كانت واقفة قدام باب الجامعة مع زوج صحاباتها يحكو و يضحكو نساوا ڨاع هموم الدنيا، الحياة جمعتهم بالصدفة و مع مرور السنوات ولاو صحابات بكل معنى الكلمة، اختبرتهم باصعب الامتحانات و الموافق بصح قدروا يتخطاو كلش رغم قسوتها و هاد الشي بفضل دعم كل واحده الاخرى.
مروى : شوفو و اسمعوني مليح انا كرشي راهي تتقطع من الجوع واش رايكم نروحوا نفطروا !؟
لينا : ايه صح ديجا راهي 11:50 يعني وقت لفطور
ميرال : انا تعرفوني مليح كلش كلش غير كرشي اللي ما نسمحش فيها ههه
لينا : ايه هادي حاجه مافيهاش نقاش بب
ميرال : اااه وي لازم
مروى : ايا بركاو من الهدرة انا دك نطيح من الجوع و زيد ماعندناش بزاف الوقت قيس ما نكلو و ندخلوا TD دونك خفوا
لينا و ميرال : ايا امشو
مشاو لبنات و دخلوا للبلاصة لي موالفين يفطروا فيها و بعد ما كملوا دخلوا الجامعة باش يحضروا TD
و هاد كل تحت انضارو اللى كان يراقب فيهم من البعيد داخل سيارتو اللى تدل على جاهه و غناه، قاعد مع صاحبو غير يشوف فيهم بهدوء، و كي دخلو الجامعة كسر صاحبو الصمت و قالو
اياد : اي واحدة فيهم!!!؟
أنس : ...
اياد : ااااي راني نهدر معاك !! وين رحت بيها
أنس : (بصوت خشين يدل على رجولتو ) راني غير هنا ا صاحبي
اياد : ودك نرحوا و لا راك معول تسناهم حتى يخرجوا؟
أنس : لازم نفريها فأقرب وقت و نهدر معها
اياد : و ذا ما قبلتش؟؟
أنس(بتسم على جنب) و قال : و شكون اللي تتجرائ و ترفضني ؟؟؟
اياد : و واثق من نفسك كمان
أنس : واش عمبالك رانى نحكي من راسي، (دور راسو لجيهة باب الجامعة و عاود شاف فإياد) بكلمة واحدة مني تخليها تعشق فالتراب اللي نمشي عليه
اياد : نشوفو شطارتك يا سي أنس، مع الوقت نشوفو
أنس : شهرين، شهرين برك و نخاليها كي الخاتم بين يدي و ندير بيها و اش نحب
اياد : نصحية من عند خوك ما تتأملش بزاف على خاطر باين عليها ماهيش كيف لبنات الي تعرفهم
أنس : قاع كيف كيف فالاول ترفض مباعد تستسلم وحدها و زيد عندها زوح خيارات
اياد : يا تقبل ،ياتقبل
أنس : تعجبني كي تفهم بالساهل و غمزلو
اياد : اوكي منا للشهرين اذا ما طيحتهاش انا اللي راح نديرك كي الخاتم في صبعي
أنس : ...... (اكتفى بالصمت)
بعدها ديمارا الطموبيل و راح مباشره للبار و ين موالف يسهر مع اياد، و في ذلك الوقت الصحبات كملوا ليكور توعهم و راحوا قبالة الدار بعدما ودعوا بعضاهم
↚
الحلقة 02
_عند ميرال_
لحقت للدار و فقت مدة قدام الباب و غير دورت المفتاح تنهدت تنهيدة من اعماق قلبها لانو علابالها واش راه يسنى فيها و الجحيم اللى راح يعيشها فيه خوها (من باباها برك لانو يماها ماتت كي كان في عمرها عام) باباها عاود الزواج مع حنان، اسم على مسمى مرا تخاف من ربي حنينة بزاف خاصة على ميرال بحكم انها يتيمة و دارت الشى اللي تقدر عليه غير بش ميرال ما تحسش بغياب امها ربي رزقها بزوج ولاد قيس في عمرو 22 سنة و شهد 15 عام قيس عبارة عن ججرة تقول ماعندوش قلب قاس بزاف خاصة على ميرال اما شهد عكسو تماما تحب بزاف ميرال نسخه من ماماها . راكم تتسألو على باباها علاه ما يدافعش عليها ، بكل بساطه لانو مريض تعب بزاف في حياتو و شقى باش يربي ولادو و عايلتو.
قيس : واش يا لالة و اقيل مانيش نبان ؟؟؟
ميرال : ...
قيس : واقيل راني نهدر مع الحيط (بلعياط)
ميرال : نحي يدك و خليني ندخل للشومبرة راني عيانة
قيس : اااايه يا لالة و الله غير طوال لسانك و وليتي ترجعي فالهدرة، رفد يدو يعطيها كف و حبساتو يماه
حنان : قييييس
قيس : نتي بذات مادخليش روحك
حنان : هادي اخر مرة ترفد فيها يدك على ختك و لا ...(ماخلاهاش تكمل)
قيس : و لا واش !!!
حنان : ما تخلينيش ننسى انك ولدي
قيس : و انت تاني ما تخلينيش ننسى انك يما و نغلط معاك
قيس : يعطيك الصحة يا ولدي كبرت ووليت راجل و تهدد فيا، بصح معليش ماراحش ندير على هدرتك و نكون حسن منك لانى علابالي بلي السم اللى راك تأخذ فيه هو الى مأثر عليك
ميرال : خلاص ماما ما ديريش عليه خليه يخرج بحاله
حنان غير ساكتة و تخزر في قيس
قيس : معليش يا لالة راح نخرج دوك، بصح ديري مليح في بالك بلي لحكاية مازال ما خلصتش راح نحاسبك على لقديم و الجديد و ليام بيناتنا، خرج و هو حالف فميرال و راح يحوس على صحابو اللي يمدولوا فالرهج و يعمرولو راسو.
حنان : (رافدة يديها للسما و تشكي لربي) اااه باربي واش درت في حياتي بش تمدلى ولد كيفو علاش يا ربي علاش، تبكى بحرقة و ميرال تحاول تهدي فيها
ميرال : خلاص ماما تعيشي مادريش فروحك هكا
حنان (مسحت دموعها و دارت عندها تحكي) : خلاص بنتي ما تخافيش و ماديري والو في بالك ياك و زيد هادا خوك مهما يكون و ماهوش في وعيو و انا نوعدك مايزيدش يدورك بيك
ميرال : مايهمنيش ماما و تقلقيش روحك، علابالي بلي ماشي غرضو و راح يجي يوم و يتبدل و يولي انسان مليح
حنان : ان شاء الله يا بنتي، و درك روحي بدلي حوايجك و رواحي تشربي قهوتك
ميرال : صحا ماما نبدل و نجي
دخلت للشومبرة تبدل و حنان راحت للكوزينة توجدلها القهوة
↚
الحلقة 03
في قصر فخم و يبان كيما قصر الامراء و في حدود الساعه الثالثة صباحا فتح باب القصر و هو يميل يمين ويسار و ريحة الشراب طالعة منو يمشي و يكركر في روحو و يحاول يطلع لبيتو، كان راح يطيح و شدتلو يدو و رفد راسو بس يفهم شكون اللي مسكو و غير شاف فيها حاول يبعد يدها منو
أنس (يحكي و هو سكران) : شكون عطاك الحق تمسيني ؟؟؟
ملاك نوض خليني نعاونك
أنس : علاه طلبت منك تعاونني ، نقدر نمشي وحدي و زيد هادي اخر مرة تقربي مني ولا تمسينى
ملاك : ولدي
أنس : (ششششت دار صبعو على شفايفو) هادي اخر مرة تقوللي ولدي ، وقتاه تفهمي انا ماشي ولدك و انتي ماش يما ساهلة ، انت و الو بالنسبه لي وووالو.
حاول ينوض طاح فالدروج و قربت منو ملاك باش تنوضو و هو دزها و خلاها طيح فالازض
أنس : قلتلك ماتزيدش تحطي يديك عليا و لا ما تفهميش( بلعياط) بعدي عليا
كان راح ينوض حس بيدين تحطو عليه و دار شاف فيها و تبسم
أنس: اااااوه شوفو شكون جا شوفو
-كريمة: نوض يا عمري نوض خليني نعاونك
أنس : نتي معليش تعاونني بصح هي لالا ( بيدو) ما نحبهاش و ما مانيش حاب تقربلي ، قوليلها ماني(جدتي)
-كريمة: صحا ولدي ما يكون لا خاطرك اروح معيا و نوعدك ماتزيدش تقربلك ، هيا قوم قبل ما يجي باباك و يشوفك تاني فهاد الحالة
طلعاتو كريمة لشومبرتو و رمى روحو طول على لفراش كان دايخ و سكران ، يحكي في كلام مش مفهوم
أنس : خل..بها.. تخ..رج ما نح..بهاش يهدر حتى داتو عينو و غفى
هاد الشي صار تحت انضار ملاك اللى شدتها كريمة من يدها و خرجتها بقات تكركر فيها حتي لحقو لاخر الممر اللي يوصل لبيت أنس ، بقات تشوف فيها و بعدها قربت منها و قلتلها
-كريمة: انا و اش قولت لك ؟؟ ااااه نتي متفهميش واقيل ؟ شحال من مرة قلتلك بعدي عليه و ما تقرييش منو
- -ملاك:( تهدر و عينيها تعمرو بالدموع) انا كنت بارك حابة نعاونو كي شتو بهاديك الحالة و .....
قبل ما تكمل قاطعتها
-كريمة: اذا صاح راكي حابة تعاونيه خليكي بعيدة عليه و بركاي ما ما تلعبي معاه دور الام الحنونه
- -ملاك: بصح كيفاه (تحكي بتردد)
-كريمة: مكان لا بصح لا والو ، كلامي و مانعاودش فيه اخر مرة نبهك خليكي بعيدة من حفيدى و لا راح نخليك تندمي طول حياتك و تقولي كريمة قالت
جات تجاوبها بصح هي طفاتها ر احت و خلتها و بعدها دخلت طول لبيتها و راحت للدوش سكرت الباب و سندت عليه و كلام أنس و كريمة يتعاود في راسها و بلاما تفيق نزلت دمعه على خدها بقات تبكي و هي حاطة يديها على فمها و كانها مش حابة يسمعها حد تبكي و تخمم كيفاه تخلي أنس يحبها و يعتبرها يماه و هي من اول ما حطوه بين يديها قطعت عهد على روحها انها دير بالها عليه تربيه احسن تربية و هكادا راح تكون و فات بوعدها لرفيقة عمرها و جامي تخليه يحس بغيابها لكن للاسف أنس ديما معاكسها و ينفر منها لانو على حساب كلام جدتو كريمة هي السبب في التوتر اللى بينو و بين باباه بقات فديك الحالة مدة بعدها ستغفرت و غسلت و جهها و راحت رقدت.
↚
الحلقة 04
اشراقة شمش تدل على يوم جديد فاق و بدا يحل في عينيه غير بشوية و حاسس راسو راح يترطق من لوجيعة لانو تقل في الشراب لبارح قام و دخل يدوش باش يصحح، كمل خرج لف منشفه و راح جبد حوايجو ، بدل و عدل شعرو و رش برفان على روحه و راح وقف قدام لمريا و شاف في روحو
أنس : اليوم راح يصير الشي اللي نخططلو من زمان و راح طيحي فالشبكة كيفك كيف غيرك . ابتسم على جنب و خرج بلاما يهدر مع حتى واحد و الواجهة الى الجامعة
عند ميرال
كانت واقفه الجامعة تستنى في مروى و لينا ، حبدت تليفونها تعيط لمروى
ميرال : الو وينكم مصباح و انا نسنى فيكم
مروى : الناس تقول صباح الخير بي
ميرال : علاه تخلو الناس تصبح كي نتي كي الحلوفة اللى معاك
لينا : سمعتك
ميرال : مزية
مروى : ما تتقلقيش بب 10 دقائق و نكونو عندك
ميرال : صحا
غير كوبات جات راح تمشى حتى حسات بيد دورتها ، و غير شافت فيه بلوكات من الشى اللي قدمها ، ملاك على هيئه انسان ، شافت بزاف شابين بصح كيما هو جامي ، طول ، اسمر و عيونه عسلين ، لحية مطراسية، لابس شوميز مفصلة عليه تبرز عضلاته المفتولة، كانت تايهة في جمالو، حتى فطنت على صوتو الرجولي
أنس : ملعليش نهدر معاك دقيقة!!!
ميرال(كانت متلبكة و خايفة فى نفس الوقت ) : نعم غير الخير
أنس : شوفي نجيك من التالى ، عندى مدة و انا نتبع فيك
ميرال (شافت فيه بدهشة) : تبع فيا !؟
أنس : ايه ، بصح نتمنى ما تفهمينش غلاط ، انا نيتي صافية
ميرال : واش قصدك
أنس : شوفي ميرال
تحلو عينيها و ستغربت
ميرال : و منين تعرف اسمي؟؟
أنس : (رسم ابتسامه على وجه) ما انا قلتلك بلى عندى مدة و انا نتبع فيك يعني عندى معلومات عنك ، اسمك، وين تسكني ، واش تقراي ، صحباتك
ميرال مستغربة من اللى قاعدة تسمع فيه ، دارت تروح شدها من دراعها
أنس : عطيني غير 5دقايق من وقتك ، و اذا ما عجباتكش هدرتي نوعدك معادش تشوفني ، يهدر و هو مازال شاد في دراعها
ميرال و هي تحاول تنحي يدها
أنس : سمحيلي ماكنش قصدي
ميرال : ماشي مشكل ، قولي واش راك حاب
أنس : بتسم جنب ( هاي بدات اللعبة ) كان يهدى في قلبو : شوفى ماللخر شفتك قبل شهر و صلت ختي عند باب الجامعة شفتك مع زوج صحابتك و من داك النهار جامي حاز نهار و ما خممتش فيك ، عجبتين بزاف كنت كل يوم نجي نشوفك من بعيد، كنت حاب نجي و نهدر معاك بصح كنت خايف من ردة فعلك و ترفضني ، بصح اليوم كي شتك وحدك قررت نجي نهدر معاك
ميرال عينيها تحلو كانت فرحانة من الداخل ماعلابالهاش علاش بصح كانت خايفة فى نفس الوقت
ميرال : انا ...
أنس : (قاطعها قبل ما تكمل) شوفي مارانيش مزروي ، نخليك وقت ، خمي مليح و نوعدك جامي تندمي .
فهاد الوقت لحقوا مروى و لينا و ستغربوا مع شكون راهي تهدر
مروى : شكون هادك اللي تهدر معاه
لينا : معلاباليش جامي شفتو ، بصح باينة عليها ماهيش الاز
مروى : خلينا نروحوا عندها.
↚
الحلقة 05
لينا : حبيبة
مروى : سلام عمري ، و اش صافا
ميرال : سلام لبنات
(دار عندهم انس يصطنع في ابتسامه باش ببعد الشكوك عنو، و هو فى داخلو يسب فيهم واش جابهم فهاد الوقت) سلام لبنات
لينا & مروى : سلام
أنس : بما انو صحابتك لحقوا راح نروح و انا مطمن عليك و انتي خمي مليح في كلامي خودي كامل وقتك ، و بالمناسبه تفضلى هادا كارت تاعي فيه ڨاع ارقامي ، و اذا كاش ما سحقيتى عيطلي نجيك في اي وقت
بقات ساكتة تشوف فيه و بعدها كسرت الصمت بكلامها قالتلو
ميرال : نشكرك على كلامك ، اي وحده تتمنى تسمعو ،بصع سمحلي ما نقدرش نقبل العرض تاعك و ربي يعوضك من جيهة وحدة خرى ، ستأذنت منهم و راحت دخلت الجامعة و ما عبراتوش ، و هو بقا في بلاصتو و دار يدو على رقبته و يعدي فيها و كانو يحاول يهدي في روحو بهاد الحركة مازال متحكم في اعصابو قدام صحابتها و يصطنع في ابتسامه تعكس فالعاصفة اللي داخلو، فكرة انو رفضاتو و قدام صحابتها خلاتو يجن، قاطع تفكيره صوت لينا
لينا : ما ديريش عليها ، برك ماشي موالفة على هاد لحكايات و زيد عندها ظروفها
أنس : معليش مانيش حاب نزيد عليها و لا نقلقها ، راح نخليلها و قت بلاك رايها
لينا : ان شاء الله
مروى : خلينا ندخلو عندها
لينا : اوكي
أنس : ( مازال متحكم في اعصابو) مالى انا تسمحولي بون جورني
لينا & مروى : بالسلامه
دارو يدخلو الجامعة حتى سمعوا صوتو و دارو في زوح
أنس : سمحولي بصح، معليش وحدة فيكم تمدلها لكارت تاعي بلاك شى تبدل رايها
مروى : ننصحك ماتبنيش ٱمال في باطل
أنس : معليش خلي نبني ماراح نخسر والو ، راني مستعد نسنها لاخر يوم فحياتي
لينا : وااااو يا هيك يا خلينى
مروى (قرصتها و هدرت تحت شفافها) : لييينااا
لينا : اكيد هات انا نمدهولها و ما تكسرش راسك
أنس : يعطيك الصحة ( يبتسم وكانو مازال متأمل تنجح خطتو)
أنس : انا تسمحولي دوك و نتما دخلوا عندها ماتخلوهاش وحدها
لينا : اوكي اتهلا
دخلوا لبنات الجامعة و انس ركب طول فسيارتو و ديمارا عند صاحبو و عشيرو اياد باقصى سرعه، لمهم يبعد عن الجامعة يسوق و يضرب فالفولون ، متحملش فكرة انها رفضاتو قدام صحابتها و ما عبراتوش ، و كأنها طيحت من قيمتو
↚
الحلقة 06
عند ميرال
كانت قاعده و سارحة في تخمامها بعيد و هدرة أنس تتعاود في راسها، كان قلبها يدق بقوة خاصة كي تفكرت كي قالها " عجبتني بزاف ، كنت كل يوم نجي نشوفك من بعيد، كنت كل ليلة نخمم فيك " كان احساسها ممزوج بين السعاده على خاطر ماكانش يخطر في بالها بلي راح يجي نهار و يخمم فيها انسان بهاديك الطريقة و لا تعجبو ، و الخوف انو يكون شافها كاش واحد خاصة صحاب خوها و يوصلولو الهدرة ، قاطع تفكيرها صوت مروى و لينا
مروى : كان علابالي راح نلقاوك هنا
ميرال : ...
لينا : راكي مليحة بب ؟
ميرال : 🤐
مروى : ميرال !!!
لينا : واش بيك عمري ، راكي مليحة؟
ميرال : اي مليحة ، ما تقلقوش
مروى : راكي سور
ميرال : ايه
لينا : واش رايك فيه!!!؟
ميرال : شكون ؟؟
مروى (تحت شفافها) : لييينااا
لينا : كيفاه شكون، الشباب اللي هدر معاك من قبيل
ميرال : ايييه و من بعد!!!
لينا : من نيتك بب
ميرال : معليش تبدلي سوجي
مروى : لينا خلاص ، بدلي علينا هاد السوجي
لينا : شوفو ، انا و تعرفوني مليح اللي في قلبي على لساني دونك يسمونى نهدر
مروى : صدقني ما راح يصرا والو و اذا ما هدرتيش
لينا : 😒
ميرال : انا ... (قاطعتها لينا)
لينا : شوفي حبيبتي، ما ديريش هاك و بركاي ما تغلقي على روحك ، حاولي على الاقل ، حاولي تمدي فرصة لروحك و تخلصي من هاد القعدة اللى عايشة فيها، و زيد السيد باين عليه بلي عحبتيه و نيتو صافية ، جربي ما راح تخسري والو ، اهدري معاه و شوفى ، و بالمناسبه هاي الكارت تاعو قالك خمي مليح و راني نسنى في جوابك و قالك تاني راني مستعد نسناك لاخر العمر و غمزتلها
ميرال : مهبولة ، شدت من عندها الكارت و قلتلها شافت اسمو مطبوع عليها و قراتو
ميرال : يعني اسمو أنس ، أنس المكاوي
لينا كانت تشرب فالماء غير سمعت اسمو بدات تكح و ترد فالنفس : و اسمو !!!!؟
ميرال : أنس
لينا : (جبدت الكارت من عندها باش تتأكد من اسمو ) ما نيش مأمنة، ااااه ياربي، واحده فيكم تقرصني، ياك مانيش نحلم
شافو فيها مروى و ميرال بتعجب ما فاهمين والو
↚
الحلقة 07
ميرال : واش بيك!! و اش كاين!!؟
مروى : تعرفيه!!
لينا : وين راكم عايشين نتما؟ و شكون اللي ما يعرفش أنس المكاوي!!!
مروى : و شكونو
لينا : هذا يا بنتي ابن اكبر رجال الاعمال في البلاد، ابن يوسف المكاوي صاحب اكبر سلسلة فنادق خمس نجوم ، شركات، سيارات، لوكان نقعد نحكي للصباح ما نكملش
ميرال قاعدة غير تسمع فيها بلا ما تهدر
لينا : ايييه واش رايك فيه يا لالاة
ميرال : ما يهمنيش ، وزيد علابلك بلي كل هاد المظاهر و البرستيج جامي لفت انتباهي
لينا : ايه علابالي بصح خمي فيها مليح( دنات عندها و قعدت و شدتلها يدها ) شوفي حبيبتي انا ما راحش نفرض عليك رأيى بصح حابة برك نمدلك وجهة نظري ، خمي فيها مليح مدام أنس المكاوي جا هدر معاك بشحمو و لحمو ، في حين كل بنات البلاد يستناو ونظرة وحدة منو ، بصح هو ختارك نتي من دول لبنات ، باينة صح عحبتيه ، و ما تتسرعيش خمي بعقلك و زيد هو قالك مانيش مزروب يعني خدي راحتك و نتمنى ما ترفضيش على خاطر راح تندمي
ميرال : مبدئيا مارانيش موافقة بصح راح نخمم
لينا : ايواااه هاديك هي خمي وما راح تخسري والو
مروى : بصح كاينة حاجة تدور في راسي
لينا : خير بب و اشن هي ؟
مروى : مادام تعرفيه كيفاه ما قولتيش شكونو من اللول ؟
لينا : ايييه على خاطر صح نعرفو مي جامي شفتو يعني كنت نسمع برك باسمو على هاديك ماعرفتوش
مروى : مممممم
لينا : و صح كانو يقولو عليه شباب و كلاس بصح بيناتنا طلع زل يا محايك جامي شت واحد بحاله شافت فميرال و غمزتلها
مروى : وذا كملتي تمهبيل تاعك نضو خليونا ندخلو للكور
ميرال : ايه خلينا نمشوا
لينا : اوكي، هيا
↚
الحلقة 08
عند انس
وصل قدام اياد ، و الغش باين عليه ، و النار شاعلة فيه ، صونا فالباب و ما بطاش اياد و فتحلو ، و تمتم فهم بلي راه معصب ، دخل طول للكوزينة حل لفريڨو جبد منها قرعة تاع شراب وصب كاس و شربو دفعة وحدة ، زاد كاس واحد اخر و غير كملو نفضو على الحيط ، و رفد القرعة يشرب منها ، نحهالو اياد من يدو و حطها فوق الطابلة ، و هو مازال مفهمش واش اللى صار حتى ولا فهاد الحالة .
-اياد: اوووه اوووه ، واش بيك اصاحبي ؟ واقيل راك حاب تسكر فعز النهار بلعقل عليك
أنس : والله غير ندمها و نسيها فالحليب اللى رضعاتو ، و ادا ما خليتهاش تركع قدامي كي الكلبة ما يسمونيش أنس المكاوي
-اياد: (مخرج عينيه يحاول يفهم واش كاين) بركانا من الالغاز و هدر ديراكت و قولي واش كاين
أنس : و شكون من غيرها بنت الق*** بنت الكلبة ، انا أنس المكاوي بخزة مني نخلي اي واحده تحت رجلي ، وهي طفتني ، طيحت من قمتي و قدام صحابتها المبهدلات كيفها
-اياد: واذا ما مانيش غالط راك على ميرال
أنس : ما تزيدش تجبد اسمها قدامي
تنهد تنهيدة من اعماق قلبو تدل على شدة غضبو
أنس : و الله يا ميرال بن جلال راح نخليك تعضي صباعتيك من الندامة ، راح تشوفي النجوم في عز النهار غير صبري عليا ، غير صبري
قدم عندو اياد : اياوه اشريكى حكيلي واش صرا ، واش دارت لك حتى خرجتك من دين مك ؟!!
حكا لو أنس لحكاية من اللول للتالي ، و هاك النار مازال شاعلة فيه
-اياد: ايه اخويا ، قلتلك من قبل بلي الطفلة هادي راح تعبك و بلي ما هيش كيف لبنات الي عرفتهم
أنس : و انا مانيش كيف لخرين قلت نجيبها يعني نجيبها
-اياد: علابلك الناس اللي بحالها ما تغويهوش لا المادة ولا المظاهر ، كرامتهم و الشرف و عزة نفسهم و لحكايات التافهه هادو اولى
أنس : صبر عليا و راح نفرجك فيها
-اياد: اي واش عليه راني صابر ، و ما تنساش عندك شهرين في يديك دونك وريلي شطارتك
أنس : بطلت
-اياد: واش تراجعت من دورك!!!
أنس : عطاه بتخزيرة ومن وقتاه أنس يتراجع على كلامو ، دار يدو فجيبو و جبد تليفونو و دخل فالڨالري و يعدي فصباعو على تصاور ميرال و شاف فإياد و هدر : اسبوع واحد، منا الاسبوع راح نخاليها طيح فالشبكة، (عاود شاف فتصاورها )و راح نحاسبها على كلشي ، قام من الفوتاي باش يخرج راح جيهة الباب يمشي بكل غرور و حبسو كلام اياد
-اياد: واذا خسرت!؟
أنس جاوبو بلا ما يدور عندو
أنس : المكاوي جامي خسر في حياتو و جامي يخسر . رسم ابتسامه على جنب و خرج ركب فطوموبيل و ديمارا.
↚
الحلقة 09
عند ميرال
فاقت على صوت تليفونها، رفدته كانت تشوف فيه و هى مدوخة عين مفتوحه و عين مغلوقة ، و حاولت
ميرال : واش كاين البقرة ، ما قولتش لحق الويكاند نتهنى منك ، وانت تعيطلي فهاد الوقت
لينا : ميرو ، حبيبتي ، لحبيبة ديالي، عم...
ميرال : هات ماللخر واش راكي حابة!!!
لينا : حرام عليك، انا لحمارة لي عيطتلك و نسقسي عليك ، و الله انا...
ميرال : لينوش ، واش راكي حابة هدري بلا ما تبقي تبلعطي عليا
لينا : اححم ، صاحا ، راح نقولك بصح ما تقوليش بلي عيطلك غير علاجال هاد الشي ، شوفي من اللخر عيطلي لمعلم مقبيل ، قالى لازم نروح لخدمة غدوى و كيما علابلك غدوى يجو يخطبو ختي سمر ، و ما نقدرش روح ، و فهمتو واش كاين بصح هو قالي يا جي غدوى يا تنساي الخدمة عندي
ميرال : ايييه و الحال
لينا : علابلكي ما نقدرش روح نخدم و نخلي الخطبة ، سينو يقولو عليا غرت من ختي و حسدتها علابيها ما حبيتش نخضر و ما راحش يطلقوني ، بصح من جيهة وحدة خرى ما نقدرش نخسر الخدمة ، انا قلت لو كان تعاونني و ...
ميرال : و كيفاه نعاونك ، و لا راكي حابة نروح نخدم في بلاصتو واقيل ههههه
لينا : ايواااه هاديك هي
ميرال : كيفاه، هبلتي، و كيفاش نروح و تعرفي غدوى الجمعة ، امبوسيبل نخرج من الدار سيرتو مع هاداك الوحش تاع قيس
لينا : بليييز
ميرال : سمحلي بب بصح هاد الخطرة راهي فوق طاقتي
لينا : تعرفى مليح بلي الخدمة هادي هي اللي عاونتني ، بها قدرت نكمل قرايتي ، و نصرف على روحي ، لوكان نخسرها نضيع و نضيع المستقبل تاعي ، مي معليش اني فاهمتك ، على العموم نشكرك بزاف و تصبحي على خير
جات تكوبي حبستها ميرال
ميرال : اوكي اوكي راح نحاول نروح في بلاصتك
لينا : ماشي تحاولي ، لازم تروحي
ميرال : اوكي راح نروح ، راح نقنع ماما تخليني نخرج ، بصح هادي اللولة و التالية
لينا : (بلعياط) ياااااس يااااس
ميرال : اي بقرة تقبتلي وذني ( شادة في وذنها)
لينا : سمحلي بب تحمست شويه ، ربي يخليك ليا لعميرة ، جامي ننسى وقفتك معيا
ميرال : ممممم
لينا : واش قالو لك ديجا بلي نتي هي اروع صديقة ، و الاجمل ، و الحنينة ، يا مولات القلب لكبير♥️ و...
ميرال : ستوتة , واحد ما يقدرلك
لينا : 😂
ميرال : 😂
لينا : نحبك و نموت عليك
ميرال : ايا طيري دورك خليني نرقد
لينا : اوكي بونوي بب
ميرال : بون وي
كملت هدرت مع لينا و خرجت من بيتها ، راحت للكوزينة، لقات يماها تخمل ، دنات منها و عنقتها من اللورو تحكي معها
ميرال : واش هاد الريحة لبنينة
-حنان: اممم
ميرال : حبيبة ديالي( مازال معنقة فيها)
-حنان: مالتالي واش راكي حابة
صغرت فعينيها ، و رسمت فابتسامة على وجهها ، جبدت كرسي و قعدت يماها ، و زادت كرسي واحد اخر ليها قعدت عليه و شدت في يدها و حكاتلها لحكاية ، حنان كانت غير تخزر فيها و ساكتة ، مبعد نطقت
-حنان: علاه قبلتي تحطي روحك فموقف كيما هاد مادام علابلك بلي ماكيش قادرة تروحي !! علاه قبلتي؟؟؟
ميرال : ماما، ماشي غرضي ما قدرتش نرفض و انا علابالي لو كان لينا تخسر الخدمة هادي ، ماكانش اللي راح يصرف عليها و راح يضيع مستقبلها ، مرت باباها حلفت ماتزيدش تصرف عليها ، و زيد قلتك بلي غدوى يجو يخطبو ختها سمر و الله لوكان ما تحضرش دير فيها الباطل ، ولا عمبالك قاع اللي عندو مرت باباه راح تكون حنينة كيما نتي
شافت فيها حنان بصدمة وكانها تحاول تستوعب كلامها اللخر
-ميرال عاد فاقت على كلامها ، و هي مازل شادة في يدها: ماما ، انا ، برك ، ماشي تلفتها قاع الهدرة
-حنان: نحات يديها من عندها و وقفت : صحا مكالاه تزيدي تهدري ، انا... ( قاطعتها ميرال)
ميرال : ماما صدقني انا كنت برك حابة....
راحت حنان جيهة الباب تخرج و دورت راسها عندها تحكي
-حنان: على العموم، راح الحال ، روحي ترقدي ، غدوى تنوضي بكري ، راه عندك خدمة ، تصبحي على خير
↚
الحلقة 10
خلات ميرال مبلوكيا في بلاصتها ، بلا ما تعطيها فرصة تفهمها ، مشات دخلت لبيتها ، و عيونها تعمرو بالدموع وكلام ميرال مازالو يتعاود في راسها " واش عمبالك قاع اللي عندو مرت باباه راح تكون حنينة كيما نتي" ، و كأنها خيبتلها آملها ، خلاتها تحس بالانكسار ، في بالها ما قدرتش تخلي ميرال تعتبرها يماها و مش مرت باباها ، نزلت دمعه على خدها ، و مسحتها بالزربة كي سمعت صوت علي يسقسي فيها
-علي: خير حنان!! و اش بيك!؟
-حنان: ااااه, كيفاه ؟؟ لا مكان والو
-علي: كيفاه هادا مكان والو، و انت راكي تمسحي فدموعك
-حنان: دموع!!!! ، رسمت ابتسامة تخبي بها دموعها (شحال واعرة هادي انك تخبي وجعتك بضحكة) بووووه يا راجل و اش من دموع
-علي: صح راني عاحز بصح ماشي عمى ، شفتك كي دخلتي و تمسحي فدموعك
-حنان: اااه صح ، بصح ما كنتش نبكي
-علي (شاف فيها و حاير) : و اش راكي تخلطي فهمي روحك يا مرا
-حنان: قصدي صح كنت نبكي ، بصح هادي غير بنتك المهبولة اللى ضحكتني ، حكاتلي واحد النكتة قتلتني من الضحك على بيها دمعو عينيا
-علي: راكي سور؟ ، مكان والو؟ ماكي مخبية عليا و الو؟
-حنان: بوه يا راجل واش راح نخبي عليك
-علي: .......
-حنان: ما تقلقش روحك في باطل
-علي: ايه صحا
-حنان: علي راني حابة نقلك حاجة
-علي: خير واش كاين
-حنان :ميرال
-علي: خير واش بيها كاش ما صرالها
-حنان: يخاااه علاه ديما هاد تخمام سابقك مكان والو غير كنت حابة نقلك بلي ميرال تروح تخدم غدوى
-علي: خدمة !!! واش من خدمة ، و من وقتاه ولات تخدم وانا مش جايب خبر
-حنان: ايه صبر خلني نفهمك قبل
-علي: ...
حكاتلو لحكاية و فهماتو علاه راهي رايحة تخدم ونفس الوقت تحاول تقنعو باش ما يرفضش
-حنان: هادي هي لحكاية و نتمنى ما ترفضش و تخليها تروح تعاون صاحبتها
- -علي: بنتي و نعرفها لوكان ما تروحش ، صحابتها تخسر خدمتها ، و راح تحس بلي هي السبة و تلوم في روحها ،
- -حنان: صح قلبها كبير ♥️
-علي: قوليلها ترد بالها و تقعدش حتى لعشية و كيما علابلك غدوى الجمعة و الطرونسبور يكون ناقص دونك دير حسابها
حنان: يعني راك قابل
علي: علاش خليتوني خيار اخر
حنان: يعطيك الصحه و ربي يدومك لينا يارب
علي: ان شاء الله
حنان: نشالله
علي: ايا دوك اروحي تريحي ، مصباح و انت تجري بزاف عليك ،
حنان: صحا ، نبدل قشي و نجي
راحت بدلت قشها و لبست روبة تاع النوم ، و دخلت لفراش ، سندت راسها على لمخدة ، و تخمم في كلام ميرال، و نهدر في قلبها : ااه يا ميرال ااه انا نقولك بنتي و نتي تقولي مرت بابا سرحت في تخمامها حتى داتها عينها و غفات
↚
الحلقة 11
_في قصر المكاوي_
في حدود الساعه الواحده و نصف صباحا قاعد في بيتو يطل من البالكو لابس من تحت شورت و من الفوق عريان ، قاعد يرحي فالدخان ريحان، و احد مور لخر ، و الكاس في يدو يشرب و يشوف فالجنبنة سارح فتخمامو ، كيفاه راح يخليها تستسلملو ، و الغش باين من عينيه اللي ولاو حمورا، قرب الكاس يشرب حتي شاف خيال مرا قاعدة فالجنبنة ، شاف بتمعن لانو مكانش قادر يشوف مليح من كثرة الشراب ، حتى بانت ليه واقفة قدام البيسين ، ضامة روحها و سارحة بعيد ، كان يشوف فيها، حتى حس بيها راح دور ، رجع خطوة للور ، كأنو خايف نشوفو ، دارت و رمات عينيها جيهة البالكو ، شافتو كيفاه يخزرلها ، بقات تشوف فيه حتى فاقت كي سكر باب البالكو و دخل ، رمى روحو فةق السرير ، يحاول يرقد
اما هي بقات مدة فالجنبنة ، مبعد دخلت و طلعت كانت تمشي وهي شاردة تخمم فيه ، فافت من شرودها غير كي حست على روحها قدام باب بيتو ، رسمت ابتسامة على وجهها، سكرت عينيها و خذات نفس هاد الشي يدل على انها قررت تدخل ، حلت عينيها و تقدمت خطوة لقدام ، حطت يدها على البواني تاع الباب ، دوراتو و هي تدعي في قلبها يكون راقد , حلت الباب غير بشوية ، دخلت على طراف رجليها ، تقدمت شويه حتى بان ليها ر اقد ، صدور عريان ، و لغطا في جيهة ، راحت جيهة السرير و غطاتو ، عدات يدها على شعرو ، و عاوت عداتها على خدو ، مستحلية قربها منو بلا ما يعاتبها و لا يصدها ، يعيط عليها و يحكي معها كلام جارح، تنهدت بعمق و حكات بصوت خفيف خايفة تفيقو
-ملاك: اااه يا روحي اااه يا ريت لوكان نقدر نضمك لصدري و نقولك شحال راك عزيز عليا ، ااه لو كان تعرف كبدتي شحال راهي مشوية عليك ، ما نيش قادرة نتحمل كتر، كيفاه راح نخلي قلبك يلين عليا و تتقبلني كيف اللول ، علاه هكا ياروحي حارمني منك ، معقول قدرت تخلنينى برا حياتك ، معقول متوحشتنيش طول هاد السنين ، معقول قدرت تبدلك عليا لهاد الدرجة و نت لى كنت من حجري ما تنوضش، نتا لى كنت ما ترقدش قبل ما نحكيلك حكاية، سكرت عينيها نتفكر فالماضي كيفاه كانت علاقتها مع أنس كي كان صغير
_فلاش باك_
قبل 23 سنة قصر عايلة المكاوي كان الجو بار و الشتا تصب والسما ترعد فاق مفزوع و خايف من صوت الرعد و يبكي و حاط يديه لصغار على وذنيه كانو يحاول ما يسمعش هادك الصوت اللي يرعبو و هو في عمر 5 سنين ، نتر من بلاصتو تجاه الباب حالو خرج يجري فالكولوار و يدور راسه يمين ويسار يحوس على حضن يطمنو كان مرعوب و يجري حتى لقا روحو قدام بيتهم راح قدم و يطبطب على الباب حتى تحل الباب خرج يوسف واقفه جنبو ملاك عقد حواجبو و سقساه
-يوسف؛ أنس غير الخير ولدي واش اللى حابك فهاد الوقت !!؟
أنس : 😭
-ملاك : واش يا روحي علاه راك تبكي، نزلت لمستواه و حطت يدها على خدو تمسحلو دمعو
-يوسف: هو تاني نزل لمستواه و عدا يدو على شعرو : واقيل شفت كابوس!؟
أنس هز براسو بمعنى لالا و هدر : لالا كنت لاقد (راقد) حتى ثمعت هاداك ثوت خفت وحدي (حتى سمعت هداك الصوت خفت)
معليث نلقد معاكم
- قربت منو ملاك و حضناتو و هو ما كانش من المعاكسين ، حضنها هو تاني بيديه الصغار و شبك فيها
-ملاك: خلاص حبيبي راح نرقدو كيف كيف بصح ماشي راح نرحو للبيتك واش رايك
أنس هز براسو فرحان بمعنى راني قابل و هي دارت عند يوسف قالتلو
-ملاك: سي يوسف تسمحلي نروح معاه و نولي
-يوسف: اكيد خدي راحتك
حكات معاه برسمية لانو فهاداك الوقت علاقتهم كانت يس على الورق تزوجت منو طلابا من رفيقة عمرها (مامات أنس) بعد ما ودعت الحياة و خلاتها توعدها تتزوج يوسف و تكون ام لانس
↚
الحلقة 12
عودة الحاضر
فاقت من سرحتها و شافت فيه تحكي
- ملاك: معقول كبرت لهاد الدرجة و عادش تخاف من صوت الرعد علاش يا ولدى راك تعذب فيا ، و انت اول فرحة ليا ، نتا لى خليتني نعرف و اش هو شعور الامومه (تهدر و صوتها غلبو لبكى)
حطت يديها على فمها تبكي ، خايفة صوت بكاها يفيقو و يصدها كي يلقاها جنبو ، و تزيد تتعقد المشكله بيناتهم ، مسحت دموعها بظهر يدها ، شافت فيه عاودت حكات
-ملاك: يمكن دورك راك رافضني ، و بلاك صح تكرهنى، بصح انا جامي نستسلم ، راح نخليك تتقبلنى و تحبني كيما قبل ، هذا وعد مني ، ايه راح تتقبلني
وقفت على راسو ، هبطت وطبعت بوسة خفيفه على جبينو، كان طراف من شعرها طايح على خشمو ، زاد طاحت دمعة سخونة على خدو ، هاد الشي خلاه يفيق ، حس عليها ، بصح ما حلش عينيه مكانش حابها تعرف انو فاق ، و هي كانت مازالها واقفه على راسو ، عدات يدها على شعرو
-ملاك: تصبح على خير يا روحي
و بعدها خرجت طول قبل ما يحس عليها و يفيق ، و راحت لبيتها.
بعدما خرجت حل عينيه ، و هو مازالو مصدوم و يستوعب الشى اللي صار دورك ، مسح الدمعه اللي طاحت على خدو ، بصباعتيه ، و بقى يشوف فيها ، و تعابير وجوهو توحي انو لحد اللحظة ما هوش فاهم كيفاه حتى دخلت شمبرتو و قربت منو مع انو كان مانعها شحال من مرة ، والاهم من هاد الشي واش كانت دير عندو فهاد الوقت و اش اللى جابها شد راسو بين يديه و عدا اصابعو فشعرو و سكر عينيه يحاول ما يخممش فيها و يقنع روحو انو ما تهموش ، دور راسو لجيهة البالكو و عاود كمل رقادو
↚
الحلقة 13
فاقت الصباح على صوت منبه تليفونها📱 ، طفاتو ، و بدات تحل في عينيها بسيف ، على خاطر ما رقدتش مليح البارح من التخمام ، كيفاه ، حتى جرحت يماها بكلامها ، مع انو ما كانش قصدها بصح حست بتأنيب الضمير ، بقات طول الليل سهرانة تخمم كيفاه تراضيها ، رمات لغطا من عليها ، و حطت رجليها على الارض ، و يديها تشد بيهم شعرها الطويل، داراتو كعكة ، قامت من الفرش خارجة من بيتها ،وقفت فالكولوار و ريحة القهوه ضربت في خشمها، تشهي، عرفت بلي يماها وجدتها ، فرحت على خاطر كان في بالها مازالها زعفانة عليها ، دخلت للدوش ، دارت روتينها ، كي كملت راحت طول للكوزينة تصبح على ماماها و تراضيها ، غير دخلت للكوزينة لقاتها فارغة، و القهوه موجدة فوق الطابلة ، ابتسمت ابتسامه تاع قهر كي فهمت مازلها زعفانة و تاع فرحانة كي ناضت قبلها و وجدتلها قهوتها ، وصلها اهتمامها ، قربت من الطابلة و جبدت كرسي ، شربت قهوتها ، ، وكي كملت غسلت الكاس ، و راحت دخلت لشمبرتها ، وجدت روحها، رفدت ساكها و خرجت رايحة لمكان الخدمة .
فهداك الوقت ، أنس هو تاني فاق على صوت المنبه ، حط يدو عليه ، طفاه ، جبد لغطا و حط مخدة على راسو و عاود رقد.
خرجت من شمبر تها ، بكل اناقاتها ، رايحة للصالة امونجي ، تمشي و حاطة راسها بين يديها ، كانت ساهية في مشيتها ، حتى حبستها و هدرت معاها
-كريمة: خير يا لالاة ، راني نشوف فيك مش مليحة !! ؟ اه واقيل راسك يوجع فيك ؟
- ملاك: ايه ، شوية ، ما قدرتش نرقد مليح البارح
-كريمة: و علاه غير الخير !!!
-ملاك: لا مكان والو، غير طار عليا النعاس سمحلي نروح نشوف ادا لفطور راه واجد ( ما حبتش تحتك معها بزاف)
تقدمت خطوة و حبست كي سمعتها نسقسي فيها
-كريمة: طار عليك النعاس ولا بسبة كلامي لي كسرتيه
دارت ليها ، تشوف فيها و عيونها تحلو و تحاول تفهم كلامها
-ملاك: و..، واش قصدك!!!
-كريمة: شافت فيها بخزرة تقتل ، قربت منها و شدتلها دراعها و زيرت عليها حتى خرجت اااه منها
-كريمة: ماشى نبهتك ما تقرييش من حفيدى !!! ، واش كنتي ديري فبيتو البارح؟
-ملاك: انا برك ، كنت ... (قاطعتها قبل ما تكمل كلامها)
-كريمة: مانيش حابة نسمع جوابك على خاطر خلاص حفظتو، بصح الظاهر نتي اللى ما حفظتيش كلامي و ما درتيش عليه، عمبالك رانى راقدة على وذنيا، راني نحدرك للمرة لخرا و ان شاء الله ما تخلينيش نعاود كلامي ، ما تقرييش من حفيدى أنس ، على خاطر في حالة تقربتي منو ، تأكدي بلي راح تخسري بزاف حوايج، و منهم بنتك ، ولاخليني نصحح كلامي ، بنتك اللي راح تخسر ، راح تضيع حياتها و مستقبلها كي تعرف الحقيقة، زعما واش راح تكون ردة فعلها كي تعرف بلي ...
-ملاك: خلاص ، خلاص (تحكي و عيونها تعمرو بالدموع كأنها تترجها بعيونها) خلاص فهمت ، ماراحش تقرب منو ، منزيدش ندور بيه ، المهم خلي بنتي فحالها
-كريمة: (بتاسمت ابتسامه تاع خبث) ، ايه يا لالاة هاك راح نتفاهمو ، وحسن ليك سمعي كلام لي اكبر منك ، احس ما تندمي، دزتها ، عدات قدامها ، و شوي هاك حبست ودارت ليها
-كريمة: ااه نسيت نقولك ، غير مكلاه تشربي دوا تاع الراس ، على خاطر مازال راح يوجعك راسك كتر و كتر ، غير صبري عليا، حكات كلامها المسموم كيف العادة ، راحت دخلت الصاله ، جبدت كرسي مترأس الطاوله ، بحكم هي اكبر فرد فالعايلة ، فرغت كاس ماء و شربت منو .
اما ملاك بقات مسمرة في بلاصتها ، تستوعب في كلاما اللي كيف السم ، سمعتهالو مع الصبح ، رهجتها به ، وخلاتها مسحت دموعها بكف يدها ، عدات يديها على شعرها و غلغلت صباعتها فيه ، تحاول طرد كلامها من راسها ، رسمت ابتسامة تحاول ما تبينش انكسارها و وجيعة قلبها، مشات جيهة الصالة و هي تتقمص في دور المراة القوية على عكس داخلها اللى تهز و تهد ، فكرة انو لازمها تختار بين ولادها تقهرها و تخليها تجن، بصح رغم هيك بقات صامدة ومتحملة علاجال عايلتها
↚
الحلقة 14
دخلت الصاله جبدت كرسي و قعدت عليه بعد ما صبحت عليهم ، قاعدة مقابلة راجلها يوسف و على يمينها رنيم ، كان كل واحد فيهم ساكت و هادي ، كان الصمت سيد الموقف، لدرجة تقدر تسمع صوت انفاسهم ، كان فيه هدوء ما يبشرش بالخير ، كيما يقولو هدوء ما قبل العاصفة، و تاع صح بدا هبوب العاصفه كي سمعو صوت يوسف يحكي
-يوسف: خير، ماشي من عوايدك تنوض فهاد الوقت !!! ( بحكي بلا ما يشوف فيه)
بقى ساكت مدة مبعد دار ليه يحكي
أنس : جابلي ربي نتا تان ماشي عوايدك نسقسي فيا
دارو كامل كي سمعو صوت أنس يحكي خاصة بهاديك الطريقة المستفزة، ملاك شدت في يد يوسف، على خاطر علابالها بلي النقاش هدا ما راحش يخلاص على خير
-يوسف: ان شاء الله يجي نهار و تهدر معيا كيما يهدر الولد مع بوه
أنس : ان شاء الله، بصح اذا نتا تتصرف معايا كيما يتصرف البو مع ولدو
-كريمة: أأأنس (خزرت فيه بمعنى اسكت)
أنس : واااش، واقيل راني نكدب ، ببففف، ديجا كرهتولي حياتي صبح ربي ، أنا روح و ...
سكت كي خبط يوسف يدو فوق الطابلة ، خلاهم كامل ينفضو من بلاصتهم ، رجع الكرس للور و قام من بلاصتو راح قرب منو ، تبعاتو ملاك من لور ، خايفة تزيد تكبر المشكله بيناتهم
-يوسف: بلع فمك و ما تخلينيش نغلط معاك، راني حاكم روحي عليك بسيف
أنس : ههههه ( ضحك باستهراء) : من نيتك صح!!! تغلط معايا !!؟
حط عينيه فعينين بوه و يحكي بغش : علاه اللى درتو معايا طول هاد السنين واش تسميه !!!؟ اهمالك ليا ، و المعاملة السيئه بواش تفسرها يا بابا لعزيز !!! مالى خلي محاضرتك لروحك و هنيني
-يوسف: قليل تربييية ( بلعياط) ، رفد يدو يعطيه كف ، شدتلو ملاك يدو من لور
-ملاك: يوسف ، واشبيك! هدن روحك
يوسف شاف فيها كي شغل حاب يقولها علاه حبستني علاه ما خليتينش نربيه ، هبط يدو دور راسو لجيهة أنس شاف في و شاف فيها
-يوسف؛ نهدن روحي قولتلي ، ااااه ، كيفاش حبيتني نتهدن و انت تسمعى فلكلام اللى يحكي فيه ، يهدر معايا تقور شي انا صاحبو ماشي باباه
-ملاك: خلاص تعيش ، ماديرش عليه ، وبلا ما تزيد تعقدها نتا تاني
أنس : تعرف وشنو، ماراحش نلومك، صدقني ، على خاطر صح ماشي لغلطة تاعك ولا تاعي، دار عند ملاك حط عينيه فعينيها بخزر فيها وكمل كلامو : لافوط تاعك نتي ، انت اللى ظلي تعمريلو راسو و تكرهيه فيا
-يوسف: ( وجهو ولا ما يضواش ) أأأنس عرف واش راك تخرج من فمك ، و حكي مليح مع يماك
أنس : ماشي يما ، انا يما ماتت
-كريمة: تهدن ولدي ، ما تقلقش روحك
أنس : لكلام هادا قوليه لوليدك و مرتو ، ماشي ليا ماني
-ملاك: انس علاه راك...( ماخلاهاش تكمل هدرتها)
أنس : ( حبسها بيدو) نتي بذات ماتهدريش معايا ...
ماكملش كلامو حتى جاه كف من باباه ، كريمة و ملاك حطو يديهم على فمهم مصدومات من الشى اللي صار
-يوسف (جبدو من تريكو تاعو و يهز فيه): صح نتا ماشي عبد ، نتا انسان أناني و مدلل بزيادة ، و صلت بيك الوقاحه لدرجة انك تقلل من احترامها و قدامي ، ما تحشمش، طلب منها السماح ، ياااا الله
شاف فيه بخزرة تحدي و عيونو شاعلة فيهم النار
أنس : يا لوكان نعرف تقطعني طراف طراف ، ما نطلبش منها السماح
أنس : أأأنس
أنس : راك نحلم ، نموت و ما نديرهاش
-رنيم: واحد مغرور
-خزر فيها بخزرة تقتل : انت بلعمي فمك و ما تسمعينيش حسك ولا...
-رنيم: ولا واش!!!!؟ ، راح تسبني ، ولا راح تضربني ؟ واش راك تستنى ؟
-كريمة: نتي ما دخليش روحك
-رنيم: علاه ما ندخلش روحي ، ماكييش تشوفي كيفاه راه يحكي مع ماما ، معلاباليش واش راه حاسب روحو والله غروروه ما عندوش حدود
أنس : بلعييييي فمك
-رنيم: مااا نبلعش
-ملاك: خلااااص بركاااو (درت لهم بيدها✋ مبعد عداتها على جبينها تمسح فيها و شافت فرنيم) روحي طلعي لشمبرتك
- -رنيم: بصح ماما ...
-ملاك : رننننيم قلتلك طلعي
طلعت رنيم لبيتها بلا ما تزيد كلمة ، و كريمة قربت من أنس ، يد شدته من دراعو واليد لخرا حطتها فوق صدرو تهدي فيه
↚
الحلقة 15
حطت يدو على صدور تهدي فيه و تهدر
-كريمة: ولدي خلاص ، و ما ديرش هاك ، عيب ولدي تهدر مع باباك بهاد الطريقه
هو تاني شاف فيها حاب يطمنها بلي ماراح يصرا والو و قالها
أنس : ماني ، راني رايح دوك ، عندي شغل مبعد نحكو
-كريمة: وين راك رايح يا عمري ، و زيد ماراك حاط والو في فمك ، ارواح فطر قبل
أنس : لا ماني ، راح نفطر مع صحابي
-كريمة: يا ولدي...
ما كملتش هدرتها خلاها و خرج ، ركب طموبيل شد الفولو بين يديه و بدا يضرب و يسب فيه يحب يخرج زعافو ، رجع راسو لور و سندو على المقعد و تنهد ، جبد السانتور و دارها و شعل المحرك و ديمارا
دارت عند يوسف وملاك كانت راح تهدر ، حبسها يوسف بيدو✋
-يوسف: ما نحبش تدافعي عليه قدامي ، ولا تلقايلو عذر كيف كل مرة ، يغلط فيها ، شفتي يا يما وين لحقتيه بدلالك الزايد ، و ديما تحامي عليه ، شفتي ، ان شاء الله عحبك هاكدا !!!! . كمل كلامو وراح طلغ لشومبرتو ، خلاها حالة فمها😮 ، من كلامو ، كي لامها على تصرفات أنس ، شافت فملاك و قربت منا خطوتين ، و قالت لها
- كريمة: كل شي بسبتك نتي 😒 ، ضيعتيلى وليدي ، و دورك جات دالة حفيدى ، الله لا تربحك ، الله ياخذ فيك الحق 😠 بصح اذا كاش ما يصرا لأنس و الله ماراحش نعديهالك بالساهل
مشات هي تاني طول لبيتها ، خلتها مروهجة بكلامها المسموم ، واقفه في بلاصتها تبكي على زهرها ، حايرة ما تعرفش كيفاه تتصرف حتى تصلح الوضع ، مع انو ما عندها حتى ذنب بالشى اللي صار
فهاداك الوقت كانت ميرال لحقت لبلاصة الخدمة ، تشوف في كافات ( مقهى) كبير ، و راقي ، باين بلي يجو ليه غير الأثرياء، و الناس لمرفهة ، ضخكت على جنب ، و سقسات روحها كيفاه لينا تتحمل تخدم فيها ، بقات واقفه هيك قدام الباب ، حتى سمعت صوت تليفونها📱 ، جبداتو و شافت اسمها على الشاشه ، و حاولت عليها
ميرال : صباح الخير
لينا : صباحو ، صباح الورد والياسمين ، صباح الصداقه و المحبة 😍😘🙂
ميرال : امممم بدينا تاني 😏
لينا : احمم ، خلاص بب ، صحا قوللي وين راكي ، لحقتي ولا مازال 🤔
ميرال : تحبي الصح ، مازال ، راني عالقة فواحد السركالة قلبك يخرج ، و ما شكيتش نخرج منا قبل 12😁
لينا : اخااااه ، نندب دورك ولا كيفاه ، راهي قريب 8 🕗 ، يا يما و الله لمعلم ماراحش يزيد يخليني دقيقه تماك ... قاطعتها ميرال
ميرال : ياخااه ، واش بيك تنخلعتي ڨاع هاكا 😏 بلعقل عليك يا ختي ، سينو دري كريز كاردياك ، و بركاي من لهبال تاعك ، راني قدام الباب ، ولوكان ماشي نتي لي شديتني بالهدرة راني داخل 🙄
لينا : اوووف 😩 علاه علاه تدرلي هاك علاه قريب حبستيلي قلبي والله حرام عليك😒
ميرال : والله يا بب تستهلي ، هاك باش الخطرة الجاية ما تخميش ڨاع تبعتيلي لبلايص يضيق فيهم خاطري 😕
لينا : مييراال
ميرال : واش واقيل راني نكدب 🙄 ، علابلك مليح بلي انا ما نحملش البلايص اللي يكونو فيها اصحاب الطبقة المخمليه ، البرستيج تاعهم يعيفني ، علابلك بلي راكي حطيتني تحت الامر الواقع
لينا : في خاطري بب ، خطرة و الله ما نزيد نعاودها
ميرال : ممم صحا صحا ، ودورك خلينى نفوت سينو ندير روطار تاع زوج دقايق ، وهاك لمعلم تاعك يطيرك😁
لينا : يوووه 😮 خلاص خلاص روحي و بون كوراج
ميرال : اوكي بب ، مبعد ان شاء الله
لينا : دقيقه، دقيقه
ميرال : خير، واش كاين تاني ؟ 🤔
لينا : علابالي ما تحمليش هادوك لبلايص ، دونك مادريش على هادوك المصفارات اذا قالو لك كاش حاجة ، ما تديهاش فيهم بب في خاطري ☺️
ميرال : و تزيدي تتشرطي 🙄
لينا : بلييييز🙏
ميرال : صحا ، اوكي ما يكون لا خاطرك يا لالاة
لينا : مرسي حبيبة ديالي😘 ربي يخليك ليا و ما يحرمنيش منك 🤗
ميرال : ان شاء الله. ايا مبعد بب
لينا : صحا
↚
الحلقة 16
كوبات وشافت فالكافيتربا ، تنهدت من اعماق قلبها ، ودخلت راحت للريسبسيو ، خبرتهم بلي هي لي راح تخدم في بلاصة صاحبتها ، عطاتهم الكارت نصيونال تاعها باش يخدو لكوردوني تاعها ، عيطو لوحدة من الخدمات اللي يخدمو تم باش تديها للفسيتير تبدل قشها الخدمة ، راحت معاها دخلت و بدلت قشها ، بزي نتاع الخدمة ، كان عبارة عن روب فوق الركبة 👗 فالنوار و من تحت بالبلو ( الابيض) و معها كرفات بنفس اللون ، لبستهم و و خرجت مع الخدامة اللي كانت تفهمها فطريقة العمل و الشى اللي راح تديرو.
مركزة في شغلها ، تلبي فطلبيات تاع الزبائن ، و الابتسامه ما فرقتش وجهها البرئ🙂 ، تقول شي عندها مدة تخدم تم ، بالرغم من انو اللي في قلبها يعكس تماما اللي في وجهها ، وجودها فهاد البلاصة ، يخنقها ، و هي تشوف فبنات الاكابر ، لمعري كتر من لمغطي ، مغرورات ، حسبين الدنيا الكل تحت رجليهم، مش دايرين حساب لمشاعر الناس و هما بيهدلو فالخدامين ، على أتفه و اصغر غلطة يديروها ، و حتي هي ما سلمتش منهم ، بصح بقات ساكتة غير على جال صاحبتها ، كلش يهون علاجالها
سندت ظهرها على الكونتوار تستنى فكاش طلبية ، حتي سمعت وحدة من الخدامات تحكي
-خدامة 1 : طاولة رقم 8 مازال ما وصلاتوش الطلبية تاعو
-خدامة 2 : و كيما العادة ، قهوة مزيرة و كاس جو
-خدام 3: وحده فيكم تزرب و تديلو الطلبية تاعو
-خدامة2: خلي انا نديهالو 😊حكمت الصينية و تسڨم فحوايجها باش تديها ،
-خدامة1: غير خلي عليك و لتهاي بالطلبية تاعك ، طابل 12 راه يسنى فيك😏
-خدامة2: اوووف 😤 يعني ضروري تخسريهالي 😡
-خدامة1: ميرال ، بما انو ما عندكش طلبية معليش تديهالو نتي😊
ميرال : ايه واش عليه، خذات منها الطلبية ، و هي ما فاهمة والو ، علاه ديك الخدامة كانت محروقه تديها هي، تقدمت جيهة الطابل 8 تمشي وقلبها يضرب بقوة ، مش فاهمة الشى اللي يصير معها، مع انو هادي مش اول زبون تتعامل معاه ، بصح هاد الخطرة ، حست بشي غريب ، شافت الزبون ، قاعد عاطيها بالضهر ، وهو قاعد مقابل لبحر 🏖️ ، خذات نفس من قلبها، و قربت منو تحكي
ميرال : الطلبية تاعك مسيو
↚
الحلقة 17
كان مهبط راسو يخربش فتليفونو📱 جاه صوت يشبه صوتها ، بصح و باش تأكد من هاد الشي رفد راسو جيهتها ، عينيه تحلو 😳😳 على وسعهم ، ماهوش مصدق اللي يشوف فيه ، واقفه قدامو بزي تاع الخدمة ، و حاملة بين يديها صينيه ، كانت اخر حد كان متوقع يشوفو هنا، حط التليفون فوق الطابلة عقد حواجبو و هدر
أنس : نتي!!!!😮
هي تانى ماكانتش قل منو تصدمت بالحق كي لقاتو هو
ميرال : هادا نتا😮؟ كيفاه زعما !! واش راك دير هنا🤔
دور راسو شاف فجيهة وحدة خرى ، ضحك على جنب، هدر بين شفافو : ايواااه هادي هي والله يا أنس جاتك الفرصة حتى لعندك مادام هي لى خرجت فطريقك دونك وقت اللعبة بدات😈 ، عاود دار عندها نحى لونات وحطهم فوق الطابلة شاف فعينيها
أنس : انا موالف نجي لهاد البلاصة ولا تقدري تقولي لبلاصة لمخيرة عندي ، دونك انا اللي لازم نيقسيك انت واش راكي ديري هنا؟ مع انو من لبسة تاعك و الشى اللي فيديك باين راكي تخدمي 🤔
شافت فالصنية الي فيديها ، حطتها فوق الطابلة من غير ما تجاوبو كملت، حطتلو كاس القهوه و الجو قدامو ، و يديها يرجفو ، متلبكة ، دوت عينيها فكل جيهة و كأنها تتفادي يطيحو عينها فعينيه ، زيرت على طراف روب تاعها و شافت فيه بصح بلخف هبطتهم
ميرال : بصحتك 🙂
كانت راح تدخل للداخل تكمل خدمتها حتى حست كي شدها من يدها و دورها حتى ضربت في صدرو ، بقات مبلوكيا و عينيها يشوفو لحت من قوة الصدمة ماقدرتش ترفدهم ولا حتى تهدر ، بقات على حالتها حتى حست بيدو محاوطة خصرها ، و جبدها ليه ، و اليد لخرا يبعد لها شعرها الي طلع على وجهها و رجعهم مور وذنها يحكي معها
أنس : وين رايحه مازال ما هدرناش
ميرال : ... 🤐
أنس : واقيل عمبالك راح نخليك تهربي كيما ديك الخطرة🙂
-لهدره راحتلها ، ماكانتش قادرة تجاوبو ، صدرها طالع هابط تحس في قلبها راح يحبس، تشجعت وحكات معها بصوت واطي غالبو الحشمة☺️
ميرال : أ.. أن.. أنا لازم نروح نكمل خدمتي☺️
أنس : ما متخافيش الخدمة ماراحش تهرب
ميرال : بصح انا ... سكتت كي حط صبعو على شفافها
أنس : ششششت ، خليكي 10 دقايق برك نحكيو مبعد دخلي، علاه راكي تصعبيها واش قلتي؟؟؟
ميرال : بعلت ريقها و هي ترمي فعينيها لكل بلاصة ، و هزتلو براسها بمعنى ايه
أنس : ايواااه ، 🙂 راح نهدر ، بصح قبل شوفى فيا -ميرال: اااااه😯😯
حط يدو على لامشوار تاعها و طلعها راسها ، هزت عينها حطتهم فعينيه، العسلين ، دورت عينيها فوجهو كامل تتفحص فيه ، وكانها حابة تحفظو ، قاعدة تتأمل فيه حتى فيقها صوتو
أنس : والله كانش علابالي بلي انا شباب و بوڨوص😍 لهد الدرجة😁😂
ميرال : ااااه ، كيفاه، فهمت قصدو ، حشمت ، حماروا خدودها☺️ ، هبطت راسها ، هو تم رفد يدو حطها على شعرها رجعو للور ، قربت لودنها يحكي بصوت حنين
أنس : يخاللي الحشمان
نفسو السخون كان يضرب فرقبتها ، الشي اللي خلى جسمها الكل يرعش، لحمها يتشوك، قلبها يضرب بقوة، صدرها يطلع ويهبط من سرعة نفسها ، ما دارت حتى رده فعل ، بالعكس، حطت حطت يدها الزوح على صدرو لعريض ، سكرت عينيها،مستسلمة للاحاساس اللى قاعدة تحس فيه ، اول مره يكون جنس ادم قريب منها لهاد الدرجة، مش فاهمه الشي يصير معاها ، احساس جديد عليها تعيش فيه ، ريحة برفانو المخلطة مع ريحة الدخان رهجتها، من كتر قربو ليها دخلت في خشمها، حتى خلاتها تذوب في بلاصتها، على عكسو هو اللى كان يسنى فيها دزو و تبعدو عليها، بصح تفاجئ كي ما دارت حتي ردة فعل ، بالعكس ستسلمت للموقف ، بتاسم بخبث😈 هاد الشي اللي صار خلاه يطمن بلي خطتو راح تنجح وراح تستسلملو ، طلع شوي راسو حط خشمو على شعرها ، يشم في ريحتو ، و هو يحكي بنفس النبرة تاع قبيل
أنس : محلا ريحتك، 😍 محلا ريحة شعرك، ، محلا لمسة يديك لصغار 🤗 ، صدقينى انا تانى حاب نقعدو هاك ، بصح الله غالب ، راكي تشوفي لا المكان و لا حتى الوقت مناسب 😅
حلت عينيها على هاد الكلمات ، شافت فيديها لي لاصقين على صدرو، بلعت ريقها ، و حبدت روحها منو بالزربة، و رجعت خطوه للور ، رجعت شعرها ورا وذنها
ميرال : أ.. ان.. انا اس...
أنس : مكلاه تتأسفى ، ماش لافوط تاعك ، لافوط تاعي انا ، ما معلاباليش واش خلاني ندير هاد الشي ، نتمنى ما تفهمينش غلاط، ماكانس قصدي نحرجك بتصرف تاعي سمحلي بزاف
↚
الحلقة 18
ماجاوباتوش، بقات غير ساكتة تسمع ليه و هو يبررلها فالموقف اللي صار، ، تقدم عندها، وحبس كي شافها رجعت للور ، و جات تروح ، عاود حبسها المرة الثانية، شدها من يدها و كبس عليها ، حطت يدها على يدو تحاول تفكها منو
ميرال : راك توجع فيا😩 خليني روح بلييز
أنس : (نحى يدو من عليها) ، سمحلي و الله ما قصدي
ميرال : خلاص ما صرا والو ، اصلا انا نسيت و مكالاه تطلب فالسماح ، و دورك خليني نروح
أنس : بصح مازال ما حكيناش
ميرال : فاش راح نحكو 🤔 ها نتا تشوف واش صرا من قبل دونك خليني نشوف خدمتي ، مانيش حابة يصروا مشاكل داخل
جا يهدر حتى سمع صوت من لور قاطعو
🙎: مييراال 😐 ( الخدامة اللي كانت محروقه تدي القهوه لأنس)
دارت ميرال لقاتها هي ، تنهدت فرحت كي جات تسلكها
ميرال : هادي نتي🙂
-الخدامة: ( شاف فيها وفي انس تحكي بغش ) 😡 ارواحي نحتاجوك داخل
ميرال : اوكي، سناي اني جاية معاك
-الخدامة: هيا
عدات قدامو ، تمشي و تزرب في خطواتها، حابة تهرب منو و من نظراتو اللي حستهم ياكلو فيها اكل ، و هو صح كان يتبع فيها حتى دخلت ، كبس على يدو 🤛 ، زير شفافو بسنيه ، عدا يدو على رقبته ، يتحسس فيها ، و يحاول يهدي فروحو، كان راح يقلب الطابلة برجليه ،بصح حبس كي تفكر كيفاه كانت مستسلمة بين يديه و كيفاه كانو يديها لاصقين على صدرو ، ضحك على ضعفها و على نيتها
أنس : ايييه يا ست الحسن ، والله ما بقالي غير نقولك مرحبا بيك بين يدييا ، 🙂 الشي اللي صار دورك دليل واضح على انك طحتي فيدي ، عوج رقبتو يمين ويسار، شاف فالطابلة ، هز الكاس تاع القهوة ، شرب منها ، رشقة، راح جيهة البالكو لي تم ، يد حاكم بيها الكاس و اليد لخرا دخلها فجيبو، يمشي بكل غرور، و رجولتو الطاغيه( ياو طز الرجولة عمرها ما كانت هكدا😏) يشوف فجيهة لبحر
↚
الحلقة 19
بعد ما دخلت ميرال راحت طول للحمام ، دخلت و سكرت الباب، وبقات مسندة عليه، غلقت عينيها، و حطت يديها على قلبها، تحس فيه راح يخرج من بلاصتو، تأخذ في انفاس متتالية ، تقدمت من لافابو ، شافت روحها فلمرايا ، غمضت عيونها، تعاود فڨاع اللقطات ، حلتهم و عاودت شافت روحها فلمرايا، هزت يديها على شعرها تعديهم عليه، حطتهم على رقبتها تتحسس فيها ، مبعد قربتهم لخشمها تشم ، ريحتو مازالها لاصقة فيهم، سكرت عينيها ، تستبنن فالريحة اللي رهجتها، حلتهم كي فاقت على حالتها، وتهدر مع روحها
ميرال : واش راني ندير انا😳 ، لالا مش لهاد الدرجة, واش بيك يا طفلة ، 😯 واقيل هبلتي، و تضرب في خدودها ضربات خفاف ، حطت يدها على السبالة و خلات الما يسيل، بلت رقبتها و غسلت وجهها باش تفيق من تخايلاتها، بلعت السبالة، سڨمت حوايجها ، خذات نفس، تقدمت جيهة الباب دورت البواني حلت الباب و خرجت ، عرضتها واحدة طفلة كلاس ، تبان متل عارضات الازياء، ، تخزلها من الفوق لتحت، حتى حست نظرتها خنقوها و راح يكلوها ، تنهدت من اعماق قلبها وحكات معها بنرفزة
-ايلول:(هادي بنت صاحب فالكافيتربا)انت واش راكي ديري هنا روحي شوفي شغلك😏
ميرال : اوكي😐
جازت بلا ما تزيد كلمة معها، حبسها صوتها كي سمعتها تسقسي فيها
-ايلول: تعرفيه !!!!؟
عقدت حواجبها ، دخلتها فحيط وهي تحاول قصدها، و على شكون راهي تهدر
ميرال : باردو 😳 بصح على من راكي تهدري؟🤔
- ايلول : 😏😏 نتي بهلولة ولا تتبهللي عليا
ميرال : 😳
قربت منها و حطت عينها فعينيها، تحكي و النار شاعلة فيهم
-ايلول: علابلك مليح على من راني ، أنس المكاوي ... تعرفيه!!؟
ميرال : اااااه فهمت ، واذا قلت لك اي نعرفو ترتاحي مثلا
حلت عينيها كي خبرتها بلي نعرفو 😮 كان يحسابلها راح تقولها ما نعرفوش، مشات وخلات نارها شاعلة 🔥 و بركان قادر ينفجر في اي لحظه.
عاودت ولات لخدمتها مركزة فيها تحاول تنسى الشى اللي صار من قبل، و تخرجو من تفكيرها، كانت لاتيه مع واحد الزبون حتى لمحاتو من بعيد وافق جيهة الباب مع نفس البنت يحكو على الوافق، دوت راسها بعد ما شفتها كيفاه قربت منو و طبعت بوسة خفيفه على خدو😘 ، الشي اللي خلاها تحس بهبوب عاصفة قوية داخلها🌪️ ، ما فهمتش علاه بصح ما عجبهاش الحال كي شافتهم مع بعض ، تفكرت كيف تقرب منها الصباح و ستحضرت كل لقطة بتفاصيلها كذبت عليه كي قالتلو نسيت الشي اللي صار و هي لدورك مازال كل شي يتعاود بين عينيها بلا ما تحس بتاسمت على جنب🙂 عاودت دورت راسها جيهة الباب ما لقاتوش عرفت بلي خرج ،سكرت عينيها و حلتهم بالزربة, و دارت عند الزبون مركزة عليه و على خدمتها، غير هاد الشي اللي يخليها تنسى
↚
الحلقة 20
بعد ساعات من الخدمة🕔 كملو خدمتهم ، شافت فالساعة لقاتها 16:30 ستأذنت منهم، رايحه للفيسير تبدل قشها، باش تولي للدار ، دخلت و سكرت الباب موراها ، كي كملت شافت روحها فلمرايا الي تم, خذات الروج من ساكها💄 داىت شويه منو و رجعاتو، تهزت كي سمعت صوت الباب تنفض بقوة ، دارت لقاتها هي، مربعة يديها و تخزر فيها، و تعابير وجوها ما يتفسروش ، ما داتهاش فيها، عاودت خزرت فلمرايا للمرة الثانية تسڨم فشعرها، رفدت ساكها 👜 رايحة جيهة الباب🚪 ، شدتها من يدها و رجعتها للور تخزرلها فعينيها، رجعتلها الخزرة و هزتلها راسها بمعنى خير
ميرال : خير تاني ، واش كاين؟؟🙄
-ايلول: منين تعرفيه؟؟
ميرال : استغفر الله العظيم، جبدت روحها منها، و حلت الباب باش تخرج، بلعاتو ايلول بالمفتاح 🔑 و داتو، و قربت منها
-ايلول: قبل ما تجاوبني على اسئلتي ماكانش خرجة و ما عندك وين تمشي😏
ميرال : واش بيك؟ ، هبلتي !!؟, هاتي المفتاح🔑 خليني نمشي ، راح الحال عليا😠
-ايلول: مايهمنيش فيك🙄 سقسيتك جاوبيني
ميرال : اووف منك ، و من لهبال تاعك😡
-ايلول: هادا مكان والو، مازال ما شفتيش لهبال نتاع الصح😏
ميرال : نعرفو غير من بعيد، و اليوم شفتو بالصدفة كي ديتلو لاكوموند تاعو كيفو كيف اي زبون ، صافا هاك، و دورك حلي جد الباب خلني نروح😤
-ايلول: واش عمبالك راني نرضع في صباعتي، و لا بهلولة واقفه قدامك،😏 ، ماكانش علابالي بلي الزبون اي وحده تديلو الطلبية تاعو يشكرها بتعنيقة و بوسان
↚
الحلقة 21
عينيها تحلو كي سمعت هدرتها ما جاش في بالها يكون شافها كاش واحد😳😮
ميرال : واش قصدك؟؟؟
-ايلول: قصدي و فهمتيه، شفتك الصباح كي كنتي مع أنس، و شفتك كيفاه كنتي تتقربي منو ،😡 واش كاين بينتاتكم!!؟
ميرال(عقدت حواجبها و مخنزرة فيها) : اولا ماشي انا اللي تقربت منو ، و ثانيا هاد الشي ما يخصكش🙄😏
-ايلول: ااااه ، راكي حابة تقولي بلي هو لي تقرب منك ؟
ميرال : هات المفتاح
-ايلول: حبيتني نصدقك و نصدق بلي أنس المكاوي، بقدرو و شانو ، يطيح من قيمتو و يتقرب من وحدة كيفك، ههههه 😃 واش واقيل ما شفتيش قبيل روحك فلمرايا مليح ، 😏 شوفي حالتك لمبهدلة ، تقول شي طلابة ، و الله الخدمات التي يخدمو في قصرو🏯 خير منك🙄
بلعت ريقها، و عينيها تعمرو بدموع😢 حكمتهم بالسيف ، ما حبتش تبين لها ضعفها، كلامها جرحها بزاف ، تقول شي سكين🗡️ تغرس في وسط قلبها،💔😢 غضتها روحها و هي تسمع فيها تقلل من قيمتها ،
ميرال : من فضلك وزني كلامك ، و عرفي واش راكي تخرجي من فمك، ( تحكي معها بتحدي) و حكي مليح معيا و لا....
-ايلول، ولا واش 😒 شكون نتي باش تعلمني كيفاش نهدر ، و تهددي فيا تاني 😤 الظاهر مازال ما تعرفينيش
ميرال : ما نعرفكش و مش حابه نعرفك ، و ادا كملتي كلامك التافه ، هات المفتاح نروح بحالي😏😏
حلت فمها😮 من صدمتها ، و هي تردلها فلكلام ، مش معبرتها ، شدتها من كتافها تهز فيها بقوة وتحكي
-ايلول: شوفي فيا مليح يا وحدة الرخيصة ،😤 سمعي كلامي و حفظيه مليح ، بعدي على انس و على طريقو ، خير ما نخليك تندمي و نكرهلك حياتك ، أنس تاعي انا وحدي، 😠 و ما راح نخلي حتى واحد يدخل بيناتنا ، حطي لكلام هادا مليح في بالك فهمتييييي😡 ، وذا عينيك على دراهمو💰 و طامعة فيهم قولي لي من دورك ، راح نمدلك شاك فارغ و حطي عليه الرقم اللي حبيتي و انا راني قابلة
ميرال وجهها ولا ما يضواش ، تسمع فيها كيفاه تساوم فيها ، حابة تشريها بدراهما، 💰 ، ما حستش على روحها كيفاه حتى نحتلها يديها من كتفها ، و ذزتها و كملت عليها بكف، خلات راسها يدور من قوتو
↚
الحلقة 22
ما حستش كيفاه حتى هزت يدها و ضريها بكف خلاتها مسمرة في بلاصتها
ميرال : لا ، نتي خلاص تعديتي كامل حدودك، 😤، ما نسمحلكش تهدري معيا بها الطريقه و تقللي من احترامي، و لا تحسبينى بلا كرامة كيما نتي، نتبع فواحد ما عينوش فيا😏😠 و نرخص فروحي، و دراهمك خليهم لروحك، ما حاجتيش بيهم ، و فيما يخص أنس ، خلي هو يقرر اذا نبعد عليه و لا لا 😏🙄
نحتلها المفتاح من يدها، حلت الباب، و خرجت ديراكت، بعد ما نفضاتو، خلاتها تتهز ، حاكمة خدها بيدها يوجعها من قوة الكف اللي داتو
-ايلول: و الله يا بنت**** راح ندمك، والله ما نرجعلك هاد الكف كفين ، و تتعرفي وقتها واش معنتها تتحديني😤😠
ميرال تحكي
خرجت بعد ما نفضت الباب فوحهها ، الزبل طلعلي للراس، كلامهاخلاني نخرج من طوري، ما عرفتش من وين جاتني الجرأة و هزيت يدي عليها و خبطها بكف فنص خليفتها، كلامها على انس قلقني😏، ما عجبنيش الحال، وزيد كي شفتها الصباح تقربت منو و باستو قلبي تزير عليا، ما فهمتش كيفاه حتى تحديتها و قلتها خليه هو يختار، فديك الدقيقة حسيت كانو شي يخصني وانا ندافع عليه، ، اوف المصفارة شدتني معاها حتى راح الحال، الدنيا بدات تظلام ، و الشتا دوك تصب ، اوووف اوووف الله لا تربحك😤
كان قاعد فطوموبيل🚗 تاعو ، يشوف فيها من بعيد، كيفاه تحكي مع روحها، تسنى في كاش بيس🚃 ولا طاكسي🚕 تجوز منا،بقات مدة تسنى حتى يأست، و تحركت، تمشي بالزربة🏃 و هي ضامة روحها بالمونطو تاعها ، شي من الخوف و شى من البرد، فجأة حبست قدامها طوموبيل فالنوار، زربت فمشيتها مرعوبة، سمعت مورها كيفاه تفتح باب الطموبيل، حست قلبها راح يطيح، وهي حاسه بشي حد موراها يمشي على خطواتها😨 ، النفس راحلها كي حط يدو على كتفها، شهقت ،جات تعيط😱 حتى دورها عندو ، شافت فيه بقات مصدومة في بلاصتها
ميرال : هذا نتا (حطت يدها على قلبها ترد فالنفس) اوووف😩 حرام عليك
أنس : واشبيك تنخلعتي ڨاع هاكا!!!
ميرال : وانت ما شفتش روحك كيفاه تمشي مورايا ، تقول شي مافيا و حاب يخطفني 🙄
أنس : ماكرهتش 🙂
ميرال : اااااه 😳😳
أنس : واشبيك ، تحسبي كلش صح، 😏 راني نڨصر برك معاك، ، على كل حال واش راكي ديري هنا ؟ و وحدك 🤔
ميرال : كنت نسنى فطاكسي تجوز منا باه روح للدار، بصح درت روطار على جال هاديك ... بدات تسب فايلول بين شفافها و ها نتا تشوف راح نروح منا باش ما نتعطلش كتر... (قطع كلامها)
أنس : شار بصبعو للطريق، منا !!! و فهاد الوقت!! 🤔
ميرال : اييه ، ومنبعد
أنس : خلني نوصلك
ميرال : لا ، يعطيك الصحه ، ما نيش حابة نشقيك معيا ، ولا نعطلك على شغلك، بالاك كاش واحد راه يسنى فيك ( تمعنلو على ايلول)
أنس : ااه ، كيفاه، شكون اللي راه يسنى فييا🤔
ميرال : شي... ما قلت والو ، ما تقلقش عليا ، نقدر نمشي وحدي ، و زيد ماكانش الي راح ياكلني
أنس : اييه ، باين عليك ماتعرفسث الطريق هادي ، سي بورسا راكي تسترجلي ، و الا راكي قبلتي نوصلك 😒
ميرال : علاه واشييها الطريق؛ راني نشوف فيها كيما هي كيما غيرها 🙄
أنس : كي يخرجولك الديابة و الكلاب لى فيها، تم لي راح تعرفي اذا كيف كيف ولا لا
ميرال : كيفاه زعما، واش قصدك، واش من ديابة !!🤔
أنس : هاي ليك الطريق ، يا تقبلي نوصلك انا يا تروحي فيها و تعرفي شكون هوما الديابة
سهات في تخمم في كلامو ، و هي تقول في روحها، عندو الحق، وين علابالي شكون لي راح يخرجلي فديك الطريق، و زيد الليل قريب يطيح، 😑 ، هو تاني كان يشوف فيها باين عليها خايفة و متردده ،
أنس : واش قلتي !!!
دورت راسها تشوف تشوف جيهة الطريق، رمات عينيها على الساعه🕑 لقاتها قريب 18 نفخت😩، عدات يدها على شعرها ، عرفت بلي ما عندهاش حال اخر ، تروح معاه خير ما تدخل في طريق ما تعرفش اذا تخرج منها سلامات و لا لا ، هزتلو براسها من الفوق للتحت بمعنى ايه
أنس : يعني قابلة
ميرال : ايه
أنس : يعني اخيرا قتنعتي
ميرال : ممممم
أنس : هيا مالى
راحت جيهة الطومبيل حلها الباب ، زاد هو ركب ، دارو السانتور في زوج، دور المفتاح، شعل المحرك و ديمارا.
↚
الحلقة 23
طريق كامل و هما ساكتين ، هو مركز فالطريق يسوق و مرة على مرة يشوف فيها بنص عين، كانت مكمشة على روحها ، من ستراس تشبك في صباعتيها و تفركهم ، و مرات تدور راسها للشباك و تشوف فالناس ، تلهي روحها ، حست الطريق طويلة بزاف كي جازو على طريق تاع حومتها ستغربت كسرت هاداك الصمت كي سقساتو
ميرال : بصح، كيفاه حتى عرفت وين نسكن
أنس : شاف فيها و عاود شاف فالطريق، الظاهر انو ذاكرتك ضعيفة و تنساي بزاف
ميرال : 🤔
أنس : نسيتي بلي قتلك نعرف كلش عليك
ميرال : 🤐
أنس : بصح ما تقلقيش روحك راح نهبطك غير فالدخلة تاع الحومة بلا ما يشوفوك الناس مانيش حاب ندير مشكل
ميرال : بصح علاه !!!
أنس : مش حاب الناس تفهمك بالناقص و تهدر عليك كي يشوفوك معيا خرحتي من طموبيل و فهاد الوقت ، مع انو مايهمنيش رايهم بصح نخمم عليك نتي
ميرال : ماشي هاد هو قصدي😒
أنس : واش قصدك مالى 🤔
ميرال : علاه راك تبع فيا؟ و مهتم بيا لهاد الدرجة ، واش راك حاب مني !!!؟
ب
جبد لفران ، حبس الطومبيل بقوة ، شد الفولون بيديه ، شاف فيها، و هي كانت مركزة معاه، تسنى فيه يجاوبها،
أنس : باينة علاه
ميرال : واش اللى باين ، حابة نعرف ، حابة نفهم
خذا نفس و تنهد 😩 كان يوجد فالكلام باش يقنعها
أنس : علاه مزال ما فهمتيش بلي تعجبني بزاف، من يوم اللي شفتك فيه وانا حاب.... سكت فلحظة لي فاق فيها قريب عترفلها بلي هو حاب يكون معاها غير باش يرضى شهوتو غروروه كراجل ، و بلي هي بالنسبه ليه مجرد رهان لازم يربحو باي ثمن، غمض عينيه ، عاود حلهم ، و شاف فعينيها
أنس : حاب نكون معاك، حاب نفتح صفحة جديده فحياتي، صفحة نكتب فيها حكايتي ، بصح هاد لحكاية نكتبها انا و انت ، صدقيني معادش نقدر نبعد عليك، كل مرة نقول فيها نبعد عليك بصح نلقى روحي مرمي قدامك ، ما معلاباليش اذا نتي تحسي بالشى اللي راني نحس فيه و لا لا ، بصح انا كل مرة نكون فيها قريب ليك ، و نشوف فعينيك ، نحس بروحي ضعيف ، و نرجف ، ماش فاهم الي يصرا معيا ، ميرال انا.... ( قاطعاتو قبل ما يكمل )
ميرال : شهد !!
عقد حواجبو ، شاف فيها كيفاه تشوف بعيد و هي مصدومة ، دور راسو يشوف معها ، ستغرب هو تاني كي شاف في طفلة تجري و تبكي
أنس : هادي ماشى ختك!!!
ميرال : شهد ، واش يكون صرا معها ، علاه راهي تبكي!!؟. 😮 نحات السانتور ، حلت الباب بالزربة و خرجت من الطومبيل، و هداك الوقت الشتا بدات تصب🌧️ تجري عند شهد ، حست بها بعيدة عليها كيلومترات، مع انو هي قريبة منها ، لحقت عندها و شهد ترمات في حضنها ، تشهق و تبكي بحرقه 😭 ، قعدو هاك محضنين بعضاهم،ييكو تحت المطر ، بعدتها شويه عليها، هزت يديها تمسحلها في دموعها لمخلطين مع قطرات المطر ، و عيونها يساقسو فيها واش اللى صرا
-شهد: مييراال 😭😭😭
ميرال : واش كاين يا روحي؟ واش صرا ؟ علاه راكي تبكي ؟ واش بيها حالتك!!؟
-شهد بصوت غالبو لبكا : بـ ... باباااا
ميرال حلت عينيها، حست برجفة رجليها معادش حاملينها بسيف تخرج فالهدرة : واش بيه بابا ؟ واش صرالو !!!!
شهد: 😭😭😭 قلبو 😭
من خلعتها ، كبست على يدها و هزتها معاها تجري للدار تكركر في روحها و في ختها ، كل السيناريوهات جاو في بالها و هي غير تدعي انو ما يكون صرا والو مع باباها
اما انا بقى في بلاصتو يشوف فيهم من بعيد و حاير و مش فاهم و اش بيهم
↚
الحلقة 24
وصلت لباب الدار لقاتو محلول دخلت رمات ساكها فالكولوار 👜 تجري و راحت طول لبيت باباها، تكوانسات في بلاصتها من المشهد الي تشوف فيه قدامها ، باباها فوق السرير كانو جثة بلا روح ، و يماها فوق راسو تحضن فيه و تبكي ، رجليها معادش يحملوها ، عينيها تعمرو بدموع ، تهز فراسها يمين ويسار ، تقدمت من السرير حطت يدها على باباها تحكي مفزوعة😨😭
ميرال : بابا، بابا ، ماما واش بيه ، واش صرالو 😭
- حنان : تبكي بحرقه 😭 باباك راح و خلانا يا بنتي ، راح ، راح😭😭
ميرال : ( تهز فراسها بمعنى لالا) مستحيل ، لا لا. مستحيل ، بابا ما يروحش و يخالينا ، لالا ، بابا 😭😭
-حنان: اااه يا علي لمن راح تخلنى انا و ولادك ، اااه يا غالي اااه 😭😭
ميرال : لا مستحيل ، مستحيل، ما ماتش ، شدت يد باباها تقيس فنبض تاعو تدعي فربي تحس بيه ،
ميرال : عايش ، عايش ماما بابا ما ماتش ، ههههه تبكي و تضحك فنفس الوقت، هزت حنان راسها تشوف فيها و تشوف في علي و كأنها تحاول تصدق كلامها،
-حنان: اااه ، منك صح، ولا راكي تقولى هاك باش نتهدن قولي هاااه، قولي
ميرال : مسحت دموعها بكف يدها و تضحك : لا ماما ، بابا مازالو عايش، شوفي راني نحس بنبضو ، شدتها من يدها و خطاتو على يدو باش تحس بنبضو هي تاني و طمنها بلي صح مازالو عايش
-حنان: ههههه😅 و الله صح عايش ، باباك عايش ، عايش 😭
ميرال : ايه ، ايه ، بصح نبضو ضعيف ، لازم ندوه للسبيطار 😔
-حنان، سبيطار، ايه لازم ندوه ، راح ندوه ... شكون راح يدينا .... عيطي لومبيلص 🚑
ميرال : ماما بقاي معاه ، دوك نولي ،
-حنان: وين راكي رايحة يا طفلة !!!؟
ميرال : ما تقلقيش ماما ، نروح نشوف كاش واحد يدينا للسبيطار و نولي ، المهم نتي بقاي معاه
ناضت من السرير تجري شافت شهد فالكولوار قاعدة ضامية رجليها و تبكي ، قربت منها و نزلت عندها تمسحلها في شعرها
ميرال : شهد حبيبة ديالي ما متخافيش بابا ماراح يصرالو والو
-شهد: راني خايفة😨😭
ميرال : خلاص ختيتو ما متخافيش ، روحي عند ماما انا دوك نجي صحا !
-شهد: شدتها من يدها باش ما تروحش: تعيشي ختي ما تروحيش ، ما تخلينيش😭
ميرال : ما متخافيش نروح برك نشوف شكون يدينا للسبيطار و نولي ، هيا ختي خلني روح ما تعطلنيش
هزتلها براها ايه ، مبعد خرجت و هي تدعي انها تلقى كاش واحد يعاونها ، تمشي كي المهبولة ما حستش بالشتا اللي كانت تصب عليها رجعت كي الفلوسة لمشمخة وهي دور في راسها يمين ويسار ، رسمت ابتسامة على وجهها كي لمحت سيارتو مڨارية فنفس البلاصة
↚
الحلقة 25
قاعد فالطومبيل يحكي فتليفون📱 مع جداتو اللى حرقت الدنيا بليزابال
أنس : ماني ما تقلقيش عليا راح روح عند اياد اليوم نبات معاه
-كريمة: وانت دوك ما يهديكش ربي و تبطل السهرات هادو 🙄 و تدخل الدار بكري و تقعد معانا ، ااااه
أنس : ماااني ، ما دورهاليش كيما بابا دوك و تكلمي عليا اللي بداه الصباح 😏
-كريمة: راني نحكي فمصلحتك
أنس : مصلحتي وانا نعرفها
فجاة سمع خبيط على زجاج تاع الشباك ، قاعد تتمعن فيها كيفاه تبطبلو و حالتها حاله😨 ، كوبا على جداتو ، بلا ما يزيد كلمة معها، رمى تليفونو على جنب ، حط يدو على زر هبط زحاح تاع الشباك، ، شاف فيها كيفاه كانت مشمخة كامل و تترعد
أنس : 😳😳😮 مييراال
ميرال : 😭
أنس : خير، واشبيك؟ واش كاين؟؟ علاش راكي فهاد الحالة !!؟
ميرال : راح يموت
كي سمع سيرة الموت ، حل باب الطمو و هبط، و قرب منها ، باش يفهم على واش راهي تحكي و شكون لي راح يموت
أنس : شكون هادا ؟؟؟ ، شكون لي راح يموت!!!!؟🤔
طلقت العينان لعينها تبكي ، 😭 شدتلو يدو بين يديها و كبست عليها تترجى فيه
ميرال : بابا ، 😭 راه مريض بزاف، تعيش، تعيش عاوني ، 🙏 اذا ما ديناهش للسبيطار راح يموت، ( تبكي بهسترية😭😭) بليييز أنس عاوني ، و الله ما رح ننسى خيرك ، ربي يخاليك عاوني 😭😭
أنس : ششششت ، خلاص خلاص ، تهدني ، ما متخافيش ، راني هنا ( شدلها وججها بين يديه). ماراح يصرالو والو ، تهناي اوكي
ميرال : هزت راسها بإيه
أنس : صحا ، دوك طلعي خلينا روحو ما نضيعوش الوقت ، هيا طلعي
ميرال : ايه , ايه
ركبت معاه ، قربو شويه قدام باب الدار ، دخلو في زوج ، لقات باباها كيما خلاتو ، و يماها تحضن في شهد و يبكو
↚
الحلقة 26
بعد ما عاونهم أنس راحو للسبيطار ، طريق كامل و هو يصبر في حنان اللي تبكي بحرقه ، و حتى ميرال ما كانتش قل منها ، تبكي و تشهق ، افكار يدوها و يجيبوها فكرة انو يمكن باباها يرجع معاهم بصح ماشي على رجليه انما جثة بلا روح تخليها تهبل ، تفرك فيديها مرة على مرة تدور عند باباها ،تشوفو كيفاه راقد وجهو صفر ، و شفافو بياض و تشدلو فيدو الباردة و تمسحلو عليها ، بعد مدة لحقوا للسبيطار ، 🏥 خرج انس ودخل للداخل يطلب المساعدة و ما بطاوش و جاو ليه زوح فرمليات يجرو هازين معاهم هاداك السرير المتحرك ، خرجوه من الطمو و حطوه فوق السرير يجرو بيه وهما يجرو موراهم فالكولوار حتى لحقوا لغرفة الإستعجالات دخلوه و هم منعوهم و طلبو منهم يسناوا برا دخلو بابها داخل ، حطت يدها على باب الباب تبكي و تهدر بصوت مخنوق
ميرال : بابا... الله يخليك ما تروحش و تخلينا ، قاوم بابا قاوم ، يارب ، يارب تشفيه و ترجعو لينا 😭
شافت في يماها القاعدة فوق البونك ساكة غايسة عينها يشوفو فالارض قربت منها و ضمتها و حطت راسها على كتفها و كأنها تصبر فيها ، أنس كان مسند ظهرو على الحيط و مربع يديه ، بعد حوالي 10 دقايق خرجت فرملية من الداخل ،جروا ليا يستسفرو على حالتو
-حنان: كيفاش راه ؟ واش صرالو، راه مليح؟؟
ميرال : ربي يخليك طمنينا عليه ، راه مليح؟
- -حنان: الله يرضى عليك يا بنتي هدري و قولي كاش حاجة😭
-الممرضة: المريض تعرضفي لأزمة قلبية و حالتو خطيرة
ميرال : ازمة قلبية ... حالتو خطيرة 😢
-حنان: واش قصدك يا بنتي !!
