : نن نخاف سيدو ...شكون شاف
ابتسام : راني مع حب قلبي 😍 منقدرش درك.
جات خلود قعدت قدامها : وريلي نشوفو..
ااععع يالحلوفة بقلاوة وين لقيتيه ؟؟
ابتسام : فالفايس كيما لقيتي هشام .
خلود : امممم وزعما حبيتيه ولا راكي جوزي الوقت برك .
ابتسام عنقت تليفونها وغمضت عينيها : يهبل وهدرتو عسل وزينو يقتل اااه يا قلبي خايفة منعجبوش
خلود : هههههه وليتي موسوسة كيفي .
ابتسام : بلعي يالحمارة راني دايرتك قدوة ليا ..طامعة زعما
خلود : وحسين مسكين هههههه
ابتسام : خليني منو كبير عليا ب 13 سنة ميساعدنيش .
خلود : بصح رزين وباين يحبك
ابتسام : وي عارفة مي ماشي كيما #حليم ..
خلود : وزعما كون تكتبلك مع حليم حسين تحرقيه مسكين والله السيد يشوفك المشية تتلفلو .
ابتسام : خليني منو.
خلود : تطلقي الخيط الصحيح وتشدي فالراشي .
ابتسام : نتي ادي لي تحبيه ويحبك وانا نديه كبير عليا .
خلود : وعلاه مخطبكش حسين مفهمتش .
ابتسام :انا قتلو مجيش وحللتو قتلو خليني حتى نكمل قرايتي .
خلود حلت فمها مخلوعة : يعني طمعتيه وداير في بالو تستنايه ...حراام عليك .
ابتسام : نن مقتلو والو وموعدتوش بحتى حاجة
خلود : بصح هو طمع .
ابتسام : خليني منو قتلك موعدتوش وانا منحبوش ...صح يعجبني مي حليم خير ..
ديجا راهو بعثلي هيا طيري من قدامي هيا روحي لهشام تاعك.
خلود ناضت راحت للكوزينة تشرب لقات سيدو ثما ياكل ...
شربت وهبطت راسها خارجة عيطلها سيدو.
سيدو : اي ارواحي .
خلود : انا ؟؟
سيدو : ايه نتي ارواحي هنا شو في
↚
الحلقة 46
رجعت خلود ليه وشوف فيه خايفة ماهيش عارفة واش راح يقولها ..
سيدو قاعد ياكل ويشوف فيها مهبطة عينيها .
سيدو:منمنمنن شو في فيا
شافت فيه مستغربة
سيدو تبسم : حق مسلكتك يلزم تخلصيني
خلود : 😑
سيدو : منا حتى لنهار السبت نحبك كل يوم ديريلي واش نحب ولا نفرش بيك ونكحسهالك
خلود عوجت فمها
سيدو : فهمتي !!؟؟
خلود : اوك كيما تحب.
وجات رايحة تمشي وتسب .
سيدو : اي وين !!! مزال مكملتش هدرتي !!
خلود : وي !!
سيدو: مذابيك كاس اتاي على الكيف .
خلود تنهدت : اوك.
سيدو : اي بلا تشناف ..
ووقف رايح لبيتو : جيبيهلي للشومبرة وقرعة ما متنسايش..
خلود : اوك
ودارت طيبلو وتسب .
سيدو: وبلا سبان
شافت فيه خلود تبسمت من فوق قلبها .
راح سيدو لبيتو قاعد يتفرج...وخلود وجدتلو لاتاي وراحت حطاتولو فالشمبرة مع الما.
سيدو شرب منو : ياااع مر ..جيبي السكر..
راحت جابتلو سكر ورجعت. ..
سيدو : اممم هاك خير ...تقدري تروحي درك...
رجعت خلود لشمبرتها تسب
خلود : بففف ااه يااربي علاه زهري انا غير مع السامطين والزبل اووف .
ابتسام : هههههه شبيك ؟
خلود : الزمر تاع سيدو دايرني خديمة عند و ولا يبيعني .
ابتسام: هههههه والله يعرفلها ..حتى انا وقيل نشارك معاه .
خلود مخلوعة : شوف اسيدي واش تشاركي تستشفاي فيا....ديجا حتى نتي نبيع عليك .
ابتسام : دوماج كون غير محكيتلكش على حليم .
خلود : اااع ياربي وكمل هذي السمانة على خير .
حطت خلود راسها رقدت ..وابتسام بقات تكونيكتي مع حليم
حليم : واش عمري مترقديش ؟؟
ابتسام : والله نعست ..
حليم : مام انا نصبح خدام .
ابتسام : وانا نصبح نقرا .
حليم : امممم والله حاب نشوفك فلافاك.
ابتسام : نننوو ياك حكيتلك واش صرا مع خلود ..محال نعاود غلطتها .
حليم : فهمنا فهمنا خلاص .
ابتسام: زعفت ؟؟!
حليم : راني ميت بالفرحة ..
ابتسام: والله منقدر سيرتو هذو اليامات افهمني عيشك.
حليم : فهمنا خلاص روحي ترقدي ..
ديكونكتا حليم وابتسام باقية تخمم .شافت في خلود لقاتها رقدت
....
غدوة منذاك الصبح ...قاعدين يتقهواو..
كانت شوية قاطو حاطينو يتقهواو بيه..
دخل سيدو لابس خارج للخدمة قعد يتقهوا...
شاف خلود تتقهوا رفد طبسي من قدامها
سيدو : نتي مش مليح ليك القاطو خلي انا نتبرع ناكلو في بلاصتك..
خلود شافت فيه بغش وشافت في ابتسام لقاتها تضحك عليها ...
خبطتها بالصاك وناضت خرجت ..
ابتسام : ااااي يالكلبة وجعتيني الواحد هو راهو مدوخ صبح ربي
الحلقة 47
خرجت خلود مع ابتسام الصبح رايحين يقراو.
خلود طريق كامل تسب وابتسام تضحك عليها.
خلود : بففف زبل دايرني خديمة عندو..يروح للبغلة تاعو يخدمها مش ليا .
ابتسام : هههههه اوااه هذيك يقلشها
خلود : استشفاي نتي جاية دالتك .
ابتسام بقات تهبل في خلود وتضحك عليها حتى سمعت صوت
حسين : اااه يا ربي الواحد يصبح على ذيك اضحكة ينسا كلشي...ياريت نصبح عليها كل يوم.
ابتسام تبسمت تعرف صوتو..
خلود شافت وراها لقاتو حسين .
خلود : اممم شوفيه يالبهلولة راهو يهبل .
ابتسام : بركاي متعشقيلي في حبقلبي
خلود : هههههه ابنتي حليم ولا حسين فهمي روحك !!!؟
ابتسام شافت وراها لقاتو يشوف فيها ..طلع فالكاميونة تاعو ويضحك.
رجعت شافت قدامها وتضحك.
خلود: السيد ضارب عشقة فيك يالبهلولة علاه متقوليلوش يجي يخطب ؟؟ علاه تعطلي فيه .
ابتسام ؛ نن شبيك كبير عليا بزااف .
خلود : بصح هو راهو طامع فيك حرام عليك.
ابتسام : علاه انا تبليتو ؟؟ ياك هو !! يدبر راسو
مشاو شوية لحقهم بالكاميو ..شاف في ابتسام .
حسين : كبرنا بسبتك وحنا نستناو فيك ...هاوقتاش تكملي قرايتك ؟؟
ابتسام جاوباتو بلا مشوف فيه : مزال
وكملت تمشي .
حسين : خليني نخطب برك نحطك على اسمي. وكملي قرايتك .
ابتسام : نن
حسين: اتقلشي على ق**** عندك الحق .
وقلع مزعف فاتهم...
خلود: قوليلو الصح شبيك هاك تهبلي فيه ؟؟!
ابتسام : واش نقولو ؟؟ نتا كبير عليا ومتوالمنيش ؟؟
خلود : ايه صارحيه.
ابتسام : جاتني ثقيلة.
خلود : وتبقاي تهبلي فيه هاك...
ابتسام: بفففف لصقة .
مشاو شوي لقاوه حابس ومتكي على الكاميو .
خلود : راهو يستنا فيك ..صارحيه.
ابتسام : اااع منقدرش نحشمو.
لحقو عند و ...حسين شاف فيها .
حسين : ليوم نهدر مع باباك منبقاش نستنى فيك.
حبست شافت فيه مخلوعة: بلاك ديرها!!! والله نقولهم لالا .
حسين تبسم وهبط عينيه ورجع شاف فيها : صحيتي ديت جوابي ..
وطلع فالكاميو ....خبط الباب وقلع. .
ابتسام حبست شوف فيه عينيها دمعو..
خلود : شبيك !! خلاص درك ميزدش يدور بيك..علاه راكي تبكي .
ابتسام : مانيش عارفة والله ماني عارفة علاه نبكي مي محبيتهاش تكمل هاك
الحلقة 48
لحقت خلود وابتسام لافاك .ابتسام طريق كامل ساكتة وغايسة ...خلود صونا تليفونها رفداتو لقاتو هشام تبسمت...عضت شفتها فرحانة
خلود : الو صباح الخير.
هشام : صباح الحب حبيبي لباس ؟
خلود : توحشتك اااع علاه معيطتليش البارح
هشام : يتوحشك الخير عمري ..نن محبيتش نعيطلك مانيش حاب نخلقلك مشكل ...منسيتش ضربة يدك مزالت في راسي .
خلود : اممم زعما خفت عليا .
هشام : خفت نباصي بيك مش نخاف عليك ههخخ
خلود : اعععع سامط وانا قلت خفت عليا.
هشام : هههههه وين راكي؟؟
خلود : داخلة لافاك انا وابتسام .
هشام : عيطلي خوك وتفاهمنا.
خلود : ممم قاتلي ماما البارح .
هشام : ريحتي درك ؟؟
خلود : وييي هكا خير هههههه
هشام : باش تعرفي شحال نحبك .
خلود ؛ اممم علابالي.
هشام : ونتي ؟؟
خلود : انا ثاني .
هشام يعوج في فمو : انا ثاني ...هاقوليها توحشت نسمعها منك
خلود : ههه نحبك.
هشام : وثان ؟
خلود : سامط تاعي نموت عليك ..ههه
هشام : اممممممم بنينة هدرتك....هذا الكلام لي نحب نسمعو الصبح ..يطلعلي المورال .
خلود : هههههه ماشي خسارة في عمري.
هشام :ن*** ر**** شحال نحبك ..تزيدي كلمة نجيك حق ربي .
خلود : هههههه لالا خليك مكلاه .
.....
جازو اليمات لحق نهار السبت نهار الخطبة..
خلود لبست ووجدت روحها وقاعدين يستناو فيهم...
صفية: جاتك شابة الروبة...يشوفك يدوخ ...خموس وجبريل عليك.
خلود : زعما نعجبو يما؟؟
صفية: علاه متعجبيهش ...وين يلقا خيرمنك...
خرجت صفية راحت للكوزينة وابتسام تضحك عليها.
ابتسام : اخرطي بصفية عندك الحق .
خلود : هههههه خليني نعيش اللحظة ..
ابتسام : هههههه راني مخلياتك...
طلت ابتسام مالتاقة وتنهدت .
خلود: شبيك ؟؟
ابتسام : مكانش .
خلود : حسين مجاش اليوم ...
ابتسام : واش دخلني فيه .
خلود : امممم صح واش دخلك فيه علابيها من الصبح طلي مالتاقة.
ابتسام : انا ؟؟؟ نن ...نروح نوجد الماعن مع ماما ..
↚
الحلقة 49
نرجعو لهشام .
فطيمة : جيت وليدي وين كنت طولت ؟؟
هشام قعد تنهد : مكاش
فطيمة قعدت قدامو مفهمتش واش بيه
فطيمة : غير الخير شبيه وجهك مقلوب ؟؟
هشام : مكانش ماني ...
فطيمة : كيفاه مكانش ؟؟ اليوم خطبتك خرجت لباس رجعت قالب وجهك .
هشام : رحت عند عمي زعما باش يجي معانا ...محبش.
فطيمة هبطت عينيها : كون قتلي كنت نقولك متروحش..عمك لاهوه الدراهم ونسا عايلتو .
هشام : معليش ربي خير ...يدبر راسو ..حبيت نكبر بيه نديه معانا .
فطيمة : عادي وليدي انا معاك ونتا راك راجل والناس كامل يعرفوك واش تسوا ولقمتك حلالية ميهمكش في عمك ولا غير و...
هشام : صح عندك الحق
فطيمة : اضحك وليدي اليوم خطبتك ..نروح نشوف بنيتي لي هبلاتو لوليدي .
هشام تبسم ...حتى صونا تليفونو لقاها هي .
فطيمة ضحكت: هاي حست بيك عيطتلك...نوجد روحي هذاك هو الوقت. .
هشام : الو وي خلود.
خلود : طولتو 😑
هشام : هههههه مهبولة رانا جايين تعطلت برك.
خلود : اوك هاني نستنا فيكم..
....
خرج هشام مع جداه سلف طونوبيل تاع صاحبو...وداها ..
.
شوية هاك لحقو شافتهم ابتسام لي مبعدتش مالتاقة..
ابتسام : خلوود راهم جاو
جات خلود تجري طلت : اااع قلبي راهو يخبط منعرف علاه .
ابتسام : هههههه مهبولة ستراس برك.
خلود: هذا نعرفو ويعرفني وراني نرجف...زعما مانو تكون وااعرة 😓
ابتسام: هههههه منعرف درك نشوفو..
..
دخلو الخطابة استقبلتهم صفية ومحمد وسيدعلي ..
رحبو بيهم وقعدو..
فطيمة : حابة نشوف عروستي وينها .
خرجت خلود رافدة سنيوة تاع القهوة ...سلمت عليهم
فطيمة شافتها فرحت عجبتها .
فطيمة : ارواحي اقعدي قدامي بنيتي...سمله الصلاة والسلام على رسول الله...ربي يبارك معندي منقول
صفية : عيشك خالتي ..
قعدت خلود قداما مقابلة هشام لي يتبسم حشمان منهم.
فطيمة : ختي صفية خليهم يتفاهمو مع بعضاهم وحدهم.
صفية ؛ ايه معليه ...
راحت خلود لبيتها وهشام وراها باش زعما يشوفها مليح..
دخل هشام لقاها واقفة وتضحك...اول مرة يشوفها هكاك بالغوب وطالقة شعرها كحل طويل يهبل ..بقا غايس فيها نسا روحو.
خلود طرطقت صبعها تفيق فيه ؛ اي !!؟؟
هشام : ااه ؟؟
خلود: جبتك شفت...تستعرف 💪
هشام : هههههه جبتيني نستعرف بيك...نعل راسة تاعك
وقرب ليها جات تهدر غلقلها فمها ..
هشام: اششت
نحا يدو ويشوف فيها
خلود :سالفي !!!.
هشام : لي تحبيها ..
خلود دارت سالفي معاه وتضحك وهو قرصها من وجها مقدرتش حتى تعيط خافتهم...غلقت فمها بيدها وهو يضحك..
خرجت هكاك الفوطو...
خرج هشام يتبسم وخلاها تشوف فالمراية
خلود : اااااع راهي حمرة تبهديلة..
ابتسام ارواحي يابقرة شوفيلي حل الزمر ازبل بفففف
الحلقة 50
رجع هشام قعد فرحان...مانو شافت فيه فرحانة
فطيمة في قلبها : طول عمري نستنا في هذا النهار ...ربي يهنيك ياوليدي هكا اذا مت نموت فرحانة ومتهنية عليك.
خلود فالبيت مع ابتسام لي تضحك عليها .
خلود : زيديلي الفوندوتا مزالت تبان يابقرة شو في.
ابتسام : هههههه ونتي علاه عليك السالفي .
خلود :اسكتي نتي يلزم نروح نقعد معاهم...طولت
ابتسام : خلاص تنحات شو في .
خلود شوف في روحها فالمراية : اممم خلاص خليني نروح ليهم..
وقفت خلود تنهدت وتبسمت وجات راجعة حبست.
ابتسام : علاه حبستي ؟؟
خلود تسمع في واش راهم يهدرو...وابتسام قربت تسمع كيفها.
محمد: والمرحوم باباك واش اسمو ؟
هشام سكت تبدل وجهو سكت كيفاه يقولو المرحوم وهو عايش .
هشام : **** **** مي ماهوش ميت عايش
محمد مستغرب : وعلاه مجاش معاكم ؟
سيدعلي : والله حسبتو ميت !!!
هشام يبلع في ريقو متوقعش يسقسوه ...توقع يكون سيدو علابالو كي سقسا عليه...حطوه في موقف مكانش يتوقعو...كيفاه يواجهم ويصارحهم بالحقيقة ؟؟ كيفاه يقوللهم بابا هرب وخلانا .
بقات مانو شوف فيه حزينة وهو مهبط راسو ساكت جاتو طيحة يهدر ..
مانو استغفرت وشافت فيهم : بابهم راح وخلاهم وهوما صغار ...تزوج بوحدوخرا ...داتو وراحت وانا ربيتو مور ماتوفات يماه
صفية مخلوغة : وكيفاه مرجعش ؟؟
فطيمة: ايه مرجعش ...داتو وراحت ومنثم انا نربي فيهم ..مور لي ماتت يماه وختو...
هشام ساكت مقدرش ينطق بولا حرف حس روحو صغير قدامهم.
محمد يشوف في وليدو بغش وسيدو فهمو هبط راسو وشاف في باباه
سيدو : والله مكنت عارف هذاوين راني نسمع
محمد : ونتا قريت ؟
هشام يهدر وقلبو مزير شاد روحو على شعرة : قريت الباك مجبتوش خرجت.
محمد : وعلاه معاودتش ؟
هشام : كنت مع الخدمة على الدار وعلى ميمة.
محمد : واش راك تخدم درك ؟؟
هشام : فااشانطي ...فااباطيمات .
محمد : يعني مش خدمة ستابل ...مين تكملو الباطيمات تحبس الخدمة !!
هشام ؛ ايه مي نخدم عند الناس منحبسش الحمد لله .
فطيمة : والله ديما خدام وخاطيه دعاوي الشر ...نعرف واش ربيت..
محمد يعوج في فمو : كيف كيف مش خدمة ستابل هذي..
شوف ياوليدي راك كيماسيد علي وليدي ..بصح انا بنتي قارية فالجامعة ونحبلها وا حد قاري كيفها وخدمتو باينة ...سمحلي منقدرش نعطيك شوف جيهة وحدوخرا
هشام مخلوع يشوف في مانو لي ملقات متقول .