-الممرضة: سمحلي مدام هاد الشى اللي نقدر نقولهو لك حاليا
مشات الممرضة و خلاتهم مصدومين ، حنان رمات روحها فوق البونك اللي كانت قاعدة علي ، ميرال واقفة تشوف جيهة الباب و دموعها شلالات 😭 ما طولتش رجعت الفرملية و جابت معها طبيب يجرو ، حبستهم حنان مخلوعة تسقييه على حالتو 😨
-حنان: دكتور ، دكتور فهمني واش بيه راجلي !!!
-طبيب: معليش تتهدني مدام ، وخليني نشوف شغلي ، هاد الشي اللي راكي ديري فيه مش مليح لا ليك و لا حتى للراجلك
دخل الطبيب و خلاها تخبط فالباب تترجاهم يخبرها واش راه صار الداخل جرات ليها ميرال ،حضنتها من اللور تهدي فيها
ميرال : ماما ، خلاص تعيشي ما ديريش هاك ، ما راح يصرالو والو تقي فيا ، بابا انسان قوي و راح يتجاوزها صدقيني ، مسكتها من كتافها الزوج و قعدتها على البوك ، وهي قعدت على ركابها تمسحلها في وجهها،و تبوسلها فكف يديها ، بعدت عليها و خرجت تجري لبرا ، حست النفس تاعها يضياق مش قادرة تزيد دقيقه تم، حملت حالها وخرجت تشم هوا
↚
الحلقة 27
خرجت برا تشم شويه هوا ، شافت بونك فجردان تاع السبيطار ، قتربت منو تكركر في رجليها، قعدت عليه حطت يديها علية ، تشوف بعيد و هدرت الفرملية تتعاود في راسها، رفدت راسها تشوف فالسما وتدعي
ميرال : اللهم ان قدرتك تفوق قدرة الاطباء، اللهم انت اعلم بحال ابي و وجعه، اللهم اشفي ابي شفاء لا يغادره سقما و رد عليه صحته و عافيته ، يا رب ،يا رب احميه 😭😭😭
أنس : ان شاء الله
دورت راسها كي سمعت صوتو جاها من اللور ، عاودت دورت تشوف قدامها، و تمسح دموعها بالزربة ، قرب منها و قعد جنبها و هو تاني يشوف قدامو
ميرال : من وقتاه راك هنا ؟
أنس : تقدري تقولي من وقت الى خرحتي و قعدتي هنا
ميرال : 🤐
أنس : راح يكون بخير ، ويرجع خير من قبل ما متخافيش ، بصح نتي لازم تكوني قوية و ما تضعفيش ، لازم توقفي مع يماك، و ما تخاليهاش وحدها ،
ميرال : كيفاه حابني نوقف معاها و انا مش قادرة حتى نواسى حالي ، مانيش قادرة
أنس : علاه ما تقدريش ، بالعكس، تقدري ، روحي دخلي للداخل وقفي مع يماك، شديلها يدها و خليكي قوية كيما عرفتك ، مش كيما راني نشوف فيك دورك
ميرال : (شافت فيها ) علاه كيفاه راك تشوف فيا دورك !!!
أنس : دور راسو عندها طاحو عينهم فعينين بعض : راني نشوف فواحدة ضعيفه ، مهزومة ، و مستسلمة قاعدة تندب قدامي
ميرال : ( تهز براسها لالا ) : خايفة، خايفة وقت ندخل من ذاك الباب و نسمع كلام .... شهقت مش قادرة تكمل كلامها، و حطت يدها على فمها تكتم فشقتها 😭
أنس : خلاص ماراح يصرالو والو ، هيا معيا (وقف و وفقها معاه) ، شوفي فيا مليح، ( شافت فيه) معادش حاب نشوفك تبكي ، ارحمي حالك ، عينيك طابو من لبكا، و زيد راكي مشمخة ڨاع ، خلينا ندخلو خير ما تمرضي ، راه البرد هنا ، و زيد اذا بقينا هنا ماراحش نعرفو الشي اللي راه صاير الداخل
مسحت دموعها و عدات يديها على شعرها رجعو للور و هزتلو براسها بمعنى ايه
ميرال : ايه صح عندك الحق، انا لازم نكون داخل مش هون ، لبكا ماراح يفيدني بوالوا
أنس : ايواااه هاديك هي
ميرال : راح نفوت
أنس : قصدك راح نفوتو🙂
ميرال : 😊
دار لها و بيدو جاست نتاع نتي قبل و راحت تزرب فمشيتها و هو يتبع فيها، غير كيما لحقو وين كان بابها حتى شافت طبيب المشرف على حالة باباها خرح جرات عندو قلبها راح يطيح حابة تعرف و تطمن عليه
ميرال : دكتور، واش راه ، كيفاش راهي حالتو😨
-حنان: راه مليح !!!
-طبيب: تهدنو ، المريض دار كريز كاردياك ، كانت حالتو خطيرة بصح الحمد لله وضعو مستقر الان
-حنان: (حطت يدها على قلبها): اووف الف حمد وشكر ليك يارب الف حمد وشكر ليك يارب
ميرال : الحمد لله ،دارت يديها على فمها و تبتسم(😄) شفتي ماما قلتلك بابا ما يخالناش ، (ترمات في حضنها)
-حنان: وهي تمسح لها على ظهرها ايه يا بنتي شفت الحمد لله اللي رجعو لينا
-الطبيب: الصراحه جبتوه في وضع حريج ، جبتوه في الوقت المناسب، و لوكان بطيتو شويه كنا خسرناه ، الوضع تاع المرض حساس بزاف، و قلبو ضعيف ، يعني اي ازمة اخرى راح تودي بحياتو ، لذلك تعملو مليح لوكان تخلوه بعيد عن المشاكل و الاجواء المضطربة ، وفرولو شروط الراحة و الهدوء ، ومره نقولكم الحمد لله على سلامتو 🙂
راح الطبيب و خلاهم يتنفسوا الصعداء، و الروح رحعتلهم بها لخبر
أنس : الحمد لله على سلامتو .....
سكت قبل ما يكمل كلامو ، كي حس بها ترمات في حضنو وتزير عليه ، يديه بقاو مهبطين و عقد حواجبو، مش مصدق الشي اللي قاعد دير فيه، ما لقا روحو غير هز يده هو تاني و حضنها
ميرال : شكرا بزاف ، شكرا ، بفضلك نتا بابا مازالو عايش ، هاد الشي جامي ننساه لوكان ماشي نتا لوكان بابا راه دوك....
ما خلاهاش تكمل بعدها عليه شوية شدلها راسها بين يديه و يحكي
أنس : ششششت ، خلاص دورك ياك راه مليح ، و انا ما درت والو ، و ما نحبكش تخمي فهاد الصوالح الخيبن نفاهمنا !!!
ميرال : ( هزتلو براسها ) ايه ايه خلاص
عاودو حضنو بعض و بقاو هاك حتى سمعو صوت حنان تحمحم
-حنان : اححم اححممم
بعدو على بعض، شافو بعضهم و شافو فيها، من الحشمة ميرال هبطت عينها الارض و تفرك فيديها لعنت روحها في قلبها ،كيفاه حتى ترمات في حضنو شدتها من يدها قربتها عندها و شافت في انس
-حنان: كتر خيرك يا ولدي ، الشي اللي درتو معنا محال نساوه انت راك رجعتلنا حياتنا ، الله يرضى عليك
أنس : استغفر الله خالتي هاد واجبي و زيد ما درت والو تتشكروني عليه ، اي واحد في بلاصتي يدير النفس الشى 🙂
طبطبتلو على كتفو و بتاسمتلو ابتسامه خفيفه و راحت قعدت
أنس : انا روح نجيب ماء كاش ما نجيبلكم معيا ؟
ميرال : لالا ، صحيتي
-حنان: يعطيك الصحه ولدي
راح هبط هو لتحت و هي دخلت مع يماها يطلو على علي بعد ما خذوا الاذن من عند الطبيب و وصاهم ما يطولوش بزاف عندو لانو محتاج الراحة
↚
الحلقة 28
بعد ما راح انس جا قيس و شهد بعد ما خبراتو الشي اللي صار ، شهد دخلت طول عند باباها تطمن عليه اما قيس شد ميرال من دراعها و يكركر فيها ، و عينيه شاعلة فيهم النار و يهدر
-قيس: شكون هادك اللي جابكم لهنا ، و منين تعرفيه !!😡 و ين كنتي هاملة نهار كامل 😤
ميرال : قحرتلو ، ونفس الوقت عرفت بلى شهد حكاتلو كلش، حطت يدها على يدو ونترهلو بعيد ، و تحكي بغش ، و كانها كانت تستنى فشكون ينبشها باش تخرج في قلبها
ميرال : بعد يدك عليا و ما تزيدش تمسني ، و الله عجب ، باباك رجع من الموت و انت الشى اللي يهمك شكون جابنى و وين كنت ، ههههه و الله جابلي ربي انا اللي لازم نيقسيك وين كنت هامل، و مخلي الدار و حنا لي حاسبينك راجل تاع الدار ولا تسترجل غير على خواتاتك 😤😡
حط يديه على رقبتها يخنق فيها، من الغش وجهو ما يضواش، عينيه قريب يخرجوا يلز على شفافه و يحكي
-قيس : شكون لي ماشي راجل ااااه شكون ، انا لى راح نربيك
ميرال : (وهي تحاول تنحلو يديه على رقبتها و تحكي بصوت مخنوق) ا.. طل..ق...ني ، اطط..قن...( تحكي بطلوع الروح)
-قيس: دورك نوريلك شكون لي ماهوش راجل😤
كان بكبس على رقبتها حتى حس بشى واحد حكمو من دراعو و عطاه كف حرقلو خدو ،
-حنان: ما تحشمش 😤
ميرال : (حطت يدها على رقبتها و تكح بقوة) ، يا يما ، اااااه
-حنان: من واش مصنوع نتا ، اااه من واش ، قولي ، ختك اللى راك تستقوى عليها لوكان ماشي هي رانا خسرنا باباك ، الشي اللي ما درتوش نتا درتو هي ،😡 فالوقت لي كنت مسحقاتك كنت هامل مع اللي كيفك ، بصح علاه نلوم فيك ، الغلطة ماشى تاعك ، الغلطة تاعي ( تشير على روحها بصبعها) انا ، انا لي ما عرفتش نربيك ، بسبتي لي وليت هكدا 😠-قيس: صار هكدا 😡😡 ااااه ، دوك انا اللي طلعت ماشي راجل ، و ماشي مربي و.....
-حنان: روح منا. و ما تخلينيش نشوفك، روح ولي منين جيت، كتر خيرك راك درت لي عليك و بزيادة
- -قيس: 🤐🤐( بقا غير يشوف فيها)
-حنان: (شداتو من دراعو و دزاتو ) رووووووح 😤بلعياط
دار شاف فيها و شاف فميرال ، و خرج ديراكت، فهداك انس كان رجع و شاف ڨاع اللي ، و كي راح قيس قرب منهم قرب من حنان مدلها قرعة تاع ما و شويه حاجات يتكلو شراهم من الريسطو تاع السبيطار ،
أنس : شدي خالتي ، شدي
-حنان: علاه يا ولدي تشقي فروحك هاكدا ، عذبناك معنا سمحلنا و الله ما عرفت واش نقولك
أنس : لا خالتي ، ما درت والو ، هاد واجبي ، ( حط يدو على كتفها وهي تانى حطت يدها على يدو و تمسح فيها) و هو راح قرب من ميرال و مدلها هي تان ، شداتو منو و بتاسمتلو و رجعلها البسمة 🙂
أنس : يعني اذا ما تسحقوش حاجة خلاف انا تسمحولي لازم نروح
- حنان : لا لا يا ولدي ما نسحقوا والو ، روح ربي يرضى عليك و يفتحها في وجهك ، و مرة خرا سمحلنا بزاف تعبناك معنا 🙂
أنس : راني ما درت والو ، و ما تتقلقوش ، درك نوصي عليكم ، و الحمد لله على سلامتو 🙂
-حنان: يعطيك الصحه ولدي
أنس : بلا مزية خالتي ، بقاي على خير
-حنان: بسلامة
ميرال : بسلامة
دورت راسها عند يماها شافت فيها و هزتلها براسها و شارت لها بيدها بمعنى ايه روحي معاه،
خرجوا في زوج يتمشاو فالكولوار حتى واحد فيهم ما هدر مع لخر ، بقاو يمشوا حتى لحقو وين كان مڨاري الطموبيل تاعو و كسر انس الصمت كي هدر
أنس : ايييه مالى انا نخليك، تصبحي على خير 🙂
ميرال : 🙂
راح جيهة الباب حلو حبس على صوتها
ميرال : شكرا
دار عندها ، شاف فيها و شاف فالباب سكرو و تقدم عندها
أنس : على واش
ميرال : على كلش ، على الشى اللي درتو معيا قصدي....
ما خلاهاش تكمل هدرتها و سكتها كي حط شفافو على خدها و طبع بوسة ، عينيها تحلو على وسعهم، الهدرة راحتلها ، ما عرفتش واش دير، تبلوكات من جاست تاعو ، حدودها ولاو حمورا ، ، بعد منها و شاف فيها حشمت☺️ ،قرصها من خدها
أنس : روحي دخلي راه برد عليك، ، غدوى ان شاء الله نعاود نولي
ميرال : ايه صحا، مالا تصبح على خير
أنس : و انت بالف خير
دخلت هي و خلاتو هو داخل طموبيل، جبد تليفونو لقا قريب 50 ابال ، من عند كريمة، ايلول و اياد اللى على اساس يسهر معاه و يباتو كيف كيف، كومبوزا رقم تاعو و عاود عيطلو ، كان يصوني بعد مدة رفد عليه
-اياد: الو
أنس : الو وي
-اياد: وين كنت ، مصباح و انا نعيطلك 😏
أنس : لحكاية طويله كي نجي نحكيهالك ، وين راك دوك ؟؟
-اياد: راني فالدار ، خير واش كاين !!
أنس : خلاص دورك نجي و نحكيلك
-اياد: صحا ، اوكي
أنس : اوكي
كوبا معاه ، شعل طموبيل ، و راح ، ديمارا عندو يكمل سهرة تاعو عندو و يحكيلو الشى اللي صار معاه.
↚
الحلقة 29
فاتو يومين و ما صرا فيهم والو غير أنس يروح يشوف ميرال فالسبيطار و يتقرب منها ، و غير يكمل يروح يسهر مع اياد فنفس البار و تخلاص عليهم من ق*** لختها ، اما ميرال فرحت كي زادو جاو عندها مروى و لينا ما خلاوهاش وحدها و حكاتلهم على انس من وقت اللي تلاقات بيه فالكافيتربا لوقت وقف معاها و مع عايلتها ، و اليوم تاني راح عندها لانو بابها سمحلو يخرج ، راحو كامل للدار بعد ما دفع انس تكاليف المشفى، دخلو علي لبيتو و عاوناتو حنان بش يتمدد فوف لفراش غطاتو مليح خايفه عليه من البرد
-حنان: على سلامتك ، نورت دارك ، و الله الدنيا ما تسوى بلا بيك
-علي: الله يسلمك ، و سمحولي بزاف
-حنان: بوه عليك يا راجل على واش راح نسمحولك ، نتا راك تاج راسنا ، الدار بلا بيك صامتة ، و درك ما تخمم في والو ريح شويه بيد ما نوجدلك حاجة خفيفه تاكلها 🙂
علي: 🙂🙂🙂
خرجت و خلاتو يريح و هي راحت دير لعشا ، بعد ما حلفت فمروى و لينا يتعشاو معاهم ، دخلت للكوزينة و تبعتها ميرال بصح خرجتها بحجة ما جاياش تخلي صحباتها و حدهم ، قبلت بعد ما قالت لها راح تبعتلها شهد تعاونها ، دخلت للبيت مع لبنات لقات شهد تماك
ميرال : شهودة ، ختيتي معليش تروحي تعاوني ماما فلعشا ، هيا ختيتي تغيشى 🤗
-شهد: امممم علابلك مليح بلي ما نقدرش نقولك لالا 😏
ميرال : 😊
خرجت شهد و خلات لبنات وحدهم يڨصرو مع بعض
لينا : بب واش قررتي؟؟
ميرال : 🤔
لينا : بلا ما تشوفي فيا هكدا علابالك مليح واش قصدي، ماللخر واش قررت دري مع انس !!
مروى : صح انا تاني حابة نعرف، واش رايك فيه؟؟؟
ميرال : معلاباليش ، مازال ما قررت والو ، دوك صاح هو انسان مليح ، شباب، اي وحدة نتمني واحد كيما انس يكون فحياتها ، سيرتو بعد الشى اللي دارو معايا ، بصح😔....
لينا : بصح واش ، واشبيك السيد من بين لبنات خيرك نتي ، و قالك بلي تعجبيه و راه ديما لاصق فيك، واش تحبي تزيدي كتر ، ولا .... كي تجي شي ناس تفكهولك( تقصد ايلول) و وقتها بقاي ندبي على زهرك
مروى : انا تبانلي لينا عندها الحق في هادى ، ما تخلينيش المصفارة تديهولك ، وزيد هو يبقى راجل ما يقدرش يبقى طول حياتو يتبع فيك و انتي تقابليه بالرفض، هاك راح تمسيلو كرامتو و روجولتو
لينا : ايه صح عندك الحق
مروى : صحا ، بيناتنا ، نتي يعجبك ؟
ميرال : ااااه ، هههه يعني وشكون اللي ما يعجبهاش انس المكاوي
مروى : واش يهمني فلخرين ، سقسيتك نتي ، حابة نعرف نتي ادا يعجبك ولا لا مع انو جوابك واضح بصح حابة نسمعها منك
ميرال : اووف 😩 اي صح يعجبني ، كي يقرب مني نحس قلبي راح يحبس ، نحب نشوفو، نحب نكون قريبة لية مثلا دوك ني حابة نسمع صوتو، 😩 اووف يا ربي واشى هدا
لينا : الحب يا روحي
ميرال : لا بب صح يعجبني بصح ماش لهاد الدرجة 😏
لينا : صحا ، قوللي ، مدام نتي تعاجبيه و هو تان يعجبك ، علاه ما تمديش فرصة ليكم علاه راكي غالقة على روحك ، جربي يا ختي ماكي خاسرة والو
مروى : ايه صح، خير ما تخسريه و تندمي
ميرال : علاه ماكوش تسوفو الامور من زاويتي ، انا ما عنديش مشكل مع انس ، بصح مشكلتي مع انس المكاوي
شافو فيها مروى و لينا باستغراب، ما قدروش يستوعبو كلامها،
لينا : دقيقه، دقيقه معليش تفهمي روحك و تفهمينا واش قصدك 🤔
ميرال : (نفخت هزت يدها غلغلت صباعتيها في شعرها) : ايه هو انس المكاوي، ابن اشهر رجل اعمال ، يعني عندو مكانتو و سمعتو فالمجتمع ، بصح انا واش ، ااه ، أنا ما نبان والو قدامو ، و كي قالت ايلول الخدامات الي يخدمو عندهم خير مني😔
لينا : مانيش مأمنة بلي هادي نتي لى راكي تقولى فهاد لكلام 😲
مروى : وين راحت ميرال لعندها تيقة فروحها ، واللي عمرها خلات شي حد يقلل من قيمتها، 😒
ميرال : مانيش نكدب ، نحكي صح ، هو بدراهو قادر يشري قاع الدنيا ، ماشي كيما انا ما نقدرش حتى نرجعلو نص تاع الدراهم الى خلصهم على بابا بلا ما نكذبو على روحنا 😓
لينا : ايييه و من بعد ياك هو اللي جا عندك و قالك تعجبيه وعلابالو كيفاه عايشة، هاد الشي يعني انو هاد المشكل نتاع الفوارق الاجتماعية و الطبقات المخمليه ما تهموش
ميرال : اي علابالي، بصح ...
لينا : بصح واش ااااه السيد حاب يكون معاك نتي و...
ميرال : حتى اذا هو قبل بيا كيف ما راني، واش عمبالك عايلتو راح تخليه يدي وحده كيما انا ،هههه اكيد يماه راح تحلبو واحدة من مستواه، تكون و تكون على ذوقها ، ههههه و لا باباه يكون حاب يزوجو بنت شي صاحبو من رجال الاعمال باش يزيد يكبر اسمو و ثروتو ،
مروى : يا يما شحال معقدة ، مادام السيد ، حاب يكون معاك علاه راكي تصعبي فيها🙄
ميرال : مانيش نصعب فيها، برك مانيش حابة نبني ٱمال و احلام من بعد نفيق و نتصدم بخقيقة الواقع الاليم
غير كمات كلامها دخلت عليهم شهد
-شهد: ماما راهي تعيطلكم العشا راه واجد
ميرال : صحا ختيتو درك نجيو
-شهد: صحا
لينا : شوفي بب انا ...
ميرال : معليش لينا خلي مبعد نحكو دورك ايا رحو نتعشاو
لينا : مييراال ....
مروى : خلاص خليها على راحتها نحكو من بعد 🙂
لينا : اوكي
راحو لبنات و قعدو فوق الطابلة ، كامل ملمومين من غير علي لي داتلو حنان لبيتو و قيس خرج برا يسهر مع صحابو كيما موالف، كملو لعشا و جمعو الطابلة ، هاك زادو قعدو شوية حتى سمعو كلاكصو لبرا ، راحت ميرال طل من شباك لقاتو بابات مروى داخل طموبيلتو يسنى فيها ( يعني مروى ما هم فقرا ما هم اغنياء حالتهم الماديه لباس بها ) ستأذنو مروى و لينا منهم وقفوا عند الباب يودعوا فبعضهم
مروى : بسلامة حبيبة 😘
ميرال : بسلامة
لينا : تصبحي على خير. بب ، و ما تنسايش اللي هدرنا فيه مقبيل ، خمي مليح، 😉
ميرال : ههههه صحا صحا
لينا & مروى : باي
ميرال : باي 😘
ركبت مروى لقدام ، و خداو لينا في طريقهم ، و ميرال دخلت طول لبيتها، بقات تروح و تجي ، مرة تقعد و مرة توقف، تعض في ضفارتها، ى
شافت في لخزانة ، و راحت حلتها ، بقات تحوس بين قشها ، جبدت منها الكارت الي مدهالها انس ديك الخطرة, راحت قعدت على طريف السرير تهز في رجلها
↚
الحلقة 30
قعدت على طرف السرير ، تهز في رجلها و تعض في ضفارتها من الستراس، عدات يديها على شعرها رجعاتو للور ، حطت يدها على قلبها كان يضرب بقوة و تتنفس بصعوبة
ميرال : اااااه باربي هاد الشي صار معيا كي خممت برك نعيطلو ، تسما كي نهدر معاه نسمع صوتو كيفاه😑
بعد مدة من المد والجزر قررت تعيطلو ، كومبوزات نيميروه كان يصوني بصح ما ريبوداش عليها، لعنت كيفاه حتى حطت روحها فموقف كيما هاد ، فهاداك الوقت أنس كان مع اياد فالبار ما سمعوش شاد كاس في يدو 🍺، سارح بعيد يخمم كيفاه حتى مازال ما قبلتش بيه و الاسبوع لي توعد انو يخليها فيه تستسلملو خلاص و حتى شي من اللي خططلو قاعد يمشى ، قاعد يخسر فرهانو ، النار شاعلة فيه🔥 فكرة رفضها ليه و حدها تخليه يفقد صوابه😤 قطع عليه اياد سرحتو كي حط يدو على كتفو و هدر
-اياد: واش يا السي انس ، راني نشوف فيك مش كيما عاويدك ، وزيد هاد اخر ليلة من الاسبوع و لدورك والشبكة مازالها فارغة ، يعني خسرت ما بقالك غير تستعرف وترفع الراية البيضاء
أنس قحرلو ،خص برك يكلو بعينيه لحمور ، يحكي بغش،: فرخة كيما هادي تخليني نخسر و نبان صغير قدامها , هز الكاس وشرب منو فرد مرة،و نفضو على الارض، ولى فتات ، كامل لكانو كانو تم شافو فيه، قرب من اياد يهدن فيه
-اياد: شبيك تهدن شريك ، و الله القصة ما تستاهلش قاع هاد الشي،
أنس : يستهل و نص شاف فالناس الي قاعدة تخزر ليه و قحرلهم دار كل واحد يشوف قدامو و كمل يهدر ، انا لي ڨاع لبنات يتمنوا غير ضحكة مني وهي طفاتني 😤😠 ايييه معليش يا لالاة والله ما راحش نعديهالك بالساهل 🔥
-اياد: واش رايك روحو نكملو السهرة عندي ، و نشوفو كاش زلة منا ندوها معنا هاه واش قولت ( غمزلو😉)
ما جاوبوش وبقا غير يساير فية ، هز جاكيتو و تليفونو ، حس عليه يفيبري شاف فيه كان اسمها مكتوب على الشاشه، مصدقش عيونو ، غمضهم و حكهم باش يتأكد انو ماهوش سكران لدرجة انو يتخايل ، عاود حل عينيه، وشاف فتليفونو و لقاها صح هي اللي قاعد تعيطلو، رفد عليها بلا تخمام
أنس : الو
ميرال : 🤐
أنس : ميرال علابالي بلي نتي
ميرال : حلت عينيها على وسعهم ، و تحكي بتردد : أ.. ألو
أنس : اححم واش راكي صافا
ميرال : صافا حمد الله و انت واش راك؟
أنس : انا ماكنتش مليح، بصح دورك راني مليح كي سمعت صوتك ( يبتسم بشر 😈)
ميرال : انا تانى، ااه قصدي ، يعني انا ، كنت حابة ....
أنس : هي هي هي بلعقل ، بلعقل ، اوكي غير بلعقل و فهمني واش راكي حابة
ميرال : (خذات نفس و حطت يدها على خدها تتحسس فيه تحس وجهها راح يطرطق) سمحلي اذا عيطلك فهاد الوقت ، كنت برك حابة نشكرك على وقفتك معيا فهاد اليومين
أنس : ماشي قلنا ما نعاودوش لهدرة هادي
ميرال : ايه علابالي ، بصح راني حابة نشكرك على طريقتي
أنس : عقد حواجبو و صغر عينيه ، واش قصد معليش تفهمني ؟
ميرال : اذا ما عندكش مانع ني حابة نعرضك غدوى على وقهوة
فديك الدقيقه جا عندو اياد و معاه زوج بنات لمعري كتر من لمغطي باين عليهم عاهرات ، وجا ينطق دارلو بصبعو باه يسكت
أنس : اكيد ، ما عنديش مانع ، بالعكس عندي شحال و انا نسنا فهاد الشي ، قصدي عندي شحال وانا نسناك تعيطلي
ميرال : مالى غدوى كي نتلاقاو راح نحكو
أنس : اوكي
ميرال : غدوى صباح راح نقولك وين نتلاقاو
أنس : اوكي كيما تحبي
ميرال : اوكي صحا مالى انا نخليك تصبح على خير
أنس : وانت بخير ، غدوى ان شاء الله
ميرال : ان شاء الله
كوبات عليه، و بقات تلعن في روحها
ميرال : يا حمارة ، يعني ضروري تقولى لو انا تاني ، ااه واش راح يقول عليك تضرب في راسها ضربات خفاف ، حطت تليفونها على جنب و دخلت تحت لغطا تخمم في انس و كيفاه تتصرف معاه غدوى كي تشوفو حتى داتها عينها و غفات
وهو مشى مع اياد لدارو يكملو مع هادوك الزوج سهرة تاعهم
↚
الحلقة 31
فاق الصبح على صوت تليفونو📱 فوق الطابل دو نوي , مد يدو رفد بلا ما يشوف فيه
أنس : (بصوت كله نوم) الوووو
ميرال : اححممم ، صباح الخير
غير سمع صوتها، بعد التليفون من وذنو شاف فيه و شاف فأسمها المكتوب على الشاشة ، و رجع حطو على وذنو ،
أنس : صباح النور
ميرال : ديزولي واقيل فيقتك !!
أنس : لا ،لا اصلا كنت فايق ، غير مكسل
ميرال : يعني انا عيطلك غير نقول على البلاصة لي راح نتلقاو فيها ،
أنس : اوكي ، راح نبعتلك مسياج و نقولك عليه
أنس : اوكي
ميرال : اذا ما عندكش مشكل ممكن نتلقاو بعد ساعة ، هاك باش نقدر نلحق مبعد الكور تاعي
أنس : زير يدو على شكل قبضة و لز شفافو : اكيد ماشي مشكل ، مالى مبعد ان شاء الله
ميرال : اوكي صحا
كملو لابال و هي بعتتلو البلاصة فالميساج
أنس : بفففف وين جاية هاد لبلاصة ، سور تكون حاجه رخيصة كيفاها ، مزية كاين حاجة اسمها GPS 😏 فالوقت الي كان يحوس على البلاصة ، هي فاقت و كان عاطيها بظهرو العريان ، اللي باين عليه تراس تاع ضفارتها ، لفت روحها بلدرا و قدمت عندو بطراف رجليها و حضناتو كان صدرها لاصق مع ظهرو و يديها تعديهم على صدرو العريان
ميرال : صباح النور بب و طبعت بوسة خفيفه على كتفو
أنس كان عيونو يشوفو بعيد، دورها عندو بحركة عفوية، حط يد على خصرها و اليد لخرا يعدي فيها علي خدها بحنانة، قربها عندو حتي ولى بينتهم بعض السنتميترات، و هي مغمضة عينها مستحلية لاماستو، قربت منو كتر حابة تكمل على الاحساس ببوسة، و هو حبسها كي شدلها فمها بين يديه و يزير عليه.
أنس : ماشى كي فوتي ليلة معيا هاد الشي يخليك تتمادي و تحطي يديك هادو عليا ، كيما نتي كيما غيرك ، نقضي حاجتي بيكم و نرميكم برا فالصباح ، بالمختصر انتهت مدة صلاحيتك ، و عادش حاجتي بيك ، شدها من دراعها جرها لجيهة البوك الموجود فالبيت ، و جمع حوايجها و حطهم بين يدها ، و كمل يهدر
أنس : راح نروح ندوش و كي نكمل ما نحبش نشوف خليقتك
دزها و راح طول يدوش و هي لبست قشها و خرجت .
كمل الدوش تاعو خرج لف منسفة على خصرو ، و شد منشفة خرا بيدو ينشف في شعرو ، راح لخزانة جبد حوايجو لبسهم ( بما انو يبات بزاف مع اياد دونك خلا حوايجو تماك) سڨم شعرو ، رش برفانتو و شاف روحو فلمرايا لاخر مرة بتسم على جنب و خرج قابلو اياد كان لابس شورت و من الفوق عريان ، و في يدو كاس ماء ،
-اياد: وين بيها يا سى شباب ، و الله تقول عليك عريس و رايح يجيب عروستو😂
أنس : بتسم ابتسامه خفيفه 🙂 ماكش بعيد أصحابي،
-اياد: 🤔🤔🤔
أنس : ماشى قلتلك بلي انا جامي نخسر و غير هي اللي طيح فيا
-اياد: دقيقه ، دقيقه ، خليني نفهم ، و ذا ما مانيش غالط راك تهدر على ميرال😯
أنس : هي بذات
-اياد: و كيفاه حتى قبلت بيك ، ماشي غير البارح كنت راح تندب كي ما قبلتش ، و اش صرا ؟؟؟
قحرلو انس : مش انا اللي نندب على نسا فهمت 😏 ، عيطتلي ، و عرضتني نشريوا قهوة كيفيك زعما حابة تشكرني كي وقفت معاها 🙄
-اياد: يتسما مازال ما قبلتش ،هي...
أنس : مادام عيطت سيك راهي قابلة
-اياد: اييه خلي نشوفو
أنس : انا روح , مبعد
-اياد: اوكي
خرج و ركب فالطومبيل ، و ديمارا عندها ، فهداك الوقت مييرال كانت خرجت من الدار ، و ركبت فالبيس رايحة الكافتيريا
↚
الحلقة 32
في قصر المكاوي
قاعد فالجاردان يقرا فالجورنال 📰و فنجان القهوه☕️ محطوط قدامو يقلب فالصفحات قطعت عليه خلوتو و حطت يديها على رقبتو تحضن فيه🤗 و طبعت بوسة طويلة على خدو😘
-رنيم: صباح الخير يا احلى اب فهاد الدنيا
-يوسف: ههههه اممم ، صباح الخير لاحلى و اجمل بنت فهاد الدنيا
-رنيم: ☺️☺️😊
-يوسف:علاش الامير تاعي ما راحتش الجامعة ، ياك ماراكيش مريضة و لا ...
بعدت منو و راحت مقابلتو جبدت كرسى قعدت قدامو
-رنيم: لا بابي ، ما تقلقش روحك ، اليوم نقرا برك لعشية ،
- يوسف: راكي سور
-رنيم: ايه ، ما تتقلقش
-يوسف: كيفاه حبيتني ما نتقلقش على الاميره تاعي👸
-رنيم: ربي يخليك ليا وما يحرمنيش منك يا سلطاني🤴
-يوسف: ان شاء الله
-ملاك: احم احم
دارو في زوج ليها
-ملاك: و الله لا غيرتوني 🙄
-رنيم :شوفو ، شوفو شكون شرف ، السلطانة ملاك👸 بشحمها ولحمها ( و نحنات قدامها)
-يوسف: 😂😂
-ملاك: امممم
دنات عندها رنيم شدتلها يديها الزوج مبعدت طلعتهم و حكمت وجهها و تحكي
-رنيم: اه يا قلبي ، يا احلى ام ، نتي هي الصح ،( و طبعت بوسات على خدودها ) و درك سمحولي زلام نخلي السلطان مع سلطانتو و انا راح نعيط لصاحتبي درات عند يوسف و غمزتلو😉 و بعتتلو بوسة فالهوا😘
-يوسف: 😂😂
-ملاك: مهبولة 😅
تقدمت ملاك عندك يوسف ، و حطت يدها على كتفو تمسح عليها
-ملاك: و الله الطفلة مش حابة تكبر و تستعقل هههه
-يوسف: خليها ، على راحتها
-ملاك: (تمحات الابتسامة من وجهها)خايفة😫
-يوسف: عقد حواجبو ، و حط الجورنال فوق الطابلة : خايفة !! من واشو 🤔
- ملاك: خايفة ، خايفة يجي نهار و تعرف الحقيقية ، تتصدم بها ، خايفة كي يجي هادك النهار ماراحش تسمح لنا ولا تشوف في وجوهنا و...
-يوسف: خلاص ، علاه ديما تخمامك سابقك ، و ديما تحطي هاد الاحتمالات ، انا محال نخلي شعرة منها تتقاس ، وراح نحميكم لاخر نهار فحياتي ما تقلقيش روحك
-ملاك: ربي يدومك تاج فوق راسنا و ما يحرمناش منك
-يوسف: ان شاء يا رب و انتم تان ، نتم كلش في حياتي 🙂
-ملاك: وانس !!!؟
يوسف: 🤔 اكيد ، بالرغم من انو علاقتنا فيها بزاف مشاكل ، بصح يبقى ولدي رغم كلش
-ملاك: ايواه هاد هو قصدي ، رغم كلش يبقى و لدك ،ولدنا ،
-يوسف: اكيد
-ملاك: على هادي راني حابتك تصلح علاقتكم ، لوقتاه تبقاو على هاد الحالة ، و الله قلبي يتقطع من الداخل 😭
-يوسف: علاه في ميزك انا مانيش حاب نصلح علاقتي معاه ، و نريح معاه و نحضنو و تشم ريحتو ، 😖 انا تانى قلبي يوجعني بصح راكي تشوفي شحال من مرة حاولت بصح هو جامي سمعني ، ديما يصدني
-ملاك: سايرو ، صبر عليه
-يوسف: لوقتاه يا ملاك لوقتاه ، راكي تشوفي راه طايش، و هامل ، انسان مغرور ، بصح انا اللي نعرف كيفاه نحطلو رجليه فوق الارض
-ملاك: 🤔🤔 كيفاه ، واش راك ناوي دير ؟
-يوسف: بصراحه ، راني ناوي نقطع عليه المصروف، نلغيلو قاع بطاقات الائتمان، نحليلو مفاتيح الدار اللي شريتهالو ، و مفاتح السياره ، هاك باش يستعقل و نحط حد لغرورو
-ملاك:😨😨 تهز راسها بالنفي ، رود بالك دير هاد الشي يوسف ،
-يوسف: واش قصدك ، علاه لا !!؟
-ملاك: يا يوسف بهاد الطريقة راح تزيد تبعدو و تخليه ينقم كتر و راح تكبر الفجوة
يوسف: بالعكس
-ملاك: الله يخليك ، ما ديرش هاد الشي ، تعيش يوسف😢
-يوسف: بصح...
-ملاك: الله يخليك
-يوسف: اوكي ما ي لا خاطرك ما راح ندير والو، تهدني برك
-ملاك: وعد 😭
-يوسف: وعد
شدها من يدها و يمسح عليها يواسي فيها , بقا معاها حتي تهدنت ، مبعد هو راح الشركة و هي راحت طلعت لبيتها
↚
الحلقة 33
بعد ما وصلت للبلاصة هبطت من البيس🚌 ضمت روحها بالمونطو تاعها ، و دخلت الكافتيريا ، خذات بلاصة و قعدت فالزاوية ، تسسنى فيه ، بعد مدة من الانتظار ، صونا تليفونها ، لقاتو هو و جاوبت عليه
ميرال : الو ، انس ، وين راك ، نشا الله لقيت الكافي وين جاية
أنس : ايه ، ايه راني قريب نوصل ، خمس دقائق برك و نكون عندك
ميرال : اوكي صحا انا راني تم
أنس : اوكي
بقات تخربش فتليفونها تلهي في روحها بيد ما يجي، ما بطاش ، و دخل للكافي ، حوس عليها بعينه ، وهي غير لمحاتو دارتلو بيدها باه يشوفها، قرب منها ، و هي تان قربت شوي منو ،
ميرال : مرحبا بيك 🙂 مدتلو يدها تسلم عليه
أنس : الله يسلمك ، هو تاني مدلها يدو باش يسلم عليها ، بصح فجأها كي قرب يدها من شفافو و طبع بوسة حنينة عليها ، تلبكت و حشمت، خدودها ولو حمورا ☺️
ميرال : اححم ، واش راك صافا (بعدت يدها منو)
أنس : صافا حمد الله و انت واش راكي ؟ واش راه باباك ؟ واش ريح شويه ؟؟؟
ميرال : و غير الحمد ، كتر خير ربي ☺️ اااه 😯 سمحلي خليتك على الواقف تفضل اقعد ( دارتلو الجاست بيدو )
أنس : يعطيك الصحه، وقبل ما يقعد جبدلها قبل كرسي تاعها باه تقعد اللولة تحت شعار السيدات اولا ، قعدو قريب نص ساعه مرة يحكو ، مرة يضحكو ، و مرة يسكتو ، فاتو دقائق وهما ساكتين ، رفد كاس القهوة شرب منو وعاود حطو فوق الطابلة، عدا صبعو على حافة الكاس بعدها تكسر الصمت كي نطقو في زوج
ميرال : أنس
أنس : ميرال
شافو فبعضهم و ضحكو في زوج
ميرال : نسمع فيك
أنس : لا هدري نتي قبل
ميرال : قبل ما تهدر سڨمت قبل قعدتها، رجعت شعرها ورا وذنها، و تفرك فصبعتها، كان باين متوترة ، خذات نفس من قلبها عاد نتقطت
ميرال : قبل ما تخرج في حياتي كان عندي احلام بسيطه، كنت برك حاب ننجح ، نكمل قرايتي و كنت حابة نولي اخصائيه نفسية ، كنت كل ما نشوف واحد مهموم ولا موجوع نحب نواسيه، معلاباليش ، ملي كنت صغير نحب نسمع لغيري ، وخطرات نبكي معاهم،كيما تقولي ماما يعز عليك النكد و النديب هههه ، كنت مانسمحش لاي واحد من الجنس الاخر يقرب مني كنت غالقة على روحي بحجة الاهداف اللي حابة نحققهم ، بصح من اليوم اللى شفتك فيه و دخلت حياتي و ليت نشوف الامور من جيهة وحدة خرى...
أنس : واش قصدك، كيفاه زعما
↚
الحلقة 34
ميرال : يعني.. انا.. ، قصدي ، يعني بفضلك قدرت نشوف حوايجك فروحي ما كنتش نعرفهم
أنس : (عقد حواجبو) واشنو هما هاد لحوايج؟؟؟
ميرال : مثلا ، انو عرفت واش هو احساس انو نعجب و احد و... و يعجبني ☺️
عينيه تحلو على وسعهم😳 مش مأمن الشي اللي يسمع فيه ،
أنس : هاااه ، هاد الشي اللي نسمع فيه صح كاين منو ؟؟؟ ، عجبتك!!!؟
ميرال : ماراحش نكدب عليك و نقولك لالا ، اي صح تعجبني بزاف ، و اي طفلة تتمني تكون معاك
أنس : وانا نحب نكون معاك نتي ماشى مع اي وحدة ، هز يدو و حطها على يدها
ميرال : انا ما كنتش نعطي الاهمية لها لحوايج، كنت برك نحب نكمل قرايتي و نحقق الاهداف تاعي، بصح دوك كلش يتبدل فحياتي بفضلك نتا ، تبدل لدرجة اني نحسك هدف من الاهداف تاعي، حابة نكون معاك، نعيش معاك كل دقيقة، حابة نجرب
أنس : يعني نقدر نفهم من كلامك هاد قبلتي عرضي، قبلتي تكوني معايا !!؟
ميرال : مش قلتلي قبل راك حاب تحل صفحة جديده في حياتك و تكتب حكاية جديدة ،
أنس : ايييه
ميرال : وانا تاني حاب نكون ضمن هاد لحكاية ، يعني حكايتنا انا وياك 😊
أنس : ايه راح نكتبو حكايات مش غير وحدة ، قام من بلاصتو و راح جيهتها، شدها من كتفها و خلاها توقف مقابلاتو هز يدو رجعلها خصلات شعرها ورا وذها ، مبعد خضن وجهها بين يديه و يحكي
أنس : معاك نتي صفحة ماتكفيش ، للازمني كتاب، نوعدك نخليك تعشى حكايات جامي تخيلتها فحياتك، صدقيني خليتني نكون اسعد واحد فالدنيا ، و جامي تندمي على هاد الشي ، حط شفافو على جبينها طبع بوسة ، هي تاني مغمضة عينها حطت يدها على صدرو ، مستحلية قربو منها، شافو فبعضهم و هو يعدي صباعو على خدها
أنس : ماراح تقولي والو !!
ميرال : ما عرفتش واش نقول😊😊
أنس : اححم يعنى مثلا ، واش راكي حاسة كي رانا مع بعض ، يعني انا حبيبك ، و انتي حبيبتي ، ااااه
ميرال : (عينيها تحلو 😳 ) كييفاه ، ح.. حبيبي 😊
أنس : ايه من اليوم راكي حبيبتي
ميرال : رمات عينيها يمين ويسار ، هبطت عينها تشوف فالازض ، انا ... أنا لازم نروح عندي كور دوك لازم نلحق عليه
أنس : راكي تتهربي
ميرال : لا تاع صح لازم روح
أنس : اوكي بصح انا نوصلك
ميرال : لا غير مكالاه ، وزيد الفاك راهي قريبة
أنس : و يكون ، ما راحش نخلي حبيتي تروح وحدها من نهار لول
ميرال : اوكي
راحو ركبو فالطومبيل، وما بطاوش و كانو قدام باب الجامعة،
ميرال : انا نشكرك بزاف على
أنس : معليش تحكي معايا بلا رسميات ، راك رانا مع بعض
ميرال : 😊
أنس : 🙂
ميرال : مالى نخليك ، لازم ندخل نحكو من بعد
أنس : اوكي، تهلاي فروحك ، من بعد نعيطلك
ميرال : اوكي
نحات السانتور و جات تخرج حبست و دارت عندو
ميرال : حابة نفهم حاجة
أنس : خير
ميرال : يعنى كنت تعرف عليا وعلى حياتي كلش كيفاه حتى ما قدرتش تجيب نيميرو تاعي و تعيطلي نتا ، علاه ستنيت حتى نعيطلك انا ؟؟
ضحك على كلامها و يشوف فيها
أنس : من نيتك تسقسي فيا ، صح كان عندي نيميرو تاع حفظتو ، بصح راكي قولتيها ، كنت نسنى فيك نتي تعيطلي ، يعني ما كنتش حاب نضغط عليك و خليتك تخمي على راحتك ، فهمتي دوك علاه
ميرال : امممم ، فهمت
أنس : هيا مالى ، روحي دخلي
ميرال : اوكي صحا
خرجت من الطموبيل باش تدخل و هو باش يتبع فيها بعينيه حتى دخلت، سند راسو على المقعد و بتسم على جنب
أنس : برافو عليك يا أنس برافو هاي طاحت الفرخة بين يدك 🙂و الله جابلي ربي رح نتسلى كتير ، حط يديه على الفولون ، بدا يصفر يعبر عن فرحتو ، شعل المحرك و تحرك
↚
الحلقة 35
فاتو شهرين ، خلاص الشتاء و حل فصل الربيع ببهائه و جماله ، فصل فيه تنتكتب حكايات جديدة ، شهرين و حكاية ميرال و أنس كل يوم تزيد تكبر ، صاروا قراب لبعضهم و الحب يوم بعد يوم يكبر، لكن مع الاسف هاد الحب من طرف واحد 💔 ، ايه نعم انس فهاد الشهرين خلا ميرال توثق فيه كتر و تتعلق به و تحبو ، صح مازال ما عترفتلوش بمشاعرها لانها تستنى فالوقت المناسب ، فهاد المدة اللي فاتت تربع على عرش قلبها ، كانت كل ما يكون عندها فراغ ولا كي تكمل قرايتها يروحو كيف كيف ، ما يخلاو حتى بلاصة بحر ، جبل ، مدينة الملاهي، يعني ما يفوتوش و لا فرصة يكونو فيها مع بعض 👩❤️💋👨
كانت قاعده فطوموبيلتها تسنى فيه ، جبدت تليفون تعيطلو بصح مايجاوبش، لمحاتو من بعيد كي نزل من سيارتو ، تقدم جيهتها و دخل الطموبيل
-ايلول: اوووف واش بيك من صباح راني نعيطلك ، ساعة و انا نسنى فيك ، يا لطيف ، مرة واحده ، مرة واحده فحياتك كن انسان دقيق (تهدر و تاكل في روحها)
-اياد: صباح النور، صافا حمد، سوال عليك ؟ 🙄
-ايلول: مانيش نلعب معاك ، اوكي و ...
-اياد: بن عمي واش بيه جدك نتي صراعتلي راسي صباح ربي ، خير واش كاين ، و ذا ماكيش ناوية تحكي خلني نروح 😤😤
-ايلول: 😳😳 اوكي ، اوكي
-اياد: خير واش صرا حتى جبتني صباح ربي !!!
-ايلول: اححم ، راني حابة تعاوني
-اياد: شاف فيها و مدة مبعد ضحك على كلامها 😂😂
-ايلول: علاه راك تضحك 😏😏
-اياد: هههه والله يعطيك الصحه ضحكتني هههه 😂
-ايلول: ايه ولا لا ؟؟؟
-اياد: 😳😳 منك صح ، انا نعونك نتي !!!!
-ايلول: ايه
-اياد: علابلك واش راكي تهدري ولا لا ، يعنى انا وياك ، كي القط و الفار، النار و الماء، السالب و الموجب، اذا نتي تشوفي حاجة كحلة انا نشوفها بيضا، ما نقدروش ما نتفاهموش على اصغر حاجة بالمختصر ما تحملني ما نحملك ، راكي حابة نعونك😳
-ايلول : هاااه برافو راك قدرت توصفنا بطريقه رائعه ( تصفقلو بيدها👏) بصح ماشى هذا هو المفيد
-اياد ( سكت مدة يخزر بعيد مبعد هدر) و واش راكي حابة مني ، فاش نعاونك ؟!!!
-ايلول: هاااه ، ايواااه
هزلها راسو بمعنى واش
-ايلول: احم ، أنس
-اياد: 😯😯 واش بيه انس
-ايلول: ماشي راه مع هاديك لمبهدلة ، الطماعة
-اياد: قصدك ميرال !!
-ايلول: ايه هي واشكون من غيرها😠
-اياد: ايييه و مبعد !!!
-ايلول: راني حابة تعاوني نفرقهم ، راني حابة نبعدها عليه على حياتو ، ماعدش نقدر نتحمل نشوفها فالبلاصة اللي لازم نكون انا فيها، انا درت كلش غير باش يكون أنس ليا ، و هي دخلت بيناتنا و بعداتو عليا
-اياد: بلا ما تكدبي على روحك ، أنس جامي دارك في بالو نتي لي ضلي لاصقة فيه
-ايلول: على خاطر نحبو ، نعشق فيه، هو كلش بالنسبه لي و اذا ما كانش ليا عمري ما نخليه لوحدة غيري ، نفضل نشوفو ميت ولا يكون لوحدة خلاف فهمتمني 😠😠
-اياد: علابلك انس ماشى من النوع اللي يفتح قلبو ، محال يحبك لا نتي لا غيرك
-ايلول: كيفاه 😳😳
-اياد: ايه كيما سمعتي
-ايلول: اوكي اذا قولنا انا ما يحبنيش ، و هي ، واش محلها في حياتو ، علاه مازالو معاها اذا ما يحبهاش !!!
-اياد: سهلة ، نزوة من نزواتو ،
-ايلول: 😳😯😯 معليش تفهمني ، واش راه يدير معها حتى لدوك مدامها نزوة ؟
-اياد: خلي نفهمك، بالنسبه لأنس ميرال مجرد رهان ،
-ايلول: ايييه !!!
-اياد: يعني تراهنا عليها ، هو راح يخليها طيح فيه و تعشقو وكي تعترفلو يرميها كيما اللي قبلها ، هاد هي لحكاية
-ايلول ( عينيها تحلو و هي تسمع لكلامو😮) صار هاكدا
-اياد: اييه
-ايلول: ايواااه ، هاد خبر يفرح
- -اياد: ايه اذا ما عندكش حاجة خلاف انا نروح
-ايلول: ايه روح، روح ( دارتلو بيدها)
- -اياد: حل الباب باش يخرج و دار عندها ، اااه حاجة اخرى ، ننصحك نتي تاني ما تحلميش بزاف و خرجيه من بالك ، لانو انس محال يكون ليك 😉
-ايلول: ماشي شغلك هادا و ما نصايحك خليهم لروحك اوكي ، 😏🙄
- -اياد: بلا مزية 😉
-ايلول: 😑😠
راح اياد و خلها ، تعاود في كلامو ، و تبتسم ،
-ايلول: و الله يا سي أنس طلعت ماشي ساهل ، ايييه يا لمبهدلة واش راه يسنى فيك ، هههههههه شاه فيك تستهلي 😏
بقات مدة تحكي مع روحها من بعد حركت الطموبيل و راحت
↚
الحلقة 36
بعيدا عن ضجيج المدينة ، و بالضبط في قارب في وسط البحر كاتب قاعدة على حافة القارب تشوف فلبحر ، ضامة روحها بيديها و شعرها يطير فالريح ، قطع عليها سرحتها كي ضمها من اللور ، صدرو لاصق مع ضهرها حط ، ذقنو علي كتفها ، وهي حطت يدها على خدو تعديها عليه،، قرب راسو دخلو في رقبتها حط شفافو عليها يطبع عليها في بوسات ، غمضت عينيها عجبها قربو منها نفاسو السخون الي يضرب في رقبتها مع ريحة برفانو الي حفظتها رهجوها،
أنس : عجبك المنظر هاد
ميرال : هزتلو براسها بالايجاب
ميرال : اي مكان تكون فيه نتا اكيد راح يعجبني
أنس : امم ، يعني حتى لو كان اخر مكان فهاد الدنيا
ميرال : اكيد ، و نروح معاك ، مش حابة نعيش حياة ما تكونش فيها نتا ، حياتي بلا بيك ما عندها حتى معنى ، راني كاش نهار نفطن نلقى روحي نحلم ، ونتا تكون بعيد عليا و ...
دورها عندو حط وجهها بين يديها يشوف في عينيها و يحكي
أنس : علاه نبعد عليك مثلا !!!
ميرال : معلاباليش ، كاين بزاف اسباب
أنس : و اللي منهم !!!
ميرال : عايلتك
أنس : 🤔
ميرال : ما تشوفش فيا هكدا ، على خاطر علابلك واش قصدي
أنس : واش قصدك ؟؟؟
ميرال : اكيد عايلتك بأسمها ، مكانتكم الاجتماعية، و سمعتكم فالسوق ماراحش يقبلو بوحدة كيما انا
أنس : علاه واشبيك نتي
ميرال : ههههه تمسخر بيا واقيل ، باينة كي الشمس ، ما يقبلوش بواحدة مش من مستواك ،
أنس : دوك راكي معايا و لا مع عايلتي ، و زيد علابلك مليح هاد التفاهات ما يعنولي والو ،
ميرال : بلا ما نبقاو نكذبو على رواحنا ، هادي هي الحقيقه، انا ماشي من مستواك ، هاد الشي راح يكون عائق كبير بيناتنا ،
أنس : ما راحش يكون ، هادي حياتي و انا اللي نقرر مع من راح نكمل حياتي
ميرال : بالنسبه ليك ساهل ، بصح ...
أنس : بصح واش، 😏 علاه راكي تدوري فالهدرة ، اذا كاش ما كاين قوليها و خلاص 😏
ميرال : واش راح يكون زعما !!!؟
أنس : هاد السؤال سقسيه لروحك ماشى ليا 🙄😏
ميرال : علاه راك تهدر معيا هكدا 😢
أنس : شوفي قبل نتي واش راكي تهدري ، علاه ما تقوليش ماللخر خلينا نحبسو هنا و كل واحد يشد طرقو و خلا....
-ميرال ( حطت يدها على شفايفو) : ششششت ، خلاص ما نكملش ، انا عمري ولا كان هاد قصدي ، انا كنت برك خايفة ما يقبلونيش ، بالاخص يماك ، اكيد هي نتمنى لك واحده على ذوقها، و انت اكيد ما راحش تكسر كلامها على جال وحدة ما عندكش بزاف ملي تعرفها و ...
أنس : ( وجهو تبدل و عينيه ولاو حمورا) بلعي عليا هاد السوجي
ميرال : علاه
طفاها ، خلاها و راح قغد على البونك اللي تم ، و يشوف فلارض ، و يهز فرجلو ، شافت فيه و قربت منو تفهم علاه تقلق و تبدلت حالتو ، حطت يدها على يدو، وهو نترها بالزربة ، حلت عينيها 😳من الجاست تاعو مصدومه ، يعني لهاد الدرجة ما عجبوش كلامها
↚
الحلقة 37
ميرال : أنس يا روحي واش كاين،😦 علاه تقلقت لهاد الدرجة
أنس : 😡
ميرال : أنس
أنس : واشنو ، هااه ، بصح فهمني برك ، علاه نتي دايراة هاكدا ، اه علاه ديما تحبي دخلي روحك و تنبشي في صوالح خطيك ، علاه راسك خشين
ميرال : (عينيها تعمرو بدموع 😢و مشوكيه من كلامو) ماشي ذنبي اذا اللي نحكي فيه صح ،
أنس : ماشي صح (بلعياط)
ميرال : علاه ، فهمني
أنس : على خاطر يما انا ميتة ،فهمتي دوك ، ولا نفهمك كتر 😡
بلعت ريقها و عينها تحلو 😳 حتى لكلام و تلفلها
ميرال : كك.. كي.. كيفاااش !!!!
أنس : ساكت و يشوف برك فالارض
ميرال : سمحلي بزاف ، انا مكانش علابالي، انا تاع الصح ...
أنس : معليش تخليني وحدي
ميرال : بصح ...
أنس : مييراال حاب نقعد وحدي
ميرال : طاحت دمعة سخونة على خدها 😭 اوكي
ناضت من بلاصتها ودخلت للداخل ، وهو يفكر في يماه ، يسقسى في روحو كيفاه راح تكون حياتو لوكان مازالها عايشة،حتي و لو كان انسان مش مليح بصح يماه نقطة صغفو ،
بعدة راحت عندو ، لقاتو كيما خلاتو، قربت منو تلعب بطرف تريكو تاعها وتفرك في صباعتها، قعدت قدامو و هو ما دار حتى حركة ، شدتلو يدو تحكي و عيونها تعمرو بدموع 😭
ميرال : سمحلي
أنس : 🤐
ميرال : والله ما كانش قصدي 😭😭😭
أنس : علاه راكي تبكي ( هدر بلا ما يشوف فيها)
ميرال : شاف فيها حط يدو على خدها يمسحلها فدموعها
أنس : ششششت خلاص ، ما صرا والو، خلاص
ميرال : يعني ماكش زعفان
أنس : لا ، علاه نزعف ، سكت مدة، و قربها عندو دخلها في صدرو و يمسح لها في شعرها و كمل كلامو ، خلاص ما كان والو ، و بلاكي تزيدي تبكي قدامي ،
هزتلو براسها بالايجاب، بعدها عليه شوية قرب منها و جبينو على متاعها، غمض عينيه باسها من عينها، زاد وحدة على نفيها ، وحدة على خدها جنب شفافها، ، حل عينيه شافها كيفاه كانت مغمضة عينيها ، وكبشت يديها في تريكو تاعو، قرب شفافو و حطهم على شفافها يمص فيهم و يتفنن عكسها هي اللي كانت برك تساير فيه ، فهم عليها انو اول مره ، هاد الشي زاد شاعلو 🔥 هز يدو ورا رقبتها ، غرسها في شعرها، و اليد لخرا هزلها يدها و حطها على رقبتو و كأنو يعلم فيها و غرقو في بوسة عميقة
↚
الحلقة 38
ما بعدش عليها غير كي حس النفس راحلها، حكم وجهها بين يديها يرد فالنفس و هي كانت ترمي في عينيها بعيد و خدودها حماروا من الحشمة و هبطت راسها، طلعهالو بصبعو و باسها من جبينها
ميرال : لازم نولو راح الحال
أنس : امممم ، راح الحال ولا حشمتي
ميرال : لا ، برك...
أنس : ههههه خلاص ما تقولي والو
ميرال : أأأنس (قحرتلو)
أنس : حلاص هاني سكت
ميرال : تعمل مليح
أنس : ارواحي عندي حبيبي ارواحي
فتحلها دراعو و هي حطت راسها على صدرو يمسحلها على شعرها، بقاو هاك حتى وصلوا ، ركبو فالطومبيل و وصلها الحومة تاعهم ،
أنس : قبل ما ننسى غدوى عيد الميلاد تاعي ، و قالي اياد بلي الجماعه راهم يوجدولي سهرة ، يعني نتمنى تجي معيا ...
ميرال : تحكي من نيتك ، علاه انا نقدر ننسى حاجة تخصك
أنس : ياعمري
ميرال : بصح ، من وين خرجلتي بالسهرة هادي ، علابلك مليح ماراحش نقدر نخرج فالليل
أنس : علابالي ، بصح شوفي كيفاه ديري ، شوفي كاش سبه و لا كدبة ، مثلا قوللهم تباني عند وحدة من صحباتك
ميرال : يعني راك حاب نكدب عليهم ياك
أنس : زعما ما يهونش علاجالى ،
ميرال : ماشكيتش راح نقدر ، واعرة
أنس : اذا صح راكي حابة تجي معيا راح تجي ، صدقني كانو كل عام يديرولي هاد الحفلة بصح انا ما تروحش ، بصح هاد الخطرة حاب نروح بصح ماشي وحدي ، حاب تكوني معيا ، هادي اول مرة نحب تحتفل فيها بعيد ميلاى ، على خاطر راكي معيا ، ماراحش نحس بالوحدة كيما كل عام ، فهمتي !!!
ميرال : اوكي ، خلاص ، راح نجي معاك ، ما تقلقش روحك
أنس : ايواااه ، الله يخليك ليا حبيبى ( طبع بوسة طويله على خدها) يا روحي شكرا فرحتني بزاف
ميرال : أنس
أنس : يا روح انس
ميرال : اححم انا لازم روح تعطلت بزاف 🙂
أنس : اااااه صح ، روحي مبعد نعيطلك
ميرال : باي
أنس : هوب هوب ، وين راكي هاربة
ميرال : واش بيك راح روح للدار
أنس : قبل ما تروحي ما نسيتي والو🙄
ميرال : ماشي وقتها
أنس : ما يهمنيش انا
قربلها خدو تبوسو ، رمات عينيها تحوس اذا كاش واحد يشوفهم ، مبعد باستو من خدو
أنس : ايواااه ، هاك راح نرقد آلاز
ميرال : مهبول
أنس : بيك
ميرال : باي
أنس : تهلاي
راحت ميرال دخلت لدارهم و هو شعل المحرك و راح
↚
الحلقة 39
اشراقة شمش تدل على صباح جديد، بدات تحل في عينيها ، و تتمايل في فراشها ، تبسمت لا اراديا كي تفكرت كيفا كانو البارح قراب لبعضهم ، تفكرت كي باسو بعضهم ، حطت يدها على شفافها تتحسس فيهم ،
ميرال : معقول تعلقت فيك لهاد الدرجة , اوووف زيد لازم نقنع ماما تخليني نبات مع مروى 😑 دارت يدها تحت لمخدة و جبدت تليفون تعيط
ميرال : الو بب صباح الخير واش راكي !!
مروى : صباح النور ، لاباس ، غير الخير علاه راكي تعيطي مع صباح
ميرال : خير ، يعني برك مسحقاتك
مروى : خير واش بيك
ميرال : صراحه اليوم لانيفرسر تاع انس
مروى : ييوووه لعقوبة لميات العام
ميرال : ان شاء الله
مروى : قولي راكي مسحقة دراهم !!
ميرال : لا لا لا ماشي قضية دراهم ، يعني انا...
مروى : اهدري واش كاين حيرتني معاك
ميرال : شوفي حبيبتي صحاب انس دارلو سهرة قالي حاب يروح بصح ادا رحت معاه
مروى : ايييبه
ميرال : علابلك بلي ما نقدرش نخرج فالليل ، انا كنت حابة نقول لماما راح نبات عندك
مروى : يعني راح تكدبي على طاطا حنان ياك؟؟
ميرال : اوووف 😩 صدقيني انا تانى مش حابة بصح ، الله غالب ،
مروى : يعني راكي حابة ترويحي معاه
ميرال : 🤐
مروى : اكي فهمت ، اوكي ماشى مشكل خليها عليا
ميرال : يعني نفهم انت قبلتي
مروى : علاه نقدر نقولك لالا ،
ميرال : يااااه ، نموت عليك
مروى : امممم هاديك قبل ، دوك كاين لي صح تموتي عليه
ميرال : مروووى
مروى : تحبيه لهاد الدرجة !!!
ميرال : تبسمت ، غمضت عينيها و حطت يدها على قلبها لي كان يدق بسرعة : ايه ، نحبو فوق ما تتصوري ، راني حابة نعترفلو هاد الليلة
مروى : من وقتاه وليتي رومانسيه ، والله يطلع منك ، وين كنتي مخبية ڨاع هاد الشي😍
ميرال : ههههه ما نعرفش ، بصح نعرف بلي الحب يخلي الانسان تبدل
مروى : امممم ، خلصني من كلام الرومانسي ، وخلينا نوجدو رواحنا ، نتلقاوا فالجامعة
ميرال : اوكي
مروى : اااه قبل ما ننسى مكالاه تجيبى معاك واش تلبسى ، خليها عليا
ميرال : ربي ما يحرمنيش منك بب
مروى : بلا مزية بب ، مالى نتلقاو من بعد
ميرال : اوكي، ان شاء الله
راحت وجدت روحها ، بعد ما قنعت يماها تخليها تبات عند مروى اللى عيطتلها هي تاني و قنعتها ، بعد ما كملت قرايتها تلاقات مع أنس كملو نهارهم كيف كيف حتى لحقت لعشية ،
ميرال : انا راح نروح ، نتلقاو لعشية
أنس : اوكي بصح خليني نوصلك
ميرال : لا لا مكلاه ، والدها يكونو فالدار دوك ، مانيش حابة يشوفوك
أنس : و كيفاه راح تخرجي لعشية مادام باباها و يماها تم
ميرال : ما تقلقش روحك ، قالتلي مروى راح يروحو لعشية لدار جدها يعني نقدر نخرج
أنس : هاااه اوكي ،كي عاد هاك خلاص مالى
ميرال : اوكي لعشية ان شاء الله
راحت و هو تبعها بعينه ، ربع يديه و سند راسو على المقعد
أنس : لعشية نشوفو ادا راح تبقى الضحكة هاديك و لا ، عندي شحال و انا نسنى فهاد النهار ، و ماعدش قادر نصبر كتر ، بقى مدة ساكت يشوف بعيد مبعد راح للدار
↚
الحلقة 40
واقفة قدام لمرايا تشوف في روحها ، الروب الكحلة اللي برزت انوثتها واتتها ، حتى مشطت شعرها زادت فيها النص ، مكياجها خفيف مع انو جمالها طبيعي، سارحة في تفكريها حتى دخلت عليها مروى اللى عينيها وساعو كي شافتها 😮
مروى : بسم الله ماشاء الله ، واشنو هاد اللي قدامي 😍 يااااه عمري تهبلي تهبلي خموس عليك 😍😘
ميرال : راكي تزيدي عليها علابلك
مروى : علاه نتي لي راكي تشوفي ولا انا ، و زيد خلي نسيبنا يقولنا رايو ، هادا اذا ما تلفتلوش الهدرة كي يشوفوك
ميرال : نسيبك 🤔
مروى : اييه (غمزتلها😉)
ميرال : اممم ، مغسي بب هاد الشي ڤاع بفضلك ، ماكنتش علابالي واش راح ندير لوكان ماكنتيش هنا ، شكرا
مروى : يوووه واش هاد الهدرة ، رانا حبابات ولا بطلنا 🙂
ميرال : لا ماشي حبابات ، رانا خواتات
مروى : صح ، عندك حق ، ربي ما يحرمناش من بعض
ميرال : ان شاء الله
مروى : ايييه ، خلاص دوك نبكي ، ايا دوك طيري
ميرال : اوكي اوكي ، راني رايحة
مروى : بون سواغي
ميرال : مغسي بب 😘
راحت خرجت قبالة للبلاصة الي تفاهمو نتلاقاو فيها ، شافت ، سياره كاحلة مڨارية ، قر بت منها خرج منها واحد الراجل
👤انسة ميرال !!
ميرال : نعم
👤 أنا شوفور تاع السي أنس ،قالي نوصلك معيا
ميرال : يعني هو اللي بعتك
👤ايه
ميرال : وعلاش ماشي هو اللي جا !!!
👤 معلاباليش ، تقدري تسقييه نتي ، تفضلي
حللها باب تاع اللور و هو تاني زاد ركب ، شعل المحرك و ديمارا
بعد مده وصلو لبلاصة الى ندارت فيها الحفلة ، خرج الشوفور و حللها الباب ، خرجت مقابلة البلاصة الي كان عبارة عن ديسكو ، حطت يدها على قلبها الي كان راح يخرج من بلاصتو . تشجعت و تقربت من الباب ، قابلوها ليڨارد حبسوها ما خلاوهاش تدخل على خاطر ما كانش عندها دعوة ،
الڨارد: ديزولي يا انسة ، اذا عندك دعوة تدخلي، اذا ما عندكش لا ، هاد هي التعليمات و انا راني نطبق فيهم
ميرال : علاه ماكش حاب تفهم انا راني مدعوة من طرف انس المكاوي تعيش خليني ندخل
-لڨارد: اذا راكي حابة تدخل روحي جيبي الدعوة ، و درك خلينا نشوفو شغلنا 😏 و ....
قطع عليه كلمو كي هدر من اللور كي قالو بلي ما تحتاجش دعوة باه تدخل شافو فيه في زوج وهو قرب من الڨارد و يحكي
↚
الحلقة 41
-اياد: الآنسة ميرال ما تحتاجش دعوة ، راهي ضيفة مهمة ( يهدر وعينيه ما نحاوهمش من ميرال)
-لڨارد: سمحلي سى اياد ماكانش علابالي ( و هبط راسو)
-اياد: تفضلي انسة ميرال
ميرال : (تبسمتلو و دخلت معاه ) يعطيك الصحه ، مزية اللي جيت ما حبش يقتنع
-اياد: بلا مزية ما درت والو ، قرب شويه منها ، بقا يشوف فيها حتى خلاها تتلبك من نظراتو
ميرال : اححم ، واش رايك ندخلو ، انس راه يسنى فيا
-اياد: فاق من سارحتو ، و دور راسو ، اكيد ، عندو بزاااف و هو يسنى فيك ، يالله
ميرال : ايه
-اياد: بالمناسبه، راكي تهبلي ، شابة بزاف ، و الروب خرجت عليك
ميرال : (حشمت من كلامو) شكرا
دخل وهي تبعاتو تمشي موراه ، تشوف فالناس اللى تم ، الي واحد يرقص ، واحد يشرب ، و الاخر يبوس ، صوت الموسيقى كان قوي ، و الانور شبه منعدمة ، دورت راسها تتمعن فالمكان ، اللي ما يناسبهاش ، هاد ماشي المحيط تاعها تفكرت يماها اللي كذبت عليها و هي في بالها راهي عند مروى، حست روحها مش مرتاحه لدرجة انو قررت تروح ، شدت في طرف الروب و دارت جيهة الباب تزرب في مشيتها حابة تخرج بصح حبسها صوتو
أنس : ميرال
بقات مسمرة في بلاصتها تزير على الروب من الستراس، دارت عندو غير بشوية، شاف فيها و عينيه تحلو، لاول مرة تلبك قدامها، ما يقدرش ينكر انو هي أية من الجمال، قرب منها يشوف في عينيها اللي يلمعو بالرغم من انو النور خافت
أنس : تهبلي 😍😍 واشنو هاد كامل حبيبي ، وين كان مخبي هاد الشي
ميرال : شكرا حشمتني
شدلها يديها في زوح هزهم و حط شفافو يد باسها من بعد ياس اليد لخرا
أنس : كنتي رايحة ؟؟؟
ميرال : لا ، برك كنت متلبكة شويه
أنس : متلبكة !!! علاه ؟؟
ميرال : يعني تعرف انو هاد الاجواء جديده عليا ماشى متعودة عليهم ، و زبد كي ما شفتكش تقلقت كتر
أنس : اممم و دورك مازالكي مقلقة !!
هزتلو براسها بالنفي
ميرال : كي نكون معاك ننسى كلش
أنس : اممم ، مالى خلينا ندخلو نكملو الحفلة معاهم ، مبعد حاب نكونو وحدنا عندي بزاف حوايج حاب نقولهم لك
ميرال : صغرت عينيها ، اممم واش راك حاب تقولي 🤔
أنس : اممم يعني ما تقدريش تصبري ، خلي كي نكونو وحدنا اوكي ( قرصها من خدها)
ميرال : اوكي
شدلها يدها و دخلو، كانو كامل يشوفو فيهم ، لبنات كامل حسدوها شى من جمالها و انقتها وشى من قربها من أنس المكاوي ، و تمناوا يكونو في بلاصتها
↚
الحلقة 42
جابو الكعك طفا الشموع و ميرال كانت غير لاصقة فيه من الستراس ما حبتش تبعد منو ، دارو موسيقى هاديه مدلها يدو باش ترقص معاه ، شافت فيه و مدتلو يدها هي تاني ، حط يدو على خصرها و هي يديها دورتهم على رقبتو ، بدوا يتميلو على نغمة الموسيقى ، حط جبينو على جبينها ، غرست راسها في رقبتو تشم فى ريحتو و كانها راح تشم فيها لاخر مرة ، كانت كل الانظار عليهم
أنس : اييه وين راه لكادو تاعي
ميرال : اممم صراحه ما جبتلكش كادو بصح حابة نقولك حاجة
أنس : واشنو هاد الحاجة الي تنسني فالكادو تاعي
ميرال : انس ... أنا ... انا نحبك
أنس : 😳
ميرال : شدت وجهو بين يديها و شافت في عينيه و كملت كلامها: ايه انس ، انا نحبك ، نعشق فيك ، انت احلى حاجة في حياتي كنت حابة نقلك من قبل بصح ما لقيتش الفرصة ، واليوم قررت نقولك
أنس : صح واش راني نسمع فيه!!!
هزتلو براسها و تضحك
أنس : هاد الشي افضل من الف هدية اصلا نتي هي اجمل هديه في حياتي ، كلامو خلا عيونها يدمعو و يلا ما تحس غرست راسها في صدرو تخضن فيه ، بعدها مسح لها دموعها بصبعو
أنس : واش رايك نروحو علابالي ماكيش آلاز
ميرال : هزتلو براسها بالايجاب ، اي خلينا نروحو ،
أنس : اوكي ، بصح نشربو كاش حاجة قبل ، ريقي نشف
ميرال : اوكي ماشى مشكل
راحو ولاو لبلاصتهم ، جابلهم زوج كيسان عصير شربهم و خرجوا كان يمشي بالزربة و هي كانت تكركر في رجليها اللي كانو مش حاملينها ، حست بفشلة و راسها راح يدور ، قرب منها ، حللها باب الطموبيل و ركبها ، حتى هو زاد ركب ، شدت راسها بيديها تهدر بسيف
ميرال : را... ني.. , أأأنس ، راس...ي.. يد....ا..نس 😵
أنس : مكان والو ، دوك تفوتك
ميرال : انا... حا..سة روحي دا..يخة ....
ما جات تكمل هدرتها حتى غمضت عينيها و داخت
↚
الحلقة 44
حلت عينيها بسيف ، حاسة راسها راح تطرطق ، دورت عيونها و تشوف لاقت روحها متسطحة فوق سرير ، دورت راسها شافتو كيفاه وافق يشوف من الشباك ، عطيها بالظهر
ميرال : انس !!!
عقد حواجبو و بقا على نفس الوضعية ، من بعد دار عندها
أنس : صحا النوم
ميرال : أنس ، واش راني ندير هنا ، دار تاع من هادي ، واش صرا ، (حط يدها على راسها ) اوووف نسيت ماني شافية على والو ، انس واش صرا !!!
أنس (يهدر ببرود) : دختي
ميرال : هاااه ، دخت ؛ كيفاه حتي دخت
خزر فيها و تفكر كيفاه حتى داخت
فلاش باك🔃
-اياد: راك متأكد من الشى اللي راح ديرو !!!
أنس : ايه عند شحال و انا نسنى فهاد النهار
-اياد: اوكي شريك
أنس : وقتاه يبدا مفعول تاع الدواء
-اياد: تقدر تقول خمس دقائق من اللي تشربو
أنس : وقتاه تفطن
-اياد: معلاباليش بلاك بعد ساعة و لا زوج
أنس : اوكي دير خدمتك مالى
-اياد: اوكي كيما تحب .
نهاية الفلاش باك
ميرال : انس يا روحي راني نهدر معك شبيك ساكت ، !! قربت منو و هو رجع خطوة للور ، تصدمت من الجاست تاعو ،
ميرال : شبيك !!
كان ساكت غير يخزر فيها
ميرال : واشبيك ، أنس راك تخوف فيا حكيلي واش صرا!!!
أنس : لحكاية خلاصت
ميرال : لحكاية ، !!! واش من حكاية ؟ واش قصدك ، ما فهمتش 😧😠
أنس : ماشي مشكل دوك نفهمك 😏 راح نسقسيك ، قولي لي في بالك صح انا و نتي تقدرو نكونو كيف كيف
ميرال : واش هاد السؤال تاني ما رانا مع بعض و نحبو بعض ياك من قبيل...
أنس : كاش نهار قلتلك بلي نحبك !!؟
ميرال : اااااه ، كيفاه😮
أنس : قولي لي كاش نهار قلتلك بلي انا نحبك و لا 😒
ميرال : بقات غير ساكتة و عينيها تعمرو بدموع
أنس : ايييبه و لا لا ، اهدري 😠
ميرال : لا (تهز راسها بالنفي)
أنس : ايواااه ، شفتي كيفاه ، خلاصت حكايتنا ، أووبس ، قصدي حكايتك نتي وحدك ، على خاطر انا ما تعنيلي والو ،
ميرال : انس واشبيك علاه راك تحكي هاك ، اذا راك تتمسخر برك ، غير قولي على خاطر ما سامط
أنس : تبسم على جنب😏 صح تقدري تقولي كنت نتمسخر ، واشنو برك كنت نتمسخر بيك مش نتمسخر معاك ،
ميرال : مستحيل ، ياك ، مستحيل
أنس : شفتك درتك في راسي ، راهنت عليك مع اياد ، وكيما راكي تشوفي ربحت 😏
ميرال : لا . ما يمكنش ، لا ،لا ,لا واش هاد الهدرة
أنس : الله انا اللي عندي قولتو ، وهدرة خلاف ما عنديش، هاااه قبل ما ننسى شكرا على خاطر راكي مديتلي افضل هدية اليوم ، خليتني نربح الرهان و دوك خلاصت لحكاية
↚
الحلقة 45
حطت يدها على وذنيها
كأنها تحاول ما تسمعش لكلامو ، تهز فراسها بلا ، صدمتها فيه كانت كبيرة كلامو قاعد يذبح فيها ، فالوقت لي كانت هي تبني و تخطط لمستقبل هم مع بعض هو قاعد يضحك عليها و يلعب عليها و صدمها بحقيقتو ، شافت فيه و قربت منو ، حطت وجهو بين يديه عيونها الذابلانين يشوفو فعينيه اللي كلهم شر تشوف فيه و تهز براسها بالنفي و تهدر
ميرال : انس ، يا روحي ، هاه ، شوف فيا أنا حبيبتك ميرال ، واشبيك ، واش صرا لك ، ياخي صباح برك كنت مليح 😭 هاه علاه دوك تحكي فهاد لكلام 😢 ، اكيد ، اكيد عايلتك اللى رفضني و راك مجبور تحكي هاك باش بعد عليك ياك !! ها قولي و نوعدك جامي....
نترلها يديها و دزها بعيد طاحت على الارض
أنس : حتى واحد ما سيف عليا حابة ، انا ، أنس المكاوي ، بكل قواي العقلية ، نعترف انو انت كنتي ليا مجرد لعبة، مجرد رهان كان لازم عليا نربحو باي ثمن على خاطر انس المكاوي جامي فحياتو خسر ، واش رايك في كلامي ( فتح يده و هز راسو )
ناضت من بلاصتها تقدمت عندو تهدر تشوف فعينيه
ميرال : الله يأخد فيك الحق، واحد رخيس، و ما تسواش، نتا ماشي راجل يا عرة الرجال الله لا تربحك الله لا تربحك ( تضرب فيه على صدرو) حيوااااان .....
قبل ما تكمل كلامها عطاها كف خلاها طيح فالازض ، نزل لمستواها و شدها من شعرها و يزير عليه
أنس : عاودي واش قلتي ، انا ماشي راجل ؟😡 ياك ، ارواحي نرويلك اذا راجل و لالا ، يقا شدها من شعرها و يكركر فيها جيهة السرير ، و هي تبعدو عليها بصح كان اقوى منها ، لحقها السرير و دزها فوقو ...
↚
الحلقة 46
دزها فوق السرير ، و عطاها زوج كفوف خلاو وذنيها يصفرو شدلها فمها بين يديها و يزير عليه
أنس : شكون اللي ماشي راجل ااااه ، شكون الحيوان ، ااااه اهدري
ميرال : بعد مني ، بعد حيوان و نص ، بعد مني
أنس : عينو ولاو حمورا ، والنار شاعلة فيهم 🔥 حيوان اااه ، دوك نوريلك الحيوانات واش دير
حط يديه على الروب تاعها و نحهلها و هي تبعد فيه ، خلاها بالملابس الداخليه و هي تحاول تستر في روحها ،
ميرال : انس الله يخليك ما تغلطش ، الله يخليك بعد مني و خليني نروح ، و الله ما نزيد نخرج في طريقك ، انس ، الله يخليك ما تكسرنيش 😭😭
كانت نترجي بصح هو كانو مش سامع بيها خلاص ، الغش عمالو عينيه ، غرس راسو في رقبتها يبوس فيها حط شفافو على متاعها يمص فيهم ، بعدها هبط لرقبتها ، و صدرها نحلها السوتيان ، حطت يدها على صدرها تغطي فيه ، نحلها يدها و هو غطس راسو فيه يبوس و يمص فية ، حط يد على صدرها يزير عليه و اليد لخرا هبطها لتحت حاب ينحيلها ، حطت يدها على يدو وهي تترجى فيه
ميرال : انس لا ، انس ما ديرهاش ، تعيش ، 😭😭😭 ، تحلل فيه يبعد عليها بصح بلا فايدة ، حتى حست بحاجة سخونة دخلت فيها ، دخلو فيها ضربة وحده ، نزل دم عذريتها ، خلاها تشهق شى من وجيعة قلبها و شي من وجيعة لتحت بالرغم انها حاولت تسدو لكن كان اقوى منها ، غتصبها بكل وحشية بلا ما يراعي انو هاد اول مرة ، زاد وجيعة على قلبها ، بعد ما كسرهلو ، ما كفاهش انو حطملها قلبها وزاد حطلمها عذريتها و خذالها شرفها ، نزلت دمعه سخونة من عينها 😭 بقات تشوف في جيهة وحده و كانها دخلت في صدمة ، ناض من فوقها و راح لبس سروالو ، قرب من جيهة الباب باش يخرج دار عندها
أنس : نقدر نقول هاد المرة اللعبة كملت ، game over وخرج بلا ما يزيد كلمة ، و عارضو اياد يشوف فيه استغراب
-اياد: واش صرا ؟؟؟
أنس : واش راح يصرا زعما انا لعبت و ربحت و توجت الفوز تاعي 🙄
-اياد: يعني درتها
أنس : ايه ، و ذا راك حاب دوق لعسل ماشي مشكل خذت راحتك انا نروح ندوش (غمزلو😉)
شاف فيه اياد مصدوم ، قرب من البيت حط يدو على البواني تاع الباب و حلو ، دخل و لقاها على طرف السرير تحاول تلبس في الروب تاعها، تنفضت من بلاصتها كي شافتو
ميرال : واش راك دير هنا ، خرج منا ، ما تقربش مني ، بعد ، 😭 لكن مع الاسف هو تاني طفها ، و تسكرو وذنيه كي شاف تفاصيل جسمها ، خلات النار تشعل فيه 🔥 حس بسخانة في جسمو تحرق فية ، قرب منها كتر و جات تهرب شدها من رجلها يجرها تحتو ، غطس راسو في رقبتها يطبع بوسات ، زاد غرس راسو في صدرها يمص فية و يعض، كانو حيونح مفترس ، و هي في غير تعيط و تترجى فيه ، صوتها صراخها ملا الدار ، هو كل ما تعيط تزيد تشعلو ، كان راح يدخلو فيها و حبس كي تحل الباب و حبسو صوتو ...
↚
الحلقة 47
أنس : اياااد , قرب منو و شدو من دراعو و بعدو منها
-اياد: خير واش كاين!!!
أنس : روح
-اياد: كيفاه!!!
أنس : قلتلك روح ، اللعب خلاص
-اياد: ااااه واقيل غضاتك ، هاااه و ندمت ، ياك نتا اللي قلت لي روح دوق لعسل ، ااااه واش تبدل
أنس : بلا هدرة زايدة ، روح و غدوى نعيطلك
-اياد: اوكي ، كيما تحب 😏
خرج و خلاهم مع بعض ، شاف فيها كانت مغطية روحها باللدرا ضامة روحها و رجليها قربتهم لصدرها ، قرب منها خطوة و هي زادت فالبكي 😭😭
ميرال : حدك تماك ، ما تقربش مني ، خليني نروح ، 😭 واش مازال تحوس من عندي 😭 علاه حرام عليك واش درتلك انا 😭 علاه الله خذك فيك الحق ...
أنس : مش حاب نسمع حسك ، صدعتلي راسى ،
ميرال : حيوان
أنس : شدلها فكها يزير عليه يحكي و يزير في سنانو : على حساب واش راني نشوف مازال ما حفظتيش الدرس ، راسك قاسح ، وزني كلامك و ما تخلينيش نعاود نوريلك الحيوانات واش تقدر دير ، و دوك سمعني مليح اللى صرا فهاد البيت يموت هنا ، و بلاك تلعبيها شاطرة و تروحي تشكي بيا ، على خاطر غير نتي الي راح تنضري ، واش راح تقليلهم تعدي عليا و زاد خلا صاحبو يدنى ليا ، اااه ما نوصيكش على خاطر تخيلى لوكان يسمع العاجز تاع باباك مارحش يتحمل قلبو وراح يروح فيها 😉
ميرال : كيفاه حتى غلط فيك ، كيفاه ما عرفتش حقيقتك ، كيفاااااااه
أنس : لانك تحبيني ، و عينيك تعمتي ، ودرك خلني من نديب تاعك و خرجي عليا مش حاب نزيد نشوف خليقتك 😤 تخنقت منك ، روحي قبل ما ... رووووحي
ميرال : 😭
دزها فوق لفراش و خرج و هي جمعت قوتها و لبست قشها ، حابة تهرب منو قبل ما يرجع ، خرجت من الدار
↚
الحلقة 48
خرجت تزرب في مشيتها حتى فرجليها ما لبستش ، خرجت بلحفا كان همها تهرب منو ، تمشى و تككرك في رجليها ، دموعها ما حبسوش ، حتى خرجت الطريق العام ، كانت الساعه تقريبا 23 الطريق كانت شبه فارغة ، من كترة ما تمشات بالحفا رجليها
طابو من الجروح الدم يسيل منهم ، بصح ما حستح بالوجيعة ، هاد الشي طبيعي ما الجرح اللى في رجليها ما يبان والو قدام الجرح اللي في قلبها ، ما كفاهش كدب عليها و تعدى عليها خذالها اغلى حاجه تملكها، زاد عليها خلى صاحبو بدخل عليها و يلمسها ، يعني لوكان ماشى الى تخلق عبثا فطن في اخر دقيقة كان هو تاني كان غتصبها ، اي خيانة هادى ، اي انعدام وجدان هاد ، كيفاه حتى تعمات بيه ، واش راح يكون مصيرها دوك ، واش راح تقول لعائلتها ، الف سؤال جا في بالها ، فاقت من سرحتها على انعكاس ضوء تاع سيارة تضرب في عينيها ، حطت يديها عليهم ، بقات واقفه في بلاصتها مرعوبة ، كل جسمها يترعد ، تحل الباب تاع طموبيل ، لمحت خيال يقرب منها ، كل ما يقرب خطوة هي تولي خطوة للور ، جات تهرب حبست في بلاصتها كي سمعت صوت مرا تسقسي فيها
-ملاك: خير بنتي لباس ؟؟ واش راكي ديري هنا وحدك ؟؟
ميرال : ...
-ملاك شافت في رجليها المجروحين و حالتها، التراس على جسمها حطت يدها على فمها و فهمت بلي تعرصت للاغتصاب قربت منها وجات تحط يدها عليها ، تنفضت و رجعت للور
-ملاك: صحا ، خلاص ما تخافيش ، ما راح ندير لك والو ، اوكي ، تهدني برك ، ما تخافيش بنتى مكان والو راني هنا
قربت منها حطت يدها عليها حست بيها كيفاه ترجف ، حضنتها و بقات تزير عليها و هي بقات غير ساكتة تبكي ، 😭 و حتي ملاك تبكي معها
-ملاك: ارواحي معيا ، ماراح ندرلك والو😭 و زيد ماشى صح تبقاي وحدك فطريق فهاد الوقت واش قلتي !!
ميرال : هزتلها راسها بالايجاب 😭
-ملاك: هيا ، بقات تمشي فيها للطموبيل ، دخلتها و طلبت من الشفور يديهم لمركز الشرطة يشكو
ميرال : (تهز براسها بالنفي ) لا لا ، لا لا ماروحش ،
-ملاك: علاه لازم تقدمي شكوة ، اللي دارلك هاد الشي راح يحاسب ، ما تخافي من والو القانون راح يحميكي.
ميرال : لالا ، مش حابة نشكي ، خليني ، جات تحل الباب تخرج حبستها
-ملاك: خلاص ، خلاص ، ما نروحوش للمركز ، كيما تحبي ، بصح خليني على الاقل نديك للسبيطار ، لازم يشوفك طبيب ،
ميرال : ماروحش ( تهز راسها)
-ملاك: شوفي علابالي واش راكي تحسي ، الشي اللي راكي تمري فيه ماشي ساهل ، خليني نعاونك ، راح نورحو عندي للدار تريحي و غدوى نشوفو واش راح نديرو !!
ميرال : مروى ، ديني عند مروى ، حابة روح عند مروى 😢😢
-ملاك: اوكي ، اوكي ماتقلقيش روحك راح نديك عند مروى 😢
داتها ملاك عند مروى بعد ما عطتلها العنوان تاعها ، طريق كامل و هي ي
ساندة راسها على الشباك ، حتي دموعها نشفو ، و ماعدتش تبكي ، هي تبحلق بعينها اللى طابو قاعدة غير تشوف فيها ، قسمت لها قلبها 💔 دموعها خانوها ، طفلة كيف الوردة حياتها دمرت على يد متخلف ، كيفاه راح تقدر تتحمل الشى اللي صار معها ، فاقت من سرحتها على صوت لفران ، و الطموبيل حبست ، دارت عند ميرال لقاتها على نفس الوضعية
-ملاك: هنا !!
ميرال : 🤐
-ملاك: شوفي بنتي ، علابالي الشي اللي صار معك صعيب بزاف ، ماشي اي واحدة قادرة نتحمل ، ابشع شي ممكن تتعرضلو المراة ، قد ما نحكي ما نقدرش نواسيك ، لكن على الاقل خليني نعاونك و نوقف معاك ، نتي ....
ميرال : حتى واحد ما يقدر يعاوني ، حتى ما يقدر يطفى النار اللى شعلة فيا ،
حلت الباب و خرجت تمشى لجيهة الدار ، خرجت مورها ملاك تهدر معها
-ملاك: ربي يكون معك في محنتك يا بنتي ، ما تخافيش ما راحش نخليك وحدك ، و اللي دارك هاد الشي اكيد راح يخلصها غالية😢
خلاتها تحكي بلا ما دور عندها ، مسحت دموعها و ركبت ركبت فالطومبيل و راحت
↚
الحلقة 49
حطت يدها على الباب طبطب ، ما بطاتش و حلها لها مروى الباب ، كانت راسمة ابتسامة على وجهها ، فجاة ختفت الابتسامة ، كي شافت حالتها ، عيونها حمورا ، وجهها شاحب ، شفافها بياض شافت في رجليها المجروحين ، تشوف فى نقطة وحدة تقول عليها جثة بلا روح ،
مروى : مييراال
ما جاوبتهاش و دخلت طول للداخل، سكرت الباب و و تبعتها تسقسى فيها
مروى : ميرال، ميرال، ميرال، شوفي فيا (شدتلها وجهها بين يديها) يا روحي وشيبك ، واش صرا لك ، واشبيها حالتك ، 😨 ما تخوفينيش عليك، كاش ما قلك انس ، ولا كاش ما دارلك !!
غير سمعت اسمو حطت يدها على وذنيها تعيط بهسترية
ميرال : سكتي ، سكتي ، حطت يديها على الروب تاعها قطتعتها و طاحت على ركابها تبكي 😭 نزلت مروى لمستواها عينيها تحلو كي شافت لتراس تاع اليدين في كل بلاصة في جسمها ، ولحمها كامل زرق شهقت و حطت يديها على فمها تهز براسها بالنفي قربت منها كتر و حضنتها بقوة
مروى : شكونو ، شكون دارلك هاد الشي 😭
على سؤالها جازو ڨاع اللقطات بين عينها ، بقات تهز في روحها و تبكي
ميرال : انا ... انا دمرت، دمرت، حياتي دمرت
مروى : شكون دارلك هاد الشي ، الله يخد فيه الحق ، وانس علابلو بهاد الشى هاااه !!
ميرال : 😭
مروى : بعدتها عليها شويه ، شدتلها وجهها بين يديها تحكي معها، شوفي فيا ، ما تقوليش برك اللي راني نخخمم فيه ، صح ، هاااه ؟
ميرال : 😭
مروى : ه..هو.. ياك !!
ميرال : هزتلها راسها بالايجاب و زادت فالبكي😭😭
مروى : حضنتها بقوة تحكي و دموعها غلبوها : اه ياربي ، اه الله لا تربحو ، حيوان ، 😭
ناضت و نوضتها معاها ، داتها للدوش🛀 نحتلها حوايجها باش تدوشلها ، بدات غسلها حالتها و شعرها ، و هي كانت غير ساكتة و تشوف في نقطة وحدة ، تقول شى راهي فعالم واحد أخر ، مرة تبكي ، و مره تضحك ، وتلعب بيديها و هي تغني، من الصدمة كانت تتصرف كي المهبولة كانت تغسلها فجاة دخلت في حالة هسترية نحتلها الكاسة من يديها ، تحك في جلدها بقوة ، حابة تمحي كل بلاصة مسها تحك لدرجة خلات لحمها يولي حمر ،😭😭 شدتها مروى تهدي فيها تتخبط بين يديها يبكو في زوج ، ما بعدتش عليها غير كيف حست عليها هدات ، شللتها و حطت عليها الكاب و خرجتها ، داتها للبيت لبستلها بيجامة من بعد نشفتلها شعرها ،دخلتها تحت لغطا تمسحلها في شعرها ، بقات معاها حتى غفات
↚
الحلقة 50
لحقت للقصر و حالها مهدودة ، حالة
ميرال قطعتلها قلبها ، 💔 طلعت لبيتها و رجليها يرجفو شدت فالحيط تكركر في رجليها جات طيح شدها من كتافها ،
-يوسف: ملاك, 😨 واشبيك ، غير لخير راكي مليحة !!!
-ملاك: هزتلو براسها بالنفي
دخلها للبيت و قعدها على طرف السرير ، صبلها كاس ماء شربت منو شوي ، حطت يديها على رقبتها تتنفس بسيف شارتلو بيدها على جيهة البالكو تحب تشم هوا حست البيت خنقتها ، جرها لجيهة البالكو ، تتنفس بصعوبة و يوسف عقلو طار مافهمش واش وصلها لهاديك الحالة
-يوسف: ملاك صافا شويه !!!!
-ملاك،: ايه ، ايه ، صافا😩
-يوسف: ارواحي ، اقعدي ( قعدها على لفراش) شدلها يديها اللي كانو يرجفو ، ملاك حكيلي واش صرا !!
خذات نفس و شافت في عينيه تحكي بغضة
-ملاك: والله حرام ، طفلة مازالها صغيرة 😢
-يوسف: (عقد حواجبو) شكون ؟؟؟ و اش من طفلة ! مسحت دموعها و حطت يدها على قلبها ، تشجعت وحكات
-ملاك: كي كنت راجعة ، شفت طفلة فطريق ، كانت حالتها مهولة ،
-يوسف: ايييه واش بيها !
-ملاك: تعداو عليها 😭 خداو لها شرفها ، حطمولها حياتها 😭
-يوسف: ششششت خلاص ، تهدني ، خلاص
-ملاك: كيفاه راح تقدر تكمل حياتها ، واش راح دير و الله مازالها صغيرة
- يوسف: تعرفيها ؟؟؟
-ملاك: ما نعرفهاش
-يوسف: صحا قولي لي قدمتوا شكوى !! رحتو لابوليس ؟
-ملاك: يا ريت ، ياريت
-يوسف: علاه
-ملاك: ما حبتش ، كانت خايفه
- -يوسف: شفتي كيفاه ، اذا كل وحدة تتعرض للاغتصاب و تسكت فهاد الحالة راح يصير الحق عليها ، مادام راهي تتصتر على المجرم
-ملاك: واش من تستر !! راني نقولك الطفلة كانت خايفه، خاااايفة
-يوسف : ما عندها واش تخاف ، القانون راح يحميها
-ملاك: علابلك واش ؟؟ ماراحش نقدر تفهم ،
-يوسف: نتي اللي ماكيش حابة تفهمني ، هاد الشي اللي راكي تسميه نتي بالخوف ،انا نسميه بالعجز ، و انتي تاني فهاد الوقت كنتي عاجزة، خترتي تكوني عاجزة على انك تدافعي على روحك مع الاسف 😒
حلت عينيها و ناضت من السرير ، تحكي بهسترية
-ملاك: ايه ، ايه كنت عاجزة، لدرجة اني ما قدرتش ندافع على روحي و نحاسب اللى خذالي شرفي ، عاجزة لدرجة انو قبلت نجيب طفلة ، ضحية اغتصاب ، انا كنت عاجزة لدرجة انو كنت ديما نخاف كاش نهار تعرف الح و ما تسامحنيش 😭، انا اللي كنت عاجزة لدرجة اني خليت ولدي انس يبعد عليا على خاطر يماك ديما تهدد فيا برنيم ، حتي دورك كنت عاجزة اني نعاون طفلة كانت بحاتي 😭
خلاتو مصدوم ، ماكنش متوقع انو تكون ردة فعلها بهاد الطريقة ، حضنها بقوة ، يمسحلها على ظهرها ،. هي غير تبكي😭
-يوسف: خلاص ، سمحلي ، مكانش قصدي ، تهدني ،
-ملاك: يوووسف 😭
-يوسف: يا روح يوسف.
-ملاك: تعيش ، ادا صح تحبني خلينا نعونو الطفلة ، اذا ، اذا تحب نتا عاونها برك من بعيد ، بصح ، انا ما تقوليش لا لا ، يعيشك ، خليني نوقف معها 😭
- -يوسف: اكيد ، لازم تعاونيها ، بصح كيفاه ،مادم راكي تقولي ما تعرفيش الطفلة ؟ وين راح تلقايها؟؟
-ملاك: صح ما نعرفهاش بصح انا لوصلتها للدار يعني نعرف وين نلقاها
-يوسف: مليح هاك على الاقل ما ضيعيش وقتك من غدوى روحي طلي عليها ، و كاش ما تسحق قولي لي , نفاهمنا ؟؟؟
-ملاك: ايه ، يعطيك الصحه ، ربي يخليك ليا يا احن راحل فهاد الدنيا
-يوسف: ااه يا مولات القلب ، ربي يخليك ليا تاني ، و قبل ما ننسى مبعد نتفاهمو على حكاية تاع يما و التهديدات ماراحش نعديها بالساهل هاني قلتك 😒
-ملاك: الله يخليك ، ما تقولها والو ، مش حابة تزيد تتعقد كتر ، و تقول عليا راني نحرش فيك
-يوسف: لا راكي غالطة ، صح هي يما على عيني و راسي بصح ماراحش نسمحلها تدخل بيناتنا ولا بين ولادي ، رنيم بنتي كيف ما انس ولدي 😤
-ملاك : الله يخليك ، ما تقولها والو تعيش
-يوسف: اوووف ملاك اوف ، علاه ديما تخليني نسكت ، اوووف ، راح نسكت هاد الخطرة ، بصح اذا شفت حاجة. ما عجبتنيش ما راحش نضمنلك راني قولت لك من دورك 😏
-ملاك: ما تخافش ما راح يصرا والو. تهنى
-يوسف: أن شاء الله، هيا روحي غسلى وجهك و رواحي تريحي باينة عليك عيانة
-ملاك: اوكي صح عندك الحق
راحت غسلت وجهها و يديها ، لبست ثوب النوم و دخلت تحت لغطا تتفكر الشى اللي صار حتى داتها عينها و غفات
↚
الحلقة 51
صباح اخر ، يحمل معه احداث جديده بحلة سوداء خاصة على ميرال اللي بدات تحل في عينيها بسيف ، من كتر لبكي مش قادرة تشوف مليح ، تفكرت الشي اللي صار معاها البارح تنفضت من بلاصتها بقوة الشي اللي خلا مروى تفيق مفزوعة ، 😨 ، كانت تهز في راسها يمين ويسار بهسترية قربت منها مروى باش تهديها دزتها و خرجت من البيت تجري ،و هي تبع فيها ، دخلت للكوزينة حلت الرفوف تقلب فيهم ، هزت موس بين يديها🗡️ حطتو على شرينها ، جات مروى تقرب منها كي شافتها بهاديك الحالة حبستها كي عيطت عليها
ميرال : خليك في بلاصتك 😡 ، بلاكي تقربي ، بعدي عليا
مروى : ميرال ، يا روحي ، تهدني ، اوكي ، عطيني الموس ، وخلينا نلقاوي حل مع بعض ، هاتي حبيبة
ميرال : سكتي ، ماشى اللي يجي يقولي تهدني ، ماراحش نهدا ، حياتي خلاص دمرت 😭 دمرت سمعتيييني
مروى : علابالي الشي اللي راكي تمري فيه ماشي ساهل ، صعيب بزاف😩
ميرال : و انا الشى اللي صار معيا ماشى حرام ، اااه ،
مروى : بصح انك تنهي حياتك بيديك حرام ، وزيد ما فكرتيش فماماك ، و باباك ، اه و شهد مسحقاتك ، خمي فيا أنا ، و لينا ، اااه يالله هاتي ، و ما تقطعيش ايمانك بربي ، يا الله
ميرال : راكي غالطة ، ادا عرفو هاد الشي راح يتبروا مني و يكرهوني و انا نفضل نموت على انهم يشوفوني بنظرة كره
مروى : واشبيك واش راكي تهدري ، ما كان حتى واحد راح يكرهك ، راح نكونو ديما معاك ، صدقيني 😭 و دوك سمعي كلامي و عطيني الموس ( مدتلها يدها)
ميرال : كلام ساهل بصح لوكان جيتي في بلاصتي ما كنتش راح تحكي هكدا ، ياريت لو كان نقدر نشوف الامور من زاويتك ، بصح الله غالب ربي يسمحلي ، ما نقدرش، سمحلي بزاف مروى ، و قولي ليما بابا يسمحلي و شهد تاني ، لينا ، وحتي قيس قولي لو راني سامحتك و قوليلو بالرغم من كلش تبقى خويا ، 😭 زيرت على الموس و عداتها على شرينها حتى سال الدم من يدها ، جرات عندها مروي نترتلها الموس و رماتو بعيد و شدتلها يديها تبكي 😭
مروى : يا ربي واش درتي😱 ، علاه ميرال علاه😭 ، يا ربي واش ندير ، 😭
كانت يدها تنزف براف ، راحت مروى جابت فولار و لفاتو على يدها ، وجهها شاحب و ذابل ، و بدات تغمض عينيها ،كن الدوخة ، ومروى من خوفها عليها تضرب فيها على خدها و تهدر معها
مروى : ميرال ، فتحي عيونك ، بقاي معيا ، ميرال الله يخليك ما غلقيش عيونك 😭😭
ميرال : سم..حلي.. مر... ماكملتش كلامها حتى غلقت عينيها و فقدت وعيها
مروى : مي.. ميرال ، تضربها بكفوف باش تفيقها 😨 ميرال راكي تسمعي فيا يا الله ختي حلي ، حلي عينيك يا الله ، ميرال ، مييييراال
هزت تليفونونها تعيط الاسعاف حتي سمعت الباب يندق
↚
الحلقة 52
حلت الباب حالتها مهولة 😨، وجهها صفر ، يديها توسخو كامل بالدم و تبكي😭
-ملاك: انا ... أنا جيت نشوف الطفلة اللي ... لبارح انا ... ( الهدرة تلفتها،من جهة ما نعرفش الطفلة اللي تحوس عليها ، و من جيهة تخلعت من حالة الطفلة
مروى : ش.. شكون نتي !! ( تحكي و تمسح في دموعها)
-ملاك: خير بنتي ، راكي مليحة !!
مروى : (هزتلها راسها بالنفي ) لا ، خالتي تعيشي عاونيني ، تعيشي ، راح تموت ، 😭
-ملاك: بلعقل ، بلعقل ، و فهمني واش كاين ، شكون اللي راح تموت!!
مروى : صاحبتي ، صاحبتي داخل نتحرت 😭
-ملاك:( راح بالها عند ميرال) وشنو😨😱، وين ، وين راهي !!😨
دخلتها مروى و راحو طول للكوزينة حلت عينيها من الصدمة ، كانت راقدة تقول عليها ميتة ، قربت منها قعدت على ركابها و حطتلها راسها عليهم عدات يديها على وجهها تمسح لها
-ملاك: اه يا بنتي واش درتي اه 😢 حطت صباعتيها على رقبتها تتحسس فيها
-ملاك: يا الله ، عايشة ، مازالها عايشة ،
مروى : صح ،!! عايشة ؟؟(تبكي و تضحك )
-ملاك: ايه ، ايه ، ناضت وجات تخرج عرضتها
مروى : خالتو وين راكي رايحه ، تعيشي ما تخلينيش ، تعيشي عاونيني😭
-ملاك: دوك نولي ، ستناي
جرجت و عيطت الشوفور ، يجي يعاونها ، دخلو ، وهو هز ميرال و دخلها للطموبيل ، طارو بيها للسبيطار.
كي لحقو للسبيطار ، دخلوها لبلوك ، و هوما قعدو يستناو برا حطين يديهم على قلوبهم ، في داك الوقت لحقت لينا بعد ما عيطتلها مروى فالطريق ، دخلت تجري ، شافتها مروى و جرات جيهتها ، ترماو في حضن بعض يبكوا على صحبتهم
لينا : وين راهي؟ ، راهي مليح ياك ؟ قولي
مروى : راهي داخل ، فالبلوك ، حتى دورك ما قالولنا والو 😭
لينا : واش صرا معها ، علاه دارت هاد الشي ، فهمني ؟؟؟
مروى : دمرت الطفله ، خلاص
لينا : علاه واش صرا. ، نطقي 😨
جبدتها على جنب و بعدو على ملاك شويه
مروى : اغتصاب ، تعدى عليها يا لينا ، قضى على حياتها 😭 بسيتو ميرال راهي داخل
لينا : اغتصاب!!!😨 واش راكي تهدري ااااه 😢 شكون هدا ، شكون اللي دارلها هاد الشي 😭
مروى : هو
لينا : شكووون
مروى : أنس المكاوي
حلت عينيها من الصدمة ، كان اخر انسان تتوقع منو هاد الشي
لينا : لا ، لا مستحيل ، واش راكي تخرفي نتي ، واشبيك ، عارفة واش راكي تقولي ، هدا انس ، لوكان تسمعك ميرال تحكي عليه راح تزغف عليك راني نقولك
مروى : راني نقولك هو ، خدعها ، و تعدى عليها
لينا : ياربي واش هاد المصيبة ، من وين طاحت ، يا ربي
مروى : معلاباليش ، المهم عندي تبرا ميرال و تخرج سلامات من بعد نشوفو حل مع بعض 😢
لينا : ايه ايه ، صح ، بصح والله راح يخلصها غالية، ما راحش يفلت منها راح يخلصها😡
مروى : اهم شي نكونو جنبها و ما نخلوهاش وحدها ، خصوصا بعد الشي اللي دارتو اليوم
لينا : عندك الحق ، لازم نوقفو معاها .
هوما يحكو و خرجت الطبيب ، و جروا عندو يسقسو فيه
لينا : دكتور واش راهي ؟
مروى : راهي مليحة ياك
-ملاك: دكتور واش راهي حالتها ؟!!
-دكتور: تهدنوا ، المريضة خسرت بزاف دم ، بصح دارنلها اللازم و حالتها مستقرة دورك
مروى : الحمد لله يا رب
لينا : اوووف الحمد لله
-ملاك: الف حمد وشكر ليك يارب 😫
مروى : دكتور نقدرو نشوفها
-دكتور: ماشي دورك لازم ننقلوها لغرفة اخرى ، من بعد تقدرو تشوفوها
مروى : صحا ، شكرا بزاف دكتور
-دكتور: بلا مزية راني درت واجبي ، بصح كيما علاباكم هادي محاولة انتحار يعني لازم لها مراقبة خاصة ولا راح تحاول تعاودها
لينا : ايه ، ايه راح نراقبها مليح شكرا
-دكتور: على سلامتها
راح الطبيب و خلاهم يتنفسوا الصعداء ، رغم كل شيء فرحو كي رحعتلهم صديقة روحهم و ختهم
↚
الحلقة 53
راقدة على السرير ، و الخيوط دايربن بها، ضمدلها يدها ، بدات تفيق وتحل في عينيها قابلها السقف ، دورت عينيها في الغرفة تفهم وين راهي ، بعد مدة ستوعبت بلي راهي فالسبيطار ، ومحاولتها بالانتحار باءت بالفشل ، سمعت في صوت يهدر معها و يدين يمسحولها علي وجهها
مروى و ميرال : حبيبتي واش راكي تحسي، راكي مليحة !!؟
لينا : ميرو يا عمري على سلامتك ، خوفتينا عليك
ميرال : علاه ؟؟
مروى و لينا شافو فبعضهم ما فهموش قصدها
ميرال : علاه، علاه ما خلتونش نموت علاه ، ااااه علاااااه😥😭
قربو منها في زوح حضنوها يبكو في ثلاثه 😭😭
لينا : علاه راكي تحكي هاك ، علاه ما خممتيش فينا حنا و في عايلتك ، علاه راكي أنانية لهاد الدرجة. 😭
مروى : ليييينااا
ميرال : 😭
لينا (هزت يدها عداتها على شعرها من بعد قربت منها تحكي) : ميرال سمحلي يا روحي ما كانش قصدي و الله من خوفي عليك هدرت هاك سمحلي 😭
مروى : جامي نخلوك ، رانا معاك ،
لينا : ايه راح نتجاوزو هاد الشي مع بعض ، نتي برك خليك قوية كيما كنتي ، ما تضعفيش، و قوي ايمانك بالله 😭
ميرال : سمحولي ، ماكانش قصدي نخوفكم ، ماكانش عندي حل ، خفت ، الدنيا ضلامت في عينيا 😭😭
لينا : خلاص دوك ، بصح وعدني ما تزيدش تعاوديها هاااه
مروى : ما تزيدش تخلعينا عليك 😢
ميرال : هزت راسها بمعنى ايه، وعد ما نعودهاش ، تعيشو ما تخلونيش وحدي ، ماتخلونيش ، 😭😭
مروى : جامي نخلوك رانا معاك 😭 ترماو في حضن بعض يبكوا بحرقة
خرجت ميرال من السبيطار ، جرحها برا بالرغم من انو الجرج اللي في قلبها ما براش ، كيانها تهز ، بصح حاولت ما تبينش و تخبي وجيعتها بضحكة ، و مروى و لينا ما خلاوهاش وحدها ، و حتى ملاك ما خلاتهاش، بصح ما كانش علابالها شكون اللي تعدا عليها ، و شحال من مرة حاولو يقنعوها تقدم شكوى بصح هي رفضت ،
فات شهر و ميرال تخبي في وجيعتها ، و انس من هاديك الليلة ما بانش في طريقها و لا سمعت عليه حتى خبر ولا زادت شافتو ،
كانت قاعده على مع عايلتها يتعشاو مع بعض كانت شاده لمغرفة تلعب بها فماكلتها ، ماكانش عندها شهية ، كانت يوم بعد يوم تذبال ، فيقتها حنان من سرحتها
-حنان: ميرال ، بنتي خير واش بيك ، علاه ماراكيش تاكلي !!
ميرال : هاااه ، كيفاه، لا
-حنان: واش كاين بنتي ، عندك شحال و انتي فهاد الحالة ، ديما تخمي و راكي غير تشياني ، خير ، ياك ماراكيش مريضة !!؟
لينا : لا طاطا ماكان والو ، غير من ستراس تاع قرايا هادا مكان ، ياك ميرال!!
ميرال : ايه ، ايه صح ، ما تقلقيش روحك مكان والو
-حنان: وعلاه ماراكيش تاكلي !!
ميرال : هاااه ، شكون قالك مارانيش ناكل , (ضحكت من فوق قلبها) هزت لمغرفة قربتها لفمها ، و غير ضربت ريحة الماكلة في نيفها ، حطت يدها على فمها و جرات للحمام ، دخلت و سكرت الباب ، تفرغ ، بطلوع الروح ، على خاطر ماكلاتش ، حطت يديها على لافابو ، تتنفس بصعوبة حست قلبها راح يطي
يخرج و معدتها توجع فيها ، فتحت السبالة و غسلت وجهها و بللت رقبتها ، قربت من الباب حلاتو لقات يماها في وججها تسقسي فيها واش بيها
-حنان: يا بنتي واش كاين ، حالتك ما عجبتنيش ، من البارح و تفرغي ، كاش ما كليتي ، غدوى صباح نديك للطبيب
ميرال : ماما ، واش من طبيب ، راكي قلتيها ، باينة الماكلة تاع برا لي ضرتني ، ما بيا والو
-حنان: ونا علاش نوصيك ديما على الماكلة تاع برا ، هاااه شفتي لي ما يخدش راي تاع يماه ، شفتي
ميرال : (تفكرت كي كذبت عليها هديك الليلة عينها تعمرو بدموع) ايييه ماما ، شفت ، وراني نخلص فيها، 😭 (راحت خلاتها)
-حنان: 😳😦 واش بيك يا طفلة ، راني هدرت هاك في مصلحتك ، مييييراال😖
لينا : خلاص طاطا حنان ، ما ديريش عليها ، راهي برك مقلقة من لزڨزاما هدا مكان
-حنان: معليش يا بنتي ، نتي روحي عندها و انا راح نديرلها تيزانة راح تريحها
لينا : صحا طاطا
↚
الحلقة 54
دخلت عندها لينا ، لقاتها قاعدة على طرف السرير عاطيتها بالظهر تهز في رجلها ، و تعض في ظفارها ، قربت منها و قعدت حداها ، مسحتلها شعرها و حطت راسها على كتفها
لينا : يا روحي ما ديريش على ماماك ، راهي غير خايفة عليك
ميرال : لا ما غاضنيش الحال ، انا اللي غاضتني ، انو عندها الحق، لوكان ما كذبتش عليها و سمعت كلامها و ما اصريتش عليها هداك النهار ما يصراش معيا الي صرا ، 😭
لينا : خلاص ميرال ما دريش فروحك هاكدا ، اللي صرا صرا
ميرال : 😢
لينا : يا عمري شوفي فيا راح نسقسيك و جاوبني من وقتاه وانتي تفرغي ؟
ميرال : شافت فيها و مسحت دموعها : معلاباليش بلاك من يومين ولا تلاثة ، علاه راكي تسقسي
لينا : اممم و العادة جاتك ولا لا
ميرال : هزت راسها بالنفي : لا هاد المرة ماطولو
لينا : شحال؟؟؟
ميرال : ااااه
لينا : قصدي شحال درتلك روطار
ميرال : معلاباليش بلاك شى 15 يوم ، اوووف لينا واشبيك تسقسي فيا، واش يهمني انا فيا جات في وقتها ولا طو....
سكت و شافت في لينا ، عينها تحلو 😮 تهز راسها بهسترية ، و دموعها هبطو
ميرال : لا لا راكي غالطة ، ماشي صح ، ما يمكنش هاد الشي
لينا : ششششت خلاص ، تهدني ، راكي قلتيها بلاك نكون غالطة
ميرال : راكي غالطة ، فهمتي غااالطة ، ماشي اذا درتلي شويه روطار هاد الشي يعني نكون حامل مستحيل
سكتت كي سمعت حاجة تكسرت دارو في زوج تصدمو كي لقاوا حنان حاطة يدها على فمها بعدما طاحلها الكاس تاع تيزانة من يدها ،
ميرال : ماما 😨
لينا نخلعت، غلقت الباب و راحت قربت منها حكمتها من كتافها تهز فيها و هي غير تبكي😭
-حنان: واش درتي يا طفلة ، ااه صاح اللي سمعتو ، قولي ،صح و لا لا اهدري واشبيك ساكتة 😤😤
ميرال : ماماااا
-حنان: اهدرييي
ميرال : معلاباليش ، معلاباليش
عقدت حواجبها ، و طلقتها من الصدمة كانت تحكي بسيف
-حنان: ما نكرتيش ، يعني صح ، راكي ... ، منين جبتيهم ، شكون باباه ، انطقي , علابلك واش درتي ، ااااه ، ياربي لوكان يسمع باباك يروح فيها ، و خوك ، ااه يا ربي خوك ما راحش يخليك عايشة ، راح يدبحك ، فهمتي ، يذبحك😡😭
لينا : طاطا حنان والله كيما راكي حاسبتها، ماش...
-حنان: بنتي ما دخليش روحك, وانت واش راح ندير فيك ، ااااه ، شحال راكي ، من وقتاه ؟؟؟؟
ميرال : معلاباليش
-حنان: لا انا اللي علابالي ، 😤 درتي تحاليل ولا لا رحت للطبيب؟
ميرال : هزت راسها بمعنى لا
و رمات روحها فوق السرير تبكي😭
-حنان:. (دارت عند لينا) سمعتك من قبيل قلتي بلي مروى راهي جاية ،
لينا : ايه
-حنان: عيطيلها قولها تحوز على كاس فارماسي تشري تاست يا الله
لينا : صحا
عيطت لمروى و حكاتلها الشي اللي صار انو لازم تجيب تاست معها باش يتأكدو ادا راهي حامل ولا لا ، جاب ربي لقات فارماسي محلولة فهادك الوقت شراتو و طارت للدار . مدتلها التاست و دخلت الحمام ، تفرك في يديها ، و قلبها راح يخرج من بلاصتو ، تدعي ربي تكون النتيجة سلبية ، 😢 حلت باب الحمام و دخلت لبيتها ، قدمت عندها حنان تسقسيها و ادا ايجابي و لا سليي ، شافت التاست بين يديها و نحاتهولها ، رمات عينيها عليه ، تحلو عينيها😳😯 كي شافت النتيجة
↚
الحلقة 55
-حنان:😱😨 ااااه يا ربي ، ااااه ، واش هاد المصيبة ، ااااه واش درتي في روحك يا بنتي ، واش هاد لفضيحة 😭
ميرال : ماما😭😭
-حنان: هادي هي تربتي و تعابي عليك ، ياك تجازني بهاد الشي ،والله لا خسارة عليك ، خسارة😢
كلام حنان كان بحال الملح تحط على جرحها خلاه ينزف كتر ، جامي تخيلت انو يجي نهار نسمع كلام هاد زادت قوات فالبكي ، 😭 ماقدرتش حتى تقولها اللي صرا ، وانو لحكاية مش كيما فهمتها هي ، قربت منها حنان كتر و شدتها من دراعها تكبس عليه تحكي بغش 😡
-حنان: واش خصك حتى درتي فينا هاد الشي ، ااااه ، وين كان عقلك ، نقولو ما خممتيش فيا أنا و خاوتك ، و باباك تاني ما خممتيش فيه ، ما قولتش بينك و بين روحك نعلي شيطان حرام واش راني ندير فيه ، راكي و طيطلنا راسنا (هزت يدها و عطاتها كف خلا وذنيها يصفرو), مروى و لينا عينهم تحلو من الصدمة😳😮
مروى : مييييراال
لينا : علاه حكمتي عليها قبل ما تسمعلها😟
-حنان: واش راح نزيد نسمع كتر ااااه!!!
لينا : مثلا انو يمكن تكون مظلومه وما عندهاش ذنب في الشى اللي صار وانو هي...
ميرال : لينا سكتي، خلاص
لينا : لا و الله سمحلي هاد الخطرة ، ماراحش نسمع منك ، و راح نحكي ، ماشي بزاف عليك اللي قاعده تتحملي فيه ، 😩 خليها تعرف الحقيقية
ميرال : ليينااا
-حنان: واش راكي تهدري ، واش من حقيقة ااااه ، راكو حابين تهبلوني 😖
لينا : حقيقة انو ميرال تعرضت للاغتصاب ، و ما دارتش هاد الشي برضايتها كيما يحسابلك 😔
كانو صبو عليها ماء بارد ، كلام لينا طاح عليها كيف لجبل ، لسانها تربط ، لهدرة تلفتها
-حنان: و..واش.. واشنو 😨
قربت منها لينا ، شدتلها يدها تحكي
لينا : ايه طاطا ، هادي هي الحقيقه، ميرال تعداو عليها ، ما عندها حتي ذنب في الشى اللي صار ، ذنبها الوحيد انها حبت واحد ما عندوش ضمير ، 😢 سرقلها حياتها و دمرها ،
مروى : صح طاطا ، متلوميهاش على شي هي ما عندها حتي ذنب فيه ، تشفاي كي قلتلك بلي راح تبات عندي يومين ، كذبنا عليك ، وقتها كنا فالسبيطار على خاطر كانت حابة تقتل روحها
-حنان: 😦😨😨
مروى : وعلابالك واش قالتلي قبل ، قالتلي نفضل نموت ولا عايلتي يشوفو فيا نظرة كره ، هي كانت راح تتخلى على روحها غير باش ما تعيش هاد اللحظة 😞
ميرال قاعدة غير تسمع فيهم و عيونها فيضة ، دموعها ما حبسوش😭😭 ، قربت منها حنان و شافو فعينين بعض هزت يدها عداتها على خدها تمسحلها دموعها وتحكي
-حنان: بنتي ، 😭 علاه ما قولتليش ، علاه خليتني نحكم عليك و نحكي معاك كلام جارح ، علاه .😭😭
ميرال : سمحلي بزاف ماما ، سمحلي ، ماكنتش حابة يصرا هاد الشي سمحيبيلي😭😭
جبدتها عندها و حضنتها بقوة ، زيرت عليها و كأنها خايفة تهرب منها ،
-حنان: انتي سمحلي بنتي ، انا شكيت فيك و شكيت فتربيتي ليك ، فالوقت لي كان لازم نكون مرهم لجروحك ، كنت كيف الملح ، جرحتك بكلامي سمحلي بنتي 😭
ميرال : ماما😭
-حنان حضنت وجهها بين يديها شوفي بنتي اللي صار صار ،شوفي فيا ، دوك لازم نلقاو حل معا بعض ، بصح قبل لازم تحكلي كلش حكلي لحكاية من اللول للتالي
-ميرال هزت راسها بالايجاب ، قعدتها على السرير و حكاتلها كلش من اليوم اللي عرفت فيه أنس حتي لدقيقة الى عرفت انها حامل ،
-حنان: شكون قال انو هاداك الملاك يخرج منو قاع هاد الشي ، غلطنا فيه ، كان عمبالي انسان بصح هو طلع حيوان، والله كلمة حيوان وكبيره عليه ، مزية كان عندو ذرة انسانية ، ولا كان صاحبو الي كيفو كان راح تعدي عليك ، الله لا تربحهم😩
ميرال : واش راح ندير دوك ، لوكان يسمع بابا ، قيس لوكان يسمع راح تكون اخرتي 😧
-حنان: ششششت خلاص بنتي ما تخافيش ، حتى واحد ما يقدر يدرلك والو ، ما تقلقيش اكيد راح نلقى حل
مروى : اكيد ، راح نلقاوه مع بعض
لينا : ايه ، جامي نخلوك ، يصرا لي يصرا رانا مع بعض
ميرال : ربي يخليكم ليا ، انا واش كنت راح ندير لوكان ما ما وقفتوش معيا ، جامي ننسى خيركم 😭
مروى : يوووه واش هاد الهدرة رانا خواتات
-حنان: في وقت كيما هاد يبانو لحباب ، و انتو الله يرضى عليكم ما خلاوهاش وحدها ما معلاباليش كيفاه راح نشكركم
لينا : بلا مزية طاطا ، كيما قالت مروى رانا خواتات ، و الخواتات يصيبو بعض فوقت الشدة
ميرال : الله يخليكم ليا و ما يحرمنيش منكم🙁 و حضنتهم في زوج ، وحتى حنان ترمات في حضنهم يبكوا😭
↚
الحلقة 56
قاعد في البار مع صحابو و في يدو كاس سارح في تخمامو ،كان جسمو حاضر و عقلو غايب ، فيقو من سرحتو اياد كي كان يسقسي فيه
-اياد: ههي و ين رحت ، واش بيك ساكت ؟
أنس : والو
- مؤيد (هاد صاحبهم) : واش أنس وين سارح بها ؟؟
أنس : راني هنا صاحبي ، راني هنا
-اياد: مش مبين عليك ، ماكش تشوف حالتك
أنس : خير واش بيها حالتي !!؟؟؟
-اياد: سقسي روحك 🙄😏
أنس : 🙄
رامي: علابالي واش خصو ،
-اياد: هاااه قلنا واش خصو
-رامى : باينة ، كاش زلة تناسيه
-اياد: ياو حتى هادو ما فادوه ، اللي تقربلو يصدها حتى واحده ما قدرت ترضيه
-مؤيد : ماشي كيما نتا صباح مع وحده و فالليل مع وحده اخرى😉
-رامي: هههههه جربهم ڨاع
انس قاعد ساكت ما قال حتى كلمة ، شعل ڨارو يكمي فيه يشوف في جيهة وحده اخرى
-اياد: امممم هي صح اللي راك تحكي فيه ، بصح مهما جربتهم ما راحش يكونو بنان كيما لعسل ، (دار عند انس ) ولا واش قلت أنس😉
كان مدور راسو ما يشوفش فيهم ، وكي سمع اخر جملة قالها اياد دار عندو بلع ريقو و عاود دور راسو
-مؤيد : خير واش من لعسل ؟
-اياد: قالو اللى يدوق البنة عمرو ما يتهنى ، وانا ياصاحبي دقت لعسل و ما شبعتش منو ، حتى لدورك مازال هاديك البنة في شفافي (حط صبعو على شفايفو يتحسس فيهم ) شعلت ناري🔥 كانت أول مرة نحس فيها برجولتي ، هيجتني اححح ، كنت راح نطفي النار اللى شعلتها فيا ، ونتهنى بصح .... (سكت )
-رامي: علاه سكت ؟ واش صرا؟
-اياد:( تنهد و شاف في انس ) والو ، والو
-مؤيد: باينة عليها زلة هادي
-اياد: كتر ما تتصور
قعدو يحكو على ميرال و على انوثتها ، وانس قاعد يسمع في كلامهم ، عقد حواجبو،😡 عينيه ولاو حمورا النار شاعلة فيه🔥 ، كان ينهج ،يتنفس بالقاوي ، صدرو طالع هابط ، شد الكاس بيدو و زير عليها بقوة حتى تكسرت بين يدو و تجرحت ، شافو فيه و في يدو المجروحة ، قرب منو اياد و هزلو يدو و نترلو يدو و بعدها
أنس : خلي عليك
-اياد: شوف يدك راهي تنزف
بلا ما يرد عليه ، هز تليفونو و المفاتح من فوق الطابلة ، هز روحو وخرج ، خلاهم مصدومين من ردة فعلو ، وهو راح ركب طموبيل ، وجهو ما يتفسرش خاصة كي تفكر لكلام لقالو لإياد فهاديك الليلة" اذا راك حاب دوق لعسل ماشي مشكل ، خذ راحتك" ، و كلام اياد اللى يتعود في راسو " دقت لعسل و ما شبعتش منو ، وحتى لدورك مازال هاديك البنة في شفافي،... هيجتني ..." هز يدو عداها على كامل شعرو ، هبطها ورا رقبتو شعل طموبيل طار للدار ، لحق للدار و دخل طول لبيتو ، دخل يدوش ، يحب يطفي النار اللى شاعلة فيه و يبرد روحو ، كمل الدوش جبد علبة الاسعافات الاوليه و داوا جرح تاع يدو من بعد دخل تحت لغطا حط راسو على لمخدة و غفى
↚
الحلقة 57
ناضت صباح على صوت يماها توض فيها ، شافت فيها كانت لابسه قش تاع برا ، كان باين عليها راح تخرج
-حنان: نوضي بنتي ، نوضي راني نسنى فيك
ميرال : ( تحك في عينيها) خير ماما !! وين راكي رايحه!!!
-حنان: نوضي وجدي روحك ، راح تروحي معيا
ميرال : وين !!!؟
-حنان: نوضي من بعد تعرفي ، هيا نوضي
ميرال : صحا ماما صحا
ناضت وجدت روحها ، و خرجت معها يمشو فالطريق ساكتات ، بعد مدة من السكات قررت ميرال تهدر و تسقسيها
ميرال : ماما وين رانا رايحين ،
-حنان: طفاتها و ما جاويتهاش
ميرال : مامااا ، فهمني وين رانا رايحين !!!
-حنان: نلقاو حل لمشكلتك
ميرال : كيفاه !!! واش راح ديري، وين رانا رايحين فهمني !!!
-حنان: صبري من بعد تعرفي
ميرال : بصح ...
-حنان: قلتلك صبري , وتيقي فيا نفاهمنا!!
ميرال : (هزتلها راسها) صحا
راحو ركبو في بيس 🚌 طريق كامل و هي تفرك في يديها و تلعب بصباعها ، من الستراس ، تحل شعرها و تعاود تجمعو ، طريق كامل و هي دير نفس الشى حتى حبس البيس و شارتلها بيدها باه تهبط ، هبطو في زوج يتمشاو و كانت غير تساير فيها بلا ما تحكي ، دورت عينيها تشوف في بلاصة جامي شفتها ، وصلو قدام باب عريض باين عليه يدي داخل دار ، طلبت منها تسنها دقيق و هي راحت تهدر مع العساس يدخلهم راح العساس بعد مدة رجع ، شاورتلها بيدها باش تروح عندها قربت منها و حلهم الباب و دخلهم ، هاد الشي كامل و ما مازال ما فهمتهاش و ين جاو و وين راهم ، تقدمو شويه بان لها دار كيبره تبان بحال لقصور ، شدتها من دراعها و حبستها تسقسي فيها
ميرال : وين رانا ؟؟؟
-حنان: دوك تعرفي كلش
ميرال : قولي لي دوك ، دار تاع من هادي!!!؟
-حنان: 🤐🤐
ميرال : ماما ، قولي لي دار تاع من هادي 😖
-حنان: قصر المكاوي
ميرال : بلعت ريقها ، و صدرها يطلع ويهبط ، قلبها يدق بسرعة هزت راسها يمين ويسار ، نزلت دمعه من عينيها و مسحتها بالزربة
ميرال : لا ، مستحيل، واش راكي تقولي ، واش رانا نديرو هنا ؟؟؟
-حنان: جينا نحطو النقاط على الحروف و نديرو الشي اللازم
ميرال : واش من نقاط و واش من حروف ، علابلك واش راكي تقولي ، واش عمبالك رانا قدهم ، وراح يسمعولنا ، ااااه
-حنان: انا نشوف روحي صغيرة غير قدام ربي ، الشي الصح انو يتقبلو الغلطة اللي دراها ولدهم
ميرال : حتى يتقبلها هو قبل
-حنان: راح يصحح غلطتو بسيف عليه ، مش على هواه ، يتعدى على بنات الناس و يمشي و ما يشوفش موراه فهمتي
ميرال : وانت كيفاه عرفتي يسكن هنا
-حنان: المهم عرفت وخلاص ، ماشي هاد المهم ، دوك راح ندخلو و نهدرو معاهم و نحكيلهم كلش
ميرال تهز فراسها : ماما تعيشي خلينا ما ندخلوش ، هاااه ، ما نصدعوش راسنا ...
-حنان: راح ندخلو ، راح ندخلو
شدتلها يدها و تجر فيها لحقوا للباب وصونات ، و تستنى وفاته يتفتح
↚
الحلقة 58
تحل الباب وقابلتهم الخدامة ، عرفتهم بلي هوما اللي يحابو يقابلو السي يوسف طلبت منهم يسناوا ودخلت للصالون
-خدامة: سي يوسف لمرا لي طلبت نشوفك راهي قدام الباب تسنى ، ندخلها ؟
-يوسف: ايه ، ايه خليها تدخل
خدامة: امرك سي يوسف
-كريمة: و شكون هاد لمرا تاني ، واش تسحق تاني !!!؟
-يوسف: علمي علمك يايما ، دوك نفهمو منها كلشي
-كريمة: خير أن شاء الله
-يوسف: ان شاء الله يارب
دخلت حنان للصالون عند يوسف ، و ميرال كانت لاصقة فيها خايفة من الشى اللي جاي ، قلبها قريب يحبس ، نفسها ضاق ، زاد كملها عليها كي هدر يوسف
-يوسف: مرحبا بكم ،
-حنان: الله يسلمك
-يوسف: تفضلوا ، ريحوا
-حنان: يزيد فضلك قعدت على الفوتاي و زادت ميرال قعدت جنبها
-حنان: سمحلي سي يوسف ، جيت بلا موعد ، بصح كان لازم نجي نهدر معاك ، الموضوع جدي
-يوسف: خير واش كاين
ميرال : ماما خلينا نروحو ، يا الله
-حنان: لا بنتي ، انا جيت لهنا باش نحكي وما راحش نتراجع
-كريمة: خير حكوا واش عندكم
-يوسف: معليش مدام هدني روحك و قولي لي واش هي لحكاية بلعقل
-حنان: في الحقيقه ، معلاباليش كيفاه راح نبدا و لا منين راح نبدا
-يوسف: خدي راحتك بداي من وين تحبي
خذات نفس و غمضت عيونها ، عاودت فتحتهم و تشجعت و حكات
-حنان: في الحقيقه الموضوع يتعلق بولدك أنس 😫
-يوسف (عقد حواجبو) سمحلي مدام بصح ما فهمتش واش دخل ولدي انس في الموضوع اللي راكي حابة تحكي فيه ، معليش توضحلي كتر باش نفهم
-حنان: بصراحه.... (حبسها صوت ملاك)
-ملاك: ميييرال😳
ميرال : مادام ملاك
قربت منهم ملاك و راحت جيهة ملاك تحكي
-ملاك: ميرال ، خير واش راكي ديري هنا ، واقيل توحشتني و جيتي تشوفني
ميرال : حلت عينيها و بلعت ريقها ، وقفت مقابلتها تحكي بسيف : علاه نتي تسكنى هنا !!؟
-ملاك : ايه ،هذا بيتي ، وبالمناسبه هاد رجلي يوسف ، و هادي حماتي -كريمة ، و هادي الاميرة بنتي رنيم وهداك ، حبست كي شافتو جاز راح جيهة الباب باش يخرج بصح حبس كي عيطتلو
-ملاك: ولدي أنس
-ميرال الدم حبس في عروقها ، دقات قلبها قوات ، ركابها فشلوا و ماعدتش قادرة توقف على رجليها
-ملاك: معليش دقيقه
أنس : (يحكي بغش) خير واش كاين ؟؟؟
فهاد الدقيقه كي سمعت صوتو تخنقت 😖راح حطت يدها على قلبها تتنفس بصعوبة ، دموعها عرفو طرقهم و هبطو ، 😭 الشي اللي خلاهم يتخلعوا عليها ، قربت منها حنان حضنتها بقوة وهي كل جسمها يرجف شدتلها يدها ملاك تحكي مفزوعة 😨
-ملاك: خير بنتي واش بيك ، واش صرا ، ميرال ، حبيبتي واش بيك !!
كان راح يخرج وقف في بلاصتو ، كي سمع اسمها ، تسمر الدم حبس في عروقو ، دار عندهم شافهم كيفاه دورولها ، تقدم عندها بخطوات مترددة ، كان ينهج قلبو يضرب لدرجة انو حاسو راح يحبس ، كمل خطواتو عندها بعدو عليها شوي بانت ليه قاعدة على الفوتاي تبكي 😭 ، هزت راسها وشافت فيه وتلاقاو عينيها في عينيه
↚
الحلقة 59
صدمتو كي شافها قدامو كانت كبيرة ، وجهو تبدل كامل قلبو راح يطيح من بلاصتو ، كانت اخر انسان متوقع يشوفها ، و ين في بيتو يالا سخرية القدر ، وحتى هي ما كانش اقل منو ، تحس في روحها راح تخرج ، مش قادره تتحمل ، في لحظه جاز بين عينها ڨاع الشي اللي صرا معها ، دورت راسها عند يماها شافت فيها بحرقة تهدر بطلوع الروح
ميرال : ماما، خلينا نروحو ، تعيشي ماما ، يا الله تعيشي ، مانيش قادرة ، ماما😭
-ملاك: ميرال بنتي واش كاين ، واش صرا 😨
ميرال : شدت حنان من دراعها و تجر فيها ، ماما يا الله
حبستها ملاك وما خلاتهش تجوز : خير فهميني ،
ميرال : مدام ملاك سمحلي بصح انا لازم نروح 😭
-حنان: دقيقه ، راح نرحو بصح قبل عندي هدرة لازم نقولها
انس مادار حتى ردة فعل كان يشوف في نقطة وحده ما كانش علابالو بلي السحر قادر ينقلب على الساحر شكون قال بلي بعد ما كان القوي ولى الضعيف ، حتى لكلام هربلو ، قربت جيهتو حنان وهي تجر في ميرال و تشجعت و سقساتو
حنان: كنت حاب تروح بلا ما تسلم علينا ، و الله عيب عليك
أنس : 🤐
-حنان: علاه راك ساكت ، واقيل ما تفكرتناش ، بلاك انا تنساني بصح هادي ما شكيتش تنساها( تشير على ميرال) واذا صح نسيت خليني نفكرك
ميرال : ماما😨
أنس : مازالو ساكت و عيونو يشوفو فالارض
-ملاك: دقيقة ، دقيقة ، واحد فيكم يفهمني واش راه صاير هنا ، من وين نعرفو بعض !!!؟
-حنان: واش رايك تجاوب نتا و تجاوبها انا ، هاااه قولها كيفاه نعرفو بعض
ميرال : 😭
أنس : بلع ريقو، و زير يدو على شكل قبضة يحكي بتلعثم : أ... أنا ، أنا...
-ملاك: حلت عينيها و قربت من ميرال تحكي : ميرال, واش هي لحكاية ، هاااه من واش راكي ديري هنا ،ولا بالاصل من وين تعرفي انس ، واش علاقتك بيه ؟؟؟
ميرال : مدام ملاك انا ... 😭
-ملاك: حطت يدها على فمها ،تهز راسها بهسترية :لا ، لا مستحيل ، ماشي صح ، اكيد راكي غالطة ، اكيد هاد سوء تفاهم ياك ،
-كريمة: ، واحد فيكم يفهمني واش راه صاير هنا
-يوسف: ملاك!!!! واش كاين ؟
دارت عند انس قربت منو وشافت فيه كان يدور راسو يمين و يسار ما عندوش الشجاعة يحط عينيه في عينيها ، يتنفس قوة ، اخير شاف فيها و هدر بتردد
أنس : أنا ، انا ، يعني انا....سكت كي حس بكف من عند ملاك خلى وجهو يدور ، خلاتهم مصدومين كامل من تصرفها
-يوسف: ملااااااك 😲
-كريمة: واشبيك هبلتي نتي ، راكي تخطتي كامل حدودك 😤
دارت عندها تحكي بهسترية
-ملاك: ايه ، ايه هبلت ، راني تخطيت كامل حدودي و من بعد 😤😡 ( و دارت عند انس كملت كلامها ) كنت دايما نلقالك اعذار و نغطي على عمايلك ، قلت بيني و بين روحي عادي يكون واحد مغرور و مدلل، لانك كن من اصحاب الطبقة المخمليه ، ابن واحد من اكبر رجال الاعمال في البلاد يوسف المكاوي ، طائش عليك معليش مازالو صغير و جاي للدنيا خليه يعيش حياتو ، واحد غير مسؤول ، قلت خليه يتعلم يكبر و يولي يحس بالمسؤوليه ، خطرات نقول ماشي مربي و قليل ادب ، بلاك هاديك غلطة منا لانو حنا الي خليناك دير واش تحب بلا ما نحاسبوك ، بصح .. بصح انك تكون واحد عديم الاحساس و مغتصب ، ماقدرتش نبرر لك هاد الشي ، ما نقدرش 😭
كلمة مغتصب خلاتهم مشوكين كامل ، وصف ملاك لأنس كان صحيح100℅ بصح عمرهم لا تخايلو انو توصل وقاحتو للاغتصاب
-كريمة: وا.. واش راكي تقولي نتي ، واش من اغتصاب ، لا والله لا راكي تخطتي كامل حدودك 😤
-يوسف: ملاك ، علابلك واش راكي تهدري ااااه ، واش هاد الاتهامات
-ملاك: ايه علابالي ،(قربت من يوسف ) ، يوسف كنت ديما نحكيلك على الطفلة اللي كنت نعاونها ، قلتلك انو تعداو عليها
-يوسف: ايه 😧
-ملاك: هاديك البنت هي ميرال
-يوسف: 😦😦 ، فهميني واش علاقة هديك البنت بولدي أنس؟؟؟
-ملاك: 😩 لانو اللي غتاصب ميرال هو .. هو أنس
↚
الحلقة 60
وساعت عيونه و فتحوا افواههم 😲 من الصدمه ، ولا واحد فيهم كان يتوقع هاد الشي
-يوسف: واشنو😨 واش راكي تهدري
-كريمة: قربت منها و حطت عينيها في عينيها تحكي بغش: شوفي فيا مليح ، لسانك طوال ، جمعية خير ما نقصهولك ، و بركاي ما تحطي راسك براس حفيدي ، و دوك ادي معاك هادو الي راكي تدافعي عليهم من صباح و خرحيهم ، 😤
ميرال : (شدت في يد حنان) ماما خلينا نروحو ، اساسا وجودنا هنا كان غالط من الاول ، تعيشي خلينا نروحو
-حنان: علاه راكي خايفة ، مش حنا اللي لازم نخافو ، فهمتي
-كريمة: يا الله خرجوا ، برا يا الله😤😤
-ملاك: ما عندهم وين يرحوا قبل ما...
-كريمة: نتي بلعي ، ما عندك ما دخلك ، من نهار اللي دخلتي لهاد الدار و نتي كي البومة ، جبتي معاك غير النحس و...
-ملاك: ما كلاه تبدلي الموضوع ، ماراناش نحكو عليا 😏
-كريمة: لا ، والله خصني غير تقولي لي واش نهدر هادي...
-يوسف: سكتو في زوج 😤😡 ، قرب عند انس اللي كان واقف بدون حركة شاف فيه مدة من بعد هدر
-يوسف: خليوني نسمع من عند السي أنس ، بلاك عندو توضيح اخر ، هاااه ، واش رايك في الشى اللي قالتو يماك ، صح درتها ،؟؟ ااااه ، تعديت على الطفلة ولا لا ! !!
أنس (مازالو ساكت) : 🤐
-يوسف: هدر ، صح ولا لا !!
أنس : قرر انو يلتزم بالصمت كأنو اعتراف غير مباشر الشي اللي دارو
-يوسف: راح نسقسيك لاخر مرة ،درتها ولا حكي درلها ولا لا ، ايه ولا لا ( شدو من شوميز يهز فيه) هدر وشييك ، علابالك يلي سكوت تاعك يثبت ادانتك ، هدر دافع على روحك 😡
أنس : (هزلو راسو بالايجاب ) صح، انا
هبط يده من الشوميز تاعو بلع ريقو ، صح كان يعرف وليدو عديم المسؤولية ، و انو عندو علاقات كتار و انو لبنات هوما اللي يجرو موراه بصح ماكانش يخيل انو يجي نهار انو توصل وقاحتو للاغتصاب ، يمد يدو على طفلة بدون رضاها ، بصح رغم هاد الشي كان في صوت بداخلو يكذب هاد الشي ، لكن عترافو بجريمتو تلفلو ڨاع حسابو ، هز يدو و عطاه كف بنص خلقتو يلز على سنانو و يهدر
-يوسف: حيوان, مستحيل تكون عبد نتا ، مستحيل ، حاسب روحك راجل تسترجل على النسا ياك ، ايييه ، سي نورمال نتا انس المكاوي ، اللي حاسب روحو ڨاع الدنيا تحت رجليه ياك ، واش عمبالك هادي هي الرجولة ، انك تعتدى على نبات الناس لا يا سي أنس ، راك غالط هادي يسموها حيوانة ، فهمت حيوانة 😤😡
-كريمة: يوسف ، واشبيك ، خلي الولد بحالو ، اكيد لو كان ما ضغطش عليه ما كانش راح يقول درتها ، ياك يا روحي ، هااه قول لباباك بلي ماشي صح يا الله ولدي
أنس : ماني، اللي عندي راني قلتو، وما عندي حتى شي نزيدو ، جا راح يخرج حبساتو حنان
-حنان واش: مازال ماكملناش الهدرة ، ما عندك وين تهرب ، فهمت
-كريمة: علاه واش مازال تاني ، راكي طحتي كي المصيبة على راسنا 😡
-حنان: والله يا مدام وليدك هو اللي طاح كي المصيبة علينا و على راس بنتي . دمرلها حياتها ، و سرقلها في الوقت اللي كان هو يعيش حياتو بنتي كانت تذبل قدام عينيا ، في كل ليلة نسمعها تبكي فالظلمة ، كل ليلة تنوض مفزوعة بنتي اللي نسات كيفاه يضحكو الناس، تحولت حياتها لكابوس ، قولي لي شكون اللي طاح مصيبه على لاخر لا و فوق ڨاع هاد الشي راهي ... ( سكتت قبل ما تكمل )
-ملاك: كملي ، واش بيها!!!
-حنان:. راهي... راهي ... ميرال حامل
صدمة مور صدمة ، ما كقاش حقيقة الاغتصاب ، زاد خبر الحمل اللي نزل كي الصاعقه ⚡️ على قصر المكاوي , خاصة على أنس اللي كان تفاجئ كتر منهم ، ما كانش متوقع انو يصرا هاد الشي الامور تعقدت كتر ، لا اراديا شاف في ميرال اللي كانت تبكي بحرقه ، كانت علامات الحزن بادية عليها ، تمعن فيها لاول مرة لاحظ انو شيانت ، كان وجها شاحب و تاعب ، حس بشي غريب داخلو ما كانش فاهمو اذا كان شفقة منو ولا شي وحد اخر الشي اللي كان يعرفو انو تاع صح دمر لها حياتها
↚
الحلقة 61
كان صمت سيد الموقف ، من الصدمة حتي واحد فيهم ما قدر يهدر تبكمو ، تسمع غير صوت شهاقات ميرال اللي كانت تزداد ، حتى قررت ملاك تكسر الصمت كي هدرت
-ملاك: واشنو، حامل 😲 واش راكي متأكدة من هاد الشي
-حنان: مع الاسف ايه
يوسف طاح بكاملو على الفوتاي ، حل كرافات تاعو ، كريمة حطت يدها على فمها ، اما أنس صدمتو كبيره ، الدم في عروقو حبس ، رجليه فاشلو ، قلبو يدق بسرعة غير العادة ، حاس كل جسمو عرق ، شاف انو الهروب هو احسن حل ، بلا ما يلتفت موراه طفاهم كلهم و خرج ، ركب طموبيل و طار بلا ما يدير حساب الخراب اللى خلاه موراه .
ولا واحد من عائلة المكاوي كان يتخل انو يعيشو هاد الشي ، خاصة ملاك اللى قلبها ضرها على ميرال ، بحياتها ما تخيلت انو ممكن الزمن يكرر نفسه وتعيش نفس التجربة ، بصح هاد الخطرة ماشي معها انما مع ميرال اللي وعدتها انها جامي تتخلى عليها مهما يصير
-ملاك: ميرال ، حبيبتي ، ما تخافيش ، اكيد ما راح نخالوك وحدك ، ثقي فيا كلش راح يتسڨم ياك يوسف ، ماراحش نخلوها وحدها !!!
شاف في ملاك من بعد شاف في ميرال و قرب منها ، حط يدو على راسها و يحكي
-يوسف: ما معلاباليش واش راح تقول ، اليوم ولال مرة حسيت بخجل في حياتي ، حسيت بالاهانة ، نتمي تسمحولي ، والله ما نقدرش نرفد راسي قدامكم ، بصح ما تتقلقوش اكيد راح نلقى حل وعد
-حنان: سي يوسف صدقني ما كانش قصدي يصرا هاد الشي ، بصح الله غالب ، كان لازم ندير هاد الشي باش نحمي بنتي ، ما كانش عندي حل اخر ،
- يوسف : اكيد عندك الحق ، ولدي غلط و راح يتحمل المسؤولية و غير هاد الشي اللي راح يصير
-حنان: يعطيك الصحه ، الله يكتر من مثالك و يعطيك ما تتمنى
-يوسف: بلا مزية مدام ، مرة اخرى نتمنى تسمحو لي على الشي اللي دارو ولدي 😔
-حنان: المهم انا تسمحولي دوك لازم نروح ،
-يوسف: صحا ، ربي يسهل ، و كيما قالت لك راح تلقى حل باسرع وقت
-حنان: يعطيك الصحه
ستأذنت حنان منهم و راحت خلاتهم مصدومين و حايرن واش لازم يديرو ، على عكسها اللي رجعتلها الروح خاصة بعد لكلام لسمعتو من عند يوسف و وقفة ملاك معهم ، راحو طول للدار قبل و في قلبها بريق امل
↚
الحلقة 62
بعد ما خرج من الدار راح طول لعند اياد و حكالو اللي صار و انو ميرال طلعت حامل منو
-اياد: والله يا صاحبي قلتلك من قبل بلي الطفلة ماشي ساهلة ، و راح تكسرلك راسك ، ها نتا تشوف 😏، ودوك واش راح دير ،؟؟؟
أنس : معلاباليش!!!
-اياد: معلابالكش!!! منك صح ، ما تقوليش برك راك تخمم تتزوجها و تعترف بالولد ، وتخلاص لحكاية 😏
أنس : 🤐
-اياد: انا الشى اللي محيرني لوكان ما دخلتش نتا في اخر دقيقة ، وتعديت عليها انا تاني ، كنت راح نروح فيها انا تاني و ماراحش تعرف ادا منك ولا منى ، والله راني نتخايل فيها كيفاه راح تكون محتاره شكون باباه😄
أنس : اياد مانيش نتمسخر
- -اياد: ها واشبيك تاني ، من هاديك الليلة ونتا تبدلت ، وراك غير تشنف و تخرج زعفاك عليا 😏 بيناتنا برك انا اللي لازم نزعف منك على خاطر كنت عطشان ، وانت ديتني لبير وما خليتينش نشرب منو ، والله حتي لدورك مازالني عطشان و كتر من اللول ، ناري مازالها شاعلة لدورك ، كل ما نتفكر الشي اللي حرمتني منو رغبتي فيها تزيد تقوى كتر ، و ننهج كتر ، لوكان نعرف انو ناري تطفى بيها راح نديرها باول فرصه تجيني و ماراحش نتردد
كلامو كان كيف الصاعقة، خلى داخل انس يعصف و يشعل، ما قدرش يتحمل الشي اللي قاعد يسمع فيه، قرب منو و شدو من تريكوه بقوة و يهز فيه حط عينيه في عيونو يحكي بغش
أنس : جمع لسانك وعرف واش راك تهدر ، خير ما نقصهولك ، فهمت
-اياد: واشبيك ، خير ، من وقتاه تدخل بيناتنا طفلة ، والله لو كان ما جتيش نعرفك ، راح تقول عليك تحبها و عشقتها 😤
أنس : ماشي شغلك
-اياد: واشبيك انس ، ماشي نتا اللي يخلي ق*** كيما هاديك تدخل بيناتنا 😏
علا اخر كلمة قالها عطاه أنس بونية طيحو بها على الارض خلات نيفو يسيل ، نزل لمستواها حط يدو على رقبتو يخنق فيه يهدر و يلز على سنانو
أنس : تزيد كلمة ندفنك هنا و حتى واحد ما راح يسمع بيك ، فهمت ، راح ندمك على النهار الي زدت فيه واياك و اياك نسمع بيك درت بيها ، ولا قربت منها , راح تخلصها غالية ، اول واخر انذار ليك ،😤😡 طلقو و دزو على الارض بقوه، خلاه يكح ، و يرد فالنفس ، تصدم من تصرف تاعو و هو خرج بعد ما نفص الباب بقوة ، ركب طموبيل راح ، مش عارف وين ، همو الوحيد انو يبعد ، كان يسوف بسرعة حتى لقا روحو قدام لبحر ، نزل و كان كي المهبول ، كان ينهج ، يتفس بقوة ، كلام اياد خرجو من عقلو ، حتى هو ما كانش ينتظر انو تكون رده فعلو هكدا ، حتى كي قالو اياد تقول عليك تحبها ولا تعشقها دخلو في حيط ، افكارو تشوشو ، خاصة كي يتفكر حالة ميرال الصباح ، يزيد احساسو بالذنب لاول مرة عرف حجم الغلطة اللي دارها ،حس بقلبو يوجع فيه و ضرو 💔 لدرجة انو نزلت دمعه سخونة من عينو
↚
الحلقة 63
قاعدة في بيتها طل من الشباك على الجنينة ، تحاول تلقى حل للمشكله ، بالرغم انو انساب حل هو انو انس يصحح الغلطة تاعو, لكن كيفاه راح تقدر تقنعو بهاد الشي و هو حتى التسلام ما يسلمش عليها ، كانت سارحة في تخمامها حتى حست بالباب تهد ، دخلت وكانت تخزر فيها بشر ، حست انو راح تاكلها بنظرتها😡 قربت منها شدتلها يدها زيرت عليها
-كريمة: أن شاء الله عجبك الشي اللي صرا 😡 ، شوفي فيا مليح ، ادا راكي تظني اني راح نسمح لك دمري الشى اللي بناه ولدي وشقاه على جال وحدة ما تسواش راكي غالطة ، فهمتي 😡
-ملاك: خير ، واش من سبة لقتي حتى راكي تتهجمي عليا تان 😏
-كريمة: ( مدتلها ظرف مغلوق) شدى هادو ، شارتلها بعينها
-ملاك؛ واشنو هاد !!!!
-كريمة: دراهم
-ملاك: 😳😳، وعلاه
-كريمة: غدوى صباح روحي لعند هاديك المصيبة، مديلها هاد الدراهم وقوليلها طيح اللي فكرشها ، واهم شي انها تسكت و تنسى الشى صار ، راني حطيتلها دراهم ما تحلمش ييهم لوكان تخدم عوام
-ملاك: (صدمتها بكلامها😨) مانيش مأمنة الشي اللي راني نسمع فيه ، واش نتي ما عندكش ضمير ، ما عندكش وجدان ، ماكفاش الشي اللي دارو حفيدك فالطلفة و دوك جات دالتك نتي ، حابة تشريها بدراهمك ، و طيح الولد ، واش حابة تشري سكوتها بدراهمك ياك هاد هو الحل في رايك !!
-كريمة: مادام الدراهم يديرو المستحيل ، ماعنديش مشكل
-ملاك: دراهم ، دراهم ، دراهم ، مازلكي تحكي على الدراهم ، ماخممتيش فهاديك الطفلة واش حست كي تعرضت الاغتصاب ، كي فقدت عذريتها ، ماخممتيش فيها كي عرفت بلى راهي حامل ، واش حست و واش تحملت وحدها ااااه 😦
-كريمة: مايهمنيش فيها ، الشي اللي يهمني اني نحمي حفيدي و عايلتي 😡
-ملاك: لوكان صح جيتي تخمي على أنس ماكنتيش تخمي دري الشى اللي راكي تحكي عليه ، وبلاك هو عندو راي واحد اخر ، بالنهاية هاد ولدو ولا راني غالطة 😏🙄
-كريمة: راكي غالطة و بزاف ، انس حفيدى و نعرفو ، محال يقبل هاد الشي فهمتي ، و دوك شدي هادو و خليها تسكت كيما سكتي نتي قبل 20 سنة ، علميها و فهميها انو صعيب تجيب طفل نتيجة اغتصاب ، على الاقل نتي خليتي وليدي يتقبل بنتك و يربيها ، وفي النهايه الضحية الوحيده فلحكاية هي بنتك رنيم ، تخيلي معيا لوكان تعرف انو الراجل اللي حاسبتو باباها ماهوش باباها ، وانو هي جات لهاد الدنيا نتيجة اغتصاب ؟؟؟
-ملاك: تاع الصح نتي .... كانت راح تحكي بصح سكتت كي سمعت صوت رنيم تحكي
-رنيم: و ... وا..واشنو😨
-ملاك: ر..ر..ىنييم 😨😨
-رنيم: (عينيها تعمرو بالدموع ) الشي اللي سمعتو ... يعني ، صح ... أنا
قربت منها و شدتها من يديها وتحكي
-ملاك: بنتي ، شوفي ، انا ، يعني قصدي الشى اللي سمعتيه ،انا...(قطعتها رنيم)
-رنيم: صح و لا لا ؟؟؟
-ملاك: رنيم😢
-رنيم: سقسيتك جاوبني ، اللي سمعتو صح ولا لا ( تحكي بلعياط) 😤
- غمضت عيونها و حلتهم بالزربة ، شافت فيها ، حاولت تقرب منها بصح فاجئتها كي رجعت خطوت للور و عيطت عليها
-رنيم: عينيها وساعو ، يديها و شفافها يرجفو تحكي بصوت ممزوج بالبكى : هاد الشي يعني صح ، انا ، انا ،واش درتو فيا ، كيفاه ، اه يا ربي ، لا مستحيل
-ملاك: بنتي 😭 انا ، 😭 سمحلي بزاف ، سمحلي
نترتلها يديها و ذزتها ، حطت يديها على وذنيها ، تهز راسها بهسترية و تحكي
-رنيم: سكتي ، سكتي ، سكتي ، ششششت مش حابة نسمع صوتك ، سكتي ، 😭😭
-ملاك: بنتي الله يخليك سمعني ، ما كنتش حابة يصرا هاد الشي ، صدقيني ماكنش عندي حل اخر ، والله كنت...
-رنيم: قلت لك سكتي مانيش حابة نسمع حتى حاجة سكتييييي 😭 دخلت في حالة هسترية و كانت تكسر كل حاجة في طريقها
↚
الحلقة 64
كانت تكسر كل شي في طريقها تكسر ، تعيط و تبكي بحرقه ، الشى اللي خلا يوسف و انس يجرو ليهم ، دخلو و شافوها كيفاه كانت تتخبط و ملاك تحاول تهدي فيها ، يوسف فهم انو عرفت الحقيقه ، تسمر في بلاصتو لا قدر يقرب ولا يبعد😨 عكس أنس اللى قرب منها و شدها من اللور و يهدي فيها و هي كانت دز فيه تحاول تبعدو عليها ، بقات تتخبط بين يديه حتى طاحت من قوة الصدمة ققدت وعيها ، ملاك كي شافتها بهاديك الحالة تخلعت قربت منها و حاولت تفيقها ، من بعد هزها انس بين يديه وفوتها لبيتها حطها فوق السرير و يوسف عيط لطبيب العايلة، عطاها مهدئ غلاها تغفى بعمق 😴
بعدما راح الطبيب خلى العايلة في حيرة من أمرها ، خاصة انس اللي كان أول مرة يشوف رنيم بهاديك الحالة ، كان متعود انها يشوفها فرحانة و الابتسامه ما تفارقش وجهها خاصة انو هي مددلة ، كانو كلهم ساكتين و علامات الصدمة بادية على وجههم 😨 كانو كلهم ساكتين حتى قرر يكسر الصمت بسؤالو
أنس : واش صرا ، علاه وصلت لهاد الحالة ؟؟؟
- -كريمة: والو ، ما تقلقش روحك ولدي ، هاد الشي كامل دلال زايد هادا مكان😏
ملاك ما قدرتش تتحمل كلامها و بلا ما تحس تنفضت من بلاصتها و راحت عند كريمة حطت يديها على رقبتها تخنق فيها و تعيط، و يوسف و انس يحولو يفكوها و يبعدوها عليها
-ملاك: دلال اااه، دلال 😤 واش كنتي حابة من بنتي مسكينة ، واش درتلك ، و الله راح نقتلك ، 😡😤
-يوسف (هو يحاول يفكلها يدها) ملااااااك ، واش بيك ، ملاك راح تخنقيها ، بعدي عليها
-ملاك: بعد عليا خليني نقلتها و نتهنى منها ، خليني ،😤
بعد محاولات من يوسف و انس قدرو يبعدوها عليها ، و كريمة خرجوا عينيها ، حطت يدها على على رقبتها و اليد لخرا على قلبها ،تكح ، و ترد النفس بسيف😨
-كريمة: ااااه ، ياربي ، ااااه ، مهبولة ، ااه على شويه كانت راح تقتلني ، اااه راسي. الله لا تربحك ، الله لا تربحك يا المهبولة😨😳
-ملاك: سكتي ، سكتي ، خليوها تسكت ، و طاحت على ركايبها تبكي بهسترية😭😭 ، علاه ، علاه واش درنا لك ااااه ، علاه كل هاد الكره ، هاااه لهاد الدرجة قلبك قاسح ، ( شافت فيها و مسحت دموعها) عشرين سنه ، عشرين سنه و انت عيشتني في جحيم على جال حاجة ما عنديش ذنب فيها ، عشرين سنه ونا ساكتة و صابرة على ذل تاعك ، ختبرتني حتى في امومتي ، خليتي نظطر نختار واحد من ولادي ،خليتني نبعد على انس غير باه رنيم ما تعرفش الحقيقية و ما تعيش لي عاشاتو اليوم، وراهي عرفت قولي دوك ، راكي فرحانة ، راكي راضية 😭😢
-يوسف: عمري ولا تخايلت انو يجي نهار و ديرلي هاد الشي يا يما ، خيبتي ظني فيك ، قبل ما تحكي و تفضحي هاد السر كتني خممتي انو هاد سري انا ، و انا اذا الناس اللي قريبة ليا ما حفظتش سري وخانت ثيقتي بشكون لازم نثيق , ااااه ؟؟؟
-كريمة: صدقني يا ولدي ما كانش علابالي بلي كانت تسمع فينا ، انا...
أنس : دقيقة، دقيقة، معليش واحد فيكم يفهمني واش راه صاير هنا ، واش من سر ، واش من حقيقة ، اللي خلات رنيم توصل لهادي الحالة😦
ناضت ملاك من الارض قربت منو ، وشافت فيه و عيونها يدمعو جاوباتو بدون تردد
-ملاك: لانها عرفت انو يوسف ماشي باباها
↚
الحلقة 65
كلامها كان كي الصفعة ، وكأنو الشى اللي صار صباح ما كفاش حتى تزيد تكمل عليه بهاد الحقيقية ، بلع ريقو و من الصدمة ضحك على كلامها
أنس : واش راكي تهدري نتي ، ااااه ، لا هاد الشي مستحيل ، ياك حط يدو ورا رقبتو يمرر فيها ،سكت مدة من بعد عاود هدر : هديك الليلة، قصدي الليلة اللي تخلتي فيها عليا ، خذا نفس عميق و كانو مش حاب يتفكر ، يعني بعدما رحتي وكي رجعتي و جبتي معاك رنيم ، على اساس ختي ، ودوك راكي تقولي ما هيش ختي تقدري تفاهمني واش معنتو هاد الشي؟؟؟
-ملاك: شكون قالك تخليت عليك ااااه ، شكون ، انا كنت مستعدة نتخلى على روح وما نتخلاش عليك ، انا... (
(قاطعها قبل ما تكمل)
أنس : لا نتي تخلتي عليا ، عام ، عام رحتي و لا مرة حوستي عليا ، ما عطاكش قلبك تسقسي عليا كنت ديما نسنى فيك تدخلي من هاداك الباب و تعنقني تمسحلي دموعي و تقوللي راني جيت ، ما تخافش ، كنت كل ليلة يتفتح باب بيتي كنت نفرح نقول جيتي بصح في كل مرة يخيب ظني كي نلقها ماني و...
-ملاك: ما نحيرش ممن جبت هاد الهدرة و شكون غرس هاد الفكرة في راسك 😢
أنس : على كل حال ماشي هاد هو موضوعنا ، فهمني كيفاه حتى راكي تقولي رنيم ماهيش بنت بابا ، يعني ماهيش ختي
-ملاك: موضوع رنيم عندو علاقة بيك 😔
أنس : واش قصدك، واش من علاقة ؟
خذات نفس عميق ، وهي تحاول تحكي بسيف لانو بالرغم من انو فاتو سنين على اغتصابها لكن مازال يوجع فيها ، تشجعت و جاوباتو
-ملاك: على خاطر قبل شهرين من هاديك الليلة تعرضت للاغتصاب 😭 و فهاديك الليلة عرفت انو كنت حامل ، كنت حاب نطيح البيبي بصح الطبيب قالي اذا طيحتو راح يكون خطر عليا لانو جسمي كان ضعيف و ماكنتش راح نتحمل العمليه، وحتى اذا ما طيحتوش كان خطر عليا 😔 يعني في كلتا الحالتين كان فيه خطورة على حياتي ، على هاد الشي قرر بابك اني نروح نداوي خارج لبلاد ، بصح صدقتي فهادك العام ، كنت نحارب باش نعيش وغير باش نجتمع بيك صدقني انا جامي تخليت عليك ، انت كنت اول فرحة في حياتي ، صح ماشي انا اللي ولدتك بصح انت لي عيطلي ماما و خليتني نعرف احساس الامومه 😭😭
كانت هادي اكبر صفعة بالنسبه ليه ، يعني بسبة كذبة ألفتها كريمة تحرم من حنان الام للمرة الثانيه بعدما توفات يماه ، بلا ما يرد عليها شاف في كريمة اللي كانت تشوف في الارض و الخجل ظاهر على محياها ، قرب منها ، وحكي بصوت هادي
أنس : علاه !! علاه درتي معيا هاد الشي ، هاااه , عيشتني في كذبه و خليني نكره هاد لمرا ، خلتني نعيش ونكبر بكره و حقد ، خليتني نصير هاد الانسان اللي قدامك ، المغرور ، و الاناني ، المغتصب على جال واش ااااه ، هدري على جال واش ااااه (عيط عليها)
-كريمة: ولدي 😭😭
أنس : ما تزيدش تقولي لي ولدي فهمتي و من اليوم نساي انو عندك حفيد اسمو أنس يا مدام كريمة 😡
-كريمة:يا ولدي ماتقولش هكدا ، تعيش يا ولدي 😂 سمحلي ، علابالي بلي غلط بصح ... طفها قبل ما تكمل كلامها و خلاها ، يخرج حبساتو ملاك
-ملاك: خير وين راك راح فهاد الليل ، ؟؟؟
وهي تاني ما جاوبهاش ، خلاها و مشى
-ملاك: انس وين راك رايح ، ولي ، انس 😔
-يوسف: خليه ملاك خليه يقعد وحدو ، اكيد راه ضايع ، كي يحس روحو مليح يولي
هزتلو براسها بالايجاب ، و خزرت فيها من بعد راحت مع يوسف لبيت رنيم وخلاوها وحدها في الصالون تعض في صباعتها من الندم
↚
الحلقة 66
عند ميرال و تحديدا في بيتها فرشت سجاده وليست لباس الصلاة ، و صلات ، بعدما كملت رفدت يدها للسما تدعي للربي يفرج عليها ، كانت يمصيبة ودوك ولات بزوج، مع الاسف الانسان غير كي يوقع في مصيبة اللي يتفكر يتقرب من الله ، هزت يدها تدعي :
"اللهم يا صانع المعجزات و يارب المستحيلات ، ارزقني الفرج ، و بشرني ما يسعدني
اللهم يا فارج الهم و كاشف الغم فرج همي ، و يسر امري و ارحم ضعفي، وقلة حيلتي، واسترني من حيث لا احتسب ، اللهم امين"
غير كملت بقات تبكي على السجاده وتغطي وجها بيديها😭😭
ناضت و نحات لباس الصلاة، كانت راح تدخل لفراشها حتي دخلت حنان و في يديها طبسي تاع ماكلة 🍛 قربت منها و مدتلها تاكل ، بسيف باش قبلت
ميرال : ماما تعيشي والله ماني قادرة نزيد ، خلاص
-حنان: ااااه يا بنتي لازم تاكلي و تتغداي مليح ، ما تنسايش ما راكيش وحدك راكي بزوح رواح
ميرال : زوج رواح ، شي غريب ، تصدقي ماما مانيش نحس بيه ، وكأنو ماهوش داخلي ، و كاني مانيش حاملة بيه 😔
-حنان: لا يا بنتي ما تقوليش هكدا ، هادي راهي روح ، روح داخلك ، بلاك صح دوك راكي تحسى هكدا بصح مع الوقت راح تبدلي رايك ، خاصة كي تحمليه بين يديك ، صدقني هاد اجمل احساس
ميرال : راني خايفة ماما😨
-حنان: من واش راكي خايفة ،
ميرال : من الشى اللي جاي
-حنان: مادام ماماك راهي معاك ، ما عندك واش تخافي ، و زيد سمعتي سي يوسف واش قال ، وحتى مدام ملاك راهي واقفة معاك ، ما تخافيش و توكلي على ربي
ميرال : علابالي ، بصح ...
-حنان: بركاي من التخمام و خليها على ربي و خمي برك فاللي لي في كرشك
ميرال : كيفاه راح نجيب هاد الولد في هاد الظروف قولي لي !!!؟
-حنان: جات تجاوبها حتى تهد الباب ودخل قيس كي الثور كانو عيونو حمورا و النار شاعلة فيهم
↚
الحلقة 67
تهد الباب عليهم ، و دخل قيس كي الثور الهايج ، كانو عيونو حمورا 😡و النار شاعلة فيهم🔥 ميرال قلبها طاح تمنات لوكان تنشق الارض و تبلعها ولا تتفضح ، وما لقات غير حضن يماها يسترها ، ترمات في حضنها تزير عليها ، قرب منهم يحكي بغش😡
-قيس: اااااه يا وحدة الكلبة ، واش درتي ، رحتي دورتي ، دورتي و ولتي و جبتيلنا العار معاك ، جبتي للدار ولد حرام كيفك ااااه😤
-حنان: قيس وزن كلامك و عرف واش راك تهدر فهمت 😤
-قيس : لا فوق الشي اللي دارتو راكي تحامي عليها ، اااه ، قربت منها و سحبها عندو شدها من شعرها ويزير عليه وهي حطت يدها على يديه تحاول تفكهم
-قيس: ارواحي لهنا ، يالي ما تسواش،والله راح ندمك يا بنت لحرام ،
ميرال : تعيش خويا خليتي والله ما درت والو ، طلقني ، راك توجع فيها ، تعيش خويا ، تعيييش😭😭
-قيس: وجعتك ياك ااااه , مازال ما شفتي والو .، هز يدو و عطها كفوف واحد مور لاخر ، و هي غير تبكي و تترجى فيه يطلقها
-قيس : بلعي فمك ، بلعي ماش حاب نسمع حسك بلعي ، بلعي يا لموسخة😤😡
-حنان: نحي يدك عيها يا لمهبول بعد 😤😤 (ذزاتو وبعداتو عليها ، خباتها موراها ) واشبيك هلبت ،
-قيس: ايه يا يما هبلت ، هبلت من عمايل بنتك ، بنتك اللي تظلي تزوخي بيها راهي وطات لنا راسنا، وسختلنا شرفنا😤 وانا راح نحاسبها هاد الشي
-حنان: بنتي اذا دارت حاجة انا اللي يحاسبها ،و لا باباها ، فهمت 😡
-قيس: يااااه ، يتسمى انا ما عنديش كلمة فهاد الدار ، انا ماشي راجل 😤😡 كان راح يضربها حتى حبسو علي كي عيط عليه
-علي: قييييس 😡 ، قرب منو و هو يجر فالكرسي شاف فيه و كمل يحكي : واش دير ، ما تحشمش تهز يدك على ختك ، ااااه ، 😤
-قيس: والله غير هادي مليحة ، راكو تحاسبو فيا كي شغل انا اللي راني غالط ااااه، علاه ما تحاسبهاش على الشى اللي داراتو ، !!,
-علي: ماشي نتا اللي تقولي واش راح ندير فهمت 😏
-قيس: سي نورمال تحكي هاد الشي على خاطر ما علابالكش واش دارت ، مالى خليني نقولك بلي بنتك لعزيزة ، غلطت غلطة ما تتغفرش ، راهي جابت لنا العار 😡
-حنان: قييييس😤
-قيس: علاه راني نكدب ، و انا لي راح نحاسبها على هاد الشي ، والله راح نخذ روحك 😤
-علي: قييييس😤 حترم روحك ، ما تحشمش قدامي تضرب و تهدد في ختك ، ااااه ، لحد الساعه مازالني عايش ، يعني انا لمسؤول عليها و انا لي راح نقرر الشي اللي راح يصرا
-قيس ، لا يا بابا لعزيز هاد المرة راك غالط ماراحش نعديها بالساهل ، راح تخلصها يعني راح تخلصها
-علي : كي تبطل الرهج اللي راك تبلع فيه من بعد ارواح تحاسب 😡
-قيس : هاد الشي اللي عندك تقولو ياك ؟؟؟
-علي: برا ، 😡
-قيس: ااااه😳😲
-علي: قلتلك برا ، يا الله 😤
-قيس: واش عليه ، راح نروح بصح ديرو في بالكم لحكاية ما خلاصتش ، انا نعرف واش راح ندير
-قيس: براااا😤
خرج قيس من الدار ، وخلاهم ،ميرال دموعها ما حبسوش عمرها و لا تخيلت انو يجي نهار انها توقف قدام باباها و راسها مهبط كان هاد الشي يقتل فيها ،قربت منو حنان تحاول تفهمو لحكاية و انو ميرال ماكانش عندها ذنب فالشي الي صرا
-حنان: علي صدقني كنت راح نقولك ، والله ميرال ما عندها حتى ذنب صدقني...
-علي: معليش تخلينا وحدنا ، حاب نحكي معها
-حنان: تعيش ما...
-علي: ملاك الله يخليك
هزتلو براسها بالايجاب حطت يدها على كتفو طبطبت عليها و خرجت خلاتهم وحدهم
↚
الحلقة 68
كانت واقفة فى نص الغرفة ، مهبطة راسها فالارض ، تفرك في يديها قرب منها ،صوت دقات قلبها وصلت عندو ، كان كان كل جسمها يرجف
-علي علاه راكي خايفة!!!
- سؤالو دخلها في حيط ، زاد لبكها كتر جاوباتو تردد
ميرال : بابا، انا ، صدقيني انا ما درت والو 😔
-علي: علابالي بنتي علابالي ،
ميرال : ااااه 😳
-علي: ايه يا بنتي سمعتك كي كنتي تهدري مع يماك ولبنات ، سمعت كل ، علابالي واش صرا ، نتي بنتي ونعرفك ، نعرف بلي جامي تغلطي و دري حاجة تخلني نهبط راسى قدام الناس ، بصح الدنيا هاي ،معمرة بالذيوبة ، ما يرحموش ، ها نتي تشوفي راكي طحتي بين يد واحد منهم 😔
ميرال : نزلت لمستواه و قعدت على ركابها حطت راسها فوق حجرو تبكي😭: بابا ، سمحلي😭 ، تعيش سمحلي ، ما كنتش حابة نخليك تعيش هاد الشي ...
-علي: ششششت خلاص بنتي ، علابالي بلي ماعندك ما درتي ، ما عندكش ذبب ، ، حط يدو على راسها يمسحلها على شعرها ، قلبو ضرو عليها💔 لدرجة انو عينيه دمعو 😢 ، وهاد هو الفصل الصعب ، دمعة الاب ، اكتر حاجه صعيبة فهاد الدنيا انك تشوف دموع الاب ،و ما تقدر دير والو, و خصوصا انك تكون السبب فهاد لدموع ، 😔 هزت راسها وشافت فيه قلبها كان يوجعها كتر ، هزت يدها على خدو مسحتلو دمعتو وقالت لو:
ميرال : علابالك كي كنت صغيرة كي كانو يسقسوني واش كنتي حابة تولي واش كنت ، تعرف واش كنت كنت نقولهم ؟؟؟
-علي: واش!!!
ميرال : كنت نقولهم حابة نولي كيما بابا ، كانو كامل يضحكو عليا ، ههههه (مسحت دموعها) على خاطر ما فهموش واش كنت تقصد
-علي: و واش كنتي تقصدي نتي !!!
ميرال : كان قصدي اني نكون كيما نتا في طييتك ، حنيتك ، قلبك لكبير ، انسان عادل ، وقوي ، كنت حابة نورث منك هاد الصفات ، كنت ديما القدوة تاعي و السند تاعي ، لحد لحظة راك وافق معايا و تساندني ، الله لا يحرمني منك ويخليك ليا
-علي: اليوم و غدوى حتى حاجة ما راح تتبدل ، راح تلقاني ديما معاك فهمتي ، و هاداك خوك المهبول خليه عليا ، و متخافيش، ماراح يدرلك والو تفهمنا !!
ميرال هزتلو براسها بالايجاب وترمات في حضنو تبكي 😭😭 وهو تاني حضنها يبكي معاها 😭
بعد عليها ، مسح دموعو وشاف فيها و سقسها
-علي: و واش راح دري بيه ؟؟؟
ميرال عقدت حواجبها (تحاول تفهم واش قصدو) : و.. واش قصدك؟
دور راسو ،حط يدو على لحيتو و عدها عليها و عاود شاف فيها وجاوبها
-علي: قصدي ، يعني ، الولد ،
ميرال هبطت راسها و تفرك في يديها : انا، صراحة معلاباليش، راني خايفة
-علي: بنتي ، ما تقوليليش برك راكي تخمي ... 😧
ميرال : معلاباليش ...
-علي: ميرال ، بلاك دري هاد الشي ، ما تصحيش غلطة بغلطة ، حرام ، وعدني ما تخلينش نعيش نفس لوجيعة لى خلاتني يماك نعيشها ، غلطة يماك قضات عليها ، الله يخليك ما تحرقليش قلبي عليك😔
ميرال : بابا ني خايفة ، واش راح ندير اذا ما نعرفش به باباه ، كيفاه. نجيبو فهاد الظروف
-علي: ما تخميش ،اكيد راح يقر بالغلطة تاعو ، ما عندوش حل واحد اخر ، و زيد على حساب واش فهمت رحتو لدارهم شفتو باباه
ميرال : هزتلو براسها بالايجاب ، ايه شفناه و هدرنا معاه
-علي: ايييه و واش قالكم ؟؟
ميرال : قال انو راح يلقى حل في أقرب وقت
-علي: اييه ، أن شاء فيها خير ،
ميرال : ان شاء الله
-علي: يا دوك روحي تريحي راكي عيانة ، و الصبح ربي يعمل التويل ، روحي بنتي ، روحي
ميرال : صحا بابا ، يعطيك الصحه على كلش ،
-علي: انا باباك يا بنتي واحبي نوقف معاك في ظرف كيما هاد ،
ميرال : الله يديمك فوق راسنا وما يحرمناش منك
-علي: أن شاء الله يا بنتي ، ان شاء الله ، ايا دوك روحي تريحي ، تصبحي على خير ،
ميرال : وانت بالف خير 😘
خرج علي و دخلت تحت لغطا ، كانت تتقلب في فراشها حتى داتها عينها و غفات
↚
الحلقة 69
بعد ليلة كئيبة و سودة اخير حل صباح جديد و احدث جديدة راح تأثر على حياة الابطال تاعنا
قاعدة في غرفتها تهز في روحها و الدموع ما حبسوش كل ما تتفكر حقيقتها وجيعتها تزيد تقوى حياتها تبدلت بين صباح و عشية ، قطعت خلوتها كي دخلت عليها قربت منها تحب تحكي معها و تفهمها علاه خبات عليها
-ملاك: بنتي 😔😔
-رنيم: علاه جيتي 😏
-ملاك: رنيم ، بنتي علابالي راكي تتوجعي ، علابالي بلي روحك راهي تتحرق ، بصح خليني نفهمك ، خليني...
-رنيم: واش تفهمني ، ااااه وااااش ، تفهمني كيفاه حتى كذبتو عليا و عيشتوني في كذبة اااااه، سرقتو مني حياتي ، اسمي ، بابا ، خويا، تصدقي حتى ماني ، حتي وعلابالي بلي ما تحبنيش ،😭
-ملاك: لا يا بنتي راكي غالطة ، مهم يصرا يوسف يبقى باباك ، وانس خوك ، هادي دارك حتى واحد ما يقدر يغير هاد الشي فهمتي 😭
-رنيم: لا ، راكي غالطة و بزاف ، حتى ما بقات كيف كانت حتي واحد منكم يقدر يغير حقيقة انو انا جيت لهاد الدنيا نتيجة اغتصاب، اغتصاب فهمتي ، يعني اما بنت حرام ، سمعتني ، بنت حراااام 😭
-ملاك: ششششت خلاص سكتي ، نتي ماشى هكدا ، نتي بنتي انا ، بنتي انا 😭 و عنقتها وهي تحاول تبعدها عليها
-رنيم: بعدي، بعدي عليا ، ما تمسينيش ، بعدي 😭 و دزتها من عليها ، بقات دور في البيت كي المهبولة و ملاك غير تشوف فيها قسمتلها قلبها ، حطت يدها على فمها تبكي بحرقه😭
-رنيم: ماتقربش مني ، فهمتي ، خليكي بعيدة عليا خير ، انا عمري ما راح نسامح لكم فهمتي ، عمري 😤
-ملاك: بنتي ، الله يخليك ما تحرقليش قلبي عليك ، تعيشي 😭
-رنيم: خليه يتحرق كيما تحرق قلبي ،
-ملاك: بنتي😭😭😭
-رنيم: من اليوم ... قطع عليها انس كي هدر
أنس : من اليوم واش ااااه؟؟؟ واش اهدري
-رنيم: واش يا السي أنس ، جيت تستشفى ياك ، اااه ، انا اللي كنت حابة نكسر لك غرورك ، وفي الاخير انا الي تكسرت ، انا اللي وليت والو ، تقدر تفرح ، دوك راك ربحت و انا خسرت ، فضاتلك الساحة ، (تصفق بيديها👏)
أنس : واش كملتي ، خلاص,
-رنيم: ايييه كملت ومن بعد 😡
أنس : ماراحش ندير عليك و على هدرتك ، على بالي الشي اللي راكي تعيشي فيه ماشي ساهل ، راني عاذرك ، بصح ، حبيت نفهمك حاجة واحدة ، نتي راح تبقاي ديما بنت بابا لمفششة ، هاد الشي حتى واحد مارح يبدلو فهمتي ، نتي رنيم المكاوي ، بنت يوسف المكاوي ، يعني خت أنس المكاوي المغرور كيما تقولي ، صح دوك صعيبة عليك بصح مع الوقت كلش راح يجوز
-رنيم: بصح رغم كلش اما ماشي بنت يوسف المكاوي
أنس : و من بعد ، ما يهمش انو يكون باباك و لا لا ، نتي طول عمرك عرفتيه باباك و هو يعرفك بنتو، و تحابيه على هاد الأساس ، على خاطر الانسان يحب بروحو ماشي بالدم ، فهمتي
-رنيم: علاه نتا تعرف تحب باش تحكلي على الحب ، وقبل ما تشفق عليا ، روح شفق على ولدك و صحح الغلطة اللي درتها خير ما يعيش اللي عشتو على خاطر ماشى ساهل و الله حرام عليه ، و دوك خلوني وحدي 😡
كلامها كان كي الصفعة بالنسبه ليه ، كان في ينصحها و دوك ولات هي اللي تنصحو ، بلا ما يزيد كلمة هز روحو و طلع لبيتو راح طول للدوش حل السبالة و غسل وجهه بلل رقبتو كان حاب يطفي النار اللى شاعلة فيه، شاف روحو فلمرايا، و كلام -رنيم يتعاود في راسو ، طفى السبالة ، و خرج من الدوش، بقا يروح و يجي فالبيت ،هز يدو وغلغل صباعو داخل شعرو ، كان ينهج ، فجأة قرر يخرج من البيت ، راح طول لبيتها ، وقف قدام الباب كان متردد في كل مرة يهز يدو باش يطبطب يهبطها ، بقا هكدا حتي تفتح قابلاتو ، كانت تمسح في دموعها
↚
الحلقة 70
-ملاك: أنس😳!!!!
كان يرمي في عينيه في كل بلاصة غير باش ما يشوفش فيها ، ويهدر
أنس : انا ، احم ، يعني كنت حاب نهدر معاك ، وعلى حساب الشوفة ، ماكيش في حالة تسمحلك تحكي ، معليش خلي من بعد نحكو ، جا يروح شداتو من دراعو
-ملاك: ستنى ستنى ، عندي سنين و نسنى فهاد اللحظة ، معقول ما راح نسمعلك ، احكي ، واش كاين غير الخير !!!
أنس : بصراحه انا ...