فطيمة : عندو الباك واش خصو ...وزيد خدام ملي كان صغير عمرنا مامدينا يدينا للناس وين تكون الخدمة يخدم
صفية ؛ منكذبش عليك خالتي بصح عايلتكم متشرفش..يقولو هذاك لي هرب باباهم وخلهم...درك ولادهم يكبرو يعايروهم الناس..
هشام مقدرش يشد وقف وشاف في مانو : امشي ميمة نروحو خلاص الكلام
فطيمة : اصبر وليدي...خمو ورجعولنا الخبر وسقسو عليه
محمد : يالحاجة نتي مومنة ...و تعرفي ربي
فطيمة : ايه
محمد : مكانش مكتوب
هدرة محمد كانت صاعقة لهشام ولمانو....هبط راسو رفد تليفونو وتبسم : يعطيكم الصحة...
هيا ميمة نروحو.
الحلقة 51
خلود تسمع فالهدرة تاع باباها دموعها نزلو بلا مافاقت ..حاسة بكل كلمة موس يدخل فيها ...حاسة بهشام وبوجيعتو ..مكفاهش واش جوز في صغرو والمأسااة لي عاشها وهو صغير ...مكفاش كيفاه كبر وماشي ساهل واش جوز ...وخدم بذراعو من صغرو ...واليوم كي زهاتلو الدنيا وفرح ورجعتلو ااضحكة...ووعداتو خلود توقف معاه للخر وصارحها بكلشي وفتحلها قلبو وارتاحلها...يوقفو اهلها فالوسط ويفرقو بيناتهم ..
الحرقة لي كانت في قلب هشام انو رفضوه بسبة غلطة باباه... رغم لي كان قادر يخرج الطريق مي هو محبش يعاود يغلط غلطة باباه وكان يكره النسا الفاسقات ..وحب كلما يشوف وحدة متبرجة ينصحها باش متكونش ضحايا اخرى من غيرو..
اليوم لقا روحو مرفوض ..حس باهانة كبيرة ..بعد ما كان صغير ويعايروه ...تحمل وبزااف...بصح انو يكبر ويحب طفلة ويروح يخطبها يرفضوه ويهينوه بهذي الطريقة ويهينو خدمتو لي حلالية ويقولو انو متشرفش هذي لي حرقاتو بزااف .
فطيمة : خلاص هاني جاية وليدي ...ابقاو على خير سمحولنا..
خلود جات تجري ودموعها نازلين : اصبري خالتي..متروحيش
وشدتها من يدها
بقاو كامل يشوفو فيها مخلوعين مفهموش واش راهي تحوس.
خلود تهدر مع باباها وخايفة منو مي كي تتفكر هشام ووجيعتو تتكورج.
خلود : بابا ...بابا...انا قابلة بيه عادي وبكامل ضروفو. .ياك واصل للباك مش مشي قاري كامل..وزيد خدام وياك سقسا عليه سيدو خويا وقالك ناس ملاح ..
بابا حرام تردهم ياك يقولك من ترضون دينه وخلقه فزوجوه ..وهو يصلي نورمالمو وناس ملاح ..
صفية : واش هذي الهدرة خلود ..
خلود : مديت رايي ماما ياك انا لي راح نتزوج مش نتوما .
محمد : والله مليح كبرتي وطوال لسانك ..وليتي تعلميني الدين !!! .حنا لي نعرفو صلاحك مش نتي ...مزلتي صغيرة ومتعرفيش.
خلود : بصح ...
محمد قاطعها وعيط عليها: خلووود امشي من قدامي هياااا خفيي
ابتسام جبدت خلود وراحت لبيتها تبكي .
خلود تهدر وتبكي : وعلاه يا ربي وعلاه واش خصو هشام ...علاه درك ميعيش هو ولا كيفاه؟؟؟ مش حرام عليهم يستهزاو بيه وهو اصلا عند و ماجوز في صغرو ..حرام عليهم حطموه ...مايخافوش ربي ربي وكيلهم ...
ابتسام : اسكتي خلود يسمعوك عيشك تعرفي بابا .
خلود حطت يديها على وجها وتبكي بااشهقة : حرقوه حرام عليهم ياريت مجبتك مسمعت هدرتهم يارب واش درت فيه انا لافوت تاعي ..نعرفهم دارنا وجبتو لهنا احتقروه ..
...
نرجعو لهشام شاد جداه يعاون فيها تهبط مالدروج خاطر باطيمات ...
حبست وتبكي غاضها هشام واش جوز كامل في حياتو شافت وراها فيهم لقاتهم يشوفو فيهم وواقفين عند الباب .
هشام محبش يبين حرقتو على جال مانو خاطر كبيرة ومحبش يكمل عليها ...بقا يتبسم معاها ويقولها مكانش مكتوب بقا يصبر فيها ومخبي كيتو في قلبو..
لحق للطنوبيل طلع مانو ركبها ورجع يطلع ...طلع راسو فالسما لقا خلود طل عليه من تاقتها وتبكي. ...
بقا يشوف فيها متحسر لغة العيون تحكي ...كان يحكي بعينيه وهي كانت تفهم ومكانش غيرها لي يفهمو..
بقا يشوف فيها وهي تبكي دقق فيها الخزرة فهماتو ...مسحت عينيها علابالها ميحبهاش تبكي ..
تبسم وتبسمت معاه ...
غمض عينيه بقوة مدة ورجع حلهم...وطلع في طونوبيلتو وقلع ..
خلود طرطقت بالبكا فهماتو وفهمت واش قاللها. ..
قعدت تبكي وشوف فيه وتقول لابتسام : قالي حرقوني ياخلود حرقوني ...قتلك انا زوالي معنديش بلاص معاكم ...انا موجوع ياخلود سمحيلي درت لي عليا وماليك رفضوني سمحيلي خلود نحبك بزااف مي الله غالب ...اتهلاي في روحك بزاف ومتزيديش تقولي منحبكش انا والله نحبك مي الله غالب ...
قالها لي وفهمتو اله لا تربحهم حرقوووه
↚
الحلقة 52
هشام طريق كامل ساكت وغايس وجداه تبكي بالدمعة. ..حاسة بقنطة في قلبها ...زعما هذي الطفلة لي بغاها وقاللها تخطبهالو ...رفضوه بسبة باباه.. غمضت عينيها بقوة مقهورة ...هشام هي رباتو وحباتو اكثر من وليدها ..كان يغيضها وحساتو امانة عندها ..كانت ديما وراه تنصحو وتوريلو ...كلما يفشل ولا يبكي هي لي تمسحلو دموعو وتشجعو. ..عوضاتو قدما تقدر على غياب يماه وعايلتو ..كانت هي عايلتو وتعرفو وتفهمو واش يحس ..
سنين وهي تتعب معاه حتى صحتها تهدت باش وقفاتو على رجليه ورجعاتو راجل ...اليوم يجو ناس متكبرين ويحطمو تعبها كامل في لحظة ...في لحظة حطموه ومحسوش بواش في قلبو من كيات ...دمروه وهو مزال يتبسم لجداتو ويطمن فيها محبهاش تبكي ولا تزعف ...حاب يطمنها ويقوىلها ياماني مزلني واقف وتعبك مراحش باطل ...سنين لي تعبتيهم معايا ميهدوهمش الرخاس .
..
لحقو للدار نزلت حزينة شافت فيه
فطيمة : راك مليح وليدي ؟؟ متخبيش عليا ..احكيلي فرغلي قلبك ..متخليش في قلبك هاني حاسة بيك وليدي .
هشام هبط عينيه تبسم وشاف في جداه دموع في عينيه
هشام : حسبي الله ونعم الوكيل ..
وهبط راسو وخرج هبط للبحر قاعد وحدو غايس ويخمم في كامل واش صار لحد الان مزالو مشوكي مزال ماهوش مصدق واش صار ...مزالت هدرتهم في راسو واحتقارهم ليه .
...
نرجعو لمحمد ...شاف في سيدو بغش .
محمد : هذا واش لقيت جيبلي ؟؟؟ تتمسخر بيا؟؟
انا نمد بنتي لكيلو كيما هذاك ؟؟؟ لا قراية نيفو لا خدمة هايليك وين راهي باينة....
شوف اخر مرة زيد جيبلي الزوافرة لهنا فهمت !!!
سيدو سكت وقالو لباباه براسو ايه .
صفية: خلينا ناس بالطبع ونمد بنتي لزوفري باش نضحك عليا الجيران والفاميليا...كي يسقسوني واش ناسبتي نقولهم زوفري يخدم فااشانطي وباباه هرب وخلاهم من صغرهم ..
على اخر عمري نشبع ذل وضحك من عند النسا.
سيدو خرج وبقات صفية مع محمد ..
محمد : قولي لبنتك تتلها بقرايتها ..وكي تكملها انا نجيبلها لي يوالمها انا نعرف صلاحها..
صفية : معليه .
راحت صفية عند خلود توصي فيها وخلود دموعها في خدها وساكتة ..وعقلها عند هشام.
صفية : حنا خممنا في صلاحك يجي وقت وتفهمي.
خرجت صفية وخلود بقات في بيتها تلعب بتليفونها .
شافت الفوطو لي تصورتها معاه وتتبسم بقهرة...
...
لحق الليل رقدو كامل ...هشام مزال فالبحر كان معاه حاتم وراح..
خلود عيطتلو شاف نومروها تنهد....محبش يرفد بقات تعيط وتعاود والو. ..مقدرش حتى يهدر دموعو نازلين مقهور محبهاش تسمعو يبكي محبهاش شوفو ضعيف خاطر هشام راجل و الراجل ميبكيش للمرا
بعثلها ميساج :
اذا حبيتي المال انا زوالي معنديش
...اذا حبيتي القراية انا كنت خدام للقراية ملتيتش
اذا حبيتي السمعة بابا راح وميوليش
واذا حبيتي الڨلب راهو ليك اديييييه ومترديهش
الحلقة 53
خلود قرات الميساج ولات تشهق وتبكي دموعها محبوش يحبسو...
ابتسام : عيشك خلود ارحمي عينيك شوية ...
خلود : مانيش قادرة .
ابتسام : ربي مكتبش بيناتكم ومزية لي حبست هنا خير من كون مشيتي معاه سنين وفلخر مكان والو .
خلود : صح راني مقهورة من الفراق مي مش قد الاحتقار لي احتقروه لهشام...هشام ماضيه صعيب وبسيف لا رفد روحو واندمج مع المجتمع وفلخر حتى الزواج تحرم منو .. علاه ياك خدام وانا حكيت معاه متفهم بلبزاف ويفهمني ويحس بيا ويحبني يموت عليا ..حنين معايا ..يخاف ربي شاد في صلاتو ...عله يعني طيحو بيه علاه حڨروه لقاوه زوالي وحدو طيحو بيه زعما شغل ماهوش نيفو تاعنا ...علاه حنا واشنا ؟؟
بففف راسي راه يستر من العقلية تاع الزبل هذي ..حڨرة حرام عليهم
ابتسام : بلاك بغاولك صلاحك حبوك تديه نيفو تاعك يفهمك وتفهميه ويكون عندو تاويل وخدمتو تشرف متحشميش بيه.
خلود : علاه نحشم به ؟؟ انا منحشمش به يخدم ماصو وراسي مرفوع ...هذوك صحاب الشركات نصهم رشوى وسرقة ميخشموش بيهم ونحشم بالخدمة الحلالية..الحرام رجعوه حلال والحلال حرام...مجتمع معوق .
ابتسام : واش راح ديري اصبري بلاك ربي يعوضك ماخير وزيد هو مش مكتوبك ...اقبلي بيه.
خلود ضمت رجليها لصدرها ودموعها نازلين بلعقل ..
خلود: راني صابرة وحامدة ربي و عمري مانعترض على والديا مي هشام راني مقلقة عليه عيطتلو محبش يرفد وعاودتلو شحال من مرة شو في واش بعثلي .
ابتسام قرات الميساج تنهدت وشافت في خلود.
ابتسام: راكو تعبو في رواحكم باطل ..باباك ويماك رافضين في زوج.
خلود تكمست في فراشها وابتسام تكونيكتي ..
عنقت خلود تليفونها ودموعها نازلين بلعقل ...تخمم في هشام واش راهو يدير ولا وين راهو ..
غمضت عينيها تحاول ترقد والو ...قلبها مقهور مغمضة عينيها وتتنهد ..
حتى حست بيه فيبرا....فتحت عينيها مخلوعة قلباتو لقاتو يعيطلها ..
تبسمت بقهرة رفدتلو .
خلود : وي هشام ..واش حوالك تقلقت عليك ...من قبيل وانا نعيطلك.
هشام : انسايني .
خلود : ااه ؟؟
هشام : خلود .. يا ما تهربتي مني وقلت عندك لحق تحافظي على سمعتك ..وتعلقت بيك كثر ..خاطر عرفتك بنت فاميليا ...زيد سيدو خوك سمعني كلام عليك وضربني وعرفتو شحال يحبك ويخاف عليك..
خلود تسمع فيه قلبها يتقطع ...هشام تنهد من قلبو...خرج فيها قهرتو...خلود غمضت عينيها بقوة حاسة بيه.
هشام : يارييت....ياريت كانت عندي ختي ...ياريت سمر بقات حية ..ندير عليها ماكثر..خوك يحبك وحتى والديك يحبوك وحبولك الخير..
وبداو دموعو نازلين مقدرش يشدهم...يدو تترعد وهو يهدر.
هشام : ياريت كان عندي بابات كيفك يخمم في صلاحي ويخيرلي مستقبلي ...مش كي بابا لي رماني من صغري ماهو عارفني حي ولا ميت ..
ياريت كانت عندي ام تهتم بسمعتي قدام الناس مش ام دفنتها تحت التراب وانا مزلت ذراري ..
ياريت عندي خويا في كتافي واخت معايا تونسني ..
متزعفيش منهم خلود بغاولك صلاحك...داركم يحبوك متزعفيش افرحي يجي نهار وتفهمي علاه دارو هاك.
خلود : مانيش حابة نعرف ...مانيش حابة نفهم...انا نعرفك واش تسوى وحاسة بيك يكفيني هاذا الشي والي قالوهم ميهمونيش تهمني نتا .
هشام عيط عليها : تهمك علاه متهمكش؟؟؟!!! افهمي انا ونتي منتوالموش...انا توالمني وحدة كيفي ...متخافيش ومتبكيش عليا انا مزلت واقف لي ربانني مرا بالف راجل ...وراح نلقا لي تقبل بيا ولي نيفوها كيفي ...متخافيش عليا خلود ..عيشي حياتك ربي يعطيك على حساب قلبك.
خلود مخلوعة حاسة كلامو قاسي جرحها: هكا بكل بساطة تنساني وتلقا غيري !!؟
هشام : خلود انا عمري مننساك قلبي راهو عندك نسيتي كيفاه نقدر نحب غيرك وقلبي راهو عندك ...راح تبقاي ساكنة فيه حتى نموت ..اتهلاي فيه وافرحي ..متبكيش ...اذا بكيتي راح يتقهر افرحي واضحكي راح يفرحلك...
هشام انسايه .انساي هشام ..
خلود تشهق : منقدرش!!!!
هشام : اصلا مراحش تزيدي شوفيني ولا تسمعي صوتي راح تنسايني بلا عزرينك...اتهلاي في روحك لعميرة تاعي ...ڨلبي هو راس مالي مديتولك..ودرك راح نكمل حياتي بلاش بيك....اتهلاي في روحك لعزيزة وبزااف .
وكوبا ...عودت عيطتلو والو ...رمات تليفون وقعدت في فراشها تبكي بااشهقة ...
هشام كسر لابيس تاعو ورماها فالبحر..
هشام : قلبي كي هذا البحر كبيير ودفنتك فيه ياغلى ما عندي ..
هبط راسو ورجع للدار
الحلقة 54
نرجعو لابتسام لي قاعدة تكونيكتي مع حليم.
ابتسام : خلود غاضتني مسكينة.
حليم : علاه ؟
ابتسام: حبت واحد مايستاهلهاش ..و ماشي نيفو تاعها ماشي قاري وخدمتو قليلة وبابا محبش.
حليم: مي نورمالمو شوف واحد قاري كيفها .
ابتسام : ايه نورمالمو هي خمت بقلبها مش بعقلها .
حليم : وحدة قارية تديه قاري خير يتفاهمو كيما انا وياك.
ابتسام تبسمت : امممم صح .
حليم : حاب نشوفك ...مانيش قادر نصبر .
ابتسام : ياك فهمتك.
حليم تقلق : قلتيلي نسو الدعوة ...درك نبقاو نستناو فيهم !؟؟
ابتسام تحسرت : مي وقتاش حاب شوفني ؟
حليم : درك راني خدام وبعيد طفرت منجيش .
ابتسام :خلاص اماللا.
حليم : واش امالا هذي ؟؟!!
ابتسام : يعني حتى تكمل خدمتك .
حليم : اووو !؟؟ حتى للعطلة؟؟! ومنبعد نتي متقرايش وين نشوفك !!؟ تتقعدي بيا؟!!
ابتسام : وكيفاه الحل ؟؟ الله غالب.
حليم : شو في ابتسام انا نحبك وحاب نشوفك ...منقدرش نبقا نحكي معاك وانا منعرفكش
ابتسام : وانا واش حابني نديرلك ؟
حليم : ساهلة ابعثيلي فوطوات نشوفهم.
ابتسام : اااه؟؟! نن جامي هبلت !!؟
حليم : يعني تتمسخري بيا؟؟!
ابتسام : نن مي منقدرش راك عارف .
حليم : معندكش ثقة فيا علابالي من حقك مي انا واش ندير بتصاورك ..واصلا راني خدام ابعثيهملي نشوفك برك
ابتسام خايفة : ننن منقدرش ديزولي متفهمنيش. غالط.
حليم : راني فاهمك ومليح...معندكش ثقة فيا مكلاه نكملو مع بعض ...العلاقة لي تبدا بالتوسويس ماهيش علاقة وبلخف تريب...
انا حبيتك وارتحتلك هذي مدة مي باش نبقا نحكي معاك ومنعرفكش كيش دايرة ..مستحيل .
ابتسام : خلاص ارواح شوفني .
حليم : قتلك خداام منقدرش ..قتلك قبل محبيتيش ودرك تقولي ارواح ...انا منجيش ..وصبرت عليك بزاف خسارة حبي ليك وفلخر تشكي فيا.
ابتسام : حليم علاه هاك حرام عليك افهمني .
حليم : حتي نتي افهميني ...نتي شفتيني وانا لالا ..
ابتسام انا نحبك حاب نشوف هذي لي مهبلتني كيفاه دايرة راني نبات نوم فيك يالزح .