-ملاك: دقيقه ، ماجايش نحكو على الواقف ، خالينا ندخلو للبيت و نحكو على راحتنا واش رايك ؟
أنس : اوكي ، ماشي مشكل
-ملاك: يا الله ، دخل ولدي ، دخل ،
غير دخل معها و حط رجلو فالبيت ، رجعلوا ذكريات تاع طفولتو ، كي كان يلعب و يجري في هاد البيت، وخطرات كي يكون يخاف فالليل و لا كي يكون يوسف مسافرتجبيو ملاك عندها تبيتو معها ، كان سارح في ذكرياتو حتى قطعت عليه سرحتو
-ملاك: خير انس واش كاين؟ ، بلع ريقو ، تلفتلو الهدرة ، كان صعب عليه يبدا كلامو ، بعد مده تشجع و حكى
أنس : صراحه يعني ، ما معلاباليش من وين راح نبدا ، ولا خلينا نقولو راني حشمان ،
-ملاك: علاه
أنس : انا ، انا حكمت عليك قبل ما نعرف واش كاين ، جرحتك بكلامي و تصرفاتي ، كنتي ديما تحاولي تتقربي منى و انا كنت نصدك و نقلل من احترامك ، كنت نهينك سنين و نتي كنتي تتحملني ، و صبرتي عليا جامي شكتي بالعكس كنتي ديما نتي اللي تبادري و انا نكسرك ، ونجرحك ، انا حبيت نطلب منك السماح على كلش ، معلاباليش اذا تقدري تمسحلي ولا اذا مازلك تحسبني ولدك و لا، بصح نتمنى تقدري فيوم تسمحلي 😢😔
دمعو عينيها من الكلام اللي قاعده تسمع فيه ، مش مصدقه انو انس واقف قدامها و يحكي معاها من بعد سنين تاع جفى و بعاد بلا ما تحس قربت منو و حضنت وجهو بين يديها تشوف في عينيه و تحكي
-ملاك: علاه الام تقدر تزعف على ولادها، ولا تاخد بخاطرها منهم ، نتا راك ولدي ، روحي ، اول فرحتي ، كبدتي، كنت ديما نسنى فهاد النهار بفارع الصبر جامي عيت ولا ستسلمت ، و اليوم راك واقف قدامي و تحكي معيا من بعد كل هاد السنين ، راك رجعتلي فرحتي ، حياتي ، راك مسامح يا ولدي راك مسامح دنيا و اخره 😭
نهار قدامها وبلا ما يحس رمى روحو في حضنها و كانو كان يستنى فهاد اللحظة من سنين ، يحضن فيها و يزير عليها و كانو كان حاب ينحي شوقو ليها و حرمانو ، كان يهدر بصوت فيه غصة
أنس : سمحلي بزاف ، سمحلي يا يما ، سمحلي😭😭
غير سمعت كلمة يما منو يعداتو منها و حضنت وجهو بين يديها تضحك و تبكي في نفس الوقت
-ملاك: واش قلت!!!
أنس : سمحلي
-ملاك : لالا ماشي هادي
أنس : ي.. يما
دخلاتو في حضنها و دموعها ولاو شلالات 😭 تبكي بحرقه ، وتحكي
-ملاك: ااااه يا ربي ، نحمدك يا سيدي ربي اللي خلتني نعيش هاد اليوم ، نتا ولدي ، ولدي أنا😭😭
أنس : ايه ولدك ، ولدك يا يما
بعدما نحاو شوق تاع السنين ، كان حط راسو علي حجرها و هي تمسحلو على شعرو ، كانو سكتين و كانهم يستمتعو باللحضة ، فجأه قرر يكسر الصمت ،رفد راسو و شاف فيها و هدر
أنس : حابة نقول حاجة
-ملاك: خير يا روحي واش كاين
أنس : ميرال
-ملاك : عينيها تحلو كي سمعت اسم ميرال، خير احكي
أنس : انا، يعني ، صراحه ماعرفتش كيفاه راح نقولها
-ملاك: قول واش راك حاب
أنس : معلاباليش اذا راح تقبل بصح راني حاب نصحح الغلطة تاعي ،
-ملاك: (وساعو عينيها ) صح ، راك تحكي صح ، ما راكش تتمسخر ياك !!!
أنس : لا يما ، راني نهدر صح ، الطفلة حبتني من قلبها و انا تصرفت كي الحيوان معاها ، و راني حاب نكفر عن ذنبي
-ملاك: هاد لخبر يفرح 😃 اساسا هاد الشي اللي لازم يكون ، الحمد لله
أنس : واذا ما قبلتش !!!
-ملاك: تقبل ، علاه ما تقبلش
أنس : ونتي واش عارفك ، انا اذيتها بزاف
-ملاك: كاين غير حل واحد باش نعرفو اذا تقبل ولا لا
أنس : اللي هو !!!!؟
ملاك: نروحو عندها و نحكو معها ، هيا نوض خلينا ما نضيعوش الوقت ، خلينا نروحو عندها
أنس هز راسو بالايجاب و ناضو خرجو ركبو فالطومبيل طارو طيران عند ميرال
↚
الحلقة 71
قاعده في البيت مع شهد بلا ما تقول حتى كلمة غايسة في تفكيرها تخمم في حياتها و الشى اللي صار معاها بين صباح وعشية تحولت حياتها لكابوس ، فيقتها شهد من سرحتها كي قربت منها و سقستها
-شهد: ميرال😓
ميرال : ااااه ، نعم
-شهد: راكي مليحة!!؟
ميرال : ايه مليحة يا روحي
-شهد: بلا ما تحولي تكذبي عليا وتقول لي راكي مليحة
ميرال : ياروحي ما تقلقيش روحك
شهد : صح ما تقولولي والو ، بصح علابالي كامل واش صرا لك 😔
ميرال : يا عمري ما دريش هاد لحكايات في بالك ، مكان والو😔
شهد: بصح راني خايفة😨
قربت منها و حطت يدها الزوج على وجهها تحضن فيه و تحكي
ميرال : علاه ، من واش راكي خايفة😨
-شهد: خايفة عليك ، خايفة تصرالك حاجة 😔
ميرال : يووه ختيتو ما متخافيش يا روحي ما راح يصرا والو
-شهد: و خويا قيس !!!
ميرال : تقلقيش روحك يا عمري ياك تعرفي خوك ، صح يزعف، يعيط و يكسر الدنيا بصح ما يدير والو صدقيني ، هو هدر هكذاك على خاطر كان زعفان هدا مكان 🙂
-شهد: بصح....
ميرال : ما بصح ما والو ، ما راح يصرا والو نفاهمنا!!؟
هزت راسها بالايجاب ، تبسمت 🙂 من بعد كملت هدرتها
-شهد: ميرال, ختي راني حابة توعدني انك جامي تخليني وحدي و جامي تبعدي عليا ، يصرا لي يصرا
ميرال : شهد واش بيك ، علاه انا نقدر نخليك وحدك ولا نبعد عليك ، راح نبقي ديما معاك
-شهد: وعد
ميرال : وعد
حطت راسها على كتفها وهي تمسح لها على شعرها ، بقاوا هكدا مدة حتى سمعو صوت الباب يندق بقوة تهزو من بلاصتهم في زوج خصوصا كي سمعو صوت قيس برا يعيط و يكسر الدنيا و حنان تهدي فيه
-قيس: وين راهي هاديك لموسخة ، وين ؟؟
-حنان: خير واش كاين تاني !!!
-قيس: راح نصفي حسابي معاها فهمتي وحتى واحد ما راح يدخل روحو فهمتي 😤
-حنان: يهديك ربي يا طفل واش بيك هاديك ختك
-قيس: انا ما عنديش ختي توطلي راسى و تجيب العار لدار فهمتي 😤
-حنان: واش بيك الطفلة راهي مظلومه ، وما عندها حتى ذنب
-قيس: خليني من هاد الهدرة و بعدي من طريقي دزها و راح دخل عند ميرال اللي كانت واقفة فى نص الغرفة مع شهد حضنو بعضهم البعض قرب منها و شدها من يدها وجرها معاه لبرا و شهد كانت لاصقة فيها خايفة و تبكي عليها
-شهد: خويا قيس الله يخليك طلقها راهي ما دارت والو
-حنان: بعد منها ، قيس خليها ،
دزهم في زوج و عدا ، كام راح يخرج برا حبسو صوت علي
-علي: قيييس😤😤
-قيس: ( دار عندو و يشوف فيه بنص عين) بلاك ، بلاك. تقولي خليها ولا بعد عليها ، على خاطر حتى واحد فيكم قادر يمنعني ، فهمتو ، حتى واحد ما يدخل روحو 😤
-علي: و شكون عطاك الحق انك تقرر هاد الشي اااه
-قيس: العادات والتقاليد هوما اللي عطاوني الحق يا بابا لعزيز ، فعاداتنا لمرا لي تغلط و تجيب العار لدارهم ما تترحمش ، وتخلص ثمن غلطتها ، سمعتني ، وانا هاد الشي اللي راح نديرو 😤
-علي: مادامنى عايش يعني انا اللي راح نقرر مش نتا وانا راني نقولك بلي راح نكسر هاد العادات والتقاليد ، فهمت
-قيس: والله يا بابا لعزيز هاد الشي خلاص فاتك و قراري مستحيل نتراجع عليه الشي اللي نقولو انا اللي راح يصرا ، بسيف عليكم 😡😡
قرب منها و شدها من يدها وجرها معاه لبرا حل الباب و خرج و حنان و شهد يحاولو يبعدوها عليه يصح قوتو كانت اكبر منهم ، و حتى علي حاول يوفق على رجليه باش يمنعو بصح يا خسارة خانوه رجليه و طاح طول فالارض ، كان يكركر فيها حتى لحقها لواحد الطموبيل🚗 كان مسلفها من عند صاحبو ، حل الباب و دزها لداخل و هي غير ساكتة وهادية😐 على عكس حنان وشهد اللي حرقوا الدنيا بصوت بكاهم😭😭 كانو يطبطبو على الشباك تاع الطموبيل ، ويعيطو 😭 و ويترجاوا قيس يطلقها بصح هو كأنو وذنيه تسكروا و عيونو تعماوا لدرجة انو ما شافش معانتهم😢 ولا سمع صوت بكاهم😭 شعل المحرك و ديمارا باقصى سرعه كان يحرق فالعجلات حرق تقول شي كان مزوب حتي ياخذ روحها ، هو يمشي و شهد تجري موراهم كل ما يبعد هي تجري حتى بعدوا وغابوا عن الانظار ، وهي طاحت على ركابها تبكي بحرقه
↚
الحلقة 72
بعد ما لحق للحي تاعهم ، حبس الطموبيل ، و فجأه تفكر كي كان يوصل ميرال ، غمض عينيه، تفكر كل لحظة عداها معها، تفكر حتى اخر مرة وصلها في ليلة حفله عيد ميلادو ، تفكر كيفاه كانت فرحانه و كيفاه شس كان هو يلعب عليها و يسنى الوقت اللي يكسرها فيه ، هي كانت تقولو عندي ثقة فيك ، تفكر حتى نظراها اللي كانت كلها حب ، اهتمام ، فتح عينيه و تنهد ، حشم من روحو والاحساس بالذنب كان ياكل فيه اكل ، حس بقلبو تزير عليه ، كل ما تجي صورتها بين عينيه قلبو يخفق و يحب يجري عندها ، و يركع على رجليه و يطلب منها تسامحو ، صح الشي هذا ماشى ساهل ، بصح على الاقل تخليه يعوضها على الشى اللي دارو فيها ، و ينسيها العذاب اللي عيشها فيه ، لاول مرة قرر يسمع و يتبع صوت قلبو اللى كان يتحمس و يحب يخرج من بلاصتو بمجرد انو يسمع اسمها ،و هاد الشي طبعا كان شي جديد عليه ، احساس جديد ، مشاعر جديدة ،ما كانتش موجوده في قاموسو من قبل ، كان غارق في بحر افكارو حتي قطعت عليه سرحتو كي كسرت الصمت بسؤالها
-ملاك:. خير ، وين راك سارح ؟؟؟
أنس : ااااه ، لا والو ، راني غير هنا
-ملاك: امممم باين عليك 🙂 انا اللي علابالي وين راك راح عقلك 😉
أنس : يااااه ، قولي لي وين راح عقلي
-ملاك: باينة هادي ، راح عندها 🙂
أنس : و شكون هادي 🤔🤔
-ملاك: واش عمبالك مانيش فاهمة عليك ، و لا مانيش فاهمة فاش راك تخمم ، راني حاسة بيك ، علابالي من النهار اللي شفت ميرال فالقصر و انت تبدلت ، وليت انسان واحد اخر ، علابالي بلي كل تخمامك راه عند ميرال ، احساسك بالذنب راه يقتل فيك من الداخل ، راني قادره نشوف الخوف في عينيك ، الخوف من انها ما تقدرش تسامحك 😔
أنس : يعني ، راكي قولتيها اذا تقدر تسامحني 😔
-ملاك: يعني هاد مجرد احتمال برك ، وانا متأكدة انها راح تسامحك ، والله الطفلة قلبها كبير ، وعلابالي راح تسامحك ، ماراحش نقولك تسامحك ، دوك ، الشى اللي صار معاها صعيب ، ما راحش نقولك راح تنسي على خاطر هاد الشي ما يتنساش ، بصح علابالي بلي الوقت يداوي لجروج، ويهدي النفوس ما تيأسش يا ولدي ، و ما دام راك مستعرف بالغلطة تاعك وراك حاب تصححها اكيد رب العالمين راح يكون معاك ويوققك صدقني 🙂
أنس : كلامك هاد كاين منو و صح واش راكي تهدري ، بصح لوكان ما درتش الغلطة اللي دارتها و...
-ملاك: مانيش نقول انو ما غلطش بالعكس ، بصح راك حاب...
أنس : لوكان غير درت غلطة واحدة معليش ، انا راني درت معها غلطة اكبر من غلطة تاعي 😔
-ملاك:😳😳 علاه ، واش درت ، واش من غلطة تاني ، ااااه !!؟
↚
الحلقة 73
بلع ريقو ، و سكت ، كان حشمان يجاوبها😔 حط يدو على لحيتو عداها عليها بقوة خذا نفس عميق كن من بعد قرر يهدر
أنس : انا، انا، يعني فهاديك الليلة ... ماكنتش وحدي 😔
-ملاك: ااااه ، كيفاه زعما ، واش قصدك !!!؟
أنس : كان معيا اياد 😔
-ملاك: اييه ومنبعد 😦
أنس : انا ، بعد ما غلطت معاها ، خليتو ، هو ، يعني،هو
حلت عينيها و حطت يدها على فمها من الخلعة😱😲 ، كان اخر شي تتوقعو منو ، يتعدى عليها و يزيد يخلي صاحبو يتعدى عليها هو تاني حتى الهدرة تخرجها بسيف
-ملاك: وا.. وشنو 😱 ، لا مستحيل ، يا ربي هاد الشي اللي نسمع فيه مستحيل ، لا لا ، يعني اياد هو تاني تعد...(قاطعها قبل ما تكمل)
أنس : لا ، لا ، ما صرا والو ، انا منعتو في اخر لحظة 😔
-ملاك: ااه يا ولدي اه , الله يسامحك ، اه يا ميرال ، واش راكي رافدة ، كيفاه راهي قادرة تتحمل و تخبي هاد الشي كامل ، علاه يا أنس علاه ، معقول لهاد الدرجة كنت حيو... سكتت ( قبل ما تكملها) اوف استغفر الله يا ربي ، استغفر الله 😫
أنس : علاه حبستي ، كنت كملتيها ، صح ، انا حيوان ، و ما نسواش ، 😔
-ملاك: اوووف ، سمحلي ، كانش قصدي, ، يعني ...
أنس : لا ما يهمش ، ما عندك لاه تطلبي سماح ماكيش غالطة ، 😔
-ملاك: سمعني مليح ، دوك خلاص اللي صرا صرا ما عندنا ما نديرو من غير انو نحكو مع ميرال ، و نقنعها تسامحك و انت تصحح الغلطة تاعك فهمت
أنس : صح عندك الحق ، راح ندير اي شي باش نخاليها تسامحني ، راح نحارب حتى نكسبها من جديد و نسيها كلش ، و زيد راهي حامل ماراحش نخليهم وحدهم 🙂
-ملاك:. اي صح حامل ، بولدك ، يعني من دمك ، وان شاء هاد الولد راح يعاود يجمعكم من جديد 🙂
أنس : ايييه أن شاء الله 🙂
-ملاك: ايا دوك راح نباتو هنا و كيفاه خلينا نروحو نهدرو معاها ، يالله
أنس : ايه صح
فرب من دار ميرال ، كان متردد و حشمان يهبط ، لكن بعد ما قنعاتو ملاك هبط و داخلو كلو امل انو يخليها تسامحو ، قربو من الباب ، طبطبو ، و سمعو صوت جريان ، تحل الباب بقوة و خرجت كل من حنان وشهد و حتى لينا و مروى اللى جاوا بعدما عيطتلهم حنان كانو كلهم يبكوا و وجههم صفرا ، خرجوا كلهم حسبوا انو قيس اللي رجع و جاب معاها ميرال ، بصح يا حصرا خاب ظنهم ، كانو كلهم يشوفو في بعض حتي هدرت ملاك
-ملاك: مدام حنان ، خير واش كاين ؟؟ واش بيكم !!؟
على سؤالها طاحت على الارض تبكي بهسترية ، وقربو منها البنات يواسو فيها و يبكوا ، حتى ملاك نزلت لمستواها حابة تفهم واش صرا
-ملاك: مادام حنان ، خير علاه راكي تبكي ، فهميني واش كاين !!!😨
-حنان: ااااه ، يا مدام ملاك ، ااااه مصيبه طاحت على راسي و على راس بنتي ميرال، اااه
انس و ملاك عيونهم وساعو كي سمعوا اسم ميرال، قرب منها هو تاني يسقسي فيها
أنس : خالتي واش بيها ميرال ، واش صرا معها !!!
شافت فيه بنظره كلها حقد و كره ناضت وقربت منو و عطاتو كف خلات وذنو تصفر حكمت من تريكوه تهز فيه بقوة تلز على سنانها وتحكي
-حنان: كلش شي بسبتك نتا ، انت السبة ، دمرت حياة بنتي و ضيعتها ، دخلت بين ولادي ، بسبتك ولدي قيس خذا معه ختو باش يقتلها و ينظف الشرف اللي ديتهولو نتا 😭 الله لا تربحك ، الله لا تربحك 😭
كلامها كان كي الصفعة الله داها من عندها و لا اكتر ، بعد ما كان متأمل انو عندو فرصه يخليها تسامحو صدماتو كي قالت لو بلي بين الموت و ميرال كاين غير خطوة ، و انو يقدر ما يعاودش يشوفها ، الفكرة وحدها خلاتو يجن ، بلا ما يحس شدها من كتافها يحكي و يعيط عليها
أنس : خالي ، واش راكي تهدري ااااه هبلتي ، واش من موت ااااه
-ملاك: حنان الله يخليك فهمينا واش راه صاير😨
حنان كانت غير تبكي ما كانتش قادرة تحكي ، كانو يسناو تحاوبهم فجاة هدرت شهد جاوبتهم
-شهد: خويا قيس عرف الشي اللي صار مع ميرال و داها معاه باش يقتلها 😭
أنس : كان يهز راسو بهسترية مش متقبل فكرة انو يمكن يخسرها مرة اخرى ، قرب من شهد شدلها وجهها بين يديه ويحكي
أنس : صحا ، تهدني دوك و قولي لي كلش ، وين راحو ، من وقتاه راحو ، عند فكرة وين يقدرو يرحوا
-شهد: هزت راسها بالنفي
راح قرب من حنان و يقسيسها نفس الشي ، بصح هي كانت في صدمة كأنها في عالم واحد اخر ، فالوقت لي كان يترجها تهدر خرج علي و خبرو وين راح يديها ، قالو انو كاين بلاصة يدو ليها لمرا كي تغلط و ينظفو الشرف تاعهم ، غير عرف وين يقدر يلقاها راح ركب فطوموبيل هو و ملاك و راحو طول للبلاصة
↚
الحلقة 74
لحق عند لبلاصة كان عباره عن تل يطل على نهر كبير ، خرج من الطموبيل ، راح جيهتها ، حل الباب و خرجها شدها من يدها يجر فيها ، وهي غير تبع فيه ساكتة و كانها استسلمت للامر الواقع ، كان يجر فيها حتي لحقوا لحافة التل شاف فيها بشر من بعد هدر
-قيس: علابلك علاه جبنا لهنا و لا لا ، ااااه ، ما جاوباتوش قعدت ساكتة و تشوف في نقطة وحده
-قيس: راني نهدر معاك ، سقسيتك جاوبني 😤
ميرال : 🤐
-قيس: اوكي مادام ماكيش حابة تحكي انا راح نجاوبك
هز سلاحو و صوبو عليها ، كان وجهو ما يتفسرش ، النار شاعلة في عيونو ، و كان ينهج و يتنفس الزربة ، كان الغش عمالو عينيه ، وحتى يدو اللي شد بها السلاح و صوبو عليها ما كانتش ترجف تقول شي هاديك ماشي ختو ، اللي كان يهمو انو يخرج هاديك الرصاصة و يتهنى منها ، يعنى عادي يقتل ختو بدم بارد تحت ما يسمى جريمة شرف او ما يسمى في اوساط قبلية بغسل العار ، بالرغم من انو ميرال ماكانش عندها ذنب فالشي الي صرا. ذنبها الوحيد انها حبت انسان غدرها و خانها ، تعدى عليها بكل دم بارد
-قيس : شفتي علاه جبتك هنا ، ساهلة ، جبتك باه نغسل العار اللي جابتة فهمتي ، 😤 وحتى واحد راح يقدر ينقذك ، قلتلك راح تخلصها يعني راح تخلصها 😤
هزت راسها و شافت في عينيه وكانها تتحدى فيه منبعد هدرت
ميرال : واش راك تسنى ، دريها ، هني روحك و هنيني ، ما عنديش مشكل ، اذا قتلتني ولا لا ما يهمنيش ، على خاطر في كلتا الحالتين راني ميتة 😔
-قيس: وتزيدي تحلي في فمك ، ما تقلقيش راح نديرها بلا ما يرف لي جفن 😤😡
حط صبعو على الزناد باه يخرج الرصاصة ، فهاد الوقت أنس وملاك شافو طموبيل فهاديك البلاصة خرجو من الطموبيل يجروا باش يلحقهم و فهادك الوقت سمعو صوت الرصاص ، تسمروا في بلاصتهم ،يرجفو ، ملاك من الصدمه ، عيطت باعلى صوت اما أنس حس قلبو راح يوقف ، النفس ضاق عليه ، يديه كانو يرجفو ، وحتي رجليه فشلوا ما عادوش قادرين يحملوه من الصدمة تهدت حالتو و طاح على ركايبو
↚
الحلقة 75
كان داخل طموبيل ، عالق داخل سركالة ، كان شاد الفولون بيديه و يطبطب عليه يصباعو ، شاف في الساعة و تأفأف ،😫🙄 كان لازم يكون عندها من شي ساعة ، قرب شوية للقدام بعد ما نقصت السركالة ، دور راسو على يسارو ، شاف محل يبعو فيه الورد🌹 ، صف على جنب و راح فات على لمحل ، غير دخل قابلوه لورود من كل نوع ومن كل لون ، بقا يرمي في عينيه في كل بلاصة حتى طاحت عينيه على باقة ازهار من نوع الاوركيد في البنفسجي ، 💐 بقا يشوف فيها حس انو تشبهلها ، بتسم على جنب ، و بقا صافن يشوف فيها حتى فيقاتو مولات المحل كي سقساتو
🙎: راح تديها!!!؟
أنس : ااااه ، واشنو !!
🙎 :الباقة ، راني عليها ، سقسيتك اذا راح تديها ، عجباتك؟؟
أنس : ايييه ، بزاف ، راح نديها 🙂
🙎: اوكي ، رفدتها من بعد عاودت سقساتو
🙎: راك حاب تحط ملاحظه ولا لا
أنس : لا ،لا ماكلاه
مدتلو الباقة و هو مدلها حقها ، جا راح يخرج حبساتو
🙎: على فكره هاد اختيار موفق ، لانو الاوركيد من اجمل الزهور ،
أنس : ماعنديش شك
🙎: وعلابالك لواش يرمز هاد الزهر
أنس : هز راسو بالنفي
🙎: بتاسمتلو ابتسامه خفيفه من بعد كملت هدرتها : يا سيدي الاوركيد يرمز للحسن،الاناقة والجمال الممزوج بالبراءة ، واكيد مولاتو راح تكون عندها هاد الصفات ، وراح تكون حسناء صح ولا راني غالطة!!!؟
أنس تبسم على جنب ، و جا راح يخرج ، دار عندها و جاوبها
أنس : و هي هيك، عندك الحق
دار وشاف قدامو ، و خرج ، عاود ركب طموبيل و حط الباقة من القدام ، شعل المحرك و ديمارا، كان يسوق و مرة على مرة يرمي عينو على الازهار و تبسم ، بقا يسوق ، بعد مدة زمنية لحق عندها ، بقى شي دقايق فالطومبيل و كان يشوف من الشباك لبرا ، من بعد هز الاوركيد بيد و اليد لخرا حطها على الباب حلو و خرج ، غلق الباب و عاود شد الازهار بيديه الزوج مقربهم شويه لصدور ، و قرب لقدام
↚
الحلقة 76
كان يقرب بخطى ثابته ، كل ما يقرب كتر قلبو يدق كتر ، قعد عيونو يشوفو لقدام ، حط الباقة على جنب و بقا يشوف فيها ، تبسم ابتسامه خفيفه من بعد هدر
أنس : تعرفي واش قالتلي مولات المحل اللي شريتهم عندها ، قالتلي الاوركيد يرمز للحسن ، الجمال ، البراءه ، قالت لي انو اكيد مولاتهم تكون حسناء بحالهم ، هههه ، تعرفي انا واش قلت لها !!! قلت لها ، صح عندك الحق ، على خاطر تاع صح تشبهي لهم بزاف ، حتى ريحتهم حلوة كيما ريحتك ، ههههه, تعرفي ، راح نعترفلك بسر ، انا عرفت بزاف بنات في حياتي ، بزاااف ، شكل والوان ، درت بزاف علاقات ،، يعني كاين اللي حبوني على خاطر انا أنس المكاوي ، واللي حبوني على جال دراهم وكاين اللي حبوني على جال شخصيتي اللي كانت تبنان من برا قوية ، والله كانو كتار لدرجة اني كنت فالصباح نخرج مع وحده و الليل مع واحده اخرى ، كلهم خرجوا كيما دخلوا ، وحتى واحده ما أثرت فيا و كأني عمري ولا عرفتهم ، (دور راسو عندها شاف فيها وكمل كلامو) بصح نتي غير ، نتي الوحيده اللي أترت فيا ، نتي خليتي هاد ( حط صبعو على قلبو و يضرب فيه ضربات خفاف) هاد ينبض ، ويعشقك ، من بين ڨاع هادوك لبنات قلبي خيرك نتي و بغاك نتي ، عيوني ما عادوش شافو غيرك ، غير نتي لي في بالي ، نظل نخمم فيك ليل ونهار ، وحتى في الليل نحير وقتاه يطلع الصباح غير باش نجي نشوفك و نحكي معاك ، ما نقدرش نصبر ، بلا ما نجي نشوفك ، صدقيني هاد لكلام خارج من قلبي 🙂
دموعو عينيه 😢و هز يدو مسحهم بالزربة و تبسم ابتسامه خفيفه وكمل كلامو شفتي هههه 😭 حتى انا وليت نندب ههههه ، شاف فيها و عيونو كلهم حب و حنان وهدر
أنس : علاه راكي ساكتة ، ما راح تقولي والو ، ااااه ، قولي كاش حاجة ، ما تبقايش ساكتة 😧😔 اوكي صحا ، كيما تحبي ما تقولي والو ، المهم راكي تسمعي لي هاد الشي يكفيني 😔. ميرال انا راح نروح دوك بصح نوعدك غدوى راح نولي ، و راح نجيبلك من هاد الاوركيد باين عليك بلي عجبك اااا واش قلتي ؟؟
هزت راسها بالايجاب و تبسمتلو ابتسامه خفيفه تدل انها موافقة ، من بعد ناض هو بعد ما ودعها ركب فالطومبيل و راح
↚
الحلقة 77
قاعدة فالصالون مع كريمة يشربوا فالقهوة ، تصلحت علاقتهم بعدما عتاذرت من الكل و صلحت غلطتها ، دوك الشي اللي يهمها عايلتها و انها تخليهم مرتاحين، كانوا في زوج ساكتات حتي قررت تكسر الصمت بسؤالها
-كريمة:. بنتي، انس جا ولا مازال ؟
-ملاك: مع الاسف لا. مازال
-كريمة: وماقالكش وقتاه يجي !
-ملاك: لا ، ما قاليش
و غير كملت كلامها دخلت رنيم تجري وكانت تلهف
-ملاك: بسم الله الرحمن الرحيم يا بنتي خير ، واش كاين ،
-كريمة: واش بيك تقولي شى كاش واحد تبع فيك !!!
-رنيم: (تحكي وترد فالنفس) ماما ، ماني ، جا ، راه جا🙂
-كريمة: خير يا بنتي شكون لي جا !!!؟
-ملاك: شكون يا بنتي؟؟؟
-رنيم: واشبيكم ، راني نحكي على خويا انس ، جا دوك شفتو 🙂
غير سمعو اسمو ناضو في زوج ضربة وحده و قربو منها يسقسوها
-ملاك: صح ، جا ، راكي تحكي صح !!!!
-كريمة: قولي الصح يا بنتي ، ما راكيش تكذبي ، ياااك !!!
-رنيم: راني نقولكم شفتو بعنيا هادو ، دوك جا ☺️
غير كملت كلامها و دخل انس و شاف فيهم كانو كامل يشوفو فيه و يضحكوا عقد حواجبو و هز راسو و غمزلهم بمعنى واش كاين من بعد هدر
أنس : خير ، واش كاين ؟؟؟ علاه تلميتو كامل هنا كاش ما صرا!!!؟
-ملاك: .يا سيدي لي صرا انو ولدي لحبيب عرف طريق لدارو
أنس : علاه ، شحال غبت انا
-ملاك: يومين
أنس : مالى خلاص يومين برك ، ماشي عامين
-كريمة: والله يا ولدي لا بغا دقيقه الدار ضلمة بلا بيك ،
-رنيم: احم احم ، واقيل ما عمرتلكمش عينكم و لا كيفاه (ربعت يديها و دارت روحها مشنفة😤)
أنس : (قرب منها) والله نتي هي الصح الصح فهاد الدار ، حط يدو على شعرها و خربهو لها
-رنيم: اممم☺️
أنس : انا تسمحولي نروح ندوش
-ملاك:روح ولدي روح ،
-كريمة: اكيد راح تبقى تفطر معانا ياك ، !!!
أنس : لا ماني ، ندوش ونخرج، عندي شغل
-كريمة: واش من شغل يا ولدي؟؟؟
أنس : عندي شغل وخلاص
-ملاك: أنس تعيش ولدي ، ما ديرش فروحك هاكدا ، علاه راك تتهرب منا ...
أنس : ما نتهرب ما والو 😏
-ملاك: سي راك تتهرب ، ماكش تشوف حالتك
أنس : خير واش بيها حالتي!!!
-ملاك : وليت ما تقعد معنا ، ما تاكل ، ما ترقد ، حتى ادا دخلت للدار تدخل في الليل كي نكونو راقدين و تخرج صبح ربي قبل ما نوضو ، قولي شحال عندك ما قعدتش معانا ااااه قولي
أنس : هاد الشي ما يعنيش انو راني نتهرب 😏
-ملاك: واش تسمي هاد ادا ماشي تهرب اااه ،
أنس : معلاباليش!!!😔
-ملاك: انا لي علابالي ، و حاسة بيك ، من هاداك النهار و نتا راك غالق على روحك ،و هامل روحك علاه اااه علاه تلومك في وحك على حاجة ما درتهاش ،اااه علاه كل هاد الاحساس بالذنب ، ااااه علاااااه ماكش حاب تفهم انو الشي اللي صار هاداك اليوم تقدر ، علاش ما ترحمش روحك شويه، تلاث سنين ، ثلاث سنين وانت كل يوم تروح لهاديك البلاصة و تسنى فيها ، ثلاث سنين وانت مازال قطعتش لياس ، اااه و نتا سمعت مليح هاداك اليوم وااش قالو لابوليس ، حوسو عليها في كل جيهة و ما لقاوهاش ، و....
أنس : انا ما يهمنيش واش يقولو ، انا لي يهمني احساس قلبي ، فهمتي ، اذا نتم تقبلتو فكرة انو ميرال ماتت انا محال نتقبلها ، انا قلبي يقولي راهي عايشة وانا صدقتو،
-كريمة: يا ولدي يهديك ربي ، لوكان صح كيما راك نقول ، الطفلة مازالها عايشة ، وين راهي علاش ما بانتش حتى اليوم ، علاش تخلي عايلتها ، ناسها وحبابها يتحرقو مدة ثلاث سنين ، قولي ، ااا😔
أنس : معلاباليش ، ما معلاباليش ،
-كريمة: ماشي ما علابالكش ، برك نتا اللي درت في بالك انها مازالها عايشة ، ومش حاب تتقبل حقيقية انو ميرال خلاص ماتت ، وما عادتش بيناتنا
أنس : ما تقبلتش و مش راح نتقبل هاد لكلام ، راني متأكد انو ميرال مازالها عايشة ،
-رنيم: خويا ، مانيش حابة نخيب ظنك بصح ، راني مع ماما و ماني ، خلاص نتا لازم تتقبل غيابها😔
-ملاك: خلاص يا ولدي رحم روحك شويه ، بزاف ، راك انسان ، راك عبد، حتى دموعك ، راك تخابيهم علينا بركا ما تخبي في قلبك ، ابكي ، عيط ، كسر ، خرج اللي فقلبك، بالاك النار اللى شاعلة داخلك تطفى ، بالاك اذا خرجت واش راك حابس داخلك تقدر تكمل حياتك ، و تخرج هادوك الافكار من راسك ، وبالاك راح تقطع تيأس و ....
↚
الحلقة 78
أنس قرب منها عيونو تعمرو بالدموع ، كان يحكي بغش
أنس : انا اذا شي يوم يأست و تقبلت هاد الفكرة ، يعني تكون تخليت على ميرال ، ولا خلني نقولك نكون تخليت على روحي قبل ، على خاطر الشي اللي راكي تسميه نتي هروب ولا هذيان و لا معلاباليش ، انا نسميه ، بريق آمل، وانا اذا شي يوم فقدت هادك الامل و يأست نكون حكمت على روحي بالاعدام ، على خاطر راني عايش بهاد الامل، هو اللي مخاليني عايش حتى اليوم فهمتي (. طاحو دموعو سالو على خدو😭)
قربت منو ملاك وحضنت وجهو بين يديها و تمسحلو دمعو بصباعتيها ، تحكي ودموعها شلالات😭
-ملاك: علاه يا ولدي ، علاه دير في روحك هكدا ،
أنس : ما تلومينيش يا يما ، ما تلومينيش 😭 ماقدرتش نتقبل موتها على خاطر حتى اذا عقلي تقبل هاد الفكرة بصح هاد (حط يدو على قلبو) محال يتقبل، ما يقدرش ،😭
-ملاك: علابالي بلي صعبية عليك ، بصح رانا معا بعض راح نكونو ديما معاك وماراحش نخلوك
أنس : (هز راسو بالنفي) علاه ماكيش حابة تفهمني ، انا مانقدرش ، ما نقدرش ، حتى اذا حبيت نتخلى و ننساها ، قلبي ما يقدرش ، حبها ، اسمها ، وحتى صورتها تحفرو في قلبي ، علابالك علاه كل يوم نروح لهاديك لبلاصة ، نروح غير باش نشوفها
-ملاك: عقدت حواجبها ، و هزت راسها بمعنى واش راك تهدر ؛!!!!
أنس : ايه ، صح ضيعتها فهاديك البلاصة ، بصح تاني فهاديك البلاصة اللي لقيتها ، كي نروح نشم ريحتها ، نسمع صوتها ، ضحكتها ، صدقيني فهاديك البلاصة نحس بيها قريبه ليا بزاف لدرجة اني نشوف خيالها و نحكي معاها، 😭 قبل ما يكمل كلامو ترمات في حضنو تزير عليه وقلبها تقطع عليه 😭💔 تهدر وصوتها ممزوج بالبكى
-ملاك: ااااه يا ولدي ، ما ديرش فروحك هاكدا ، رحم روحك ، حاول تنسى ، و كمل حياتك 😭
- زير عليها هو تاني و دخل راسو في حضنها و دموعو نزلو طول شلالات يحرقولوا في خديه يكبس عليها ، يحكي ويبكي بحرقة😭
أنس : مانقدرش يا يما ما نقدرش ، راهي عايشة وسط عيوني ، ما نقدرش نخرجها من قلبي ، خلاص مانيش قادر نتحمل غيابها ،خسارة حبها قتلني و ذبحني ، مانيش قادر نسامح روحي ، بسبتي اللي صار قاع هاد الشي 😭، خلاتني و ما قدرتش حتى نعترفلها و نقولها شحال نحبها وبلي انا نادم على الشى اللي درتولها ، راحت بلاما تسامحني ، انا السبب فهاد الشى ،😭 انا غلط و هي خلصت , لوكان ما كنتش حيوان و ما تعاديتش عليها ، لوكان ما يصراش اللي صرا، 😭 ، ضيعتها و ضيعت ولدي ، انا دمرت كلش، دمرت كلش😭😭
-ملاك: لا يا روحي ، ماشي صح ، نتا كنت ناوي ، تصحح الغلطة تاعك و....
أنس : وحتى هادي ما فلحتش فيها ما قدرتش نحميها ولا نحمي ولدي ، ما قدرتش ، 😭
صوت بكاء انس وشهقاته ملاوا ارجاء البيت كانت حالتو تشف😢 تبكي حتى لحجر😭 بقا يكبس على ملاك وحتى كريمة و رنيم قربو منهم حضنو بعضهم و غرقو في دموعهم
↚
الحلقة 79
قاعد في الصال تاع الرياضة يدرب كان لابس شورت من التحت من الفوق عريان ، و جسمو المفتول يعرق ، كان ينهج و يتنفس بالقاوي ، حبس و قوس ظهرو ، حط يديه على ركايبو ، كان يشوف للقدام ويرد فالنفس ، سڨم روحو و هز قرعة ماء ، فرغها على راسو ، بلل شعرو ، وكانت قطرات تاع الما يسيلو على صدرو العريان، هز يدو عداها على شعرو لمشمخ جا يروح يكمل تدرباتو حتي تفتح الباب دغر دار وشاف ،غلق الباب و قرب منو وهدر
أياز: جيت نقولك انو المدام جات و راهي تحوس عليك
-أوس: ايه مزية لي جات انا تانى كنت نسنى فيها
-أياز: راح تروح دوك عندها !!
-أوس: خلي ندوش قبل
-أياز: اوكي راح نخبارها 🙂
خرج و خلاها وهو راح دخل للدوش🛀 ال تم خدا دوش خيفيف كمل و خرج ، راح طول عندها كان راح يطلع فالدروج حتى حبس كي جرا عندو و عيطلو
جواد: بابا 🙂
-اوس: (دار عندو و تبسمتلو ) روح بابا 🙂 قرب منو و نزل لمستواها و حط يدو على شعرو فركشهولو من بعد كمل يحكي
-أوس: ولدي ، راك مليح ، واش راك دير وحدك هنا ؟؟؟
-جواد: (هز كتافو من بعد حكا) وااالو ، كنت نثنا فيك في ثمبلتي بثح نتا طولت ، وهبط نحوث عليك🙂
-أوس: تحوس عليا!!! ؟ و علاه
-جواد: واث بابي نثيت بلي وعدتني لبالح ليوم تكملي لحكاية
-أوس: لا ، مانسيتش ، راح نكملها لك بصح ما شي دوك فالليل ، صحا ولدي 🙂
-أوس: ثحا 🤗 ، بصح بابا ، انا نحب ماما تحكيهالي ، يتح هي ديما تقولي عندي ثغل ، ما عليث تقولها نت تكملهالي 🙂
-أوس: اكيد ، راح نقولها تكملك لحكاية ، بصح دوك خليني نرح نشوف ماماك و نحكي معها ، صحا 🙂
-جواد : صحا ، بابي
طبع بوسة طويله على خدو وقام من بعد طلع طول عندها للبيت.
،كانت واقفة قدام الشباك تطل على الجنينة ، تستنى فيه ، سارحة في تخممامها حتى كي طبطب على الباب و دخل من بعد ما سمحتلو يدخل ، كانت عطياتو بالظهر و مربعة يديها، قرب منها و وقفوا جنب بعض ، كانو ساكتين في في زوج من بعد قرر يحكي
-أوس: يعني واخيرا قررتي انك تروحي
دوت راسها عندها و شافت فيه مدة من بعد جاوباتو...
↚
الحلقة 80
دورت راسها عندو وشافت فيه مدة من بعد جاوباتو
ميرال : ايه ، راني جاهزة ،
-أوس: مليح ، عندي شحال و انا نسنى فيك دري هاد الخطوة
ميرال : (تنهدت من اعماق قلبها) ايه ، هاد هو الوقت المناسب ، راني جاهزة ، نتا دير الشى الازم و منا على يومين نبدوا شغلنا
-أوس: كيما تحبي, قرب منها ، شدلها يدها وهز يد و رجعلها شعرها مور وذنها شاف في عينيها و كمل يحكي
-أوس: تعرفي انو راح نوقف ديما معاك ، واي خطوة ديريها دري في بالك مليح انو راح تلقيني ديما واقف معاك ، جامي تقولي بلي راكي وحدك ، راني ديما موراك وندعمك فكل قررتك ،
ميرال : علابالي, نحات يديها من يديه و بعدت منو راحت قعدت على طرف السرير ، و هو بقا مسمر في بلاصتو و عينيه كانو يشوفو فالارض ، تبسم ابتسامه خفيفه على جنب و تفهم ردة فعلها و هي كملت كلامها
ميرال : علابالي ، الشي اللي دارتو معايا جامي ننساه ، اذا اليوم راني واقفة على رجليا ، على بفضلك نتا 😥 نتا اللي خليتني نتمسك بالحياه من جديد 😔
-أوس: يعني ، ما درت والو، يعني اي واحد في بلاصتي كان راح يدير نفس الشي
ميرال : لا ، صدقني ، الشي اللي دارتو معايا مش اي واحد يقدر يديرو ، نتا راك غرست فيا آمال جديدة ، شدتلي يدي و خرجتني للنور بعد ما كنت تايهة وحدي فالظلام ، كنت ضايعة بصح بيك نتا اللي راني دوك وحدة قوية ، كنت ملاكي المنقذ ، وزيد ماشى ليا برك ، حتي ... حتى جوا... جواد راك عطيتو حياة ، يعنى راك تقبلتو و راك قايم بدور الاب معاه و...
-أوس: اني نكون اب لجواد هاد اجمل حاجة صارت معايا ، صدقني وهاد الشي يعنلي بزاف ، ما يهمنيش اذا من دمي ولا لا ، الشي اللي يهمني الشي اللي نحس بيه من ناحيتو ، كي نحضنو ، كي نكون معاه ، ولا كي يعيطلي بابا هاد الشي يفرحني بزاف 🙂 جواد ولدي. وانا باباه
ميرال : ايه ، اساسا ما يعرفش اب من غيرك ، وماراحش يعرف ، صدقني اوس ما نعرف كيفاه نشكرك على الشى اللي درتو معنا ، نتمنى في يوم نقدر نرجعلك خيرك 😔
-أوس: نتي برك قوية و بخير هاد الشي يكفيني 🙂، وبالمناسبه ، انا لبارح حكيت لجواد حكاية ، وعدتو اني اليوم راح نكملهالو ، بصح هو ، يعني حابك نتي تكمليهالو
بلعت ريقها ، و دوت راسها ، و هبطت عينيها تشوف فالازض من بعد حكات
ميرال : ماشي اليوم ، عندي شغل لازم نكملوا 😐
-أوس: مممم ، راكي ملاحضة بلي عندك شحال و انتي تقولي ماشى اليوم ، ماشي اليوم ، ااااه ، بصح علاه ، واش ذنيو هو فالشي اللي صار ، انا في نظري جواد هو اكبر ضخية في هاد لحكاية، و الله هاد الشي حرام ، والله حالتو تقطعلي قلبي ،كلما يجي يقولي علاه ماما ما تحبنيش 😔 والله حتى اليوم لقيتلو الف سبه ، بصح دوك ماولاش يصدقني ولا يقتانع ، صح صغير ، بصح عقلو كبير و يفهم ، 😔
بلعت ريقها ، و تعمروا عيونها دموع بصح شدتهم مش حابة تضعف و تخلي دموعها يخنوها ، كانت تهز في رجلها وساكتة تسمعلو
-أوس: ميرال ، علاه ما تحاوليش تتقربي منو ، و تحضنيه ، مرة واحده ، مرة واحده برك راح تتخلبي على كل نخاوفك و...
ميرال : ما نقدرش ، مانيش جاهزة ،راني معاك ،هو اكثر واحد مظلوم في هاد لحكاية ، بصح تاني هو اكتر شي يذكرني فالماضي و فالشي اللي صار ما نقدرش😔
-أوس: علاه راكي تخمي بهاد الطريقة ، علاه ما تنحيش هادو الافكار من راسك و تروحي تحضني ولدك و....
ميرال : واش عمبالك ما حاولتش ، شحال من مرة نتقرب منو بصح ما قدرتش ، كل ما تشوفو نتفكر الشي اللي صار ما قدرتش 😔 انا تاني ...😔
-أوس: راح....
ميرال : تعيش اوس مش حابة نحكي فهاد الموضوع دوك ،
-أوس: بصح...
ميرال : اوس ، الله يخليك
-أوس: اوكي كيما تحبي ، ماراحش نضغط عليك كتر ،
ميرال : يعطيك الصحه
-أوس: اوكي ، مالى انا نخليك راح نشوف جواد ، من بعد راح نخرج مع اياز(اياز هو مرافق -أوس ، يدو اليمين في نفس الوقت صاحبو) ،عندي شغل نفريه و نولي وراح نحكو فالتفاصيل ،
ميرال : اوكي، صحا ، تهلى فروحك 🙂
-أوس: أن شاء الله ، نتي تاني
راح خرج من البيت خلاها غارقة في تخمامها ،وهو راح طل على جواد من بعد راح خرج مع اياز
↚
الحلقة 81
واقفة قدام مدخل الجبانة و في يديها باقة ورد🌹 كانت تتقدم بخطى ثابته كل ما تتقدم لوجيعة لى فى قلبها تزيد و كانها اول مرة تجي ، لحقت لقبرها و وقفت على راسها ، حطت الورد و قرات سوره الفاتحة على روحها ، مسحتها وججها بيدها ، بقات مدة ساكتة من بعد هدرت
لينا : ميرال ، شوفي راني عاودت جبيت ، تعرفي خطرات يصعاب عليا نجي لهنا ، ما نقدرش ،الا ما نلقى روحي هنا ، ما نقدرش ، توحشتك بزاف ، توحشت صوتك ، توحشت ريحتك ، هبالك ، توحشت كلشي فيك ،تعرفي ما قدرتش نسامح روحي ، 😭 انا اللي كنت نعمر لك راسك باش تعيشي حياتك ، و تفتحي صفحة جديده ، انا اللي خليتك تقبلي بيه ، الغلطة تاعي ، لوكان ما ضغطش عليك و دخلتو في حياتك ما يصراش اللي صارا لوكان راكي بيناتنا اليوم ، 😭 انا الي قتلتك ، انا ، بسبتي انا اللي صرا ڨاع هاد الشي ، والله مانيش قادرة نسامح روحي ، ما نقدرش 😭 حتى في موتك ما تهنيتيش ، حتى قبرك فارغ ، ما قدرناش حتى نشوك لاخر مرة ، 😭 سمحلي ميرال سمحلي 😭😭
كانت تبكي بحرقه عليها و تلوم في روحها حتي حيت بيد تحطت على كتفها ، هزت راسها وشافت فيها و ترمات في حضنها تبكي
لينا : توحشتها ، توحشتها بزاف ما نيش قادرة نصبر على فراقها 😭😭
مروى : علابالي، كيما راه صعيب عليك انا تاني صعيب عليا ، قلبي محروق عليها😭 انا توحشتها بزاف ، بصح الله غالب هدا مكتوب ربي ، ولازم نتقبلو هاد الشي ، ما لاز مش نضعفوا ، لازم نفقوا مع بعض ، على بالي لوكان راهي معنا راح تزغف كي تشوفتا بهاد الحالة ، فهمتي ، 😭
لينا : الله غالب ماشي غرصي ، ما قدرتش نصبر ، ما قدرتش 😭
مروى : علابالي ، بصح رانا مجبورات ، نسيتي ، نسيتي شهد ، لازم نوقفوا معها، الطفلة ضاعت مسكينه ، 😢 راهي غير كيما فتحت عينها للدنيا ، و ذاقت ڨاع هاد لعذاب ، و كأنوا موت ميرال ما كفاهش زاد على وجيعتها فراق عمي علي و طاطا حنان 😭 خسرت عايلتها ضربة وحدة 😭
لينا : ربي يرحمهم😭
مروى : وزيد ذاك المهبول تاع قيس حبسها من القرايا ، وحبسها فالدار ،
لينا : الله لا تربحو، كان يدير نفس الشي مع ميرال ، و دوك دالت شهد 😡
مروى : على هادي راني نقولك لازم نوقفوا مع بعض ، باش نعاونها ، ما تنسايش هادي أمانة ميرال لازم نتهلاو فيها
لينا : صح عندك الحق ، لازم نوقفوا معها
مروى : ايه ، هكا على الاقل ما تحسش روحها وحدها
لينا : ايه صح ، يا الله خلينا نروحو عندها ،ونطمنو عليها واش رايك !!!
مروى : دوك !!!!
لينا : ايه دوك
مروى : وادا لقينا قيس فالدار ؟؟؟
لينا : هادك ما يهمنيش ، وما راح يقدر يدير والو 😏
مروى : اوكي صحا ،
لينا : يالله
بعد ما ودعوا قبر ميرال قرروا في زوج يوقفوا مع شهد و ما يهالوهاش وحدها ، هزو رواحهم و راحو طول لعندهها
↚
الحلقة 82
صباح جديد ، دخلت اشعة شمس لبيتها جات في عيونها لخضورا ،حلتهم و بدات تتمايل ، دارت مخدة ورا ظهرها ، وسندت عليها ، هزت تليفونها تخربيش فيه شافت تصورها ڨاع على المواقع ، تأفأفت من بعدما رماتو على جنب، بعدما صحصحت مليح ، رمات لغطا عليها و ناضت كانت لابسة نويزات فالنوار ، لبست في رجليها ، ومشات لخزانة جبدات حوايجها ، من بعد راحت دخلت طول الدوش ، دارت روتينها و خذات دوش خفيف خرجت كي كملت راحت لبست حوايجها و نشفت شعرها و داراتو بوكلي ، دارت مكياج ثقيل ، رشت برفانتها ، لبست طالونها و عاودت شافت روحها فلمرايا لاخر مرة مرة تبسمت على جنب ، هزت تليفونها وخرجت ، هبطت ولقاتهم ملمومين كاملين على الطابلة يستقهواو ، قربت منهم و تبسمت و جبدت كرسى وقعدت بعد ما صبحت عليهم
-راشيل : صباحو
ميرال : صباح النور
-أياز صباح الخير
شافت فيه وهو كان يشوف فالكاس تاع القهوة اللي قدامو من بعد هدرت
-راشيل: ايييه ، يا سي اياز خير واش من لحمار اللي مات حتى راك قاعد معنا اليوم ، ههههه والله سمحلي بصح عندك براف ما قعدتش معنا ، بصح علابلك والله ما نلومك ، على خاطر ماشي الغلطة تاعك ، الغلطة تاع هاد الروبو ، من الصبح حتى لعشية يعرف غير الخدمة ، الخدمة ، )دورت راسها عند ميرال) واش رايك ميرال صح ولا راني غا....
ما كملتش كلامها حتى نفض يدو على الطابلة بقوة وخلاها تسكت قحرلها ، ويحكي بغش
-أوس: والله حلال عليك ، وجهك صحيح و تقابلي بيه ، قاعدة وتحالي في فمك و كأنك ما درتي والو 😡 اااه
-راشيل: علاه واش درت تاني 🙄
-أوس: علابلك مليح واش درتي 😡
-راشيل: علاه ى راك ديما تحاسب فيا ، ااااه ، اوووف ، اوووف كرهت😏😏
عاود خبط يدو على الطابلة و رجع كرسيه للور و ناض و عيونو حمورا ، راح قرب منها و وقف على راسها يحكي بغش😡
-أوس: بركاي ما تتأفأفي عليا فهمتي، وحكي معيا مليح خوك انا خوك فهمتي 😡😤
كان يحكي و يأكل في روحو وهي هزت كاس جو كانت راح تشرب منو و هو نترتلها الكاس و طاح على الارض وراح فتات ، شدها من دراعها و ونوضها و كمل يحكي
-أوس: مع من راني نهدر انا ااااه😤 واقيل من كتر ما راكي تقعدي برا تعلمتي عادات جدد ،اااه ، و تسنتي حتى كيفاه تهدر الناس 😤 وذا نسيتي نفكرك
-راشيل: لا ,😏 و واش راح دير راح تضربني ولا راح تحبسني ،ولا اذا كاين حاجة خلاف في با لك قولي خلني نعرف 😡
-أوس: رااااشيل ، بلعي فمك ، واحكي معيا ، مليح، ماشي كي راني ساكتلك هاد الشي يعني تدري واش تحبي ، تخرجي فالليل تسهري برا و الصباح ، يحطو تصورك ونتي حضن واحد ما نعرف شكونو ولا منينو و تبوسو بعض فهمتي ، 😡
-راشيل: ااااه دوك فهمت علاه درت ڤاع هاد الشي ، غاضك الحال على خاطر ما تعرفوش ، ياك ، على خاطر انت الكل بالكل ، لازم تعرف الصغيرة و الكبيرة ياااك😡 و ما شاورتكش ، هادي لغضاتك 😤
-أوس: يعني هاد الشي اللي فهمتيه ياك 😏
-راشيل: ايه ، هاد ، ولا راني غالطة ، غاضك الحال كي ما خبرتكش ياك ،
-أوس: خلينا نقولو علاجال هاد الشي ، راني خوك ومن حقي نعرف واش راكي ديري و مع من راكي تروحي و تجي 😡
-راشيل: وعلاه ؟؟؟
-أوس: على خاطر انا خوك 😤
-راشيل: سمحلي خويا لعزيز نظن هادي حياتي و ما عندكش حق دخل روحك فيها 😡
-أوس: لا ، راكي غالطة 😤
-راشيل: لا ، علاه انا راني تدخل روحي في حياتك و في قرارتك , ااااه قولي 😤
-أوس: ماشي كيف كيف
-راشيل: كيف كيف 😏
-اوس:لا
قربو منو اياز وميرال ويحاولوا يهدوا فيه ، بصح هو حبسهم بيدو
↚
الحلقة 83
-أوس: ما عليش حتى واحد ما يدخل روحو
-راشيل: ااااه هاي هي غير نتا اللي لازم دخل روحك في كلش ، ياك ، علاه حنا ما لازمش ندخلو رواحنا فيك ، ااااه قولي علاه انا ما دخلتش روحي فيك نهار جبت ميرال للدار و قولت راح تعيش معنا ، و حتى كي وقفت قدمنا و قلت بلي راك مقرر تتزوجها تتبنى جواد، ما قلت والو بالعكس دعمتك وكنت اكتر وحدة وقفت معاك وشجعتك على الشي، وانا دوك شوف روحك راك درتلي محاضرة صبح ربي على جال شي ما عندوش معنى ، بصح علاه ، ااااه علاااااه ، واقيل نتا عندك حق تعيش حياتك وانا لا 😏🙄
-أوس: رااااشيل ، عرفي واش راكي تهدري 😤
-راشيل: راني نكذب ؟؟!!!
هز يدو بلا ما يفيق و عطاها كف خلا وجهها يدور من قوتو ، شدت خدها بيدها ، بعدت شعرها الطايح على وجهها و شافت فيه تحكي
-راشيل: وصلت معاك لهاد الدرجة ، تهز يدك عليا ، ااااه ، 😢 و تضربني ، ياااك ،😢
-أوس: ما تخلنيش نغلط معك , كتر ، مع هاد الصبح ، طري من قدامي و طلعي لبيتك و تخلينش نشوفك ، خير لك 😤
-راشيل: واش قصدك فوق ڨاع هاد الشي ، راك حاب تحبسني كي طفلة صغيره في بيني !!!
-أوس: روووحي ، طيييري 😤😤
نفخت في وجهو و خزرت فيه من بعدت هزت روحها و طلعت لبيتها ، وهو كان تاني هز روحو وخرج لجنينة ، يشم هوا ، من بعد لحقو أياز و وقف قدامو، و هدر بلا ما يشوف فيه
-أوس: في رايك راني غلطان كي حكيت معاها هاكدا !!!
أياز: ردة فعلك كانت طبيعيه و اي واحد في بلاصتك كان راح يدير الشي اللي درتو نتا
-أوس : ما تظنش اني قيست عليها كي رفدت يدي عليها ، يعني ما كانش لازم نضربها !!!؟
-أياز: ايه يمكن قسيت عليها شوية
-أوس: شويه!!!
-أياز: بصراحه مدامها اول مره ، اكيد راح تكون قسيت عليها بزاف و توجعت
-أوس: ماكانش قصدي نضربها ، تعرفني نموت وما ندرهاش ، بصح شفت هي اللي ستفزتني ، انا راني نحاول نحمي فيها وهي ترمي فالكلام وتقول راني ندخل روحي في حياتها ، واش فرايك انا صح راني ندخل روح في حياتها و في اختياراتها ، هاد الشي صح ااااه واش في نظرك هاد الشي اللي راني ندير فيه 😔
-أياز: لا اصاحبي ، نتا راك دير فالشي الصح ، وراك تتصرف كيما يتصرف اي اخ مع ختو و راه يحمي فيها ، نتا ما دريش عليها ، مازالها صغيره و راح تستعقل
-أوس : انا هاد الشي اللي راه مقلقني ، مازالها صغيره ، وراني خايف عليها من الذيوبة اللي راهم يدورو بيها فالوقت اللي انا راني نخاف عليها من نسمة الهوا ، يجي واحد يكسرلها قلبها و يرميها والله ما نقدرش نتحمل هاد الشي ، ياو مارانيش نقول انو مالازمش تعرف واحد ولا تحب ، ولا تعيش حياتها ، بالعكس بصح راني حاب يكون هاد الشي مع انسان يستاهلها ، انسان يحبها كيما هي ماشي اللي يستغلها من بعد يرميها 😔
-أياز: علاه شكون اللي يتجرأ يستغل خت أوس المرديني ، ااااه ، قولي ،
-أوس: راني خايف نغفل عليها شى نهار و ما نحميهاش😔
-أياز: ما تقلقش روحك ، راني هنا حتى اذا غفلت انا جامي نغفل عليها ، كونك مهني
-أوس: تبسمتلو حط يدو وراء رقبتو و كمل يحكي : علابالي صاحبي علابالي ، يعطيك الصحه و ...
-أياز: نتا راك صاحبي ، ما عندك علاه تتشكرني ، و زيد راشيل راهي ختي الصغيره ، الحاجة اللي ضرها ضرني انا تاني ،
-أوس: والله الشي اللي راك دير فيه عمري ما ننساه
-أياز: واش صحاب ولا بطلنا ، ما بيناتناش ،
-أوس: نتا راك ماشي غير صاحبي ، راك عشيري ،خويا شريكي فهمت
هزلو راسو بمعنى فهمت من بعد خصنو بعض خضن بقوه يعبر عن محبتهم و اخوتهم
↚
الحلقة 84
قاعد في بيروه مسند راسو على الكرسي و مغمض عينيه ، والذكريات تهاجمو في كل وقت وفي كل بلاصة ، حل عينيه و جاوا على تصورتها المحطوطة على البيرو ، هزها بيد و اليد لخرا عداها عليها ، ويحكي
أنس : راكي تشوفي ، راني وليت كيما كنتي حابة بالضبط ، انسان مسؤول ، وناجح ، تعرفي صدقني راني تعودت على الخدمة فالشريكة، صح بابا ديما يضغط عليا بصح والله تعودت، على كلش ، على الضغط، لعيا تعودت على كلش ، بصح ما قدرتش نتعود على غيابك ، ما قدرتش نضخك وانت مش معيا ، حتى واحد ما رآه يسمع للشى اللي راه يقولو قلبي ،ما نقدرش ننساك ولا نتخلى عليك ، حتى ولو حازو قرون ماراحش نقدر على خاطر علابالي راكي في اجمل مكان عندي ، راكي عايشة في قلبي ، تعرفي راني نشفق على حالتي كتر مما راهم يشفقو عليا لخرين ، 😥 تعرفي علاش ، على خاطر نتي كي كنا مع بعض على الاقل قدرتي تعترفلي بحبك بالرغم من انو ماكنتش نستاهلو ، 😔 بصح انا ، انا ما كانش عندي فرصة اني نخبرك شحال نحبك وانو انت كلشى بالنسبه ليا، 😔 . كان يحكي مع تصورتها حتي ندق الباب و دخل يوسف بعد ما سمحلو يدخل ، حط الكادر فوق البيرو ناض من الكرسي و قرب منو كان مبين على وجهو مقلق حط يدو على كتفو و هدر
أنس : بابا خير راك مبين مقلق ، خير واش كاين!!!
-يوسف: والو يا وليدي ، برك مقلق على جال المناقصه تاع غدوى ، على بالك هادي اهم مناقصة ، والمنافسة راهي قوية يعني نديرو اللي علينا باش نربحو ،
أنس : ما تقلقش روحك ، راني متأكد انو راح نربحوها
-يوسف: والله يا ولدي يا ريت لو كان راني متأكد كيما نتا
أنس : علاه ، راك تقلق لهاد الدرجة ، ولا كي عاد راني داخل فالمناقصة ، يعني ماراكيش تاكل عليا 😒
-يوسف: لا ، اكيد راني تاكل عليك ونثيق فيك
أنس : مالا وين راه المشكل ؟؟؟
-يوسف: يعنى المنافس تاعنا اللي راه مقلقني ، راني تحريت عليه ، انسان طموح ، و ذكي ، جامي دخل مناقصة و خرج منها خسران ، و راح يصعب علينا الامور
أنس : ايه و من بعد ، ما تنساش حنا تاني ما نتقبلوش لخساره بالساهل ، و اكيد راح نتجاوزه
-يوسف: والله صعيبة هاد الخطرة ، صعيبة بزاف 😔
أنس : وشكون هاد اللي مقلقك لهاد الدرجة ؟؟؟
-يوسف: رجل اعمال مهم سمعتو فالسوق مليحة بزاف كيما قلتلك جامي دخل في خدمة و خرج خسران منها ، رجل الاعمال اوس المارديني
أنس : أوس المرديني!!! ايييه خلي غدوى نشوفو شكون هو هاد اوس المارديني
-يوسف: على كل حال انا مانيش نقولك هاك باش نحبطلك المعنويات تاعك ولا بصح الانسان لازم يوجد روحو مليح و يقرا الخصم نتاعو قبل ما يروج للحرب و انت وجد لازم توحد روحك مليح
أنس : ما تقلقش روحك يا يابا ما تقلقش روحك بربى أن شاء راح ندوها
-يوسف: أن شاء الله ، ان شاء الله ، المهم يا ولدي انا جيت نفكرك بهاد الشي ، ودوك تسمحلي لازم نروح يماك راه تسنى فيا لازم نديها للطبيب
أنس : خير أن شاء ، يا ما بها والوا 😧 راهي مريضة ،اااه😧
-يوسف: ما تقلقش روحك ، ما كان والوا ، غير لاطونسو راهي تطلعلها هاد اليامات ،
أنس : راك متأكد ماك مخبي عليا والوا !!!
-يوسف: ايه متأكد
أنس : صحا كي عاد هاك
-يوسف: ايا من بعد أن شاء الله
أنس : صحا ، و ما تنساش طمني على يما
-يوسف: صحا
راح يوسف و خلى انس غارق في تخمامو يخمم كيفاه راح يربح المناقصه و شكون هو اوس المارديني
↚
الحلقة 85
واقفة فالبيت قدام السرير تسڨم فيه شادة مخدة في يدها وحطتها فوق البونك ، كانت راح تدخل تحت لغطا ، حتى ندق الباب و دخلت بعد ما سمحت لها و وقفت قدام الباب
ميرال : راشيل !! علاه. راكي واقفة عندك ، قربي ، قربي
-راشيل: سمحلي بزاف يعني انا مانيش حابة ندروجيك فهاد الوقت بصح ما قدرتش نرقد بلا ما نهدر معاك
ميرال : استغفر الله ، واش راكي تقولي ، اروحي
قربت منها راشيل و بعدو على طرف السرير من بعد شدتلها يدها و حكات
-راشيل: انا حبيت نطلب منك السماح 😔
ميرال : علاش !!
-راشيل:على جال الشي اللي قلتو الصباح 😔
ميرال : علاه واش قلتي الصباح ، ما شفيتش !!!
-راشيل: مييراال ، علابلك مليح على واش راني نهدر
ميرال : راشيل ، حبيبتي ، ماعندك علاه تطلبي سماح ، ما صرا والو ، وزيد اللي حكتيه صح ، يعني انا دخلت حياتك بدون سابق انذار ،و يمكن بلا وعي مني خربتلكم نظام حياتكم ، يعني انا...
-راشيل: لا ما تقوليش هكدا واشبيك ، بالعكس وانتي علابلك مليح هاد الشي🙂
ميرال : علابالي هاد الشي علابالي، انتو تقبلتوني بيناتكم و وقفتوا معيا ، خاصة خوك اوس ، كان دايما يمدلي يدو ، نقذلي حياتي ، و ماشي خطرة ماشي زوج ، ما نتي تعرفي مليح كيفاه كانت حالتي كي جيت لهنا ، كانت الدنيا عطاتني بالظهر ، تعذبت بزاااف 😢 كنت عايشه في ظلمة ، بصح اوس ما هو لي خرجني من هاديك الظلمة ، رغم كل الظروف تزوج بيا و سترني ، 😔 عطا لجواد اسم و اب ، رباه و عطالو كل وقتو حناتو و اهتماموا ، حتى مسؤوليتي تجاه جواد هو يتحملهم ،😔 صدقيني معلاباليش كيفاه نقدر نرجعلوا خيرو 😔
-راشيل: ايه صح ، خويا اوس دار بزاف حوايج علاجالكم نتي وجواد ، وذا رجع الوقت لللور علابالي راح يدير نفس الشي بلا ما يخمم ، وانت علابلك مليح بالهاد الشي ، وبصراحه كاينة طريقه وحدة تقدري بها نرجعلوا خيرو
ميرال : ااااه😳 و واش هي هاد الطريقة !!!
-راشيل: (هزت يدها و حطتها على قلبها و كملت تحكي) هاد، الطريقة الوحيدة انك تجازيه هي انو تفتحلو قلبك هاد ، على خاطر في وزج علابالنا علاه خويا دار معاك قاع هاد الشي، مشاعرو تجاهك و حبو ليك هو اللي خلاوهم يوقف معاك ، على هادي راني نقولك ماكانش حاجة فهاد الدنيا راح نخاليه من غير حبك ، عطيلو فرصة ، فتحلو قلبك ، فهمتني !!!
بلعت ريقها عينيها تحلو من لكلام اللي قاعدة تسمع فيه ، ناضت من السرير و راحت وقفت قدام الشباك تطل على لجنينة ، قربت منها راشيل و وقفت حداها و كملت كلامها
-راشيل: ميرال ، يا روحي علابالي بلي مع الاول تبانلك صعيبة بزاف و بلاك تكوني خايفة تخطي هاد الخطوة ، خايفة من الماضي تاعك و من الشى اللي عشته 😔 راني فاهمة عليك ، بصح ماكيش تشوفي بلي جا الوقت اللي لازم تنسي فيه الماضي و تعيشي حياتك ، ما تخاليش الماضي تاعك يأثر على المستقبل تاعك ، على حياة ولدك جواد ماشي حرام عليك تهمليه ، وتحرميه من حنانتك ، ااااه. والطفل كي لعسل ، حالتو تشف كي يسقسي علاه ماما ما تحبنيش وعلاه ماما كل ما تشوفني تبكي وتهرب 😔 وال صدقيني حتى لكذب ما عادش ينفع الطفل بدا يفهم و حس بالشى اللي راه داير بيه ، و زيد علابلك مليح حالتو الصحية ماهيش مليحة ، هو تاني كان لازم عليه يقاوم باش يبقى عايش ، 😔 هو....(قطعت عليها كلامها )
ميرال : سمحلي راشيل راني عيانة وراني حابة نرقد
-راشيل: مييييراال🙄
ميرال : بليييز راشيل
-راشيل: اوكي كيما ، راح نخرج دوك بصح خمي مليح في كلامي 😔
ميرال : تصبحي على خير
-راشيل: وانت بالف خير.
خرجت وخلاتها مسمرة في بلاصتها غارقة في دوامة من الافكار
↚
الحلقة 86
خرجت و خلاتها غارقة في دوامة من الافكار ، حطت يدها ورا رقبتها، و غمضت عيونها تأخذ في انفاس منتظمة ، حلت عيونها اللي تعمروا بالدموع ، دورت راسها جيهة لخزانة ، قربت منها بخطى ثابته ، حلتها و جبدت من الرف الفوقاني صندوق صغير ، هزت بين يديها و حطت على السرير و قعدت على الطرف ، حطت يدها عليها و حلتو بلعقل ، كان فيه تصاور و الرصاصة اللي خرجت من سلاح تاع قيس ، هزتها بين يديها و تتمعن فيها كانها اول مرة تشوفها ، رفدت تصاور ستفتهم على السرير كانو تاع علي و حنان ، شهد و حتى تاع مروى و لينا يعني تصاور تاع اقرب الناس لقلبها ، طاحت دمعة سخونة على خدها ، هزت اخر صورة كانت لأنس ، شافت فيها و مسحت دموعها بظهر يدها و تحكي
ميرال : كيفاه ، كيفاه راح نتراجع و ننسى الماضى و كأني ما عشتوش ، والنار اللي شاعلة في قلبي ما طفاتش ااااه ، كيفاه راح نكمل حياتي وانا ماجبتش حق السنين لي ضاعو من حياتي ، كيفاه راح نكمل وانا ما راجعتش حقي و حق الناس اللي خسرتهم بسبتك ااااه ، قولي كيفاه ، كيفاه راح نراضي انوثتي ، كرامتي ، و كبريائ اللى ضاعو بسبتك ، ولا قولي كيفاه راح نداوي لجروح اللي في قلبي ، ولا احلامي الي ضيغتهم لي 😭 ، انا ، انا محال ننسى، وراح نحاسبك على هاد الشي واحد بواحدة
راح نخليك دوق الشى اللي عيشتهولي اضعاف ، راح نكويك كميا كوتني ، وراح نحاسبك على كل دمعه طاحت من عيني ،😡 وراني حالفة ما نرتاح حتى نخليك تحس باللي حسيتو ، انا اللي راح ندمرك يا أنس المكاوي انا و هاد الشي قرب ، قرب كتير ، (رفدت صورة شهد و باستها وتمسح عليها) صبري عليا غير شي يامات و راح نتلموا و مايقدر حتى واحد يبعدنا على بعض ، حتى واحد😭😭
كانت تبكي و هازة صورة شهد حتى ندق الباب ، مسحت دموعها و جمعت التصاور فالصندوق وحطاتو على الطابل دو نوي ، من بعد سڤمت روحها عاد هدرت
ميرال : تفضل
-أوس: نقدر نفوت!!!
ميرال : اكيد ، دخل
-أوس: انا جيت نفكرك بغدوى ، يعني حبيت نسقسيك لاخر اذا واجدة
ميرال : اكيد ، راني واجدة ، و كتر من قبل ،
-أوس: ايه ، هاد الشي يفرح ، وعلابالك راني ديما معاك بلا ما نقولها لك 🙂
ميرال : ايه علابالي ، اصلا لو كان ماشي نتا ما راح نقدر ندير والو ، يعطيك الصحه ،
-أوس: واش قلنا على هاد لكلام !!!
ميرال : ايه ، ايه علابالي ، بصح الله غالب ، نهدر، نهدر و نلقى روحي نقولو ، ماشي بيدي 😔
-أوس: نتي ما دري والو في بالك ، خلي بالك مرتاح و الباقي خليه عليا ، اوكي 🙂
ميرال : اوكي ، راني نثيق فيك كتر ما تتصور ، وعلابالي بلي راح تربح المنافصة و هاد الشي راح يسهلنا خطوتنا الجاية ،
-أوس: اكيد ، كلش راه تحت سيطرتي ، و المناقصه راح ندوها بربي أن شاء الله
ميرال : أن شاء الله و تبسمتلو🙂
قرب منها و شدلها يديها الزوح بيدو رجعلها خصلات شعرها ورا وذها و قرب منها كتر و طبع بوسة حنينة على خدها و هي كانو صوت دقات قلبها وصلين عندو ، صدرها طالع هابط ، شاف فيها لشي ثواني عاد هدر
-أوس: عندك ابتسامه ساحرة ، ما تخلي حتى شي يمحيها ، 🙂
ميرال : كانت غير ساكتة و متوترة،كتافت برك بابتسامة ،🙂
-أوس: اوكي مالى انا نخليك ترتاحي و انا راح نروح نشوف جواد ، و نطمن عليه ، تصبحي على خير
ميرال : وانت بالف خير
ما بطاش و خرج راح لبيت جواد يطمن عليه ، وهي دخلت تحت لغطا تنقلب داخل لفراش حتى داتها عينها و غفات
↚
الحلقة 87
صباح جديد ، احداث جديده، كانت الساعه تقريبا التاسعه🕘 واقف فالبيت، قدام الشباك يخمم فالشي اللي راح يصرا اليوم و الخطوة اللي راح تخطيها ميرال اليوم ساهي في تفكيرو حتى قطع عليه أياز سهوتو كي سقساه
-أياز: راك واجد!!!!؟
-أوس: تنهد من قلبو ، وهدر بلا ما يشوف فيه : كتر ما راك تتصور ،
-أياز: وميرال راهي واجدة دير هاد الخطوة !!!
-أوس(دور راسو عندهو) والله يا شريك هي راهي واجدة كتر مني ،
-أياز: راح تحضر معنا و لا لا !!!
-أوس: لا ماشي دوك ، خلي ندو المناقصة قبل ، من بعد كلش راه ساهل ،
-أياز: راني حاب نفولك حاجة بصح نتمني ما تفهمينش بالناقص
-أوس: من وقتاه تشاورني باش تهدر ، موالف تحكي بلا ما تخمم ، احكي، احكي
-أياز: صح واش راك تقول ، بصح هاد المرة غير ، خممت مليح قبل ما نخمم نحكي معاك
-أوس: خير !!!
-أياز: اوس ماراكيش ملاحظ انو راك تخاطر بزاف هاد المرة كي دخلت فها المنافسة ،
-أوس: علاه ، بواش راني نخاطر مثلا !!!!
-أياز: راك تخاطر بالسمعة تاعك في السوق، علابالك مليح ماشى ساهل تخسر مناقصة تساوى ملايين، هاد الشي راح يضر سمعة الشركة راح يضربها فالارض ،
-أوس: وشكون قالك بلي راح تخسر ، ااا
-أياز: وشكون قال العكس !!! ما تنساش بلي يوسف المكاوي و ولدو داخلين فهاد الشي
-أوس: معلاباليش، نخلوها للحظ
-أياز : تمسخر بيا ، راح تخلي دراهم كبار للحظ ، ااااه ، نقولك الحاجة ، علابالي مليح بلي هاد المناقصه ما تهمكش من الاول ، الشي اللي يهمك هو ميرال ، على هادي راك تخاطر
-أوس: وشبيك اياز ، ما ديرش تقة فيا !!!
-أياز: بلي ، اكيد انا نثيق فيك بصح...
-أوس : مكان لا بصح لا والو , خلينا من هاد الشي دوك ، نتا خليك واقف معايا هاد الشي اللي يهمني دوك
-أياز: علابلك مليح راني معاك ، في اي شي ديرو
-أوس : هاي الهدرة ، و دوك خلينا نروح هاداك هو الوقت
-أياز: اوكي 🙂
خرجوا في زوج و قابلتهم ميرال كانت مبينة من وجهها متوترة
ميرال : راح تروحوا !!😣
-أوس: ايييه هاداك هو الوقت
ميرال : يعني ، انا جيت نتمنى لكم حظ موفق 🙂
-أياز: و الله يا -ميرال امور كيما هادي ما لازمش تعتمد على الحظ برك
-أوس: ايااااز
ميرال : ااااه ، كيفاه زعما ، واش قصدك
-أوس : والو ، والو
-أياز: على كل حال راح نسبقك تلقني فالطومبيل
-أوس: اوكي روح دوك نجي
ميرال : خير واش كاين واشيه اياز واش قصدو بكلامو !!!!
-أوس: والو ما تقلقيش روحك ، راه برك مضغوط شويه علابيها 🙂 ودوك تسمحلي لازم نروح
ميرال : صحا ، خط موفق 🙂
قرب منها و طبع بوسة طويله على خدها ، خلاها تتلبك ، شاف في عينيها و هدر
-أوس: راني متأكد اني راح نربح ، راني خذيت جرعة حظ تكفيني
ميرال خدودها حماروا من كلامو و الجاست تاعو
-أوس: نشوفك لعشية ان شاء الله
ميرال : ان شاء الله
كمل معاها و راح ركب فالطومبيل مع اياز راحو طول يلحقوا المناقصة
↚
الحلقة 88
واقفة على جنب تسني في مروى تلحق كانو تفاهموا يعاودوا يزوروا شهد ، اخيرا لمحتها كان مصفة طموبيلتها على الجانب الاخر ، جات تقطع الطريق باش تروح عندها تتمشى في وسط الطريق وهي تشوف عند مروى و تلوحلها بيدها و ما شافتش الطموبيل الي كانت جاية بسرعة و ما ردتش بالها غير كي عيطت مروى بأسمها ،و سمعت صوت طوموبيل حبست بقوة قدامها ، غمضت عينيها من الخلعة و فتحتهم كي سمعت صوت باب تفتح و صوت زوج رجال يهدرو معها بصح هي ما كانتش مركزة معاهم ، كانو عيونها يشوفو فالمسافة اللي بين الطموبيل و بين رجليها ، فاقت من سرحتها على صوت مروى تسقسيها و تحضن فيها من الخوف😲
مروى : راكي مليحة ، لينا حبيبتي ، ما صرالك والو !!!!😫
لينا : تنفست و حطت يدها على قلبها وهي ترجف : مليحة ، مليحة. الحمد ربي سترني و لا كان هاد لعما خلص عليا ،
غير كملت كلامها حست بيه كيفاه شدها من دراعها و يزير عليه ، بحكي بغش😡
-أوس: عاودي واش قولتي ، اااا. شكون اللي عمى ااااه
لينا : ايه ، عمى و نص ، واش راك ملاحظ بلي قريب قتلتني ، ااااه ،
-أوس: والله ما يهمنيش فيك مادام راكي تتمشاي فوسط الطريق ، اذا ما قتلتكش انا راح يقتلك واحد اخر 🙄
لينا : كيفاااااااه 😲 راك عارف واش راك تهدر ، واش راك حاسب روحك ااااه ، ديجا نحي يدك عليا 😤
نترتلو يدو و جا يقرب منها شدو -أياز يهدي فيه
-أياز: واشبيك تهدن ، دير بالك تغلط دار عند لينا و كمل هدرتو
-أياز: ختي الله يخليك سمحلنا ، الحمد لله على سلامتك ، ما صرا والو ،
-أوس: واشنو ، واشنو ، راك تطلب السماح كي شغل حنا اللي غلطنا ياك ، والله هادي مليحة 😤
لينا : خير😤 واش ييك تاني تاكل في روحك ااااه ، ما يكفيش انك عمى و زيد حاسب روحك 😡 واحد مغرور😤
-أوس: عرفي واش راكي تخرجي من فمك يا مدام فهمتي و ما تخاليش صبري ينفذ 😤
لينا : مادموزال ، مادموزال فهمت 🙄
-أوس: والله راكي تباني يمات الطفلة اللي راهي معاك 😏
لينا : واااشنو ، وان شاء تكون نتا باباها ااااه ، واحد مريض ، مغرور 😤
-أوس: يلعنن...
كان راح يحكي بصح سكت كي عيطت مروى بصوت عالي خلاتهم ينفضو و يسكتو
مروى : خلااااااص😤 خلاص ، حبسو في زوج ، قلقتوني ، بركاوا 😡😤
لينا : علاه ...
مروى : لييينا خلاص ، ما صرا والو ، هاد هو المهم ، خلينا نروحو ، و دارت عند أياز كملت كلامها ، و انا تعمل مليح تاخذ صاحبك و تروحو قبل ما تزيد تكبر المشكله ، والسماح بيناتنا
-أياز:. صح ، عندك الحق ، مكالاه تزيد تكبر المشكله في باطل ، نتوم تاني راكم مسامحين ، 🙂 شد اوس من يدو وركبو فالطومبيل ، و ستأدن من لينا و مروى و زاد ركب هو تاني و اوس و لينا كانو يقحروا لبعضهم من بعد شعل طموبيل و طار طيران ، و هوما تاني زادوا ركبو فالطومبيل و راحو عند شهد
↚
الحلقة 89
قاعدين ملمومين داخل قاعة الاجتماعات ، يسناوا فالمنافس لجدبد تاعهم ، كانوا يسناوا فيه بفارغ الصبر ، متشوقين يتعرفوا عليه ، كانو يعرفوا برك اسمو ، بعد مدة من الانتظار ، دخلت عندهم السكرتيرة و خبرتهم انو وصل ، وبالطبيعة الحال طلبو منها تخليه يدخل ، و كيما كان الحال ،خلاتو يدخل ، و اخيرا دخل بكل هيبتو و ثقتو بنفسو ، كانوا كامل يشوفو فيه و هو عيونو كانوا برك يشوفو في شخص واحد انس المكاوي ، و كانوا كاين غير هو في القاعة وكانت صوره ميرال مافارقتش عيونو ، على عكس انس الي كان يشوف قدامو و كانو كان غايب قرب منهم و عيونو ما تنحاوش من أنس ، رحبو بيه من بعد قعد في بلاصتو و قعد اياز قدامو كان غير يشوفو في بعض من بعد قرر اياز يهدر
-أياز: نتمنى انو ما خليناكمش تسناوا بزاف
-يوسف: لا ،لا اصلا حنا تاني ما عندناش بزاف من اللي جينا
-أياز: مال مليح 🙂
-يوسف: يعني و اخيرا تلقينا ، عندي شحال و انا نسنى فهاد اليوم يا سي -أوس
تبسم على جنب و شاف فيه ، وهدر
-أوس: و الله يا سي يوسف أنا تاني كنت نسنى فهاد اليوم من شحال هادي ، صح رانا هنا بصفتنا متنافسين ، بصح هاد الشي ما يمنعنيش اني نمدحك ، يعني سمعتك وحدها تشهد عليك 🙂 ولاواش قال السي أنس (دور راسو عندو يخزر فيه)
أنس : راك قلتها سمعة يوسف المكاوي وحدها تشهد عليه ، و بابا عندو سنين و هو فهاد المجال ، يعني خبرتو تكفي انو يدخل فاي مناقصة يحبها وانا نظن انو الشي اللي تعلمتو من عندو و خبرتي بالرغم انها ما تبان والو من خبرتو هاد الشي يخلني نتأكد انو حنا اللي نربحو
-أياز: والله يا سي أنس الشي هاد راح نعرفو من بعد
-أوس: تعجني الناس اللي عندها ثيقة في نفسها ، مؤشير ايجابي انك راح تزيد تتقدم فمشوارك 😉
كانوا يخذوا و يعطوا فالهدرة حتى طلب منهم احد الاعضاء المتواجدين تم انهم يبدوا الاجتماع ، و كيما كان الحال بدا الاجتماع و كل طرف يدير اللي في جهدوا باش يربح المناقصه.
بعد تقريبا شي ساعتين من الاجتماع ، تفتح الباب و خرجوا كلهم الا هوما الأربعة قعدوا الداخل ، قرب منهم مد يدو يصافحو و يهنيه على الفوز تاعو
-يوسف: بصراحه ، اول مرة نتغلب و على يد شاب صغير ما نكدبش عليك ، اني جيت لهنا و انا داير في بالي اني نربح ، وانت خسرتلي قاع حساباتي ، و الله حلال عليك ، الف مبروك 🙂
-أوس: تعرف لوكان ربحت شخص اخر ما كنتش راح نحس بالانجاز اللي درتو ،بصح اني نربح رجل الاعمال الكبير يوسف المكاوي ، هاد شرف كبير ليا 🙂
-يوسف: نتمنى تكون صفقة مليحة ليك ، و مرة خرا مبروك عليك 🙂
زاد قرب منو انس و مدلو يدو بارك لو
أنس : الف مبروك
-أوس: يبارك فيك ، نتمنى انك ما تقلقش كي ربحنا حنا
أنس : علاه نتقلق ، هادي هي الخدمة ، فيها خسارة و فيها ربح ، و انت ربحت ، وبصحتك
-أوس: الله يسلمك ، و بالمناسبه اذا صح ما غاضكش الحال راني حاب نعرضكم الليلة ، عندي راح نحتفل بهاد الفوز ، و نتمنى تشرفوني بحضوركم
-يوسف: يعني صراحه ما شكيتش راح نقدر نجي ...
-أوس: لا ما نقبلش اي اعتراض
-يوسف: يعني ....
-أوس: الله يخليك ، والله ما نقبل ولا اعتراض ، و زيد راني حاب نعرفكم على اهم شخص في حياتي ، حاب نعرفكم على مرتي ، يعني اذا ربحت اليوم فهاد الشي بفضلها
أنس : ماللخر انا ما تحسبوش حسابي
-أياز: ااااه خساره عليك يا السى أنس اذا ما جيتش راح نفهموها انك صح راك زعفان و غاضك الحال كي حنا ربحنا ، ولا واش رايك أوس
-أوس : اكيد ، صح
بقا ساكت مدة كان يخمم و يشوف في جيهة واحده اخرى من بعد شاف فيهم وهدر
أنس : اوكي ، واش عليه ،
-أوس: مادام هاك خلني نشوفكم لعشية عندي
-يوسف: أن شاء الله يا سي اوس
بعدما قتعهم اوس انهم يجوا عندو خاصة انس خرج هو و أياز ركبو فالطومبيل و راحو للدار يخبرو ميرال بالشى اللي صار
↚
الحلقة 90
عند شهد
قاعدين في الصالون في تلاتة ، يتبادلوا طرف الاحاديث و لهموم حتى صدمتهم شهد باخر خبر 😱 كان اخر شي كانو يتوقعوه
لينا : لا، لا مستحيل ، هاد الشي مستحيل 😨
مروى : لا ، هاد تجاوز كامل حدودو ، ما كفاهش الشى دارو ااااه 😡
شهد: ختي مروى راني خايفة، 😨 خايفة يكون يهدر منو صح ، و يزوجني لهاداك الراجل ، مانيش حابة نتزوج ، الله يخليكم ما تخلونيش وحدي 😭
قربت منها مروى و حضنت وجهها بين يديها و تمسحلها دموعها وتحكي تحكي
مروى : ما تخافيش يا روحي، ما تخافيش ، حتى واحد ما يقدر يجبرك على شى فهمتي ، حتى واحد
-شهد: تحكي صح!!!
مروى : اكيد ، هاد الزواج عمرو ما راح يصرا
لينا : ايه ، ما كانش زواج بالغصب ، مادام ما راكيش قابلة حتى واحد ما يقدر يسيف عليك حاجة ، علاه بأي عصر رانا عايشين ااااه ، و زيد على حساب واش فهمت الراجل كبير ياااك😡
-شهد: ايييه😭
لينا : الله لا تربحو ، هادا اخ هادا ، فهموني ، ما عندوش رحمه ، ما عندوش ضمير ، فالاول خذا منا ميرال برصاصة واحده ، من بعد خلا عمي علي و طاطا حنان يموتوا من قهرهم ، و ما كفاهش الشى اللي دارو فيك ، ودوك حاب يزوحك بسيف لواحد قد باباه 😡 ما عندوش قلب هاد ، حيوان
-شهد: الله يخليكم ما تخلوهش ، بربي ما تخلونيش وحدي ، ما بقالي حتى واحد ، بابا ، ماما ، ميرال كامل راحو و خلاوني ، 😭
لينا : شكون قالك راكي وحدك ، رانا هنا ، ما نخلوكش وحدك ، ياك مروى
مروى : حاجة باينة هادي ، رانا معك ، و ما تخافيش ما يقدر والو ، ثيقي فينا 😭
هزتلها راسها بالايجاب ، من بعد ترماوا في حضن بعض يبكوا و يمسحولها في دموعها ، يقاوا هاك مدة يواسو بعض حتى ندق الباب شافو في بعضاهم من بعد هدرت مروى
مروى : معقول هو اللي جا !!!
-شهد : ما شكيتش ، هو عندو مفاتح
لينا : كنتي تسناي فشي حد!!!
-شهد: لا لا
مروى : اوكي خلي نروح نشوف شكون
راحت تحل الباب و غير حلاتو لقاتها هي كانت واقفة قدامها ، دوت راسها لجيهة واحده اخرى وشدت طرف الباب بصباعها من بعد عاودت شافت فيها تحكي
مروى : خير، ما جابك !!!؟
-ملاك: جيت نطل على شهد
مروى : جيتي طلي عليها ولا جيتي تريحي ضميرك ، من الشى اللي دارو وليدك !!!🙄😏
-ملاك: ما تخافيش انا ضميري مرتاح ، الحمد لله
مروى : ايه الحمد ،بصح اذا صح عندكم ضمير اصلا 😏
-ملاك: انا... (قاطعتها شهد كي هدرت)
-شهد: مدام ملاك ، خير واش حابك لهنا !!!
-ملاك: شهد بنتي ، واش راكي !!؟
-شهد: لباس حمد الله ،
-ملاك: واش ، راح تخلني واقفة عند الباب ،
-شهد: استغفر الله، تفضلي
-ملاك: يزيد فضلك
دخلوا مع بعض و قعدوا فالصالون كان الصمت سيد الموقف ، حتى كسرت الصمت ملاك كي هدرت
-ملاك: نتمنى تسمحولي جيت بلا موعد ، كنت حابة نطمن عليك و نسقسى على حوالك، علابالي اللى جاز عليك ماشي ساهل ماشي اي واحد يقدر يتحملو ، خاصة...
لينا : والله يا مدام الشي اللي عشناه و اللي رانا نعيشو فيه ، سبابو وليدك ، هو وحدو المسؤول عن حالتنا هادي 😡 وانت ، سامحتيه ،
هاد الشي راكي قابلة بالشى اللي دارو و على الغلطة تاعو ياااك
-ملاك: لا، اكيد لا ، مانيش موافقة على الشى اللي دارو، وانا اكتر وحدة وقفت ضدو و نعرفو هاد الشي مليح ، صح انس غلط بصح صدقوني راه نادم بزاف، وحتى كي عرف بلي راني جاية نشوف شهد اصر انو يوصلني ، حاب يحكي معاك بصح راه خايف من ردة فعلك
مروى : واشنو😨, واش قصدك
لينا : دقيقه، دقيقه ، خلني نفهم ، يعني قصدك انو راه هنا ، حا حتى هنا !!!!
-ملاك: ايه ، راه يسنى برا ، هو اللي حاب..
لينا : لا، مستحيل ، ماشي لهاد الدرجة 😡
-ملاك: علاه ، !!! خير...
↚
الحلقة 91
ما جاوبتهاش و طفاتها و راحت طول خرجت لبرا تبعوها كامل يجروا مورها كانت تحوس عليه ، حتى شافتو على الجانب الاخر قربت منو ، و هو تاني كي شافها خرح من الطموبيل ، قربت منو كتر حتى لحقت عندو و عيونها كانو شاعلة فيهم النار و وجهها ما يتفسرش
لينا : نتا واش راك دير هنا ااااه و اش جابك ، واقيل جيت تشوف اللوحة اللي رسمتها بأنانيك و حقارتك ، 😡
أنس : انا، انا
لينا : انت واش ، ااااه واش (كانت تحكي تضرب على صدرو و دز فيه) ، انت واحد حقير ، ما يسوا والو ، انت مجرد حشرة دخلت على حياتنا و خربها فهمت ، نتا ما تسوا والو 😡😤
-ملاك: لييينا ، من فضلك 🙄
لينا : علاه راني نكدب ،اااه ، 😤
-ملاك: شوفي بنتى راني فاهمتك ، قلبك راه محروق ، صح اللي صار كانت من الاول غلطة تاع انس ، بصح راني نقولك راه ندمان ، ما كيش تشوفي حالتو هو تاني، كل يوم يموت الف مرة فالنهار ، قلبو تاني راه محروق ، كل يوم يذبل قدام عينيا 😭 ماهوش قادر يسامح روحو ،
مروى : قلتى راه ندمان يااااك ، فرايك بواش راح تفيدنا الندامة تاعو ، راح ترجع لنا ميرال ، راح ترجع لنا طاطا حنان ، وعمي علي ، قولي ااااه فرايك اذا راه نادم النار اللى شغلها داخلنا راح تطفى ، لا يا مدام ملاك المكاوي راكي غالطة ، على غاطر وليد هاد الشي اللي سرقو منا اكبر بكثر من ندامتو ، لانو ميرال ، كانت ابنة، كانت اخت ، كانت صديقة ، و ، وكانت راح تكون ام فهمتي ، فهمتي ام😭 ،
لينا : (قربت من أنس) والله راني نشفق عليك ، حالتك هادي ، واقف قدامي ، نادم ، ضميرك يأنب فيك ، يعني مكسور ، بصح تعرف واش انت تساهل هاد الشي ، تساهل و كتر ، نتمنى يصرا معاك كتر و كتر ، أن شاء الله الدنيا عمرها راح تضحك في وجهك ، واح تعيش بغذاب الضمير طول حياتك 😤
طاحو دموعو ، حط يدو على فمو يكتم شهقتو ، كلامهم خلى الجرح اللي في قلبو ينزف ، وكانها رشت ملح عليه ، كيفاه لا و كلامهم صح ، هو دمر كل شيء ، دار يمشي جيهة باب الطموبيل فتحو و ركب تبعاتو ملاك ركبت معاه و شعل المحرك و ديمارا ، اما لبنات بعدما راح دخلو هوما تاني للداخل
طريق كامل و هي تحكي في كلام باه تواسيه ، بصح هو فضل يسكت ما قال حتي كلمة ، حتى لحقوا للقصر نزل من الطموبيل و راح طول لبيتو ، دخل الدوش ، حل السبالة و خلى الماء يسيل و هو وقف تحتها هكداك بحوايجو ، كان حاب يطفي النار اللي شلعة فيه كان كلام لينا و مروى يتعاود في راسو ، دموعو تخلطو مع الماء،😭 خبط يدو على ، عدات مرات ،طاح على ركايبو ، و اسم ميرال بين شفافو ، مييراال ، ميرال😭 عذابو يزيد يوم بعد يوم ، والتعايش مع هاد الشي صعيب عليه ، و خصوصا انو قلبو راه رافض خسارتها ولا حتى موتها رفض باتا ، بقا على نفس الوضعية يبكي بحرقه و صوت شهقاتو يزيدوا يقواوا
↚
الحلقة 92
كانت فالصالون رايحه جايه ، تقعد شوية ومن بعد تنوض تروح طل من الشباك تشوف اذا لحقوا ولا لا و راشيل كانت غير تشوف فيها ، كانت تروح و تجي حتى هدرت راشيل
-راشيل: واشبيك ميرال و انت من صباح رايحة جاية، رايحه جايه ، اوووف دوختينى 😵خلاص قعدي قدامي
-ميرال : اوووف يا ربي اوووف ، عندو ساعة من اللي قالي را😦😦ني جاي، علاه ما حبش يقولي فالتليفون بلاك ما ربحوش ، ولا صرا مشكل ، اوف رايحه نهبل
-راشيل: علاه راكي ڨاع هاد التشاؤم ، وزيد تعرفي خويا ، مستحيل يدخل في شغل و يخرج خسران منو ، و انا متأكدة كيما راني نشوفك ربح
قعدت على الكرسي ، و تهز في رجليها و تاكل في ضفرتها، حتى سمعت صوت الطموبيل و ناضت طلت مت من الشباك وشافتهم ، راحت تجري لبرا حلت الباب و خرجت ، كانو هوما خرج من الطموبيل ، و قربت عندو تسقسي فيه
ميرال : اوس ، واش صرا !!! ربحت ؟؟؟ ااااه قولي ديت المناقصه
-أوس: بلعقل ، بلعقل ، خلى ندخلو و نفهمك
ميرال : ايه صح، سمحلي ، من الستراس نسيت روحي
-أوس: يالله
-أياز: شريك ، انا تسمحولي راح نروح عندي شغل دوك نفريه و نولي
-أوس: صحا ، مالى لعشية ان شاء الله
-اياز: أن شاء الله
راح اياز ركب فسيارتو و ديمارا و هوما دخلو و راحو قعدو فالصالون كانو يشوفو في بعض حتى هدرت وسقساتو
ميرال : اوس ، قولي ، واش صرا ، ربحت !!!
-راشيل: يا الله قول ايه ، ولا لالا !!!!!
-أوس: الحفلة وين راك راح نديروها فالداخل ولا فلجنينة !!!!
-راشيل: واش قصدك بهاد الشي تاني !!! 🤔
ميرال : حطت يدها على فمها و تضحك ، يعني ربحت ،ياك ديت المناقص😄
-أوس: واش عمبالك مالى 😃
ترمات في حضنو و تزير عليه وهو كانو يدها بقاو فالهوا ، صدماتو بالجاست تاعها ، هز يديه و بادلها العناق ، طلع يدو حطها على شعرها يمسح فيه ، و كانو دقات قلبو تزيد ، ريحتها خلاتو يسكر وهو صاحي ، بعدت عليه كي ردت بال لروحها ، رجعت شعرها ورا وذها و تتبسم
ميرال : سمحلي ، تحمست شويه
-راشيل: امممم شويه و لا بزاف 😉
ميرال : يعني😊
-أوس: راشييل (قحرلها)
-راشيل: هاني سكت🤐
-أوس : تعملي مزية ، (دار عند ميرال و كمل كلامو ) ما راحش نكدب عليك ، ما ربحتش بالساهل، صدقني كنت راح نستسلم في اخر تانية ، بصح ما حبيتش نخلف وعدي ليك ، والحمد ربحت وراني وفيت بوعدي ودوك ما بقالك غير تخطي الخطوة الجاية ، يعني اليوم في الليل ، راح نديرو احتفال ، و عرضت عايلة كامل رجال الاعمال من بينهم المكاوي ، يعني راح يحضروا ،معنا ، وانت لازم توجدي روحك راح تخرجي بيناتهم ، و تباني ، بصح ديري في بالك مليح ، مادام كاين رجال الاعمال ، و شخصيات هامه فالبلاد ، هاد شي يعني راح يكون فيه صحافة ، وإعلام ، واش رايك ، راكي قابلة!!!!
-ميرال : ما عنديش مشكل ، ما يهمنيش اذا كاين الصحافه ولا لا انا الشى اللي يهمني اني تخطي خطوة فإنتقامي ، و نرجع حقي
-أوس: اوكي صحا مادام هكدا ، ما تقلقيش روحك ، راح نكون معاك ما تنسايش هاد الشي 🙂
-راشيل : صح ، رانا معاك ، حتى لخر ،🙂
-ميرال : والله ما علابالي واش راح نقولكم ، تاع الصح
-أوس : ما تقولي والو ، نتي روحي وجدي روحك لعشية هاد هو المهم
-ميرال : و تجهيزات، يعنى ، لعشا، لجنينة شكون راح يوجد كلش ، كيفاه راح نلحقو لعشية ؟؟؟؟
-أوس : ياك قلتلك ما تقلقيش روحك انا لي راه نهتم بهاد الشي
ميرال : ايه ، صحا ، مدام هكدا انا نروح نوجد روحي
-أوس: صحا
راحت و طلعت لبيتها توجد روحها و خلات راشيل و اوس مع بعض في الصالون ، كانو ساكتين في زوج حتى قرر يكسر الصمت كي هدر
-أوس: راشيل
-راشيل: نعم
-أوس:. قرب منها وكان مقابلها من بعد كمل كلامو، انا، يعني ، اللي صرا لبارح ، حاب نطلب السماح ، صدقيني ماكانش قصدي نرفد يدي عليك بصح الله غالب صرات 😔
-راشيل: لا ما صرا والو ، يعني صراحه كنت نستهل هداك الكف ، انا اللي ستفزيتك و رجعتلك لهدرة ، يعني انا لي غلط من الاول ، دونك انا اللي لازم نطلب السماح خويا ماشي نتا 😔
-أوس: انا كنت خايف عليك علابيها تصرفت معاك هكداك .....
-راشيل : على بالي ، ما عندك علاه تبررلي تصرفك ،
جبدها عندو و حضنها بقوه و يبوسها على راسها و هي تاني حضناتو
-أوس: يا روحي نتي ، والله مستعد نحرق الدنيا على جالك غير باه ما طحش دمعة من عينك
-راشيل: علابالي خويا لعزيز علابالي ، ربي يخليك ليا و ما يحرمنيش منك 🙂
-أوس: أن شاء الله يا روحي نتي تاني ، ربي يخليك ليا ،
-راشيل: (بعدت عليه و شافت فيه ) ايييه يا سى اوس مادام تصالحنا ، خلني نروح نعاوك مرتك لعزيزة باه توجد روحها 😉
-أوس: اوكي ، روحي ، روحي
-راشيل: يا الله من بعد ان شاء الله
راحت و خلاتو يتبسم وجدو ، من بعد راح يوجد للاحتفال بعد ما جا اياز و عاونو
↚
الحلقة 94
بعد محاولات كتيرة قدر يوسف اخيرا يقنع انس يروح معاه بالرغم انو ماكنش عندو خاطر يروح خاصة بعد الشي اللي صرا الصباح ، وجد روحو لبس كوستيم كحل ، بالنسبة ليه هاد افضل لون يعبر على حالتو ، رش. برفان على روحو شاف روحو فلمرايا بانت ليه حالتو كان وجهو تعبان ، عيونو حمورا تفكر كلام لينا كي قالتلو نستهل الشى اللي راه يصرا معاه ، خذا نفس من اعماق قلبو دور راسو غمض عينيه زير يدو على شكل قبضة ، حل عينيه ، و هز تليفونو و المفاتح و خرج ، هبط لصالون ، و لقا باباه يسنى فيه ، و من بعد خرجوا في زوج ركبوا فالطومبيل و راحو لدرا اوس .
بعد تقريبا ساعتين من الطريق اخيرا لحقوا لبلاصة ، كانت عباره عن فيلا كبيره ، هبطو من الطموبيل و قابلهم اياز الي خرج عندهم يستقبلهم كي شافهم من الشباك سلم عليهم و دخلهم للداخل ، وغير حط رجلو داخل الفيلا ، قلبو ضرب بالقاوي حط يدو عليه حس بيه قريب يخرج من بلاصتو، حس باحساس غريب ،ويديه كانو يرجفو ، وقف في النص ، برمي في عينيه في كل ارجاء الفيلا ، بلع ريقو و غمض عينيه يشم فالريحة اللي تضرب في خشمو ، ستحلى هاديك الريحة لدرجة انو حس للحظة انو طعم الحياه و بنتها رجعلو ، كان هاد الشعور تملكو لدرجة انو ما قدرش حتى يتحرك من بلاصتو ، كان ساهي حتى قطع عليه سهوتو أوس كي هدر معاه
-أوس:. واخيرا شرفتنا يا سي أنس
أنس حل عينيه و شاف فيه ، و تبسملو ابتسامه خفيفه ، قرب منو و مدلو يدو و تصافحو ، و سلم تاني على يوسف ، من بعد طلب منهم يروحو معاه الجنينة و كيما كان الحال خرجو معاه
و فهاد الوقت ميرال كانت فبيتها واقفة قدام لمرايا ، تشوف في روح ، كيفاه كانت و كيفاه ولات ، كلش فيها تبدل ، ملامح وجهها ، شعرها، و حتى ستيل تاعها و لبستها تبدلو ، تفكرت اخر مرة شافت روحها فلمرايا و هي فرحانه ، كان هاداك اليوم في حفلة عيد ميلاد انس ، تفكرت لكلام اللي دار بينها وبين مروى ، تعمرو دموع في عينها ، بصح ما خلاتهمش يهبطو ، كانت تشوف في روحها فلمرايا و تهدر
ميرال : ماشي وقت الدموع دوك ، بالعكس ، لازم تكوني قوية كتر من قبل ، هاديك ميرال بن جلال الضعيفه و البهلولة ما عندهاش و جود ، ماتت ، ودوك كاين غير ميرال المارديني ، القوية ، اللي ما تخلي حتى حد يكسرها ولا يجرحها ، من اليوم راح تبدا قصتي ، و هاد المرة انا ، انا اللي راح تكتب هاد القصة ، انا اللي راح نكبتها
بقات مدة تشوف في روحها فلمرايا و تهدر حتى سمعت طبطيب على الباب ، دخلت راشيل بعد ما سمحتلها قربت منها و عنقتها وهي هي تاني بادلتها العناق ، حطت يدها على خدها تمسحلها عليه وتحكي
-راشيل: راكي واجدة !!!
غمضت عيونها و خذات نفس عميق ، حلت عينها بلعت ريقها و هزتلها راسها بالايجاب و هدرت
ميرال : ايه واجدة ، خلينا نروحو
-راشيل: راكي متأكدة ، يعني علابالك شكون اللي راه التحت خمي مليح !!!
ميرال : علابالي، وراني متأكدة كتر ما تتصوري
-راشيل: اوكي مدام راكي متأكدة خلينا نهبطوا
ميرال : يا الله
قربت راشيل من الباب و حلاتو و خرجو بداو يهبطو من الدروج و هي كان قلبها راح يخرج من بلاصتو ، صدرها طالع هابط، يديها يرجفو ، صح عندها شحال و هي تسنى فهاد اليوم بصح ما كانش ساهل كيما كانت متوقعاتو ، ما كانش ساهل بعد هاد السنين تخرج و توقف قدامو و تحاسبو على الشى دارو لها ...
↚
الحلقة 95
واقف في نص لجنينة شاد الكاس بيد و اليد لخرا شاد بيها مغرفة طبطب عليه ، الشي اللي خلى كل الموجودين يدرو عندو ، الكاس على جنب ، شاف فيهم و خدا نفس عميق عاد هدر
-أوس:سيداتي سادتي، ضيوفي الكرام ، نرحب بكم مرة اخرى ، ونشكركم لانكم قبلتو دعوة تاعي، نتمنى تكونو ستمتعتوا بسهرتكم ، كيما علابالكم ، اليوم دعيتكم لهنا سبب معين ، ولا خلي تقول لسببين ، الاول اللى هو واضح واللى كلكم تعرفوه ، حبيت نشارك فرحتي بالمناقصة والسبب الثاني هو هو الاهم ، اليوم جمعتكم على خاطر راني حاب نعرفكم على اهم انسانة في حياتي ، انسانة لن يكررها الزمن اجمل شي صرا معايا دخولها لحياتي ، وجودها في حياتي عندو معنى كبير ، هي كل شي في حياتي ، هاد الانسانة بمثابة تعويض ليا للسنين اللى ضاعو من حياتي ، اصلا انا هادوك السنين ما نحسبهومش من حياتي ، صدقوني كي نشوفها ولا نشوف في عيونها ، نسنى ڨاع لعيا و المشاكل ، صدقوني راني حاس اني مش قادر نوصفها بالكلام ، مستحيل ننصفها وراح نقصر في حقها، على هادي خلي نعرفكم عليها شخصيا 🙂
دار عند أياز و هزلو راسو بمعنى تقدر تقولها تدخل ، وهو راح دخل للداخل وطلب منها تخرج ، بلعت ريقها و غمضت عينيها ، تفرك في يديها من الستراس ، قربت من منها راشيل شدتلها يدها و تبسمتلها و كانها تشجع فيها قرب منها حتى أياز و سقسها
-أياز: راكي واجدة!!!!
ميرال : هزت راسها بالايجاب, ايه واجدة
-أياز: تفضلي مالى
خرجوا برا ، وغير حطت رجلها فالجنبنة ،ضربت في وجهها نسمة بارده ، قلبها كان بخفق بشدة ، كانت تمشي بخطوات ثابتة هي كانت في المقدمة و أياز و راشيل موراها ، تمشي بانوثة طاغية ، كامل الموجودين كانو يشوفو فيها ، و يتهامسوا مع بعضاهم ، و هي عيونها كانو يشوفو في اوس ، كل ما تزيد تقرب من الطابلة اللي قعد فيها انس قلبها يزيد يخبط كان واقف و عاطيها بظهرو ، عينيه كانوا يشفوا فجيهة وحدة خرى ، تقول شي ماكانشو تماك ، وهي لحقت عند اوس ، وقفت مقابلاتو مدلها أوس يدو وشدتها ، هز يدها قربها لشفافو و طبع بوسة حنينة عليها ، شاف في الموجدين و تبسم و هدر
-أوس: ضيوفي الكرام ، خلني نعرفكم على اجمل هدية قدمتهالي الحياه ، خلني نعرفكم على مرتي و شريكة حياتي، رفيقة دربي ، سكت مدة شاف في انس اللي كان مازالو عاطيهم بالظهر من بعد شاف فيها و كمل كلامو
-أوس: بصراحه انا لمهمة تاعي خلاصت هنا ، خلي هي تعرفكم على روحها خير و غمزتلها 😉
فهاد الوقت هز يوسف عيونها و شاف فيهم ، عينيه ، تحلو مش مصدق اللي الشي اللي تشوفو عينيه ؛بلع ريقو كان صدرو طالع هابط و هدر بين شفافو
-يوسف: مس، مستحيل ، ها، هاد الشي مستحيل 😨
شاف فيه أنس وشاف كيفاه كان وجهو كان لونو مخطوف و يديه يرجفو ، هزلو راسو بمعنى واش كاين صبلو كاس ماء وخلاه يشرب منو ، حط يديه على يديه اللي كانو يرجفو و حكى معاه
أنس : بابا ، خير واش كاين ، واش بيك !!!
غير كمل كلامو حتى سمع صوتها موراه تهدر
ميرال : مرحبا ، انا ... انا مدام مارديني ، ميرال المارديني
بلع ريقو و شد طرف الطابلة بيدو ، فالاول كان حاسب روحو يتخايل حتى اكدتلو انو ماكانش يتخايل كي دار عندها وطاحو عيونو عليها كانت واقفة قدام اوس وشادة في يدو ، وفق بطولو و فديك الدقيقه حبس الوقت عندو مش مصدق انو الانسانة اللي عشقها قلبو و اللي كان عند بالو خسرها واقفة قدامو ، حس بدوخة و الدنيا مالت بيه ، حط يدو على الطابلة يسند عليها ، احساسو تخلط عليه بين الصدمة و الفرحة ، كانو شفافو يرجفو ، يديه ، رجليه ، كل جسمو كان يرجف ، قرب منها و هو يكركر في روحو ، معادش قادر يوقف على رجليه ، نفاسو ضاق عليه ، كل ما يقرب منها و قلبو يزيد يخفق ، وصل عندها و وقف قدامها تقابلوا عينيهم ، للحظة حس برحو يحلم ، هز يدو وكان راح يحطها على خدها يتأكد انو ما هوش يحلم حتى صدماتو كي رجعت خطوة للور ، و تم فهم انو ماهوش يحلم وانو اللي راهي قدامو صح ميرال قتنع بهاد الشي و هدر
أنس : مـ.. ميـ.. ميراال
↚
الحلقة 96
دورت راسها عندو ، هزت عينيها اللي كانوا يشفوا فيه بغش ، وحقد رفعت حاجبها و جاوباتو
ميرال : خير ، ياك ما تعرفني!!!!؟ و لا راك مشبهني بشي حد !!!
أنس : ميرال ، هادي نتي !!!
ميرال : واقيل ...
ماكملتش كلامها حست بريحتو داخلة في خشمها و يديه محوطينها ، عنقها و يزير فيها و يحكي
أنس : ميرال ، كنت عارف ، والله كنت عارف انك مازالك عايشة ، قلبي كان ديما يقولي انك ما متيش ، كان دايما رافص الفكرة ، كان علابالي انك في كاش بلاصة ، 😭 بعد عليها و شدلها وجهها بين يديه وكمل يحكي ودموعو شلالات
أنس : كلهم كانوا يحاولوا يقنعوني اني نتقبل فكرة انك متي ،بصح صدقيني انا جامي و لا مرة قتنعت 😭، دار عند يوسف و شاف فيه وراح قرب منو شدو من يدو و جرو عندها و شاف فيها و هدر
أنس : شفت بابا شفت ، كان عندي الحق ، ااااه قلتلكم بلي ميرال ما متتش ، ليك راهي واقفة قدامك ،
-يوسف:. شفت يا وليدي شفت 😔
عاود قرب منها و شدلها يدها و حط يدو لخرا على خدها يحكي
أنس : خلينا ، خلينا نروحو ، عندي بزاف حوايج حاب نقولهم لك ، انا هادك اليوم ...
ماكملش كلامو حتى حس بيها كيفاه نترتلو يدو و دزاتو بعيد ، خلاتو مصدوم من الجاست تاعها
ميرال : عندك تزيد تحط يديك عليا ، اخرة مرة تقرب ليا و تلمسني ، فهمت 😡
تصدم من كلامها ، والتصرف نتاعها ، بلع ريقو منبعد هدر
أنس : ميرال ، شبيك ، ااااه ، خلينا نحكوا ااااه ، كان راح يقرب منها حتى جبدها اوس و رجعها ورا ظهرو ، و قابلو شاف فيه بغش و حكى معاه
-أوس: سي أنس مادابيك تلزم حدودك و ما تنساش بلي راك تحكي مع مرتي ، واذا عندك شى تقولو قولهولي ليا انا😏
أنس : (خزر فيه بغش) ما عندي حتى هدرة معاك ، بعد من طريقي ،
-أوس: ما تخلينيش نصرف معاك تصرف تاني ، راني قلتلك ، 😡
شدو من كول تاع الشوميز تاعو و يهز يحكي بالعياط
أنس : قلتلك بعد من طريقي ، خليني نحكي معها ،
-أوس: ما عندك حتى هدرة معها ، فهمت ، ودوك تعمل مزية تهز روحك و تخرج منا
أنس : شكون نتا باش تمنعني نحكي معها ، ااااه ؟؟؟😡
-أوس: راجلها ، انا راجلها ، يعني ميرال مرتي فهمت
غير كمل كلمتو لخرا عطاه بونية طيحو بها على الارض ، و قرب منو و نزل لمستواها ، و شدو من شوميز يهز فيه و يحكي بغش
أنس : والله راح نقتلك و نخلص عليك فهمت ، والله راح نقتلك
↚
الحلقة 97
قرب منو يوسف و أياز بعد ما طلب من الحاضرين و الصحافه والاعلام يخرجوا و عتاذر منهم ، قربو منو يعدوه عليه ، شدوه في زوج و هو نترلهم يديهم منو و شاف في ميرال و راح قرب منها ، يحكي
أنس : ماشي صح ، ياك ، راكي راكي ديري هاد الشي غير باش تعاقبني ، ياك ، والله راني عاذرك ، عندك الحق ، الشي اللي دارتو فيك ، ماشي قليل ، بصح صدقيني والله راني نادم ، صدقيني ، والله انا ...(قاطعاتو)
ميرال : ما يهمنيش فيك ، نتا اخر شخص يهمني فاش راه يخمم ، و دوك تفضل خرج بحالك بلا مشاكل😡
هز راسو بالنفي قرب منها و شدها من دراعها ويكبس عليه، يحكي بهسترية
أنس : لا ، لا ماشي صح ، راكي تكدبي ، ياك راكي تحكي غير باش تعاقبني. ياك ، راكي حابة تنتقمي مني ، علابالي بلي لكلام هاد لكلام ما هوش خارج من قلبك ، راكي تقولي فيه على خاطر راكي زعفانة ،مستحيل نتي ، نتي مستحيل تكوني نسيتني ، ونسيتي حبك ليا ، هاد الشي كدب ، كدب 😭
ميرال : انت ما تعنلي والو ، انت بالنسبه ليا مجرد غلطة هدرتها في حياتي ، انت اكبر كذبه عشتها في حياتي فهمت ،
أنس : لا ، ماشي صح ، كذب ، علابالي مازالكي تحسي بيا ، مازال قلبك يحبني ،
ميرال : (بتسمت بسخريه) راك تحلم بزاااف ، يا السي انس ، و صراحه احلامك هادو ما يناسبونيش انا ،
أنس : لا ، لا ميرال شوفي صح علابالي بلي جرحتك و أذيتك بزاف بصح صدقيني راني ، نادم ، والله طول هاد السنين ما رحتيش من بالي قالو لي متي بصح انا عمري ما صدقت هاد الشي كنت كل يوم نسنى فيك جامي يأست ، كنت ....
ميرال : كلامك هادا ما يعنلي والو ، فهمت والو ، وصدقني راح نخليك تخلص الشي اللي درتو فيا ، والله راح نحاسبك على كل دمعه كنت نتا السبة فيها ، راح نحرقلك قلبك كيما حرقتلي قلبي ، راح نرجع لك الصاع صاعين و بدل الضربة ضربتين ، 😤
أنس : (هز راسو بالنفي ) ميرال والله علابالي راكي مجروحه مني ، علابالى النار راهي شاعلة في قلبك ، و داخلك مضرور بسبتي بصح خليني نداوي جروحك ،و نمسح دموعك ...
ميرال : النار اللي شاعلة في قلبي نتا اللي شعلتها وراح تحترق كل يوم فيها ، على خاطر ماشي انت هو الشخص اللي راح نعطيه و نفتحلو قلبي فهمت ، و دوك حترق فالنار نتاع كذوبك و خيانتك ، 😤
دزاتو بعيد و جات تروح ، عاود شدها من دراعها يحكي ويترجى فيها تسمحلو
أنس : ميرال ، ميرال اللي يخليك ، سمحلي ، ما تروحيش ميرال ، والله مستعرف بالغلطة تاعي ، علابالي غلط معاك ، بصح عطيني فرصة ، خليني نعوضلك الشي اللي دارتهو لك ، خلينا نحلو صفحة جديدة و الله نوعدك جامي نخليك تندمي ، ميرال ، سمحلي والله راني مستعد نركع قدامك ، والله راح ندير اي حاجة غير باش تسمحيلي 😭 طاح على ركايبو يترجى فيها تسمحلو ، شادلها رجلها و لصق فيها و هو يطلب فالسماح ويبكي بحرقة ، 😭😭 ااااه يا دنيا شكون قال بلي انس المكاوي اللي كانت كامل الدنيا تدور تحت رجليه و يدوس على اي واحد يخرج في طريقو ويمشى بلا ما يدير حساب لوالو ، راح يجي نهار يركع على رجليه ويطلب السماح ، كانت حالتو تبكي حتى لحجر ، قرب منو يوسف يحاول يناوضو وهي تاني تحاول تفك رجلها ، اخيرا بعدت منو و راحت تجري للداخل و قلبها كان راح يخرج من بلاصتو ، طلعت لبيتها ، و راحت دخلت طول للحمام ، غلقت الباب بالمفتاح و سندت عليه ، حطت يدها على فمها و طلقت العينان لعينها زحفت روحها على الباب و طاحت على ركابها تبكي ، حست بقلبها ضرها، منظرو و هو راكع قدامها قطعلها قلبها💔 فالوقت كان لازم تفرح و تشفي غليلها منو وتستشفى بصح اللي حست بيه غير اللي توقعاتو ، لو كان ما هربتش كانت راح تضعف قدامو و تتخلى على انتقامها
↚
الحلقة 98
قاعد على ركايبو على الارض حط يديه بين رجليه يبكي بحرقه و يشهق ،😭 كان عندها حق في ردة فعلها يعني واش كان يسنى تدير بعد كامل الشي اللي دارو فيها ، تقابلو بالورد مثلا ، لكن رغم هاد الشي كان متوقع انو تسمعلو على الاقل ، ويحكيلها اللي في قلبو ، ناض على رجليه بسيف و يمشي و يكركر في روحو كان يمشي جيهة الداخل و يميل كان حاب يروح يقنعها تسمعلو ، حتى غلباتو الميلة و طاح ركايبو ، هاد الشي كامل صار تحت انضارهم اوس ، أياز ، راشيل و يوسف اللي جرا عندو كي شافو طايح ، قرب منو و شدو عندو يحكي بخوف
-يوسف: أنس , ولدي 😨 شد حيلك ،
أنس : (يحكي بصوت متقطع كان غالبو لبكا) بابا ، مي.. ميرال.😭 لازم نحكي معها ، ميرال😭 ، خليني بابا خليني 😭 لازم نخاليها تسامحني 😭 بابا ما نقدرش ، ما نقدرش 😭 بابا ، بابا هدر معاها نتا ، اااه راح تسمعلك ، قولي راح تهدر معها اااه ، قولي ،😭 ولا نقولك عيط ليما ، راح تسمعلها علابالي ، ياك كانت تحب ، يما ، 😭 عيطلها قولها تجي 😭😭
يوسف كان قلبو ضرو و هو يشوف في ولدو فهاد الحالة لاول مرة حتى قبل تلات سنين ما نهارش بهاد الطريقة ، الدمعة طاحتلو ، حضنو وجهو بين يديه ، حط جبينو على تاعو يحكي و يبكي 😭
-يوسف: انس ، ولدي تهدن الله يخليك ، ما ديرش فروحك هاكدا 😭😭 يا الله خلينا نمشوا منا يا الله يا وليدي😭
دزو من علية وهز راسو بالنفي بهسترية ، ويحكى
أنس : لا لا ،لا مستحيل نروح منا قبل ما نشوف ميرال و تحكي معها ، فهمت ، راح نخاليها تسامحني ، 😭 راح تسامحني ، راح تسامحني
حط يديه على الارض يعاون في روحو باش ينوض و هو يعاود غير في كلمة راح تسامحني،راح تسامحني ، وقف على رجليه بسيف يمشي و يميل ،كان يقرب من الباب وفجأة حس بدوخة و الدنيا تدور بيه ، و بدون سابق انذار طاح بطولو على الارض ، الشي اللي خلاهم يجروا كامل عندو ، قرب منو يوسف و دورلو وجهو ، كان مغمض عينيه ، كان غايب عن الوعي ، حالتو هاديك خلاتو يتفزع عليه ، هز يدو و يضربو بكفوف باش يفيقو ،و يحكي
-يوسف: أنس ، أنس😨 ولدي واشبيك ولدي😨 رد عليا، حل عينيك ، يالله ، واشبيك وليدي ، انس ، أنس😨
-راشيل:بعدو خلوني نشوفو ، بعدو ، حطت يدها على يدو تتحسس فنبضات تاعو،وتهدر
-راشيل: نبضات تاعو ضعاف ، ( هزت يدها تفتحلو في قفالى الشوميز تاعو ، و كملت كلامها : ضغط تاعو راه هابط ، لازم ندوه للسبيطار دوك
-أوس: واش راكو تسناوا ، يالله
-يوسف: أنس, ولدي😨
- أيار: السى يوسف ، يا الله عاوني خلينا ندوه للسبيطار
-راشيل: راح نجي معاكم
-أياز: راشيل ماكلاه
-راشيل: بدون نقاش
-يوسف: يالله😨
هزوه و فوتوه فالطومبيل من اللور حطلو راسو فوق حجر راشيل ، كان غايب عن الوعي تماما ، شفافو كانو بياض ، وجهو كان شاحب و تاعب ، حتى انفاسو كانت شبه منعدمة ، كانت حالتو تخوف ، شعل اياز المحرك و طارو بيه للسبيطار
↚
الحلقة 99
كان واقف فالجنبنة ، هز راسو يشوف فالسما و يخمم فالشي اللي صار ، تفكر حالة ميرال كيفاه كانت ، غمض عينيه خذا نفس من بعد قرر يروح يطلع عندها و يطمن عليها ، وقف قدام الباب و طبطب عليه كان يسنى فيها تحلو الباب، بعد ما يأس كان راح يروح بصح حبس كي تحل الباب و خرجت ، كان شعرها مشمخ ، طايح على كتافها، خدودها موردين ، نيفها كان حمر و حتى عيونها ، كان مبين عليها كانت تبكي ، قرب منها ، وهز يدو رجعلها خصلات شعرها ورا وذها من بعد عاود حطها على خدها يتحسس فيه من بعد سقسها
-أوس: راكي مليحة!!!؟
ميرال : معلاباليش !!! قولي برأيك الشي اللي درتو صح ، ما غلطش ياك
أوس : لا ، بالطبع ما غلطيش ، راكي درتي الشي صح ، ما تقلقيش روحك
ميرال : صح ؟؟؟
-أوس: ايه ، صدقيني
قرب منها و عنقتها ، حاوط خصرها بيد و اليد لخرا حطها على شعرها يمسح فيه قرب خشمو على شعرها يشم فالريحة مستحلي قربها منو ، قلبو كان يضرب في الثلاثين و هي كانت لفت يدها الزوج على ظهرو كابسة عليه ومزيرة على تريكو تاعو ، كان قربها منو كي الجرعة الزايدة بالنسبه ليه ، في اي لحظة قادر قلبو يحبس ، دخل راسو في رقبتها يشم في ريحتها خلاتو يسكر، بعد عليها قبل ما يفقد السيطره على روحو و يغلط معاها ، حط يدو ورا رقبتو يتحسس فيها و كانو بهاد الحركة راح تساعدو يكفي نار اللي شاعلتها داخلو ، بلع ريقو من شاف فيها و هدر
-أوس: ميرال ، ياك قلتلك ما تقلقيش روحك ، كلش راح يكون بخير ، تيقي فيا 🙂
دخلها للبيت و قعدها على طرف السرير و قعد جنبها و كمل يحكي
-أوس: من نهار اللول اللي لقيتك فية فهاداك الشط ، و جبتك لهنا ، فهاداك اليوم اللي شفتك فيه ، و فهمت حكايتك ، قطعت وعد على روحي اني نوقف معاك و نحميك ،حتى لو كان هاد اخر شي راح نديرو في حياتي انا وعدتك اني راح نخرج معاك فهاد الطريق ،لاخر المطاف ، بصح بالمقابل انتي وعدتني انك راح تكوني قوية ، و ماتخلي حتى شي يكسرك ، علابالي بلي هاد الطريق راح تحرق بزاف قلوب ، وراح نلقاو فيها بزاف اشواك ، وعقبات بصح اذا حطينا اليد فاليد راح نتخطاو كلش و الحق راح يرجع لصاحبو و اللي غلط يخلص نتيجة اعمالو ، فهمتي عليا ، يعني انت ما غلطيش ، راكي برك حابة ترجعي حقك و اعتبارك هذا مكان
ميرال : صح عندك الحق ، الشي دارو فيا ما يبان والو قدام اللي دارو فيا ، خلي يتحمل نتيجة اعمالو 😡
-أوس: مانيش حابك تلومي و تمرضي فروحك تفاهمنا؟؟؟
ميرال : تبسملو ابتسامه خفيفه و هدرت : ما معلاباليش واش كنت راح ندير بلا بيك ، يعطيك الصحه ، ☺️
حطت راسها على كتفو و هو قرب شفافو على جبينها و طبع بوسة عليه قعدو على نفس الوضعية و هوما ساكتين حتى حسو بالباب تحل عليهم ...
↚
الحلقة 100
حسوا بالباب تحل عليهم دوروا راسهم عند الباب شافو فيه كان واقف بالحفا كان لابس بيجامتو لصغيرة و يشوف فيهم ، كان مبين من عينيه خايف قرب منو اوس و نزل لمستواه حط يدو على وجهو يمسح عليه و يحكي
-أوس: جواد ،حبيبي ، خير واش كاين ، واش راك دير هنا ، اااه !!!؟ علاه مازال ما رقدتش!!
-جواد: ما قدلتث نلقد 😔(ماقدرتش نرقد)
-أوس: خير ، علاه ، ياك ما راكش مريض !! كاش ما يوجع فيك !!!!؟
-جواد: (هز راسو بالنفي ) لا بابي ، ما لانيث مليد (مارانيش مريض)
-أوس: صحا يا روحي كي عاد ما راكش مريض علاه ما راكش راقد لهاد الوقت ،ااااه
-جواد: على خاطل لاني خايف 😨
-أوس: خايف !!! من واش خايف ولدي لحبيب ؟؟؟
-جواد:من هادك لاجل (راجل)
عقد حواجبو و مش فاهم الراجل اللي يحكي عليه و لا الشي اللي يحكي عليه قرب منو كتر و سقساه
-أوس: جواد ، واش من راجل اللي راك تهدر عليه ، شوف وليدي ياك قلتلك بلي هادوك الاشرار اللي فهادوك القصص ماشي صح ، ما كانش منهم ، و زيد ياك قلتلك بلي انت البطل و والابطال ما يخافوش ، تفاهمنا !!!!
-جواد: بابي
-أوس: يا روح بابي
-جواد: مانيث نهدل على الاثلال نتاع القثت( مانيش نهدر على الاشرار تاع القصص)
-أوس: واش من راجل مالى !!!
-جواد: هاداك لاجل لي طاح فلجنينة ، ثفتو كي طاح وداه عمو اياذ (اياز) و عمتو لاثيل
من كلامو فهم انو كان الراجل اللي يحكي عليه كان انس ، بلع ريقو ، من الصدمة ماقدر يقول حت كلمة ، لسانو تربط ،
-جواد: بابا ، علاه عمو هادك مليد هو تاني ، مليد كيما انا !!!
بلاما يقول كلمة جبدو عندو و عنقو ويبوس فيه و يمسحلو على شعرو بعدو عليه شاف في عينيه و حكى
-أوس: ولدي ، حبيبي ، ما تخافش ياك ما كان والوا ، ما عندكش من واش تخاف مادام راني هنا
ميرال : اوس ، معليش تفهمني واش كاين ، واش من راجل ،اااه
وقف على رجليه و قرب شوية منها حط يدو على لحيتو عداها عليها شاف فيها من بعد جاوبها
-أوس: يعني ، صراحه، يعني هو فقد وعيو للحظة و داوه للسبيطار ، و الظاهر انو جواد شافو و خاف
ميرال وساعو عينيها ، خذات نفس عميق ، حطت يدها على فمها و تهز براسها وتحكي
ميرال : وهو شافو ، اااه ، شافو كاش ما قالك
-أوس: لا ما نظنش ، ما كانش في وعيو
قعدت هادية ، ما درت حتى ردة فعل ، كانت تشوف في نقطة وحدة ، ما عرفت ادا تخاف ولا تفرح ، اذا تستشفى ولا تتعاطف معاه ، بقات مدة واقفة من بعد قعدت على طرف السرير تفرك في يديها ، قرب منها جواد وقف مقابلها و يسقسي فيها
-جواد: ماما ، ياك هادك عمو ما لاحث يلوحث(مايروحش) للجنة كيما القطة تاعي!!
سؤالو هاد زاد لبكها كتر و زاد قلقها حطت يدها على صدرها اللي كان طالع هابط ، بلا ما تشوف فيه هزتلو راسها ، قرب منو اوس و هدر معاه
-أوس : جواد يا الله خلي ماما تريح دوك و انت يا الله معيا راح نروحو لبيتك ، واش رايك نرقدو كيف كيف اليوم !!!؟
-جواد: (يصفق بيديه من الفرحة ، و يصوطي ) هييييه ، هييييه 🙂😃
شدلو يدو و خرجوا ،معاه ، وخلا ميرال مبلوكيا في بلاصتها
↚
الحلقة 101
بقات مدة فوق لفراش منبعد ناضت و راحت جيهة الطابل دو نوي حلت الرف و جبدت دفتر مذكرات تاعها ، هزت ستيلو و بدات تكتب وتعبر عن الشى اللي راه يدور في بالها
"احقا هذه انا؟؟لم اعد بمقدوري التعرف على نفسي
ما الذي يجري معي!!؟ اين ذهبت كل تلك الوعود التي قطعتها على نفسي بالانتقام، نعم الانتقام ، الانتقام من الذي سرق شرفي ، براءتي و دمر حياتي، كيف لي ان انسى تلك الليالي السوداء التي كنت اغفو فيها وانا احتضن وسادتي المبالالة ، كيف لي ان انسى كل ليلة كنت انهض فيها و انا ارجف من الكابوس الذي يطاردني ، كيف لي ان انسى كل تلك سنوات العذاب بمجرد أنه اقترب مني ماذا يحدث لي ، لماذا شعرت بنفس الشعور ، كيف لي ان انسى انه دخل جنتي ، افسدها تم خرج منها ، متى ستخمد نيران هذه الحرب التي بداخلي ، حرب بين عقل ينادي المقاومه والنضال ، وقلب ينادي للاستلام و رفع الراية البيضاء ،هذا حقا شعور مدمر عندما لا يستطيع الانسان لا الاقتراب ولا الابتعاد ، ولا يستطيع لا النسيان ولا حتى المسامحة هذا ما يجعلنا بين الحياة و الموت ، بين السعادة و التعاسة 😔"
حطت لقلم و سكرت الدفتر و ربعت يدها الطابل و حطت راسها عليهم و افكارها يخدوها و يجيبوها
ناضت و بقات تروح و تجي في البيت مرة تقعد و مرة تنوض ، حست البيت ضاقت عليها و الستراس ياكل فيها ، كل مرة طل من الشباك تشوف اذا رجعوا اياز و راشيل باش تعرف واش رانا ، قعدت جنب السرير ، حطت مخدة ورا ظهرها سندت عليها ، قعدت مدة هكداك حتى داتها عينها بلا ما تفيق و غفات
↚
الحلقة 102
بعد ما لحقو للسبيطار دخلوه لغرفة الإستعجالات و هوما ما خلاوهاش يدخلو للداخل ، يوسف كان يروح و يجي ، كان خايف على انس ، بقاوا مدة و هوما يسناوا في كاش خبر و فهاداك الوقت لحقت ملاك بعدما عيطلها يوسف و خبرها انو جابو أنس للسبيطار ، دخلت تجري فالكولوار حتى لحقت عندو ، كان لون وجهها مخطوف مش فاهمة الشي اللي صار مع ولدها قربت من يوسف تسقسي فيه عدة اسئله
-ملاك: يوسف ، وين راه واش بيه ، واش صرالو ، فهمني ، واش قالو لك !!!😨😨
-يوسف: راه داخل رانا تسناوا و حتى واحد ما خرج
-ملاك: واش صرا معاه فهمني !!!!
-يوسف: ال... كان راح يخبرها الشي اللي صار بصح حبس كي خرج الطيب و معاه فرملية ، قربو منو و يسقسو فيه
-ملاك: دكتور خير واش بيه وليدى ، وصرالو😨😨
-يوسف: راه مليح!!!
-دكتور: بصراحة ، ولدكم صار معو انهيار عصبي ، راه في حالة صدمة ، حالتو النفسية ما هيش ميلحة ، (دار عند راشيل و سقسها ): عفوا يا انسة نتي هي ميرال ، المريض من اللي جابوه و هو يهترف باسمك ؟؟؟
-راشيل: (هزتلو راسها بالنفي ) لا مش انا
-دكتور وشكون ميرال اذا تقدرو تعايطولها تجي وجودها معاه راح يخلي حالتو تتحسن
-ملاك: دكتور مع الاسف هاد الشي مستحيل ،لانو ميرال مع الاسف ماتت 😔
-دكتور: متأسف البراكة فيكم،
-يوسف: دكتور اذا جبنالو ميرال, راح يتحسن ياك ،!!!
-دكتور: اكيد اذا كان متعلق بيها هاد الشي يعني و وجودها كان راح يفيدو ، بصح الله غالب ، رانا مضطرين نسناوا حتى يفيق و يشوفو طبيب نفسي
-يوسف: راح نجيبها ، ايه راح نجيبها ،
حلت عينيها وتشوف فيه مشوكيه مش فاهمة الشي اللي راه يحكي فيه قربت منو تحكي و علامات الاستفهام تدور في راسها
-ملاك: واش راك تحكي ، يوسف ، واش تجبيب و واش تخلي ، هبلت واقيل ، رجع لوعيك ، و خليك قوي ، راك عارف واش راك تهدر ، راك تهدر على انسانة ماتت من تلات سنين ، راك واعي ولا لا 😧
-يوسف: واعي ، واعي و علابالي واش راني نحكي
-ملاك: واش من واعي راكي تحكي راك حاب تهبلني ، ااااه ، واش راك تحكي ، فهمني من وين راح تجلبو ميرال، وحنا طول هادو السنين نحاولو نقنعوه يتقبل موتها
-يوسف: مكلاه نزيدو نحاولوا نقنعوه
-ملاك : واش راك تهدر يا راجل ، اااه واشبيك علاه راك تحكي هاك !!؟
-يوسف: راني نحكي هاك على خاطر ميرال مازالها عايشة
↚
الحلقة 103
كلامو طاح عليها كي الصاعقه ، اخر شي كانت تتوقعو انو يخرج كلام كيما هادك من فمو ، في وسط وجيعتها على ولدها ، بلا ما تحس على روحها ضحكت على كلامو حسباتو راه يتمسخر ، تحكي وتهدر
-ملاك: يوسف ههههه وشبيك راك عارف روحك واش راك تهدر هههه قالك ميرال عايشة و ما ماتتش ههههه، هدا هبال ولا خليني هههه
-يوسف: ملاك
حبست الضحك و شافت فيه ، تبدلوا ملامح وجهها ، شدتو من كتافو وهدرت
-ملاك: صح ، اللي راك تحكي فيه ؟صح ، ميرال عايشة !!!
-يوسف: هز راسو بالايجاب : ايه صح ميرال عايشة
كانت تهز في راسها بالنفي حطت يديها على فمها عينيها تحلو 😳 مش قادرة تستوعب الشي اللي راه حكي فيه ، حست بدوخة و كانت راح طيح شدها من كتافها الزوج و قعدها على الكرسي و قعد حدها ، سكت مدة من بعد شاف فيها و هدر
-يوسف: علابالي بلي راكي مصدومه و مش قادرة تصدقينى ، راني فاهمك ، انا تاني حسيت بالشي الى راكي تحسى بيه كي شفتها واقفة قدامي ، ما أمنتش ، قلت مع روحي معقول الموتى يقدرو يحياوا ، كذبت حتى الشي اللي كانوا عينيا يشوفوا فيه ، بصح ما كانش كذب ، كان حقيقة ، ميرال عايشة ، عايشة
-ملاك: بصح كيفاه ، ااااه كيفاه ، ياك هداك النهار قالو لنا انها مستحيل تكون عايشة و نتا كنت حاضر 😨
-يوسف: ايه صح ، قالوا لنا ماتت بصح ما لقاوش جثة تاعها ، وهاد الشي يعني كاين اللي لقاها و سلكها
-ملاك:يارب،هادي معجزة 🙂 عايشة ، ميرال عايشة ههههه والله هادي معجزة ، يعنى اخيرا انس وجهو راح يضحك ، و الله قلبو كان حسوا ، كان علابالو بلي ما ماتتش ، عمرو ولا تقبل هاد الفكره ، كان ديما يقولي هاد الشي ، وانا كنت نقول راه يحكي هاك على خاطر قلبو راه محروق بصح هو كان عندو الحق ، عندو الحق يا يوسف ، 🙂 الحمد يا رب الحمد لله ،راح ترجع الفرحة لوجهو ،ياك ،يوسف!!! ، ااااه ، صحا صحا قولي ميرال واش راهي ، مليحة ، وين راهي ،!!! قولي انس هدر معها ، واش قالتلو !!! سامحتو ياك!!!
-يوسف: والله الشي اللي راكي تقوليه صعيب يا ملاك ، صعيب بزاف 😔
-ملاك: علاه ، خير !!!
-يوسف: على خاطر ميرال ما حبتش تسمعلو ولا تحكي معاه ، ماهيش حابة تسامحو ،
-ملاك:😳😳😳
-يوسف: الطفلة عندها ، هو ما خلا حتى شي ما داروش فيها ، خدغ ، كذب ، خيانة ، تعدا عليها و كان راح يخلي صاحبو يتعدى عليها ، و فالاخر الطفلة كانت حاملة منو و هو واش دار اااه قولي ، هو تخلى عليها ، خلاها للموت ، هو دمرلهاحياتها ، شي طبيعي ما تسمحلوش
-ملاك: لا ، لا ماشي صح ، علابلك مليح بلي هو ندم ، و كان راح يصحح الغلطة تاعو ، لوكان ماشي هاداك المهبول تاع خوها لوكان راهم مع بعض دوك
-يوسف: صح هو ندم بصح حتى فات الحال اللي صرا صرا و ما عندنا ما نديرو ، وانس راه يخلص نتيجة اعمالو ! 😔
-ملاك: ما نيش فاهمة كيفاه راك قادر تحكي بهاد البرود ،اااه فهمني ،😒
-يوسف: على خاطر هادي هي الحقيقه ، الطفلة ماهيش حابة تسامحو ، ولا تحكي معاه ، اساسا حتى واحد ما يقدر يجبرها على شي ، وهي ختارت حياة و هو تاني من بعد اليوم لازم يشوف حياتو
-ملاك: واش من حياة اللي راك تحكي عليها ، واش من حياة ، اذا كي ما كنتش في حياتو ما قدرش يعيش بلا بيها و دوك كي رجعت لحياتو حبيتو يبعد عليها ، صدقني راك غالط انس بعد اليوم يموت وما يتخلاش على ميرال ،
-يوسف: علاش ما راكيش حابة تفهمي ، بعد اليوم أنس ما عاد عندو بلاصة في حياة ميرال ولا ميرال راح يكون عندها بلاصة في حياة أنس فهميها😔
-ملاك:اذا ما شافتش حياتها مع أنس ، قولي مع من راح تشوفها، ااااه وعلابالك مليح بلي هي تحب...
(حبست كلامها كي قاطعها)
-أوس: معايا انا
↚
الحلقة 104
دارت عندو و تشوف فيه و علامات الحيرة بادية على وجهها ، ما فهمتش قصدو ، ناضت و قربت منو تحكي
-ملاك: و شكون نتا !!!؟
زاد قرب منو هو تاني حتي ولاوا قراب من بعضهم ، شاف فيها مدة من بعد جاوبها
-أوس: أوس ، أوس المرديني راجل ميرال
-ملاك: هادي كانت بصدمة ثلاثيه الابعاد ، وساعو عينيها😳 بلعت ريقها و هدرت بسيف : وا.. واشنو ،؟؟؟ راجلها!!! قصدك...
-أوس: قصدي انو ميرال تكون مرتي و حياتها جنب راجلها ، يعني جنبي انا
-ملاك: دقيقه ، دقيقه ، راك عارف واش راك تهدر ، لا مستحيل ، مستحيل هاد الشي يكون صح😧
-أوس: لا صح ، و حسن لك تتعودي على هاد الشي من دوك وتخلي وليد بعيد على مرتي ، ولا ...
-ملاك: ولا واش ااااه ، واقيل راك تهدد فيا 😏
-أوس: هاد الشي اللي فهمتي نتي ، 🙄 انا ما جيتش لهنا باش نهدد ، حبيت برك نقولكم تلزمو حدودكم و تبعدو على مرتي و ماراح نخلي حتى واحد منكم يأذيها و راح نحميها 😏
-ملاك: نتا من شكون راح تحميها ااااه ، على من راح تبعدها قولي 😡
-أوس: منكم ومن شركم ، فهمتيييي😡
-يوسف: سي اوس ما دابيك تحترم نفسك ، ما نسمحلكش تحكي مع مرتي بهاد الطريقة 😡
-أوس: وانا تاني ما نسمحلكش تعاودو دمروا حياة مرتي وتخربوها من جديد ، على هادي تعمل مليح تخلي وليدك بعيد عليها
-ملاك: الشي هاد ماشي نتا اللي راح تقررو فهمت ، هاد راجع لميرال وحدها 😡
-أوس: ميرال خذات هاد القرار من ثلاث سنين يا مادام ، و نظن انو هاد الشي راه واضح
-ملاك: ميرال....
-أوس: مادام نظن انو كلامي راه واضح ونتمنى تاخدوه على محمل الجد، هاد اخر شي عندي و دوك سمحولي😏🙄
دار عند راشيل و أياز و دارلهم براسو بمعنى يا الله نروحو ، و هو تبعوه يمشوا موراه و ملاك كانت تهدر معاه
-ملاك: اذا راك حاسب بلي انس راح يتخلى على ميرال بهاد السهولة راك غالط يا سي اوس ، دير هاد الشي مليح في بالك سمعتني ، عندك تنسي هاد الشي😡
طفها وما جاوبهاش وراح ركب فالطومبيل و زادو راشييل و أياز ركبو معاه وراحو للفيلا .و خلاو ملاك و يوسف على اعصابهم يسناوا في انس يفيق .
كي لحقوا الفيلا ، اياز راح لدارو ،راشيل راحت طول لبيتها خذات دوش نحات بيه التعب اما اوس راح فات عند ميرال لقاها راقدة ، قرب منها شاف فيها كان وجهها تعبان و منفخ من لبكا ، سڨملها رقدتها و غطاها مليح
هز يدو عداها على شعرها يمسح فيه، و يهدر
-أوس:انا وعدتك اني نحميك و نوقف معاك واني نجيبلك حقك من الناس اللي اذوك وعدتك اني نتحدى اي واحد حاب يأذيك ، وراح نوفي بوعدي ليك يا لوكان نعرف انو يكون الثمن حياتي ، مستعد ندير اي شي غير باش نشوف هاد لعيون يضحكوا ، والله حياتي فداك ، بلاك يجي يوم تحسي بالشي اللي راني نحس بيه من جيهتك ، عندي شحال و انا نسنى و مستعد نسناك لاخر يوم فحياتي 😔
قرب منها و هبط راسو حط شفافو على جبينها طبع بوسة حنينة عاود هز يدو على خدها هاد المرة عداها عليه بالسياسة ، شاف فيها مدة من بعد هز روحو و خرج ، راح عند جواد لقاه غارق في سابع نوم و لغطا في جيهة كان معنق كتاب تاع القصص نحلهالو وحطها على جنب ، هز لغطا و غطاه ، عدا يدو على شعرو و طبع بوسة على خدو من بعد دخل معاه تحت لغطا ، قربو منو يشم في ريحتو و يلعبلو بشعرو بقا هكاك حتى داتو عينو و غفى معاه
↚
الحلقة 105
صباح جديد احدث جديده
كانت واقفة تسنى في طاكسي تجوز باش تروح للخدمة ، كانت ترمي في عينيها يمين و يسار ، كان واقف قدامها واحد الراجل كبير شوية فلعمر ، كان شاد بين يديه جرنان يقرا فيه , بدون انتباه جات عينها على الصفحة الاولى تاع الجورنال ، حلت عينها على وسعهم ، قربت منو و نحاتلو الجورنال ، مش مصدقه الشي اللي تقرا و تشوف فيه ، صورة مكبرة و كان الخبر مكتوب بالخط الغليظ بعنوان:
" رجل الاعمال أنس المكاوي يركع متعذرا من حبيبته السابقة المدعوة ميرال بن جلال ، زوجة اهم رجل اعمال في البلاد أوس المارديني "
كان هاد الخبر اكبر صدمه تلاقتها في حياتها ، و هي تشوف في صورة ميرال المنشورة في الجورنال ، يديها كانو يرجفو و رجليها حكمتهم فشلة، ظلامت الدنيا في عينيها ، وحست بدوخة ، كانت راح طيح شدها هاداك الراجل و قعدها ، راح جابلها قرعة ماء و مدلها تشرب ، كان كل جسمها يرجف و نفسها يضيق ، نحلها هادك الراجل الجورنال يهاولها بيه و يسقسي فيها
👨: خير بنتي راكي مليحة !!!!
لينا : هزت راسها بالنفي ، كانت تحكي بسيف و شفافها يرجفو : ما.. مم..مانيش مليحة😫
👨: نديك للسبيطار اااه ؟؟؟
لينا : هزت راسها بالنفي
بقات مدة تشم فالهوا (شهيق زفير) حتى بدات تهدا ، سمعت تليفونها يصوني جبداتو من الساك تاعها و جاوبت
مروى : الو بب وين راكي ، ما تقوليليش برك راكي راقدة !!! نعرفك ديرها
لينا : (بصوت تعبان) مروى
مروى : وي خير واشبيك ،علاه صوتك راه عيان ، خير ياك ماراك مريضة !!!
لينا : مروى ، معليش تجوزي عليا (تهدر و تكتم في دموعها)
مروى : خير واش كاين، قلقتني !!😨
لينا : كي تجي نفهمك 😢
مروى : صحا ، صحا ، قولي لي وين راكي ، دوك نجي
لينا : راني في لاري لي موالفة نسنى فيها
مروى : اوكي صحا راني جاية
لينا : اوكي
كوبات عليها و كانت تسنى فيها ، و شاده هاداك الجورنال في يدها ، بعد مدة لحقت مروى ، صفت على جنب و نزلت عندها ، قعدت جنبها تسقسي فيها و قلبها قريب يطيح 😨
مروى : لينا ، واش كاين ، حبيبتي ، واش صرا ، خير !!! 😨
تلاحات عليها و عنقتها بقوة و تبكي ، ما كانتش قادرة تحكي من الشوك ، بعدتها عليها مروى ،حضنت وجهها بين يديها و نفس الوقت تمسحلها دموعها
مروى : واشبيك لينا ، الله يخليك فهمني ما تخوفنيش عليك ، اهدري !!!!
لينا : تحكي بصوت ممزوج بالبكا 😭 عايشة ، هي عايشة 😭
مروى عقدت حواجبها حواجبها غمضت عينيها لثواني حلتهم تشوف فيها تحاول تفهم واش راهي تحكي و واش قصدها
مروى : واشنو !!! عايشة !!؟ شكون قاصدك. ؟ شكون اللي راهي عايشة ااااه فهميني !!!
حطت يديها على خدودها تمسح في دموعها شافت فيها و شدتلها يدها خذات نفس و تشجعت و حكات
لينا : ميرال ، ميرال عايشة
بقات ساكتة و غير تشوف فيها ، ضحكت على كلامها لا اراديا ، و حطت يدها على فمها تخبي في ضحكتها ، و تحكي
مروى : سمحلي بب بصح ما قدرتش نشد روحي ، والله تاع صح هبلتي ، وراكي بدتي تخلطي 🙄 . شافت فيها و كان مبين على وجهها انو ما هيش تتمسخر ، تبدلو ملامح وجهها و بدات الفكرة تاكلها في راسها من بعد حكات
مروى : راكي تتمسخري ياك ، شوفي اذا راكي تتمسخري غير قولي على خاطر هاد الصوالح ما يتمسخروش الناس بيهم ، فهمتي و....
ما كملتش هدرتها حتى حطتلها الجورنال في حجرها شافت فيه و طاحو عينها على صورة ميرال وانس كان راكع يترجى فيها ، فالاول كانت راح تقول بلي ماشى هي و ما تكون غير وحدة تشبه لها بصح اسمها المطبوع بالخط العريض خلاها تتأكد انو صح هي ميرال نفسها ، رفيقة عمرهم ، ختهم اللى بكاو عليها سنين و ما قدروش يصبروا على فراقها , طلعت عايشة ، زتت الجورنال بعيد و حطت يدها على فمها و اليد لخرا حطتها على قلبها اللي كان يخفق بشدة كانت تهز براسها بالنفي و تهدر
مروى : مستحيل ، لا هاد الشي مستحيل ، لا ،لا اه يا ربي واشنو هاد لا ، لا ، كيفاه زعما ، هادي ميرال اااه فهميني ، واش راه صاير ، كي عاد راهي عايشة علاه خلاتنا نتعذبوا قاع هاد السنين ، علاه ما رجعتش و خلاتنا نتحرقوا و نبكوا عليها 😭
لينا : ما معلاباليش، ما معلاباليش وما عندي حتى فكرة ، 😫
مروى : والله راسي راح يطرطق ، 😫😖
لينا : كاين غير طريقه وحدة باش نتحصلو على اجوبة لڨاع هاد الاسئلة
مروى : و اللي هي ؟؟؟
لينا : نروحو تشوفوها ، وهي راح تعطينا مبرر لهاد الشي اللي صرا
مروى : ايه صح عندك الحق ، راح نروحوا عندها ، ايا يا الله معايا ، يا الله
لينا : بصح وين راح نلقاوها ،
مروى : هيا ارواحي معيا ، ساهلة هادي ، دوك نحكي مع معارفي و راح نسقسي على هاد رجل الاعمال واش كان اسمو !!؟
لينا : أوس ، أوس المارديني
مروى : ايه ، راح نسقسي و راح يعرفولنا وين ساكن
لينا : ايه ، ايه فكرة مليحة ، يا الله مالى خلينا نمشوا
مروى : يا الله
ركبوا في زوج فالطومبيل ، و مروى دارت اتصالتها حتى لقات عنوان اوس اللي راح يوصلهم عند ميرال ، و كيما كان الحال ، راحو طيران عندها
↚
الحلقة 106
كان واقف في زاويه الصالون يحكي فالتليفون و هو مغشش لدرجة انو عيونو حمورا و النار شاعلة فيهم
-أوس: كلمة و نعودهاش ، راح تعرفلي شكون كان وراء هاد الشي اللي تكتب اليوم ، فهمت ، و ما تخممش تعاودلي قبل ما تلقاه 😤😡
الراجل: كونك مهني سي اوس ساعتين و يكونو المعلومات عندك
-أوس: ما عندكش حل اخر ، راه بدا العد العكسي للساعتن يا الله
الراجل:اوكي السي اوس
كوبا عليه بلا ما يزيد كلمة معاه ، بقا واقف فالصالون ، و فهاداك الوقت و بعد شي ساعة ونصف من السيران وصلو قدام فيلا المارديني ، نزلو من الطموبيل وراحو وقفو حدا بعض ، و يشوفو فالفيلا بلا ما يحكو حتى كلمة ، حتى قررت لينا تكسر الصمت
لينا : راكي واجدة !!!
مروى : ما معلاباليش ، راني خايفة 😨
لينا : راني حاسة بيك ، انا تاني راني خايفة كتر منك ، حاسة قلبي راح يخرج من بلاصتو ، بصح ما عندناش حل اخر
مروى : علابالي
لينا : يالله
شدو فيدين بعضهم و يتقدموا جيهة الباب بخطوات ثابتة ، كان قلبهم مع كل خطوة يزيد يخفق كتر ، انفاسهم تتقطع ، حتى رجفة يديهم و رجليهم تزيد خطوة بخطوة ، لحقو عند الباب بقاوا واقفات يردوا فالنفس ، هزت لينا يدها تصوني على الباب شافت قبل فمروى اللي هزتلها راسها بالايجاب ، حطت يدها على الصونات و صونات ، كانوا يسناوا غير وقتها يتحل الباب ، ما بطاتش حتى حلتهم الخدامة الباب ، و سقاتهم شكون هما و واش حبوا ، وهما قالو لها انهم يحبوا يقابلوا ميرال ، طلبت منهم يسناوا و هي دخلت للداخل كانت طالعه لبيت ميرال تخبرها بصح عارضها اوس في طريقها يسقسي فيها
-أوس: سرين شكون اللي جا فهاد الوقت
-سرين : مسيو اوس كاين زوج بنات راهم يحوسو على المدام ميرال
-أوس: وشكون هادو ؟؟؟
-سرين ما معلاباليش ما حبوش يقولو شكون هوما قالولي برك رانا حابين يقابلوا المدام و قالولي بلي ما يروحوش منا حتى يشفوها
-أوس: يا سبحان الله ، و شكون هادو تاني صباح ربي ، ولا ما يكونو غير صحفيات ويحبو يا خدوا انطباع على الشى اللي تكتب صباح ربي ، ماكلاه تقولي لميرال و تقلقيها في باطل خلي انا نستكلف بيهم ،
راح قرب الباب و حلو قابلوه في زوج كانوا وقفات جنب بعض و يتهامسوا و سكتوا كي شافوه ، تحلو عينيهم كي شافو بعضاهم و هدرو في زوج في نفس الوقت
لينا & أوس : نتي \ نتا !!!!
لينا : واش راك دير هنا نتا تاني ، من وين خرجلتي !!!
-أوس: و الله انا اللي لازم نسقسيك شكون نتي و واش راكي ديري هنا !!!!؟
لينا : علاه شكون نتا باش نعطيك تقرير ، 😏
-اوس : والله مادام جيتي لهنا يعني راكي مضطرة تمدلي تقرير و مفصل تاني 😏
لينا : وعلاه !!!
-أوس : على خاطر يا انسة هادي داري و لازم نعرف واش راكي حابة
لينا : واشنو
مروى : علاه شكون نتا !!!!
-أوس: انا أوس
لينا : ااااه
مروى : أوس!! أوس المارديني
-أوس: ايه ، انا هو ، علاه شكون نتما !!!؟
جاوا يجاوبوه حتى سمعو صوتها جاي من ورا الباب تسمروا في بلاصتهم اما اوس دار عندها كي عيطتلو بأسمو
ميرال : أوس
↚
الحلقة 107
ميرال : اوس، خير واش كاين!!! شكون اللي جا ،
اوس: ما معلاباليش شكون هادو ، قالوا لسرين حابوا يشوفوك
ميرال : ااااه ، يشوفوني أنا خير أن شاء الله شكون ها... دو سكت كي شافتهم قدامها، عينيها وساعو من الصدمة ، بلعت ريقها و شدت في حوايجها بيديها، و حتى هوما ما كانوش اقل منها ، جاتهم صعيبة يشوفو الانسانة الغالية على قلبهم ، الانسانة اللي بكاوا عليها مدة ثلاث سنين على خاطر كانو حاسبينها ميتة ، راهي دوك واقفة قدامهم ، فهاديك الدقيقه حتى الهدرة هربتلهم ، بقاوا مدة يشوفو في بعض برك حتى قطع عليهم سكوتهم اوس بكلامو
-أوس: ميرال ، تعرفيهم ، شكون هادو !!!!
ما جاوبتوش قربت منهم خطوة ، بصح فجأتها لينا كي رجعت خطوة للور ، هزت راسها بالنفي و عيونها كانوا معمرين بالدموع 😢 ، ما توقعتش هاداك الجاست منها ، جات تعاود تقربها منهم مرة اخرى ، حتى شدت لينا مروى من دراعها تجر فيها وتحكي
لينا : يا الله مروى خلينا نمشوا منا ، يالله
مروى : لينا ، سناي ، واشبيك ، خلينا نحكوا ليينا حبسي 😡 نترتلها يدها و حبسوا في الوسط يشوفو في بعض ، ميرال كانت واقفة قريبة منهم
لينا : فاش راح نحكوا اااه فاش ، 😡 راح تقولنا كيفاه خدعتنا كامل هاد المدة و خلاتنا نحسبوها ميتة ، راح تقولنا علاه خلاتنا نتحرقوا عليها و نبكوا كل يوم على هادك لقبر الفارغ😡 راح تقولنا علاه سمحت فينا ياااك 😡
مروى : ايه😤 ماشي على اساس جينا نفهموا هاد الشي 😡، ماشي على اساس هادي هي الطريقه الوحيده حتى نعرفو اللي صرا
ميرال : (تهدر و تبكي) لينا ، تعيشي خليني نفهمكم ، الله يخليك ما ديريش هكدا😭 ، شوفي انا ما....
لينا : اي شي راح تقوليه ما راحش يهمني ، ما يهمنيش ، على خاطر بالنسبه ليا الشي اللي درتيه يسموه أنانية فهمتي ، نتي وحدة أنانية هادي هي 😤
ميرال : لييينا 😭
لينا : و مدام عطاك قلبك و قدرتي تعيشي بلا بينا هاد الشي يعني تقدري تكملي حياتك ولا كانوا شفتينا و لا جينا عندك يا مدام ميرال مارديني
ميرال : لينا خليني نفهمك قبل منبعد ...
لينا : (دارت عند مروى)، يا الله مروى ما عندنا حتى حاجة تخصنا هنا
راحت ركبت فالطومبيل ، وغلقت الباب بقوة ، اما مروى كانت واقفة مقابلة ميرال ، قربت منها خطوات شافت فيها مدة من بعد هدرت
مروى : معلاباليش الشي اللي خلاك تديري فينا هاد الشي، ولا الشي اللي جبرك ، بصح لازم تعرفي انك، جرحتيا بزاف 😢 و خيبتي آملنا فيك ، ما كناش نسناوا منك هاد الشي ، والله خساره 😔
ميرال : مروى الله يخليك نتي كنتي ديما العاقلةبيناتنا خليني نفهمكم علاه درت هاد الشي ، سمعني قبل و حكمي عليا 😭
مروى : سمحلي بصح دوك ما راح نتقبل منك حتى عذر لينا عندها الحق ، نتي تصرفتي بأنانية معنا و حاليا حتى شي من اللي راح تقوليه راح يقدر يبرر تصرف تاعك ،على خاطر رانا مجروحات منك ، خلينا شوية وقت نتقبلو اللي صرا و نخرجوا من الصدمة بلا نقدرو نسمعوك 😔
ميرال : مروى الله يخليك
لينا : ( داخل الطموبيل) مرووى ، يا الله زربي😡😏
بلاما تزيد كلمة معاه راحت ركبت فالطومبيل شافت فيها من الروطروفيزور بانت لها واقفة و اوس واقف جنبها يحضن فيها و يواسى فيها ، بقات مدة تشوف فيهم من بعد شعلت المحرك و ديمارت و هوما زادو شويا و دخلو للداخل
↚
الحلقة 108
راقد فوق السرير و الخيوط دايرين بيه قاعد يفتح في عينيه بسيف ، حلهم والرؤية كانت مش واضحه ، كان يشوف غير في ضباب دور راسو يمين ويسار يحاول يستوعب وين راه وملاك كانت واقفة على راسو و تسمح على وجهو بيديها و تحكي
-ملاك: أنس ، وليدي ، واش راك ، كيفاش راك تحس في روحك ؟؟ راك مليح يا روحي !!!!
أنس : بلع ريقو و حكى بسيف
مل...مليح ، وين راني ، واش صرا !!!!
-ملاك: رانا فالسبيطار ، ما تقلقش روحك
كان متمدد على السرير فجأه تفكر ميرال و الشى الي صرا قام من بلاصتو شداتو ملاك من كتافو ترجعو لبلاصتو ، هو كان يحكي
أنس : ميرال ، لازم نشوف ميرال ، يما ، ميراال عايشة ، خليني نروح عندها لازم نحكي معها
-ملاك: أنس تهدن ، ريح في بلاصتك
أنس : يما علاش ماكيش حابة تفهمي أنا لازم نروح نشوف ميرال و نحكي معاها ، لازم نخاليها تسامحني البارح ما قدرتش نحكي معاها ما كانتش حابة تسمعلي ، بصح اليوم راح نروح نهدر معاها
-ملاك: ولدي نتا ما راكش جايب خبر لروحك ، عندك ثلاث ايام و نتا راقد هنا
أنس : واشنو
-ملاك: ايه عندك ثلاث ايام و نتا هنا ، كنت كل ما تفيق تحكمك هسترية ، وبعدها يمدولك مهدء و ترقد
أنس : ثلاث ايام !!! هاد الشي يعني ... ( رما لغطا من عليه و قعد على روحو كان راح يهبط من السرير رجعاتو لبلاصتو و نحكي
-ملاك: علاه ما راكش حاب تفهمني ، راك مريض
أنس : يما انا لازم نشوف ميرال لازم ، علاش ما كيش حابة تفهمني ، علاش
-ملاك: علابالي وراني فاهماتك ، بصح لازم قبل تتهدن
أنس : يما راني متهدن وكتر من اللازم
-ملاك: ستنى دوك قبل نعيط للطبيب
خرجت و عيطت للطبيب ، و عاين حالتو من بعد خرج و تبعاتو ملاك و هدر معاها
-ملاك: خير دكتور ، واش راه راه مليح ؟؟؟
-الطبيب: ما تقلقيش روحك مادام، حاليا راه مليح ،
-ملاك: حاليا !!! واش قصدك بحاليا !!!؟ علاه واش كاين ، فهمني !!!!؟
-الطبيب: شوفي مادام ، قلتكم من قبل الحالة النفسية تاع ولدك ماهيش مليحة ، راه يعاني من بزاف مشاكل نفسيه و هذا كان واضح من الانهيار اللي صرا معه ، راه عايش في حالة اكتئاب ، وهاد الشي ما يفرحش لانو المرة هادي قدر يتجاوز هاد الشي ، بصح .....
-ملاك: بصح واش ااااه ؟؟؟؟
-الطبيب: شوفي مادام راني فهمتك الحالة تاع السي انس ، و هاد ماشي رايى وحدي ، هاد رأي طبيب نفسي زميل تاعي يخدم هنا ، هو شخص حالتو و على حساب رايو في حال تعرض لانهيار ثاني هاد الشي راح يقضي عليه مع الاسف
-ملاك: واش قصدك بهاد الشي ، كفياه زعما راح يقضي عليه !!!
-الطبيب: شوفي راح نكون صريح معاك ، في حال تعرض لانهيار ثاني هاد الشي قادر يديه لاحتمالين الاول لي هو مشاكل عقليه ، وراكي فاهمة عليا واش قصدي
-ملاك: قصدك ، راح يدخل لمصاح الامراض العقليه ياااك
-الطبيب: هاد احتمال
-ملاك 😢😢 صحا والاحتمال الثاني !!!
-الطبيب: مع الاسف ،الانتحار😔
تحلو عينيها من الصدمة😲 ، مش قادره تتقبل و لا احتمال عقلها رافض هاد الشي رفض باتا حطت يدها على فمها و تهز راسها بالنفي شافت فالطبيب و سقساتو
-ملاك: و الحل اااه واش هو الحل واش لازم نديرو !!!
-الطبيب: الحل راه بين يديكم ، لازم توقفوا معاه و تخلوه يحس انكم جنبو و تحاولوا تخرجوه من الاكتئاب اللي عايش فيه يعني هاد الشي راجع ليكم ،
-ملاك: اكيد راح نوقف معاه ، ما راحش نخليه ، محال نخلي وليدي يضيع مني ، مستحيل ، راح ندير اي شي باش يرجع خير ملي كان 😭😢
-طبيب: اول شي لازم يشوف طبيب نفسي هاد راح يفيدو بزاف
-ملاك: ايه راح يشوف طبيب نفسي ، وراح نشوفو لو احسن واحد فالبلاد
-طبيب: دعمكم فهاد الفترة راح يرفع من معنوياتو ، على شي راني نصر لازم تم لازم توقفوا معاه
-ملاك: اكيد دكتور راح ندير كل المطلوب مني و كتر 😢
-طبيب: أن شاء الله ، مرة اخرى الحمد لله على سلامتو
-ملاك: يعطيك الصحه دكتور 😢
راح الطبيب وخلاها واقفة فالنص ، وكلامو يتعاود في راسها ، ضايعة ، تخمم كيفاه راح تقدر تخرج انس من حالتو و تمنع حدوث هادوك الااحتمالين ، قربت من الباب حطت يدها على البواني ، هزت يدها و مسحت دموعها مش حابة تضعق قدامو خصوصا انو هاد الشي مش وقتو حلت الباب شافت فيه و تحلو عينيها😲 و جرات عندو
↚
الحلقة 109
حلت الباب ، تحلو عينيها و جرات عندو ، كان واقف على رجليه يلبس في تريكو تاعو ، فربت منو تحكي بخوف
-ملاك: انس واش راك دير ، وين راك رايح !!!
أنس : راح نروح
-ملاك: بربي قولي وين راك راح بحالتك هادي. ااااه
أنس : عند ميرال ، وهاد الخطرة ما راحش تقدري تمنعني شافت فيه و شدتلو يدو و تجر فيه جيهة الباب حلاتو و هدرت بغش
-ملاك: ايه ، ما يكون لا خاطرك ما راح نمنعك ، روح ، روح عندها ، ابكي ، ركع ، عيط ، ندب ،طلب السماح دير كلش ، برايك راح تسامحك ، اااه راح تخلي قلبها يلين ، و نقولو راهي سامحتك ، و من بعد واش راح يصرا ، راح ترجعلك ، راح تقدر تعاود دير فيك ثيقة بعد الشي كامل الشي اللي درتولها ااااه قولي
أنس : و واش قصدك بهاد لكلام تاني !!!!!
قربت منو و حضنت وجهو بين يديها و حطت عينيها في عينيه و تحكي
-ملاك: الشي اللي نقصدو ما تخليهاش تسامحك شفقة منها ، صح نتا غلط معها ، و غلطتك كبيره بصح ندمت ، وعلابالي تاني شحال تحبها و تعشقها❤️ راني قادره نشوف هاد الشي فهاد لعيون ونتا لازم تخليها تشوف هاد الشي ، لازم تخليها تحس بحبك ليها ، بصح ما تجريش مور مشاعرك وتخسرها مرة اخرى نتا لازم تفكر كيفاه دير حتى تصالحها و تربحها من جديد ، المرة هادي راك مجبور تبع عقلك قبل قلبك، صح قلبك يحبها بصح عقلك راح يوصلك عندها ، فمهتني !!!
كلامها هاد اثر عليه حس للحظة انو عندها الحق ، صح ما هوش حاب تسامحو شفقة منها ، هو حاب يرجعها لحياتو ، حاب يكمل معها لاخر يوم فعمرو كان مركز عليها مدة من بعد هدر
أنس : والمطلوب !!!
-ملاك : انك تخمم بعقلك ، هاد يعني اول شى نتا لازم تهدى وتتحكم في روحك ، بهاد الطريقة اللي راح تعرف واش لازم دير فهمتني !!!؟
أنس : هز راسو بالايجاب ، تنهد من قلبو عدا يدو على شعرو كامل ، شاف فالباب ، و شاف فالسرير ، من بعد قرب من السرير و قعد على طرفو بهاد الشي حاب يوصللها جوابو و انو موافف على كلامها ، سكرت الباب و راحت قربت منو و قعدت جنبو ، شدتلو يدو و تحكي
-ملاك: علابالي مليح راك مجروح ، وقلبك راه محروق ، بصح ميرال راهي مجروحه كتر منك ، ذاقت الويل ، الشي اللي جاز على راسها ماشى اي واحد قادر يتحملو ، على هادي نتا لازم تخليها وقت باش تقدر تنسى ، الجروح اللي في قلبها مازال ما براوش ، بصح اذا حطيت عقلك فراسك ، كيما كنت نتا السبة فهاداك لجروح راح تقدر تشفيهم لها ، راح تكون نتا المرهم لهادوك لجروح 🙂
أنس : راني خايف اني ما ننجحش فهاد الشي ، و ما تسامحنيش 😨
-ملاك: راح تسامحك ، راح تسامحك ، صدقني ، نتا برك خليلها وقت ، والوقت يداوي لجروح
أنس : صح واش راكي تقولي!!!؟؟؟؟
-ملاك: معلوم صح، باينة فالاول راح تعاند و تصدك ،و تهرب منك ، و هاد الشي طبيعي ، بصح راني متأكدة انها راح تسمع صوت قلبها و ترجعلك ، نتا برك صبر عليها ،و ما تستسلميش
أنس : راني مستعد نسنها لاخر يوم فحياتي وماراحش نيأس ، راح نحارب لاخر نفس ، لاخر دقيقه
-ملاك: ايواااه ، هذا هو ولدي سبع ، القوي ،🙂 علابالي بلي قادر ديريها عندي ثيقة فيك و في حبك
أنس : ايه راح نديرها ، راح نعمل اي شي غير باش تسامحني و ترجعلي ، 🙂
-ملاك: علابالي🙂 تتفكر واش كنت تقول قبل كي تكون داير حاجة في راسك !!!
أنس : (تبسملها ابتسامه خفيفه و من بعد جاوبها) انس المكاوي جامي خسر ولا راح يخسر في حياتو
-ملاك (رجعتلو الابتسامة ) ايواااه هادي هي ، وزيد حنا عايلة المكاوي كي نحبوا حاجة جامي نسانحوا فيها صح ولا راني غالطة!!!
أنس : صح ، صح ، هاد الشي يجري في عروقنا 🙂 سكت لثواني من بعد كمل كلامو : مزية لي راكي معايا ، لحسن الحظ انك موجوده ، واش كنت راح ندير لوكان ما....
-ملاك: ششششت ، واش هاد الهدرة ، نتا راك جزء مني ، راك حياتي ، قلبي ، روحي ، راك ولدي ،ولدي ، راح نوقف ديما معاك ، فاي وقت وبدون تردد
ترمى في حضنها ويزير عليها و هي تاني ما كانتش من المعاكسين عنقاتو بكل قوتها ، و تبوس فيها و تمسحلو على ظهرو
↚
الحلقة 110
كانت فالبيت تمسح فالغبرة و تنقي وتخمل فالدار و شاردة في تخممها والذكريات يهاجموها ، غير قبل تلات سنين كان اكبر مشكلتها دالت شكون اللي تغسل لماعن صح ما كانش عندهم دارهم وكان حالتهم الماديه قيس قيس ، بصح على الاقل كان عندها ام تحن عليها ، اب تحط راسها على كتفو ، اخت تترمى في حضنها ، كان عندها عايلة تساندها بصح دوك بقات بلا سند وحيدة و تحس في روحها اضعف من اضعف انسان في هاد الدنيا ، تحس انو الوحدة نصبت لها كمين في طريقها ، فكل مرة تقول تتقدم و توقف على رجليها تعاود تغرق كتر وكتر في وحدتها ، تكسرو اجنحتها ، احلامها كلها اجهضت قبل الولادة ، فالوقت اللي كان لازم توجد روحها باش تفوت الباك ، لاقات روحها مرمية بين ربعة حيطان بادرين طاحت حطت دمعة سخونة حرقتلها خدها ، 😭 كانت غارقة في تخممها حتى قطع عليها تفكيرها بكلامو المسموم كي العادة
-قيس: هاااه خير ، والنديب صبح ربي علاه 😡؟؟
-شهد: صباح ربي ياك ، راهي 11 واذا ماكش جايب خبر
-قيس: ماشي شغلك 😏 لتهاي باللي فيدك حسن خير ما نكسر لك فمك عند هاد الصبح 😡
-شهد: هاد الشي اللي شاطر فيه ، اساسا😏
ناض عندها كي الثور الهايج ، شدها من شعرها و يزير عليها ، و هي حطت يدها على يديه تحاول تفكهم من شعرها و هو كان غير يزيد يزير و يحكي بغش😡
-قيس: لسانك الطويل هاد شي يوم راح نقصهولك ، و نرميه للكلاب فهمتي ، والله ما نرحمك، و الله الشي اللي درتو فالكلبة تاع ختك هاديك نعاودهو لك بلا ما يرف لي جفن فهمتي ولا لا 😤
شهد : حرام عليك حرام😭 قول عليا اللي تحب بصح ما تجبدش سيرة ميرال على لسانك فهمت 😡
-قيس: اااه راني نشوف داك النيف عليها ياك والله غضتني صدقيني ، على خاطر هادي لي راكي حاسبتها ختك ما راهيش دايراتك في حسابها ، و راكي تندبي عليها فوق راسى في باطل ( فك يدو من شعرها و دزها حتى قريب طيح)
-شهد: واش قصدك بكلامك هاد ، ميراال ختي كانت تحبني و تخاف عليا 😭
كان يضحك بهسترية من كلامها ، و يشوف فيها ، حبس ضحك و كمل كلامو
-قيس: لو كان صاح جات تحبك و تخاف عليك كيما راكي تقولي ما تتخلاش عليك ڨاع هاد السنين و توهمك انها ميتة 😏🙄 هادي ختك ما ماتتش ، راهي عايشة
كلامو كان كي القنبلة النواوية تفجرت داخلها هزلها كل كيانها ، حلت عينها على وسعهم 😳 بلعت ريقها و كل جسمها كان يرجف الهدرة هربتلها ،ما جات تنطق زوج كلمات حتى طلعت روحها
-شهد : وا.. واش..واشنو!!! واش راك تقول ،
-قيس: ايييبه وي علابالي ما راكيش مأمنتني ، و راكي تقولي راني نهلوس ولا ، بصح معليش انا على الاقل مانيش كذاب و خداع كيما هاديك و راح نحكي لك الشي اللي صار 😏جبد تليفونو خربش فيه من بعد مدولها ، شداتو و فهاديك الدقيقه الدنيا ضلامت في عينيها ، حست بالوقت وقف فهادك الدقيقه ، وهي تشوف في صورة ميرال اخر شي كانت تتوقعو من كتر ما كانو رجليها يرجفو و ما قدروش يحملوها طاحت على ركايبها، حتى دموعها نشفوا و ما عادوش طاحو ، كانت صدمتها مبينة على وجهها اللي ولى شاحب ، شفايفها كانو يرجفوا و عيونها يشوفو في نقطة وحدة كانت تحب تأثير الصدمة
↚
الحلقة 111
قاعدة فالصالون مع راشيل يدردشو مع بعض ، حتى سمعو صوت الباب راحت الخدامة حلت الباب من بعد دخلت عندهم للصالون شافت في ميرال و هدرت
-سرين : مدام ميرال كاين لي يحب يشوفك
ميرال : حلت عينيها مستغربة : خير شكون !!
-سرين: لبنات تاع هادو الخطرة عاودو جاوا و طلبو يشوفوك
ناضت من بلاصتها و قربت منها و تسقسيها
ميرال : راكي متأكدة هما !!
-سرين: ايه متأكدة ، تحبي ندخلهم ؟؟؟
ما جاوبتهاش و راحت جرات عند الباب حلاتو و قابلوها في زوج واقفات يسناوا غير شافتهم رسمت ابتسامة على وجهها 🙂 و هدرت
ميرال : سلام ، مرحبا بيكم ،🙂
مروى : معليش نحكوا ؟؟؟
ميرال : ايه ، ايه اكيد راح نحكوا انا تاني حابة نحكي معكم 🙂 تفضلوا تفضلوا ، خلينا نحكوا داخل🙂
دارتلهم بيدها يدخلو ، كانت تحكي بحماس و الابتسامه ما فرقتش وجهها ، دخلوا للصالون كانت راشيل قاعدة تمكاك ، سلمت عليهم من بعيد و هوما تاني كيف كيف ،شافت فيهم ميرال و هوما مازالهم واقفات ، من بعد هدرت
ميرال : تفضلوا قعدوا
قعدو في زوج وحتى هي قعدت مقابلتهم سكتت مدة كانت ملبكة شويه تفرك في يديها عاد هدرت
ميرال : نسيت ما سقسيتكمش تشربوا حاجة !! مروى نتي علابالي فهاد الوقت تحبي تشربي قهوة تربحك و انتي لينا تح....
لينا : ما جيناش لهنا باه تضيفينا ، جينا نهدرو 🙂
مروى : ليناااا
لينا : خير واش يبها لينا تاني🙄
-راشيل: احم احم ، انا تبانلي نخليكم وحدكم تحكوا على راحتكم خير ، يا الله انا تسمحولي 🙂 كانت راحت تروح بصح عاودت دارت عندهم ، شافت في ميرال ومن بعد شافت فيهم و هدرت
-راشيل: صح انا هادي أول مرة نشوفكم بصح راني حاسة اني نعرفكم من قبل ، علابالكم علاه !! (عاودت شافت في ميرال و قربت منها و كملت كلامها) على خاطر من تلاث سنين حتى لدورك كان اسمكم يدور كل يوم فالدار ، ميرال كانت كل يوم تهدر عليكم بحب ، وصراحه انا تاني حبيتكم عن طريقها ، الشي اللي راني حابة نوصله لكم انو رغم كلشى صار ميرال تحبكم اكتر من روحها صدقنوني انتو برك ما تحكموش عليها قبل ما تسمعوها 🙂 المهم راني حاسة روحي حكيت بزاف ، راح نخليكم تفاهموا بينتاتكم اوكي ، طبطبت على كتف ميرال و خرجت و
خلاتهم وحدهم سكتو مدة من بعد كسرت لينا الصمت
لينا : هاداك اليوم لي قالولنا فيه انك متي ، حسيت انو شى حاجة تنحات منى و راحت ، انو حزء مني ضاع ، بكيت ، عيط ، ندبت ، كنت دايما نروح نزور هداك لقبر ، بالرغم اني علابالي كان فارغ ، بصح كنت نصبر روحي و نقول بلاك روحها دور تماك ، بلاك راهي تشوف فيا من البلاصة اللي راهي فيها ، كنت ديما نلوم في روحي و نقول بلي انا هي السبة ، انا اللي ديتك للموت على خاطر لوكان ما اصريتش عليك تقبلي بأنس و دخليه لحياتك ما يصراش اللي صار ، كان عذاب الضمير يقتلني كل يوم ، 😭 و مع الاخر نرقد فالليل و نوض صبح على كذبة كنتي عيشتينا فيها طول هاد المدة ، تلاث سنين ، قريب اربع سنين و انتي خليتنا نحسبوك ميتة ، علاه ، علاه درتي فينا هاد الشي ، علاااااه ؟؟؟؟
مروى : ما كانش حق عليك ديري فينا الشي اللي درتيه، حابة تعطيني بسبب واحد اللي خلاك تتخلاي علينا !!!
ميرال : لا، لا انا ما تخاليتش عليكم ، و لا بحياتي راح نديريها 😢
مروى : مالى علاه ، فهمينا
ميرال : كان عندي ظروفي 😢
لينا : ظروف اااه ، واش من ظروف اللي خلاتك تتخلاي على عايلتك و علينا ؟؟؟
كانت راح تجاوبها بصح حبست كي قطع عليها كلامها
-أوس: ظروف صحية
↚
الحلقة 112
دارو عندو ، كان واقف في مدخل الصالون ، منبعد شافو في بعض يحاولوا يفهموا كلامو
لينا : هذا لكان ناقص 🙄(بصوت شبه مسموع)
-أوس: سمعتك 😏
لينا : اممم احسن 😏
خنزر فيها و راح قرب من ميرال اللي قامت من بلاصتها كي شافاتو ، وقف حداها وحط يدو وراء خصرها ، طلع فيها بنظرات يدلو على مدى حبو ليها ، شاف في مروى و لينا من بعد هدر
-أوس: اذا ميرال ما جاتش تشوفكم كل هاد السنين ما يعنيش انها تخلات عليكم ، بالعكس كانت تتألم و بشدة ، وهي بعيدة عليكم ، كيما قلتلكم ظروفها الصحية ما كانوش يسمحولها ، انا اول ما لقيت ميرال فهاد الشط ، كانت غائبة عن الوعي ، و كان مبينة عليها متصوبة ، بلا ما نخمم هزيتها و جبتها عندي للدار ، ما مكنتش حاب تديها للسبيطار و ندخل في السين و جيم ، قررت نجيبها معيا ، حطيت على راسها احس الاطباء ، كان علابالي هاد الشي ماكنش قانوني بصح رغم هاد الشي درتها ، كانت حالتها حارجة و دخلت في غيبوبه ، دامت شهر و نص ، كان جسمها ضعيف و ما يقاومش ، و ظل كل هاد الظروف كانت ... كانت حامل ، و الجنين رغم انو مان فرصة انو يعيش فهادك الظروف ، كان متمسك بالحياة ، و هاك بعد مدة فاقت من الغيبوبة ، صارت حالتها اسوا ، دخلت في صدمة كبيره ، كانت تقريبا كل يوم يصرا معها انهيار ، حالتها النفسيه كانت صعيبة ، بقات هكدا حتى ولدت ، كان هداك الطفل اللي كافح باش يعيش ، وضعو حساس ، قلبو كان ضعيف ، من بعد كلش شي صار قدرت ميرال تسترجع صحتها بفضل اخصائي نفسي ، كي حسيت انها برات و قادرة توقف على رجليها حبيت تخليها حزء من حياتي ، كنت حابها ديما قريبة ليا ، و كيما كان الحال ، عرضت عليها الزواج و قبلت ، والباقي راكوا تعرفوه
لينا : بصح علاه كي بريتي و وقفتي على رجليك على ما جيتيش واس كان مانعك ااااه
ميرال : فالاول ظروفي الصحية منعتني ، و من بعد رغبتي في الانتقام ، كنت حابة نحاسب الشخص اللي دمري حياتي ، الشخص اللي خلاني نتعذب كنت حابة تخاليه يشرب من نفس الكاس اللي شربت منو ، قطعت وعد على روحي اني ندمرو كيما دمرني و كسرني 😢
لينا : انتقام !!!
ميرال : ايه انتقام
-أوس: صراحة لخبر اللي تسرب هادك اليوم كان مخططلو ، يعني انا اللي قصدت نجيب انس لهنا باش يشوف ميرال
ميرال : ايه ،صح وانا كنت ناويه تعرفو اني ما متتش بصح ماشي بهاديك الطريقة ، يعني كنت ناويه نجي عندكم و نخليكم تعرفو اني ما ممتش بصح مع الاسف نشرو لخبر و الباقي راكو تعارفوه ،بصح صدقوني اني نكون بعيدة عليكم هاد كان اكبر امتحان ليا ، انا تاني كان صعيب عليا ، كنت كل يوم نموت من الشوق ، كنت برك نتسنى فاليوم اللى نلاقيكم ، نكون معاكم ، و نحي الوحشة ، أنا تاني قلبي كان محروق ، عليكم وعلى ختي شهد ، قلبي محروق على ماما و بابا اللي ما قدرتش حتى نحضر جنازتهم و نشوفهم لاخر مرة 😭 ما قدرتش حتى نبكي عليهم 😭 صدقوني انا تاني تعذبت في بعدكم 😭 ما قدرت لا نفرح ولا نضحك ، كنت ديما نحس روحي ناقصة ، وضايعة ، انا تاني كان قلبي محروق فهمتو ، انا تاني 😭 ( كانت تبكي بهسترية ، هزت يدها و طيحت الفاز اللي كان قدامها ، خلاتهم كامل يتنفضو و هي كانت تكسر كلشي تلقاه قدامها و تعيط
ميرال : علاااااه ديما انا اللي لازم نخسر علاااااه ، علاه انا اللي لازم نخلص ثمن الاغلاط اللى يدورها لخرين ، علاااااه ، علاااااه علاااااه😭😭
قرب منها اوس شدها من اللور و يزير عليها و هي تتخبط بين يديه ، كانت تتنفس بقوة و ترجف ، كان خايف عليها تدخل في صدمة اخرى ، كان مزير عليها حتى حسها هدات ، دورها عندو و شدلها وجهها بين يديه و يمسحلها في دموعها حط جبينو على و يحكي
-أوس: حتى واحد ما عندو الحق باه يحاسبك ، ما تخافيش راني ديما معاك ، ما راح نخلي حتي واحد يجرحك ، فهمتي 😨
ضمها و حط راسها صدرو و هي تبكي و تهدر
ميرال : معادش قادرة نتحمل ، انا عيت ، اوس عيت ، خلاص كرهت😭😭
كانت تبكي و تهدر و ما سكتت غير كي سمعت صوت لينا تهدر معها و شافت فيها
↚
الحلقة 113
لينا : ميرال حنا ما جيناش لهنا باش نحاسبوك (قربت منها) بصح الله غالب حنا تاني تصدمنا كي عرفنا انك ما متيش ، كان صدمة بالنسبه لينا نكذب عليك لو كان نقولك ما فرحتش و ما حمدتش ربي كي راكي عايشة ، كان هاد مثل المعحزة ، حنا تاني توحشناك ، و كنا ناقصات بلا بيك ، 😭 ( قربت منها كتر و هزت يدها عداتها على خدها بالسياسة تتحسس فيه) توحشتك بزاف ميرال ، توحشتك 😭
ميرال : أنا تاني توحشتك بزاف😭
بقاوا ثواني يشوفو في بعض من بعد ترماوا في حضن بعض، كل وحدة تزير على لخرا و يبوسوا في بعض و يبكوا بحرقة بقاوا هكدا حتى هدرت مروى موراهم و داروا عندها كانت تمسح في دموعها و تهدر
مروى : على حساب الشوفة ماكانش اللي توحشني هناولا مارانيش معنية بالامر 🙄
ضحكو على كلامها و قربت منها ميرال و شافت في عينيها و تحكي
ميرال : حاجه باينة توحشتك و توحشتك بزاف
مروى : كذابة ، انا اللي توحشتك كتر
ميرال : لا ، انا اللي توحشتك كتر
مروى : ههههه ما عليش يا لالة
ميرال : مروى
مروى : ميراال
ترماوا هوما تاني في حضن بعض و يبكوا بشدة 😭 بسيف باش بعدو على بعض ، قربت منهم لينا وقابلوها في زوج ، هزت يدها وحدة حطتها على خد مروى واليد الاخرى حطتها على خد لينا و تحكي
ميرال : سامحولي بزاف ، ما كنتش حابة يصرا هاد الشي ، بصح الله غالب ، هاد الشي اكبر من طاقتى انا....( قاطعتها لينا
لينا : ششششت ، خلاص اللي صرا ،صرا المهم رانا مع بعض و هاد المرة مستحيل نتفرقوا🙂
مروى : صح ، خلينا ننساوا اللي صرا ، راح نحاسبوه كي شغل كابوس و فقنا منو ، ما كلاه نعاودو نهدرو عليه ، هاد ماضى و راح 🙂
ميرال : اي صح ، راح نخلو قاع الشي اللي عشناه مورانا ، و راح نبداو صفحة جديده🙂
لينا : اكيد ، من اليوم ما نزيدوش نبعدو على بعض 🙂
ميرال : محال
حضنو بعضهم البعض حضن جماعي ، نحاوا بية شوق سنين تاع لفراق حتى صوت بكاهم ممزوج الضحك ، كانت احمل لوحة ممكن تشوفها في حياتك ، لوحة ممزوجة بين الحب، الصداقه و الاخوة ،🤗 بعدو على بعض و كانو يشوفو في و يضحكو ، راحو قعدو على الفوتاي و هوما غير يتبسموا بلا ما يهدرو ، حتى صدمتهم لينا بسؤالها
لينا : ميرال، واش صرا بالولد !!!؟
ميرال : بصراحة يعني هو ... ما حاتش تكمل كلامها حتى دخل عليهم يجري جيهة اوس و ينهج
↚
الحلقة 114
-جواد: بابا ، بابا 🤗
-أوس: ولدي ، (هزو و قعدو على حجرو ) خير علاش راك تجري ، بهاد الطريقة ، ياك قولتلك ما لازمش تعي روحك
-جواد: على خاطل لاني نحب تديني عند عمو اياذ ( أياز)
-أوس: اوووه ولدي كبر و ولى هو يحب يروح عند عمو اياز ☺️
-جواد: ايه على خاطل لبالح قالي لاح نثليلك تلب ثغير و ماذال ما جاث( البارح قالي راح نشريلك كلب صغير و مازال ما جاش)
-أوس : اوووه يعني على جال مصلحتك ياك
-جواد: ،بابي واث يعني مثلحة( يهدر و يلعب بيديه)
-أوس: يعني متل الشي اللي درتو دوك ، حاب تروح عند عمك اياز غير على خاطر كان راح يشريلك كلب
-جواد: هز كتافو للفوق و كمل كلامو ، بابي ياك ماثي انا لي قلتو ثليلي تلب ، هو
-أوس: ضحك عليه و على تصرفاتو ، قربو منو و باسو اما لينا و مروى كانو غير يشوفو فيهم و غايسن فيهم ، حتي فيقتهم ميرال كي هدرت
ميرال : جواد
دارو عندها و شافو فيها يحاولو يفهمو قصدها
لينا : هاد ولد هداك المغرور ياك ، 😏
ميرال : ولدي
لينا : اااه
مروى : قصدك هاداك جواد ولدك نتي !!!