ابتسام : خايفة
حليم : تبقاي خايفة مني علاقتنا متنجحش ..المهم عندك ثلاثة ايام نرجعلك ياتبعثيلي يا كل واحد في طريقو..
بلوكا لي ميساج وخلاها تخمم وقلبها يضرب من جيه خايفة ومن جيهة حاباتو يشوفها وتريح راسها ...ومن جيه حباتو وماهيش قادرة تفارقو..
شافت في خلود باش تحكيلها لقاتها رقدت ودموعها في خدها مور ماكوبا هشام..
ابتسام : يااربي مانيش عارفة واش ندير
↚
الحلقة 55
غدوة منذاك راحت خلود وابتسام صبح يقراو ..في زوج ساكتين غايسين كل وحدة في همها...
خلود تخمم في هشام لي خلاص حبس كلشي بيناتهم وابتسام في حليم لي قطع عليها وحلف عليها تبعثلو تصاورها ولا راح يحبس كلش ..وهي والفاتو وحباتو ومتقدرش تفارقو..
شوف في خلود حزينة كانت حابة تسقسيها وتستشيرها مي عارفة خلود متحبش وتبهدلها...ومراحش تفهمها..
ابتسام في قلبها : بففف لاه نسقسيها وهي كي جابت هشام واش ربحت ...غير الزعاف والبكا ..خليني منها عارفة واش تقولي مي حليم انا نعرفو مثقف ومن عايلة محترمة قاري وخدام لباس بيه دارنا اكيد يقبلو بيه...باين من هدرتو بلي فاهم ومثقف .
...
شافت قدامها لقاتو حسين قدام دارهم طالع فالكاميو ..
شافها هبط عينيه وطلع في كاميوه وقلع ..لحق لعندهم كمل طريقو ديراكت مشافش فيها ..مي شافها مالتروفيزور هي مفاقتلوش
ابتسام تعوج في فمها: زعما ولا ميقيمش ...شفتيه خلود !!
خلود تنهدت : احسن .
ابتسام : علاه احسن ؟؟
خلود : واش الفايدة كي يحبك وتحبيه وكي يجي يخطبك دارنا يرفضوه .
ابتسام : اممم شفتي كي قتلك فالاول ميوالمنيش جيتي ضدي ...استعرفتي درك!! ديجا نتي اوموان هشام ليسي انا حسين خرج فالسيام معلاقاش ..كيفاه نعيش معاه ...انا مثقفة وهو غير قولي جاهل .
خلود شافت فيها بنضرة احتقار : ناس بكري يقولو اعطيني فاهم الله لا قرا ..ونتي ودارنا مخكم مانيش عارفة كيفاه يخمم.
ابتسام : كي مزلتي تخمي في هشام لي راكي تقولي هاك...درك مع الوقت تنسايه وتلقاي واحد قاري ومن عايلة وناس وشوفي صلاحك.
خلود : اممم ...لي كتبها ربي مرحبا بيها
ابتسام : سبحانو.
...
طلعت ابتسام وخلود فالتران طريق كامل خلود غايسة تتنهد متحسرة ..
نزلو فلاڨاار ..وفي نفس الوقت لحق التران لي مالجيهة لخرا .. بقات خلود شوف فالجيهة هذيك بلاك شوفو جا ...
استناتهم حتى هبطو كامل مكاشو
ابتسام : خطيك خلود هو قالك انسايني مراحش يجي ليك.
خلود دمعو عينيها : حبيت نشوفو نطلب منو السماح
ابتسام : علاه تطلبي السماح ؟ مكاش مكتوب خلاص .
خلود : مش على الخطبة مي على الاحتقار لي حڨرووه ..هذيك لي غاضتني كثر من كلش .
...
جات خلود رايحة ...شافت صونيا داخلة لاڨار
.حبست تبسمت راحت تجري ليها..
خلود : صباح الخير مدموزال معليش نسقسيك.
صونيا : وي !!!
خلود : هشام ....هذاك لي دوس معاك مرة على لبستك
شفيتي عليه ؟؟
صونيا تعوج في فمها : واش بعثك ديريلي درس وقيل ؟؟ مانيش شافية عليه .
خلود طلعت حاجبها مستغربة فيها : دبزولي مي نحوس عليه بلاك تعرفي وين يسكن .
صونيا : وين نعرفو انا !!؟!
وراحت وخلاتها.
ابتسام : بففف. زمرة حاسبة روحها ...علاه تسقسي فيها .
خلود تنهدت : طمعت نلقا خبر على هشام عليها خاطر تركب من جيهتو .
ابتسام : علاه متسقسيش سيدو بلاك يعرف وين يسكن ؟؟
خلود: نتي مهبولة حابة يقتلني سيدو
ابتسام : خلاص انسايه.
خلود في قلبها : يارب وين مكان هشام احميه واحفظو وارزقو وحدة حلالية على حساب قلبو .
....
لعشية صونيا راجعة للدار فالتران واقفة. .وقاعد قدامها راجل ومرتو ووزوج ولادهم صغار ..
الراجل ملي قعد وهو يشوف في صونيا ومرتو فاقتلو مي حاشمة وساكتة ممكن خاطر واعر وتخاف راجلها.
راجلها شاف في مرتو وصونيا تسمع .
الراجل : شو في النسا كيفاه ..شو في الزين .
مرتو ساكتة هبطت عينيها حست بالذل .
الراجل : لي دا مرا كيفها ولا ميديش ..مشي كلي عندي انا ..
المرا حسن باهانة دمعة على شفرها وساكتة حكمتها قنطة وصونيا تشوف فيها وتسمع .
الراجل : بصح منعيا جايب وحدة هاك عييت منك ..خطباتك يما وانا حصلت بيك ..رجليا خير من وجهك...
المرا هذيك هبطت دمعة سخونة على وجها مسحتها ورفدت وليدها تلعب معاه زعما تلف فيها ...وهي شفتها تترعد مقنوطة من اهانات تاع راجلها..
صونيا بقات شوف فيها حست قلبها وجعها...و الراجل مزال يسب ومرتو حاملة...منبعد قلقت ..
شافت فيه : حرام عليك تسمعني هذي الهدرة.
رفد يدو نترها زعما اسكتي وقالها: بلعي يرحم باباك
مرتو دارت للكارو ودمعتها نازلة..
والراجل يشوف في صونيا مافاقش حتى لحقو كف من عندها ...شد وجهو مخلوع فيها وصونيا قدامو اعطاتو كف والتران كامل تتفرج
الحلقة 56
الراجل هذاك وقف مخلوع وشاف فيها بغش وهي شوف فيه بتحدي ..
الراجل متحشميش نتي ق*** خامجة ترفدي يدك عليا ..
شدها من يدها يدي فيها ويجيب ميقدرش يضربها خاطر مهما كان هو راجل وهي مرا .
صونيا : اطلقني نهار تحكم لسانك نحكم يدي..مش حرام عليك تسمعها كلام هذاك مش حرام عليك تذلها وتبكيها وطيح بقيمتها قدامي واش خصها رافدتاك ورافدة جياحتك .
الراجل رفد يدو راح يضرب مقدرش يشد روحو استفزاتو بزاف ..
وتشدو مرتو من يدو حبس مخلوع فيها....صونيا تبسمت ...حست بلي شجعتها واعطاتها الكوراج شافت فيها .
صونيا : هكاك مدام متخليهش يذلك ...اوقفي في وجهو حب يعيش مرحبا محبش ربي يسهل عليه كاين دار الشرع.
المرا شافت فيها مالفوق وشافت في راجلها
المرا : متوسخش يديك لوحدة خامجة كيفها
صونيا مخلوعة والناس تتفرج متوقعتش جي ضدها .
صونيا : كيفاه !!!!! دافعي عليه بعدما ذلك !؟؟ وسمعك خماج وذنيك توقفي معاه ضدي انا لي دافعت عليك ؟!!
المرا : اسمعي يامخلوقة...هذا راجلي بابات ولا دي ..ومهما كان دار فيا حاجات مش ملاح فيه حاجات ملاح ومنسمحلكش تسبيه وطيحي بقيمتو...طيحة قيمتو طيحة ليا انا قبل ...فهمتي !!!
وزيد كون سترتي روحك يازنديقة ميشوف فيك ميوصل يسمعني الهدرة...نتي هي السبة نتي ولي كيفك...متحشموش حسبي الله ونعم الوكيل فيكم ..يا ما خربتو ديار ومزلتو...كاسيات عاريات لا يدخلن الجنة ولا يشمن ريحها .
صونيا مخلوعة والناس فالتران صفقولها لمرتو...وراجلها هبط عينيه حشمان...جات ليه وحد العجوزة ..
ياوليدي مرتك فحلة متحڨرهاش بالعين ..ربي يصلح حوالكم..
حبس التران هبطت المرا مع راجلها يمشو ساكتين وهو حشمان حس روحو صغير قدام مرتو وذليل قدامها..
صونيا حبطت عينيها الناس كامل تشمئز منها ..هبطت عينيها وتبكي ..
خرجت تمشي وتزرب فالطريق تخمم مع راسها : علاه يعني واش درت انا !!!! علاه يقولولي خرابت بيوت ..انا قلبي بيض علاه واش ذنبي انا كي والديا رباوني هاك...واش ذنبي من صغري ماما وبابا يلبسوني هاك نورمال والفت...علاه يعني يشوفو فيا هاك منسواش...علاه ياربي مانيش نشوف فالصواب مانيش نشوف فيه...ياربي ماشي انا خربت بيناتهم ماشي انا ...
تجري وتبكي مفاقتش كيفاه قطعت طريق حتى سمعت فراان عيطت..
صونيا: اااااااااااااااي ماااااماااا
الحلقة 57
صونيا طاحت محستش بوالو حتى رجعت شوف غير ااضلمة ...ناس تلمت من كل جيه يجرو ليها ..
ويقولو استروها استروها ..حتى جي لومبيلونس تديها متمسوهاش
نطق واحد فيهم : واش تستر يرحم باباك !! وعلاه هي سترت روحها باش نستروها ...كيما عاشت خامجة تموت خامجة..
صونيا كانت مغيبة مي كانت تسمع في هدرتهم...لي كانت كلماتها تذبح
نطق وحدوخر : انا نسترها وهي اذا بقات حية بينها وبين مولاها...
نحا جلابة تاعو وغطاها خاطر كي طاحت تفظحت ..
بقا يشوف فيها تنهد..قال يا ربي ومتومتش الموت هذي باربي ترجع وربي يهديها ...لا حول ولا قوة الا بالله.
صونيا مغيبة مي سمعت كلش قبل متدخل كوما ..
جات لومبيلونس داوها وقلعو...
وصلو للسبيطار دخلوها يجرو كانت بين الحياة والموت ..
عيطو لماليها جاو شافوها ...بكاو عليها خافو تموت وتخليهم...
بعد ساعات من العملية العملية نجحت مي صونيا بقات كوما ..
قاللهم الطبيب راهي بين يدين مولاها ادعولها ..
ولا تدري نفس باي ارض تموت ...صونيا راهي في امس حاجة للدعاء باش ترجع للحياة على وعسى توب وترجع متحجبة وتكفر على كامل ذنوبها وتروح عند ربي طاهرة..لكن يتحسرتاه كي جي الموت حاجة متردها ويومئذ يقول الانسان ياليتني كنت ترابا...بقات صونيا كوما بين يدين مولاها
..
فالوقت هذا ..خلود وابتسام مكملين حياتهم عادي .
نرجعو لهشام
بعد ايام ...هشام لا هي مع خدمتو...كان كلما يرجع للدار يصطنع البسمة والفرحة لجداه باش تفرح..
خاطر هي تفرح لفرحتو وهي اغلى ماعندو وكامل واش بقالو في حياتو..
فطيمة : جيت هشام..
هشام : راني عيان مكانش عشا .
فطيمة : والله مطيبت وليدي سامحني .
هشام : معليش ميمة نجيب من برا.
فطيمة : عيبت ياوليدي وكبرت...حابة نشوف ولادك ونفرح بيهم...حابة نخليك مع مريتك وليداتك قبل ماتغمض عيني ..
هشام يضحك معاها سلملها على راسها : ربي يطول في عمرك ياك وعدتك نديك للحج ...اصبري عليا برك السنا نشالله نماركيك.
فطيمة: مكلاه ياوليدي انا حابة نزوجك نتهنا عليك.
هشام : وانا حاب نديك الحج مانيش مزروب للزواج
خرج هشام يجيب عشا ومانو قعدت تصلي فالعيشاء وتدعي في ربي
فطيمة : يا ربي هشام راهو ولدي مش كي ولدي ...باباه سمح فيه وهو معندو علاه يا ربي راك شوف وحاس بيه...
وبدات تبكي .
ياربي حڨروه من صغرو وذلوه ...واليوم كبرتو حابة نفرح بيه ونزوجو نموت مهنية عليه...
يا ربي شفت ناس لي احتقروه وهو حلالي خاطيه الحرام...ياربي ابعثلو مرا تسترو وتكمل معاه حياتها ..
ياربي راني حاسة روحي مانيش مطولة.
ورجعت تشهق : ياااربي راني خايفة نخليه وحدو شكون يفومو شكون يغسلو حويجاتو شكون يطيبلو لقمة ياكلها....شكون يخطبلو ويزوجو ويفرح بيه..ياربي انا ربيتو واجبي هذاك هو الحج تاعي اقبلو مني وزوجو ياربي وحيدي هذاك عزيزي الغالي ...يا ربي راني نشكيك ونبكيك في صلاتي ..
...
رجع هشام جايب فطور لقا مانو ساجدة...راح توضا باش يصلي وراها ..
لقاها محبتش تنوض...
راح ليها مسها طاحت...هشام مخلوع : ماني ..ميمة ...
ميمة..
مسها لقاها باردة ووجها منور عليها...
دموعو نازلين ويدان عرف بلي مانو عزيزتو توفات وهي ساجدة ...معرف يفرح ماعرف يبكي
عنقها ويبكي : ربي يرحمك يالعزيزة ربي يرحمك
↚
الحلقة 58
هشام تبسم وشاف فيها
هشام : حابة توبي ؟؟
صونيا تبكي : ايه ...عاوني ..خفت وخفت بزاف نموت هاك.
هشام : اقعدي نحكيو شوية.
قعدت صونيا مع هشام يحكو..
هشام : علاه حبيتي تتتحجبي ؟؟
صونيا : وصلت للموت وخفت ...خفت نموت هاك.
هشام _: وعلاه متفكرتيش الموت قبل !! نسيتي بلي تموتي ؟!!
صونيا دموعها نازلين وتهدر : نهار لي ضربتني طونوبيل ..طحت فالطريق وتعريت وتفضحت...ومح...محبوش يستروني ...قالو كيما عاشت مفضوحة تموت مفظوحة ..
قلبي وجعني وخفت ...خفت نموت هكاك ...يااربي هذاك النهار مننساهش ..غير واحد فيهم قالهم نسترها بلاك ترجع ربي يهديها..
هشام : حتى لحقتي للموت باش فقتي ؟!
صونيا : ايه ...متلومنيش عمرها ماما مقاتلي استري روحك ولا بابا ..ديما يشجعوني
هشام :بصح. نتي قريتي وكبرتي راكي تعرفي .
صونيا : صح غلطت واستهزيت بالحجاب ..مي كنت نشوفو سترة برك حتى نهار قتلي بلي راني نخرب بيوت..
وصح هذاك جاركم كان يظل ورايا باش نتزوج بيه..
ياما جرا ورايا وهو لباس بيه مي قلبي وجعني كي حكيتلي على بنتو حطيت روحي بلاصتها ..
ديما نصدو مي هو ورايا..
ومرة ثان راجل سب مرتو وعايرها بسبتي وفلخر وقفت معاه ضدي ..
وليت نحتقر روحي بزااف ..وندمت وحابة نتوب .
هشام : نشالله بلعقل برك نعاونك .
صونيا : ربي يحفظك...حكيلي عليك شوية...عندي مدة مشفتكش.
هشام تنهد حزين: واش نحكيلك...معندي حتى واحد في حياتي ...ماني لي رباتني اللخرة توفات غير كيما ..
صونيا : ربي يرحمها ..
هشام يهدر والدموع في عينيه : تعرفي ماتت وهي ساجدة ...
معرفت نفرحلها معرفت نبكيلها...تمنيت نديها للحج مي الله غالب....ربي يرحمها.
غمض عينيه بقوة..صونيا تبكي
صونيا: مانك انسانة صالحة وهذاك هو الحج تتعها كي كبراتك...ماتت وهي ساجدة مش انا كي الكلبة في وسط الطريق.
هشام ؛ معليش ربي بغالك الخير ورجعك باش ترجعي للطريق..احمدي ربي.
صونيا تمسح في عينيها : الحمد لله.
جات الفرملية: خويا خلاص وقت لافيزيت.
هشام وقف وهي هدرت مع صونيا.
الفرملية : مدمزال صونيا ***** درك يجوز عليك الطبيب .
هشام مخلوع مش مصدق واش سمع ..
رجع سقساها : واش لقبك ؟
صونيا : *****
هشام: باباك واش اسمو ؟
صونيا : صالح ****
هشام : زايد ** /**/**** ؟؟؟ صح ؟!؟
صونيا: ايه..علاه تعرف و ..
هشام تكا على الحيط حس روحو داخ
صونيا: راك مليح هشام ؟
هشام يبكي : علابالك شكون نتي !؟؟
صونيا مخلوعة: شكون؟؟
هشام : ختي..
صونيا: اااااا
هشام : ختي من بابا مانيش ما من بعدما قلت بقيت وحدي لقيت ختي
الحلقة 59
صونيا : كك..كيفاه ؟؟؟ مفهمتش ...خويا !!؟؟؟
هشام : ايه
صونيا : بابا معاود الزواج ولا كيفاه؟؟
هشام : قصة طويلة ..
جا لاجو : خلاصت الزيارة.
هشام : اصبر ندي نومروها... باش نفهمك.
دا نومرها وغير خرج عيطلها.
هشام : الو صونيا.
صونيا : وي هشام .
هشام : قتلك بابا كان متزوج مع يما منبعد .
صونيا : منبعد واش ؟؟
هشام تنهد : تزوج مع يماك وراح وخلانا ..ومن ثم مزدتش شفتو ..
صونيا : مستحيل جامي قاتلي ماما بلي عندي خويا
هشام : تحبي نقابلهم هي...و...هو ..
هشام قلبو يضرب متوقعش يتلاقا باباه بعد هذي المدة.
صونيا : مي متقدرش.
هشام : علاه منقدرش ؟؟
صونيا : خاطرش....خاطرش بابا عند و بزااف ملي مات.