ميرال : هزت راسها بالايجاب
حطو يدهم على فمهم و يتبسموا ناضوا في زوج ، قربو منو وهو كان مازالو فوق حجر أوس قربت منو لينا كتر و هو غير شافهم خبا روحو في حصن اوس ، حطت يدها على شعرو عداتها على شعرو و تهدر
لينا : جواد ، حبيبي ، علاه راك خايف منا ؟؟؟
-جواد: بابا ،😨😨
مروى : حبيبي جواد علابالك بلي حنا نعرفوك من قبل ، يعني كي كنت صغييير ، قد حبة فول , بصح نتا ما تعرفناش
-جواد: شاف في اوس يحب يتأكد من الشي اللي قالتو
-أوس : جواد ، علابلك شكون هادو ، و لا لا!!!
-جواد: هز راسو بالنفي ، لا
-أوس :هادو خالاتك ، شوف ، هادي خالتك مروى و هادي خالتك لينا
-جواد: ثح ، يعني انا عندي خالات ؟؟؟ ما كانث غيل عمو اياذ و عمتو لاثيل !!!
-أوس: ايه ، و هادو تاني خالاتك ، و حتى هوما يحبوك تاني
-جواد: حس بالامان من كلام اوس و رسم ابتسامه عريضة على وجهو ، نزل من حجرو و قرب من لينا و مروى و وقف قدامهم يحكي
-جواد: ثح تعلفوني كي كنت ثغير !!!
لينا : اي صح ، نتا ما تشفاس بصح حنا نشفاوا🙂
مروى : ايه و تاني كنا نحبوك بزااااف (كانت تحكي و دموعها ينزلو )
-جواد : هز يدو لصغيرة ، مسحلها دموعها ، و هي هزت يدو و قربتها لشفافها تبوس فيها من بعد دخلاتو في حضنها تحضن و تبوس فيه و حتى لينا ما كانتش اقل منها عنقاتو بكل قوتها ، ت
تبوس فيه و تشم في ريحتو لبنينة. و هو كان فرحان بهاد الشي يعني بين صبح و عشية ولى عندو خالات ، يعني زوج ماشي وحدة
↚
الحلقة 115
كان واقف في نص بيتو ، خرج من السبيطار بعدما سمحلو الطبيب ، واقف مسند روحو على الحيط و كل تفكيرو كان عند ميرال و كيفاه راح يدير باش يعاود يكسبها ، فاتو بين عينيه اللحظات اللي فوتهم مع بعض ، تفكر اول بوسة جمعتهم فهادك اليخت ، حط صباعو على شفافو يتحسس فيهم و يتبسم ، بقا مدة ها هكداك من بعد راح قعد على طرف السرير ، هز الكادر اللي فيه تصورة ميرال ،عدا يدو على كامل التصورة من بعد هدر
أنس : علابالي بلي مستحيل تكوني نسيتيني ، تقدري تكذبي على من حبيتي بصح عليا لا ، على خاطر عيونك و صوت دقات قلبك فضحوك ، كي حضنتك حسيت بيك كيفاه رجفتي ، دقات قلبك وصلوا عندي ، راني متأكد انو مازال عندي تأثير عليك ، مازال قلبك يضرب علاجالى ، متل ما قلبي يضرب غير علاجالك نتي ، صح جرحت هاداك القلب بصح ، نوعدك راح نداويه ، وراح نخليه يرضى عليا ، بعد ما لقيتك مستحيل نضيعك مرة اخرى ، ما راح نخلي حتى واحد يوقف في طريقي ، و راح ندير اي غير باش ترجعلي ، راح ننساو الماضي و راح نفكرو غير فالمستقبل ، راح نكملو هاديك لحكاية لي بقات فالنص بصح هاد المرة راح تكون قصة حب حقيقيه ، قصة حبنا انا وياك
قرب الكادر من شفافو و طبع بوسة عليه ، حطو ، هز مفاتحو و تليفونو ، وخرج، كان هابط فالدروج و حبساتو ملاك
-ملاك: انس ، خير وين راك رايح ؟؟؟
أنس : غير هنا يما، عندي شغل. وراح نفريه
-ملاك: واش من شغل اااه ، ياك ما راك ناوي تروح عند ميرال اااه ، شوف راني نقولك اذا راك رايح عندها غير مكلاه
أنس : يما ، ما تقلقيش روحك ، ما راح يصرا والو
-ملاك: هاد الشي يعني راك رايح عندها ياااك !!!
أنس : ايه ، عندها
-ملاك: انا واش قلتلك ااااه ، بتصرفاتك هادي راح تزيد تعقد الامور و راح تبعدها عليك كتر
أنس : يما قلتلك ما تقلقيش روحك ، صح انا رايح عندها ، بصح انا الي راح نشوفها ، ماشي هي
-ملاك: كيفاه زعما ، واش قصدك!!!
أنس : قصدي راح نشوفها من بعيد برك ، هاد الشي راح يكفيني 😔
-ملاك: صح ، ماراكش تكذب عليا !!!
أنس : ايه ، صح ، وعدتك اني ما نديرش تصرف متهور و راح نوفي بوعدي
-ملاك: صحا كي عاد هاد روح ، بصح رد بالك تشوفك
أنس : ما متخافيش راني داير حسابي
-ملاك: صحا ، روح بسلامة ، و رد بالك
أنس : صحا يما لعزيزة
باسها من جبينها و حط يدو على كتفها و طبطب عليه من بعد خرج راح ركب فالطومبيل ، شعل المحرك و ديمارا ، عندها
↚
الحلقة 116
واقف قدام الفيلا يشوف فيهم بالتخبية كان لابس كاسيكيط على راسو ، كانو ملمومين كامل فالجاردان، بعد ما زاد لحق أياز، كأنوا يضحكوا مع بعض و يڨصروا مع بعض ، وهو عيونو كانوا مركزين و يشوفو غير في حبيبتو ميرال ، كانت قاعده جنب اوس اللي كان يغتنم في كل فرصة تجيه باه يتقرب منها، مرة يطبع في بوسات على خدودها ، مرة على جبينها، و مرات يعدي يدو ورا ظهرها و لا على يدها ، هاد الشي كامل خلى نارو تشعل🔥 غيرتو عماتو لدرجة انو كان راح يدخل و يهد الدنيا عليه بصح سيطر على روحو في اخر لحظة ، زير يدو على شكل قبضة بقى يزير عليها حتى حس بروحو راح يطرطق ، هز يدو و خبطها على الحيط اللي كان موجود تماك ، فالوقت اللي هو نارو شاعلة ، هي قريبة من شخص اخر ، جبد روحو و تخبى مليح كي شاف اوس قام من بلاصتو و دخل ، حط يدو على الحيط و خرج شويه راسو و رمى عينيه يشوف فيهم ، ما فاتتش مدة طويلة حتي دار على صوتو كي هدر و سقساه
-أوس: خير ، كاش ما راك مضيع هنا ؟؟؟؟
دار عندو و علامات البرودة كانت بادية على وجهو ، عكس داخلو اللي كان يغلي غليان ، قرب شويه منو حط يده في جيوبو و هدر
أنس : نكذب عليك لوكان نقولك ما رانيش مضيع حاجة ، راني مضيع نصي الثاني
-أوس: راك فالعنوان الغلاط ، ما عندك حتى حاجة تخصك هنا 😏
أنس : راك غالط ، راني فالعنوان الصح ، و ما نتهنى حتى نلقاه 😏
-أوس: و هاد بعيد بزاااف ، نصحية مني ، روح رجع من وين جيت ، على خاطر ، الشي اللي راك تحلم فيه مستحيل يتحقق ، راك تعب في روحك ولتهي فالعلاج نتاعك ، خير ما تتدهور تاني حالتك
ضحك على كلامو ، هز يدو و عداها على لحيتو يحك فيها و هو يضحك باستفزاز ، شاف فيه و هدر
أنس : على كل حال شكرا كي راك تخمم عليا و وشكرا بزاف على النصيحه ،بصح خليها لروحك ، و غير ماكلاه تأمن انو اللعبة اللي راك تلعب فيها صح ياك ، خير ما طيح على راسك و فالنهاية هادي مجرد تمثلية 😉
-أوس : واش من لعبة ، و واش من تمثلية لي راك تهدر عليها !؟؟؟
أنس : غير مكلاه تخشم روحك معايا ، راك فاهم مليح واش راني نهدر ، لعبة هادي تاع الزواج و تمثليتك لدور تاع الزوج المثالي غير مكالاه على خاطر ما تعديهاش عليا انا 😏
-أوس: ش.... قاطعاتو ميراال قبل ما يكمل كلامو
ميرال : واش عمبالك ڨاع الناس تعرف تلعب كيما نتا
↚
الحلقة 117
دارو عندها في زوج ، كان وجهها ما يضويش ، و كانت غير تخزر في أنس ، قربت منهم و وقفت حدا أوس ، و كملت كلامها
ميرال : علابالي صعيب عليك تصدق هاد الشي على خاطر انت انسان أناني و مستحيل تفهم عليا ، واحد كيما ....(قطع عليها قبل ما تكمل)
أنس : واحد ،خاين ، خداع ، حقير ، حيوان ، مغتصب ، قولي عليا لي تحبي ، على خاطر عندك الحق ،راني مستعرف بالشي اللي درتو ، و صراحة نستهل اي كلمة قادرة تخرج من فمك دوك ،
ميرال : حيوان اااه ، راك غالط حتى الحيوان خير منك ، الحيوانات ما تخليش غيرها تقربها من ازوحها ماشي كيما نتا ، فهمت ، وذا راك جاي لهنا طامع نسامحك و ننسى اللي درتو فيا راك غالط فى حساباتك انا مستحيل نسامحك ، مستحيل ، سمعتني ،
أنس : صح دوك راكي تقولي فهاد لكلام ، بصح راح تسامحني ، و راح ترجعلي، نوعدك بهاد الشي
ميرال : ههههه ، راك تحلم بهاد الشي ، نموت و ما نرجعلكش ، فهمت نفضل نموت ولا نكون مع واحد كيما نتا 😤
غير سمع كلمة موت ، قرب منها و جبدها عندو و حضنها بكل قوتو و يحكي
أنس : ششششت ، ما تعاوديش تجبدي سيرة الموت على لسانك ، هادي اخر مرة ، سمعتني 😨
للحظة كانت دايخة بين يديه من ريحتو اللي دخلت في خشمها ، كان معدل ضربات قلبها مرتفع و يخفق اكثر من الطبيعي ، خصوصا كي كان نفس تاعو يضرب على رقبتها و هو يحكي معها ، نفسها كان غير يزيد يقوى صدرها طالع هابط ، ريقها نشف ، كانت راحت تستسلم بين يديه ، حتى فاقت على روحها ، حطت يديها على صدرو و دزاتو بعيد ، خلاتو مصدوم من جاست تاعها،😳 شاورتلو بصبعها و تحكي معاه و تزير على سنانها
ميرال : عندك تزيد تقرب مني ، خليك بعيد عليا خير لك ، سمعتني ، ما تقربش مني 😡
أنس : مييراال! قرب خطوة منها و هي رجعت خطوة للور ، كان راح يزيد يقرب منها ، وقف قدامو اوس، كانو عيونو حمورا و يحكي بغش
-أوس: راك سمعتها ، واش قالتلك ، خليك بعيد عليها خير ،و ماتجبرنيش نتصرفك معاك تصرف تاني😡
أنس : ( شاف في عينيه بتحدي) ااااه قول و الله 😏
شاف في ميرال اللي كانت ترجف و ترمي في عينيها في كل بلاصة تبسم على جنب و هدر
أنس : علاه ما راكش حابة نكون قريب منك اااه ، علاه كل ما تخافي لهاد الدرجة ، جاوبيني ؟؟؟؟
ميرال : على خاطر كي تكون قريب مني نتخنق ، نتا...
أنس : خليني نقولك علاه، ما تحبيش كي نكون قريب منك على خاطر تخافي تضعفي قدامي، و راكي تكابري و تحاولي تخابي فالشي اللي راكي تحسي فيه مع انو عيونك و دقات قلبك اللي راهم واصلني عندي فضحوك ، رجفة يديك هادو ، ردة فعلك راهم يقولو عكس اللي راكي تقولي فيهم ، علابالي بلي مازال قلبك يبغيني،مازال عندي تأثير عليك ...
ما كملش كلامو حتى عطاه أوس بونية ، خلاه يميل شدو تريكو تاعو و يهز فيه يحكي بلعياط
-أوس: بلع فمك ، ماتخلينيش ندفنك هنا فهمت ، دوك تهز روحك تروح منا ، و بلاك تزيد دور هنا ، خير ما ندمك 😡
أنس : علاه شكون نتا باش تمنعني ، ااااه بصفتك شكون ؟؟؟
-أوس: راجلها 😡 ماتنساش روحك، اللي راك تحكي معاها راهي مسمية على اسمي ، ميرال أوس المارديني ، يعني راهي مرتي فهمت مرتي ، و ما نسمحلكش ، تتخطى حدودك معاها فهمت ،😤
أنس : من نيك تحكي هاد الشي ، علابالي مليح واش من نوع زواجكم هاد ، راك فاهم عليا ولا راك حاب نوضحلك كتر
-أوس: فهمها كيف ما تحب ، الشي اللي راه واضح انو ميرال ماهيش حابتك تكون في حياتها ، ما عندك علاقة بيها لا من بعيد و لا من قريب يعني ميرال بلاصتها و حياتها هنا معايا انا
أنس : صح نتا راك راجلها كيما راك تقول نتا ، و يمكن صح تاني بلاصتها هنا معاك ، بصح كاين حاجة لازم تفهمها مليح ، وهي انو قلب ميرال و عقلها ديما معيا ، و هاد الشي راه واضح وضوح الشمس
ميرال : ما تيقش بزاف فروحك ، خير ما تتصدم فاللخر ، لانو الخيبة أسواء شعور ممكن يحس بيه الانسان ، قربت من اوس شدتلو يدو و تزير عليها ، من بعد شافت في انس اللي تبسم في ابتسامه استفزازية من بعد كملت هدرت معاه
ميرال : نظن انو كلامي راه واضح ، بعد عليا و على اي شخص يخصني ، و تتمنى انو ما عادش تخرج في طريقي 😏
شاف في يديها المتشبكة مع يد اوس تبسم على جنب من بعد شاف في اوس و هدر معاه
أنس : نظن راك فهمت عليا دوك ، هي راح دير اي شي باش تبين لي اني ما نعنليها والو ، و الدليل هاد الشي ( يشير على يديهم )
ميرال : اذا كملت كلامك تقدر تتفضل 😏
أنس : ايه ، راح نروح دوك بصح راح نزيدو نتلاقاوا
ميرال : روووح ،
شاف فيهم في زوج مدة من بعد هز روحو و ركب في الطموبيل و ديمارا ، و هوما تاني دخلو و لقاوهم كاملين هايجين يدورو في كل بلاصة ،تقول شي راهم مضيعين حاجة و يقلبو عليها ، قربوا منهم ، و يسولوهم واش صرا
ميرال : لينا واش صرا ، واش كاين !!!
-أوس:. اياز. واش راه صاير هنا ، خير
عيونها تحلو على وسعهم😧 بلعت ريقها و لون وجهها مخطوف😨 تحكي بالزربة
لينا : جواد 😨😨
تحلت عيونهم كي سمعو اسم جواد، قرب منها أوس شدها من دراعها و يزير عليها ،يحكي بذرع
-أوس: و اش بيه جواد ، واش صرالو !!!
↚
الحلقة 118
شدها من دراعها يحكي مفزوع
-أوس: واش بيه جواد ؟ واش صرالو!!!!؟.
ميرال : لينا واش كاين !!!
لينا : جواد ضايع 😨 ماكانشو فالدار
-أوس: ( فلت يدو من دراعها ) واش قصدك اااه ،
لينا : راني نقولك ضايع ما سمعتنيش 😡
-أوس: الطفل هادا وين كان معاك ، وين حبيتيه يروح اااه
لينا : معلاباليش ، معلاباليش 😭😭
راح قرب من اياز اللي كان واقف و حط يديه على خصرو ، وهدر معاه
-أوس: وين راح ، ااااه ، شفتو لجنينة الورانية ، !!!
-أياز: شفت ماكانشو
-أوس: المخزن ، فالقبو ؟؟؟؟
مروى : شفنا ، هذا وين جبت من تماك 😨😨
-راشيل: ماكانشو فالدار ، حوسنا علية في بلاصة بصح ماكانشو 😨
-أوس: مستحيل يكون خرج من هنا ، كنا شفناه 😧
-أياز: بلاك يكون خرج بلا ما تردو بالكم
دار عند لينا و هدر معاها بغش وعياط
-أوس: قولي لي وين كان عقلك ، ااااه ، طفل صغير ما قدرتيش تردي بالك عليه ، ااااه ، و علابلك بلي راه مريض ، و ما يقدرش يخرج وحدو ، 😡
لينا : و انا وين علابالي ، خليتو دقيقة ما كانش علابالي راح يقدر يخرج😭
-أوس: كنتي درتي حسابك 😤
لينا : ما تعيطش عليا
ميرال : خلااااااص 😡 سكتو في زوج ،
قربت منها لينا شدتلها يدها تبكي و تهدر😭😭
لينا : ميرال ، سمحلي ، والله كانش قصدي ، انا كنت ...
ميرال : خلاص لينا ، هاد ماشي التبريرات و لا وقت اللوم ، اهم شي انو نلقاوه
-أوس: انا نروح نحوس عليه و نتو ستناوا هنا
-أياز: ستنى راني جاي معاك
ميرال : اوس انا تاني
-أوس: ميرال نتي خليك هنا ...
ميرال : راح نجي
لينا : انا تاني راح نجي 😢
-أوس: نتي غير مكالاه
لينا : الشى اللي صار بسبابي ، هاد الشي يعني. راح نجي معاكم نحوس عليه😏
-أوس: الله يعطني صبر 🙄
لينا : امين اجمعين😏
-أياز: راشيل ، انسة مروى نتو قعدوا هنا اذا كاش ما صرا ولا رجع جواد عيطيلنا
-راشيل: صحا صحا ، نتو تاني ما تخليوناش نسناوا ، اذا لقيتوه قولولنا
-أياز ، اوكي صحا
-أوس: يا الله
راحو خرجو يحوسوا عليه ، اياز راح مع لينا و أوس راح مع ميرال ، كانو يحوسو عليه كي لمهابل ،في كل بلاصة. و يعيطوا باسمو ، بالاك اذا كان قريب منهم يسمعهم
↚
الحلقة 119
كان يسوق وغايس و تفكيرو كله عند ميرال ، يخمم كيفاه راح يدير باش يخاليها تسامحو ، فجأه حبس الطموبيل بقوة ، بقا حل فمو و شاد الفولون بيديه و الدم حبس في عروقو 😨 نحا السانتور حل الباب و نزل جرا جيهتو قرب منو نزل لمستواه و شدو من يديه و حط يديه على وجهو يعديها عليه ،و يسقسيه
أنس : راك مليح ااااه ، ما بيك والو ياااك😨
-جواد: مليح 😧 بثح خفت
أنس : واش راك دير هنا وحدك اااه علابلك ماشي مليح ، !!!
-جواد: انا كنت نتبع في تلب تاعي
أنس : علابلك ماشي مليح تقطع فالطريق ، كيما درت نتا ،ما لازمش تعاود دير هاد الشي ،
-جواد: نتا كنت لاح تضلاب تلب تاعي و حبيت نثالكو ( كنت راح تضرب كلب تاعي و حبيت نسلكو)
أنس : اممم راح قرب من الكلب لصغير ( جرو) رفدو و عطاهولو و كمل كلامو : مهما يكون السبب ما لازمش تقطع الح وحدك ، هاد الشي خطير تفاهمنا!!!
-جواد: هزلو راسو بالايجاب : ثحا عمو
أنس : (حط يدو على رسو و فرفشلو شعرو) امم صحا دوك قولي اسمك كيفاه!!!
-جواد: جواد🙂
أنس : اممم اسمك شباب ، بالمناسبه انا اسمي أنس
-جواد: نتا تاني اثماك ثباب عمو أنث 😊
ضخك على كلامو و برائتو قرب منو حط شفافو على خدو و طبع بوسة مرصومة عليه ، للحظة حس بشعور غريب ناحتو ، مع انو هادي اول مرة يشوفو فيها الا انو حس انو يعرفو من شحال هادي ، دخل لقلبو من اول لقاء ، تبسملو من بعد حكى
أنس : صحا جواد ، قولي وين راهي ماماك ؟؟؟ هي علابالها بلي راك هنا اااه ؟؟؟
-جواد: هزلو راسو بالنفي بمعنى لا
أنس : اممم هاد الشي يعني انك هربت بلا ما يعرفو ، اكيد راهم مقلقين عليك
-جواد: لا انا ما هلبتث ، خلجت برك بلا ما يعلفو ( انا ما هربتش خرجت برك بلا ما يعرفو)
أنس : (ضحك عليه و على كلامو ،قرصو من خدو و فرفشلو شعرو) صحا قولي وين راهي داركم خليني نديك عند ماماك !!!
-جواد: ماما 🙂
أنس : ايه ، راح نديك عندها
-جواد: لاهي هناك ( شارلو بيدو موراه )
أنس : كيفاه!!!
-جواد: ثوف ثوث(شوف شوف) هاديك ماما
دار انس و الابتسامه🙂 كانت مرسومة على وجهو ، بصح غير شافها تمحات هاديك الابتسامة و تحولت لصدمة كبيره😨 , مش مصدق انو هاد ولدها، حس بجسمو كل عرق فحأة ، ريقو نشف من الصدمة😧 ، ما كانش يتوقع انو هاد الولد يكون ولد ميرال ، تصمر في بلاصتو ، كان يكذب في عينيه ، بصح جواد اكدولو هاد الشي كي جرا عندها و لصق في رجليها و يعيطلها بماما
↚
الحلقة 120
قرب شوية منهم و يكركر في روحو و عيونو تسقسي فيها ، على حكاية تاع الولد ، كان ريقو ناشف عالاخر ، كان داخل في حيط ، مش فاهم و لا مصدق اللي يشوفو ، وصل عندها و بلا اي مقدمات صدمها بسؤالو
أنس : ولد شكون هاد !!!
ميرال : راك سمعتو واش قال
أنس : جاوبيني على سؤالي ؟؟؟ قولي صح !!
ميرال : صح ؟؟؟ واش قصدك بهاد الشي تاني!!! واش من صح
أنس : علابلك مليح واش قاصد ، شكون باباه !!؟
لبكها بسؤالو كتر ، بلعت ريقها دورت راسها على جيهة لخرى تخبي في توترها الظاهر على وجهها ، شدها من كتفها يهز في و يعاود في سؤالو و يزير عليها ، و هي كانت تتفارع بين يديه تحاول تبعدو عليها ، حلت فمها تجاوبو بصح سبقها اوس كي جاوبو هو
-أوس: انا
شاف فيه بصدمة بعد يديه عليها شاف فيهم في زوج ، من بعد شاف في جواد اللى كان تايه بيناتهم و مش فاهم شي ، حط يدو ورا رقبتو ، من بعد عاود حطها على وجهو عداها عليه ، من بعد هدر
أنس : واش يعني هاد الشي تاني اااه ، راكو حابين تهبلوني ياك ، هاد هي غايتك تهبلني و راكي ديري هاد الشي باش تنتقمي مني ياك
سكتو في زوج من بعد شاف اوس في جواد قرب منو و نزل لمستواه حط يدو على خدو يتحسس فيها تبسملو من بعد هدر
-أوس: ولدي ، قولي راح مليح ما بيك والو ياااك؟؟؟
-جواد: مليح
-أوس: علابلك بلي الشي اللي درتو ماشي مليح ، خوفتنا عليك
-جواد: بابا انا بلك تبعت تلب تاعي
-أوس: اممم يعني الشي اللي درتو كامل على جال الكلب
-جواد: ايه ، وعمو أنث هو اللي ثلكو و جابهولي ، دار عند أنس و كمل كلامو ياك ثح عمو انس 🙂
أنس : هزلو راسو بالايجاب
-أوس: حبيبي جواد واش رايك تدخل الكلب للطموبيل بلا ما يهربلك تاني اااه
-جواد: ايه حادل بابا (حاضر بابا)
هزو بين يديه و دخلو للطموبيل ، و غلق الباب عليه و رجع عندهم شاف في أنس و هدر معاه
-أوس: نظن انو الجواب على سؤالك راه واضح ،كيما راك شايف جواد ولدي ، ولدنا انا و ميرال
أنس : مانيش حابس باش نصدق هاد لكلام اللي راك ترمي فيه ، راني متأكد كيما راني شايفك انو ماهوش ولدك ، راك حاب تقنعني انو زواجكم حقيقي و ماشي على لورق برك ،
ميرال : وعلاه ما تأمنش اااه ،علاه واش من مانع انو يكون حقيقي، و نعيش مع أوس كا اي زوجين ، ؟؟؟ علاه ماكش حاب تأمن انو جواد ولد اوس !!!!
أنس : لانو احتمال نكون انا باباه ما تنسايش كنتي حامل مني
ميرال : راك قلتها كنت ، يعني تحكي منك صح ، بعد كل شي صرا معايا ، اذا راني واقفة هنا قدامك هاد الشي بفضل ربي سبحانه و بفضل اوس ، اذا أنا ما قدرتش نسلك الا بمعجزة ، وانت راك حاسب الولد هداك مازالو عايش ، مالى خليني نقولك انو الدايم الله ، البركة فيك ،
أنس : واشنو ، لا راكي تكذبي عليا راكي تقولي هاك غير تحرقيلي قلبي ياك هاد الشي جزء من خطة تاعك باش تنتقمي مني ياك !!!
ميرال : انا ماشي كيما نتا ، ما نلعبش بحياة الناس ، خصوصا اذا كان طفل صغير ، لوكان صح نتا باباه ما نعيش ولدي في كذبة ، اصلا انا كتنش ناوية نجيب هادك الولد ما كنتش حابة نجيب طفل منك نتا خصوصا اذا كان نتيجه اغتصاب ، لانو كل ما نشوف فيه راح يفكرني فالشي اللي درتو معيا ،فهمت مستحيل ، على هادي لازم تفهم مليح أنو جواد ولد اوس ، واذا ما راكش مأمن خلينا نديرو فحص ابوة ، وراح تتأكد بروحك
كلامها لخر ، دخلهم في حيط خاصة اوس اللي كان عارف مليح الحقيقيه و انو جواد هو ولد انس ، ما فهمش علاه قالت هاد الشي حاول يتمالك نفسو قدر المستطاع ، خير ما يفضحها و يفضح روحو قدامو ، شاف في عيون ميرال اللي هي تاني مازال ما فهمتش علاه طلبت منو يديرو فحص ابوة ، يعني حطت نفسها في موقف ما تتحسدش عليه قربت من اوس شدتلو يدو تحاول تسمد قوتها منو هو تاني شدلها يديها و زير عليها و كانو يوصلها جوابو انو رغم انك رميتي روحك في هادي العاصفة راح نكون معك فكل الأحوال ، طمنها بعينه انو راه معها و ما تخاف من والو ، شافو في انس اللي كانت علامات الخيبة بادية عليه كلامها زاد خلى جرحو هو تاني ينزف ، خاصة كي قالتلو مستحيل نجيب طفل منك بكلامها هذا زادت قهراتو كتر ، كان يشوف في جيهة واحده اخرى تلفت عندهم كي هدرت ميرال
ميرال : من هاد الدقيقه اذا حبيت تأمن انو انا و اوس عايش كأي زوجين و عندنا ولد أمن و اذا ما حبيتش تأمن راك حر ، بصح كاينة حاجة وحده ، خليك بعيد عليا و بعيد على عايلتي ما تزيدش دور بينا
↚
الحلقة 121
كان واقف يشوف غير في نقطة وحدة بلا ما يعمل ولا ردة فعل و كانو خلاتو يتقبل الواقع عيونو تعمرو بدموع حتى الهدرة هربتلو ما قدر حتى يزيد كلمة كان راح يروح فهاداك الوقت لحق عندهم اياز و لينا اللي تصدمت كي شافتو تم ، جرات عندهم وقربت من ميرال ،شدتها من دراعها و كانها تساند فيها ، شافت في انس اللي كان مهدود ، قربت منو و شدتلو يدو و تجر فيه بعيد عليهم ، بعدت يدها عليه و شافت تحكي بغش
لينا : واش راك دير هنا ، واش جابك اااه
أنس : كنتي تعرفي ياك ، كان علابلك بڨاع هاد الشي و بقتي ساكتة ياك
لينا : واش لي علابالي بيه ، واش😡
أنس : كان علابلك بلي ميرال عايشة ، كان علابلك بلي مزوجة و عندها ولد ياك ، تفاهمتو كامل على راسي ، هاد الشي كامل اللي غير باه تتنتقمو مني و تخلوني نخلص ثمن الغلطة تاعي ياك ، درتو كامل هاد الشي بلعاني ، ها شوفي راكو ربحتو ، شوفي مليح نتي و صاحبتك واش درتو فيا ، رااكو ربحتو برافو راكو قضيتو على قلبي و على حبي 😢
ضيقت عينيها من لكلام اللي قاعدة تسمع فيه هزت يديها الزوج تضربو على صدرو و دزو ، و كانت تحكي بنرفزة
لينا : عارف واش تهدر ااااه ، علاه راك تحاسب فيا على حاجة درتها نتا بيديك ، وين كان كان هاد القلب كي كنت تكذب و تخدعها ، وين كان هاد القلب كي كنت تتعدي عليها نتا و هاداك الاصل ، قولي وين كنت كي حاولت تحط حد لحياتها. و كي عرفت انها حامل ، و لا حتى قبل ما يخرج قيس هاديك الرصاصة اللي وصلتنا لليوم قولي وين كنت 😤
أنس : علابلك مليح بلي هادك اليوم كنت راح نصحح الغلطة تاعي و....
لينا : تعطلت بزاف
أنس : 😔
لينا : ميرال خيرت حياتها ، راهي مزوجة و عندها طفل ، اذا كنت صح تحبها كيما راك تقول، خليها تعيش حياتها مع الراجل اللي خيراتو ، نتا راك كنت كابوس ماضي تاعها على الاقل خليها تعيش المستقبل تاعها و ما دمروش ، خليها تتنفس ، نتا بالنسبة ليها صفحه و طوتها خلاص فهم هاد الشي 😏
أنس : شاف في ميرال اللي كانت تشوف فيهم هي تاني وهدر:. هي اللي قالتك هاد الشي !!!؟
لينا : اي هي ، ماهيش حابتك تكون في حياتها ، هي محاتك من شحال هادي ، هي برك حابة تعيش حياتها بعيدة عليك ، وعلى اي شي يخصك ، (تهدر بالزربة) 😣 تنهدت من قلبها سكتت مدة و شافت فيه كملت كلامها : شوف انس مانيش حابة نقولك كلامك يجرحك بصح هادي هي الحقيقه ، لازم تتقبلها ، ميرال ما عدتش ليك ،
أنس : (يحكي و يحاول يخبي في دموعو) ايه، اذا صح هي راهي حابة نبعد عليها راح ندير هاد الشي ، ما نزيدش نخرج في طريقها ، راح نبقى بعيد عليها اذا الشي هاد راح يريحها ، راح نعفس على قلبي😔
لينا : هاد احسن شي ، ليك و ليها
ما قدر يزيد حتى كلمة دور راسو عندها شاف فيها مدة من بعد هز روحو ركب فالطموبيل تحت انضار ميرال اللي ما دارت حتى رده فعل و كانها راضية يكون بعيد عليها ، حط يديه على الفولون و شاف فيها من شباك تاع الطموبيل بحسره ، من بعد شعل المحرك و طار طيران
↚
الحلقة 122
بعد ما راح انس دارت لينا عند اوس و ميرال اللي كانو واقفين جنب بعض قربت منهم لينا غير لحقت عندهم نطق أوس و سقسها
-أوس: فاش كنتو تهدروا !!!
لينا : ضروري نقولك 🙄
-أوس: اية كتر ما تتصوري 😏
لينا : قحرتلو و عوجت فيها 😏🙄
ميرال : لينااا ، صح قولي واش كنتو تهدروا مع بعض !!
لينا : والو يا روحي ، حكيت معاه غير الازم و هو قالي انو ماراحش يزيد يدور بيك
ميرال : كيفاه زعما ، يعني راح يبعد عليا ، ما عادش نشوفو ، قالك انو راح يخرج من حياتي ياك !!!
لينا : ميرال تهدني ، واشبيك ، ياك هاد الشي اللي كنتي حابة !!!
ميرال : ردت بال لتصرفها و لردة فعلها من بعد جاوبتها : ايه اكيد هاد الشي اللي كنت حابه يصير ، حابة يكون بعيد على حياتي هادا مكان
لينا : ما متخافيش على حساب كلامو ما عادش راح يعاود يقلقك
ميرال : أن شاء الله
-أوس: يالله ميرال جواد راه يسنى فالطومبيل خلينا نروحو للدار
ميرال : اوكي
بعد ما ركبو فالطومبيل راحو رجعو الفيلا دخلو و معاهم جواد ، قربو منو مروى و راشيل يبوسو و يعنقو فية ، من بعد لينا و مروى ستأدنوا باش يرحوا ، كانوا راح يخرجو حتي دارت مروى عندها و هدرت
مروى : ميرال كاينة حاجة لازم تعرفيها
ميرال : خير واش كاين !!!
مروى : شهد
ميرال : (تحلو عينيها كي سمعت اسم شهد ) شهد ، خير واشبيها شهد كاش ما صرا لها اااه!؟؟؟؟؟؟
مروى : بصراحة ، هاداك المهبول تاع خوك ، راه ناوي يزوجها بسيف
ميرال : واشنو😱
لينا : ايه ، و زيد الراجل كبير عليها فلعمر
مروى : و على حساب كلام شهد الراجل عندو دراهم على بيها حاب يزوجهالو 😔
ميرال : قصدك حاب يبعهالو ياك ، يبع ختو الصغيره على جال الدراهم
مروى : مع الاسف 😔 حنا كنا راح نديرو لي نقدرو عليه باه نمنعو هاد الشي بصح هو ما داهاش فينا ، بصح نتي ختها لكبيرة و عندك حق عليها و تقدري توقفيه ،
ميرال : اه يا ربي ،اه وقتاه يستعقل هاد لبنادم وقتاه ، 😢 اوف ، صحا قولولي شهد علابالها بلي راني عايشة ؟؟؟
مروى : ايه علابالها ، قالها قيس
ميرال : كي عاد علابالها علاش ما جاتش عندي اااه
لينا : ما معلاباليش
مروى : المهم على حساب كلام شهد لعشية راح يروحو يخطبو شهد من عند خوك ، روحي و منعيه ، ما تخليهش يلعب بمستقبل ختك شهد
ميرال : اكيد راح نروح ، الشي اللي دارو فيا ما يعاودوش مع شهد. ما راحش نسمحلو 😡
لينا : ايه هي ما عندها حتى حد من غيرك
مروى : صح
بعد ما حكاولها على شهد و مشكلتها طمنتهم انها راح تدير اي شي باش تمنع هاد الزواج ، بعدها هوما راحو و هي طلعت لبيتها دخلت للحمام خذات دوش نحات بيه ڤاع الستراس اللي عاشاتو اليوم
↚
الحلقة 123
بعد ما لحق للقصر و حالتو حالة ، دخل يكركر في روحو باش يطلع لبيتو ، دخل و راح رمى روحو على اول بونك قابلو ، شد راسو بين يديه و يشوف فالارض، وكلام ميرال و لينا يتعاود في راسو ، تفكر جواد اللي كان مفكرو للخطة ولدو ، ضحك في وسط وجيعتو طحت دمعة من عينو حرقتلو خدو ، زير يدو على شكل قبضة و حطها على فمو يكتم بها شهقتو ، رجع ظهرو ورا و سند راسو على البونك ، و عيونو يبحلقو فالسقف ، بقا مدة على نفس الوضعية سارح في تفكيرو ، حتى فاق من سرحتو كي دقدقت على الباب و حلاتو طلت منو و رسمت في ابتسامه على وجهها تحكي
-رنيم: خويا لعزيز ، نقدر ندخل !!!
أنس : ( دور راسو يمسح في دموعو بظهر يدو عاد دار عندها مخبي وجيعتو بابتسامة🙂) ختيتو ، تفضلي
دخلت بلا ما تسكر الباب و راحت قعدت جنبو و حكات
-رنيم: غير مكالاه تخبي دموعك عليا ، راني حاسة بيك 😢 واش كاين حكيلي ، فرغلي قلبك 😢
أنس : حط يدو خدها يعديها عليه و يحكي : ما تقلقيش روحك ، ما كان والوا غير شويه مشاكل فالخدمة هادا مكان
-رنيم: تخدع فيا ولا تخدع في روحك ، علابالي بكلش ، علابالي بلي سباب حالتك هادي ميرال 😢 ياك!!!
تبدل وجهو كي سمع اسمها ما قدرش يزيد يخبي عليها كتر ، هز راسو بالايجاب و تنهد تنهيدة نابعة من اعماق قلبو ،😫 عاود سند ظهرو على البونك و هدر
أنس : هاد الخطرة خسرتها ، و مستحيل ترجعلي 😔
-رنيم: علاه ، واش صرا غير صبح كنت معول دير اي شي ترجع تكسبها من جديد ، واش صرا دوك ، وين راحت ڨاع هاديك الثيقة !!!
أنس : ما عاد تنفع لا ثيقتي ولا حبي ولا حتى اي شي
-رنيم: علاه ، ماشي يقول الحب يصنع المعجزات ، !!!
أنس : صح ، بصح هاد الخطرة الوضع مختلف 😔
-رنيم: فهمني واش كاين ، علاه راك تحكي بالالغاز واش صرا ؟؟؟؟
أنس : اللي صرا انو ميرال مزوجة
-رنيم: ايه وين راه الجديد ، ياك قلت بلي هاد الزواج ماشي حقيقي ، و هو زواج شكلي برك ، ما فهمتش وين راه المشكل!!!
أنس : المشكل انو هاد اللى كنت حاسبو ، كنت حاسب انو زواجهم على لوراق برك ، بصح
-رنيم: بصح واش!!!
أنس : اليوم عرفت انو زواجهم حقيقي ، و عايشين كأي زوجين
-رنيم: وانت كيفاه عرفت ، راك متأكد
أنس : ايه متأكد ، لانو ... لانو ميرال عندها ولد مع اوس
حطت يدها على فمها من الصدمة مش مأمنة اللي يحكي فيه ، ما لقات حتي شي تقولو ، علابالها بلي و لا شي من اللي راح تقولو راح يواسيه ، على هاد قررت ترمي روحها في حضنو بلاك هاد الشي يخفف و جيعتو اذا حس انو كاين اللي يوقف معاه ، بادلها العناق هو تاني و يزير عليها ، بعداتو منو و شدت وجهو بين يديها تحكي
-رنيم: راك متأكد انو ولد اوس ، اااه ياك قبل ما تصرا هاديك الحادثة عرفنا انها كانت حامل بولدك ، بلاك هاد ولدك نتا و راهي تقولك هكدا غير باش تنتقم منك ،اااه ، هاد الشي كتير منطقي
أنس : يا ريت ، ياريت يكون كلامك صحيح ، ياريت 😔
-رنيم: علاه راك متأكد ؟؟؟
أنس : على خاطر هاداك الولد مات فهاديك الحادثة،😔😢
-رنيم: انا نظن....
أنس : هي طلبت مني ندير فحص ابوة
-رنيم: ايه ديرو ، هكدا راح تتأكد اذا كان ولدك ولا لا
أنس : علاش ما راكيش حابة تفهمي ، ميرال لوكان ما راهيش متأكدة انو هادك الولد ولد اوس ما كانتش راح تطلب مني ندير فحص ابوة 😔
-رنيم: ايييه و الحال واش راح دير ، راح نستسلم !!!!
أنس : كان مبين من الاول بلي هاد الشي اللي راح يصرا ، ما عنديش حل اخر ، من غير الاستسلام ،😔
-رنيم: أأأنس ، واشبيك !! راك تهدر منك صح ، راح تستسلم بهاد السهولة
أنس : واش راح ندير مثلا ، اااه راح نجبرها انها ترجعلي كيما جبرتها من قبل على شي كانتش حابة ديرو (قصدو بهاد لكلام كي تعدى عليها) راكي حابة نفرض حالي عليها و نكرها في روحي كتر ما راهي كارهتني ؟؟ قولي لي!!!!
-رنيم: مارانيش نقولك تجبرها ، ولا تغصبها ، لا بالعكس ، حارب ،دير اي شي، توصل لها حبك ، خليها تعرف شحال تحبها و تعشقها، تحدى كل واحد راح يوقف في طريقك ، راح نساندوك ڨاع ، انا ، ماما... نتا برك مالازمش تستسلم ، لانو الاستلام ماهوش من شيام العاشق ، ما لازمش تضعف قدام هاد الصعوبات
↚
الحلقة 124
تبسم على كلامها هز يدو و فرفشلها شعرها شاف في عينيها و هدر
أنس : يعني ختي صغيرة كبرت و ولات تنصحني ياك 🙂
-رنيم: امممم واش عمبالك غير نتا اللي تقدر تنصح ، والله انا تاني ، جربني و راح نعجبك 😊
أنس : راكي عاجبتني و بزيادة ، و راني مقدر الشي اللي راكي تحاولي ديري علاجالى ، بصح صدقيني هاد الخطرة لحقنا للتالي ، وماراح ندير والوا ، وزيد راني خذيت قرار نهائي
-رنيم: قرار نهائي!!!!؟
أنس : ايه 😔
-رنيم: واللي هو!!!؟🤔
أنس : بما انو انا وميرال حكايتنا مستحيلة ، و ماكانش آمال انها ترجعلي ، وانا ما نقدرش نشوفها مع غيري ، ماراحش نتحمل هاد الشي نفضل نموت ولا نشوفها مع غيري ، والله قلبي ماراح يستحمل هاد الشي ،
-رنيم: ايييه و واش قصدك بهاد الشي !!؟؟
أنس : قصدي.. قصدي اني قررت نسافر ، راح نسافر لامريكا ،
-رنيم: ايه صح ، عندك الحق ،نتا تاني تعذبت بزاف فالفترة الاخيره و قاسيت بزاف ، روح ريح شوية راسك ستجمع افكارك من بعد كي تولي اكيد راح نلقاو حل مع بعض
أنس : رنيم الظاهر ما فهمتينش ، كي قولتلك نسافر ، ما كانش قصدي نريح راسي ، كان قصدي نستقر تماك ، راح نسافر لامريكا و مانرجعش لهنا
-رنيم: واشنو😱😱😱😱 راك تتمسخر ياك !!؟؟
أنس : لا راني جدي ، راح نروح منا ، راح نبعد على كل حاجه تفكرني بميرال
-رنيم: قصدك راح تهرب!!!
أنس : ما معلاباليش واش يسموه هاد بصح ، احسن حل و هاد قرار قطعي مستحيل نتراجع عليه ...
↚
الحلقة 125
واقفة في مدخل الحي تاعهم ، تشوف في كل زاويه فية ، قربت بخطوات متناسقة، و مع كل خطوة تخطيها يتسلل داخلها شعور الحنين للماضي ، تتفكر في ذكريات ما تتنساش ، مر بين عينيها شريط من الذكريات سجلاتو في مخيلتها، طفولتها ، مراهقاتها ،تفكرت والديها ، اخر شي تفكراتو علاقتها مع أنس اللي بدات نهار اللى مرض باباها و عاونها ، تفكرت كلامو المعسول اللي خدعها بيه ، تفكرت اخر مرة شافت فيها يماها و باباها ، كان هاداك اليوم الى جرها فيه خوها للموت ، حست برجفة ، انفاسها تخلطو عليها حط يد على قلبها و اليد لخرا حطتها على حيط مقابلها ، و ترد فالنفس ، قرب منها أوس اللي تفزع كي شاف حالتها شدها من يدها يحكي بخوف
-أوس: ميييرال😨 واشبيك !! راكي مليحة!!! اذا ما تقدريش نقدرو نولو مرة اخرى؟؟؟
ميرال : ميلحة ، مليحة ما تقلقش روحك 😔
-أوس: تحبي نرجعوا !! كي تحسي روحك مليحة نولوا!!!
ميرال : لا، لا، راني مليحة ، وزيد انا لازم نشوف ختي شهد و نحكي معاها
-أوس: راكي متأكدة!!!
ميرال : ايه
شبكت يدها في يدو هي تاني، وجودو جنبها يعطيها القوة ، هو الوحيد اللي شدلها يدها و غرس فيها آمال خلاها تتعلق بالحياه من جديد ، شافت في عينيه و تبسمتلو و حتى بادلها التبسيمة ، قربو في زوج حتى لحقوا عند باب دارهم ، بعد تردد كبير ،قدرت تهز يدها و دقدقد على الباب ما فاتش بزاف وقت حتى حل الباب ، تقابلو عينيهم بعد كل السنين ، ما تبدل فيه والو نفس الوجه ، نفس لعيون، نفس النظرة اللي كلها حقد و كره ، غير شافها عوج راسو يمين ويسار هز صبعو وحك بيه نيفو كيما يديرو اللي يتعطاوا المخدرات تبسم باستفزاز من بعد هدر
-قيس: أوووو و اخيرا شرفتنا الاميرة المفقودة وانا نقول شكون اللي راه ناقص في نهار كيما هاد يعني صراحه عيب ختك تتخطب و ما تحضريش خطبتها و الله عيب (و غمزتلها😉)
ميرال : ايه صح عندك الحق ، عيب اذا ما حضرتش الخطبة ، وراك تشوف راني جيت نحط اللمسات الاخيره ،
قربت باه تدخل وهو حط يدو على الباب باش يمنعها تدخل
-قيس: خير وين راكي حاسبة ،روحك بواش من حق عندك تدخلي هاد الدار 😡
شافت ديراكت في عيونو اللي كلهم شر تحكي معاه بنبرة تحدي
ميرال : قلتلى بواش من حق ياك اااه ، مالى خليني انو هادي داري و دار بابا ، يعني عندي حق فيها كيفك ، يعني نقدر نجي و ندخل وقت ما نحب و انت ما عندك ما دخلك ، وذا راك حاسب راح تقدر تمنعني ندخل راك غالط ، سمعتني
↚
الحلقة 126
حس انو ستفزاتو بكلامها و تحديها ليه ، كان حاسب انها راح تخاف منو كيما بكري ، بصح هي فجأتو كي حطت عينيها في عينيه و تحكي بلا ما ديرلو حساب ، لعبتلو على الوتر الحساس ، بلا ما يحس هز يدو يعطيها كف بصح ما حس غير بيد حبساتو و تكبس عليه بقوة، للحظة حس انو يدو راح تتكسر ، كان هاد اوس اللي حبسو بيدو ويزير عليه دزو و لصقو على الحيط ، شدومن الشوميز تاعو ، شاف في عينيه يحكي و يلز على سنيه
-أوس: الخطرة الجاية كي تحب تهز يدك هادي عليها خمم مليح قبل ما دير هاد الشي ، خير ما نكسرهالك 😡 و اذا راك حاسب روحك راح تولي راجل كي تهز يدك على مرا ، حاب نفولك راك غالط على خاطر هادي يسموها جبن ، انت واحد جبان تعرف غير تستقوى على خياتو لبنات ،و دوك بعد من طريق خير ما نوريلك حاجة ما تعجبكش ، هز يدو حطها على خط يضربو في كفوف خفاف هبط يدو دار عند ميرال طلب منها تدخل ، دخلت معها وجرات للصالون لقات هادوك الخطابة تماك ، شافو فيها باستغراب و حتى هي شافت فيهم واحد واحد حتى لمحت واحد كبير شوية فلعمر لابس كوستيم ، كان متحمس كان مبين هو لعريس ، قربت منو شافت فيه بنظرة تاع إشمئزاز 🤢 و هدرت
ميرال : انت هو لعريس ياك !!!
👨: ايه انا هو (يحكي و يضحك من حماسو)
ميرال : اممم الله يبارك
👨: يبارك فيك
👩: وانا ختو، و انت اكيد لعروسة، ياك !!! مشاء الله تبارك الله عليك و الله راكي كي الوردة
ميرال : اوس
-أوس: نعم
ميرال : سمعتها واش قالت
-أوس: ايه سمعتها
ميرال : معليش تفهمها و تصححلها الفكره تاعها
-أوس: اكيد، قرب من المرا شاف فيها و كمل كلامو : والله يا مادام خليني نقولك انو هادي اللى واقفة قدامي تكون مرتي، يعني مزوجة🙂
👩 : اااه والله ما كان علابالي حسبتك نتي لعروسة
ميرال : امممم راكي عرفتي
👩: كي عاد ماشي اللي جينا نخطوبها و ين راهي مولات السعد رانا حابين نشقوها
👨: ايه صح ، لازم تشوفها ، (دار عند قيس) قيس عيطلها خلينا نشوفها
-قيس: راح تشوفها ما تقلقش روحك
ميرال : ماكانش اللي راح يشوف لاخر ، تروحو كيما جيتو، ما عندناش بنات فهاد الدار للزواج ،😡
👨 : واشنو !!! واش قصدك بهاد لكلام !!!
ميرال : قصدي و فهمتو ، هز روحك و عايلتك و خرجوا منا ، وبلاكو تزيدو دوروا هنا
👨: قيس معليش تفهمنا واش راه صاير هنا ، ؟!!
-قيس: ما صرا والو ، انا قلتلك راح نمدلك ختي يعني راح نمدهالك ، وكلامي ما راحش يتحول ، (رغا بكل صوتو يعط لشهد ) شههههد 😡 شهد ، ارواحي😤
ميرال : محال نخليك تلعب بمستقبل شهد فهمت ، اذا راك حاسب راح نسمحلك تزوجها لواحد شيبوخ كيما هاد غير نحيها من بالك 😤
👩 : راكي تهدري علي خويا 🙄🙄😏
ميرال : لا على خويا 😏 باينة راني على خوك اساسا كانش شيبوخ من غيرو هنا 😏
👨 : حترمي روحك يا مادام و عرفي واش راكي تهدري
ميرال : شكون اللي لازم يحترم روحو انا ولا نتا ؟ كيفاه راك حاب نحترمك و ما راك داير احترم لروحك ، ما حشمتش من روحك و جاي لهنا و هز معك شيكولا و ورد جاي تخط في بنت في عمرها18 عام ، و فرحان بروحك تقول شي عندك 20 عام ، لوكان عطا ربي راهي في عمر بنتك ولا حفيدتك ، عيب عليك ، راك كبير 😡
👨: أنا ما نسمحلكش تحكي معايا بهاد الطريقة ، لمي لسانك خير ما نخليك تندمي علي كل كلمة قولتيها ، الظاهر انك ما تعرفينش مليح 😤
-أوس: اذا سمعت مليح ، راك تهدد فيها ياك ؟؟
👨: راني نحدر فيها😤
قرب منو و شدو من شوميز تاعو و يهز فيه يحكي و يلز على سنانو
-أوس: فشكون راك تحذز و تهدد اااه 😤 شكون نتا باش تهدد مرتي و قدامي ، الظاهر نتا اللي ما تعرفش مع من راك تلعب 😤 ، ودوك ادي من عندي هاد النصحية هز عايلتك و ولي منين جييت ، وبلاك تزيد تحط رجلك فهاد الدار خير ما نحشيهملك 😤
كمل كلامو و ذرو و هو سڤم حوايجو ، وبلا ما يزيد كلمة ، شاور لختو براسو باش يروحو و كيما كان الحال خرجوا و نفضوا الباب موراهم ، خلاوهم يتهزو ، غير راحو هزت روحها تروح عند شهد بصح حبست في بلاصتها كي كانت واقفة مقابلتها و تشوف فيهم ، تعمروا عينيها بالدموع ، ماهيش مصدقة انو اخيرا بعد كل هاد لفراق راهي واقفة قدام ختها ، حبيبة قلبها، الشي الوحيد اللي بقالها من عائلتها ، تبسمت و نطقت اسمها بين شفافها
ميرال : شهد
↚
الحلقة 127
قربت منها و ترمات في حضنها تزير عليها و تشم في ريحتها وتبوس فيها ، لوكان لقات دخلها في ضلوعها باش تنحي شوقها ، بعدت عليها و شدتلها وجهها بين يديها تهدر وتبكي
ميرال : شهد ،يا روحي، توحشتك بزاف ختي 😭 توحشتك ، راني رجعت ، ختك رجعت ومحال نزيد نخليك 😭، حتى واحد ما راح يقدر يفرقنا على بعض ،😭 راح نديك معايا ، من اليوم راح نعيشوا مع بعض ، هيا خلينا نروحوا
شدتلها يدها وتجر فيها جيهة الباب ، بصح صدمتها كي نترتلها يدها بقوه دارت عندها ،شافت في يدها من بعد شافت فيها ، كانت تخزر لها بغش
ميرال : شهد ختي ، شبيك ، علاه حبستي ؟ خلينا نمشوا منا يا الله
قربت منها خطوة و صدمتها كي رجعت خطوة للور و زادت كملتلها بسؤالها
-شهد : علاه جيتي؟؟؟.
ميرال : اااااه
-شهد: راني تسقسي فيك ، علاه جبتي!!!😏
ميرال : شهد شبيك ، راني جيت نهزك معايا ، راح نعيشوا مع بعض
-شهد: علاه خذيتي رايى قبل ، سقسيتني اذا نقبل نروح معاك ولا لا ااااه ،
ميرال : ما سقسيتكش على خاطر علابالي بلي تقبلي و...
-شهد: لا ، راكي غالطة 😡 ما مانيش قابلة 😡
ميرال : شهد😧 شبيك ختي ، علاه ماراكيش قابلة ، كاش ما قالك قيس ، هو سيف عليك ياك !!! متخافيش ، ختك راني هنا ما راح يقدر يدرلك والو 😧
-شهد: حتى واحد ما سيف عليا حابة ، علابالي واش راني نحكي ، مارانيش حابة نروح معاك ، فهمي 😡
ميرال : شهد فهميني واش كاين ، علاه راكي تحكي معيا هاكدا ؟؟؟ شبيك ختي ؟؟؟
-شهد: (حطت يدها على وذنيها مش حابة تسمع كلامها) ششششت ، سكتي ، ما تقوليليش ختي ، فهمتي ، مارانيش ختك سمعتني ، مارانيش ختك 😤
ميرال : يا شهد علاه راكي ديري هاد الشي اااه ، علاه ها نتي تشوفي راك رجعت عندك ، من اليوم....
-شهد: من اليوم واش؟ اااه واش ؟؟؟ راكي حاسبة اذا وليتي راك نعانقك و نبكوا مع بعض شوية ومن بعد خلاص راح نعيشوا مع بعض وكانوا ما صار شي ،هاد الشى حسباتو ياك ، 😡 ما درتيش حساب لحياتي لي ضاعت اااه، قولي وين كنتي كي كنت نبكي كل يوم على فراقك ، وين كنتي كي كنت كل يوم نعس فالتليفون نقول بلاك يعيطو ويقولولنا كاش خبر عليك؟ وين كنتي كي مات بابا ولا كي ماتت يما ، وين كنتي كي كان قيس يدخل ويخرج وهو يضرب فيا على أتفه الاسباب ، فالوقت اللي كان لازم نقرا و نبني المستقبل تاعي ، لقيت روحي محبوسة بين اربع حيوط، نتي وين كنتي قولي لي 😭
ميرال : شهد😭
شدتها من يدها جرتها لبيتهم ، حلت الباب و دزتها للداخل رمات عينيها في ارجاء الغرفة ،كانت مازالها كيما خلاتها، حتى حاجه ما تبدلت فيها ، تقول غير البارح برك ، مسحت دموعها شافت في شهد كانت راح تحكي بصح سبقتها
-شهد: هنا ، قبل ثلاث سنين، هنا بدات وعدتني انك جامي تتخلاي عليا وانك راح تبقاي ديما جنبي 😢
ميرال : راني ديما معاك ، صدقيني ما كنتش حابة نبعد عليك ، بصح الله غالب ،ما كنتش حابة نرجع و انا ضعيفة ، كنت حابة نقوى ،و نرجع ننتقم من اللي كان السبب في الشى اللي عشناه ، كنت حابة نحاسب كل شخص أذاني و خلاني نتعذب و نخسر حياتي 😭
-شهد: انتقام ، انتقام ، من شكون اااااه ، من خويا قيس اللي فرط فيك بلا ما يرفلو جفن ، ااااه و لا من هداك انس اللي اذا عقلك قالك روحي طلقي رصاصة في نص راسو و هني روحك ، قلبك راح يحن عليه و يسامحو ، ولا من روحك نتي على خاطر خليتي قلبك يحب واحد كيفو ، ولا خليني نقول من باباه ولا يماه اللي وعدوك يعونوك ، قولي من شكون راح تتنتقمي ، فهميني
ميرال : شهد تعيشي ختي ما تقوليش هاد لكلام والله انا اللي درتو كان...
-شهد: اللي درتيه يسموه أنانية ، فهمتي ، نتي خممتي غير في روحك فالوقت اللي انا كنت نتعذب و روحي تحترق كل يوم على غيابك نتي خيرتي انتقامك ، نتي خلفتي بوعدك ليا ، نتي تخليتي عليا ، على هادي ما نحبش نعاود نشوفك ، روحي منا و نساي بلي كان عندك اخت اسمها شهد ، و انا تاني راح ننسى انو كان عندي اخت اسمها ميرال ، من اليوم ما تقربيش مني ، روحي كملي حياتك و خليني بعيدة عليك و على انتقام تاعك سمعتيني
↚
الحلقة 128
ميرال : (تهز راسها بالنفي و تحكي بحرقه) لا ، لا شهد ما تقوليش هكدا ، انا ختك صح طولت باش جيت بصح راني جيت ز راح نوفي بوعدي ليك صدقيني 😭
-شهد: راكي قولتيها ، طولتي يعني خلاص فات الحال ، ودوك خرجي و سدي الباب موراك حابة نبدل حوايجي 😏
قربت ز شدتلها يدها وتترجها تسمعلها بصح هي دزتها و خرجتها برا و غلقت الباب في وجهها ، غير غلقاتو طاحت على ركايبها ، تبكي ، حطت يدها على فمها تكتم في صوت بكاها ،مش حابة ميرال تسمعها اللي هي تاني ما كانتش اقل منها ، تبكي و تضرب فالباب تترجاها باش تفتحلها يحكو بصح لا حياة لمن تنادي ، وكانها ما سمعتلهاش كامل ، قرب منها اوس يحاول يهدي فيها و يبعدها من الباب و هي غير تتفارع بين يديها ، و تبكي بهسترية
-أوس: ميرال ، تهدني ، ميرال ، مادريش في روحك هاد الشي ميرال😧
ميرال : خليني ، خليني لازم نحكي معها 😭 خليني لازم نفهمها اني ما تخليتش عليها 😭 تعيش خليني نحكي معاها اوس خليني 😭
-أوس(شدلها وجهها بين يديها ويحكى) مييييراال ، شوفي فيا ، شوفي فيا ، (شافت فيه) قولي كاش نهار كذبت عليك ، اااه كان نهار قولتلك حاجة و خيبت آمالك
ميرال : هزتلو راسها بالنفي بمعنى لا
-أوس : مالى سمعني مليح ، تهدني و كالمي روحك ، ردة فعل ختك شهد طبيعيه ، الطفلة راهي مجروحه منك ، خليلها شويه وقت بيد ما تتقبل الشي اللي صارا
ميرال : بصح هي ماهيش حابة تسمعلي ، ولا تحكي معيا 😭
-أوس: ايه سمعتها ، سمعت كلش بصح نتي لازم تفهميها
ميرال : راني خايفة ما تسمحليش ، خايفة نزيد نخسرها هي تاني 😭😭
-أوس: ماراحش تخسريها صدقيني، راهي برك محتاجه وقت ، كيما صرا مع صحباتك مروى و لينا ، تشفاي مولات اللسان الطويل ما خلات ما قالتلك بصح فاللخر كي هدات رجعت و سامحاتك ، صح ولا راني نكذب ااا؟؟؟؟
ميرال : صح😭 بصح شكون هي مولات لسان الطويل؟؟؟
-أوس: وشكون من غيرها ، لينا 🙄
ميرال : صح هي تهدر بزاف بصح قلبها حنين يعني تهدر برك😭
-أوس: خلاص دوك ارحمي روحك خلاص ،
شدلها راسها وحطو على صدرو و يعدي يدو على شعرها و هي طلقت العيينان لعينها تبكي بحرقة ، بسيف باش هدات من بعد هزها و رجعو للدار
↚
الحلقة 129
خرجت من بيتو تجري و تعيط حتى خرجوا كاملين تلموا فالصالون خلاتهم كاملين يتخلعوا و هو كان غير يتبع فيها و يحاول يسكت فيها
أنس : رنيم ، خلاص سكتي ، ما تخلينيش نندم لي حكيت معاك
-رنيم: بابا ، ماما ، ماني خلوني نقولكم اخر قرار خداه خويا انس😏
أنس : رنييييم قولتك خلاص
-رنيم: راك حاب نسكت على الشى اللي راح حاب ديرو اااه
أنس : ايه ، هاد قراري ، وهادي حياتي 😏
-ملاك: خير يا ولاد واش كاين ، واش صرا؟؟؟
-يوسف: علاه راكو تتدوسوا تاني ، واش كاين !؟!
أنس : ما كان والو بابا ، ما تقلقش روحك ، هادي عاويد رنيم ما نقدرش تريح في بلاصة واحدة هادا مكان 😏
-رنيم: علاه ماكش حاب تحكلهم الصح اااه ؟؟؟ علاه ماكش حاب تخبرهم بقرارك هوما تاني 😡
أنس : لانو ماشى ضروري يعرفو 😏
-رنيم: من نيتك ، ماشي ضروري ياك
-يوسف: على واش راكو تهدرو واش من قرار اااه؟؟؟؟
-كريمة: اهدرو يا ولاد واش كاين !!!!
-رنيم: مادامك مش حاب تحكي خليني نحكيلهم انا 😡 ، يا سيدي هادا وليد لعزيز راه حاب يسافر لمريكان
-كريمة: هيئه و واش فيها ، على اساس انو هادي اول مرة يسافر فيها
-ملاك: بنتي ، يعني درتي هاد الشي على خاطر خوك راح يروح لمريكان
-يوسف: رنيم ، وين راه المشكل فهاد الشئ اااه يعني عادي راح يريح راسو و يولي
-رنيم: بابا ، على حساب الشوفة ما فهمتونيش ، هو ما هوش رايح يريح راسو ، هو قرر يستقر تماك 😏
تحلت كامل عيونهم و تصدموا من هاد القرار
-ملاك: واشنو😲😲
-كريمة:😱😱😱
-يوسف: واش قصدك بيستقر تماك ؛!!
-رنيم: هاد الشي واضح بابا ، يعني ما يرجعش لهنا
-يوسف: أنس ، صح الشي اللي راه تحكي فيه ختك !!!!؟ صح راك حاب تسافر و تعيش فلماريكان!!!!
-ملاك: صح ، وليدي ، واش صرا ، علاه خذيت هاد القرار المفاجئ ،؟؟؟؟
أنس : ايه ، صح ، راح نروح ، راح نسافر ما نقدرش نزيد نعيش هنا ، حس روحي راح نتخنق ، راني حاس انو كل نفس نتنفسو هنا يخنقني قلبي معادش قادر يحمل هاد لعذاب ، راني حاس روحي عايش و ميت في نفس الوقت ، راني ضايع و مارانيش قادر نلقي روحي ، راني عايش في متاهة ومش قادر نلقي طريقي الدنيا سكرت بيبانها في وجهي ، نشوف روحي فلمرايا و ما نعقلهاش ، نسيت حتي كيفاه الناس تضحك ، كل ما نقول نعاود نوقف على رجليها نلقي روحي غرقت كتر و يقابلني غير الفشل ، قولولي كيفاه حبيتوني نبقا هنا اااه كيفاااااااه؟؟؟؟
-ملاك: راك حاب تهرب و تخلي كلش موراك
أنس : نفضل نهرب على اني نعذب روحي و نغذبكم معيا ، ما نقدرش نتحمل علابالي ،
-ملاك: بصح يا ولدي ....
أنس : يما انا خذيت قرار و ما راحش نتراجع عليه 😔
-يوسف: و كي خذيت قرار تسافر و تستقر تماك ، خممت فشغلك اللي بديتو هنا ، مشارعك ، الصفقات تاعك اااااه
أنس : بابا ما تقلقش روحك ، راني خممت فڨاع هاد الشي ، راح ننقل ڨاع الشغل لتماك و راح نفتح فرع يربط بين هنا و هنا ، و هكاك راح نخدمو كيف كيف ، يعني برك المسافة اللي راح تفصلنا
-يوسف: و وقتاه راك ناوي تروح ؟؟؟؟
أنس : معلاباليش، بلاك بعد شهر
-يوسف: شهر ، علاه مادام راك مزروب تروح علاه راح تسنى شهر كامل ؟؟؟؟
أنس : على خاطر عندي صفقة ولازم نحضر انا شخصيا ، وكي تخلاص راح نروح
-يوسف: ايييه ، مدام راك خذيت قرارك ، واش راح نقولك ، الله يسهلك عليك
أنس : يعطيك الصحة، انا تسمحولي راح نروح ترتاح دوك نحكو منبعد (دار عند رنيم) نتي نتفاهمو من بعد على هاد الشي😏
-رنيم:مممم 😏😏
راح انس طلع لبيتو دخل يدوش خلاهم محترين و مصدومين في نفس الوقت من قرارو
-ملاك: يوسف منك صح راح تخاليه يروح!!!
-يوسف: واش راح ندير مثلا نجبرو يقعد هنا بسيف عليه ، مدام هو حاب بيعد خليه يبعد بلاك هاد الشي راح يفيدو
-ملاك: عارف واش راك تحكي يعني راك حابني نبعد على ولدي مرة اخرى يااك
-يوسف: ما راحش تبعدي عليه ، راح نروحوا عندو مرة على مرة ، وزيد راكي سمعتيه ماراحش يروح دورك ، راح يسافر بعد شهر ، وين تعرفي بلاك فهاد الشهر راح يتبدلوا بزاف حوايج، راني متأكد ،
-ملاك: وذا ما تبدل والو !!!!
-يوسف: خلينا ما نحكموش من دورك ، مع الوقت كلش راح يبان ، نتي غير صبري
كمل كلامو و قرب منها هز يدو حطها على كتفها و طبطب عليها و راح خرج و هي خلاها تايهة و حايرة و تخمم فكلامو و كلام انس
↚
الحلقة 130
بعد ما طلبت منو يديها للجبانة قبل ما يرجعوا للفيلا ، لحقت تماك ، وقفت عند مدخل الجبانة ، قربت بخطوات ثابتة حتى لحقت لقبر باباها و يماها ، وقفت على راسهم ، هزت يديها و قرات سوره الفاتحة على ارواحهم ، كي كملت مسحت وجهها بيدها ، حست بغصة في قلبها 💔 كان يوجع فيها لدرجة انها حست بيه تمزف فتات فتات ، تعمرو عينها بدموع ، قعدت على قبر يماها حطت يدها على الشاهد تاع لقبر و تمسح بيها عليه، تنهدت بعمق (شحال صعيبة تخسر انسان عزيز عليك😭)
ميرال : ماما شوفي راني جيت، بنتك جات 😢 ، جيت نشوفكم ،بابا راني جيت ، جيت نشوفكم ، توحشتكم بزاف😢 ، ولا نتوما تاني راح تقولولي تعطلت و فات الحال اااااه ، تنوما تاني كنتو راح تقولولي نتي واحدة أنانية ، كي كنا عايشين ما جيتيش تشوفينا ودوك جاية تندبي وقف راسنا، 😢 نتوما تاني كتنو راح تزعفوا مني و ما نتقبلوش تسمحولي كيما ختي شهد اااااه ؟؟؟ راهي زعفانة مني قالتلي من اليوم نساي بلي كان عندك اخت، عندها الحق مسكينة ، اللي جاز على راسها ماشي قليل وهي فهاد لعمر قاسات بزاف في غيابي و غيابكم 😢 بصح تعرفوا واش ، خطرات نقول انو انا مسكينة كتر منها ، هي على الاقل قدرت تعيش معاكم كانت قريبة ليكم في اخر ايام حياتكم ، ماشي كيما انا ، رحتوا و انا قلبي محروق عليكم 😭 ما قدرتش نشوفكم ولا حتى نشم ريحتكم لاخر مرة ، رحتوا بلا ما نودعكم ،
حطت راسها على الشاهد و طلقت العيينان لعينها تبكي بحرقة على فراقهم😭 تبكي و تهدر بصوت مخنوق
ميرال : علاه رحتو و خليتوا في قلبي كية ، علاه خليتوني نحس انو انا السبة في موتك ، متوا من القهر و كنتوا حاسبينى ميتة 😭 علاه نتوما اللي متوا ماشي انا علاه ، ياربي علاه😭😭 كانت تبكي حتى سكتت و دارت كي سمعت صوت موراها ، كانت مرا كبيره شوية فلعمر واقفة تشوف فيها
👩: قضاء وقدر
ميرال : اااااه ، مسحت دموعها كانت غير تشوف فيها
👩: والديك صح ؟؟؟؟
ميرال : هزت راسها بالايجاب
👩 : الله يرحمهم
ميرال : امين
👩: علابالك بلي الشي اللي درتيه دوك حرام
ميرال : ضيقت عينيها تحاول تفهم واش قصدها
👩: النديب هادا على قبرهم و كلام لي قلتيه من قبل حرام يا بنتي ، بهاد الشي راكي تعترضي على مشيئه الله ،الشي الي صرا مع ولديك قضاء وقدر ، حتى واحد ما كان قادر يمنع هاد الشي ،يعني موتهم كانت مقدرة ، الطريق هادي راح نمشوا ڨاع فيها ، فالنهاية مصيرنا واحد ، ماكانش مفر ، علابالي بلي قلبك راه محروق عليهم ، حاسة بيك ، انا تاني دفنت والديا بكري ، تحرق قلبي عليهم ، نكذب عليك لوكان نقلك راني نسيتهم ، على خاطر الانسان عمرو ما يقدر ينسى والديه ، حتى اليوم راني نزور قبرهم ، كيما دفنا والدينا حنا تاني يجي نهار يدفنونا ولادنا ، صح الانسان صعيب عليه يخسر انسان عزيز عليه و الي جرب يعرف هاد الشي خاصة كي تكون الحرقة حرقتين ، يعني حرقة الوالدين و حرقة الابن 😔 ، صدقيني هاد اكبر الام يقدر يحس بيه الانسان ، على خاطر آلام فقدان الابن ما يشبه لحتى آلام كلشي يهون الا فراق الولد ، انا زدت على فراق والديا فراق ولدي اللي ما شبعتش منو ، دفنت كبدة تاعي، تحت التراب😔 بصح رغم هاد الشي ما عترضتش على حكمة ربي بالعكس ، صبرت و قويت ايماني بيه ، على هادي نتي تاني ما لازمش تخلي لخظة ضعف تهز قوة ايمانك بالله ، ما تخليش والديك يتعذبوا في قبرهم ، نتي برك دعليهم بالرحمه و طلبي ربي يغفر لهم
ميرال : حست انو كلامها كان كي المرهم على جروحها ، كل كلمه قالتها خلات العاصغة اللي داخلها تهدى ، مسحت دموعها و شافت في قبرهم وهي لما حست انو أثرت عليها بكلامها ، قربت منها شوية و نحات شالها و حطاتو على راسها وعاوت هدرت معاها
👩: خلي هاد معاك ، ماشي مليح تدخلي لجبانة و راسك ماشي مغطي ،
سقمت الشال و شافت فيها و هدرت معاها
(لبنات فهاد الحلقة حسيت روحي عجوزة تنصح في بنتها
↚
الحلقة 131
ميرال : يعطيك الصحه خالتي ، والله كلامك ريحني و واساني بزاف يعطيك الصحه
👩: بلا مزية بنتي انا ما درت والو انا برك الشي اللي كاين و مأمنة بيه
ميرال : صح و الشى اللي راكي مأمنة بيه زاد قولي ايماني بالله
👩: الانسان اذا ضعف ايمانو ما راحش يلقى السلام داخلو. و راح يحس ديما بالعجز والخوف
غير كملت كلامها حتى سمعت صوت خطوات تقرب منهم دورت راسها جيهتو كان يقرب و يشوف فيهم
-أوس: : ميرال اااا
ميرال : أوس
-أوس : خير راكي مليحة ؟
ميرال : ايه ،ايه مليحة
-اوس: واش راكي حابة تزيدي تقعدى و لا نروحوا ؟؟
ميرال : لا راح نروحوا
👩: هاد راجلك ياك !!!
ميرال : شافت اوس من بعد شافت فيها و جاوبتها : ايه راجلي
👩: الله يبارك ، سبع ما شاء الله
-أوس: الله يسلمك خالتي😊
👩: باين عليك تحبها و تخاف عليها
خلاتو يتلبك بسوالها هاد و يتوتر وكأنو ما يعرفش جوابو ، ولا خلي نقول خايف من لجواب شاف في ميرال اللي كانت حاطة عيونها فالارض على خاطر كانت اكثر وحده تعرف لجواب من بعد هدر
-أوس: اكثر من ما تتصوري ، نحبها اكثر من روحي ومستعد نتخلى على حياتي على جالها
👩 هاد الشي ، راه باين من عينك 🙂 ، و عندكم ولاد ؟؟
-أوس: (تبسم على جنب) جواد ، قصدي عندنا ولد اسمو جواد
👩 : الله يحفضو ليكم ، يتربى في عزكم أن شاء
-أوس:أن شاء الله خالتي 🙂
👩 الله يخليكم لبعضاكم و يبعد عليكم العين و يدوم محبتكم
-أوس: امين 🙂
👩 أنا تسمحولي يا ولادي لازم نروح ، و انت يا بنتي ما تنسايش كلامي و خلي ثقتك في الله كبيره
ميرال : أن شاء الله خالتي ، و صحيتي على كلش
👩 بلا مزية 😊
راحت هاديك لمرا خلات تأتير كبير على ميرال اللي كل كلمه قالتها قعدت راسخة في ذهنها ، حست بالارتياح و كانو كان عندها شحال و هي تسنى في شكون يقوللها هداك لكلام ، بقات مدة تشوف في قبر والديها من بعد هزت روحها و راحت مع اوس راجعين للفيلا.
هكدا فات اليوم على ابطالنا ، يوم صعيب بزاف عليهم ، كل واحد منهم يحاول يداوي جروحي ، و ينسى ، كل واحد فيهم يحاول يوقف مع لاخر و يساند فيه
↚
الحلقة 132
فات اسبوع على هداك النهار حتى حاجة ما تبدلت ، ميرال ما زادتش راحت عند شهد و خذات بكلام اوس انها لازم تخليلها وقت ، بصح رغم هيك هي كل يوم تعرف اخبارها عن طريق لينا و مروى ، اوس فهاداك الوقت كان بدا خدمتو بالمناقصة اللي ربحها مع اياز ، اما أنس كان غام روحو فالخدمة ، اللي خذات كامل وقتو ، يخرج صباح بكري قبل ما يفيقو و فالليل يدخل كي يكونوا رقدوا كاملين غير باش يتفادي اي تواصل معهم ، و محاولاتهم باش يقنعوه ما يسافرش ، حتى خطرات يضطر يبات فالشركة غير باه ما يشوفهمش و ما يخنقوهش باستجاوبات تاعهم ، على هادي ما لقا غير الخدمة مهرب من واقعو و من آلامو 😔
كانت واقفة في الحمام تشوف روحها فلمرايا و تحكي مع روحها كي المهبولة ما غلطش اوس كي قال عليها مولات اللسان الطويل ، 😁 كانت تسڨم في ماكياجها حطت يدها على السبالة تحلها حتى حست بقطرات الماء تبللها في حوايجها ، كان الماء يسيل من السبالة سيلان ،وهي تحاول تحبسو بصح ما قدرتش من قوتو كل ما تقرب منها تزيد تتشمخ كتر حتي فقدت السيطره عليها
لينا : اااه ياربي ، واش هادا، اااه😨 ياربي كيفاه راح نحبسها ، واش راح ندير ، واش صرلك نتي يعني وقتك تخسري ، كنتي سنيتى يجي واحد اخر اااه ضروري يعني تتعطلي كي نجي انا 😖 اااه واش هاد الحالة 😖😨
كانت تتفارع معها باش تحبس سيلان الماء ، فهاداك الوقت كان جايز من تماك ، و يسمع في صوت جاي من الدوش ، كل ما يقرب يزيد يعرفها قرب من باب الدوش قرب وذنو و سمع صياحها دقدق على الباب خطرة ولا زوج ما جاوبتوش من بعد حل الباب و دخل و لقاها تتفارع مع السبالة و الدنيا ولات ڨاع مشمخة ، قرب منها و راح حط يدو على السبالة يحاول يغلقها يصح ما حبتش،
-أوس: شبيك يا المهبولة ، واش درتي للسبالة !!!
لينا : انا المهبولة ولا سبالتك لي مهبولة!!! هي لي طرطڨت في وجهي 😏
-أوس: والله سمحلي بصح ما كانش مهبولة كيما نتي 🙄
لينا : وما كانش واحد مغرور قدك نتا 😏، و ديجا شكون سمحلك تدخل هنا بلا اذن ، هاد حمام و كاين خصوصيات ولا نتا ما تعرفش هاد الكلمة 😏
-أوس: لا نعرفها ، غير تهناي ، بصح الظاهر نتي لي لمليحة ما تنفعش معاك 😡 ما كيش تشوفي حالتي كيفاه ولات في جرتك
لينا : على اساس حالتي تفرح
بقاوا يضاربوا مع بعض و هوما يحاولو يغلقو فالسبالة و هوما هاك تشمخو في زوج ، نحى الفيستا تاعو و لفها على السبالة و خلا الماء ينقص ، حل الرفوف اللي تم ويحوس بواش يغلقها ، صاب بانس🔧 هزها و حطها عليها يزير عليها حتي تغلقت حط يديه على لافابو ينهج شاف حالتو كيفها ولات ، من بعد دار عندها كان راح يحكي من بعد سكت كي شاف حالتها كيفاه ولات، شعرها كامل مشمخ و تاني حوايجها اللي كانو لاصقين على جسمها و بينوا كل تفاصيل انوثتها بلع ريقو ودور راسو يشوف بيعد منها ، حل الرف و جبد منو منشفة باش ينشف روحو ، كان عاطيها بظهرو من بعد دار عندها كي سمعها تضحك بصوت عالي
↚
الحلقة 133
لينا : هههههه سمحلي ههههه بصح ههههه هههه
ضيق عينيه ، و عقد حواجبو ما زال ما فهمش على واش راهي تضحك
-أوس: خير على واش راكي تضحكي ، اااه كاين شي حاجة تضحك
لينا : (مازالها تضحك) لا ههههه قصدي ايه راني نضحك على حالتك
-أوس: حالتي!!! ، خير واش بيها حالتي ، واقيل راني ندير فالمسرح 😏
لينا : لا ، بصح ماراكش شايف حالتك ، تقول عليك شي فلوس صغير ههههه
-أوس: قولي والله ، على خاطر ما راكيش شايفة حالتك نتي 😏 راكي كي القطة الصغيرة🐈 اللي حوزوها ماليها في وسط الشتا
لينا : يااااه (غوجت فمها😏)
شافوا في بعضهم لثواني من بعد طرطڨو بالضحك على بعضاهم😂 😂 من بعد سكتت و شافت فيه و هدرت
لينا : صار هكدا راني كي القطة اللي حاوزها ماليها ياك !!!
-أوس: اذا راكي حابة تتأكدي شوفي حالتك مليح
شافت روحها من بعد حلت عينها 😳، كي شافت حالتها مع حوايجها اللي لصقوا على كامل جسمها ،حست انو خدودها راح يطرطڨو من الحشمة ، هزت راسها و دورت عينيها في كامل الدوش حتى لمحت كاب كانت حابة تهزو باش تستر روحها بيه ، و ما جات تقرب حتى زلقت رجلها فالما و كانت راح طيح حتى حست بيديه كي لفهم ورا خصرها شدها منو وزيرها عندو حتي تضرب راسها على صدرو قريب من قلبو الي كان يضرب بقوة ، بقات مدة حاطة راسها على صدرو تسمع لصوت دقات قلبو وكانها تسمع في سمفونية لأشهار موسيقار ،وهي كانت مثل ألة موسيقيه بين يديه ،اللي لفوا خصرها ، هزت راسها و حطو عينبهم في عينين بعض ، بلا اي مقدمات هز يدو يبعدلها خصلات الشعر اللي طاحو على وجهها ، كان مازال قطرات الما ينزلو منو عدا يدو على خدها يمسحلها في قطرات الماء ، اول مرة يكون قريبة منها لهاد الدرجة ،و يتأمل في تفاصيل وجهها ، حتى هي كانت غايسة في ملامحو الي تكتشف فيهم لاول مرة ، قلبها كان يضرب فالميتين ، صدرها طالع هابط و رجتفها تزيد شي من حالتها لمشمخة و شي من قربو منها غمضت عينيها و هي مستحلية كل لمسة منو خذات نفس عميق من بعد نطقت اسمو بين شفافها و صوتها كان يرجف
لينا : أوس
-أوس: (حط صباعو على شفافهاو سكتها ) ششششت خليك ساكتة، حط يدو ورا رقبتها قرب وجهو منها غمض عينيه و كان راح يحط شفافو على شفافها باخر لحظة جات صورة ميرال بين عيونو ، فاق على روحو و على الشي اللي يدير فيه ، كانو شي حد خبطو بكف على وجهو،حل عينيه و فلت يديه من عليها ، وبعد عليها حتي هي رجعت خطوه للور ، وكانها هي تاني ردت البال الشي اللي يديرو فيه ، حطت يدها على راسها و ترمي في عيونها في كل الدوش غير باش ما تشوفش في عينيه ، جات تنطق بصح سبقها هو كي هدر
-أوس: تاع الصح سامحيني ، انا ، انا يعني، سمحلي 😧
ما خلاهاش تحكي هز روحو و خرج راح طول لبيتو دخل للدوش ، ينهج ، حط يديه على لافابو ، حل السبالة و خلى الما يسيل ، غسل وجهو و بلل رقبتو و نسا روحو انو راه ديجا تبلل ، غمص عينيه و جازت هادك اللقطة بين عينيه حلهم بالزربة عاود رش وجهو بالماء زوج مرات وثلاتة حاب يبعد هاديك الافكار من راسو ، حط يدو على رقبتو يرد فالنفس ، حتى هي كي راح بقات تروح و تجي وتحوم فالدوش ، تلعن و تسب في روحها ، كيفاه حتى سمحت يصرا ها
الشي، خرجت و طلعت طول لبيت ميرال ، مشات للخزانة هزت اللي جات و راحت بدلت حوايجها ، و شيحت شعرها ، قدات مكياجها من بعد خرجت تحوس على مروى و صار اللي ما كانتش حاباتو ، تصادفو فالكولوار و طاحت عينيهم في عينين بعض ، حسوا كتر بالشي اللي داروه ، كانت واقفة مسمرة في بلاصتها ، عكسو هو اللى كان ماشي جيهتها و عيونو شاعلة كان يمشي بخطوات سريعه وكل ما يقرب منها قلبها يخبط كتر بلعت ريقها و لون وجهها تخطف ، لكن قبل ما يلحق عندها عارضاتو الخدامة سرين اللي كانت تجري و تنهج و تعيط بأسمو
-سرين: مسيو أوس ، مسيو أوس 😨
دار عندها محير مش فاهم و اش بيها
-أوس: خير ، واش كاين ، واش بيها حالتك ؟؟؟ واش صرا !!!؟
-سرين: مسيو أوس ، جواد، جواد😨
تحلو عينيه على وسعهم كي سمع بأسم جواد ، حس بقلبو راح يحبس
-أوس: جواد!! واشبيه جواد !!! واش صرالو ؟
↚
الحلقة 134
تحلو عينيه على وسعهم كي سمع بأسم جواد، حس بقلبو راح يحبس
-أوس: جواد !!!! واشبيه جواد؟؟؟ واش صرالو؟؟😨
لينا هي تاني غير سمعت باسم جواد قربت منهم تفهم واش صرا
لينا : خير ، واشبيه جواد ؟؟
-سرين: جواد ، معلاباليش واش صرالو ، رحت لبيتو لقيتو طاح على الارض😨
-أوس: واشنو😱😱
لينا : كيفاه !!!
-أوس: (هدر بين شفافو) جو.. ججواااد😨
رجع خطوة للور من دار و راح يجري، طار طيران عندو، بالرغم من انو بيت جواد قريبة من بيتو بصح حس بيها بعيدة ، كل ما يقرب من بيتو قلبو يزيد يخفق كتر ، الخوف سبقو و تملكو لدرجة انو حط كل السيناريوهات في بالو صحيح انو جواد ماهوش ولدو من دمو و صلبو بصح حبو ليه فات كل الحدود ، هو اول واحد هزو كي جا الدنيا ، هو الاول لي شم ريحتو رباه ، عطاه الحنان ، كان حاضر كي حكى اول كلمة ، كي خطى اول خطوة ، و حتى كي كان يمرض كان هو اللي يسهر على راسو ، كلمة بابا مسعها منو ، هو اللي خلاه يعرف مفهوم الابوة ، كامل الناس تعرف كيفاه نديرو الدراري بصح كيفاه تولي اب ماشي ڤاع الناس تعرفو انك تعمل علاقة من بعد يجي ولد نتيجة هاد العلاقة و يقولك بابا ،هاد الشي وحدو ما يكفيش انو تسمي روحك اب ، على خاطر الابوة ما تختصرش في كلمة بابا ، هي اكبر من هاد الشي ، الابوة تعني التضخية ، الابوة تعني انك تحني ظهرك غير باش توفر الامان لولادك ,تعني انك تكون السند والحصن الدافي الابوة تعني انك تضطر انك تكون الاب و الام في نفس الوقت، كيما الشي اللي عملو اوس مع جواد ، كان يضطر في بعض الأحيان انو يحل محل ميرال و ما يخليش جواد يحس انو امو بعيدة عليه فالوقت اللي هي قريبة منو، كل هاد الشي جاز في بالو حتى لحقت لبيتو غير دخل بان ليه مرمي على الارض غايب عن الوعي ، قرب من و منزل لمستواه ، شد راسو بيدو و اليد لخرا يضرب فيه ضربات خفاف على خدو باش يفيقو ، وهو يحكي مفزوع😨
-أوس: جواد ، جواد ، حبيبي رد عليا ، جواد شبيك ، جواد ، جواد نوض ، نوض ،
لينا : جواد خالتو ، توض شبيك 😨 ( حطت يدها على خدو تتحسن فيه من بعد هزتها و حطتها على جبينو لقاتو سخون
لينا : اااه ياربي واشنو هاد راه يغلي ، طلعتلو السخانة ، 😨
هز يدو عو تاني من بعد قرب شفافو من جبينو و طبع بوسة حس بشفافو تحرقو من حرارتو المرتفعة ،
-أوس: صح ، راه سخون ، هاد الشي ماشي مليح 😨
لينا : واش راك تسنى خلينا نهزوه لاكلينيك يالله
-أوس:(تمتم بين شفاف) راشيل ، راشيل ،(دار عند الخدامة) سرين ، راشيل وينها !!؟ راهي هنا!!
-سرين: لا ، ما راهيش هنا ، راهي فالخدمة 😧
دخل يدو فالجيب و جبد التليفون يخربش فيه
لينا : واشبيك نتا الطفل راه يغلي ونتا راك تسقسي على ختك راشيل ؟؟😏😏
طفها و ما جاوبهاش وكمل يخربش فالتليفون
لينا : راني نهدر معاك ، خلينا نهزوه للكلينيك ما سمعتنيش
-أوس : سمعتك ، 😤
لينا : ايييبه
-أوس: (حط التليفون على وذنو كان يصوني وفي نفس الوقت يحكي معاها) واقيل نسيتي انو ختي راشيل اخصائيه اطفال وهي المشرفة على حالتو يعني هي اللي راح تقول واش راح ندير ماشي نتي🙄
كانت راح تجاوبو بصح سكتت كي بدا هو يهدر فالتليفون📱
-أوس: الو راشيل📞
-راشيل: خويا اوس ، خير ياك ما توحشتني كي راك تعيطلي فهاد الوقت😃
-أوس: جواد
-راشيل: (بلعت ريقها كي سمعت اسم جواد ) جواد!!! واشبيه ! كاش ما صرالو ؟؟؟
-أوس: معلاباليش واش صرالو، لقاتو سرين دايخ
-راشيل: واش راه دوك ، فاق ولا لا ؟؟؟
-أوس: لا،مازالو غايب عن الوعي، وزيد السخانة طلعتلو
-راشيل: نفاسو ؟؟ نبضاتو !!! قول تقدر تتحسسهم !!!