هشام مخلوع حس موس اخترقو....مالغري باباه ميعرفوش مليح وميشفالوش مليح ودمرلو حياتو مي مكانش حابو يموت ..كان حاب يشوفو ويقابلو
صونيا تنهدت : هذواين فهمت.
هشام مستغرب : واش فهمتي ؟!!
صونيا : بابا علاه مات بالكونسار ...
هشام : بالكونسار.
صونيا : ايه...وكان ميهدرش مفهمناش علاه...حتى الطبة مفهموش....مي درك فهمت علاه
هشام : علاه ؟.
صونيا : خاطر كون هدر كان يطلب منكم جو وتسامحوه....مي هو دار الباطل بزااف فيكم وميستاهلش تسامحوه...
حتى انا....انا قريب مت فاسقة بسبتو...علاه خير لي ام فاسقة تربيني ..علاه.
هشام تنهد : الميت مجوز عليه غير الرحمة...ربي يرحمو ويغفرلو
صونيا: بعد كامل واش دار فيك ...مزلت تدعي عليه بالرحمة.
هشام : كون راهو حي نحاسبو ...مي مات ربي يرحمو ويغفرلو راهو في دار الحق .
صونيا : متقدرش تتصور شحال راني فرحانة كي لقيت خويا..ووكيفك ..
هشام تبسم : معنديش خاوتي وحدخرين ؟!
صونيا : نن انا برك...خاطر بابا مرض ومزادوش جابو.
هشام : معليش نتي فيها خير وبركة..
حقا يماك ماهيش جي شوفك.
صونيا : منين ذاك.
هشام : يماك فاسقة اذا مرجعتش طريق راح تجي تعيشي معايا فهمتي !!!
صونيا تبسمت : مذابيا...
....
لحق النهار لي تخرج فيه صونيا مااسبيطار..
جات يماها تديها ...حتى لحق هشام سلف طونوبيل وجا يديها .
صونيا شافتو فرحت
صونيا: ماما هذا خويا هشام من بابا ربي يرحمو.لي خبيتي عليا
يماها مخلوعة ورالها كواغطو سكتت مالقات متقول
هشام : جيت ندي ختي كيما ديتيلنا بابا ...اليوم نديلك بنتك مش انتقام مي ختي عزيزة منخليهتش مع فاسقة كيفك..
راحت صونيا معاه وهي تعيطلها محبتش.
صونيا : سمحيلي ماما مي نروح مع خويا.
راحت صونيا مع خوها طلعو يضحكو فرحانين
هشام : اول حاجة نشرو حجاب
صونيا : يا عمري خف خف هههههه
هشام : هههههه مهبولة
الحلقة 60
راحت هشام مع خوها طريق كامل يحكو ويضحكوو
متوقعوش بعد المدة هذي يتلاقو .
هشام : الحاجة لي مفهمتهاش علاه باباك كي كان قريب لينا مجاش يشوفنا ؟
صونيا: نن مكناش عايشين هنا ..كنا بعاد ومور ما مات بابا رجعت مع ماما لهنا ...مي جامي حكاتلي عليكم.
هشام تنهد : سبحان الله ختي هنا قريبة ليا وشفتك شحال من مرة ومكتتش عارف .
صونيا : معليش المهم تلاقينا وبالصدفة .
هشام تبسم : هذاك هو الصح .
لحقو للفيترينة دخلو وهي شوف فالحجابات وتخير وتضحك وهشام يشوف فيها ويضحك ..الفرحة لي كانت في قلبو مش سايعاتو ...متوقعش يلقا ختو بعد. ما بقا وحدو...حس بالراحة ..كان حاس وكانو سمر رجعت للحياة .. صونيا اختو كانت بمثابة جائزة او هدية معرفش كامل مين طاحت عليه..
واقف متكي وهي فلات الحانوت وتخير فالحجابات والخمارات ...وهو يضحك عليها ..
ولي تخدم ثم شافتو سقساتها
هذاك الفيونسي تاعك !؟
صونيا مستغربة : نن خويا ههه
بقات الطفلة هذي مستغربة : خووك !!؟ اتمسخري؟؟!
صونيا تضحك : ههه والله خويا مكنتش عارفة عندي خويا غير كيما عرفتو .
الطفلة هذيك فرحت : ربي يخليكم لبعضاكم.
صونيا : امين .
شرات صونيا واش احتاجت.
هشام : تلبسيه درك ؟
صونيا : ايه.
لبساتو صونيا ومعرفتش تسقم خمارها مليح ...وهشام يضحك عليها .
صونيا : بفففف زمر هذا كيفاه نديرو .
جات الطفلة وراتلها وسقامتولها ..وباركتلها كي تحجبت.
صونيا : مليح هاك !!!
هشام : تووب 👍
صونيا تبسمت وخرجت مع خوها راجعين للدار .
نزلت فالحومة بقات شوف فيها وكاين جيران لي شافوها جات معاه معرفوش وشكو بلي صحبتو خاطر رجع يسكن وحدو.
بقات شوف في دار هشام...هو غلق الطونوبيل ومشا حتى جات ليه فريال تجري ..
فريال : عمو هشام جبتلي شيكولة ؟؟
هشام هبط عندها ويضحك : اوو وانا ننسا فريالو .
جبدها مدهالها ..وصونيا شوف فيها تلعب براءة ..تفكرت نهار قاللها بكيتيها ورجعت تكره باباها..
فريال شافت في صونيا : عمو هشام شكون هذي ؟؟
هشام : هذي ختي صونيا عيطيليها عمتو صونيا.
فريال: ااا عمتو ..
صونيا : ارواحي عندي..
جرات فريال ليها عنقتها...صونيا دمعو عينيها حست بالذنب على واش غلطت من قبل ..
..
راحت فريال للدار وصونيا جات داخلة فتحلها هشام الباب وهي حبست كانت شوف فريال وين دخلت
هشام : شبيك ؟
صونيا : اصبر درك نرجع
هشام: وين رايحة ؟
صونيا : نطلب السماح من ام فريال ...لازم هذي اول خطوة نديرها .
هشام تبسم راحت صونيا قربعت فالباب قلبها يضرب خايفة وهشام يستنى فيها برا ..وعرفو كامل بلي ختو لقاها وبوركولو
..
فتحت فريال اباب وضحكت : ادخلي عمتو ثونيا .
شدتها من يدها ودخلتها ..
فريال كانت لابسة خمار وتصلي قدام يماها .
صونيا واقفة شوف فيها تصلي مع يماها دموعها نازلين حست باىفرق بينها هي ويماها وبين فريال ويماها ..
بقات واقفة والدموع في عينيها..
كملت #حياة ام فريال الصلاة شافت فيها : اقعدي.
صونيا : علاه .
حياة : وشنو لي علاه ؟
صونيا : علاه مقطعتيش صلاتك كي دخلت وانا برانية !!
حياة : انا كنت نصلي وربي هو لي يحميلي داري ..وبنتي وكنت ساجدة وندعي في ربي تكوني فال خير علينا..
صونيا طاحت فلرض تبكي وتقولها : سامحيني سامحوني مكنتش نعرف ...ماما موراتليش مرابتنيش نصلي مرباتنيش نخاف ربي سمحيلي...
جات فريال عنقتها وتبكي كيفها
فريال : متبكيش عمتو متبكيش ..
حياة مخلوعة مفهمت والو وهوما يبكو في زوج
↚
الحلقة 61
حياة هبطت ليها : خير ياختي شبيك تبكي .؟
روحي فريال جيبي قرعة ما وكاس مالكوزينة.
راحت فريال جابتلها شربتها ..
قعدت صونيا تمسح في عينيها .
حياة : ريحتي !؟
صونيا : ايه يعيشك.
حياة : خير ماجابك...وعلاه قلتي سمحولي ؟؟
صونيا: درك نحكيلك..
حكات صونيا كامل واش صار بلا تفاصيل ...حياة تحسرت ..
صونيا : مكانش قصدي نخرب بيناتكم ولا نخلي فريال تكره باباها ...مي الله غالب شيطان وزيد مكنتش نعرف ودرك تبت والحمد لله لي لقيت خويا لي علمني السترة ..وسمحيلي مدام سمحيلي ومتقوليش لراجلك جيتك لهنا ..
حياة : انا عارفة بحكايتو معاك والحمد لله لي خرجتي حلالية ربي يتقبل توبتك يارب ...مي كيفاه عرفتي الدار .
صونيا : انا خويا هشام...هشام جاركم.
حياة : هشااام ؟؟؟ مكانش منها ؟؟
صونيا : ختو من باباه. نورمالمو تعرفي قصتو .
حياة : ايه نعرفها حكاتلي خالتي فطيمة جداه لي رباتو ربي يرحمها .
صونيا: ربي يرحمها ...بصح خليها بيناتنا ..درك تحجبت وجيت نعيش عند خويا راجلك مراحش يعرفني ممكن يشبهني مي ملازمش يعرفني ..
حياة : ربي ينورلك طريقك ويكملك في هدايتك
صونيا : عيشك...درك نرجعو جيران ونشالله نكون جارة خير عليكم.
حياة : نشالله .
صونيا : معليش نطلب منك حاجة ؟
حياة: اطلبي
صونيا : علميني نصلي واعطيني لبسة مستورة نلبسها مجبتش حوايجي معايا وكامل عريانين حتى ربي يفرج ونشري .
حياة تبسمت: من عيوني...
جابتلها حياة لبسة مستورة وعلمتها تصلي ..
توضات صونيا وصلاة العصر ...اول مرة تصلي وتحط راسها على ااسجادة...
بكات وشبعت بكا وحياة تشجع فيها...
مور ماكملت صلاة شافت فيها صونيا.
صونيا : اممم درك جات دالتي نعاونك .
حياة: فااش ؟؟
صونيا: تبعيني
راحت حياة دوشت وصونيا جبدتلها شعرها وقطاعتو ومكايتلها ...ورجعتها تحفة ولبستها روب شابة ملي عندها ..
حياة معرفتش روحها : اااا يشوفني الراجل ميعرفنيش.
صونيا : ههه لازم هاك وراح نعلمك كلشي ونجيبلك قشي العريان كامل تلبسيه انا منحاتجو
حياة : يعطيك الصحة
صونيا غمزتها وضحكت : متنسايش رانا جيران وصحابات هههههه
خرجت صونيا تتبسم دخلت لدارهم شافها هشام تضحك.
هشام : خير راكي تضحكي ؟؟
صونيا : ههه وي تفاهمنا..
هشام : مليح انا نروح كاشما نقضي ونتي خملي الحالة هنا.
صونيا شافت الدنيا لقاتها تخلع : 😭 منين نبداها .
هشام : الله غالب 😅
صونيا : خلاص اخرج خليني نبدا على سعدي
الحلقة 62
خرج هشام يقضي وصونيا بقات تخمل فالدنيا سيقتها ودارت الحوايج فالمشينة غسلتهم ..خملت كامل الحالة ونقاتها ...كملت قعدت ريحت منبعد راحت تقلب في خزانتو لهشام
فتحت القجور تاع هشام لقات البوم فتحاتو لقات فوطواتو كي كان صغير مع يماه وباباه وختهم الصغيرة سمر..
بقات تمس فالفوطو تاعها تنهدت صغيرة وتضحك وهشام مصور قدامها.
بقات تقلب وشوف حتى لقات اجوندة فتحتها...لقاتو كاتب حاجات من راسو اشعار وعفايس ..
ومخبي حاجات باين بعثتهملو وحدة كادو ...تنهدت .
صونيا: هذو باين تاع حبيبتو .
..
نرجعو لهشام لي راح يقضي للدار ودار شوية مع صحابو برا حتى طاح اليل عيط لصونيا.
هشام : منطولش اغلقي البيبان متخافيش الجيران عارفينك ختي وناس ملاح .
صونيا: اوك .
كوبا هشام وكمل طريقو حتى صدفة تلاقا بسيدو خوها لخلود..
لقاه طايح اونبان يسقم فالطونوبيل.
هبط عينيه رما ڨاروه طفاه برجلو وراح ليه.
هشام : سلام عليكم.
سيدو : وعليكم ..الس..
شاف فيه لقاه هشام سكت...
هشام : واش السلام خسارة فينا حنا الزواولة متردوهناش ؟؟
سيدو : لا حاشا وعليكم السلام ..مش قصدي مي متوقعتش تكون نتا
هشام : اممم وشبيها الطونوبيل؟
سيدو ؛ منعرف ..
هشام قلبها وقالو : مش حاجة كبيرة
سيدو : تعرفلها ؟
هشام شاف فيه بسخرية وسقمهالو ..
سيدو نوضها ناضتلو تبسم وشاف في هشام حشمان
سيدو : يعطيك الصحة بلا بيك كنت نحصل هنا .
هشام : واجبي ..صح انا زوالي مي قلبي كبير .ونعاون الغير ...منتكبرش .
سيدو : هشام الله غالب والديا رفضو انا علاه
هشام شاف فيه : ميهمنيش هذاك ماضي وفات ونلقى غيرها مي جيبني للدار وطيح بقيمتي وقيمة جدة ربي يرحمها وتبكيها هذي لالا.
ورفد عطاه بدبزة على وجهو رعفو ..
هشام : محبيتهااااش منك ..
سيدو مسح الدم وتنهد : ربي يرحمها .
صونا تليفون تاع سيدو رفد لقا يماه تعيطلو استبطاتو.
صفية: وينك سيدو ؟
سيدو : هاني فالطريق جاي.
صفية : صحا ..
وكوبات.
هشام : كي تلحق قولها كون ماشي الزوفري هذاك تاع هشام وسخ يديه بلاڨريس تاع الطونوبيل كون مانيش وصلت ..
ومشا وخلاه واقف مخلوع فيه وحشمان منو ..
كمل سيدو طريقو كامل قلبو مقبوض ومتحسر.
هشام رجع للدار فتح الباب ودخل لقا صونيا تقلبلو في دوزانو
صونيا : طولت خفت وحدي
هشام : هاني جيت..
صونيا خبات القضيان ولقاتو متحسر حزين.
صونيا: شكونها ؟
هشام : ااه ؟
صونيا: مولات الكادوات .
هشام تنهد رفدهم خباهم وشاف فيها : متحوسيش تفهمي شي خاطيك.
ومشا يغسل
صونيا : هذيك لي ختها تومية؟؟
هشام حبس شاف فيها : اااه؟؟
صونيا: حبستني سقساتني عليك فلاڨار عندها مدة...قبل لاكسيدون
هشام تبسم مقهور وشاف فيها : انساي الحكاية انا دفنتها
الحلقة 63
دخل هشام لبيتو ترما في فراشو تنهد تفكر خلود وياماتهم ..استغفر ..تفكر ضحكتها وهبالها وحشمتها لي ديما مهبلاتو ...كانت ديما تهربلو ويظل وراها حتى خلاها تحبو...مكانش حاب يديها بلا رضياتها كان حاب. يخليها تحبو وتعشقو ورجعها تحبو مي فلخر مكان والو. ....لما وصل للخطبة وخطبها والديها رفضوه واحتقروه على خدمتو وعلى ماضيه لي معندو حتى ذنب فيه..
تفكر مانو كي بكات قدامهم من القهرة غمض عينيه بقوة ورجع فتحهم ..
تقلب في فراشو وحط راسو باش يرقد جات خلود بين عينيه ..
هشام : اااه يا ربي محبتش تخرج من راسي ...توحشتها هي معندها حتى ذنب ...يادرا كيفاه حوالك خلود ...توحشتك 💔
...
خلود من جيهتها كلما جي ترقد تتفكرو تبقا شوف فالفوطو تاعو وتاعها نهار الخطبة تعنقها وتبكي
خلود : توحشتك يا روحي يادرا راك تخمم فيا ولا بدلتني ونسيتني !! .
...
سيدو وصل للدار طريق كامل غايس ..
صفية : متتعشاش ؟؟
سيدو : مكلاه مانيش جيعان .
دخل لبيتو وهدرة هشام مزالت دور في راسو ..حس بالحڨرة لي حڨروها لهشام وحاس بقهرتو وبلي ظلموه وطيحو بيه ..وقهرة الرجال وااعرة وبزااف تقسم الڨلب .
عيطتلو رندة.
رندة: الو سيدو
سيدو : وي عمري لباس؟
رندة :توحشتك مراكش جي لافاك.
سيدو: ياك علابالك مشغول مع الخدمة ..
رندة : اممم
سيدو : شبيها رنوشة تاعي واش مزعفها ..
رندة: والو .
سيدو: ياك نهار الخميس تدو عطلة تاع الربيع وبالسبت نجيب لعمري الخاتم .
رندة تبسمت: ايه علابالي .
سيدو: هذي متكفيكش باش تعرفي شحال نحبك !!
رندة : نن متكفيش يلزم تقولها .
سيدو : نحبك يار***
رندة : مام انا
سيدو : قوليها يالرهج
رندة : هههههه منقولش حتى مور السبت .
سيدو : شوف اسيدي معليش اتقلشي عليا .
رندة : هههههه حبي وحياتي نموت عليك.
سيدو : كون نحكمك ياعزرينك نعتلك الحب تاعي كي داير.
رندة : هههههه علابالي نعرفك.
سيدو : نخليك حبيبي انا نرقد
رندة : اوك ..
..
كوبات رندة وسيدو راح للكوزينة يشرب تلاقا بخلود ثم ..خلود كانت سمعت شوي من هدرتهم وسيدو حس بيها ..
سيدو ؛ احم..طيري ترقدي .
خلود هبطت عينيها مجاوباتوش وراحت لبيتها .
سيدو قعد يخمم مسح على وجهو يخمم مفهمش علاه تعكست في وجه هشام وخلود...كان حاب يعاونهم مي الله غالب حكم باباه ويماه اولى...
....
جازو اليامات لحقت الخطبة تاع سيدو ورندة ..
راح سيدو مع باباه ويماه لدار رندة باش يخطبوها .
ابتسام : سيدو دارها وراح خطبها ..نستعرف بيه.
خلود : اممم يخطبوهالو خاطر هذوك يشرفو مش زواولة كيفنا .
ابتسام : عندهم الحق كل واحد يمشي مع لي قيسو .
خلود: اممم تخمام حابس .
ابتسام : هذا هو الصح تحبي ولا تكرهي ...دار رندة شان وطبع مش كيما هشام .
خلود : شلو فامتيكم قبل متهدرو عليه.
ابتسام : هههههه هو راهو يعشق مع غيرك ونتي اندبي عليه جايحة.
خلود راحت وخلاتها بقات طل مالتاقة وتفكر فيه وتدعي في ربي حابة شوفو ولو مرة وتعرف خبارو
خلود : ويينك يا ربي
↚
الحلقة 64
دخل سيدو ومحمد بااباه وصفية يماه لدار رندة استقبلوهم ورحبو بيهم .
صفية فرحانة عينيها يضحكو عجبتها الحطة شافت في وليدها تهدر معاه بلعقل
صفية : والله عرفت تخير ياوليدي ناس بالشان والطبع .
سيدو : اممم عجبوك ؟
صفية : ايه شان وطبع
سيدو : نشالله تعجبك الطفلة برك.
صفية : خااه علاه متعجبنيش باينة مليحة .
جات يمات رندة وباباها قعدو يحكو معاهم ...جات رندة قعدت معاهم ..حطتلهم قهوة وقعدو يحكو...
سيدو يشوف فيها ويتبسم وهي حشمانة .تهبط في عينيها .
صفية : ربي يبارك ...معندنا منقولو .
يماها تبسمت: ربي يعيشك حتى وليدكم معندنا منقولو فيه ...سبع الله يبارك خدام وبطونوبيلتو ربي يبارك.
خاصاتو السكنة برك ويكملو شروطنا .
صفية : بصح انا عندي زوج بنات نزوجهم وسيدو يبقا معانا .
...لالا بنتي تسكن وحدها هذا هو شرطنا.
صفية شافت في محمد مخلوعة مفهمتش ..
سيدو شاف في رندة لي مهبطة عينيها وساكتة.
صفية : سيدو نتا علابالك بالشرط هذا.
سيدو : وين علابالي ياك جيت معاكم.
نطقت يماها : رندة ياك قلتي دارك وحدك.
رندة : معليش نتفاهم معاه وحدنا .
ايه روحو للبيت هذيك واتفاهمو..
....
راحت رندة و سيدو للبيت ..
سيدو : ر*** واش هذا ؟؟
رندة: لي سمعتو
سيدو: متفاهمناش هاك؟
رندة : وعلاه وقتاش تفاهمنا حنا على السكنة !!! قتلك نسكن وحدي...كيفااه انااا نسكن مع داركم ؟؟ متتمسخرش سيدو نحب نعيش حياتي .
سيدو: رندة هذو والديا
رندة : كامل عندنا والدين وهذي مش حجة.
سيدو: اخر كلام عندك ؟
رندة : سيدو اذا تحبني داري وحدي ...ولا مكاش ..
ومشات لعندهم خلاتو واقف مخلوع متوقعش تخرجلو بخرجة كيما هذي وهو لي يحبها ونواها حلالو حطاتو بينها وبين والديه .
...
قعدت رندة تتبسم ...لحقها سيدو قعد.
نطقت يماها: واش تفاهمتو..
صفية بغش : علابالي سيدو ميديرهاش امشي نروحو
سيدو : راني قابل ..
باباه ويماه مخلوعين : كيفااه ؟!شبيك هبلت؟؟؟
سيدو : مهبلتش من حقها دارها وحدها وانا هذي حياتي وانا قابل بيها .
صفية حست بحشومة قدامهم وهو ما يتبسمو ويغزلو فيها .
صفية : وحنا معامن نقعدو ؟؟
سيدو: كيما انا عندي والديا هي عندها والديها ...
محمد ملقا مايهدر سكت وصفية بقات تغلي مالداخل .
سيدو مع بابات الطفلة : اماالا مبروك علينا .
سيدو : الصيف نشالله نديرو فيونصاي
نشاىله .
خرج سيدو مع والديه لي خرجو مذلولين.
صفية طريق كامل تدوس : متحشمش تحشم فينا قدامهم ..قول تحشم والديك على جال طفلة !!!
سيدو ساكت.
صفية : وعلاه خلعوك دارهمهم وحطتهم نسيت ما ليك ...نسيت اصلك وواش تكون ...يا خسارة تربيتي فيك يا خسارة تعبنا وشقانا بدلتنا بطفلة. بزوج دورو..
درك ينفعوك هوما ..
سيدو شاف فيها بنص عين وهو يسوق ..
سيدو : انا نسيت اصلي !؟؟ ولا نتوما ؟!
صفية ومحمد يشوفو فيه مستغربين
سيدو حبس وشاف فيهم : نتوما واش تكونو ؟؟ واش حاسبين روحكم؟؟
ياك نتوما زواولة...نتوما لي خلعوكم دارهمهم ...نسيتي يما كي دخلتي عينيك يضحكو مالحطة وملي قتلك عليهم ونتي محروقة جي ليهم ..هاكي جيتي ..
صفية : ايه مي غاضني الحال منك كي وافقتهم ضدنا .
سيدو: غاضكم الحال ؟؟ علاه مغاضكمش هشام كي ضحكتو عليه ...علاه مغاضكمش !! ولا هذاك ماهوش بشر ؟؟
محمد هبط عينيه وصفية كيفو
سيدو: كي ولات فيكم ولا عندكم قلب ويغيضكم الحال..
امالا باش نزيدلكم انا نسكن عند نسابي لي مرفهين منجيبش مرتي تعيش معاكم ونطيح بنيفوها ...شوفو نسيبكم للشباب لي راح جيبوه لخلود يسكنكم عندو. .
وقلع خلاهم طريق كامل غايسين وساكتين
الحلقة 65
وصلو للدار سيدو متبسم وفرحان ويماه تاكل في روحها وتسب .
دخلو للدار جات خلود وابتسام يشوفو واش دارو فيها .
ابتسام : واش درتو فيها ؟؟
صفية تعوج في فمها وباباهم راح لبيتو يريح.
سيدو يضحك : متبوركوليش ؟
ابتسام: كلشي مبروك ...امالا نزغرت.
خلود : كلشي مبروك هيا نزغرتو
جاو يزغرتو سكتتهم صفية.
صفية : مكانش زغاريت ...خوكم سمح فينا وراح يسكن عند نسابو.
ابتسام : اوو علاه؟ ياك عند و شمبرتو وحنا نتزوجو ونتوما معامن تبقاو ؟
صفية : سواد السعد ملقيت مندير.
سيدو شاف في ابتسام بسخرية : كي تتزوجي اديهم عندك سكنيهم كي غاضوك.
وخبط الباب وخرج.
ابتسام : شبيه هذا مخلوع بهذيك البغلة تاعو تقول مكانش من غيرها .
خلود : هوما شرطولكم ولا هو لي حب يسكن عندهم.؟
صفية : هوما قالو دارها وحدها وهو خرجلي بحكاية يسكن عندهم ..ملقيت وين نحط وجهي ذيك. الحشومة .
ابتسام : ايه يدبر راسو .
خلود هبطت عينيها متحسرة تفكرت كامل واش صار مع هشام مقدرت تستشفى مقدرت والو بقات ساكتة وتسمع ويماهم تهدر وتحكيلهم واش صار بالتفصيل .
...
نرجعو لسيدو خرج لبرا عيط لرندة .
رندة: الو سيدو لباس .
سيدو: لباس ونتي لباس ؟
رندة: راني فرحانة....واش ديجا لحقت تتوحشني ؟؟
سيدو: الله غالب منصبرش عليك .
رندة تضحك : علابالي ..
سيدو: رنوش
رندة : وي ديدوشي 😍
سيدو: خلاص كلش بيني وبينك
رندة : ااااه!!
سيدو : وقيل حسبالك صح نسكنك وحدك ونسمح في والديا ...بنت مها لي تفرقني على والديا مزال مخلقتش .
رندة مخلوعة فيه : شبيك سيدو ياك قبيل قبلت ديجا دورولك راسك ؟.
سيدو : انا لي دورولي راسي ولا نتي ؟! من وقتاش خلقت حكاية تسكني وحدك؟؟ ولا قلتي السيد يحبني خلي نجرجرو.
رندة : مش هكاك انا حبيت نسكن وحدي نعيشو حياتنا .
سيدو : اسمعي يابنت الناس انا مخلقتش مالفيد باش تديني وحدي ...ياتقبلي بيهم ياماكانش
رندة: خلاص متزعفش نقبل .
سيدو : هههههه تلعبي بيا كيما تحبي حاسبتي ذر !؟؟
انا فهمتك شفيتيني عيطت على خياتي حسبتيني نكرهم ونسمعلك ليك...
انا عيطت عليهم في صلاحهم ...خاطر نحبهم هذوك اغلى ما عندي ونخاف عليهم كثرمن روحي ..مش كيفك ماليك طالقينك تترعوني معايا وعارفين وساكتين طحاحنة ديوثين ...واليوم تقوليلي اسمح فيهم ...مانيش رخيس وطحان كيفكم. .تربحي بيك بيهم بدراهمكم
رندة تبكي وتحلل فيه : وعلاه حرام عليك ..علاه قبلت بصح قبيل علاه درك واش نقول لدارنا .
سيدو : نفحتلي نقبل ودرك نفحتلي نبطل ..كيما نتي ..
شو في اخر مرة تزيدي تعيطيلي سينو والله والله واله ندير فيك التير واحد مايجيب خبرك ياخامجة ..
وكوبالها طفا تليفون خلاها تندب في سعدها..
طلع للدار فتح الباب سمع خلود تهدر مع يماه.
...
صفية كي حكاتلهم ابتسام راحت لبيتها وخلود وقفت قدام يماها .
خلود ؛ يما متخافيش متزعفيش انا مراحش نتزوج ونخليكم يايقبل راجلي بيكم يامكانش زواج..
اتبسمي.
دخلت خلود بيتها خلات صفية مخلوعة فيها بعد كامل واش دارو فيها مزالت تخمم فيهم..
دخل سيدو سمعها راح عند يماه تبسم وغمزها : خلود مسكينة تحبكم شفتيها ههههه.
ودخل بيتو ترما في فراشو: خليكم في نيتكم منقولش بلي بطلت حتى تستعرفو بغلطتكم
الحلقة 66
ترما سيدو في فراشو يخمم في رندة ويماتهم ..ودرك بسهولة طلبت منو يسمح في والديه ولما شاف نضرة الاحتقار في عنين دارهم لرندة لوالديه ...قلبو تزير مهما كان يحبها بصح والديه اولى من كلش ...تفكر نهار جا هشام ومانو ربي يرحمها كيفاه احتقروهم حتى جداه خرجت والدموع في عينيها. الخزرة هذيك مينساهاش...
سيدو : بفففف علاه الدنيا دايرة هاك لي مهموم يكملو عليه ولي لباس بيه يزيدولو ...يادنيا يارخيسة ومجتمع حقير طماع ويقولو علاه ماناش مهنين ..كون نشوفو الانسان لقلبو ونتبعو كلام ربي مناش هاك..
من رندة منزيد نعرف طفلة فالحرام...نخطب من الدار لي فيها الرجال..ثم نلقا بنات الحلال .
هشام حطمناه ودرك كيفاه نرجعو منقدرش ..مكاش كيفاه نطلب منو يرجع يخطب..راح يرفض ويحس بالهانة ...وممكن هو عاود حياتو عادي وخلود نساها..
اااه ياهشام قلال الرجال كيفك وحنا حڨرناك نشالله تسمحلنا برك
...
غدوة منذاك
نرجعو لخلود مور ماشرات تليفون قاعدة تكونيكتي تقرا فالكرونيك ..وابتسام كيفها مي هي تحكي مع حليم ..
خلود حطت ستاتي فاىقروب تاعهم ..لي كان هشام ادمين فيه مي درك بلوكا الفايس تاعو مكانش.
...
.
لا اريد شخص يقولي انت اول حب في حياتي هذاك كذاب 🤐 ..نحب لي يقولي حبيت بصح نتي لي ندير معاك الدار 😍
لا اريد شخص يستمع لاحاديثي المملة .😏..بل لي يعيط عليا ويقولي منحبش الناس تضحك على هدرتك 😍
لا اريد شخص كي نبكي يمسحلي دموعي ولا يبكي معايا هذاك تاع الهنودة ...اريد شخص كي نبكي يقولي اسكتي صرعتيني ياك لي بغيتيها درتهالك 💓
لا اريد شخص يلبيلي كامل طلباتي هذاك يعيي .. اريد شخص كي نكثر عليه يقولي اتعلمي تقنعي بواش عندك 😘 وراني ندير لي عليا باش نوفرلك واش تحتاجي
لا اريد شخص كي نقولو تفظلني على ماليك يوافقني..نحب لي يقولي هذوك اولى منك ونتي فالڨلب بلاصك 💔 خاطر لي يسمح في ماليه يجي نهار ويسمح فيك.👊
لا اريد شخص يخليني حرة نلبس ونخرج كيما نحب هذاك يسموه ديوث ...نحب لي يقولي تستري روحك ولا والله متقعدي في داري نتي عرضي ونغير عليك 💓
منحبش هذاك لي يدراهمو يشريني ومنبعد يذلني ...نحب لي برجولتو يحميني وبالعشرة يرضيني .
منحبش هذاك لي يقولي نقتل روحي ولا نهبل ولا نوشم على جالك...نحب لي يقولي ادعيلي ربي يهديني ومهما يغلط يرجع يرضيني .
هذاك لي نحبو يسموه ولد بلادي فحل ورجلة ربي يحفظهم 💕
..
بقاو يكومنتولها...وهي تقرا تتبسم توحشت هشام وهذو كامل الصفات تاوعو حطتهم فالستاتي. .تالمو توحشاتو حطت كلش عليه..
...
كانت تقرا فليكومنتار حتى كومنتالها واحد الفايس جامي شافتو .
قالها واش الفايدة كي تلقايه ووالديك يرفضوه !!؟؟.
خلود قراتو استغربت ...دخلت للبروفيل تاعو لقاتو كاتب الفوق .
اذا بغيتي المال انا زوالي معنديش واذا بغيتي القلب ديتيه ومشاورتيش 💔
خلود بقات مخلوعة عينيها تعباو دموع : هو هشام عرفتو والله هو..
بعثتلو بريفي : هشام عرفتك نتا هو هشام .
هشام شاف الميساج تاعها ...تنهد قلبو وجعو.
خلود : علابالي راك شوف فالميساج تاعي ريبوندي عليا توحشتك راح نهبل عليك يا روحي توحشتك انا واش ذنبي كي فرقونا انا نحبك ومزلت نحبك .و عمري مننساك ومنسيتك حتى دقيقة ...جاوبني ريحني كيف حوالك خبارك ...توحشتك راني نكتب ونبكي يلربي علاه تخليلي vu ومجاوبش ...هشام يالسامط جاوبني انا خلود حبيبتك جاوبني ...
هشام مقدرش توحشها بزاف ندم على الدقيقة لي كومنتالها متوقعش تعرفو بالسرعة هذي..
هشام في قلبو : حتى انا توحشتك يامصيبة مخرجتيش من راسي يالوكان دقيقة ...مقدرتش ننساك يا روحي سمحيلي طولت عليك الغيبة ...سمحيلي جيت شفتك شحال من مرة ومخليتكش شوفيني ..حبيتك تنسايني وتعيشي حياتك ..خليني انا نتحرق وحدي ..جيت نشوف اذا تهليت في قلبي مي كلما نشوفك يزيد يتقسم كثر وكثر ...
سمحيلي خلود انسايني يا روحي انسايني ..
. .
وبلوكاها ..
خلود لقاتو بلوكاها ولات تشهق بالبكا ...راحت تجري التليفون تاع ابتسام تدخل للستاتي تاعها مالفايس تاع ابتسام باش تجبد الليان تاع الفايس تاعو
ابتسام : تليفوني شبيك ؟؟
خلود مع رفداتو تخلعت شافت في ابتسام وابتسام هبطت عينيها
↚
الحلقة 67
خلود فاللحظة واش شافت نساها في هشام كامل: واش هذا ابتسام ؟؟
ابتسام : والو .
خلود : كيفاه والو هذي ماشي اافوطو تاعك ؟؟ نتي هبلتي ولا واش صرالك ؟
ابتسام ساكتة علابالها خلود مرحش تسكتلها.
خلود : ابتسام كيفاه تبعثي فوطوك لحليم !؟ مخفتيش ؟!!
ابتسام : واش نخاف هو حب يشوفني .
خلود : يشوفك يشقا ليك مش تبعثيلو تصاورك.
ابتسام : نورمال واش راح يدير بيهم يشوفهم برك مش عريانين..
خلود بقات تقلب لقات بزااف فوطوات ...بعثتهم .حست روحها فشلت قعدت شوف في ختها .
خلود: مخفتيش يولي يهدك بيهم ؟
ابتسام : شبيك خلود ...حليم يحبني ومثقف وراهو خدام ميقدرش يجي حسبتلك فارغ شغل كي هشام تاعك يظل فالزنقة .
خلود : شووف اسيدي ...درك ولا هشام ميعجبش ...انا على الاقل شقا ليا وشافني قدام ربي وعبادو وجاني حتى للدار مش كيفك يشوف في تصاورك لي بعثتيهم كي الجايحة .
ابتسام : وكي جا خطبك واش ربحتي ؟؟ ياك حاوزوه دارنا ...حتى نتي معرفتيش تخيري واحد من نيفوك قاري كيفك...انا حليم قاري عند و ماستار وخدام وبخيرو ومثقف ميديرش صوالح جايحين تاع تصاور فهمتي ..هذاك هشام بين قوسين زوفري لي بلاك يديرهم يطمع فيك.
خلود رجعت تغلي وتبكي : يعطيك الصحة ابتسام شفتي حليم نخلعتي وليتي تعايري في هشام ..يعطيك الصحة ...هشام راجل وكون نقعد حياتي كامل منندمش لي عرفتو ..
خرجت خلود تمسح في دموعها للدوش تغسل...شافها سيدو تنهد ..راح عند يماه لقاها قاعدة تخيط.
سيدو : واش يما. .
صفية تعوج في فمها : خير ؟
سيدو : عندي شرط تحبي نبطل رندة !!
صفية تبسمت : واش هو ؟
سيدو : واش رايك نهدر مع هشام يرجع لخلود ...بصح يلزم تطلبو منو السماح
صفية : وزعما يقبل ويرجع ؟؟
سيدو : نفوت نهدر معاه قبل .
صفية تنهدت : والله ياوليدي غير باباك ندم على واش قالو مي مشكيتوش يقبل ..هذا اذا مزال مخطبش.
سيدو : كرامتو تقاست ومشكيوتش يرجع بالسهولة هذي مي نحاول معاه ..ونشوفو..
صفية : روح ياوليدي ربي معاك ويفرحك كيما تخمم في خياتك.
سيدو تبسم : نشالله...ادعيلي.
..
خرج سيدو يلبس شاف خلود راجعة لبيتها عيطلها.
سيدو : خلود.
جات ليه : نعم خويا ؟
سيدو : ديريلي محاجب تاوعك بنان .