حط صبعو علي تحسس انفاسو و من بعد حطها على يدو يقيس في نبضاتو من بعد كمل هدر معها
-أوس: نبضات تاعو ضعيفه ، و حتى النفس تاعو ، الظاهر راه يتنفس بصعوبة 😨
-راشيل: دوك، دوك تجيبو لهنا ، ما تضيعش وقت ، راح تلقاني نسنى فيك
-أوس: صحا ، صحا
-راشيل: يالله
كوبا عليها ، و هز جواد بين يديه و خرج بيه و دخلو للطموبيل و راح ركب و تبعاتو لينا ركبت من اللور ، حطت راس جواد على حجرها و تمسحلو على شعرو ،و هو محرك الطموبيل و راحوا بسرعة البرق
↚
الحلقة 135
قاعد في بيت كانت الاضاءه فيها شبه منعدمة ، كان الضو خافت ، مسند راسو على الكرسي شد كاس مشروب🍺 بيد و اليد التاني دخان يكمي فيه🚬 قرب الكاس من شفافو و شربو ضربة وحدة ، حط الكاس فوق الطابل بقوة حتى قريب يتكسر بين يدو غمض عينيه لثواني لكن سرعان ما حلهم كي سمع الباب يندق ، نفتح ودخل بعد ما سمحلو يدخل كان هاز ظرف بين يديه ما كان كبير ما كان صغير ، كان متوسط قرب منو شاف فيه مدة قرب من و حطلو الظرف على الطابل من بعد هدر معاه
👤: هاد الشي اللي طلبتو مني بوص
طفاه و ما جابوش شاف فالظرف و من بعد دارلو بصبعو بهاه يخرج ، عاود سند راسو على الكرسي و غمض عينيه مربع يديه بصح قطع عليه كي عاود هدر مع 👤:كاينة حاجة اخرى ، اللي خيرتها راهي لحقت ، تحب ندخلها؟؟؟
حل عينيه ، شاف فيه ، خذا نفس من بعد ناض من بلاصتو ، حط يديه على زرار الشوميز نتاعو يحل فيهم ، نحاها و رمها على جنب ، و كأنو حاب يوصلو جوابو ، فهم عليه و بلا ما يزيد كلمة معاه ، خرج هو و دخلها هي ، كانت لالبسة روب قصيره👗 مسنترة كامل جسمها ( لمعري كتر من لمغطي) غير حطت رجلها فالبيت ضربت في خشمها ريحة الدخان المخلطة مع ريحتو اللي ملات البيت كامل كان واقف عاطيها بظهرو العريان شافت في كتافو لعراض كان مغروس عليه اثار تاع اظافر عضت شفتها التحتانية و قربت منو بخطوات ثابته وصلت عندو هزت يديها حطتها على ظهرو عداتها عليه و حبست في بلاصة هادوك الاثار تتحسس فيهم ، عاودت هزت هديك اليد حطتها على كتفو من بعد جات مقابلاتو ، هزت عينيه شافت فيه عكسو هو اللى كان يشوف بعيد ، لفت يديها الزوح على رقبتو و هو مازال ما دار حتى ردة فعل ، قريت شفافها تحت وذنو طبعت بوسة حنينة ،و قربت من وذنو وحكات بصوت مثير
👩: وجد روحك على خاطر راح نخليك تعيش ليلة بحياتك ما راح تنساها
تبسمت على جنب وزادت قربت منو طبعت بوسة مرصومة جنب شفافو ،بعدها عليه حط عينيه في عينيها ، هز يدو وعداها على وجهها بالسياسة غمضت عينيها مستحلية لمستو، طلع يدو حطها ورا رقبتها و غلغل صباعو في شعرها وبلا اي مقدمات حط شفافو على شفافها يبوس فيها بقوة و كأنو عطاها الضوء الاخضر تدير الشي اللي قالتهو لو
↚
الحلقة 136
زير عليها كتر و يديه كابس عليهم على شعرها ،كل ما تحاول تبعدو هو يرجع يقربها ، حط يديه على فخاذها وهزها بين يديه يمشي بيها جيهة السرير وهو مازال لاصق شفافو على شفافها يبوس فيها و حتى هي لفت رجليها على خصرو مستسلمة ليه ، لحق لسرير و رماها عليه ، كان واقف يعوج في رقبتو ، شاف فيها و تبسم على جنب ابتسامه تعني انو هو تاني واجد يخليها تعيش ليلة غير عاديه ، نزل لمستواه و طلع فوقها ، وبدا يمارس عليها كل مهاراتو الجنسية، من بوس ، مص، لمسات يدو السحرية انفاسو ، ريحتو كل شي فيه خلاها تسافر و تحس بباقة من المشاعر اللي خلاتها تطير مع كل لمسة منو تخرخ اه منها من كتر ما وصلها لنشوتها 🔥،و رغبتها بيه تزيد كتر و كتر صوت آهاتها وصلت لعند لرجالو ، عكسو هو اللى يفرغ كل شهوتو فيها و علامات البرودة بادية على وجهو ، في الوقت اللي كان لازم توفي بوعدها ليه بانها تخليه يعيش ليلة ما تتنساش ، صدق هي اللي راهي تعيش فهاديك الليلة .كمل الشي اللي بداه لاخر دقيقه ، هز روحو من فوقها و تسطح على ظهرو ينهج ، وهي تاني كانت تنهج و ترد فالنفس مع انها موالفة بهاد الشي، يعني هو ماهوش اول واحد تدخل فراشو و بصح هاد اول واحد خلاها تعيش فهاداك الاحساس يعني اللي قبل كانت هي اللي تساليهم ، بصح دوك صار العكس ، لقات روحها هي اللي مستمتعة معاه ، دروت راسها عندو ، كان مسطح يشوف فالسقف بلا اي حركة لفت روحها باللحاف و قربت منو ، حطت راسها على صدرو و هزت يدها تعديها عليه بشوية ، هزت راسها وقربتو كانت راح تحط شفافها على متاعو تبوسو بصح صدمها كي دزها و ناض ، لبس سروالو وهي قربت شوية منو قعدت على ركايبها فوق السرير شدتلو يدو وهدرت
👩: شبيك !!! ااااه ما عجبكش الحال؟؟ ولا...
ما كملتش كلامها و نترلها يدها وبعد منها راح مشى جيهة البيرو اللي تم و هي غير تبع فيه بعينيها ، رجع عندها و هي رسمت ابتسامه على وجهها وجات تهدر بصح عاود صدمها كتر كي زت باكي دراهم في نص خليقتها 💵 خلا عينيها يتحلو من تصرف تاعو ، اللي حاب يوصلها بيه رايو بيها انها ما هي الا بنت الليل، خذا منها الشي اللي يحب عليه و كمل شغلو معاها ، شافت فالداهم لمبعثرة فوق السرير من بعد شافت فيه هو كان ديجا مشى جيهة الشباك عطاها بظهرو وكأنو بهاد الشي يزيد يأكدلها رايو فيها ، عقدت حواجبها بلعت ريقها ما عجبهاش الحال كي ما عبرهاش شافت فالداهم لمتهم، راحت لبست حوايجها و شافت فيه لاخر مرة و كانها تسنى فيه يبدل رايو ،بصح هو ما خسرش فيها حتى خزرة ، هزت ساكها و نفخت من بعد خرجت من البيت بعد ما زدحت الباب بقوة ، وهو غير خرجت قرب من الطابل و شاف فالظرف اللي حطهولو هذاك اللي من قبيل ، هزو و فتحو ، دخل يدو فيه و جبد منو مجموعة من التصاور يشوف فيهم تبسم على جنب و بقا يشوف فيهم و يعدي صبعو عليهم من بعد هدر
👤: ما بقاش قد اللي فات و راح نتجمعوا من جديد وراح تكوني ليا و انا ليك حتى واحد ماراح يقدر يعاود يقرقنا عندي وانا نحلم تكوني ليا ،بصح هوما بعدوك عليا ، بصح دوك ، مستعد نحي اي واحد يجي فالطريق اللي توصلني عندك ، وماراح ندير حساب لحتى واحد ، المهم انك تكوني ليا ناض و هز معاه هادوك التصاور و قرب من لخزانتو و خط يدو على زر خفي ضغط عليه من بعد دارت لخزانة و بان باب سري قرب منو و دخل كانت عبارة عن غرفة متوسطة مليئة بتصاورها المعلقة في كل زاويه هز هادوك التصاور و علقهم جنب تصاور لخرين كانوا كلها ليها مرة وحدها و مرة جنب اوس ولا جنب راشيل وحتى كان فيه تصاور باخر فتره واقفة جنب انس وجنب لينا ومروى وكي راحت عند شهد وحتى كي كانت فالجبانة تحكي مع هاديك لمرا ، شاف في التصاور اللي علقهم و تبسم على جنب و من بعد هز روحو و خرج ، و رجع لخزانة لبلاصتها من بعد راح يتمشى ويصفر دخل طول للحمام يدوش باش يرخي اعصابو
↚
الحلقة 137
بعد ما لحقوا لكلينيك لقوا راشيل برا تسنى فيهم ، خرج بسرعة و راح طول يجري للجبهة لخرا حل الباب و هزو بين يديه و هو كان مازالو غايب عن وعيو ، قربت منو و هي كانت تجر فالسرير مع زوج فرمليات ، حطو جواد عليه و بقاوا يجروا فيه للداخل حتى لحقوا لغرفة الإستعجالات ، طلبت منهم راشيل يسناوا برا وهي دخلت دير خدمتها ، بقاوا مدة وهوما يستناو فيها تخرج و تعطيهم خبر مليح و طمنهم عليه ، فاتت كتر من نص ساع و ما بان حتى خبر و فالوقت هاداك لحقت مروى و أياز الي طارو طيران كي خبرهم اوس بحالة جواد ، وحتي ميرال كانت معاهم ، قربوا منهم و أياز و مروى راحو طول عندهم يسقسوا فيهم عليه
مروى : لينا ، خير جواد وينو ، واش اللي صرا معه ؟؟؟
-أياز: ( شد أوس من كتفو ويهدر معاه)خير واش كاين ، واش صارا معاه ؟راه مليح ؟
-أوس: ماهوش مليح أصحابي ماهوش مليح ،
مروى : واش قالولكم !؟؟؟
لينا : من قبيل و حنا تسناوا و لدورك حتى واحد ما خرج😔
-أياز: و راشيل وينها!!!
-أوس: راهي معاه لداخل ، راني نسني فيها تخرج بصح لدورك مازال ما خرجتش 😔
غير كمل كلامو حتى خرجت راسيل و معها الفرملية ، قربو منها و يسقسوا ضربة وحدة
-أوس: راشيل خير ، واش راه ، جواد مليح ياك !!!
-أياز: واش صرا معاه ، أن شاء الله ماشى حاجه خطيرة؟؟
مروى & لينا : كيفاش راه راه مليح
-راشيل: تهدنوا ، تهدنوا ، خلوني نحكي ،
-أوس: ايه اهدري
-راشيل: حاليا حالتو راه مستقرة ، بالسيف حتى قدرنا نهبطولو السخانة بصح الحمد لله كلش راه تحت السيطرة
لينا : واش صرا معاه ، تقدري تفهمينا!!
-راشيل: ماراحش نكذب عليكم ، كلنا نعرفوا حالة جواد ، قلبو ضعيف ، ڨاع كيما رانا هنا نعرفو الظروف اللي زاد فيها جواد و شحال من معركة خضاها باش فالاخر يقدر يربح حربو ضد هاد الظروف و يتمسك بالحياة ( دارت عند ميرال اللي كانت واقفة قريبة منهم و تسقسي غير بعينيها و كملت كلامها) صح حنا رانا نديرو اللي نقدرو عليه باش ما نخلوهش يصارع هاد المرض وحدو بصح احيانا حتى الطب ما يقدرش يفيد اذا لمريض ما يلقاش الدعم المعنوي خصوصا من عايلتو ، جواد اكتر شي محتاج ليه هو وجود كل الناس اللي يحبها جنبو ،و تدعمو
-أوس: ما هاد الشي اللي رانا نديرو فيه ، رانا ڨاع معاه ونحسسوه بحبنا كامل
-راشيل: علابالي خويا علابالي ، بصح جواد محتاج دعم شخص اخر
-أوس: فهم هاد الشخص اللي نقصدو بكلامها هاد ميرال
لينا : واش قصدك ، شكون هاد الشخص اللي راكب تحكي عليه ؟؟؟
-راشيل:( عاودت شافت في ميرال) مثلا ، دعم و حب ماماه ، نظن مكانش اكثر حاجة راح تحسن حالتو اكتر من وجود ماماه جنبو ، على الحالة النفسية تلعب دور كبير في العلاج ، و نظن انو جواد حالتو النفسية راهي محبطة ، وهاد الشي مؤشر سلبي
لينا : اية صح عندك الحق ، هاد الشي طبيعي، 😔 دارت عند ميرال اللي كانت مازلها واقفة غير تسمع فيهم ، عقدت حواجبها و راحت قربت منها تحكي معاها
لينا : سمعتي واش قالت ، اااه سمعتي ولا لا ، قالت انو جواد محتاج لدعم يماه ، قالت انو راه حالتو مكتئبة وهاد الشي ماشي مليح لصحتو هاد الشي قولي لي لهاد الدرجة قلبك ما وجعكش عليه ، ااه ، شيبك قلبك قاسح لهاد الدرجة ،
ميرال : 🤐
لينا : (شدتها من كتفها تهز فيها بقوة) شبيك ساكتة اهدري ، جاوبني ، معقول لهاد الدرجة ما عندكش كبدة عليه😤 ، شيبك هاد ولدك ، علاه راكي تعاقبي فيه على حاجة ما عندوش اصلا ذنب فيها ، علاه لازم هو اللي لازم يدفع ثمن غلطة ما دارهاس هو 😤 حطي وعقلك في راسك جواد ما عندو ما دخلو فالشي اللي دارو أنس ، ذنبو الوحيد انو تمسك بالحياة😡 واش اذا صرالتو حاجة اااه ، كيفاه راح تقدري تكملي حياتك عادي و انتي ما قدرتيش تحضني وليدك و تشمي ريحتو ، علاه ما تناحيش هادوك الافكار من راسك و تفتحي دراعك لوليدك علاه ، علاه
كانت راح تقرب منهم مروى بصح حبسها أياز كي شدها من يدها و هزلها راسو بالنفي بمعنى خليها ، بقات لينا تهز في ميرال و تحكي معها و تعيط في وجهها و كأنها تحاول توعيها و تفيقها حتى سكتت كي دزتها ميرال شافت فيها من بعد شافت فيهم واحد واحد ،حست انو كل اصابع الاتهام تشير عندها و انهم يحملوها نص المسؤولية الحالة لي وصللها جواد ، قرب منها أوس خطوة و هي رجعت خطوه للور ، حست انو دموعها قريب يطيحو ، هبطت راسها من بعد هزت روحها و خرجت تجري
↚
الحلقة 138
كانت واقفة في نص الكولوار بعد ما حكات الي في قلبها ، حطت يدها على شعرها و غلغلت صباعتيها فيه ،دارت صابتهم يبحلقوا فيها ،هزتلهم راسها بمعنى واش عوجت فمها😏 . نفخت من بعد راحت قربت منهم و حكات
لينا : خير علاه راكو تشوفو فيا هكدا !!
مروى : يعني ، دوك اللي حكيتيه صح ، بصح ما راكيش تشوفي بلي قسيتي عليها شوية ، يعني تعرفي ميرال حساسة شويه ،
لينا : انا ( حطت صبعها على صدرها و تشير لروحها) انا اللي قسيت عليها ياك ، اااه ،وهي اللي راه دير في جواد واش تسميه ، اااه ، علاه راهي تحملو مسؤولية الشي اللي صرا معاها ، واش يكون يحس لما يكون قريب منها و بعيد في نفس الوقت ، واش يكون احساسو كي يحسب أنو ماماه ما تحبوش ، هي حتى ما تشوفش حتى في وجهو😔 يا ربي طفل صغير واش راح يفهم اااه ، قولي لي شكون اللي قسى على لاخر اااه 😔
مروى : علاه في ميزك انا قلبي ماهوش محروق على حالة جواد ، انا تاني قلبي راه يتقطع عليه ، بصح الشي اللي كنت حابة نقوله لك انو كان لازم عليك تحكي معاها بالسياسة ، بلعقل بلا ما تجرحيها
لينا : نتي اكتر وحدة تعرفي اني ما حكيتش معها باش نجرحها ، انا برك حبيت نخليها تفهم غلطتها و انو الشي اللي راه تدير مع ولدها حرام ، كان لازم واحد فينا يهدر ، ونتي تعرفيني ما نقدرش نسكت على حوايج كيما هادو ، صح يكمن بالغت شويه بصح الله غالب اللي في قلبي راه ديما على لساني
مروى : والله علابالي بصح كيما قلتلك ميرال تاني حساسة ، و اكيد دوك راهي تبكي و ...
-راشيل: لينا عندها الحق ، هاد لكلام كان لازم واحد منا يحكي من قبل ، بصح حتى واحد منا قدر يتجرئ و يفتح فمو مع الاسف صح ولا راني غالطة اوس؟؟؟
دخلاتو في حيط بسوالها هاد ، على خاطر علابالو مليح بلي هو كان أول واحد يمنعهم يحكوا معاها فهاد الموضوع ، شاف فيها من بعد تبسم ابتسامه خفيفه عاد هدر
-أوس: تقدري تقولي ، يعني انا اذا ما حكيتش معها و ما جبرتهاش هاد لانو كنت خايف عليها ، كنت خايف تتأزم حالتها على هادي خليتها على راحتها
لينا : سمحلي يا السي أوس بصح حابة نقولك انو احيانا الانسان يكون احسن اذا واجه الامور و حارب مخاوفو ،
-أوس: واش عمبالك ساهل اااه علاه انا تاني ما كنتش حاب جواد يكبر في خضن يماه و تعطيه الحنان الي يستحقو في ميزك راني غلطان اااه
لينا : مارانيش نقول انك غلطان ، راني حابة برك نقولك كان احسن لو كان خليتها تواجه مخاوفها و الحقيقيه
-أوس: الحقيقيه اللي ماكيش قادرة تشوفيها هي انو ميرال تاني داخلها راه مضرور ، هي تاني راهي تتعذب
لينا : علاه غير نتا اللي راك تشوف فهاد الشي
-أوس: على حساب الشوفة 😏
بقاوا داخلين في نقاش حاد حتى ضطر اياز انو يتدخل بينتهم و يوقفهم
↚
الحلقة 139
-أياز : معليش تحبسوا في زوج دواسكم ، نظن هاد ماشي وقت اللوم ولاحتى وقت لمحاسبة ، الشي المهم هو جواد و صحتو واهم شي كيفاه نديرو حتى نقربو من ميرال ، دوك وقت نديرو اليد فاليد و نخموا مع بعض باه نقدرو حل لهاد المشكلة
مروى : صح عند الحق ، لازم نخلو خلافتنا على جنب ،و نتوما تاني نقصوا شوية من قسوحية الراس هادي ، تقول شي عليكم واحد كلا حق لاخر 😏
-أوس: والله هاد فهمييه لصاحبتك ماشي ليا 😏
لينا : واش حب يقول انا لي نتبلى فيك و لا انا تاع مشاكل ولا ...
-أوس: هانتي تشوفي ، ديما شاعلة و جوابك ديما على طرف لسانك
لينا : خير ما نلف وندور ، انا نحكي فالوجه و ما نخاف من حتى شي
-أوس: قصدك انا بزوج وجوه ولا كيفاه 😤
لينا : علاه وقتاه قلت هاد الشي ،اااه , علاه راك تقوللي حوايجك ما قلتهم 😡(تحكي وتعيط في وجهو)
-أوس : ما تعايطيش عليا فهمتييييي😤
لينا : نتا تاني ما تعيطش عليا ، 😨
-راشيل: هييه هييه واشببكم في زوج ، نقصوا حسكم ما تنساوش بلي رانا فالكلينيك كاين مرضى
-أوس: والله انا ما دخلني حكي مع مولات اللسان الطويل 😤
لينا : واشنو انا مولات اللسان الطويل 😏 ( قربت وجهها من وجهو و حطت عينيها في عينيه و رجعت حكات :
- والله اذا أنا لساني طويل انت اكبر مغرور و حاسب روحك 😡
بقاوا مدة يشوفو في عينين بعض ، كانو قراب لبعضهم لدرجة انو كانوا يتنفسوا في هوا واحد ، تحولوا ملامح وجههم ونظراتهم الحادة الي نظرات مختلفة كأنو العاصفة اللي كانت تهب من قبيل هدات بمجرد ما قربو من بعض ،كلامهم شي و نظراتهم شي واحد اخر ، رمى عينيه و دورهم على كل وجهها و كأنو كل مرة تكون قريبة ليه يكتشف في تفاصيلو ، عقد حوابو وبلع ريقو، وحتى هي كانت بالمثل ، تاهت في عيونو اللي كان فيهم لمعة خاصة ، قلبها كان يضرب غير العادة ، انفاسها تغيرو عليها ريحتو لمخلطة ريحة الدخان دخلت كامل في خشمها ، جاز بين عينيهم الشي اللي صرا بينتهم الصبح وكيفاه كانوا قراب لبعضاهم ، هبط عينيه ودور راسو للجيهة لخرا هز يدو وحطها ورا رقبتو يتحسس فيها ويهدي فروحو قرب منو اياز يهدر معاه و يحاول يهدي فيه بصح هو كان مخدر و ما سمع حتى كلمة قالها ، رجع خطوة للور ، بلا ما يحكي حتى كلمة هز روحو وخرج ، وهي ستأذنت منهم وراحت دخلت طول للحمام ،غلقت الباب بالمفتاح سندت روحها عليه ، حطت يدها على قلبها اللي كان راح يخرج من بلاصتو ، قربت من لافابو وحطت يدها عليها ، شافت في السبالة ، فجأة تفكرت كي كانو يتفارعو مع بعض باش يغلقوا هاديك السبالة ، وكي كانت راح طيح و شدها ، تفكرت كي كان يعدي يديه على خديها تفكرت كامل هذاك الموقف بحذافيرو حطت يدها على خدها تتحسس البلاصة الي عدا يدو عليها ، من بعد ردت البال الشى اللي راه دير فيه لعنت الشيطان وحلت السبالة غسلت وجهها زوج خطرات و تلاثة باش تفيق ، بلت رقبتها من بعد شافت فلمرايا تحكي مع روحها
لينا : شيبك ، واش راكي ديري هبلتي ،فيقي على روحك ، هذا هبال ، حطت يدها على قلبها ترد فالنفس و تنهج بقات مدة هكدا حتى حست روحها هدات ، من بعد هزت روحها و خرجت راجعة عندهم
↚
الحلقة 140
بعدما خلاهم ، راح طول خرج للجنينة ، ينهج حس انو قلبو راح يحبس ويخرج من بلاصتو حل الزرار اللولة تاع شوميز ، بقا مدة ينهج ويرد فالنفس دور راسو للجيهة الثانيه حتى لمحها ، كانت قاعدة بعيد تعدي يديها على خدودها الظاهر انها تبكي، بلاما يخمم راح قرب منها هزت عينيها شفاتو واقف مقابلها ، دورت راسها تمسح في دموعها ، رمى روحو وقعد جنبها بلا ما يحكو ، كانو يشوفوا بعيد جازت دقايق بلا ما يحكوا حتى حسها هدات من بعد قرر يكسر هذاك الصمت و هدر
-أوس: واش راكي تحسي في روحك؟؟
ميرال : كيما راك تشوف ، ضايعة ومانيش قادرة نلقى طريقى
-أوس: نتي برك اللي تحسي في روحك مضيعة طريقك ، بالحقيقه طريقك راهي باينة
ميرال : والله ما علابالي 😔 واش في رايك انا قلبي قاسح لهاد الدرجة ؟؟ فرايك انا ما عنديش احساس ؟؟؟
شاف فيها من بعد حط يدو على يدها و يزير عليها ، شافت في يدو من بعد شافت في عينيه تسمع في كلامو
-أوس: لا ، بالعكس ،صدقيني ماكنش اللي عندها قلب كيما قلبك نتي ،صدقيني ماكنش اللي يخلق ماشي مليح ولا قلبو قاسح ، الظروف هي اللي تخلي الانسان يتبدل ولا يتخذ مواقف ولا قرارات، الظروف نفسها تخلينا نتهربو من الواقع خوفا من انو نواجهو الحقائق ، احيانا الظروف نفسها تجبرنا انو نصيرو اشخاص غير اللي نحبو نكونهم ، والاسواء انها تجبرنا انو نتعايشو و نتأقلموا مع هاد الوضع ، تماما كيما صرا معاك نتي ، علابالي مليح انو الشي اللي راه يصير فوق طاقتك ، بصح الشي اللي راح نقوله لك انو صار الوقت انك تتحداي هاد الظروف ، راجعي نفسك ، تبعي و سمعي لغريزتك اللي تديك كل ليله لبيت جواد بصح تندمي فأخر لحظة
تحلو عينيها على وسعهم كي سمعت جملتو الاخيره ، ما توقعتش انو كان يفيق لها كي كانت تروح عند جواد ، بلعت ريقها و تحكي بصدمة
ميرال : و..وواشنو😨
-أوس: ايه ، عمبالك ما كنتش نحس عليك كي كنتي تدخلي عندو كل ليلة وتوقفي عند راسو
ميرال : انا، يعني كنت
-أوس: نتي حابة تكوني قريبة منو ،وتضميه لصدرك ، بلاما تقولي لي علابالي بواش راكي تحسي ، نتي برك خرحي هادوك الافكار من راسك و خلي امومتك تتحكم فيك ولو مرة ، خلي هادوك الجدران اللي بنيتهم بينك و بين ولدك يطيحو، نتي غمضي عينيك و نساي الظروف اللي جا فيهم جواد و خمي برك بلي هاد ولدك نتي ، قطعة منك نتي لي حملتية في كرشك ما تخميش في حوايج خلاف روحي ضمي وليدك لعندك ، شمي ريحتو و داوي جروحو و جروحك ببعض صدقيني اذا درتي هاد الشي راح ترتاحي بزاف
ميرال : كانت غير تشوف و تسمع في كلامو
-أوس: راح نسقسيك بصح جاوبني بصراحه ، نتي راكي حابة تكوني قريبة من جواد!!!
ميرال : انا ، يعني انا يعني(تلفتها الهدرة)
-أوس: بلا لف و دوران ، قولي لي الشي اللي راكي حاسة فيه دوك ، حابة تكوني جنب ولد ، حابة تشديلو يدو و تمسحيلو على شعرو؟؟؟
ميرال : حتى اذا قلتلك راني حابة ، راني خايفة 😨
-أوس: من واش راكي خايفة تاني ، اااه ؟؟؟؟
ميرال : خايفة انو نكون تعطلت عليه وما يتقبلنيش 😔
-أوس: شكون قصدك جواد؟؟
ميرال : شكون مالى 😔
بلاما يحس ضحك على كلامها لخر وهي قاعدة تشوف فيه و مش فاهمة علاه راه يضحك
ميرال : علاه راك تضحك؟؟؟
-أوس: بصراحة نتي لي ضحكتني هههه
ميرال : علاه كاش ما قولت يضحك!!!
-أوس: قولي لي راكي تحكي من نيتك انو جواد ما يتقبلكش !! علاه نتي ما تعرفيش شحال راه ملهوف عليك ، انك تكوني قريبة منو هاد اكتر شئ راح يخليه فرحان ، كاش نهار شفتي طفل في عمرو و يرفض ماماه
ميرال : وانا علابالي ، بالنهايه انا تخليت عليه واهمالتو😔 يعني اذا رفضني شي طبيعي
-أوس: مستحيل يرفضك ،
ميرال : علاه راك متأكد من هاد الشي !!
-أوس: حابة نثبتلك كلامي ؟
ميرال : كيفاه راح تثبتو؟؟
مدلها يدو باش تشدو ، شافت فيها من بعد خزرت فيه تسقسية
ميرال : واش راك دير
-أوس: ماكيش حابة نأكد لك انو جواد ما راحش يرفضك
ميرال : هزتلو براسها بالايجاب
-أوس هيا مالى معيا ، خلينا نروح عندو ، روحي نحي كل العقبات اللي بينك و بينو ، ما تخليش طيف الماضي يكون حاجز بينتكم
تبسمتلو و عينيها كانوا يلمعوا و بدون اي تردد هزت يدها و شبكتها في يدو وكانها تقولوا ، راني موافقه ، ديني عند ولدي وخليني نحي شوقي ليه ، بادلها الابتسامة وفهم انو راهي موافقة على كلامو و قبل ما تبدل رايها هزها و دخلو للداخل رايحين عند جواد
↚
الحلقة 141
كان قاعد في بيرو تاعو غاطس راسو فالخدمة ، اللي صارت مهربو الوحيد من اوجاعو هي مفرو الوحيد ، هي اللي تخليه ينسى جراح قلبو بيد ما يسافر و يبعد، ولا خليني نقول أنو قاعد يوهم في روحو بهاد الشي ، لانو هو عارف مليح انو حتى لو هرب لاخر الدنيا حب ميرال راح يتبعو وين ما راح ، على خاطر مادام هاد الحب تعشش و تربع على عرش قلبو مستحيل ينساها ، مستحيل يقدر يخرجها من قلبو ولا من تفكيرو ،الحب اللى حتى لدورك ما قدرش يبوح بيه ، هو خير انو يدفنو في قلبو ويهرب لابعد نقطة ، هو حتى ما فهمش اذا راه قاعد يهرب منها ولا من روحو ، بالنسبه ليه المهم يروح، فضل هاد الشي على انو يعيش معها في نفس البلاصة ويشوفها مع غيرو، كي كانوا حاسبينها ميتة كان يصبر روحو انو بالرغم من إساءتو ليها كانت تحبو وانو باليوم من الايام كان قريب منها وكان عايش مع هادو الذكريات ، بصح كلش تبدل فاللحظة اللي رجعت لحياتو رجع خسرها فاللحظة نفسها ، هي خلاص خيرت حياتها مع انسان واحد اخر ، هو صح عتاذر على الشى اللي دارو معاها ، عيط ، بكى ،وصل حتى ركع على رجليه بصح ولا حتى شي من اللي دارو قدر يخاليها تحن عليه و تسامحو،يعني هي عندها حق واش راح يفيد اعتذارو دوك حتى لو بقا يعتذر منها آلاف المرات ما راحش يقدر يمحي من بالها الشي اللي دارو معاها ،لانو الاعتذار يقبل كي تتأخر على موعد ، ولا كي كي تغيب عن اجتماع ، كي تروح على العنوان الخاطئ ولا حتى كي تتصل بالرقم الخاطئ ماشي كي تكسر قلب انسان وتجرحو من بعد تعتدر منو ، وكأنو ما صرا حتى شي،خصوصا اذا في يوم من الايام كنت بالنسبه لهاداك الانسان كلشي، كاين اشياء فالحياة ما تصلحهاش كلمة اسف،
كان سارح في تخمامو حتى قطع عليه سارحتو صوت الباب ، من بعد صوت السكرتيرة كي هدرت معاه
-السكرتيرة : مسيو أنس ، وصل هاد الظرف ✉️بأسمك
أنس : (جاوبها بلا ما يشوف فيها) من شكون !!!
-السكرتيرة: ما معلاباليش مكتوب برك أنس المكاوي
أنس : اوكي حطيه فوق الطابل من بعد نشوفو
-السكرتيرة: حاضر مسيو أنس ✉️ راحت حطت الظرف على الطابل من دارت عندو و رجعت هدرت معاه
-السكرتيرة: تحتاج مني شى اخر مسيو 🙂
أنس : لا ، حاليا ما نحتاج شي ، روحي كملي شغلك
-السكرتيرة: كيما تحب مسيو أنس
جات تخرج حتى وقفها صوتو كي هدر
أنس : كملتي لوراق اللي طلبتهم منك ،
-السكرتيرة: ايه كملتهم و دوك لازمنا برك نسناوا الشريك يعيطلنا و يحدد موعد
أنس : اممم ، مليح راح نسناوا يعيط واذا ما عيطش راح نعيطلو حنا ما دابيا يخلاص هاد الشغل فأقرب وقت
-السكرتيرة: امرك مسيو أنس🙂
كملت كلامها من بعد خرجت و غلقت الباب موراها ، و هو رجع راسو للور سندو على الكرسي ، غمض عينيه وهز يدو حط صباعو بين عينيه ، من بعد عدها على وجهو نفخ و رجع حل عينيه طاحو على هاداك الظرف ، حط يديه على البيرو ، رجع الكرسى للور وناض ،راح جيهة الطابل رمى روحو على الفوتاي ، هز الظرف بين يديه ، حلو كان راح يخرج اللي كان فيه حتى صونا تليفونو ، حط الظرف على الطابل هز التليفون و رد
أنس : السي صرب هادا وين كنت نهدر عليك ، عندي شحال وانا نسنى تعيطلي
-صرب : سمحلي سي أنس علابالي بلي طولت عليك بصح الله غالب هدا وين فضيت ، وانا عيطت دوك غير باه نقولك انو مكالا نزيدو نسناوا كتر منا على يومين نقدرو بداوا اجراءات للخدمة اذا ربي كتب
أنس : عاد خبر يفرح ، حتى انا مادابيا ما نطولش كتر ، كيما علابالك مور هاد الشغل راح نسافر
-صرب : يعني قرار قطعي و ما راحش تتراجع عليه
أنس : ايه ، مستحيل نتراجع عليه
-صرب: ايه ، نتا علابالك ، الله يساهل عليك ، المهم راح نتلاقاو بعد يومين ونكملوا شغلنا
أنس : أن شاء الله ، مالى منا على يومين
-صرب: أن شاء الله
كمل الاتصال و ناض راح هز الفيستا تاعو حل الباب خرج قابلو مكتب السكرتيرة اللي كانت تخدم فالميكرو قرب منها يحكي
أنس : السي صرب هادا وين عيطلي ، قالي منا على يومين راح نبداو
-السكرتيرة: هاد الشي يفرح ، ما تقلقش روحك، كيما قلتلك من قبل كل شي راه واجد وراح يكون كلشي كيما تحب يعني الملفات ، الوثائق يعني كل شي راه واجد
أنس : علابالي ،علابالي ، عندي ثقة فيك و في خدمتك 🙂
-السكرتيرة: 🙂🙂🙂
أنس : اييه مالى انا نروح دوك كملي خدمتك وروحي
-السكرتيرة: يعني راح تروح و ما توليش، يعني ماشي موالف تخرج فهاد الوقت على هادي سقسيتك
أنس : يعني ، والله هي هكدا ، قررت اليوم نريح شوية راسى ،
-السكرتيرة: كيما تحب السى أنس🙂
رجعلها البسمة و راح خرج ركب فالطموبيل رايح للقصر
↚
الحلقة 142
وصلت عند باب الغرفه لي كان راقد فيها حطت يدها على البواني دوراتو بلعقل ، طلت راسها للداخل بان ليها كان راقد و الخيوط دايرين بيه ، حست برجفة بجسمها ، تعمرو عينيها بالدموع ، قربت منو بخطوات بطيئه و كانها خايفة تقرب منو ، بصح هاد المرة ماهيش خايفة انو تهرب فأخر لحظة كيما كل خطره ، هاد المرة خايفة هو يرفضها و يهرب منها ، مسحت دمعتها قبل ما طيح ، وقفت على راسو مدة من بعد راحت قعدت جنبو على طرف السرير ، شافت في يدو الصغيره اللي كانو وخزوها بالسيروم ، فالاول كانت متردده بصح فالنهايه تشجعت و هزتها وحطت يدها عليها ، حست بشعور تسلل داخلها هزت يدها لخرا حطتها على راسو تعديها على شعرو وعلى كامل وجهو ، ومع كل لمسة تحس انو هداك الاحساس يزيد يكبر و يزيد يحلى، قربت شفافها من يدو و طبعت بوسة مرصومة عليها ، فالوقت هداك هو كان بدا يحل في عينيه ، حس بشكون كبسلو على يدو ، شاف فيها من بعد هدر بصوت عيان
-جواد: ماما
غير سمعت صوتو هزت راسها وشافت فيه هو تاني كان يشوف فيها بدهشة كان حاسب روحو يحلم و انو هو يتخيل فيها ، حتى هدرت وخلاتو يتأكد انو هي صح معاه
ميرال : جواد
-جواد: ماما نتي جيتي تثوفيني مانيث نحلم ياااك ؟
ميرال : (هزتلو براسها بالنفي ) لا ، ماراكش تحلم ، صح انا جيت نشوفك ، راني معاك
-جواد: يعني مالاكيث ذعفانة مني ،
ميرال : رجعت هزت راسها بالنفي وحكات: لا ، لا مانيش زعفانة منك ، علاه انا نقدر نزعفك منك😢
-جواد: مالى علاث ماكنتيث تحبيني ؟ وعلاه كلما تثوفني تبكي !!!
اخر شي كانت تتوقعو انو يصدمها بسؤالو هاد كيفاه تجاوبو اذا حتى هي ما تعرفش علاه حملاتو مسؤولية الشي اللي صرا وخلاتو يحس انها بعمرها ما حباتو ، طاحت دمعة سخونة على خدها ، ما كانش علابالها واش تقول ولا كيفاه راح تبررلو موقفها ، بلعت ريقها وجات تهدر بصح حبسها صوتو اللي جا من جيهة الباب
-أوس: علاه شكون قالك انو ما تحبكش ؟؟؟
دارو في زوج يشوفو معاه ، كان مسند روحو على الباب و مربع يديه ، قرب منهم و راح عند جواد وباسو من خدو و فرفشلو شعرو من بعد قرب منها وحط يدو على كتفها دارها جاست يعينه حاب يطمنها ،دار عند جواد وحكى
-أوس: تعرف علاه ماما ما جاتش تشوفك من قبل ؟؟؟
-جواد: هز راسو ب لا
-أوس: اممم يا سيدي ماما جاتش تشوفك على خاطر كانت مريضة و ما قدرتش تحكي معاك ، بصح دوك راهي جات عندك
-جواد: شاف فيها من بعد هدر : يعني دوك بليطي!!!
ضحكت على سؤالو ، هزت يدها و مسحت دموعها عاد هدرت
ميرال : ايه بريت خلاص وها نتا تشوف راني مليحة
-جواد: ادا لاكي مليحة غلاه لاكي تبكي دوك
ميرال : 😭 دموع الفرحة ، دموع الفرحة
-جواد: يعني لاكي فلحانة كي ثفتيني
ميرال : بزاف ، فرحانه بزاف كتر ما تتصور
-جواد: انا تاني لاني فرحان ماما 😄 بثح مالانيث نبكي( مارانيش نبكي)
ضحكو في زوج على كلامو من بعد بلاما تزيد كلمة قرباتو من حضنها تزير عليه بين ضلوعها تشم في ريحتو تبوس فيه في كل شبر من جسمو و كانها تعوض فالسنين اللي كانت بعيدة عليه ، و حتى هو ما كانش اقل منها ، كان محاوط رقبتها بيديه لصغار ويعانق فيها ، كانو مش مصدق انو اللحظة اللي كان يسنى فيها هادي شحال راه يعيش فيها ،بعدت عليه و حطت شفافها على جبينو و طبعت بوسة مرصومة عليه ، فهادك الوقت دخلت الفرملية تعاين حالتو طلبت منهم يخرجوا ، وما طلقها جواد حتى خلاها توعدو انها ترجع عندو
↚
الحلقة 143
بعد ما خرجوا لقاوا لينا قدام الباب تصدمت كي شافت ميرال خارجة من عند جواد وكان مبين عليها فرحانة و تهدر مع اوس
ميرال : ما نيش مصدقة ، يعني انا من قبل كنت مع ولدي وضميتو عندي شميت ريحتو ، ياك ما رانيش نحلم ياك (حطت يدها فمها من الفرحة)😄
-أوس: لا ماراكيش تحلمي 😅
ميرال : هاد الشي كامل بفضلك ، لوكان ماشي نتا ما كنتش راح نديرها ، شكرا بزاف ، شكرا 😄
كان راح يهدر بصح سكت كي حس بيها كي ترمات في حضنو تعنق فيه وتزير عليه ، عكسو هو اللى كان مصدوم من جاست تاعها ، دور عيونو لجيهة لينا اللي كانت تشوف فيهم ، وعيونها على شوية راح يخرجوا بلعت ريقها وحست بانزعاج كي شافتهم بهاديك الحالة ، بصح ما فهمتش علاش، و هو رجع شاف في يده اللى كانو مهبطين ، هزهم و حاوطهم على ظهرها ، يبادلها العناق ، دخل خشمو في رقبتها ويشم في ريحتها وكأنو هاد الحضن جا في وقتو وغتنم الفرصة انو ينحي اي فكرة كانت حابة تخترق عقلو وتشوشلو افكاروه ، بعدت عليه و كلمت عناقها ببوسة مرصومة على خدو تبسم لها ، هز يدو على خدها عداها عليه بالسياسة، من الحشمة هبطت راسها و دورت عينيها اللي جاوا عند لينا ، كانت تشوف فالارض و تفرك في يديها ، قربت منها وراحت ترمات في حضنها وتحكي
ميرال : واخيرا قدرت نعنق ولدي ونشم ريحتو شديتلو يديه لصغار ، (بعدت عليها وكملت كلامها) تعرفي يديه كانوا صغار بزاف، ما تقدريش تعرفي واش حسيت كي قربتو منو اااه ياربي علابالك راني فرحانة بزاف ، و فرحتي ماراح نعطيها لحد ، قلبي راح يحبس
لينا : ايه ما تعطيها لحد ، نتي خليك ديما فرحانة مع ولدك هاد هو الصح (حطت يدها على خدها تتحسس فيه)
ميرال : يعني لو ماشي كلامكم نتي و اوس ماكنتش راح نقدر نفهم الغلطة اللي درتها في حق ولدي جواد كن..
لينا : ما تبقايش تخمي فاللي فات ، خلاص نتي خمي برك في حياتك الجاية مع جواد ،
ميرال : ايه ايه ، راح نعوضو السنين اللي فاتو و ما عداش نبعد عليه
لينا : أن شاء الله ،حبيبتي
بقاوا مدة يحكوا حتى خرجت الفرملية من غرفت جواد و قربت من ميرال و هدرت معاها
الفرملية: تقدري تدخلي عندو بصح ما طوليش عندو وما تخليهش يحكي بزاف ،لازم لو راحة
ميرال : ايه ايه ماراحش نخليه يحكي ، حابة برك نكون قريبة منو هاد الشي يكفيني
جات تدخل من بعد دارت عند لينا ورجعت حكات معاها
ميرال : انا راح ندخل دوك عند جواد ومن بعد راح تحكلي علاه راكي لابسة حوايجي
تحلو عينيها على وسعهم وشافت في اوس اللي هو تاني تصدم من كلامها لانو علابالو مليح علاه راهي لابسة حوايجها ،
لينا : يعني ولا شي برك تشمخو حوايجي و ضطريت نرفد حوايج من عندك ، صح ما قلتلكش ، بصح كنت راح نقولك ، يعني سمحلي ما كانش لازم نحوس في حوايجك...( كانت تحكي بتوتر)
ميرال : هيه ، هيه ،شبيك ، علاه تقلقي، علابالك مليح ماكيش محتاجة تاخذي اذني ، يعني الحاجة اللي ليا راهي ليك ، ومكلاه تطلبي سماح وتفسرلي
لينا : كتفات بالإبتسامة و سكتت حست انو لوكان تزيد كلمة راح تحكي كلش
ميرال : انا راح ندخل عند جواد من بعد راح نحكو
لينا : اوكي
دخلت هي عند جواد وخلات أوس ولينا مع بعض واقفين برا ، خيم الصمت بينهم ،لدرجة انو حست هاد الصمت راح تهب موراه عاصفة قوية حست انو المكان قاعد يخنق فيها ، كانت راح تخرج حتي وقفها صوتو
-أوس: مادابيك تنساي
دارت عندو عقدت حواجبها وضيقت عينيها تحاول تفهم واش قصدو
لينا : اااه على واش راك تحكي ، واش قصدك؟؟؟
-أوس: قصدي اللي صرا صباح غير نسيه و محيه من ذاكرتك
لينا : (قربت منو شويه ) علابالك واش راك تهدر ولا لا ، راكي واعي ، راك تحكي و كأنو انا اللي طلبت منك تقربلي و كأنو ما عندكش ذنب نتا تاني
-أوس: ما يهمنيش ، اللي يهمني انو الشي اللي صرا ما يتعودش ،انا نحب ميرال ، وعمري ما راح نقدر نشوف في غيرها
لينا : هاااه، الشي اللي صرا صبح عكس اللي راك تحكي فيه دوك ، وزيد راك تحكي و كأنو انا راني قاتلة روحي عليك
-أوس؛ انا...( دارتلو بيدها تاع حبس ورجعت كملت كلامها)
لينا : انا نعرف مليح حدودي وين تحبس ،قبل ما تجي و تفتي عليا راجع قبل نفسك ، اصلا انا اللي لازم نطلب منك تنسي اللى صرا و ما تتعداش حدودك معيا على خاطر انا تاني ما نيش حابة نكون قريبة ولا نتخطى حدودي مع راجل صاحبتي ، نتمني انو كلامي يكون واضح
ما خلاتوش يجاوبوها ولاحتى يرد على كلامها ، دارت و خرجت وخلاتو يلعن و يسب بين شفافو
↚
الحلقة 144
تسريع في الاحدات
بعد يومين خرج جواد من الكلينيك و رجعوه للدار ،تحسنت حالتو كتير وحتى نفسيتو خاصة كي راه قريب من ميرال، هاد الشي فادو كتير ، فهاد اليومين ما صرا حتى شي جديد من غير رجعه جواد للفيلا ، ميرال كانت فرحتها مش سعيتها ،وحمدت ربي على كلش واش تزيد كتر انها تكون قريبة من ولدها كبدتها ، اوس و لينا من هاد الحوار ما عدوش حكاوا مع بعض بصح بالرغم من انو لسانهم ما حكى حتى شي بصح من عيونهم تقدر تقرا و تفهم المد و الجزر الي قاعد يصرا بيناتهم ، يعني كيما يقولو ما كانش احسن من لغة لعيون ، يعنى حتي ادا اللسان يكذب بصح لعيون عمرها ما تكذب ،دائما تفضح الانسان ،
فالجيهة الاخرى كاين أنس اللى راه غاطس في شغلو ، اليوم يكون اخر يوم من مشروعو ، يعني من بعد اليوم ما عندو حتى شي يشدو يبقى خسر كل اوراقو اصلا هادوك لوراق خسرهم قبل تلات سنين ، فهاديك الليلة المشؤومة ،في ليلة حفل عيد ميلادو ، وحتى عيد ميلادو صار بالنسبه ليه أسواء يوم في حياتو ، شي غريب انو فلوقت اللي لازم يكون عيد ميلادو احسن يوم في حياتو و يحتفل بيه ، هو يعتبرو يوم مشؤوم
بعد ما كمل اجتماعو مع صرب و تفاهمو على تفاصيل الخدمة وراح وخلاه غارق في تخمامو كيما كل مرة ، كان قاعد في الكرسي يجمع في اوراقو حتى لمح الظرف اللي لحقو قبل يومين ، هزو بين يديه وعاود حلو و خرج اللي كان فيه ، تحلو عينيه من اللي قاعد يشوف فيه و مصدوم كانت تصورتو واقف جنب ميرال كي راح عندهم بالتخبية ، كانت معها ورقة صغيرة على شكل ملاحظة ، هزها وقرا المكتوب فيها زادت صدمتو كتر و كتر و مش مصدق اللي قاعد يقرا فيه ملاحظة مكتوب فيها بتصريح العبارة
"خليك بعيد على ميرال وعلى حياتها والا نهايتك راح تكون على يدي هاد اول واخر انذار "حس انو عروقو راح تطرطق وراح ينفجر باي لحظة ، يعني هاد تهديد مباشر. ،بصح شكون شكون هاد ،ومين يعرف ميرال ، علاش راه يتبع فيه ، ناض وخرج عند السكرتيرة يسقسي فيها
أنس : الظرف اللي وصل قبل يومين شكون حابو!!!
-السكرتيرة: قصدك اللي حطيته لك فوق الطابلة؟؟
أنس : ايه ، هو ، شكون جابو ، شكون مدهو لك ؟؟؟؟
-السكرتيرة: ما معلاباليش ، وصل مع البريد اللي لحقنا ، ياك غير الخير ، مسيو أنس؟
مجاويهاش و راح رجع طول البيرو بقا يروح ويجي والنار شاعلة فيه ،يسب بين شفافو راسو راح يطرطق الف سؤال يدور في مخو ، رح هز الملاحظة يعاود يقرا فالملاحظة ، بلاك يلقى شي يوصلو لطرف خيط و صاحب هاد الملاحظة ، حتى لمح تحت الملاحظة في اسفل الورقة مكتوب عليها حرف الالف(ا) ضيق عينيه ما فهمش واش يعني هاد الشي ،عقد حواجبو كي خطر على بالو يعني كيفاش ما راحش بالو عندو يعني اكيد هو ورا هاد الشي ما كنش غيرو و زيد اول حرف من اسمو يثبت انو هو اللي دار هاد الشي ، بلا ما يزيد يخمم هز روحو تحت انظار السكرتيرة اللي ما حلتش فمها. راح ركب فالطموبيل و شعل المحرك و ديمارا و عيونو شاعلة .
حبس الطموبيل قدام الفيلا ، نزل ديراكت راح يطبطب فالباب و يخبط فيه حتى كان راح يهدو ، فتحتلو الخدامة وما خلاهاش تحكي دزها و دخل للداخل يعيط بأسمو
أنس : اوس ، ااااوس
-سرين: مسيو ، الله يخليك نقص صوتك ، و زيد السى اوس ماكنشو فالدار
أنس : هاااه قولتلي ماكنشو واحد#### (والله ما علابالي واش قال هنا) وين راح يروح اااه
كان يعيط و يسب حتى جاه صوتها موراها تحكي
ميرال : ما تقللش احترام ، وبركا ما تسب
اول ما شافها تقول نحاو عبد و جابو عبد اخر في بلاصتو ، كل قوتو و غروزه تمحاوا و تبخروا بمجرد ما شافها ، كان شعرها مشمخ ، الظاهر انو هادا وين خرجت من الدوش ، شفافها و خدودها لمواردين خلوه يدخل في حيط ، ريحتها اللي ملات المكان وصلت قبل لخشمو خلات نارو تزيد تشعل ، خلات المجانين اللي داخلو يلهبوا بلع ريقو و دور راسو مش قادر يشوف فيها كتر وهي كملت كلامها
ميرال : خير ما جابك ، علاه راك جاي لهنا و تعيط
أنس : يحكي بتلعثم تقول نساتو ڤاع فالشي اللي جابو: اوس وينو ؟؟
ميرال : خير علاه راك تحوس عليه( قحرتلو)
أنس : أوس وين ، سقسيتك جاوبني و ما تحاوسيش تفهمي
ميرال : اااه ، لا يا سيدي راك غلطان مادام اوس راجلي يعني من حقي نعرف علاه راك تحوس عليه
كأنها بكلمة راجلي ستفزاتو ، و زادت صبت الزيت على نارو وخلاتها تشعل كتر شاف فيها و عيونو حمورا و يحكي
أنس : هاد الرخيس ماشي راجلك فهمتي
ميرال : شد فمك و بركا ما تسب حترم روحك
أنس : ااااه واذا ما حترمتش روحي و ما حبشت سب في هداك#### واش راح يصرا اااه ( كان يحكي كأنو يتحدى فيها)
ميرال : قلتك ما تسبش، ما تسبوش
أنس : (قرب منها و رغا في وجهها يصوت عالي) واذا سبيت وااااش راح يصرا اااه وااااش راح يصرا
رجعت خطوة للرو تتفادي في قربو منها ، و دورت كانت راح تروح و تخليه ، حست بيه شدها من يدها و جبدها عندو حتى ضربت في صدرو بلعت ريقها و حطت يديها على صدرو تحاول تبعدو عليها ، بصح هو كان شدها من كتفها و يكبس عليها
ميرال : بعد ، بعد عليا ، بعد يديك
أنس : (يحكي بغش) قولي علاه راكي تدافعي على هاداك#### اااه علاه ، داك نيف عليه
ميرال : قولت لك بعد عليا ، بعد
أنس : اااه راكي حابة تقنعني انو ما راكي حاسة والو كي راني قريب منك ،حابة تقول قلبك هاد ماعدش يخفق كي نكون قريب منك
ميرال : انا ...
ما لحقتش تحل فمها حتى سكتها كي حط شفافو على شفافها ،و يديه غلغلهم في شعرها لمشمخ غمض عينيه و يبوس فيها
↚
الحلقة 145
ما لحقتش تحل فمها حتى سكتها كي حط شفافو على شفافها، ويديه غلغلهم في شعرها لمشمخ غمض عينيه و يبوس فيها ، بكل قوه خلى مشاعرو يتحكموا فيه ، بعكسها هي اللي كانت كل ما تحاول تبعدو عليها يقربها منو ،كل ما تحاول تنفر منو هو يرجع يكبس عليها ، كل هاد الشي صار تحت انظار اوس اللى كان يشوف فيهم بصدمة ، كيفاه راهم يبوسو في بعض ، حس بالاهانة يعني كيفاه ، فالوقت اللي هو يدير كلش غير باش يخاليها تعيش مرتاحة ومستعد يضحي بحياتو علاجالها هي قاعدة تبوس في شكون ؟ فالانسان اللي دمرلها حياتها، احساسو بالاهانة خلاه يمشي بصمت بدون يعمل ولا ردة فعل ولا يخليهم ينتبهوا لوجودو راح طلع الفوق ينهج خلاهم غارقين في مشاعرهم لدرجة انو ميرال كانت راحت تستسلم لأنس وتتجاوب معاه لكن في اخر لحظة ردت البال الشي اللي راه دير فيه ، حطت يديها على صدرو و دزاتو بكل قوة ترد فالنفس ، حطت يدها على فمها تمسح في شفافها بهسترية وتحكي
ميرال : الله يلعنك ، حيوان ، الله يلعنك شكون نتا باش تبوسني اااه شكون عطاك الحق ؟ ( تهدر وتمسح شفافها)
حس روحو انو صح عماها ، يعني هادي ثاني مرة يقرب منها و يخليها دير حاجة فوق قلبها
أنس : أنا ،،انا ...
ميرال : نتا وشنوا اااه واشنو علاه ماكش حاب تفهم ، خليك بعيد عليا، بعد مني، بعد، خليني نعيش حياني
أنس : لهاد الدرجة تقلقتي كي قربت منك!!!
ميرال : ايه ايه وكتر ما تتصور ، كي تكون قريب مني نحس روحي راح نتخنق
أنس : لهاد الدرجة ما حسيتي بوالو كي بستك !!!
ميرال : والو تعرف بواش حسيت اااه؟؟ حسيت برك بالقرف ، تقززت منك ، عفتك و عفت روحي هاد الشي اللي حسيتو فهمت تعمرو عينيه بدموع وهو يسمع فيها كيفاه توصفلو احساسها مع كل كلمة خرجت منها حس بقلبو يزير وكأنو سكين تغرس في نصو ، يكذب لو كان يقول انو ما وجعاتوش بكلامها
أنس : لهاد الدرجة؟!!؟
ميرال : شافت فيه تحكى و تلز على سنيها ) ايه لهاد الدرجة
جوابها وكلامها زادت اكدتلو انو علاقتهم مستحلية ، وانو قصتو هو وياها وصلت للنهاية ، هي غلقت كل لبواب في وجه حبو و عشقو ليها ، الحب اللي خلق في وسط اوجاعو و احزانو ، لحكاية كملت ، كسر القلم و تغلق الدفتر ، ما عادش كاين امل ، هاد المرة غير كل مرة بلع ريقو ، رمش عينيه ، تبسم ابتسامه تدل على استسلامو ، قرب منها شوية وهدر بسيف
أنس : اوكي ، مدام قربي و وجودي يخنقو فيك ، ما تخافيش راح نحررك ، راح نبعد عليك ، راح نبعد عليك لدرجة تخليك تتنفسي براحة
ميرال : شافت فيه تاع تحاول تفهم قصدو
أنس : ما معلاباليش اذا الشي اللي راح نقوله لك راح يريحك ولا لا، راح نسافر ، بعد يومين راح نسافر لامريكا و نستقر تماك ، ما نزيدش نرجع لهنا ، راح نبعد عليك وعلى حياتك ، وما عادش راح تشوفيني ، على الاغلب هاد اخر لقاء لينا ، ديري في بالك مليح انو غير نخرج من هداك الباب ما راحش تزيدي تشوفي وحهي و لا راح تسمعي بيا، راح تتخلصي من اي شي كانت في حياتك اسمها أنس المكاوي ، نوعدك بهاد الشي
كلامو صدمها ما توقعتش انو يأخد قرارو بهلد السرعة ، ما علابالهاش انو هاد القرار خذاه فاليوم اللي عرفتلو بجواد على اساس ولد اوس ، بلعت ريقها ، لهدرة هربتلها ما علابالهاش واش راهي تحس فيه ، اذا راهي فرحانه انو راح يخرج من حياتها و لا تحزن على هاد الشي ، طلعت شوية راسها خذات نفس وشافت فيه وحكات
ميرال : احسن
أنس : تبسم على جنب دور راسو يشوف في جيهة وحده اخرى، غمض عينيه ، يحاول يبلع في كلامها شاف فيها هز راسو من الفوق للتحت
أنس : اوكي، بصح نتمنى برك تقدري شي يوم تسمحلي على الغلطة تاعي و...
ميرال : روح ، اخرج
أنس : اوكي راح نخرج ، راح نروح ، ما بقالي غير نتمنى لك حياة سعيدة يا ..يا مادام ميرال اوس المارديني
دور عينه على كل وجهها و كأنو يحاول يملي عينيه بها لاخر مرة ، حس انو دموعو على شوية راح يطيحو ماكانش حاب يخليها تشوفهم ، دار يمشي بخطوات ثابته ، خلى دموعو يطيحو ، مسحهم بالزربة ، زرب في مشيتو ، وهز روحو خرج و ركب فالطموبيل راح خلى وراه قلبو و حياتو
↚
الحلقة 146
بعد ما خرج هي رمات روحها على الفوتاي ، حطت يديها الزوج عليه ، دورت راسها للجيهة لخرا تحاول تتحكم في روحها وما تخاليش دموعها يخونوها ، شدت طرف الفوتاي بصباعها غمضت عينيها لثواني رجعت حلتهم هزت يدها مسحت دموعها قبل ما يطيحو وهدرت
ميرال : نتا ما تعنيلي والو، نتا صفحة وطويتها نتا ما تهمنييش و ما راحش تهمني بقات مدة تحكي و تقنع روحها انو انس ما يعنيلها والو ، فهاداك الوقت اوس كان ديجا وصل للفوق ، كان يمشي فالكولوار كي الثور الهايج ، وعيونو حمورا و هو يتذكر فيهم وهم يبوس في بعض ، كان يمشي بخطوات كبيره حتى حبس كي لمحها خارجة من بيت جواد جاية جيهتو ، حبست هي تاني كي شافتو واقف في نص الكولوار ، هبطت راسها و نفخت من بعد كملت مشيتها ، تعدات جنبو بلا ما تخزر فيه ، وما حبست غير كي حست بيدو فوق دراعها جبدها عندو حتى ضربت في صدرو ، بلعت ريقها و هزت عينيها و شافت فيه حطت يدها على يدو تحاول تبعدها من عليها و تحكي
لينا : شبيك هبلت !!؟ بعد يدك عليا ، أوس ، نح...
ما خلاهاش تكمل كلامها و سكتها كي حط شفافو على شفافها يبوس فيها ، غمض عينيه و شد وجهها بين يديه مخلي رغبتو تتحكم فيه ، عكسها هي اللي حطت يدها على صدرو تحاول تبعدو عليها ، وهو كل ما تنفر يزيد يزير عليها ،بقات تتخبط بين يديه حتى حس عليها هدات وبدات تتجاوب معاه هزت يديها، وحدة لفتها ورا رقبتو و اليد لخرا حطتها على خدو تعديها عليه بالسياسة ، كانت غير تساير فيه وخلاتو هو يتحكم في البوسة ، تبسم في نص البوسة عليها فهم انو هادي اول مرة بعد عليا و حط جبينو على جبينها ، غمض عينيه يحكي بصوت مبحوح و يعدي صبعو على شفافها
-أوس: هادي أول مرة !؟
لينا : (هزت راسها بالايجاب) ايه واخر مرة ، اوس اللى رانا نديرو فيه مش صح ، رانا قاعدين نغلط...
-أوس( سكتها كي حط صباعو على شفافها ) ششششت ، معليش تسكتي فهاد اللحظة خليينا ....
ماكملش كلامو حتى جاه صوتها من قدام
مروى : للـ ... لينا
لينا : بلعت ريقها و نطقت اسمها بين شفافها : مم.. مروى
-أوس: حط يدو على لحيتو يحك فيها
شافوا فيها في زوج و الدم حبس في عروقهم ، تبعوا احساسهم حتى نساوا انو يقدر يشوفهم شي حد و يتحطوا في موقف كيما هادا
↚
الحلقة 147
قربت منهم و عيونها غير تسقسي فيهم و تحاول تلقى تبرير الشي اللي شافوه عينيها دوك ،
مروى : واشنو هاد ، اااه ، راكوا عارفين رواحكم واش راكوا ديروه !!! عيب و الله غير عيب...
لينا : مروى ، سناي خليني نفهمك ، ما يروحوش بالك بعيد ...
مروى : واش راح تفهميني اااه ، راني شفت كلش بعينيا،
-أوس: مروى اللي شفتيه...
مروى : اللي شفتو يسموه خيانة ، فهمتو ، ما عندو اي تفسير اخر ، هاد غدر ، ما فهمتش انا من وين جبتو ڨاع هاد الجرأة، فالوقت اللي ميرال قاعدة تحت، راجلها و صاحبتها قاعدين الفوق يبو...
ماقدرتش تكملها، حطت يدها على شعرها غلغلت صباعتيها فيه ورجعت حكات
مروى : استغفر الله ، استغفر الله يا ربي، قولو لي ما أنبكمش ضميركم اااه ، فهموني، كيفاه قدرتو ديرو هاد الشي
لينا : مروى خلني فمهمك ، تعيشى
مروى : واش راح تفهميني اااه ، نفترضوا انو ماشي انا اللي شفتكم ، وانو ميرال هي اللي شافتك ، واش كنتي راح تقولي لها ، كنتي راح تقدري تحطي عينيك في عينيها و تفسريها الشي اللي درتيه اااه ، قولي لي ، واش كني راح تقولي لها راني حابة نعرف
-أوس: لينا ما عندها حتى ذنب ، اذا كاين مذنب فهو انا ، خلي كلامك مواجه ليا انا
مروى : والله اللي شفتو انا عكس الي راك تحكي فيه 😡 ولا راك حابني نكذب عينيا
لينا : مروى ... الله ...
مروى : نتمنى الشي اللي صرا من قبيل ما يتعاودش قبل ما توصل لحكاية عند ميرال، نتا يا السي اوس مدام بديت راجل مع ميرال خليك راجل معها حتي للخر وانت يا لالاة حسابك معايا
-أوس: راني نقولك انو...
مروى : لو سمحت خلينا وحدنا ، بلييز
شاف في لينا اللي كانت تفرك في يديها من بعد شاف فيها وهز روحو راح لبيتو وهي شدت لينا من دراعها تكركر فيها ودخلتها لاول بيت قابلتهم دزتها للداخل و سكرت الباب دارت عندها و كلاتها بعينها شدتها من كتفها تهز فيها وتحكي
مروى : علابالك واش درتي ولا لا اااه ، راكي فايقة على روحك ، قولي لي شحال من مرة صرا هاد الشي بيناتكم ، من وقتاه!!! ااااه اهدري
تفكرت اول مرة قرب منها كي تعطلت السبالة ، تفكرت الموقف اللي صرا معاهم فالدوش ، بلعت ريقها صدمتها بسوالها ، نترتلها يديها من عليها ، ورغات بصوت عالي في وجهها
لينا : خلااااااص شبيك ، تحكي معايا هاك تقول شي راني موالفة ندير هاد الشي ، ولا راكي حاسبة بلي كاينة حاجة بيني و بين اوس اااه ، غير قوليها و ما تحشميش ، قوليها في وجهي خير ما ظلي تسمعيني فلكلام هكدا
مروى : مارانيش نسمعلك فلكلام ، راني برك نحاول نفسر ونستتنتج الشي اللي شفتو من قبيل
لينا : مكلاه تحرقي عصابك و مخك على حاجة ما كانش منها اصلا ، اللي صرا غلطة وبس مكلاه تجيبي في استنتاجات من راسك
مروى : يكون احسن ، يكون احسن لانو اذا صار العكس ، صدقيني ما راحش تفرا على خير
لينا : علاه راكي تحكي معايا و تقول ما تعرفينيش اااه ، تقولي شي انا عدوة ميرال ، و راني حابة نأذيها ولا نخربلها حياتها ، و زيد سمعتي اوس واش قال ، قال بلي الغلطة تاعو ، ماشي تاعي
مروى : ايه يكمن صح هو اللي غلط ،و هو اللي بادر ، بصح اللي شفتو انا هو انك يا الله تأقلمتي مع الغلطة تاعو ونجريتي موراه
لينا : مروى
مروى : على كل حال نتمنى انو اللي صرا اليوم ما يتعاودش ، واذا كاينة حاجة اخرى دور في راسك غير نحيها من دوك قبل ما يفوت الحال
رمات لها هاد كلام من بعد هزت روحها و خرجت طول راحت للجنينة تشم هوا تنحي الخنقة الي حكمتها
↚
الحلقة 148
غير لحقت للجنينة لقات اياز تماك كان قاعد يشرب في قهوتو ، وغير شافها قرب منها يسقسي فيها على حالتها
-أياز: مروى!!! خير واشبيه وجهك ما يتفسرش؟ واشبيها حالتك!!!؟
مروى : علاه لهاد الدرجة مبين عليا!!!!؟
-أياز: كتر ما تتصوري، وجهك ما يضواش ، قولي لي واش صرا!! جواد صراتلو حاجة؟؟؟
مروى : لا لا ، جواد راه مليح ، ما تقلقش روحك
-أياز: واش صرا مالى ، علاه حالتك راهي هاك؟؟؟
شافت فيه من بعد حطت يديها على شعرها تعاديها عليه بقوة ، نفخت و عدات جنبو راحت تمشي جيهة البونك اللي تم ، خلاتو هو يتبع فيها و يتسأل واش صرا معها ، قعدت على البونك ، تهز في رجليها و تعض في ضفارتها ، من التقلاق ، قعد جنبها و شدلها رجلها اللي تهز فيها يحاول يهدي فيها ، هبطت راسها و حطاتو بين يديها تشوف فالارض هزت راسها وشافت فيه وبدون اي مقدمات حكات لو اللي شافاتو الفوق بين اوس و لينا ، من غير ما يقول كلمه قاعد برك يسمعلها و خلاها تفرغ اللي في قلبها ، بعد ما حكاتلو كلش شافت فيه وسقساتو
مروى : ماراح تقول والو ما راحش تعلق على الموضوع !!
حط يدو على وجهو عداها عليه و كأنو قاعد يمتص في تقلاق شاف فيها عاد هدر
-أياز: معلاباليش واش راح نقول !!! صح من جيهة الشي اللي صرا ماشي مليح ، بصح لازم نشوفو من زواية اخرى ، و ما نتسارعوش ، اكيد عندهم تفسير منطقي لهاد الشي ، و اكيد اوس عند تبرير و...
مروى : راك تحكي من نيتك راني نقولك انو ليقتو مع لينا يتباوسوا وانت تقولي عندو تبرير ، واش من تبرير اااه واش من تفسير ! التفسير الوحيد انو كامل الرجال ما يتأمنوش، دير فيهم ثيقة وهوما في اول فرصة يخونو هاديك الثقة و يطعنوك في ظهرك
-أياز: اممم نفهم انو انا واحد من هادوك الرجال ، يعني حسبتني معاهم
مروى : اااه؟ ايه
-أياز:😳
مروى : قصدي لا
-أياز: ايه ولا لا !!!
مروى : اكيد لا
-أياز: علاه لا !!! ياك انا تاني راجل ولا ما نبانلكش راج...
مروى : لا اكيد انا ما قصدتكش بكلامي نتا اللي فهمتش قصدي
-أياز: علاه
(شدتلو يدو بيد و اليد لخرا حطتها على خدو تعاديها عليه تحكي و تشوف في عينيه
مروى : على خاطر نتا راجل ، ومنو احلى راجل فهاد الدنيا نتا حبيبي ، وروحي وحياتي ، نتا كلشي بالنسبه ليا
-أياز: يعني ماراكيش خايفة نخون ثيقتك و نخيب ظنك !!
مروى : لا
-أياز : وعلاه راكي متأكدة لهاد الدرجة ، ياك انا تاني راجل
مروى : انا متأكدة على خاطر راني قادرة نشوف ونقرا في عينيك حبك ليا ، نقدر نحس بهاد الشي وقت ترجف كي نكون بين يديك ، نحس بهاد الشي وقت نقدر نسمع صوت دقات قلبك ، نظرة وحدة منك تخليني نتأكد من هاد الشي ، فهمت دوك
-أياز: لهاد الدرجة قدرتي تقراي اللي نحس بيه
مروى : ايه لازم
-أياز: نتي احلى هدية قدمتهالي الحياه ، حياتي و عمري اللي كان قبلك ما عندهم حتى معنى ، نتي عطيني طعم لحياتي, انا مستحيل نقدر نشوف غيرك ولا نحس الشي اللي حسيتو من جيهتك مع وحده اخرى
مروى : اساسا ما عندكش خيار تاني ، اذا كاش نهار خممت تحط عينيك هادو على وحده اخرى ندوقك الويل ، ونشربك لمرار هاني قلتلك
-أياز: اووووه ما كانش علابالي بلي شريرة لهاد الدرجة
مروى : عاشقة ، عاشقة ، فهمت انا باش نحمي حبي مستعدة نحرق ڨاع الدنيا
-أياز: اصلا انا هاد اللي يخلي حبي ليك يزيد يوم بعد يوم
مروى : واش ؟؟؟
-أياز: غيرتك هادي ، و دفاعك على ممتلكاتك تخليني نعشقك
مروى : ايه لازم
-أياز: و وقتاه تخلي ڨاع الناس تعرف انو انا ضمن ممتلكاتك اااه ولا راكي حابة نكملو هكدا ، نتلقاوا التخبية
مروى : علابالي صح عندك الحق ، بصح نزيدو نصبرو شوية
-أياز: مممم ، ايه كيما العادة ، امري لله
مروى : ايااااز
شاف فيها و كان راح يقرب منها يبوسها حتى قطع عليه اوس كي دخل عليهم و بعدو على بعض ، شاف في مروى تاع انا تاني شفتكم ، شافت فيه ومن بعد شافت اياز دخلت في حيط منبعد هبطت راسها و ستأذنت وراحت تزرب للداخل ، تبعها اياز بعينيه حتى دخلت بقا صافن فيها و تبسم ابتسامه خفيفة
↚
الحلقة 149
دار شاف في اوس اللي كان غير يخزر فيه ، هزلو راسو بمعنى واش
-أياز: خير علاه راك تشوف فيا !!
-أوس: عجباتك ياااك !! من وقتاه ركوا مع بعض و غمزلو
-أياز: واش قصدك تانى ؟؟؟
-أوس: ماشي عيب تخبي هاد الشي على خوك
-أياز: ما راني مخبي عليك والو ، نتا اللي ما معلاباليش واش فهمت ؟؟
-أوس: خسارة عليك ، مازال راك تنكر و تخبي ، اصلا انا فهمت عليكم من شحال هادي بصح كنت نسنى فيك تحكي
ما قدرش يزيد يخبي كتر يعني ما كانش فايدة مادام هو عرف النكر ما راحش يجيب نتيجه
-أياز: مدام راك عارف خليني نحكي ، ايه صح رانا مع بعض ، نحبو بعض ، انا نعشقها لحد النخاع تهنيت دوك
-أوس: مليح
-أياز: بصح الظاهر ماشي غير انا اللي نخبي ، نتا تاني كاين حوايج مخبيهم عليا ، كاين تطورات صرات و انا لا خبر
شاف فيه و فهم انو مروى حكاتلو اللي صرا بينو وبين لينا ، هز يدو وحك لحيتو راح قرب منو و رما روحو جنبو سكت مدة من بعد رجع هدر
-أوس: اليوم جا أنس لهنا
ضيق عينيه يحاول يشد خيط من الشي اللي يحكي فيه
-أياز: و واش دخل أنس المكاوي بالشي اللي صرا بينك و بين لينا ؟؟ واش علاقتو !!!
تفكر كي شافو يبوس في ميرال، بلع ريقو تنهد من بعد جاوبو
-أوس: شقتهم
-أياز: واش شفت اااه واش قصدك !!
-أوس: شفتهم مع بعض ، يعني قصدى يبوس في بعضاهم
-أياز : ااااه ، صح
-أوس: ايييه ، صح
-أياز: ولينا واش محلها فهاد لحكاية ، على قربت منها ، علاه بستها
-أوس: صدقني ما معلاباليش علاه درت هاد الشي ، يمكن لحظه ضعف ، يعني كي شفت ميرال وانس مع بعض حسيت بالاهانة ، معلاباليش كنت حاب نعاتبها و نواجهها بصح ما قدرتش ، و ما لقيت غير لينا قدامي ، خرجت في طريقى و قربت منها
-أياز: يعني كي شغل كنت حاب تنتقم من ميرال رحت قربت و بست صاحبتها ياااك ، و الله برافو ، برافو عليك
-أوس: اياز ماتكملش عليا نتا ، اللي سمعتو من مروى يكفيني ، صح علابالي غلطت و ماكانش لازم نقرب من لينا بصح الله غالب لحظة ضعف، غيرتي عماتني ما قدرتش نتحكم في روحي
كمل كلامو وناض من البونك وغير دار حتى لقاها واقفة في وجهو تشوف فية و النار شاعلة في عيونها ، مش مصدقه الشي سمعتو و حتى هو ما كانش متوقع انو تكون تسمع في كلامهم
↚
الحلقة 150
دار ولقاها واقفة في وجهو تشوف فية والنار شاعلة في عيونها ،مش مصدقة الشي اللي تسمع فيه ، وحتى هو ما كانش متوقع انو تسمع في كلامهم ، بلا ما يحس نطق بأسمها بين شفافو
-أوس: لل..لينا
هي كانت غير واقفة ، تعمرو عينيها بدموع ، اخر شي كانت تتوقعو انو يستغلها و يستغبيها ، ولا يمكن ما كانش اغبى منها ، هي اللي ضعفت قدامو و ستسلمتلو ، كانت للحظة حست بانجذاب نحيتو ، حست بشعور غريب و هي بين يديه حتى انها حست انو هو تاني كان عندو اندفاع جيهتها، بصح هو صدمها بكلامو ، يعني هي كانت مجرد وسيلة ينتقم بيها و يطفي بيها نار غيرتو ، غيرتو من قرب انس من ميرال ، شدت دموعها بسيف بقات تصطنغ فالقوة قدامو ، وهو تاني حس انو جرحها بهاد كلام ، شاف في ملامح وجهها اللي كان مبين عليها علامات الخيبة ودموعها على شعرة يطيحو ، قلبو وجعوا عليها غاضاتو بزاف ما علابالوش علاش قاعد يحس بهاد الشي ،الشي اللي علابالو بيه هو انو ماكانش قصدو يجرحها خطى خطوة جيهتها بصح حبس كي وقفاتوا بيدها هاديك تاع خليك في بلاصتك ، خزرت بغش ،رسمت في ابتسامه على وجهها تخبي في قهرتها ، تشجعت وحكات بكل ثيقة
لينا : الظاهر أنو عندنا وجهة نظر وحدة بالخصوص اللي صرا !!!!
-أوس: لينا اللي سمعتيه ، يعني...
لينا : بغض النظر عن السبب اللي خلاك تقرب مني ، انا معاك في فكرة انو الشي اللي صرا بيناتنا ، مجرد غلطة وما راحش تتعاود وهاد الشي اللي راح يصرا ، من اليوم كل واحد فينا راح يلتزم بحدودو ويعرفها مليح
-أوس : اكيد هاد الشي مارانيش حابة تفهمي الشي اللي سمعتيه فبل شوية غالط انا برك ..
لينا : مكلاه تفسرلي وتبرر لي موقفك، اصلا حتى انا غلط معاك ،اللي صرا صرا و ما نقدرو نبدلوا والو ، واش راح نديرو ، كيما قلت نتا الشي اللي صرا في لحظة ضعف ، الله غالب انا تاني ضعفت وهاد الشي قادر يصرالي مع اي واحد
تحلو عينيه كي سمع كلامها لخر ، خلاتو يشعل ،يجن قرب منها وعروقو كامل مبينين
-أوس: واش قاصد بهاد لكلام
لينا : قصدي انو كيما ضعفت قدامك كنت راح نضعف قدام واحد اخر ، يعني هاد الشي ما راهوش متوقف عندك نتا
بلع ريقو ، خلات نارو تزيد تشعل كتر، ستفزاتو بكلامها ما فهمش علاه حس بشي قاعد يحرق فيه للداخل ما تقبلش فكرة انها تقرب من راجل اخر وتضعف قدامو زير يدو على شكل قبضة غمض عينيه يحاول يمتص في غضبو ويتحكم في روحو قبل ما يهد الدنيا فوق راسها ، وهي مازالها تحكي و تستفز فيه ،
لينا : صح ولا راني غالطة ، يعني كيما ضعفت نتا قدامي انا تاني يقدر يصرا معايا نفس الشي خليني نعطيك مثال
دورت راسها وشافت في أياز اللي كان واقف قريب منها و رجعت شافت فيه وركزت عينيها في عينيه وكانها تتحدى و هو تبسم على جنب وهز براسو بمعنى واياك ديريها ، رجعت شافت في أياز و بدون اي سابق انذار حضنت وجهو بين يديها و غطست شفاها في شفافو و تبوس فيه بلا ما دير حساب لحتى واحد لا لمروى اللي قاعدة وراها وتشوف فيها كيفاه تبوس في الراجل اللي تحبو ، ولا حتى لاوس اللي حس انو الدنيا ظلامت في عينيه ، خلاتو يدخل في حيط قاعد يشوف فيها تبوس في صاحبو و عشيرو وكانها قاعدة تعاقب فيه على كلامو ،ما بعدت عليه غير كي دزها من عليه ،عدا يديه على فمو شاف فيها خزرة خنفتها من بعد هدر بغش
↚
الحلقة 151
-أياز: مريضة نتي و لا واش ااااه ، هبلتي ، راكي في عقللك 😡
لينا : أنا .. أنا 😨😦 ماقدرتش تبرر الشي اللي دارتو ، اذا هي ما فهمت علاه دات هاد الشي كيفاه راح تقدر تفهمهم دوت راسها تخزر في اوس اللي كان يخزر فالازض و وجهو ما يتفسرش، تم عرفت انها صح غلطت فضلت تسكت وما تحكي شي لانو حتى لكلام ما راح يفيد بوالو ، خيم الصمت بينهم حتى كسرت الصمت كي جاهوم صوتها من اللور ، دارو كامل يشوفو فيها ، الدم حبس في عروقوهم ، خايفين تكون سمعتهم و فهمت واش صرا
ميرال : اوس ، لينا
لينا : مييراال
ميرال : قربت كتر منهم و رجعت حكات) خير واش راه صاير هنا ، واش يعني الشى اللي شفتو دوك !!!؟
حتى واحد ما تجرأ يحل فمو و يجاوبوها كانوا كامل يهربو عينيهم منها حتى عاودت هدرت
ميرال : شبيكم ؟؟ بلعتو لسانكم ، كاش واحد فيكم يفهمني الشي راه صاير ( شافت في لينا) نتي لينا معليش تفهمني الشي اللي درتيه دوك ، اااه ؟؟؟
حلت فهمها و عينيها ، نشف ريقها ، و الدنيا دارت بيها ، واش راح تقول ، واش راح تحكي ، واش راح تكون حجتها ولا تفسيرها ، غمضت عينيها كي شافتها بدات تقرب منها ، بدات تحسب في خطواتها كل ما تزيد تقرب منها ، قلبها يزيد يخفق ، و ما حلتهم غير كي حست بيدها تحكت دراعها وتسقسي فيها
ميرال : لينا راني نسنى فيك تعطيني تفسير منطقي ، علاه درتي هاد ، واش من سبة ؟؟؟
لينا : انا ، انا ( ما قدرت تقول والو) وبلا ما تزيد تخمم طلقت الريح لرجليها تجر للداخل بلا ما تشوف في حتى واحد ، خلاتها حالة فمها مش فاهمة والو من الشي اللي قاعد يصرا قدام عينيها دارت عند أياز بلاك شي تلقى جواب عندو بصح قبل ما تحل فمها هز روحو و خلاها ، تمشى للداخل حتى خرجت مروى في طريقو كان مبين عليها انها كلات ضربة صحيحه ، عينيها تعمرو بالدموع ، ما قدرش يشوف دموع في عينيها اللي يعشق لونهم ، قرب منها خطوة بصح صدماتو كي رجعت هي خطوة للور ومن بعد راحت تجري للداخل ،خلاتو يسب و يلعن بين شفافو ، من بعد راح تبع فيها ، فلوقت هاداك ميرال راحت قربت من أوس متأملة انو على الاقل هو يفهمها بصح كيما كل مرة حتى هو لتزم بالصمت ، شاف فيها وتبسملها حط يدو على خدها يتحسس فيه من بعد هدر معاها
-أوس: ما تقلقيش روحك ، حكاية فارغة ، نتي..
ميرال : حكاية فارغة ؟؟؟ يبوسو في بعض ولا خليني نقول انو لينا اللي باستو وتقولي حكاية فارغة !؟ ياك ما كاين حاجة بينتهم ؟ ياك ما لينا تحبو ولا عاجبها -أياز وهي...
-أوس: واش من حب و واش من اعجاب 😏 مكان حتى حاجه من هاد الشي ، مكان والو بينتهم ،
ميرال : مالا كانو يبوسو في بعض اااه فهمني !!!
كانت قاعده تلعبلو على الوتر الحساس ، و تفكرو في كل مرة الشي اللي صرا ، حط يدو على رقبتو يحك فيها من بعد هدر
-أوس: الشي اللي شفتيه ماكنش منو ، ماشي كيما راكي حاسبة ، يمكن هاد مجرد غلطة اخرى صرات هدا مكان 🙄 جات تهدر بصح سكتت كي شافاتو كيفاه هز روحو و دخل بلا ما يزيد كلمة معها ، وهي خلاها غارقة في تخممها في الشي اللي صرا ، واش قصدو كي قال غلطة اخرى ، يعني كاينة غلطة ما علابالهاش بيها
↚
الحلقة 152
قاعدة فالبيت على طرف السرير تمسح في دموعها اللى ما حبوش يحبسوا 😭 ، ما قدرتش تبلع ولا تتقبل اللي صرا منظرهم و صورتهم وهم يبوسو في بعض ما حبتش تروح من بالها ، ما قدرتش تتقبل فكرة انو صحبتها و الراجل اللي من قبل برك تقولو حبيبي و حياتي كانوا يبوسو بعض ، كانت غارقة في دموعها حتى تحل الباب هزت راسها بان ليها واقف يشوف فيها و ينهج ، شاد الباب بيدو ، دخل وسكر الباب وبلا اي تردد راح قعد على ركايبو على الارض، شدلها يديها ، هزهم و قربهم لشفافو يطبع في بوسات مرصومات وكأنو بهاد الشي حاب يوصلها اعتذارو ، بصح زادت صدماتو كي نترت يديها منو و دورت راسها تشوف في جيهة وحده اخري ، ضيق ، عينيه ، بلع ريقو من الجاست تاعها خذا نفس من بعد ناض وقرب قعد جنبها قوق السرير يحكي
-أياز : واش عمبالك انا راني راض على الشي اللي صرا ، عمبالك انا راني حاب كي قربت مني ،ولا كي باستني ، انا فهاديك الدقيقه كرهت روحي حسيت روحي واحد ما يسواش، تمنيت تنشق الارض و تبلعني لوكان ماجاتش صاحبتك كنت راح نخنقها بيديا، وزيد انا ما عندي ما دخلني ، شفتي بعينك انو هي اللي باستني ماشي انا ، هي اللي رامات روحها فيا ، انا ...
مروى : يمكن صح نتا ما عندكش ذنب فالشي اللي صرا ، ما راحش نلومك بصح تعرف واش هي الحاجة اللي غضتني كتر 😢
شاف فيها بمعني واش
مروى : هي انو هي باستك قبلي ، يعني هي درات هاد الشي قبلي😭 فالوقت اللي لازم نكون انو انا ، انا 😭😭
-أياز: انا ما يهمنيش الشي اللي دارتو على انا من جيهتي ما حسيت بوالو و..
مروى : بصح انا حسيت 😭 حسيت بالنار شاعلة هنا ، (حطت صبعها على قلبها) حسيت بقلبي راح يخرج من بلاصتو 😭
-أياز: والله راني حاس بيك ، انا تاني ...
مروى : اذا ما عشتش الشي شفتو انا ما تقدرش تحس بيا ، فهمت ، علاه نتا الي شفتي في دراع واحد اخر اااه ، قولي واش كنت راح تحس لو كان شفتني متلا انا و اوس مع بعض و نبوسو في بعض ، بواش كن...
ما كملتش كلامها حتى ناض من بلاصتو ينهج و عيونو حمورا ،هز يدو زيرها على شكل قبضة و خبطها على الحيط ضربات متتالية ، خلاها تتفزع ، من خوفها عليه ناضت من بلاصتها قربت منو تهدي فيه ، دزها بعيد حتى قريب طاحت ، حط يديه على الكوافوز و رمى كل شي كان عليها على الارض ، شاف فيها ،قرب منها ينهج ، شدها من كتفها يزير عليها بكل قوتو حتى خرجت اه منها ، شافت فيه ودموعها سبقوها وتحكي
مروى : اياز ، طلقني ، راك توجع فيا 😭 تعيش طلقني 😭
-أياز: ماشي قدي ،😡 تشوفي فيا### اااه انا واحد#### ، علاه انا ماشي راجل كي راكي تحكي على صاحبي ، ما عمرتلكمش العين 😡#### انا😤
بعد يديه عليها ودار كان راح يخرج بصح وقفاتو كي عنقاتو من اللور ، حطت يدها على صدرو وراسها على ظهرو بلا ما تقول والو غير طلقت العينان لعينيها تبكي بهسترية 😭 وهو بهاد الحركة و كأنها خلات هداك الوحش تاع قبيل يروح ويجي اياز في بلاصتو ، كأنو لمستها و دموعها نقطة ضعفو ، حس بالغلطة تاعو ، شدلها يديها و دورها عندو ، هز يديه يمسحلها عينيها اللي طابو من الدموع شاف في يديها كيفاه خلا ليطراس تاع يديه حطهم عليهم و يعدي في صباعو ويحكي
-أياز: الله يلعنني ، انا واحد حمار ، انا اللي نسمي روحي راجل ، انا واحد...
ما خلاتوش يكمل ، سكتاتو كي حطت يدها على فمها وتحكي
مروى : شششت ، ما تكملش ما تقولش كلام ماشي مليح في حقك ، على خاطر نتا بالنسبه ليا ، راجل و كامل ،
-أياز : توجع فيك ياااك 😢
مروى : ماشي براف 😔 ( شافت فاليد اللي خبط بها الحيط ورجعت حكات ) وانت توجع فيك!!!
شاف في يدو لقاها مجروحه هزلها راسو بالنفي ، من بعد كمل كلامو
-أياز: مروى سمحلي بزاف يا عمري ، سمحلي على لكلام اللي حكيتو من قبل، الله غالب ما قدرتش نتحكم في روحي كي كنتي تهدري على اوس ، ما قدرتش😔 والله من غرتي اللي درت هداك الشي
مروى : مممم، يعني تغير عليا ؟؟ يعني تحبني؟؟؟
-أياز: لوكان ماكنتش نحبك ما كنتش راح نغير عليك يمكن نتي تكوني تغيري عليا بصح تقدري تتحكمي في روحك وتقدري تبلعيها كيما درتي دوك بصح انا ما راحش نتحكم في روحي ، راح نحرق الدنيا ونهدها
مروى : يعني كيما درت دوك
-أياز: ايه ، الله غالب راني نعشق فيك يا طفلة، نعشق فيك فهمتييييي , و مادابيا ما نزيدش نخبي هاد الشي خليهم ڨاع يعرفو
مروى : راح نحكو لهم ، ماراحش نزيدو نخبو حبنا كتر 😍
حط يدو على خصرها حاوطها عندو ، وهي هزت يديها لواتهم على رقبتو ، و يشوفو في بعض ، حط جبينو على متاعها ،حتي ولاوا يتنفسوا في هوا واحد و قرب شفافو من شفافها غمضو عينهم في زوج و غرقو في اول بوسة تجمعهم مع بعض
↚
الحلقة 153
فالوقت اللي اياز و مروى كانوا غارقين في مشاعرهم ، اوس كان وصل عند لينا ، حل الباب عليها ، لقاها واقفة في نص الغرفة ، غير شافتو قلبها كان راح يحبس ، غلق الباب بقوة خلاتها تتهز ، قرب منها كي الثور الهايج ، وهي رجعت للور ، كل ما يقرب هي ترجع للور حتى لصقت فالحيط ، شدها من كتفها يزير عليها و يحكي بغل
-أوس: واش كان قصدك بالشى اللي درتيه للتحت ، اااه ، واش كان قصدك كي رحتي بستي اياز 😡
حطت يديها على يديه تحاول تنترهم ، من بعد حطتهم على صدرو تبعدو ، وتحكي
لينا : بعد عليا ، بعد يا هم ، واش راك حاسب في روحك
-أوس: انا اللي واش راني حاسب روحي ولا نتي واش راكي حاسبة روحك بالشي اللي درتي اااه
لينا : علاه واش درت انا ، اااه واش درت
-أوس: ما تتبهليش عليا ، راكي تشوفي فيا ### اااه
لينا : لم فمك و ماتسبش 😡
-أوس: نتي تاني ما تجهلينيش ، يا رب 😡 وعرفي واش راكي ديري
لينا : علاه انا لازم نشاورك فالشي لي راح ندير و😡
-أوس: اذا كيما الشي اللي درتيه من قبل ايه ، وراح نحاسبك😡
لينا : اااه علاه ما عجبكش الحال !! علاه ما تقلقت كي بستو اااه , ياك ما يكون غرت من صاحبك اااه ،
-أوس: نغير!!! علاه نغير زعما اااه ،
لينا : والله سقسي روحك هاد الشي
-أوس: ما عندي علاه نغير ،
لينا : مالى كي عاد هكدا ما دخلش روحك فيا ندير واش نحب 🙄😏
-أوس: وهاد الشي اللي كنتي راح تقوليه لمروى 😏
لينا : و مروى واش دخلها فهاد الشي
-أوس: اااه ، شفتي لوكان عندك شويه عقل فهاد الراس ماكنتش ترمي روحك بين يدين الراجل اللي تحبو😏
لينا : اااه ى وو ... واشنو؟؟؟
-أوس: هاااه ، واشنو ؟؟؟؟
لينا : واش قصدك بهاد الشي ؟؟؟
بعد يديه عليها من بعد كمل كلامو
-أوس: والله يا لالاة قصدي راه واضح شفتي الراجل اللي رحتي بستيه و صاحبتك اللي راهي تحت ياسيدي هوما بحبو بعض
لينا : 😱
-أوس: ايييبه واش صرا اااه بلعتي لسانك
شدتلو يديها حطت عينيها في عينيه وتحكي
لينا : صح واش راك تحكي ، اااه قولي الله يخليك؟؟
-أوس: هز راسو بالايجاب ايه صح ، هو يحبو بعض ، راهم مع بعض
حطت يديها على فمها ، وطاحو دموعها كركرت روحها للسرير ورمات روحها عليه
لينا : اااه يا ربي واش درت 😱 واش درت انا ، 😭 اه يا ربي كيفاه راح نشوف فيهم ، كيفاه راح نشوف في مروى واش راح نقولها😭 الله يلعنني ، الله يلعنني بهلولة بهلولة، بهلولة ( بقات تضرب في وجهها بكفوف )
غير شافها بهاديك الحالة راح قرب منها و شدلها يديها يهدي فيها وهي غير تبكي بهسترية
لينا : خليني، خليني، واش درت انا في صحباتي وااااش، وحدة مور ظهرها والاخرى قدام عينيها
حالتها قطعتلو قلبو ،قلبو وجعو عليها ، شدلها وجهها بين يديه و يحكي
-أوس: خلاص ، خلاص ، ما ديريش فروحك هاكدا ، اللي صرا صرا ، دوك لازم تشوفي كيفاه دري باه تصلحي الغلطة تاعك ، النديب ماراح يفيدك بوالو سمعتي
لينا : واش راح ندير ولا واش راح نحكي ، انا ، انا
-أوس: نتي لازم تحكي مع مروى روحي فهميها لازم تواجهيها وتهربيش منها
لينا : علاه نتا تقدر تواجه ميرال وتحكيلها الشي اللي صرا بيناتنا الصبح ؟؟؟
ما كانش يسنى في سؤالها ، بلع ريقو وناض على رجليه بعد شاف فيها من بعد هدر
-أوس : اللي صرا بيناتنا را يبقى بيناتنا ، وميرال ماراحش تعرف بهاد الشي ، هاد الشي احسن ، وانتي روحي صلحي الشي اللي صرا وحكي مع مروى خير ما تزيد تتعقد الامور كتر ، بلا ما يزيد كلمة هز روحو و خرج ، خلاها تايهة تخمم كيفاه تفسر لمروى الشي اللي صرا واش راح تقولها ، بعد مدة من الصراعات داخلها اخيرا قررت تروح تهدر معها ، حلت الباب و خرجت رايحه عند مروى
↚
الحلقة 154
لحقت لبيت اللى قاعدة فيها ، بالاول ترددت تدخل من بعد هزت يديها و طبطبت على الباب ، حلت الباب ودخلت شافت فيها كانت قاعده على طرف السرير قربت منها وقلبها يضرب فالميتين ، راحت قعدت قدامها فالاول سكتت منبعد تشجعت وهدرت
لينا : علابالي مهما قلت ومهما حكيت ما راحش نخفف من الجرج اللي سببتهو لك بصح بالرغم من هاد الشي راح نحكي ، ونتي اذا حبيتي ما تحكي والو ، غير سمعني ، 😔 انا صح غلط مع اوس ويمكن تعمد يصرا هاد الشي بشكل من الاشكال ، وحتي كي عاوت نفس الغلطة مع اياز تعمد هاد الشي ، هو ما كان ما دخلو هو حتى ما تجاوب معايا ، يعني الذنب ذنبي انا ، كنت حابه ننتقم من اوس ، كي ستغلني ، كنت حابة نردولو الصاع صاعين ، بصح صدقيني لو كان عرفت انو نتي و اياز كاين شي بيناتكم عمري لا كنت راح نخمم ندير هاد الشي ، صدقيني 😢😔
مروى : يااااه. صار هكدا ؟؟؟ سمحلي بصح بعد الشي اللي شفتو منك واللي صرا بينك وبين راجل صاحبتك ، صعيب نصدق الشي اللي راكي تحكي فيه دوك😏
لينا : مروى الله يخليك ما ديريش هاك الشي ، ما تحكيش عليا و كأنو ما تعرفينش😢
مروى : كنت نعرفك ، بصح سمحلي دوك ماعدتش نعرفك
لينا : مرووى، صدقيني ...