خلود : ااه ؟؟
سيدو : اي هيا والله حاب ناكلهم ولعشية نجيبلك حاجة تفرحك 😉
خلود: ديما توعدني ومجيبش .
سيدو : اي هيا نجيبلك طيبيهم برك.
خلود : نشالله .
خرج سيدو متبسم ...ركب طونوبيلتو راح لدار هشام ..ويدعي في ربي يقبل ..ويرجع يخطب ..
لحق حبس شاف هشام يسوق في طونوبيل جديدة بلاك شراها...
جا ينزل يهدر معاه حتى شاف صونيا خارجة من دارو وتضحك معاه طلعت معاه من قدام وقلعو.
سيدو : جداه توفات وهذي شكون !؟؟ ياك قالنا معندو حتى واحد...
تنهد
هذا سور تزوج كي بقا وحدو...اااه يا ربي اااه يا ربي جيت روتار بزااف بزااف...
خبط يدو على اافولون وقلع راجع للدار وقلبو مقبوض على خلود كي تعرفو تزوج
الحلقة 68
رجع لعشية سيدو للدار حزين ...لقا خلود طيبتلو محاجب وحطتهم..
سيدو : اممم ريحتهم تشهي بيمن نبدا.
خلود : هههههه بصحتك..
كملت خلود شغلها وراحت لبيتها وسيدو قعد مع يماه كلا شوي وحطهم
صفية :واش درت فيها ؟
سيدو تنهد : لقيتو مع وحدة تكون مرتو باينة صغيرة خاطر بقا وحدو مور ما ماتت جداه ...يكون تزوج .
صفية تنهدت : الله غالب مش مكتوب. .
سيدو : كامل منكم والله ...لقيتو بدارو وحدو وشرا طونوبيل ومرتو معندي منقول .
صفية : الله غالب طفرت درك...مي متهدرش قدام خلود بلي تزوج ..خليها في نيتها.
سيدو: انا نروح نرقد راني عيان .
صفية : روح ريح روحك..
..
نرجعو لهشام قاعد سهران برا يقرا فالميساج تتع خلود حزين ..الدموع في عينيه توحشها ...معندوش حتى فوطو تاعها ..مي متتنحاش من خيالو ...ديما يتخايلها وتوحشها بزااف ..
هشام : توحشتك يالهم يالعمر يلمصيبة...هبلتني نعل راسة تتعها توحشتها..راني حاب ننساها ومقدرتش عارف روحي نهار يرجعو يقراو نرجع نشوفها ....علابالي منصبرش عليها ...ياخلود يامهبلتني ومادرتي فيا ..
...
خلاصت عطلة الربيع ورجعو يقراو..خلود وابتسام مكانوش يتهادرو ملي دوسو المرة الاخيرة وخلود رجعت ترقد فالصالون .
..
نهار رجعو يقراو كل وحدة راحت وحدها ...وحتى صونيا تروح تقرا السنا تسوتني وتكمل
هشام : صونيا راكي واجدة ؟
صونيا مستغربة : وي علاه ؟
هشام يحك في راسو : مكاش حبيت نوصلك برك.
صونيا : ههه مذابيا زعما تزوخ بالطونوبيل.
هشام يضحك :ههه امشي خلينا مالهدرة بزاف
قلعو الصبح كيف كيف هشام يخمم مع روحو .
رايح نشوف هذيك المهبولة توحشتها .
..
صونيا شوف فيه طريق كامل يتبسم وحدو خاطر كان يتفكر في خلود وهبالها ..وفرحان كي راح يشوفها.
لحقو لافاك ..
هشام يسوق بلعقل ..ويشوف بلاك يشوفها ...
صونيا تحوس معاه عليها...مي مشفاتش عليها مليح.
حتى نطقت ابتسام : هشام تزوجت !؟؟
هشام حبس وشاف فيها : ابتسام ...هذي ختي .
ابتسام :: اااه اوك متشرفين ...
صونيا نزلت شفات عليها
صونيا : وينها ختك ؟
ابتسام عوجت فمها : هااايليك ...
شورتلهم بصبعها ..
خلود شافتهم تشوكات وصونيا نازلة من طونوبيلتو .حست موس دخل فيها كيفاه هشام تزوج وشكون هذيك لي معاه ..هبطت عينيها مقهورة و دخلت تجري لافاك.
هشام نزل باش يلحقها مقدرش يدخل ..
صونيا شافت فيه : متتقلقش خويا انا نجيبهالك واذا مجبتهاش مانيش مرا ابقا هنا .
.هشام : مكلاه صونيا ..خليها .
صونيا : هشام متروحش اصبر ..
وراحت تجري ليها حكمتها تلهث
لقات دموعها نازلين مقنوطة.
صونيا : خلود ...خلود...انا ...انا ختو من باباه...عيشك ارجعيلو جا لهنا باش يشوفك.
خلود مخلوعة : ختو؟!!
صونيا : ايه. ..هاوليك روحي احكي معاه
خلود هبطت عينيها.
صونيا : خلود هشام منساكش ولو دقيقة ديما تلقاه غايس .روحي ليه شوفو حل خسارة يضيع حبكم باطل .
كملت صونيا دخلت وخلود شوف فيه واقف برا توحشاتو .بزااف ..مقدرتش تشد روحها ..
هشام عقلو يقولو روحو وقلبو مخلاهش يتحرك من بلاصتو توحشها. سيرتو كي شافها جاية ليه
الحلقة 69
لحقت خلود عند هشام لقاتو واقف يشوف فيها متبسم..
حست بفرحة في قلبها توحشاتو عندها مدة مشافتوش ومسمعتش صوتو.
لحقت عند و شافها تبسم قلبو خرج مالفرحة يضرب بااقاوي ..عندو مقربش ليها هاك.. تمنى الوقت يحبس ويبقا يعشق فيها بعينيه في عينيها في كامل تفاصيلها في ضحكتها لي مخلطة بالحشمة ...
خلود تبسمت حشمانة: لقيت ختك !! كلشي مبروك.
هشام شاف جيهة صونيا لي داخلة لافاك وشاف في خلود.
هشام : ايه لقيتها ..
خلود : مليح هاكا تونس ماني فطيمة .
هشام هبط عينيه حزان : ربي ...ربي يرحمها .
خلود مخلوعة قلبها وجعها : ماتت ؟ ربي يرحمها...مكتش عارفة ...سمحلي ..وقتاش ماتت وكيفاه.
هشام: تعبت بزااف متنسايش هي ماهيش صغيرة .
خلود تحسرت: معليش والحمد لله لي ...لي راك مليح.
هشام في قلبو حاب يشبع منها مي واش الفايدة كي والديها ميقبلوش بيه..شاف فيها تنهد.
هشام : روحي تقراي ..فاتك الحال .
خلود حست بيه يحاوز فيها ولا يبعد فيها عليه وهي متوحشاتو مووت ...دمعو عينيها هبطتهم..هشام حاس بيها قتلاتو كلشي غير انو يقهرها .
هشام : حتى انا نروح الخدمة تستنى فيا .
خلود تبسمت مقهورة : اوك..
.
دخلت خلود لافاك وهشام راح طلع طونوبيلتو وقلع ..طريق كامل يسب حس روحو ضعيف قدام حبها .
خلود تمشي غايسة لقات صونيا تستنى فيها .
صونيا : خلود تفاهمتو؟؟
خلود قعدت دموعها نازلين: واش نتفاهمو مدام دارنا رافضينو ..هشام هو كلشي في حياتي ودارنا محبوش ..انا نحبو نموت عليه منقدرش نعيش بلا بيه ..مي الله غالب دارنا ملقيت مانديرلهم.
صونيا : يا ربي حرام عليهم علاه خويا هشام مسكين واش. خصو ..كون ماشي هو مدرتش الحجاب هو توبني ورجعني للطريق ...يلزم نعاونو كيما عاوني ميلزمش نخليه وحدو ...كيما فرحني نفرحو يستاهل كل خير.
خلود : واش قادرة ديري؟؟
صونيا : نروح معاك لعشية لداركم ونحكي معاهم نحاولهم...بلاك يسمعولي .
خلود : تعبي روحك باطل مزال متعرفيش بابا ويما .
صونيا : نحاول خلود نحاولو مانا خاسرين والو ..
علا قداه تخرجي؟
خلود: على الزوج .
صونيا : نخرج نعيطلك ..هاتي نومروك.
مدلتها خلود نومروها ...
صونيا : سجلت نومروها في تليفون تع خلود وسجلت تاع هشام.
صونيا : خليه عندك تحتاجيه 😉
...
لعشية راحت صونيا مع خلود لدارهم دخلو مع بعض
صفية: شكون هذي لي جات معاك.
خلود : هذي صحبتي ..هذي ختو لهشام جات تحكي معاكم....لقا ختو من باباه
صفية : ختوو ؟؟ ماشي مرتو ؟؟
سيدو كان فالكوزينة ياكل يسمع فيهم
صونيا : طاطا جيت نحكي معاك واسمعيني.
حكات صونيا مع صفية وسيدو يسمع ويتبسم
صفية: سمحولنا يابنتي حتى حنا ندمنا وجينا ليه حسبناه تزوج ..مي معليش ..يحب يجي يخطب مرحبا..
طل فيهم سيدو : احم..
صونيا شافتو هبطت عينيها
سيدو : يما عيطي لبابا نروحو عندو ولا نسيتي !!؟؟
صفية تفكرت شرط تاع سيدو باش يبطل رندة ..تبسمت.
صفية : نلبس حجابي ونجي.
خلود بقات شوف فيهم مش مصدقة واش تسمع.
صونيا غمزتها: نتي العروس مجيش معانا هههههه
خلود : يعطيك الصحة صونيا.
صونيا : بلا مزيتي ...هاني نعيطلك
↚
الحلقة 70
راحت صونيا مع سيدو ووالديه لدارهم وبقات خلود فالدار محموقة ...تترعد شادة تليفونها وخايفة ماهيش عارفة واش راح يصرا ...واسكو تتحل مشكلتهم هي وهشام ولا متتحلش..
راحت توضات تصلي وتدعي في ربي تتحل بيناتهم
....
سيدو عيط لهشام فالطريق جاب نومروه من عند صونيا وقالو يجي للدار يحتاجوه.
هشام بقا يستنا فالدار مقلق كيفو كيف خلود ..وماهوش عارف واش يحوس سيدو من عندو..
بقا مقلق رايح جاي فالدار...حتى لحقو ..
دخلت صونيا وهو ما وراها .
صونيا : مرحبا بكم...
دخلو قعدو وهشام سلم عليهم متحير مفهمش واش كاين .
قعد هشام يشوف فيهم مستغرب .
سيدو : خويا هشام جاو والديا اليوم باش نحلو سوء التفاهم لي صار
صفية : اول حاجة ربي يرحمها خالتي فطيمة ...الله غالب مسمعناش كون رانا جينا
وثاني حاجة جينا نطلبو السماح على النهار هذاك تاع الخطبة ..الله غالب وليدي شيطان جابها ..
هشام ساكت مهبط عينيه ..وصونيا شوف فيه وتدعي في ربي يقتنع ..
هشام ساكت من جيهة حشمان ومن جيهة كرامتو تقاست بزااف ...مي كي شقاو ليه وطلبو السماح منو حشم مقدرش يصدهم.
هشام : معليه مصرا والو ..مكانش داعي تشقاو ..والله عادي .
صونيا قلقت خرجت عيطت لخلود.
صونيا : الو خلود.
خلود : احكيلي واش صار ..؟؟
صونيا : خلود ابعثيلو لهشام كاش حاجة ميساج شباب خليه يقبل راهو حشمان مي خصاتو دفعة باش يرجع يخطبك...هيا خلود.
خلود مقلقة: بففف زمر واش نبعثلو ؟
صونيا : دبري راسك حبيبك هشام تعرفيه خير مني ابعثي درك مكانش وقت..
...
كوبات صونيا ودخلت حطتلهم الجو ...
وهوما سكتين..
هشام مقلق يستغفر حتى لحقو ميساج فتحو قراه.
..
نرجعو لخلود لي كانت مقلقة ومعرفتش واش تبعث
خلود : بففف طارو الافكار واش نبعث ياااربي ...اممم لقيتها .
كتبتلو
اذا حبيت ماليا يجوك بعثتهملك.
اذا حبيت السماح طلبوه منك
اذا حبيت الڨلب 💓والله منردولك
واذا حبيت خلود تعرف الطريق بلا منقولك 😉
..
هشام قراه تبسم ..رجع غلق التليفون وشاف فيهم.
هشام : القلوب صافية ...جدة كانت ديما حابة تفرح بيا وتزوجني وانا منلقاش خيرمنكم نسبة..
شافو في بعضاهم وتبسمو فرحانين..
صونيا مالفرحة عيطت لخلود فالكوزينة وهو ما يسمعو وبدات تزغرت
صونيا : قبل خلوود قبل يوووووووووييييييي
خلود تسمع وتبكي.
محمد : وليدي داري مفتوحة ليك الوقت لي تحب .
هشام : عيشك...مذابيا اليوم فاليل نحطلها الخاتم.
صفية : في اي وقت ..
...
رجعو مع سيدو للدار وهشام عيط لخلود.
رفدتلو فرحانة وتبكي وتشهق : وي هشام
هشام : كيفاه راهو ڨلبي ؟
خلود : كيما خليتو .
هشام : صار والله منديه !!!
خلود : اممم .
هشام : توحشتك
خلود : كون شوف انا قريب هبلت.
هشام : راني جاي عمري وجايبلك خاتمك...وجدي روحك.
خلود ؛ خاااه ومزال مجبدتش شعري موجدت روحي راني نبهدل...
هشام يضحك ؛ كشرودتي نحبك كيما تكوني ..خليني نلبسلك خاتمي خليني نرتاح ..عشقك صعيب تعبني..خلينا نفرحو..
خلود تنقز مالفرحة : اوك ارواح مطولش هاني نستنا..
هشام : ههههه اوك..
غير كوبات.
هشام سجد لربي : حمد لله ياربي حمد لله حمد لله
الحلقة 71
لبس هشام وجد روحو وصونيا وجدت روحها ...وفرحانة. .
داو الخاتم وشراو قاطو وباتيسري داوها معاهم ..
فالطريق : واااو راني فرحانة هشام راني رايحة نخطبلك هههههه
جيتكم بالحسب والنسب نخطب بنتكم خلود لوليدنا هشام هههههه
هشام يضحك من عينيه تفكر جداه ودعاوتها ووصايتها ..تنهد يهدر في قلبو ...ربي يرحمك ميمة هاني رجعت كرامتي ورايح نرجع نخطب خلود بنيتك لي حبيتيها حتى قبل مشوفيها ..ياريت عشتي النهار هذا وحضرتيه..
....
نرجعو لخلود لبست ووجدت روحها وابتسام شوف فيها تعوج في فمها كانو مزالو مداوسين.
جات صفية: خلود وجدتي روحك ؟
خلود ؛ راني مليحة هاك ؟!!؟
صفية: ربي يبارك على بنتي ...ونتي ابتسام متلبسيش ؟؟
ابتسام : يما عندي قراية .
...
لحق هشام وختو دخلو رحبو بيهم ...حطولهم العشا جات خلود سولتهم وتحط مع يماها ..وصونيا تعاون فيهم...
كملو تعشاو من بعد قعدو فالصالون ...
صونيا ؛ خلي نعاونك نرفد معاك الماعن.
خلود : نن مكلاه والله تريحي والله
صونيا: هاتي بووه عليا ههه ...
..
صفية كانت فالكوزينة تخمل جا سيدو ليها.
سيدو : درك نقدر نبطل رندة .
صفية : تهنية منها..كاين ما خير .
وغمزاتو على صونيا...وهي دخلت للكوزينة مع خلود حشمانة كي لقتت سيدو ثم ..حطت الماعن ورجعت وهو يتبع فيها بعينيه..
صفية جبدت خلود : شحال في عمرها.
خلود فاقتلهم تضحك : هههههه كثرمني بعام و حلوة سكر اخطبي وعينيك مغمضين .
سيدو تبسم وشاف في يماه وهي تبسمت. .
...
ريحو كامل فالصالون يقصرو...وسيدو منحاش عينيه من صونيا .. حتى هي حشمت .
خلود : صونيا واش رايك في سيدو خويا فحل وعينو عليك.
صونيا تبسمت : والله منعرف ..سقسي هشام .
خلود تضحك : هههههه هشام خليه عليا وعلابالي يقبل ..رجعيلي الخبر متنسايش .
صونيا نشالله
لحق وقت الخاتم
لبس هشام خلود الخاتم وهو ما يزغرتو..
هشام : مبروك علينا .
خلود حشمانة : يبارك فيك.
هشام : احم...مذابيا العرس الصيف السنة في اوت .
خلود : اووه مانيش واجدة !!
هشام : واش توجدي !!؟
خلود : خلينا من بعد نحكو .
هشام تبسم : واذا حبيتي العرس من غدوة نديك 😉
تبسمت خلود..
جازت عشوة هبال ..رجع هشام للدار فرحان وصونيا تخمم في هدرة خلود على سيدو خوها ..
الحلقة 72
غير لحق هشام عيطلها لخلود.
هشام : الو عمري.
خلود كانت تبات فااصالون رفدتلو : وي عمري .
هشام: شكون قال النهار هذا يكون ويوصل . .ونكونو لبعضانا .
خلود : هشام .
هشام : روحو .
خلود : نتا ليا وحدي .
هشام : ونتي ليا طول العمر نشالله.
خلود : مانيش مامنة هشام من قوة الفرحة قبيل قريب عنقتك قدامهم توحشتك.
هشام :ههه غدوة نجي ليك لافاك وندي عمري وين تحب ونحي الوحش .
خلود : نشالله ...اليوم مرحش نقدر نرقد.
هشام : ولا انا ...اصلا ملي تفارقنا مرقدتش ...كلما نحط راسي جي بين عينيا ..مقدرتش ننساك ولو ثانية...مغبتيش من بالي
خلود : والله مام انا ديما نتفكرك ودموعي على خدي
هشام : ماليوم منحبكش تبكي .
خلود: درك راني نبكي .
هشام: حابة نجي تخلصك وقيل ههه
خلود : اممم ارواح .
هشام : مهبولة...حقا ختك ابتسام مبانتش
خلود : مناش نتناباو ...
هشام : اوو علاه ؟؟
خلود: عرفت واحد فالفايس وبعثتلو تصاورها ..وكي دوست معاها ...متفاهمناش ورجعنا منتهادوروش.
هشام : هذي هبلت ؟؟؟ كيفاه تبعثلو فوطوات تاعها !! دارت فيه لمان ؟؟!
خلود ؛ والله عييت فيها محبتش تفهم
هشام : ربي يخرجها على خير برك ويكون ولد حلال.
خلود : نشاله....حقا حبيت نقولك حاجة
هشام : امم واش هي ؟
خلود : ياك سيدو حبس مع رانيا وتعرف خويا لباس بيه.
هشام : ايه نعرفو علاه ؟
خلود : حبينا نخطبو صونيا ليه واش رايك؟؟
هشام تبسم : مليح سيدو راجل وفحل ومعندي منقول فيه ...شوفيها هي ياك رجعتو صحابات هه
خلود ؛ وي قلتلها خليها تخمم في غرضها هي حشمت منك
هشام تنهد : والله ربي بعثهللي معرفتش كامل منين ..ومكانش. راجل نتهنا عليها معاه كيما سيدو ياريت تقبل .
خلود نشالله .
..
غدوة منذاك الصبح ..هشام وصونيا يتقهاواو..
هشام شاف في صونيا
هشام: صونيا حكاتلي خلود على حكاية اخطبة
صونيا هبطت عينيها حشمانة منو.
هشام: مكلاه تحشمي مني انا خوك...وسيدو نعرفو مكانش كيفو راجل فحل خدام لباس بيه...نتهنا عليك معاه ...خمي نتي ورجعيلها لخلود خبر .
...
صونيا : كيما تحب خويا نخمم ونقولها .
هشام : ايا مليح ...امشي نخرجو الوقت ..
...
خرج هشام راح يخدم وصونيا راحت تقرا .
كمل هشام خدمتو بكري وراح عند خلود خرجها معاه وجوزو عشوة هبال نحاو فيها الوحش كامل ...ولي يصبر ديما ينال فاللخر...
صونيا خرجت رايحة للدار حتى شافت سيدو ثم يشوف فيها مالبعيد..ويتبسم ..
هبطت عينيها وراحت للدار...
لعشية عيطت لخلود .
خلود ؛ وي صونيا لباس ؟
صونيا : لباس ونتي لباس ...واش جاز نهار شباب مع هشام ؟؟
خلود : اسكتي واش نحكي واش. نخلي هههههه
صونيا : حبيت نقولك حاجة .
خلود : واش هي ؟
صونيا: على السوجي تاع لخطبة
خلود : اهيه.
صونيا : امممم راني قابلة هههههه
خلود : يوووووييي على مرت خويا الزينة .
صونيا : يعيشك
خلود : ربي يهنيكم درك يفرح سيدو ..والله مسكين وقف معايا ومع هشام بزااف ويستاهل كل خير.
صونيا: قالي هشام وانا منلقاش خيرمنو.
خلود : وحتى هو ميلقاش خير منك.ههه درك نروح نفرحو ..
راحت خلود تجري تقولو خبراتو ويماه قاعدة .
سيدو فرح
خلود : هاك اهدر معاها..
فالوقت هذا هشام كان يسمع فيها ..
جا هشام ليها نحالها تليفون وهدر مع سيدو..
هشام : واش خونا حتى جيبو الخاتم .هههههه
سيدو : يابن عمي مين طحت .
هشام : مالسما هههههه كي جيب الخاتم ثم نهدرو
سيدو : خلفتها معليش نجيب الخاتم والسمانة هذي .
هشام : ليزووم هذي هدرة لي نحبها
↚
الحلقة 73
صونيا قعدت تضحك على هشام حشمانة ...
هشام كوبا ورجعلها تليفون ...بقات صونيا تغسل فالماعن وتسمع فالغنا كيتمان وتتبسم فرحانة .
هشام خرج لبرا عيط لخلود.
هشام: الو الكبدة .
خلود تضحك : وي عمري .
هشام : راكي شاطرة درتي لفار بلخف فريتيها بين سيد علي وصونيا .
خلود : اممم خسارة عليك تستعرف .
هشام : نستعرف علاه منستعرفش ..لي جابتني من الفايسبوك للواقع لدارهم وزوج مرات ثان كيفاه منستعرفش بيها هههههه
خلود : هههههه خاطر نحبك كون منحبكش منحوسش عليك باش نكون حلالك.
هشام : اممم حتى انا نحبك الزينة تاعي...وقتاش تولي حلالي وقتاش ونريح.
خلود : خلي نكمل العام هذا ومنبعد تبان ..مبقاش بزاف .
هشام : نشالله يارب ..
...
جازو يامات سيدو جاب والديه وخطبو صونيا رسميا ولبسلها الخاتم ...وهكا رجعو عايلة وحدة..
بعدما بقاو هشام وصونيا وحدهم يحاربو فالدنيا ولكن ايمانهم كان اقوى من كلش ..شدو في ربي وجا النهار لي لازم يفرحو فيه ويعيشو حياتهم وتزهالهم الدنيا ..
صونيا تحجبت ورجعت تصلي ...وديما مع جارتهم حياة تعلمها طيب وكلشي وهي تعلمها تلبس وتماكيي وكاشما تخرج تخلي عندها فريال تشدهالها..
صونيا قلبها كبير ملقاتش لي يوجهها في تربيتها لقات ام فاسقة عوجتلها طريقها ...مي كي لقات هشام واقف معاها قطعت علاقاتها مع كامل لبنات لي كانت نعرفهم فاسقات وتحجبت ورجعت خلود في صحبتها وفلخر تناسبو ولقات راجل ونعم الرجال سيد علي .
....
بعدها بايام وعصافير الحب عايشين حياتهم بكل راحة...والحب ماليلهم حياتهم. .
ماعدا ابتسام لي كانت غارقة وحدها في عالمها وخلود ختها مكانتش عارفة خاطر عاداتها ورجعت متحبش تحكيلها ولا تهدر معاها .
..
وحد النهار السبت الصبح خلود متقراش وحتى ابتسام .
ناضت خلود على العشرة خاطر بايتة تحكي مع هشام
جات ليها صفية تنوض فيها .
صفية : خلود نوضي واش هذا الرقاد عليك
خلود تفتح عينيها بلعقل : وي يما ؟؟
صفية : ختك وين رلهي مكاشها في بيتها ؟؟
خلود : منعرف انا وين شفتها ؟
صفية: وين زعما تكون ؟؟
خلود : بلاك راحت عند صحبتها .
صفية : صحبتها الصبح !؟ انا نضت ملقيتهاش .
خلود : والله ماني عارفة بلاك راحت لافاك ممكن .
صفية : حتى تليفونها طافي.
خلود تقلقت في خاطرها مي محبتش تبين قدام يماها .
خلود : متتقلقيش ماما ساعات لافاك ميكونش فيها الريزو ..درك شوية نعيطلها ونشوف .
صفية : اوك.
راحت صفية تخدم شغلها وخلود بقات دور رايحة جاية تخمم وين زعما تروح صبح ربي وعلاه تليفونها طافي.
بقات تعيط طافي...وهي دايرة الرونفوا ..
خلود بعثتلها ميساج : وينك ابتسام قلبنا عليك الدنيا ..علابالي خرجلك الميساج عاودي عيطيلي طمني يماك راهي مقلقة عليك..
...
ابتسام تقرا فالميساج وتبكي : سمحولي سمحولي ...منقدرش نرجع ديزولي بزااف
الحلقة 74
نرجعو ليلة من قبل ...ابتسام تحكي مع حليم فالفايس .
حليم : ابتسام ...غدوة نحبك جيني راني جاي لعندكم.
ابتسام فرحت كي راح شوفو قدامها ويتلاقاو : وين نجيك ؟؟
حليم: لداري...ياك علابالك نسكن وحدي ...ارواحي لل**** تعرفيها البلاصة هذي ؟!.
ابتسام : ايه نعرفها.
حليم : تلقايني نستنى فيك بالطونوبيل ارواحي الصبح ونديك لداري نريحو الاز ونحكو خير .
ابتسام : منقدرش نجيك حليم
حليم : علاه ؟
ابتسام : كيفاه نتلاقاو انا وياك وحدنا شبيك هبلت ؟!؟
حليم : تخافي مني ؟؟ علاه قالولك ولد حرام ؟
ابتسام: مش منك علابالي ...مي من الشيطان واعر .
حليم : حبيبي انا نحبك ومنصبرش عليك وملي بعثتيلي تصاورك وانا نحلم بيك ..يلزم نشوفك.
ابتسام : معليش شوفني مي برا في بلاص قدام الناس
حليم : ابتسام انا مانيش تاع زنق ...انا مالدار للخدمة خاطيني قعدة الزنق
ابتسام : خايفة حليم منقدرش ..
حليم : ابتسام عمري توحشت نشوفك ..راني نبات نوم فيك ياجدك...انا خاطيني اىصوالح العيانين واحد مثقف كيفي مش تاع صوالح هذوك شبيك بب؟؟
ابتسام قلبها يضرب مستحيل تقبل تروح ليه وحدها ..خمت ديرلو كيما دارت خلود لهشام تحطو فالامر الواقع.
ابتسام : شوف حليم انا منقدرش نجيك واذا كنت صح تحبني كاين دارنا ارواح شوفني في دارنا .
حليم : منك بصح ؟؟
ابتسام : هذي هي اخر هدرة ليك ؟
ابتسام : ايه..
حليم قلق مسح على وجعو : جي الصبح ولا مجيش ؟؟
ابتسام : منجيش هذي هي .
حليم يهدر مع روحو : ساعفتك بزاف طوال لسانك .
بعثلها: غدوة يسموك جي والصبح .
ابتسام : منجيش متحاولنيش .
حليم : انا نحاول ق*** خامجة كيما نتي !!
ابتسام مخلوعة : هذا الكلام ليا حليم ؟؟
حليم : ليك هما لا ليا !!! ..واش حاسبة في روحك خامجة من الخامجات .
ابتسام حست بقنطة الدمعة في شفرها : علاه تقولي هاك واش درتلك ؟؟
حليم : قتلك جي ليا تفهمي يسموك جي غدوة ونتي تق*** عليا !!
ابتسام : منقدرش قتلك ..الشيطان واعر .
حليم : تعرفي الشيطان نتي !!! وحدة موسخة فقيرة طامعة فيا وفي دراهمي ..انا كيفك ن** ونرمي ..يتلصقو عليا الوفات ..احمدي ربي لي قيمتك وهدرت معاك ..وليتي تحوسي نخطب !!!
ابتسام : علاه مكنتش ناوي تخطب !!؟
حليم ضحك : نخطب؟!! وحدة كيفك تسربي تصاورها فالفايس !! علاه انا طحان ندي وحدة كيفك !؟
ابتسام دموعها نازلين مقهورة : حليم واش ذنبي حبيتك وياك كنت تقولي نحبك..
حليم : حبيتك ودرك ديڨوتيتك خلاص شبعت منك وشفت تصاورك واش ندير بيك...وزيد ماكيش شابة كيما نحب انا.
ابتسام : ياك نتا قتلي ابغثيلي تصاور وانا بعثتلك ليك برك.
حليم : كيما بعثتي ليا تبعثي لغيري ..اسمعي يا بنت الناس لي مديرش قيمة لروحها...قيمة لماليها واحد مايقيمها. ..كي. تبقاي غير نتي منديكش خامجة .
....
ابتسام قلبها يضرب ودموعها ويدان..:حرام عليك ربي وكيلك
حليم : هههههه هذي قوليها لروحك حاسبي روحك لي رخستي بيها
ابتسام : طحان رخيس ماشي راجل خسارة قرايتك خسبتك فاهم.
حليم : انا ماشي راجل يا ق**** *** *****...غدوة جيني نوريلك بلي انا راجل ونص ....ولا والله تصاورك
يصبحو يتراماو فالفايس ...يشبع منك الشعب كامل ياخامجة .
ابتسام تبكي : ربي وكيلك حرام عليك كون ختك متقبلش فيها هاك.
حليم : ختي راهي في دارها مع راجلها لي خطبها مالباب ماشي نتي تبعثي فتصاورك.شو في زوج كلمات ...الصبح جيني ...مجيش وشوفي حليم واش يدير ..
وديكونيكتا خلاها ابتسام بايتة تبكي ودموعها ويدان..
ابتسام : حرام عليك هذا لي كنت تقولي نحبك ومنفرطش فيك....ااه ياربي واش درت غلطة حياتي ..
يانروح نمد شرفي. يا يتسرباو تصاوري ياربي مانيش عارفة واش ندير و وين حطيت روحي ...تحطمت خلاص مبقاتش حياة ...
ابتسام ليلة كاملة مغمضتلهاش عين ...حتى الصبح في عين اليل خرجت وماهيش عارفة حتى لوين باهي رايحة ...
الحلقة 75
ابتسام تمشي الطريق فارغة اىصبح وهي رايحة حابة تبعد وتهرب ...تخمم تروح ليه ولا متروحش ..في كلتا الحالتين راهي خاسرة ...
ابتسام : يارب واش ندير اذا رحت ليه نخسر شرفي ويعجب بيا ويرميني ومنبعد شكون يديني شكون يدي فضلة غيرو!!؟ حتى ...ااه ياربي حتى حسين لي تكبرت عليه ميدينيش وراح يحتقرني ...من حقو ..انا لي خامجة وطيحت بروحي انا البهلولة..تكبرت عليه وهو نواني للحلال وكان حاب يهدر مع بابا وانا مخليتوش طلقت اىخيط الصحيح وشديت فالراشي...
خلود ختي يا ما عيطت عليا. .وحتى داوستها وهي حبتلي صلاحي...انا بهلولة ...انا جايحة .. احتقرتهم وهوما خرجو رجال وخطبو مالباب ولي طلعتلو شانو خرجلي رخيس ودمرلي حياتي ...مانيش قادرة نخمم يا ربي ..خلاص قطعت الامل من الدنيا خلاص ..
ابتسام تمشي. غايسة وطنوبيل لي جوز يتبلاوها وهي رجعت شوف فيهم ميسواوش ..
ابتسام : الرجال كامل رخاس وميسواوش يشوف الطفلة غير تاع صوالحهم علاه مشافش لقلبي ..عله يعني ياربي راح نهبل راح نهبل ..
شدت ابتسام في راسها ستر عليها من كثرة التخمام والقلق مقدرتش حتى تمشي ...فاللحظة هذي كانت تتمنى تموت ولا تعيش النهار هذا..
حبست شوف فالطريق كاش طونوبيل جاية تجري ترمي روحها ليها وتموت وتتهنا ..
كامل الطونوبيلات ينقصو يلحقو ليها استغربو طفلة واش دير هنا وحدها ..
سمعت ابتسام كاميو جاي وراها غمضت عينيها بقوة .
ابتسام: خلاص هذي النهاية ...ااه يابتسام وين كنتي ووين وليتي ..كنت لباس بيا مالقراية للدار ومالدار للقراية ودرك راني كي الكلبة فالزنق نتراما ونسمع فالسبان والكلام ...ضحكت على الناس الزواولة راني كثرمنهم ...راني كارهة روحي ومحتقرتها ...حسبي الله ونعم الوكيل فيك ياحليم .
..
غمضت عينيها كي سمعت الكاميو لحق باش ترمي روحها...لحق الكاميو جاز وهي مقدرتش ترمي روحها.
ابتسام : مقدرتش ياربي مقدرتش ...
وطرطقت بالبكا
جاز الكاميو عليها شافها مالتروفيزور هو حسين جارهم. رايح خدام الصبح كي عوايدو
حسين نخلع : اوو هذيك ماشي ابتسام !؟؟ واش راهي دير هنا وحدها ؟؟ ..
كان راح يكمل مي قلبو كلاه مهما كان بنت حومتو ويعرفها .
حبس وراح ليها وهي تبكي.
حسين : ابتسام واش راكي ديري هنا ؟
ابتسام شافتو طرطقت باابكا على الاقل هذا حسين يحبها ويخاف عليها..
ابتسام : حسين مزية لي جيت راح نهبل .
حسين مخلوع ؛ واش صار احكي؟؟!
ابتسام حكاتلو كلشي وتبكي ...حسين قلبو وجعو مي هي وصلت روحها ..
تكبرت عليه وفلخر رمات روحها لواحد رخيس وشبعها ذل حتى ولات تهرب من دارهم.
حسين : شفتي يا بنت الناس ...هذا لي رفضتيني في جالو !!؟ هذا القاري الفاهم !!؟ الراجل باخلاقو وتربيتو مش بنيفوه ...انا وليد حومتك ونعرفك وتعرفيني ملبكري ..رفضتيني....معليش من حقك مي بهذاا..ههه
ابتسام : الله غالب غلطت .
حسين : غلطتي !!! هذي مش غلطة...حطمتي حياتك وحياة عايلتك...خلاص درك تصاورك يتراماو ..واش درتي في روحك وين كان عقلك ؟!!
ابتسام : عاوني حسين عاوني معرفتش واش ندير ؟!
حسين : معندي حتى حل ..خربتيها بيدك ..قضية تصاور وشرف تاغ داركم وتاعك راهو فاللعب انا واش قادر ندير ؟؟!
ابتسام تبكي وحسين يشوف فيها معرفش واش يدير ..رمات روحها للواد برجليها ..
..
مشات وحسين يشوف فيها وهي رايحة ...حتى صونا تليفونها رفداتو لقاتو حليم وحسين يشوف فيها مالبعيد خاطر بعدت عليه ..
حسين مقدر يمشي مقدر يدير والو حس روحو فشل حتى للخدمة مقدرش يروح وكيفاه يعاونها .
ابتسام رفدت لحليم وقالها راني قريب نوصل ...
حبست ابتسام ولحق حليم حبس قدامها ببالطنوبيل
حسين طلعو الزبل شاف حليم وحس روحو طحان ورخيس كون يخليها تروح معاه مهما كان غلطت مي رجولتو متخليهش يشوف ولية تتحڨر ويبقا يتفرج.
طلع في كاميوه بالزعاف وقلع وعيط على طول صوتو
ابتساااام بعدييييي
↚
الحلقة 76
حسين راجل وزوالي ويفهم واش معناها الحڨرة والذل سيرتو من صحاب الدراهم للزواولة واحتقارهم ليهم.
وزيد شاف ابتسام بنت حومتو والاغلب الطفلة لي بغاها وعشق فيها ليالي اليوم رايحة برجليها لعند رخيس باش يزيد يذلها ويحتقرها ...مهما كانت مراحش يقبل يشوفها رايحة معاه قدامو ويبقا ساكت.
للحظة عماه الشيطان مقدرش يشد روحو .قلع بكاميوه وديمارا باش يقتلو وهو في طونوبيلتو ويكرازيه مع الحيط..
ابتسام سمعاتو عيط شافت فيه بعدت وحطت يديها على فمها مخلوعة..حسين تعما ولا ميشوف والو وراح يزدم في حليم المهم يقتلو ويريح
ابتسام تبكي وتعيط : حسييين حسين ارجع ارجع ..
حسين ميشوف والو قدامو ...الغش عماه في هذيك اللحظة...كيما يقولو ناس بكري .الله يعطينا العقل في ساعة الضيق ..حسين لما حكاتلو ابتسام تقهر كثرمنها وخاطر ملقاش حل هذي قضية تصاور وشرف راهو فاللعب ومتنفع معاه غير انو يقتلو ويرتاح ..مهموش يباصي يدخل للحبس ..رجولتو منعاتو يشوفها تنحڨر ڨدامو ...قبل يمد حياتو في جالها ..المهم هو كان في هذيك الغفلة مقتنع بواش كان يدير .
...
حليم شافو جاي وبالكاميو ليه تخلع متوقعش يجيه واحد يدافع عليها ...وبالجنون هذاك.
حليم هبط يجري مالطونوبيل وهرب منها خاطر حسين مكانش ناوي يحبس ولا يتراجع ...
دخل حسين فالطونوبيل تاع حليم وخبطها مع الحيط
وحبس ..
حسين فالحظة هذي حبس يشوف الطونوبيل جديدة مبقاش فيها وحتى الكاميو تكسر مالقدام..
ابتسام يديها على فمها شوف مخلوعة ..متوقعتش حسين العاقل الرزين يتصرف بالتهور هذا.
شعرة ويقتلو ..
حليم قلبو يضرب وجهو صفر ..الناس تلمو يشوفو واش صار ...حسين مزالو يغلي حليم مزال مماتش ..
نزل حسين مالكاميو جبد معاه حديدة ..وشاف في ابتسام كي لقا الناس تلمت محبش تبقا في وسط الرجال
حسين : اطلعي نهدر معاك !!!
طلعت ابتسام فالكاميو وخايفة تترعد وتدعي في ربي تكمل على خير ...ودرك باباها وماليها يسمعو بالحكاية واش يصير فيهم والتبهدايل مع الناس...
بقات طل عليهم وتبكي ..
حسين راح عند حليم والناس دايرين بيهم..
حليم واقف وشاد تليفونو....نحاهولو حسين خبطو كسرو دقدقو بالحديد..
وشاف فيه والنار تشعل من عينيه : التصاور لي عندك تنحيهم كامل ولا والله نرشيك فالحبس ..
حليم خاف منو خاطر هو مش تاع رجلة وضراب ..ماهوش موالف بهذو الامور ..رجع وجعو صفر وخاف منو خاطر حسين راهو في حومتو ويعرفوه فحل ومدام زعف من حليم معناها هو لي دنا ليه .
قالو واحد : حسين لي دنا ليك دنا لينا .
حليم ؛ انعلو بليس متنساوش التصاور مزالو فالفايس عندي ..
حليم جبد تليفونو : سيربيميهم قدامي ..ادخل ل** الفايس تتعك..
دخل حليم ونحاهم.
حسين قرب ليه : شوف نلقا فوطو مزالت عندك وخرجتها متلوم غير روحك.. ونحالو البارمي تاعو .
حسين : روح اخدم غير و هذا يبقا عندي باش نجبدك..
واذا راح تروح وتولي تهدد هدد على روحك ...انا الطفلة انا نديها فهمت !!؟ ولا مفهمتش نفهمك بطريقتي ..
حليم : لالا خلاص فهمت ..خلوني نروح سمحلونا ليزوم ..
وراح يمشي وهوما يسبو فيه يبزقو عليه
الحلقة 77
رجع حسين عند ابتسام والناس راحو ..
حليم عيط للديباناج دات الطونوبيل وراح هو معاه.
حسين جا شاف الكاميو تاعو لقاه مكسر مالقدام رجع طلع عند ابتسام
حسين تنهد شاف في ابتسام لقاها تبكي مسح على وجهو : خلاص اسكتي حكاية التصاور فرات ..
ابتسام تبسمت وتمسح في عينيها : صح !!!
حسين : ايه ...قتلك خلاص خلاص متزيديش ديري نفس الغلطة. ..شو في واحد يجيك للدار خطيك مالفروخة تاع الفايس .
ابتسام هبطت عينيها متحسرة حست بقهرة .
حسين يهدر مي محبش يشوف في وجها مزالو محافظ على القدر تاع بنت حومتو ومزال الرفض تاعها في بالو
حسين: نوصلك للجونس تاع الترونسبور وارجعي للدار .
ابتسام تنهدت : يعطيك الصحة حسين .
حسين: بلا مزية راكي بنت حومتي وكيما ختي .
كلمة ختي قهرتها لابتسام حست بالذنب جيهتو ..فهمت منو بلي هو عاونها ممكن صح بنت حومتو وممكن مزال يحبها مي محبش يستغل الفرصة ويخطبها. ..رغم عنها ..قالها كي ختي ..معناها نتي رفضتيني وانا منسيفش عليك تكوني معايا مي محال نسكت للي دنا ليك ..
قلع حسين مالڨري الكاميو مهلوك شوية مي مكاش كيفاه يخليها ثم وحدها .
فالطريق ابتسام ساكتة وحسين يسوق وقلبو يضرب متوقعش يجي نهار ويكون هو وابتسام وحدهم
حسين : احم... ابتسام درك توصل الهدرة لداركم بلي كنتي معايا والخالوطة كامل لي صرات ...مي حكاية التصاور مكانش لي سمع بيها ..متخافيش .
ابتسام قلبها يضرب تفكرت دارهم رجعت ترجف
ابتسام: ودرك واش نقول لدارنا.
حسين تنهد مشكلتو يحبها وميحبش عليها ...واليوم تقهر كثرمنها وهي ماهيش حاسة بيه خاطر هو راجل و الراجل ميبينش .
حسين : المشكل شافوك معايا فالكاميو يعني الهدرة توصل ليا ...شو في قولي لهم حب يخطبني وانا رفضت وحسين حب يخطفني بسيف ..فهمتي !!؟
ابتسام شوف فيه مكورج وبعدما كامل واش دار في جالها وزاد راح يرميها فوقو.
ابتسام: عله ترميها فوقك !!نن انا غلطت ويلزم نتعلم من غلطتي .
حسين عيط عليها : قتلك ارميها فوقي متحوسيش تفهمي انا راجل ....نتي تولي الهدرة فوقك وبلاك يخرجوك من قرايتك ...نتي تحبي قرايتك ومانيش حابك تخرجي منها بسبتي وبسبة تهوري ..
ارميها فوقي خلي انا نتحمل عادي .
ابتسام تبكي حست روحها حقيرة قدامو ..بعدما احتقراتو هو قتلها بالقدر ...قتلها برجولتو ..
ابتسام ساكتة وتبكي بلعقل..
حسين : معليش المهم جازت حكاية التصاور ..هانا لحقنا تقدري تنزلي .
ابتسام : علاه خبست بعيد ؟!
حسين حك راسو وتبسم: مانيش حاب يشوفوك الناس راكبة في كاميو كي تاعي ...ديزولي هذا رزقي وراس مالي كون عندي طونبيل جديدة الله غالب ..
ابتسام غمضت عينيها وهبطت تمشي مقهورة ....جامي حست روحها حقيرة كي اليوم ..
فهمت بزااف امور ...الحقارة مش فالفقر وفالمستوى الدراسي ...
الحقارة هي عقليتها المتخلفة لي كانت فاهمة العالم بالمقلوب ....
تمشي غايسة حتى خرجلها ميساج تاع خلود الدوزيام خاطر زادت بعثتلها ..فتحت قراتو عاودت عيطتلها وتبكي.
خلود :وينك ابتسام وين غبتي ياطفلة قلبنا عليك الدنيا ..
ابتسام تشهق بالبكا : كي نجي نحكيلك.
....
كوبات ابتسام ..خلود قالت ليماها ابتسام جاية .
دخل باباها وسيدو يحلفو اليوم يقتلوها خاطر لحقتلهم الهدرة على واش صار معاها..
حسين راح لخدمتو ...وهو ما فالدار يغلو ...
سيدو : اليوم نقتلها دارتلنا التبهدايل الحومة كامل تحكي عليها .
محمد : خليها جي والله نعاود نربيها ..الخامجة .
...
خلود خافت شافتهم هكاك ...بقات في بيتها وتبكي خافت عليها ..
خلود :واش ندير ياربي اليوم يقتلوها ..
خمت في هشام .
خلود : معنديش غيرو يسلكها ..
عيطتلو حكاتلو.
هشام : كيفاه نجي بلا سبة ؟!
خلود : عيشك جيب اي حاجة من عند صونيا ودرها سبة عيشك عمري واله يقتلوها. .عيشك هشام ياروحي غاضتني .
هشام تنهد : في وجهك برك ...هاني جاي
الحلقة 78
لحق هشام قبلها بقا حابس بعيد يستنا فيها ترجع ويدخل وراها.
حتى شافها لحقت ...طالعة فالدرج رجل قدام وزوج لور..خايفة تترعد ...زعما يكونو سمعو...زعما لحقهم الخبر....نرميها فوق حسين !!؟ مستحيل...هو وقف معايا راجل سلكني من مشكل كبير كون ماشي هو راني في حالة ...كوراج ابتسام ...مهما كان سيدو وبابا يضربوني في صلاحي ...كيما صار مع خلود .
دخلت ابتسام بلعقل وغلقت الباب. .
طلت عليها خلود تبكي ..جات ليها عنقتها وتبكي. .
خلود : وين كنتي !! واش درتي حالفين يقتلوك اليوم .
ابتسام تترعد خايفة تبكي ...
طل فيها سيدو ويماها .
سيدو : جيتي يالخامجة تفوو عليك
ابتسام شدت في خلود خايفة ....جبدها سيدو من يدها يضرب فيها ...وهي تبكي وتعيط
ابتسام : خلاااص منزيدش نعاود اطلقني .
سيدو ضربها قتلها : تفوو عليك يالخامجة. يالرخيسة ..ديريلنا فالتبهدايل تفوو عليك اذا نتي مرا ...تفو عليك ...بهدلتي بينا موتي الله لا تردك ...الموت حلال فيك..
يماها تسلك مخلاهاش ...وباباها يشوف فيها بغش وخلود تبكي ...حتى دخل هشام راح نحاهالو من يدو لسيدو..
هشام : خلاص سيدو خلاص يكفيها راهي تربات ...
سيدو: اطلقني هشام بهدلت بينا الخامجة هذي.
وراح يزيد يضربها وهي تبكي تتوجع من كل جيه .
هشام خباها وراه : خلاص سيدو ديرلي وجه ليا يالزح قتلك خلاص ..حاب تقتلها ؟!!
سيدو يشوف فيها بغش : مزال الرخيس هذاك تاع حسين اليوم نذبحو .
هشام : امشي معايا نخرجو نفهمك.
سيدو : واش تفهمني ؟!
هشام : امشي وسكتنا..
وشدو خرجو لبرا.
ابتسام تتوجع وتبكي مقهورة جرات ليها خلود وصفية شدوها يسكتو فيها .
شاف فيها باباها. بغش : تفووو درڨي وجهك عليا ...هياا .
دخلت ابتسام لبيتها تبكي وتتوجع وخلود وصفية يسكتو فيها ..
خلود : واش صار احكيلي ماني فاهمة والو.
ابتسام حكاتلها كلش لخلود ويماها .
خلود : ياما فهمتك وزقيت عليك مخذيتيش رايي .
ابتسام : سمحيلي خلود جرحتك وصح زقيتي. معايا انا تكبرت حتى انكسرت ...كامل الناس لي جرحتهم حسين ونتي وهشام وقفو معايا ..وصح كيما يقولو
خوذ الراي لي يبكيك مش لي يضحكك ...انا تبعت هوايا ونسيت الصح نسيت اصلي ونسيت الناس لي تحبني وتخمم في صلاحي ..
سمحولي غلطت وبزااف ..
خلود عنقتها وتبكي كيفها: معليش المهم سلكت حكاية التصاور ...شفتي حسين شحال يحبك...يحبك لي يجيك مالباب وقريب باصا في جالك
ابتسام : امم صح بصح جرحتو ومزالو مجروح.
خلود : امسحي دموعك تسلك نشالله واطلبي منو السماح .
ابتسام : نشالله
..
خرج هشام مع سيدو وحكالو حكاية التصاور ..
سيدو مخلوع : هذا كامل راه صاير وانا لا خبر ..
عيطتلو خلود لهشام وفهماتو
هشام : كيما قتلك حسين عاونها ووقف راجل معاها ضد المرخس لوخر.
سيدو : والله عيب كبير ملقيتش وين نحط وجهي مع السيد.
هشام : حسين ليزوم علا حسابو وولد حومتك ..واي واحد في بلاصتو يدير كيفو..
...
حسين في خدمتو مقلق كان دا نومرو تاع ابتسام باش يسقسيها واش دارت فيها .
عيطلها....رفدتلو تبكي.
حسين : شبيك ؟!.
ابتسام : ضربوني قتلوني .
حسين قلبو وجعو مي عفس عليه خاطر مهما كان هي وصلت روحها.
حسين: معليش ياك خوك وبغالك صلاحك...
ابتسام : علابالي .
حسين : قلتيلهم عليا ؟؟
ابتسام: نن مقلتش مي خلود عيطت لهشام خطيبها جا سلكني منهم وفهمهم الحكاية .
حسين : امم مليح ...
ابتسام : سمحلي حسين سمحلي بزااف معرفتش قيمتك حتى خسرتك...كنت معمية وضيعتك من بين يديا بلا مانفيق ..
حسين تبسم: حسين مزالو يستنى فرصة وعمرك مراح تضيعيه ..ههه
ابتسام تبسمت حتى توجعت : اااي .
حسين: موجوعة ؟؟!
ابتسام: اممم.
حسين : ماشي قدي ..نتي نهارات وتريحي مش كيما انا شهور ومزال قلبي مجروح مبراش .
ابتسام : حسين ...قلبي راهو مفتوح ليك وباب دارنا ..نعطيك حياتي كاملة ومنقدرش نرد وقفتك معايا اليوم .
حسين : هه مذابيا نرجع ليك مي بشرط تحبيني مش ترجعيلي خيري
ابتسام تمسح في دموعها : نحبك والله نحبك
حسين : هههههه ديجا
ابتسام : اذا محبيتكش اضربني.
حسين ضحك بالصوت : ههههههه مهبولة منضربش عمري انا ...مي ندير لي عليا باش تحبيني متخميش.
ابتسام تبسمت: نشالله
حسين: عيطلي خويا مالدار وقالي الحومة مقلبة عليك ..يلزم نفريها اليوم ابتسام راكي قابلة ؟!
ابتسام: وي قابلة قابلة .
حسين : هههههه اوك .
ابتسام : المشاكل هذو كامل ونتا واقف وتتبسم
حسين : فرحتك عندي بالدنيا باش تعرفي شحال نحبك.....هيا تهلاي في روحك من بعد..
...
كوبا حسين ....كمل خدمتو وهبط للحومة...مدتلو ابتسام نومرو تاع سيدو ...عيطلو وقالو نتلاقاو فالبلاصة الفلانية..
سيدو :اوك راني جاي
↚
الحلقة 79
لحق حسين عند سيدو هبط يمشي ومتبسم ..
سيدو وقف يشوف فيه حس برهبة وهو قدامو لحسين خاطر حسين سلكهم من فظيحة كبيرة ..مي سيدو مكانش عارف بلي حسين يحبها لابتسام حسبالو سلكها برك .
سيدو : يعطيك الصحة خويا حسين وقفتك معانا مننساهاش...هذو هوما ليزوم ..
متسمعش للهدرة فالحومة والهدرة الزايدة هاك تعرف استر حكاية التصاور ربي يسترك
حسين تبسم وقرب لسيدو : راكم ولاد حومتي وملبكري ولي تقيسكم تقيسني.
سيدو: صحيت
حسين : وشنو معيطتلكش على هذي .
سيدو مستغرب : علاواش عيطتلي؟؟
حسين: بعد موافقتكم ...حاب ناسبكم..نخطب بنتكم ابتسام ليا
سيدو فرح تبسم متوقعش يخطبها بعد كامل واش صار.
سيدو : خير النسبة وخير الرجال مي كثرة الهدرة متقلقكش ؟؟
حسين ؛ قولهم حاب يديها ذراع ...يسكتو.
سيدو ضحك فهمو لحسين بلي يحبها بابتسام من قبل وعينو فيها .
سيدو: ارواح مرحبا بيك....مراحش نلقاو خير منك
حسين : عيشك..
وتخامسو ...حسين زير على يدو لسيدو..
سيدو يشوف فيه ...حسين طلقو ومشا طلع في كاميوه.
سيدو فهم بلي حسين تقهر منو كي ضربها مي من حقو مهما كان خوها وبغالها صلاحها..
....
ابتسام لحقها الخبر ماتت بالفرحة .. وتمت خطبتها لحسين ...
واخيرا رجعت ليه ..
مهما يكن مكاش لي يخمم فيك كيما الزوالي لانو يفهم معنى الحڨرة. ..الناس باخلاقها بقيمها وتربيتها مش بمستواها الدراسي ولا المعيشي ...يقولو ناس زمان اعطيني فاهم الله لا قرا...
النسا الرجال والرجال للمحنة والمحنة لي يقدر عليها. .
ومكانش كيما انسان زوالي يحطك في عينيه ويحافظ على شرفك ويعرف قيمة العايلة والشرف واعماق وقيم الاسرة المحافظة والمجتمع عامة .
....
لحق عرس خلود وهشام حسين يكمل في بنيانو قبل.
سيدو كان يحب يتزو ج قبل مي صونيا محبتش تخلي هشام وحدو...حبت تزوجو قبل ...
..
خلود : هشام ...شكون قال راح نكون ليك.
هشام : شكون هذا لي قال العكس نريبلو فمو هههه
دخلها لبيتها رافدها وهي فرحانة ..
هشام غمزها ويضحك : شفتي جبتك لداري ...تستعرفي 😁
خلود تضحك : هههههه خلفتهالي وي نستعرف ..بصح انا فت جبتك.
هشام: المهم جبتك انا ثان.
خلود جبدت تليفونها : ساالفي.
هشام: مسالفيش ...سالفي تاعك مربحتش عليه
خلود : سيبون صورتك.
هشام : 😑 درتي رايك درك تنحيها
خلود هربتلو وتضحك وهو كيفها
وهذي هي قصتنا لعبة العشاق...كلشي بدا بلعبة حتى المكتوب كتب ورجع كلشي واقع ..ولي مشا صواب ومع ربي فلخر ينصرو ومول النية ديما يربح...نشالله تكون عجبتكم القصة المليئة بالعبر وستفدتو منه.
النهاية