مروى : سمحلي انا لازم نروح دوك عندي شغل ولازم نفريه
لينا : مروي ما ديريش فيا هاد الشي الله يخليك😭 مروى ، سمحلي😭
ما جاوبتهاش ، طفاتها ، راحت و خرجت و خلاتها هي تبكي و تعض اصابعها من الندامة 😭😭.
بعد يومين
كان واقف يجر في فاليزتو و هوما يتبعو فيه ويبكوا ، مش مصدقين انو خلاص لحق وقت لفراق ، وانو يمكن ما عادش يشوفوه لفترة طويله ، دار عندهم لقاهم كامل يبكوا غمض عينيه ينفخ شاف فيهم من بعد هدر
أنس : يعني علاه اااه علاه راكو تصعبوها عليا أنا تاني اااه
-ملاك: واش راك حابنا نديرو اااه راح نخالوك تروح بالزغاريد مثلا😭
أنس : يما ، يما
-كريمة: عندها الحق يا ولدي ، واش راح يصبرنا على فراقك اااه قولي 😭
-رنيم: خويا ، بليييز ما تروحش ، بلييز😭😭
أنس : علاه راكو تحكو و كأنو ما عادش راح تشوفوني اااه ، ياك سمعتو بابا واش قال تقدرو تجيوا عندي وقت ما حبيتو ، ما راح يتبدل والو ، وزيد راح نعيطلكم كل يوم
-ملاك: ماشي كيف يا وليدي ماشي كيف😭 هنا على الاقل راك قدام عينيا ، راني مطمنة عليك ، بصح لهيه ، كيفاه راح نعرف اذا كليت ولا شربت وحتى اذا مرضت شكون راح يوقف معاك اااه قولي 😭😭 وزيد ما ديت. والو معك ،😭
أنس : انا ديت معيا غير الضروري و كي نحلق تماك الشي اللي يخصني راح نشريه نتي برك ما تقلقيش روحك
- -يوسف: واشبيكم يا نسا ، علاه كامل هاد النديب ، خلو لولد بحالو 😏
-ملاك: خليني نندب ، خليني نبكي ( هنا تفكرت فارسو خليني نبكي خليني نشكي🤣😂) وليدى راح يبعد عليا و نتا راك تقولي ما تبكيش 😭😭
-يوسف: انس وليدي راك متأكد ما راكش حاب نروحو معاك للمطار ؟؟؟
أنس : ايه بابا خير
-يوسف: اوكي كيما تحب
أنس : مالا انا لازم نروح ، خير ما تروح عليا الطيارة ، شاف فيهم و راح قرب عنقهم واحد واحد من بعد راح ركب فالطموبيل مع السائق و ديمارا للمطار وخلاهم هوما يندبو و يبكو على فراقو 😭
فالجيهة الاخرى كانت ميرال واقفة في نص الصالون مع لخرين بعد ما لمتهم كاملين ، شافت فيهم و بالإبتسامة ما مارقتش وجهها 🙂وهي تحكي
ميرال : اليوم جمعتكم كامل هنا ، راني حابة نشارككم اهم قرار تخذتو في حياتي وبما انو انتو عائلتي و كلشي بالنسبه ليا حبيت نقولكم أنو ، انو ...
شافت في اوس اللي كان غير يشوف فالارض ، قربت منو و شدتلو يدو و وخلاتو يوقف جنبها من بعد رجعت حكات:
ميرال : انا قررت انو نعطي فرصة ليا ولاوس ، حابة نعطي فرصة لزواجنا و نكمل حياتي معاه 🙂
بكلامها حس أنو لفت حبل على رقبتو ، اخر شي كان يتوقعو انو تاخد قرار كيما هاد ، القرار اللي عندو سنين يسني فيه ،بصح دوك ، حس أنو هاد القرار راح يخنقو في اي لحظه ، دور راسو شاف في لينا اللي كان وجهها ما يتفسرش ، بلعت ريقها ، دموعها على شوية راح يطيحو ، تمنات انو يكون الشي اللي حكاتو ميرال مش صح ، وانو مجرد تهيئات ، بصح يا حصرا ، القرار صدر و تحسم الامر
فهاداكك الوقت انس كان ديجا ركب فطيارتو اللي راح تحطو في اراضى الولايات المتحده الامريكيه ، طار و حلق و خلى وراه ماضيه و اوجاعو ، وكل شئ يذكرو بميرال
↚
الحلقة 155
قاعدة فالجنبنة تلعب وتضحك مع ولدها ، تحس انو الدنيا مش سايعتها و انو اخيرا الدنيا ضحكتلها في وجهها،و صالحتها ، كل الناس اللي تحبهم دايرين بيها ، ولدها ، صحابتها ، وحتى شهد تصلحت علاقتها معاها ، اما فيما يخص علاقتها مع اوس من اليوم اللي قررت تمنح زواجهم فرصة وهي دير فالشي اللي تقدر عليه حتي انها انتقلت لبيتو ، صح لحد اللحضة ما صرا والو بيناتهم بصح راهم يتشركوا في مخدة وحده ، فراشهم واحد، يعني راهي قريبة منو كتر من قبل، من قبل كان امنيتو أنو تقدر تحس بيه و تبادلو نفس مشاعرو ، و تكون قريبة منو ، بصح فاليوم اللي تحققت فيه امنينو ، مشاعرو تبادلو ، قلبو و احاسيسو صاروا ملك واحدة اخرى ، بصح مع الاسف ما قدرش يبوح بهاد الشي لانو قرر يضحي بحبو باش يوفي بوعدو لميرال ، وعدو انو عمرو لا راح يتخلى عليها مهم يصرا راح يكمل معاها فالطريق اللي مشوا مع بعض ، ما كانش قادر يعطيها بظهرو و يمشي ، كان غارق في تخمامو حتى قطعت علية سرحتو راشيل كي هدرت
-راشيل: ايييه وين راكو ناوين ترحوا اااه ، خيرتو لبلاصة ولا لا !!!
ميرال : لا ، والله مازال ، يعني اوس راه مخليني حرية الاختيار ،بصح انا حرت ، ما قدرتش نخير جاتني صعيية
-راشيل: ممممم ، صحا قولي لي واش اكتر بلاد كنتي حابة تزويرها من قبل ؟؟؟
ميرال : جات تهدر بصح سكتت كي سبقتها و جاوبت
لينا : اسبانيا ( هاد اختيار تاعي انا اللي راني حابة نروح لسبانيا)
ميرال : تبسمت على جوابها 🙂 ؛ ايه صح ، كنت ديما نحلم نزور سبانيا ، نمشي في شوارع برشلونه وفالنسيا ، نشم هو مدريد ، نروح لجزر ايبيزا 😍 تعرفي هاد الشي وحدو خلاني نحس بطاقة اجابية 😍
-راشيل: مالى فرات روحو لسبانيا ، هادي هي ، ولا واش رايك خويا !!!
-أوس؛ واش راح نقول مدام خيرت سبانيا ما عندي ما نقول
-راشيل: اوكي ، مالى غير زيدي صبري يومين وراح يتحقق الحلم تاعك 😍,
ميرال : ايه ، ايه راني صابرة 🙂
لينا : مادام راكي رايحه لسبانيا ، ما تنسايش وعدك ليا 🙂
شافت فيها و ضيقت عليها تحاول تفهم واش قصدها و واش من وعد
ميرال : واش من وعد ؟؟؟
لينا : خسارة عليك ، ياك قلتلك من قبل غير تلحقي لسبا راح تنساني و نتي مازال ما رحتيش و راكي نيستي وعدك ليا ،
ميرال : ضربت راسها ضربة خفيفه هاديك تاع صاي تفكرت) ااااه ، اااه ، 😃 لينا تحكي من نيتك ، مازالك شافيا على هاد الشي ، حكاية عندها سنين 😃
لينا : و من بعد
-راشيل: على واش راكو تهدرو !!! وحدة فيكم تفهمني !!!
ميرال : يا سيدي كي كنا نقرواو فالليسي ، كنا نفوتو وقتها فالباك ، انا كنت ديما نصرعهم ،و نقولهم يجي نهار ونروح لسبانيا ، وراح نحوس فيها كامل ، هوما كانو برك يقولو لي قصدي لينا و شي نبات كانو يقراوا معنا ، في وقتها مروى ما كوناش نحملوها كنا ديما حاسبينها حاسبة روحها🤣
مروى : شوف يا سيدي انا اللي كنت حاسبة روحي ولا نتوما اللي كنتو ما تتعشروش اااه😏
ميرال : لا سمحلي بصح كنتي حاسبة روحك (شافت في أياز ) ما تخليهاش تغرك دوك والله صدقني كانت حاسبة روحها شي عارضة ازياء
-أياز : صار هكدا
مروى : مييرال
-أياز: ايا ما نسمح لحتي واحد يغلطلي فعارصة الازياء تاعي 😜
مروى : اياااااز
-أياز: يا عيون اياز😍
-راشيل: هييه كملنا لحكاية
ميرال : يا سيدي كيما قلت لكم كنت نقول بلي يجي نهار ونروح لسبانيا. ، وهم غير يقولو لي ان شاء الله ، من بعد تخلني لينا نوعدها انو كي نروح لسبانيا نلقالها واحد من تماك ،و يديها معاه😂😂، يعني هاد الشي اللي كنا تديرو فيه هبال تاع الصح😂
لينا : علاه هبال 🤔 شي عادي وانا راني نحكي صح
غير كملت كلامها رمات عينيها في اوس اللي كان وجهو ما يتفسرش ، عيونوا كانو يقدحوا لوكان صاب راه ناض يخنقها بيديه ويكسر لها فمها ، هو علابالو مليح بلي راهي ترمي فهاد لكلام بلعاني غير باه تحرقلو قلبو كي رفضها
ميرال : لا اكيد راكي تتمسخري ياك ؟؟
لينا : علاه راني نتمسخر نحكي صح
ميرال : 😳
-راشيل: 😲😲
مروى : لينااا
لينا : والله يا بب انا تاني راني حابة نخقق هاد الحلم ، ندي واحد يكون شباب ، وزينو يهبل ، يحبني ويخاف عليا ، يتحدى قاع العالم علاجالي وما يكونش جبان 🙄
هنا فهم بلي تمعن عليه و انو هو كان جبان وقت خير انو يتخلى عليها وحتى أياز ومروى شافو في بعضهم فهمو بلي راهي ترمي فلكلام على اوس اللي كان قاعد يمتص في غضبو ناض اياز و راح جيهتو و طلب منو يدخلو الداخل و يخلو لبنات وحدهم باه يحكو على راحتهم وهي كانت غير تبتسم وكانها راضيه على الشى اللي دارتو و عاجبها الحال كي راه ياكل في روحو ومش قادر يخرج اللي كاين داخلو
↚
الحلقة 156
في مكان اخر ، تحديد في الولايات المتحده الامريكيه، في مدينة نيويورك الساعه تشير الى التاسعه ليلا ،قاعد في بيروه غاطس راسو يخدم فالبيسى وكاس القهوه حاطو قدامو ، هزو و ترشف شوية منو ، عاود رجعت هبط راسو مركز في خدمتو ، و ما هزو غير كي سمع صوت الباب يندق ، طلت راسها ورسمت ابتسامه على وجهها ، وهو عاود رجع هبط راسو ، عوجت فمها و دخلت راحت قعدت على الكرسي مقابلاتو ، تشوف فيه و طبل على البيرو بظفرتها تسني فيه يعبرها ولا يشوف فيها ، حتى يأست وهدرت هي
-جينيفر: هيييه ، راني هنا،
أنس : امممم علابالي شفتك 🙄
-جينيفر: اااه مزية ، ما كانش علابالي بلي شفتني 😏،
أنس : 🤐
-جينيفر: واش رايك نروح نسهرو برا ااااه ؟؟؟
أنس : عندي خدمة ، روحي نتي اذا راكي حابة
-جينيفر: اوف انس اوف ، خدمة ،خدمة، خدمة، هادا واش تعرف تقول😏
ناضت وراحت قربت منو و عانقاتو من اللور ، حطت راسها على رقبتو وتحكي
-جينيفر: مراكش تشوف بلي الخدمة خذات كامل وقتك ، عندك ثلاث اشهر هاد الكلمة لاصقة في لسانك تلاث اشهر ونتا ما رفدتش راسك من هاد الخدمة ، شبيك ، عطي شوية وقت لروحك ، اخرج ، شوف الدنيا ، حوس ، عيش حياتك
أنس : وانا عجبتني حياتي هكدا
-جينيفر: اممم حاب تقنعني انك راضى على حياتك هكدا ؟
أنس : شوفة عينك
هزت يديها على حطتهم على الكرسي و دوراتو عندها ، قربت وجهها من وجهو حطت عينيها في عينيه تحكي بصوت حنيين
-جينيفر: اممم صحا قولي ما راكش حاب.. حاب تنحي تعب ڨاع الخدمة هادي اااه ، ما راكش حاب تنساها و...
سكتت و هزت يديها حطتخا على خدو تعديها عليه بالسياسة ،و قربت منو تبوسو بصح هو دور وجهو خذا نفس عميق ، بلع ريقو من بعد عاود دار كمل خدمتو و هي وقفت على طولها ، تبسمت على جنب ، بقات هادية عكس داخلها يغلي 🔥 راحت رجعت لبلاصتها بخطوات ثابته ، قعدت و حطت رجل فوق رجل ، رجعت شعرها للور و كانها تحاول تهضم وتبلع في صدو ليها ، شافت فيه من بعد رجعت سقساتو
-جينيفر: واش سر ڨاع البرود اااه ، علاه راني حاسة انك انو ورا كامل هاد الغموض والبرود كاين حكاية اااه ، مثلا حكاية حب فاشلة ، علاه راني حاسة انو راك تهرب من حاجة ،متلا من جرح قديم !!!؟
بكلامها هاد كأنها قاعدة تفتحلو في جروحو ، الجروح اللي قاعد يحاول يداويها من ثلاث شهور ، من اليوم اللي ركب قرر انو يسافر و يبعد حتي اليوم ، جازوا ثلاث شهور و هو غير يحاول يشغل روحو بالخدمه ، هي الوحيده اللي تقدر تنسيه في اوجاعوا ، بصح هي دوك فتحتلو جروحو💔 هز راسو قحرلها ، خلاها تسكت وتخاف من عيونو اللي كانو شاعلين ، عروق جبينو على شوية راح يطرطڨو ، بلعت ريقها عقدت حواجبها من بعد رجعت حكات
-جينيفر: أ أأنس 😨 خير علاه راك تشوف فيا هكدا ، كاش ما قلت ؟ ياك ما يكون صح اللي قلتو ، وراك هارب من...
أنس : اخرجي
-جينيفر: اااه !!!؟
أنس : انسة جينفر ممكن تتفضلي ؟؟؟
-جيفير: راك تخرجني 😳😳
نفض يدو على البيرو خلاها تتفزع ، خزر فيها من بعد هدر و يلز على سنانو
أنس : قلتلك اخرجي اخرجيييي
هزت حاحبها للفوق من بعد ناضت دارت جيهة الباب دارت عندو خزت فيه لاخر مرة من بعد هزت روحها و خرجت ، وهو خبط كاس تاع القهوه جابو فالارض راح فتات رجع راسو للور سندو على الكرسي ، غمض عينيه حل زراز اللولة تاع شوميزتو تنفس بعمق ،وكانو يهدي في روحو بقا مدة يتنفس حتى حس روحو هدا ,حل عينيه تفكر كي باس ميرال ولكلام اللي قالته لو ، خزر فالدرج تا البيرو ، حط يدو علية وحلو قابلاتو صورتها ، شاف فيها مدة من بعد هزها بيين يديه عدا صبعو عليها ،تنهد من قلبو من بعد هدر
أنس : مدام هربت لهنا باه ننساك ، ونخرجك من قلبي علاه ما رانيش قادر ننساك ، علاش ما رانيش قادر نخرج من هاد القلب ، علاه مارانيش نحيك من قلبي ، علاه راني نتخبط في حرب محكوم عليها بالهزيمة 😢علاه في الوقت اللي قربي منك يخنقك، انا بعدك عليا يخنقني😢 علاه نتي قدرتي تكملي حياتك بلا بيا انا مازلني في نفس النقطة لا ما قدرتش نكمل حياتي 😢 ماقدرش نكون مع وحدة خرا وانا ديما نتخيل حياتي معاك نتي ،انا مازالني عايش ليك نتي عايش بخيالك ، بالرغم انك بعيدة عليا بصح انا ديمة انك قربية مني ، قلبي ما قدرش ينساك ، ما قدرش ، ما هوش راض يدخل واحدة اخرى في بلاصتك ، 😢 مكتوب عليا ندفن حبي ونعيش بعيد عليك ، مادام هاد الشي راح يريحك ، المهم نتي تكوني مهنية هاد الشي يكفيني 😢😔
رجع حط الكادر فالدورج ، عدا يدو على فمو من بعد ناض من بلاصتو هز الفيستا تاعو وراح جيهة الباب خزر فالارض وشاف فالكاس من بعد حل الباب و خرج
↚
الحلقة 157
الحلقة 157 قاعدة تتميل في فراشها بعدما تسللت اشعة الشمس داخل بيتها 🌞 ضربت في عينيها ، حلتهم على يد صغيرة تتحسس في وجهها ، شافت فيه بنص عين و حكات بصوت فيه النوم
ميرال : مممم يا درا اللي يتصبح على وجه بحال لقمر🌙 كيفاه راح يكون نهارو ؟؟؟
-جواد: 🙂 قثدك انا اللي وجهى كيما لقمل(لقمر)
ميرال : علاه كاين هنا قمر من غيرك نتا ؟
-جواد: هز راسو بالايجاب : ايه كاين🙂
ميرال : ااااه ماكانش علابالي وشكون هادا ؟؟؟
-جواد: نتي ماما 🙂😊
ميرال : ااااه ، صح 🙂 ماكانش علابالي ، مزية عند ولدي وقالهالي 🙂
-جواد🙂🙂😊
ميرال : تعرف واش راح ندير ، ولا لا؟
-جواد: هز راسو بالنفي ، لا
ميرال : ياسيدي انا دوك راح ناكلك ،انا
-جواد: وكيفاث
ميرال : اوح نوري لك كيفاش ارواح
جبدتو عندها و بدات تبوس فيه تدغدغ هو غير يضحك ويترجاها تحبس بقاوا حتى دخل عليهم كي شفافوه دارو عندو وهو ناض وجرا لحضنو
-جواد: بابا 🙂
-أوس: البطل تاعي هز و طبع بوسة مرصومة على خدو هو لف يديه على رقبتو و سند راسو على صدرو من بعد هدر
-جواد: بابا علاباك بالي ليوم لاح نخلج مع ماما ، لاح نلوحو نثلو حوابج ليا وليها وليك نتا ، عمتو لاشيل، خالتو ملوى ولينا
خير سمع اسم لينا بلع ريقو ، ضيق عينيه قرب من السرير حطو عليه فرفشلو شعرو ، تبسملو من بعد هدر
-أوس: مليح ، يعني راح تروحوا ولد ويماه 🙂
-جواد: ايه ، علاث ما تجيث معنا نتا تاني!!!(علاش ما تجيش معانا نتا تاني )
-أوس: سمحلي ولدي بصح هاد المرة ما نقدرش ، عندي خدمة ضروريه لازم نكملها ، بصح نوعدك الخطرة الجاية راح نروح معاكم ، نتا هاد الخطرة تمتع مع ماما
-جواد: ثحا بابا
-أوس: شاطر☺️، شاف في ميرال من بعد كمل كلامو : راكي متأكدة انو ماكيش حابة اياز يروح معكم ،
ميرال : ايه ،ايه مكلاه
-أوس: على الاقل ادي معاك وحدة من لبنات
ميرال : لا ماكلاه ،ما نيش حابة نقلقهم معيا ، وزيد راني حابة نقضي شوية وقت مع ولدي ، على الاقل ، نعوض السنين اللي فاتو😔
-أوس: ايه ، مدام راكي تقولي هكدا ، ما عندي ما نقولك ، برك ردو بالكم على رواحكم واذا صرات اي حاجة عيطلي 🙂
ميرال : ما تقلقش روحك ، وزيد واش راح يصرا وانا رايحه مع البطل تاعي ☺️
-أوس: اااه صح نسيت ، سمحلي🙂 (شاف في جواد)
جواد ماماك راهي امانتك ياك رد بالك عليها 🙂
-جواد: حاضل بابا🙂
-أوس نتكل عليك ☺️ وزيد كاينة حاجة خلاف ، كي تشروا لحوايج ، بلاك تنسى عمو اياز على خاطر مقبيل ما حسبتوش😉
-جواد: حط يديه على فمو هاديك تاع مصدوم
-أوس: ما تخافش راح تبقى بيناتنا 😉
-جواد: وعد
-أوس: وعد🙂. مالى انا نروح نشوفكم لعشية ان شاء
ميرال : أن شاء الله
-أوس: باي يا بطل (طبع بوسة على خدو)
-جواد: باي بابا🙂.
بعد ما خرج اوس ، ناضت هي تاني ، دارت دوش خفيف ليها ولدها ، وجدو رواحهم من بعد هزت ساكها ولمفاتيح وخرجت ، ركبت جواد من اللور ، من بعد زادت هي ركبت شعلت المحرك و ديمارات
↚
الحلقة 158
بعد مدة من السيران وصلو قدام اكبر مول ، صفت على جنب خرجت ونزلت جواد معاها شدتلو يدو و دخلو ، مع بعض ،فتلو قاع الدنيا ما خلو حتى محل و مادخلوش عليه شروا كل حاجه عجباتهم ، كملوا الشوبينڨ تاعهم من بعد راحو يفطروا مع بعض، بقاوا مدة يحكوا ويقصروا مع بعض وهي كانت غير تضحك على تصرفات جواد وكلامو😃 ، فهاداك الوقت صونا تليفونها ،وجبداتو من الساك تاعها ورفدت عليه
ميرال : ألو ، أوس
-أوس: ميرال ،
ميرال : ياك غير الخير
-أوس: لا غير كي طولتو تقلقت عليكم و حبيت نشوف وين راكو!!
ميرال : (شافت في الساعه) اااه صح طولنا، ما تقلقش روحك ، دوك نحكي شي ساعة و نكونو فالفيلا
-أوس: اوكي صحا، انا تاني راني رايح للفيلا نتلقاو تم
ميرال : صحا🙂
كوبات عليه من بعد هزو اللي شراوه وراحو حطوه فالطموبيل و ركبوا وجهتهم للفيلا.
وصل قدام الفيلا ، صف الطموبيل وخرج ، راح دخل قابلاتو الخدامة ، وغير دخل سقساها
-أوس: ميرال ، للفوق؟؟
-سرين: لا مسيو أوس ، المدام مازال ما رجعتش
-أوس: ضيق عينيه و عقد حوابو، من بعد رجع هدر
-أوس: كيفاه مازال ما رجعتش؟؟ ااااه راكي متأكدة ؟؟
-سرين: ايه متأكدة
في وسط كلامهم دخل اياز اللي كان علامات الحيرة بادية على وجهو ، قرب منو وهدر
-أياز: اوس ، خير ، واش كاين ، علاه راك مبين مقلق ؟
-أوس: ميرال و جواد
-أياز: خير شبيهم ، ياك راحو يديرو شوبينڨ
-اوس : علابالي ، بصح قبل قبل ساعتين حكيت معها قلتلي منا على ساعة راح نكون فالفيلا ،يعني المفروض انها رجعت قبل ساعة
-أياز: بلاك كان الزحمة فالطريق على هادي طولت ، عاود عيطلها ، سقسيها وين راهي
جبد تليفونو و عيطلها، بصح كان طافي عاود ،عيطلها زوج خطرات وثلاثة كيف كيف كان طافي ، شاف في أياز و هدر
-أوس: تليفونها مغلوق😨
-أياز: بلاك شي يكون الريزو ولا الباتري طاحتلها و...
-أوس:لا لا ، اكيد صرات حاجة ، هاد الشي ماشى عادي 😨
-أياز: مكلاه تسبق في تخمام هاداك
قبل ما يكمل كلامو صونا الباب وراحت سرين تفتح الباب و أياز رجع هدر
-أياز: ها نتا تشوف ، هاي رجعت نتا برك تقلق في روحك
رجعت سرين عندهم و هوما يسناوا في ميرال و جواد يدخلو حتى قربت منهم هازة في يدها ظرف شافت في اوس و هدرت معاه
-سرين: مسيو أوس ، هاد الظرف ليك ،
-أوس: ليا انا؟؟؟ شكون جابو ؟؟
-سرين: جابو واحد الراجل قالي هاد ليك و تاني وقالي نقولك الشي اللي فيه يخصك
-أوس: ااااه ، يخصني!!! واش هادشي تاني ،(شد منها الظرف وكان راح يحطو على الطابل وحبسو اياز كي سقساه)
-أياز: ما راحش تحلو!!
-أوس: واش راح يكون ، ظرف كيما غيره ، بلاك شي عرض اللي موالف يجوني ...
-أياز: ايه حلو بلاك تكون فيه حاجه مهمة ، ما سمعتش واس قالت سرين ، الشي اللي فيه يخصك نتا
شاف فيه من بعد شاف فالظرف من بعد خذا بكلامو و حلو ، جبد منو اللي كان فية ، و تحلو عينيه😲😨 من الشي اللي قاعد يشوف فيه ، بالنسبه ليه هادي كانت صدمة ثلاثية الابعاد
↚
الحلقة 159
جبد اللي كان فالظرف و تحلو عينيه 😲 من الشى اللي قاعد يشوف فيه، بالنسبه ليه هادي صدمة ثلاتية الابعاد، 😨 كانت ملاحظة مكتوب عليها بالخط العريض
" ميرال عمرها ولا كانت ليك ولا لغيرك ميرال ملك شخص واحد واللي هو انا ، هي و ولدها بلاصتهم معاها انا ، ماتزيدش تحوس عليهم على خاطر من سابع المستحيلات تلقاهم "
كانو هادو الكلمات وحدهم كافيات لحتي يهزو و يخلقو رعب داخلو ، مصيبة طاحت على راسو ، واش راه صاري ، للحظة كان حاسب انو هذا مجرد كابوس وراح يصحى منو ، بصح ياحصرا هادي حقيقة ماشي كابوس ، حس برحيله ويديه فشلوا ، طاحت الملاحظة والظرف من يدو ، وحس بالدنيا دارت بيه ، قرب منو اياز اللي ما كانش قل منو شدو من دراعو يهز و يسقسي فيه
-أياز: اوس، شبيك ، واش كاين ، علاه تقلب وجهك واش كاين فال الورقة !!!ه
ما جاوبوش ، كان غير واقف طالق روحو ، كأنو كان في عالم اخر ، شاف فالورقة ، هزها و بدا يقرى فالشي اللي راه مكتوب و ريقو ينشف ، حتى هو ما فهمش معناتو هاد لكلام، واش راه صاير ، شكون بعت هاد الظرف ، قرب منو رجع هدر بسيف
-أياز: واش يعني هاد الشي اااه ، اكيد كاش واحد راه حاب يلعب معانا ويحرقلنا اعصابنا ، علاه دار الشي ، واش غايتو و ...
-أوس: يع..بيعني انو ميرال مخطوفة😨
-أياز: 😨😨😨
-أوس: يعني كاين اللي خطف ميرال و جواد😨
غير كلامو لتفتوا في زوح على صوتهم
لينا : واشنو !!
مروى : واشنو😱 واش قلت😨
بلعو في زوج ريقهم بقاوا ساكتين ،الهدرة تلفتلهم واش راح يقولو لهم اذا هما مازال ما فهموش واش راه صاري ، قربت لينا منهم وتبعتها مروى ، راحت جيهة اوس شافت فيه وحكات
لينا : واش قصدك باللي قلتو؟ واش يعني انو ميرال و جواد مخطوفين ااه راك تتمسخر ياك ، ماشي صح😢
مروى (شدت اياز من يديه) : أياز قولي لي ، ميرال و جواد وينهم ، اه قولي اللي قالو اوس ماشي صح ، قولي اااه قولي 😢
هز يدو و حطها على خدها يعديها عليه، عطها الملاحظة شدتها، قراتها و تحلو عينيها 😳 حطت يدها على فمها وحست بدوخة كانت راح طيح حتى شدها اياز و حضنها عندو حط يدو على شعرها يعديها عليه و هي كبست يدها على الشوميز تاعو طلقت العينان لعينيها تبكي وتهدر
مروى : لا،لا،لا😭 مستحيل، لا ،اياز😭 قولي ماشي صح ، الله يخليك😭😭
لينا : مروى 😨واش كاين فالورقة ،علاه راكي تبكي 😨
قربت منها شافت فالورقة نحتهلها تقرا فيها و يديها يرجفو ، ظلامت الدنيا في عينيها ، شافت فيهم و هزت راسها بهسترية وتهدر
لينا : لا، لا ،لا 😢 هاد الشي مستحيل ، هاد الشي ماشي ، 😢 يا ربي ، ميرال 😭 خزرت في اوس وقربت منو ورجعت حكات
لينا : اوس، بربي قولي واش هادا اه ، الله يخليك ، شكون هاد اللي خطفهم ، واش راه حاب عندهم اه قولي 😭 الدراهم ياك ، هو خطفهم باش يطلب منك فدية ، ايه ، ايه هاد التفسير منطقي ، هو علابالو انو ميرال ...
-أوس: لينا😨( هز راسو بالنفى بمعنى تفسيرك غالط) لا هو مشكلتو ماشي الدراهم مع الاسف هو ..هو حاب ميرال هو هدفو ميرال مهوس بيها هو خطفها حتى تكون معاه
لينا : مهوووس، شكون هادا، من وين يعرفها
-أوس: ما معلاباليش، معلاباليش😨😔
شدتلو يديه بين يديها زيرت عليهم ، تترجى فيه و تبكي
لينا : اوس الله يخليك لقاها رجعها ، الله يخليك ، تعيش لقاهم وخليهم يرجعوا الله يخليك، الله يخليك😭😭
هز يديه و شدلها وجهها ، و قرب شويه وجهو منها يحكي
-أوس: ما تخافيش ، ما راحش نخليهم راح نرجعهم ما راح يصرلهم والو ، هاد الشي دين على رقبتي ، راح نرجعهم يا لوكان نعرف انو هاد الشي راح يكلفلي حياتي وعد ،نوعدك بهاد الشي
لينا : ااااوس
جبدها عندو ضمها بقوة ، وكأنو يواسي فيها ، كانت تبكي بين يديه حتى سكتت كي هدرت مروي معاهم
مروى : هاد ماشي وقت لبكا لازم نديرو حاجة ، لازم نكون اقوياء ، لازم نشدو رواحنا لازم نتصرفوا مع بعض
لينا : ايه صح ، لبكا والنديب ما راح يفيدو بوالو ،بهاد ما راحش نساعدو ميرال وجواد
-أوس: صح عندكم الحق ،
-أياز: اوس نتا روح قدم بلاغ ، اكيد الشرطة راح تساعدنا وانا راح نروح للمول بلاك شي شافها شي واحد ، وراح نتفقد تسجيلات الكاميرات ، مالازمش نضيعو وقت
-أوس: ايه ، صح يالله خلينا نمشوا
لينا : راح نجي معاك
-أوس: اوكي يالله
مروى : اياز انا تاني راح نجي معاك
-أياز: حبيبتي...
مروى : مكلاه تقول لي قعدي هنا على خاطر راح نروح معاك
-أياز : اوكي ، يا الله مالى
-أوس : يا الله
خرجوا مع بعض اوس راح مع لينا لمركز الشرطة يقدمو بلاغ عند النائب ، ومروى راحت مع اياز ، للمول يشوفو تسجيلات الكاميرات على آمل انو يلقاوا كاش حاجة تقدر توصلهم لميرال وجواد
↚
الحلقة 160
في مكان اخر كيما مستودع كانت مسطحة على فوتاي ، غايبة عن الوعي ، مو جايبة خبر كانت على نفس الوضعية حتى فاتت شي نص ساعة بدات تحل في عينيها بسيف ، حلتهم ودوراتهم على الارجاء حطت يدها على راسها كان يوجع فيها غمضت عينيها لثواني تحاول تستوعب واش صرا معها ،كيفاه حتى لحقت لهاد لبلاصة حلتهم بالزربة كي بدات تتفكر واش صارا
فلاش باك
قبل ساعتين
كانت تسوق فالطموبيل راجعة للفيلا فرحانه مع ولدها ، الدنيا مش سايعتها ، ما كنتش تعرف أنو فرحتها مش راح تدوم وراح تتبخر فالدفيقة اللي عارضت طريقها طموبيل كحلة ، خرجوا منها زوج رجال كانو ملثمين ، حست انو قلبها راح يخرج من بلاصتو ، ريقها نشف وهما يقربو منها ،هزت براسها بالنفي ،شافت في جواد من بعد هدرت معاه
ميرال : جواد حبيبي ، مهم يصرا ما تخافش ياك ماما راهي معاك 😨
-جواد: ماما ثكون هادو😨
ميرال : حتى حد ماما ، نتا برك عنداك تخاف صحا ماما 😨
-جواد: ثحا
دورت راسها تشوف للقدام و هادوك الرجال مازالهم يقربو منهم وهي كانت راح ترجع للور باه تروح مارش أريار↪️. حتي سمعت صوت رصاص ،كان واحد من هادوك الرجال تيرا على العجلات ثقبهم ، هزت راسها بالنفي بهسترية تهدر
ميرال : لا لا ، يا ربي شكون هادو ، يا ربي كون معايا 😨 ، هزت تليفون كانت راح تعيط لاوس حتى حلو عليها الباب و نحولها التليفون و كسروه و رماوه ، شدها من يدها و خرجها من الطموبيل تحاول تبعدو عليها و جواد كان غير يبكي من لور كانت تتخبط بين يدين الراجل وهي تحكي مع جواد
ميرال : جواد تعيش وليدي ما تبكيش ماما ماتبكيش 😭 يا روحي ما تخافش ماما راني هنا ،😭
خرجها من الطموبيل و خرج معاها جواد ويجر فيها وهي تكركر في رجليها و على لسانها غير جواد ، تحاول تهدي فيه لانو كان خايف بين يدين واحد من رجال ، من خوفها عليه غضت الراجل من يدو بقوة و جرات عند جواد ، وبدات تضرب في الراجل باش يطلقو من بعد ما حست غير بشي تحط على نيفها ، حطت يدها على يديه تحاول تنترهم بصح هو كان اقو منها ، حست بدوخة و عينيها يتغلقو شوية شوية ، اخر شي شافتو جواد كان يشوف فيها وبيكي😭
الحاضر
ناضت من بلاصتها ضربة وحدة ، شافت يمين ويسار تحوس على جواد وتعيطلو
ميرال : جواد ، جواد ماما وينك جواد حبيبي 😨 ، شافت الباب راحت جرات قربت منو تضرب فيه بيدها الزوج وتخبط عليه برحليها و تعيط
ميرال : فتحوا الباب ، شكون نتوما ، واش راكو حابين مني ، ؟ ولدي وين ، واش درتلو، وين ديتوه ، جواد ، ماما جواد ، فتحوا الباب ، جيبولي ولدي 😭 ، الله يخليكم خلوني نشوف وليدي 😭 الله يخليكم😭 طاحت على ركايبها بعد ما يأست من انو كاين اللي سمع توسلتها بقات شي دقايق تبكي على الارض حتي تفتح الباب ، هزت راسها ، سمحت دموعها حتى دخل واحد من هادوك الرجال ، رجعت خطوة للور خايفة منو ،😨 كانت غير ساكتة تشوف فيه حتى هدر هو معاها
👤 اذا راكي حابة مصلحتك نقصي من حسك و قعدي عاقلة😏
قرب منها و شدها من دراعها و قربها جيهة الفوتاي قعدها عليه ، دار كان راح يخرج حبستو كي هدرت معاه
ميرال : شوف نتوا جبتوني لهنا ، ما معلاباليش واش راكو حابين مني ولا منين تعرفوني ما راحش نعلق على هاد الشي ، بصح الله يخليك قولي ولدي وينو ، جواد وين ، قولي كلمة ، كلمة وحدة وين ديتوه ، الله يخليك قولي وينو ،اكيد راه خايف ، وزيد هو مريض ، قلبو ضعيف😭 راني خايفة كاش ما يصرالو ، لازم نكون معاه الله يخليك 😭😭
ولا كلمه من اللي حكاتو ولا حتى دمعة طاحت من عينيها قدرو يأثرو عليه وكأنو كان مجرد من الاحساس كأنو عندو حجرة في بلاصة قلبو ، هدر معاها بلا ما يدور عندها
👤 هاد الشي كامل البوص هو اللي يجاوبك عليه
ضيقت عينيها ، وعقدت حواجبها تحاول تستوعب في كلامو ، الشي اللي فهمتو انو فهماتو انو هي تاع الصح في مصيبة قربت منو وبدات تسقسي فيه
ميرال : واش قصدك ، ااه ، واش من بوص ، علاه نتو عصابة ،ااه واش راكو حابين مني ، شكون هاد البوص 😡، خليه يجي لهنا يقابلني ويقولي واش راه حاب مني ماشي يتخبى مور رجالو😡
غير كملت كلامها حتى جاها صوتو من اللور دارت شافت فيه، مش مصدقه الشي اللي تشوف فيه ،اخر واحد كان يخطر على بالها انو يخطفها هي ولدها ، حست بالدنيا كلها دارت بيها على شوية كانت راح تعاملها تحتها من خوفها ، وهي تشوف في عينيه اللي كلهم شر تشجعت وخرجت صوتها
ميرال : نن ... نتا 😨؟؟؟
↚
الحلقة 161
حط يديه في جيوبو وقرب منها بخطوات ثابته حتى وصل عندها شاف فيها مدة من بعد هدر
-اياد: ايه انا ، علاه كنتي تسناي شي حد أخر ؟؟ ولا ما تقوليليش برك ما فرحتيش كي شفتني ااه ، ما فرحتيش ياااك؟؟؟
ميرال : واش راك حاب مني ، اااه علاه حبتني لهنا ، ولدي وين راه ، واش درت فيه اااه احكي جواد وينو ؟؟؟ والله لوكان تقيس شعرة منو والله نقتلك بيديا هادو، سمعتني راح نقتلك 😤
-اياد: اوووه ، عجبتني شخصيتك بزاف ، تولي شابة كتر ، بصح راني حاب نفهم واش سر هاد الحب كامل لجواد ، يادرى كي راه وليدك نتي ولا كي هو وليد أنس اااه فهميني ؟؟؟
صدمها بسوالها كانتش تتوقعوا بعلت ريقها
ميرال : واش هاد لكلام ، جواد باباه يكون اوس، نتا اكيد مهبول و راك تخرف 😏
-اياد: يااااه ، صح جواد ولد اوس وماشي ولد انس ،ااااه ميرال ، ميراال تعرفي عحبتيني في كلش بصح فهادي لا ، والله ، هاد لحكاية تقدري تعديها على واحد كيما انس ماشي عليا أنا 😏 علابالي بكلش ، علابالي بلي نتي وهاداك اللي تسميه راجلك ما كان والو بيناتكم ، زواجكم شكلي وحتى كي راكي زعما قررتي ترجعي هاد الزواج حقيقي ما صرا والو بيناتكم ، علابالي بكامل لحكاية😉
ميرال : الله ينعلك ، الله ياخد فيك الحق ، علاه راك تبع فيا واش راك حاب من عندي ، علاه خطفتني ؟؟؟
-اياد: ما تخافيش راح نقولك كلشي ، بصح في وقتو
ميرال : جواد وين ، قولي وليدي وين ؟؟؟
-اياد؛ قلت لك ما تخافيش ، ولدك راه في الحفظ راه بين يدين امنة
ميرال : وين راه ، جبلي وليدي ني حابة نشوفو
-اياد : ميرال 😏 صدقيني انا تاني راني حاب نجيبهو لك بصح والله ما ني حاب يشوف الشي اللي راح يصرا هنا ، بالنهايه راه طفل صغير ، عيب 😉
ميرال : ااااه😲 😱 ، ووا..واش قصدك بهاد الشي ، ااااه ، فاش راك تخمم ؟؟؟
شاف فالراجل اللي كان معاه دارلو يراسو باه يخرج ، من بعد شاف فيها بنظره ما تبشرش بالخير
-اياد:صح راكي حابة تعرفي قصدي
ميرال : 😨
-اياد: قصدي ،بكلامي ، مثلا واش رايك نحيلك الروج اللي درتيه اااه ، صح جاك شباب بصح واش رايك نحي ، هاد الشي راح يكلفلي غير دقيقة وحده ، واش قلتي ؟؟؟؟
ميرال : 😨
، كان راح يخطي جيهتها حتي حبساتو بيدها تحكي
ميرال : عنداك تقرب مني ، خليك في بلاصتك
-اياد: واذا قربت واش راح يصرا مثلا اااه ، راني حاب نعرف ، قرب منها خطوة و هي رجعت خطوه، كل ما يقرب خطوة هي ترجع جطوة للور حتى ضربت فالحيط ، جات تهرب حتى حط يدو على الحيط ، جات تاني تهرب من الجيهة لخرا زاد حط يدو على الحيط حتى حصرها فيه ، كان يشوف فيها ويتبسم يستمتع بنطرة الخوف اللي يشوفها في عينيها ، ورجفة يدها ، قرب وجهو منها شوية وهي دورت وجهها باش ما تشوفش فيه ، قرب شفافو من وذنها يحكي بصوت مبحوح
-اياد: صح راني حاب ندير هاد الشي بصح ماشي دوك ، يعني راح نزيد نصبر شويه غير كمل كلامو طبع بوسة حنينة على خدها من بعد هز روحو بلا ما يزيد كلمة ولا حتى يشوف فيها ،وهي غير خرج طاحت على الارض ، هزت يديها تمسح في خدها بكمامها بهسترية ، ضمت رجليها لصدرها تبكي وتهدر
ميرال : يا رب، يا رب عاوني، يا ربي مامتحنيش بهاد الشي ، ياربي ما تخلينش نعيش هاديك الليلة مرة اخرى ، يا ربي
↚
الحلقة 163
بعد ما لحق لمركز الشرطة قدم بلاغ عند النائب و بطبيعة الحال النائب طرحلو بعض الاسئلة تخص ميرال كان قاعد فمكتبو يهز في رجليه من الستراس وهو يسمع في كلام النائب
-النائب: سي اوس ، كيما قلتك ما نقدر ندير والو حتى يفوتو 24 ساعة
-أوس: حضرة النائب ، ما نقدرش نسنى قاع هاد المدة
-النائب: سمحلي بصح ما عندي ما ندير هادو هوما القوانين
-أوس(خبط يدو على البيرو من بعد هدر) حضرة النائب راني نقولك مرتي و ولدي مخطوفين و نتا راك تقولي ستنى 24 ساعة ، بلاك شي حياتهم في خطر و ما يقدروش يسناوا 24 ساعة تاعك اااااه😤😤
-النائب: سي اوس راني متفهم قلق تاعك بصح هاد الشي ما يسمحلكش تحكي معايا بهاد الطريقه ، ما تخلينش ناخد اجراءات اخرى معاك 😡
-أوس: واش راح ندير راح تحسبني ؟؟؟
-النائب: ادا طريت ايه راح نحبسك 😏
-أوس: ايييه واش راك تسنى😡
كان يحكى و يتحدى فالنائب حتى قربت منو لينا تهدي فيه
لينا : أوس تهدن ، شبيك
-أوس: لا ، راني مهدن ما تخافيش😡
لينا : ااااوس😡، شافت فالنائب وعتذرت منو نيابة على اوس ، شدتلو يدو وخرجاتو لبرا تحكي بغش
لينا : برافو تاع الصح برافو ،يعني ما تقدرش تتحكم في اعصابك اااه
-أوس: واش ندير ، ما سمعتيش واش قال ،😡
لينا : سمعتو ، سمعتو مليح ، بصح نتا خمم فيها مليح ، بواش راح يفيد اذا حبسك ااه ، كيفا راح نحوسو على ميرال ، ؟؟؟
-أوس: اوووف ،😤 الله يلعن هاد الشي ، واش هاد المصيبة اللي طاحت على راسنا 😡 وين راح نلقاوها ، وين 😤
لينا : راح نلقاوها ، راني متأكدة ، بصح لازم برك نتوحدو مع بعض ،
-أوس: يعني ..
كان راح يحكي بصح سكت كي صونا تليفونو جبدو ورفد عليه
-أوس: قولي كاش ما لقيت ؟
-أياز:لا والو ، مكان والو ،
-أوس: شفت كاميرات المراقبه ؟
-أياز: ايه شفت من الوقت اللي دخلت للمول حتى الوقت اللي خرجت كان كلشي طبيعي ، سقسينا حتى الناس اللي كانو تم اذا كاش واحد شافها ، بصح والو ،كاين برك الي شافوها كي ركبت فالطموبيل وراحت ، قولي نتا واش صرا معاك؟
-أوس: رحت قدمت بلاغ بصح ### تاع النائب ماحبش يدير والو قالك حتي تفوت 24 ساعة😡
-أياز: وين راك دوك
-أوس: راني قدام المركز
-أياز : اوكي انا راني راجع الفيلا ، نتا تاني اروح لازم نقعدو مع بعض و نخمو مع بعض
-أوس: صحا اوكي
-أياز: اوكي
كوبا عليه دار عند لينا لقاها تقحرلو هزلها راسو بمعنى واش كاين تاني ، عدا جنبها وراح ركب فالطموبيل وهي تبعاتو ركبت معاه شافت فيه من بعد سقساتو
لينا : واش راح نديرو دوك ، وين رانا رايحين
-أوس: للفيلا
لينا : واياز كاش ما لقا
-أوس : لا مع الاسف
لينا : 😔
بلاما يزيد كلمة معها دور مفتاح السيارة شعل المحرك و ديمارا راجع للفيلا
↚
الحلقة 164
بعد لحقوا كلهم للفيلا خدوا قرار انو يتحركوا وحدهم بلا ما يسناوا تدخل الشرطة ، على هادي قرروا قبل يديرو حملة على مواقع التواصل الاجتماعي ، داور ملصقات فيها تصاور ميرال و جواد مع بعض ، وحتى قرروا انهم يحطو الخبر فالجرائد ، على آمل انو يقدر يكون شافها شي واحد ، راحو خرجوا للشوارع يوزعو فالملصقات على الغاشي ، على الرايح والجاي ، و يسقسو فيهم اذا كاش واحد شافهم ، بصح يا خسارة كل محاولاتهم باءت بالفشل ، بصح بالرغم من هاد الشي ما قطعوش الامل ، و كملو فالشي اللي بدوا فيه .
في جيهة وحده اخري وبالضبط في نيويورك كان واقف في الشرفة تاع بيتو اللي طل على كل مدينه نيويورك ، شاد في يدو كاس تاع ويسكي يترشف منو و يشوف فالاطلالة ،كان غارق في الافكار اللي تديه وتجيبو حتى قطع علية سرحتو صوت الباب ، دخلت منو الخدامة قربت منو تحكي(الحوار دار بالانجليزية)
-الخدامة: مسيو أنس ، الآنسة جينيفر و مسيو خالد جاوا و راهم يسناوا فيك لتحت
أنس : شكرا ، نتي ديهم للمكتب و انا دوك نجي
-الخدامة: حاضر مسيو أنس🙂
بعد ما خرجت الخدامة هو دخل وحط الكاس على الطابل دو نوي ، هز البيسي والملفات اللي كان يخدم عليهم وخرج ، راح طول للمكتب لقاهم يسناوا فيه ، دخل وراح طول قعد في بلاصتو بعد ما سلم عليه ، ودخل في في تفاصيل الخدمة ، حتى كملوا ، غلق البيسى شاف فيهم و هدر
أنس : بما انو تافقنا على كامل الشروط ما بقالي غير نقولك مبروك
خالد : ايه ، مبروك عليك نتا تاني ، والصراحه لوكان ماشي بنتي جينيفر هاد الشراكة ما كانتش راح تصرا 🙂
-جينيفر: بابا انا ما درت والو انا برك كنت الواسطة بيناتكم ، ودوك وقت الصح ، لازم نضربو ضربتنا و نزيدو نكبرو سمعتنا بهاد الشراكة
أنس : اكيد ، هاد الشراكة راح تخدم كلا الطرفين ، و راح تخدمني انا بزاف في مشواري المهني ، لانو الخدمة مع راجل اعمال مهم كيما نتا السي خالد هاد الشي راح مهم بالنسبه ليا
خالد: لا، لا، ما تستهنش بروحك ، نتا تاني قدرت تصنع اسمك في مدة قصيره
أنس : ايه يعني
-جينيفر: ايييبه واش رايكم نخرجوا مع بعض نحتفلو بهاد الشراكة ، اااه
خالد : ايه ، فكرة مليحة ، واش رايك نتا ؟؟
أنس : لا ، لا ،غير روحو نتوما ، انا مارانيش قادر
-جينيفر: شفت بابا ، شفت ، هاد هو انس ديما يتهرب
أنس : انسة جينيفر ما رانيش نتهرب بصح تاع الصح ما رانيش قادر ، (دار عند خالد ) سي خالد نتمنى تتفهمني بصح اليوم ما نقدرش ، خلييها لمرة اخرى
-جينيفر: اممم واش رايك لوكان تكون منا على يومين بما انو راح يكون عيد ميلادك ، واش رايك نحتفلو بيه مع بعض وزيد راك بعيد على عايلتك اااه ولا واش قولت بابا
-خالد: ايه والله فكرة مليحة
غير سمع كلمة عيد ميلادك حس أنو الارض زعزعت بيه ، جسمو كامل رجف بلع ريقو ما علابالوش علاه كلما يحاول ينسى الماضي ، يصرا شي يذكرو به و كأنو هاد الشي لعنة وتلحق فيه ، شد طرف الكرسي بيديه ويكبس عليه
أنس : لا ، مستحيل ، غير نساوا هاد الشي😨
-جينيفر: علاه تاني ، ما تقوليش برك عندك خدمة تاني !!!!
أنس : انا ما نحتفلش بيه
-جينيفر: اااه😳 علاه كاين اللي ما نحتفلش بعيد ميلادو!!!
أنس : انا وما دابيك تبدلي الموضوع
-جينيفر: (هزت تليفونها ورجعت حكات) ماشي حرام عليك ، لوكان تعرف واش خططت لهداك اليوم،
بدات تخربش فتليفونها باه توريه مخططاتها ، من بعد ضيقت عينيها من الشي اللي تشوف فيه 😳 من بعد رجعت حكات
-جينيفر: ايواه ، ايواه😳 كامل هاد الشي صرا وانا معلاباليش والله الدنيا في الطرف الاخر راهي مقلوبة
خالد: خير بنتي واش راه صاير ااه ، على واش راكي تهدري
-جينيفر: (هزت راسها وشافت فيه) والله يا بابا اللي صرا انو كامل مواقع التواصل يحكو على موضوع واحد
-خالد: خير واش هاد الموضوع؟؟؟
-جينيفر: ياسيدي الكل راهم يحكوا على قضية اختطاف ابن و زوجة اهم رجل الاعمال اوس المارديني المدعويين جواد و ميرال المارديني
↚
الحلقة 165
كلامها نزل عليه كي الصاعقة خلات كلشي فيه يرجف حس أنو قلبو راح يحبس ويخرج من بلاصتو ، مجرد ما سمع اسمها حس أنو ضعيف ، ناهيك عن موضوع الاختطاف ، تخلطو عليه احاسيسو ، شعور الخوف اللي تسلل داخلو خلاه ينوض من بلاصتو و يقرب منها ، نترلها التليفون من يدها ، حاب يتأكد من الخبر بعينيه ، تحلو عينيه على وسعهم ، كل كلمه كان يقرا فيها تخلي نفسو يضيق و يحس انو البلاصة مش واسعاتو و تخنق فيه رجفة يديه خلات التليفون يطيح من يدو ، حط يدو على زراز اللولة تاع شوميزتو حلهم و قرب من الشباك حلو و قاعد ياخذ في انفاسو بصعوبة ، الشي اللي خلى جينفر و خالد يقربو منو بخطوات ثابته ، حطت يدها على كتفو خلاتو ينفض من بلاصتو ، دار عندها و عيونو حمورا ، عروق جبينو على شوية راح يطرطڨو ، هزت يديها حطتها على خدو تعديها عليه وتسقسى فيه
-جينيفر: انس ، خير شبيها حالتك ، علاه حالتك ولات هكدا كي شقت لخبر ، ياك ما تعرفهم ؟؟؟
-خالد: راكي مليح وليدي ، واش صرالك؟
أنس : (بعد يدها من خدو و رجع هدر)، انا ، انا تسمحولي لازم نروح ،
-جينيفر: انس قولنا قبل شبيك؟؟؟ و علاه.....
ما داهاش فيها وقبل ما تكمل كلامها راح يجري لبيتو ، هز تليفونو ويديه مازالهم يرجفو ، حطو على وذنو كان يصوني يسنا فيه يرد ماكانش هامو فرق التوقيت وانو فهاداك الوقت يكونوا راقدين، كان الساعة فهاد الوقت تشير الى الزوج تاع الصبح ، قاق على صوت تليفونو يصوني ، هزو حطو على وذنو حتى جاه صوتو
أنس : علاه ، وقتاه كنتو ناوين تقولو لي ااااه
بعد التليفون من وذنو شاف فيه و كأنو يتأكد انو هو اللي عيطلو فهاداك الوقت سڨم قعده تاعو و سند روحو على السرير
-يوسف: انس ، ولدي ،خير علاه راك تعيط فهاد الوقت ؟؟
أنس : بابا ، 😡 علابالك مليح علاه راني نعيط ،
-يوسف: ااااه ، هاد الشي يعني انك سمعت
أنس : بابا ، علاه ، علاه خبيتو عليا حاجة كيما هادي ، علاه خليتوني نعرف من ناس واحد اخرين علاه انا اخر واحد يعرف😡
-يوسف: ماعندهاش بزاف من اللي صرات قلت من بعد نخبرك و...
أنس : وقتاه كنت راح تقولي اااه كي يفوت الأوان اااه قولي بابا😡
-يوسف: ماشي كنت هارب من ميرال و كلش بيتعلق بيها ، انا عمبالي ما كنش حاب تعرف اي شي عليها
أنس : بابا ما تخلينش نجهل فهاد الوقت 😡 هادك شي و الشي اللي صرا شي اخر ، حتى لو كنت هارب من ميرال بصح هي تبقى الانسانة اللي نحبها و ما نقدرش نقعد على جنب و نتفرج من بعيد
-يوسف: و واش قصدك؟؟؟
أنس : قصدي راه واضح أنا راجع ، راح نحجز باول طائره
-يوسف: أأأنس😡 واش راح دير هنا ، اااه ما تخليش الامور تزيد تتعقد بوجودك
أنس : انا مستحيل نتراجع على قراري ، هاد اخر كلام عندي راح نرجع و نقلب الدنيا عليها
-يوسف: بواش راح يفيدك وجودك هنا و زيد الكل راهم يحوسو عليها ، راجلها و...
ما خلاهش يكمل كلامو و كوبا في وجهو ، وهو دار اتصالاتو حجز باول طائره باش يرجع للبلاد
↚
الحلقة 166
كانت قاعدة في زاويه المستودع ضامة رجليها لصدرها ، تهز في روحها و دموعها ما حبوش يحبسوا ، عينيها طابو ،خوفها على ولدها اكبر من خوفها على روحها لا اياد المهوس حب يخبرها وين راه ولها ولا حتى رجالو ، لا دموعها ولا حتى عيطها جاب نتيجه بقات مدة تهز في روحها وتبكي حتى تفتح باب المستودع دخل و كان هاز صينيه تاع ماكلة بين يديه ، غير شافاتو ناضت من بلاصتها قربت منو مخلية مسافة بينها وبينه
ميرال : جواد وينو ! وليدي وينو وينو ، راني حابة نشوفو؟؟
-اياد: هاكي حطي لقمة في فمك من اللي جيتي لهنا ما كليتي والو
قرب منها و مدلها الصينيه تشدو منو ، هزا يدها و خبطها على الارض ، شاف الارض و حط يدو على لحيتو يحك فيها من بعد شاف فيها و عاود هدر
-اياد: اذا ما عجبكش هاد الماكلة راح نخليهم يجبيولك اللي تحبيه
بكلامو كانو كان قاعد يسخر منها و يلعب على اعصابها ،
ميرال : ( تحكي وتلز على سنانها) قولي لي جواد وينو ، وين ديتوه ! راني حابة نشوفو
-اياد: ما تقلقيش عليه وليدك راه في الحفظ والصون
ميرال : راني حابة نشوفو
-اياد اوكي راح ندير لك خاطرك
قرب منها و دخل يدو في جيبو وجبد تليفونو ، مدهو لها ، دموعو عينيها و هي تشوف فيه قاعد في بيت معمرة بالالعاب قاعد يلعب بيهم و كانت معاه مرا متوسطة فلعمر ، تعس فيه ، عدات يديها على شاشه التليفون و تبكي ، نترها التليفون من يدها ورجعو لحيبو من بعد هدر
اياد: يعز عليك والنديب ، كنتي حابة تشوفي وليدك ها نتي شفتيه كيما شفتي راه خير منك ،
ميرال : عديم الاحساس ما عندكش ضمير ، مدام راك حابسني هما على الاقل جيبلي وليدي حابة يكون قريب مني حرام عليك الشي اللي راك ديرو
-اياد: ما تقلقيش عليه ما راحش نأذيه مادام راكي عاقلة
ميرال : الله ياخد فيك الحق الله ياخد فيك الحق ، واش عمبالك راح تقدر تحبسني هنا كتر ، اكيد يكونو لاحظوا غيابي و راح يحوسو عليا ، و زيد اوس راح يدير اي باش يوصل لي
-اياد: يا ريت لوكان نقدر نكون متأكد قدك
ميرال : راح تشوف ، راح تشوف ، نتا غير صبر
-اياد: قولي لي بواش من صفة راح يحوس عليك
ميرال : اذا نسيت خليني نفكرك انو انا مرت اوس و جواد ولدو ، وهو يحبني و مستحيل يتخلى عليا
ضحك على كلامها و كانو ما داهاش فيه سكت من بعد قرب شويه و رجع هدر
-اياد: مارانيش حاب نخيبلك ظنك بصح اللي راكي تقولي عليه راحلي و ما يتخلاش عليا أنا نظن فهاد الوقت يكون رامي روحو بين يدين صاحبتك
ميرال : ااااه واش قصدك بهاد لكلام ، ااااه
-اياد: ساهلة ماهلة ، كلامي راه واضح بصح خليني نفهمك كتر ، هدا ياسيدي راجلك اللي راكي تسناي فيه يجي يسلك و صاحبتك اللي راكي تولي عليها ختي ، راه يمشوا الماء من تحت رجليك و ني مو جايبة خبر
ميرال : (ضيقت عينيها و تحاول تستوعب في كلامو) نتا تاع صح انسان مريض ، مهوس ، نتا انسان عايش حياتو كامله فالخداع و ظلمة ، راك عايش في مستنقع ، وراك وراك حاسب قاع الناس كيفك ،واش راك تشوف فيا مهبولة ولا مخخصوصة حتى نصدقك اللي راك تهدر فيه😡
-اياد: والله كان علابالي بلي ما راحش تصدقيني ، وراح تكذبيني ، بصح انا كي نحكي ما تحكيش بلا دليل ، شاف فيها بتحدي ، عاود جبد تليفونو و مدهو لها تشوف و تتأكد من صحة كلامو
↚
الحلقة 167
تحلو عينيها و هي تشوف في فيديو يبين فيه اوس ولينا و هوما يبوسو في بعضاهم ، مش مصدقه الشي اللي تشوف فيه راجلها و صاحبتها مع بعض الش اللي خلاها تحس باللقية 🤢 والاشمئزاز ، لدرجة انها خبط التليفون عل الحيط بقوة حتى تكسر ، بقات هادية و ساكتة و كانها ما ملقاتش واش راح تعلق على الموضوع بقات مدة ساكتة حتى هدر
اياد: سمحلي بزاف ماكنتش حابك تعرفي بهاد الطريقة يصح واش ندير كان لازم واحد فينا يهدر ، فالوقت اللي ڨاع اللي كانو دايرين ييك ستغبوك و كذبوا عليك انا خيرت نخليك تشوفي الحقيقيه
ميرال : شافت فيه و عينيها شاعلين) كيفاه حتى عرفت ، على حساب الفيديو مبين انو تصور من داخل الفيلا،
-اياد: علاه ، هاد الشي المهم دوك ؟؟
ميرال : ايه مهم ، نتا كنت عارف كلش ، وباين بلي كان عندك عين ثالثة فالفيلا توصل لك كل صغيره وكبيره وبلاك بسبابو اللي راني هنا دوك😡
-اياد: صح عندي عين ثالثة فالفيلا توصل لي كلش ، كانت تراقب فيكم بلا ما تحسوا خاصة نتي
ميرال : شكونو
اياد: اممم علابالي بلي ما راحش تصدقيني بصح راح نقولك ، عيني الثالثه هي سيرين
ميرال : (ضيقت عينيها تحاول تفهم شكون هادي سيرين) سيرين ؟؟؟ شكون سيرين !!!
-اياد: نتي بهلولة ولا تتبهللي عليا دوك 😏 علاه شحال من سيرين تعرفي ؟؟
ميرال : سيرين!!! قصدك سيريص الخدامة!!!😲😲
-اياد: ايواااه، هي بالذات ، سيرين الخدامة
ميرال : ( تهز في راسها بالنفي تحاول تنفي كلامو) مستحيل ، مستحيل راك تكذب ، الطفلة تبان ملايكة و....
-اياد: راكي قولتيها ، تبان ملايكة ، بصح هي شيطان 👿 شيطان بوجه ملايكة ، ما يغىركش مظهرها على خاطر هي اخطر حتى مني 😉
ميرال : من وين تعرف نتا سيرين ، واش علاقتها بيك نتا ؟؟
تبسم على جنب كي تفكر كيفاه عرفها ، وتفكر الليلة اللي قضاها معها ،فهاديك الليلة ( اللي دار معها اياد علاقة كانت نفسها سيرين) شاف فيها من بعد هدر
-اياد: الدراهم يحلو كلش ، من اليوم اللي عرفت انو انتي مازالك حية هاد كان قبل عام ، شفتك بالصدفة فهاداك لقبر اللي داروه لك كنتي واقفة تشوفي فيه ، تشفاي ، اااه هداك فاليوم كي شفتي ختك شهد رحتي هريتي و صدمتي بواحد ، يادرى شكون كان هاداك اااه ، انا ،كنت انا بصح نتي من خوفك انو ختك شهد ما رديتيش البال بلي انا ، وانا من هاداك اليوم نتبع فيك ، ودخلت سيرين بهاد الشي ، انا اللي بعتها تخدم تماك و راكي تعرفي الباقي 🙂
ميرال : نتوما ، نتوما شواطن ، نتوما ماشي عباد ، الله يلعنكم الله يلعنك واش راك حاب مني ، علاه خطفتني ، علاه خرجت في حياتي 😨😡
-اياد: امممم هاد هو السؤال المهم ، وصلنا الجزء الاهم فڨاع هاد لحكاية وانتي تعرفي مليح واش راني حاب من عندك
ميرال : ما عندي حتى حاجة نقدر نمدهالك
-اياد: كاين ، كاين ،
قرب منها و جبدها عندو و خصرها بيده و هي غير تحاول تبعدو عليها ودز فيه ، هز يدو و شدها من شعرها يكبس عليه و صبعو هزو و حطو على قلبها يهدر ويلز على سنيه
-اياد: هاد ، راني حاب تمدلي هاد ، حاب تكوني ليا وحدي انا ، حابك تحبيني كيما راني نحبك ، فهمتي 😡
ميرال : بعد عليا ، حيوان ، بعد ما تمسنيش 😡 اذا راك تسنى فيا نحبك غير نسى هاد ال على خاطر نتا اكثر شخص نكرهو فهمت نكرهك سمعتني نكرهك😡😤
-اياد: راكي تحكي فهاد الشي بسبة أنس### اااه ، نعرف عيونك هادو حتى اذا قدر لسانك ينكر انو ما تحبيهش، بصح راني قادر نشوف حبك ليه بهاد لعيون ، مازالكي تحلي هداك#### تاع انس المكاوي
ميرال : نتوما اكتر ثنين نكرهم في حياتي ، فهمت كي نتا كي هو نكرهكم في زوج و عمري ما راح ننسي الشي اللي دارتوه فيا😡
-اياد: قصدك اللي دارو هو هو اللي كذب عليك و خلاك تحبيه ، هو اللي تعدى عليك و من بعد بعتني عندك هو اللي رماك بين يديا ، هو اللي خلاك تحملي منو و تحيبى ولد ، بسبتو هو اللي خوك حاول يقتلك ، هو اللي دمر لك حياتي ، ماشي انا ، ذنبو هو ماشي انا 😡
ميرال : حتى نتا ما سمعتيش توسلاتي ليك ، ترجيتك بزاف إنك ما تقربش مني ، بصح نتا كيفو ، ما راحمتنيش 😡
-اياد : انا ما يهمنيش الشي اللي صرا اللي يهمني هو المستقبل مستقبلنا مع بعض ، فمهتي ، انا نعشق فيك و ما نقدرش نبعد عليك ، نتي ليا وحدي ، وراح تكوني ديما ليا واللي يدخل بيناتنا راح نحيه من طرقي
ميرال : راك تحلم بهاد الشي ، نموت و ما نكونش لواحد كيما نتا 😡 و انا ما راحش نحس من جيهتك غير بالكره و الحقد
-اياد: راح نشوفو ، اذا ما حبيتنيش برضايتك راح تحبيني بسيف عليك ، بكل الاحول راح تكوني ليا وهاد الشي راح يبدى من دوك
غير كمل كلامو زيرها عندو و حط شفافو على شفاها يبوس فيها بسيف و هي غير دز فيه ، حطت يديها على صدرو دزاتو بكل قوتها و هزت يديها و خبطاتو بكف من قوتو خلى وجهو يدور ، حطت يدها على فمها تمسح فيه بهسترية
ميرال : حيوان, اذا خممت تقرب مني مرة اخرى والله راح نقتلك ، راح نقتلك بيديا سمعتني 😤
-اياد: غير تعودي على هادي شي لانو من اليوم و رايح راح نقربلك بزاف
بلا ما يزيد كلمة هزو روحو و خرج و هي خلاها تسب فيه و تلعن فيه 😡 وهاداك الوقت كان انس هبط من الطيارة لقي يوسف يسنى فيه بعد ما سلم عليه راح ركب فالطموبيل معاه و طلب منو يوصلو لفيلا المارديني
↚
الحلقة 168
حبس الطموبيل قدام الفيلا شاف مدة من بعد جا يفتح الباب باه يخرج حط يدو على البواني تاع الباب حتى حبسو يوسف كي شدو من دراعو يحكي
-يوسف: أنس ، وليدي خلينا نرجعوا ها وليدي علابالك ڨاع اللي راهم داخل ما يحملوكش ، مكلاه تزيد تعقد الامور بوجودك تماك
أنس : بابا ، شفت اللي راهم كامل داخل ، حتى واحد منهم ما يهمني ، انا الشي اللي يهمني هي ميرال و ولدها ، راح ندخل و نفهم منهم واش صرا
-يوسف: علاه راك تخشن في راسك علاه 😡
أنس : كي تجي طل على قلبي تماك راه تفهم علاه راني نخشن في راسي
رمى في كلامو من بعد حل الباب ونزل ، راح طول يزرب عند باب الفيلا يدقدق عليه حتى حلتلو سيرين الباب اللي بلعت ريقها كي شفاتو جات تحل فمها بصح هو راح دخل طول للداخل لاقهم كامل ملمومين تماك ، وغير شافوه تصدمو ، اوس اللي كان يهدر فالتليفون ، غير شافاه كوبا وحطو على جنب قرب من وشدو من الشوميز تاعو يهز فيه ويحكي بغش
-أوس: نتا واش راك دير هنا ،اااه واش جابك لهنا 😡
نترلو يديه من شوميز تاعو شاف في عينيه يحكي ويلز على سنيه
أنس : مارانيش مظطر نبررلك علاه راني هنا ، مع انو هاد الشي راه واضح 😡
-أوس: انت قد ما تكون بعيد يكون هاد الشي مليح ، على هادي دير مزية هز روحك و خرج من داري😡
أنس : ما نيش عبد عندك باش تأمرني و تقولي واش 😏، انا قبل ما نفهم الشي اللي صرا مع ميرال ، ما رانيش متحرك ، ديرها مليح في بالك 😡
-أوس: علاه شكون نتا باه نقولك واش صرا مع مرتي ااه بصفتك شكون راك تحوس تفهم 😡
قرب منهم اياز و جبد اوس على جنب ، وقرب من انس يحكي
-أياز: انس ، كيما راك تشوف الجو راه مكهرب ، تعمل مليح لوكان تخرج ، اصلا الكل راهم على اعصابهم ، و ما خصناش مشاكل ...
أنس : قبل ما نفهم لحكاية من اللول ما رانيش متحرك منا فهمت
-أوس: ومن نيتك حاسب راح نخليك دخل روحك فهاد لحكاية، خليك بعيد على مرتي و ولدي و ما دخلش روحك
أنس : اساسا ما جيتش لهنا باه نحكي معاك نتا
-أوس: علاه مع من راك حاب تحكي مثلا
ما جاوبوش وطفاه راح قرب من لبنات ، شاف في مروى و لينا من بعد هدر
أنس : وحدة فيكم تقولي واش صرا
قرب منو اوس و كان راح يضربو حتى شدو اياز يهدي فيه
-أوس: قلتلك خرج منا 😡 وما دخلش روحك في مرتي 😡
أنس : راني نسنى فيكم😡
لينا : انس روح منا ، ما تقعدش الامور كتر من هاك
أنس : ماشي هاد هو لجواب اللي راني نسنى فيه
لينا : ونتا ما عندك شي يخصك هنا😏
أنس : ليناااا، ما تجهلينيش
-أوس: راك سمعتها ، دوك برا 😡
أنس : حتى لو ...
ما كملش كلامو حتى هدرت من لور دار شاف فيها
-شهد: خرجت صباح مع جواد راحت للمول من بعد ما ولاتش😔
قرب منها شدها من كتفها يحكي
أنس : ايه من بعد واش صرا كاش واحد عيطلكم ، ولا...
-شهد: لا مع الاسف ،وشنو بعتو ملاحظة
أنس : ملاحظة!!؟ واش من ملاحظة ، واش مكتوب فيها ؟؟؟ شكون كتبها
-شهد : بعتوها لاوس ، كانت موجهة ليه
دار عند اوس فرب منو يحكي
أنس : واش كان مكتوب فالملاحظة ؟ شكون بعتها ؟
-أوس: علاه لازم نجاوب على هاد الشي 😡
أنس : ايه ،اذا راك حاب مصلحة ميرال وجواد ايه ، لازم تجاوبني ، شوف علابالي بلي ڨاع كيما راكو هنا ما تحملونيش ، بصح هاد ماشي وقت نتعاتبو فهاد الوقت لازم نتحدوا ونتعاونو على جال مصلحة ميرال وجواد ،
-شهد: ايه صح ، انس عندو حق ، خلونا نحطوا خلافتنا على جنب ، الشي اللي يهم دوك هي ختي ميرال وجواد
-أوس: شاف في شهد منبعد شاف في أنس و عاود هدر
-أوس: اوكي صحا ، راح نسمع كلامك هاد الخطرة راني قابل بصح عندي شرط
↚
الحلقة 169
أنس : راني قابل
-أوس: راح تخبرني كلشى راح تعرفو ،وما ديرش حوايج من راسك ، اي شي راح ديروه لازم نعرفو
أنس : قلتلك قابل، بصح هاد الشي ينطبق عليك نتا تاني ، راح تقولي الصغيره ولكبيرة
-أوس: صحا
أنس : مليح ، راك خذيت قرار الصحيح
-أوس: ان شاء الله ،
أنس : ايه مادام تفقنا ، راني نسمع فيك
-أوس: و واش راك حاب تعرف ، ؟؟؟
أنس : الملاحظة، واش كان مكتوب فيها ، نقدر نشوفها ؟
-أوس: مع الاسف لا ، خاليتها عند النائب كدليل
أنس : و واش كان مكتوب فيها؟
-أوس: لكلام كان موجه ليا كان مكتوب فيها "ميرال عمرها ولا كانت ليك ولا لغيرك هي ملك شخص واحد واللي هو انا، هي ولدها بلاصتهم معاها انا و ما تزيدش تحوس عليهم على خاطر من سابع المستحيلات تلقاهم"
أنس : قولي ماكنش حاجة خلاف ولاشي حرف تحتها ؟؟
-أوس: لا ما نظنش ما لاحظتش هاد الشي علاه واش كاين؟؟؟ كاش ما راك تشك؟
أنس : انا تاني وصلتني ملاحظة
-أوس: ملاحظة !! واش كان مكتوب عليها ؟
-شهد: كاش ما قالولك ،؟؟؟
-أياز: وقتاه وصلاتك الملاحظة ؟؟
أنس : قبل ثلاث اشهر
-أوس: ثلات اشهر ؟؟
لينا : ما فهمتش انا واش دخلك الملاحظة تاع ثلاث اشهر في خطف ميرال ؟؟؟
مروى : ايه واشنو هي العلاقة بينهم
أنس : لانو لكلام تاني كان موجه ليا ، كان تقريبا نفس الشي ، كان مكتوب فيها " خليك بعيد على ميرال ولا راح تكون نهايتك على يدي ، " و كان كاتب عليها حرف( ا ) ، انا فالاول كنت حاسب بلي نتا ، جيت لهنا يومين قبل ما نسافر باه نحكي معاك ، بصح ما حكيتش
لينا : واش يعني هاد الشي دوك اااه ؟؟؟
أنس : يعني يقدر اللي بعتلي الملاحظة قبل تلات اشهر هو نفسو صاحب الملاحظة لاوس
-أوس: هاد الشي يعني كاين اللي كان يراقب كل تحركاتنا وعلابالو بكل شي
أنس : ايه ،هي ذات والواضح انو كان علابالو انو ميرال كانت خارجة مع جواد فهاداك الوقت
-أوس: كل شي صرا بسبابي ، انا هو السبة ، كيفاه حتى ما قدرتش نرد لبال لهاد الشي ،😔😔
-أياز: حتى واحد فينا ماراه غالط ، لازم نحافظو على هدوءنا ، باه نقدرو نخمو مليح ، كيما راكو تشوفو رانا قدرنا مع بعض نحلو لغز هاد الملاحظة ،
-أوس : لازم نعرفو شكون ، شكون اللي بعتها 😡 راح نهبل ياربي ، شكون هاد
أنس : يكون اللي يكون ، لازم نفهمو حاجة مادام هو دار هاد الشي كامل بلا ما نحسو عليه هاد الشي يعني انو هو انسان متيقظ ، و كل خطوة يديرها يديرلها حساب
-أوس: اااه لو كان يطيح بين يدييا😡
أنس : ما تقلقش روحك الا ما يطيح ، كيما يقولو ماكنش جريمة بدون دليل والمجرم دايما يغلط ويرجع لمسرح الجريمة ، اذا هو تاني راح يدير غلطة توصلنا ليه 😡 و تم راح نحاسبوه على هاد الشي 😤
هم كانو يحكوا مع بعضهم و فالطرف الاخر كانت سيرين تتجسس عليهم ابتسمت ابتسامه خبيتة و طلعت لبيتها جبدت التليفون تعيطلو و تخبروا بالشي اللي صرا
↚
الحلقة 170
كان قاعد مع جواد ويلعب معاه ويحاول يناسيه في اجواء الخوف اللي عاشها من يومين حتى صونا تليفونو ، هزو وشاف اسمها على الشاشة ضيق عينيه و عقد حواجبو خرج من البيت من بعد رفد عليها حطو على وذنو وحكي
-اياد: انا واش قلتلك،اااه ، من وين تفهمي نتي😡 حبيتي تجيبها على راسك وراسي ، ياك قلتلك اذا ما عيطلكش ما تعيطيليش نتي 😤
-سيرين: اممم راح نشوف اذا راح تحكي نفس الشي كي تعرف الشي اللي عيطلك عليه😏
-اياد: خير ، واش كاين ، واش صرا حتى صراعتلي راسي ،😏
-سيرين: اممم راك واجد تسمع ، على خاطر ماشكتش راح...
-اياد: خفي 😡 طلقي لسانك وبركاي ما تلعبلي على عصابي 😤
-سيرين: اوكي ، اوكي ، ياسيدي اللي صرا انو راهم كاميلين متجمعين تحت و يحاولو يعرفو شكون اللي خطف ميرال وجواد
-اياد: سيرين نتي مهبولة شي😡 اااه ، ما تخدميش عقللك لهاد الدرجة , اااه راكي حطيتينا في الريسك باتصالك هاد غير باه تقولي بلي راهم مجتمعين ااااه ، علاه أنا واش راح نتوقع منهم من غير هاد الشي 😤 يالله ، كوبي و بلاكي تزيدي تعيطلي نتي فهمتييييي😤
-سيرين: اياد ، اياد ستنى ، علاه ما عندكش صبر لهاد الدرجة 🙄 علاه بهيمة باه نعيطلك غير على هاد الشي 😏
-اياد: علاه عيطي مالى اهدري وبركاي من اللف والدوران ما تخليش صبري ينفذ 🙄
-سيرين: صحا قولي ماكش حاب تعرف شكون اللي ترأس هاد الاجتماع
-اياد: و شكون راح يكون من غير #### تاع اوس 😤
-سيرين: لا يا روحي ، راك غالط بزاااف
-اياد: شكون مالى ؟ اهدري
-سيرين: صاحبك لعزيز ، انس المكاوي
غير سمع اسم انس بلع ريقو ، عينيه ولاوا حمورا و عروقو كانو راح يطرطقو، حس انو فجأه جسمو كلو عرق من النار اللي شاعلة فيه ، نزلو قطرات من العرق من جبينو ما كانش متوقع انو يرجع و يقدر يخسرلو كامل حسباتو ، زير يدو على شكل قبضة خذا نفس من بعد هدر
-اياد: وا..واشنو 😨 انس رجع 😨
-سيرين: ايه والله
-اياد: وقتاه رجع هدا تاني ااه ، ماشي وقتو ڨاع 😤 الله ينعلو 😤 واش صرا ، حكيلي واش صرا حكيلي كامل واش صرا واش هدرو ، يا الله
-سيرين: هوما تفقوا انو يتحركوا مع بعض ، قصدي اوس و انس، راح يتعاونوا مع بعض باه يوصلو لميرال
-اياد: هههههههه من نيتهم هادو ، لوكان يطلعو لسما عمرهم ما يلقوها
-سيرين: و فيما يخص الملاحظات اللي بعتهم لاوس و أنس قدروا يعرفوا انو احتمال تكون من شخص واحد
-اياد: وغيرو ؟؟؟
-سيرين: لحد هاد اللحظه هذا اللي عرفتو
-اياد: مليح ، مليح نتي خليك ديما تراقبي فيهم وعلى خلي عينك ديما مفتوحه
-سيرين: ما هادا اللي راني ندير فيه
-اياد: ايه مليح ، ردي بالك يحسو عليك
-سيرين: كون مهني نعرف خدمتي ما تقلقش روحك
-اياد: صحا نتكل عليك ، و دوك يا الله روحي كملي الشي اللي بديتي فيه
-سيرين: اوكي صحا 🙂
كمل الهدرة معها وكوبات ، هي راحت تتحسس على لجماعة و هو واقف في نفس البلاصة هز راسو من تحت الفوق حط يديه في جيوبو من بعد حكى
-اياد: صحا يا السي انس ، مدام رجعت خلينا نلعبو مع بعض ، راك حاب توصلي ياك ، ما يكون غير خاطرك ، راح نسهل عليك المهمة ، والله راح نتغذى بيك قبل ما تتعشى بيا 😡 راح نخليك تركع على رجليك ، انا اللي راح نعفس عليك ، نهايتك ما راح تكون غير على يدييا، و ليام بيناتنا
↚
الحلقة 171
هز روحو من بعد راح طول دخل عندها ، حل الباب ولقاها قاعدة على الفوتاي تهز في رجليها و تعض وظفارها ، قرب منها من بعد راح طول قعد جنها و هي ناضت بعدت منو ،شاف فيها و تبسم بخبث ، سند روحو على الفوتاي من بعد هدر
-اياد: راني نشوف فيك مازال ما تعودتيش على لبلاصة، ااه ، مع انو ما بيها والو ، تبان مليحة 😉 بصح ما تخافيش حبي ماراحش نطولو هنا غير نكمل شغلي و نروحو نطيرو لابعاد و اجمل بلاصة فهاد الدنيا مع بعض ، انا نتي و ولدنا جواد
ميرال : اذا عطونا الجنة و ما فيها معاك راح نتخلى عليها ، نقبل نعيش فالجحيم و لا نكون في بلاصة تكون نتا فيها 😡
-اياد: ما نتي راكي في الجحيم و معايا 😉 غير تقبلي هاد الشي ، حتى واحد ما راح يديك مني ، حتى واحد سمعتني ، نتي ليا وحدي ، نتي ملكي وحدي وحتى واحد ما عندو حق فيك
ميرال : واحد مهوس ، مريض نتا انسان ما عندوش ضمير ، نتا مخلوق غريب ما عندوش علاقة بالانسانيه و...
-اياد: ااااوه😤 صراعتلي راسي بهادو لكلمات اللى راكي غير تعاوي فيهم 😡 نتي نسي ڨاع هاد الشي وخمي برك كيفاه راح تكون حياتنا من اليوم و رايح
ميرال : راك تحلم بهاد الشي ، علابالك نتا واحد مسكين ، راك حاسب انو انا راح نقدر نمد قلبي لواحد كيما نتا ، كيفاه راك حاب نفتحلك قلبي و انا مجرد ما تقرب مني نحس باللقية 🤢 نعيفك ، ونتقزز منك 😛
-اياد: معليش قولي لي تحبي دوك ، بصح حبيتي ولا كرهتي راح تكوني ليا جسمك، قبلك عقلك ،راح يكونو ملكي انا
ميرال : يمكن صح راح تقدر تملك جسمي و دير اللي راك حاب ، بصح عقلي و قلبي مستحيل يكونو ليك سمعتني ، مستحيل 😡
عقد حواجبو ، ستفزاتو بكلامها و خلات نارو تزيد تشعل ناض من بلاصتو و راح قرب منها ينهج و عيونو شاعلة ، شدلها فمها بين يديه و يزير عليه ، يحكي و يلز على سنانو
-اياد: علاه ااااه ، علاجال هذاك الكلب تاع انس ااااه ، بالرغم من الشي قاع اللي دارو فيك ما قدرتيش ترميه من قلبك و تنسايه اااه ، هو بواش خير مني اااه قولي هذاك ### ولد##### بواش خير مني 😡 بصح ما تخافيش صبري عليا شوية و ماراحش يعود في حياتك حاجة اسمها أنس المكاوي ، غير صبري عليا 😡
ميرال : واش راك ناوي دير( تحكي يسيف من الكبسة تاعو)
-اياد: راكي حابة تعرفي واش راح ندير اااه ، كيما تحبي ، دوك نوريك واش راح ندير 😡
نتر يدو من فمها من بعد عيط لواحد من رجالو ، جبد تليفونو و مدهلو
-اياد: تعرف واش راح دير ، عندك 15 ثانيه
👤 شد التليفون منو و هز راسو) حاضر بوص
دار عند ميرال شدها من دراعها و دزها على الفوتاي وهو راح يطلع فوقها يحاول يبوس فيها و ينحي لها حوايجها و هي غير تعيط و تبكي وتحاول دزو من فوقها
↚
الحلقة 172
بعد ما فاتو 15 ثاينة قام من فوقها ، سڨم حوايجو وراح عند الرجل نحالو التليفون و شعل الفيديو كان مبين تاع صح يحاول يتعدى فيها عوج رقبتو يمين ويسار دار عندها و تبسم بشر ، من بعد هدر
-اياد: ما تخافيش اكيد الشي هاد راح يصرا بصح ماشي فهاد لبلاصة 😉 كمل كلامو و خرج وهي خلاها غارقة في دموعها و خوفها😭😨
فهاداك الوقت كامل اوس وانس راحو رجعو عند النائب يستفسروا و يشوفو اذا كاين خبر و تاني يخبروه بموضوع الملاحظة ، وبعد ما كمل شغلهم كل واحد راح لدارو اوس رجع للفيلا. انس رجع للقصر سلم على ملاك و رنيم وكريمه حتى هي، قعد شوية حكى معاهم و من بعد ستأذن منهم راح طلع طول لبيتو راح للحمام خذا دوش سخون ريح ييه جسمو من تعب السفر و الستراس ، من بعد خرج لف على خصرو منشفة و جسمو كامل يقطر ، راح لخزانة جبد اول جات لبسها ، راح رمى روحو على السرير ، تنهد من قلبو غمص عينيه ، جات صورة ميرال بين عينيه ، ستحضر كل ذكرياتهم مع بعض ، تفكر شحال كانت قريبة ليه ، تفكر كي عترفتلو بحبها تفكر كي تعدي عليها و صوت بكاها و هي تترجى فيه باش ما يغتصبهاش و يكسرها حط يدو على قلبو و ناض من بلاصتو يحس في نفسو يضيق عليه😨 ، هز يدو عداها على كامل شعرو بهسترية ، راح حل باب البالكو و قعد يلقط في أنفاسو ، عينيه حمورا ، شفافو بياضو و يترعدوا بقا يتنفس بصعوبة و جسمو كامل يرجف حتى سمع في صوت تليفونو كان وصلو اشعار ، وهو كان واقف على البالكو يسترجع في أنفاسو ، ما فاتتش مدة من بعد عاود دخل لبيتو كركر روحو حتى السرير و رمى روح ، سند راسو عليه من بعد وصولو اشعار اخر كي صونا تليفونو ، دور راسو على شاف فالتليفون هز بين يديه و فتحو ،كان وصلو امايل كان مكتوب عليه اياد ضيق عينيه 😒هاديك تاع واش اللي خلاه يتفكرو من بعد كامل هاد السنين ،بلا ما يزيد يحرق اعصابو حلو يشوف واش فيه ، و فديك الدقيقه حس انو الدنيا ماتضواش ، الارض زعزعت بيه ناض من بلاصتو مفزوع 😱، يديه كامل يرجفو رجليه ما عادوش حاملنو طاح على الارض و طاحلو التليفون من يديه ، شد على طرف الطابل دو نوي ، عاود هز التليفون بيسف ظلامت الدنيا بين عينيه 😨وهو يشوف في اياد يحاول يتعدى على ميرال
↚
الحلقة 173
شد على طرف الطابل دو نوي ، عاود هز التليفون بسيف ،ظلامت الدنيا بين عينيه وهو يشوف في اياد يحاول يتعدى على ميرال ، وهي كانت تتفارع معاه وتبكي 😭 ، كان يحاول يبوس فيها بسيف وينحليها في حوايجها من بعد حبس الفيديو عينيه خرجوا من الشى اللي شافو 😳 يمكن هاد اكبر خوف عاشو في حياتو ، والمصيبة لكبيرة الفيديو تقطع، ماعلابالوش واش دارلها ولا واش صرا معاها
أنس : ميرال😨 لا، لا مستحيل😨 لا هاد الشي ما يمكنش ، اه ياربي ، يا رب ،يارب، هاد الشي ماشي صح ، ماشي صح 😨 ميرااال ،😭
كان شاد التليفون ويعاود بالفيديو حتى صونا بين يديه ، شاف فالرقم من بعد هز عليه حطو على وذنو حتى جاه صوتو من اللور كان يغني
اياد: سنة حلوة يا أنس 🎶سنة حلوة ، سنة حلوة ، سنة حلوة سنة حلوة🎵🎶يا أنس🙂
سكت من بعد رجع هدر
-اياد: عيد ميلاد سعيد صاحبي ، اااه قصدي صاحبي لقديم ، شفت كيفاه انا ما نسيتش العشرة اللي بيناتنا ، وحبيت نكون اول واحد يهنيك بعيد ميلاد ، قولي واش رايك المفاجئة عجباتك يااك؟ ، فالفيديو مليح ؟
أنس : (بلع ريقو ،لز على سنانو ويحكي) : واش درتلها
-اياد: اااه ما تقوليش برك ما عجباتكش؟؟ لا خسارة ، الشي اللي درتو كامل ما عجبك...
أنس : واش درتلها ؟ صدقني اذا تمس شعرة وحدة منها ، صدقني راح نمحيك من هاد الدنيا 😡
-اياد: لسوء حظك انا مسيت كتر من شعرة منها ،
أنس : وواش واش قصدك ااه (رغا بصوت عالي) واش درت لها ، واش درت لميرال ، 😡😤
-اياد: صحا ، صحا بلا عياط راح نقولك ، بصح قولي راك حاب تسمع التفاصيل ولا لا ؟؟ متلا قربت منها و شميت ريحتها، يديها الناعمين ، شفافها ، جسمها اااه والله صدقني زادت حلات كتر ،😍 هيجتني كتر من قبل🔥 كتلة من الانوثه ، اااه يا أنس اااه ، قولي تحب نحكي لك على تفاصيل جسمها اااه واش رايك ، يا سيدي....
أنس : بلع فمك بلع، والله راح نقتلك، راح ندفنك بيدييا
-اياد: اوووه انس 😤 شبيك ريلاكس شريك 😏 شبيك بلي هاد الشي بديناه مع بعض قبل ربع سنين ، نتا تراجعت وانا كملتو
أنس : واحد### ، ####
-اياد: يعطيك الصحه 😏
أنس : سمعني اذا ...
-اياد: نتا اللي راح تسمعني دوك (يحكي و يلز على سنانو) راح نقولك هاد لكلام و حفظو مليح 😤 نسى ميرال ، و ما تزبدس تحوس عليها على خاطر اذا نتا حبيت تلقاها انا جامي نسمح بهاد الشي ، مستحيل نخليك تلقاها لا هي و لا حتى لو..( كان راح يقولو ولدك بصح سكت) ولدها ، فهمت من اليوم و رايح ميرال ملكي انا وحياتها معايا انا 😤
أنس : تخبى وين تحب ، راح نلقاك ، يعني راح نلقاك و وقتها ...
-اياد: وقتها انا وميرال نكونو طرنا مع بعض من هنا
أنس : واش قصدك ااه؟؟
-اياد: قصدي انو ما تعييش روحك على والو على خاطر من غدوى صبح راح نهزهم من هنا
أنس : راك تحلم بهاد الشي راك تسمعني ، راك تحل...
ما كملش كلامو حتى كوبا في وجهو ، خلاه يفور ويغلي 😡 ويسب ويشتم بصوت عالي الشي اللي خلاهم ينوضو كامل يجروا عندو دخلوا عليه لقاوه يكسر كلشي يلقاه في طريقو 😡 كان راح يخبط يدو على لمرايا حتى حبسو يوسف كي شدلو يدو
↚
الحلقة 174
-يوسف: انس شبيك ، هبلت ، هدن روحك
-ملاك: وليدي واش صرا واشبيك ؟؟
أنس : ميرااال
-يوسف: علاه راك دير فروحك هاد الشي ، اكيد راح نلقاوها نتا يىك هدن روحك
أنس : اياد ، اياد
-ملاك: اياد؟؟؟ شكون اياد؟؟ ولا راك قاصد الهم اللي كان صاحبك ؟
أنس : هز راسو بالايجاب
-يوسف: خير واشبيه هادا تاني ؟؟
أنس : هو ، هو
-ملاك: واش قصدك؟ واش دار
-رنيم: دقيقة ،دقيقة اذا ما رانيش غالطة راك قاصد انو عندو علاقة بخطف ميرال ، هذا اذا ماشي هو اللي دارها ؟؟
شافو فيها كامل من بعد شافو في أنس
-ملاك: واشنو ؟؟؟
-يوسف: واشنو الشي اللي راه تحكي فيه ختك صح ااه ، هذاك الكلب عندو يد فهاد الشي ؟؟؟
شاف في تليفونو من بعد راح هزو و مدلو يتفرج على الفيديو ، بلع ريقو ما صدقش الشي اللي كان يشوف فيه
-يوسف: كلب ، حيوان ، الله لا تربحو😡
-ملاك: شيطان ، الله يكسر يديه الله لا تربحو
-يوسف: واش راح دير ااه ، واش...
قبل ما يكمل كلامو نترلو التليفون من يدو و هز روحو و خرج خلاهم يحكوا موراه ،
-يوسف: انس ، وين راك رايح ، واش راح دير؟؟
-ملاك: انس ، انس ستنى وين راك راح 😨 اااه ياربي وقتاه راح يضحك وجهو هاد الطفل، وقتاه؟ وقتاه الفرحة راح تزور حياتو ، والله حرام اللي راه يعيش فيه حرام😔
دار عندها يوسف و حكى
-يوسف: وليدك راه يخلص فالغلطة اللي دارها ، الغلطلة اللي راح ترافقوا طول حياتو 😡
-ملاك: صح هو غلط بصح هو خلص هاد الشي، خلص و بزيادة ،
-يوسف: وبلاك مازال راح يخلص
-ملاك : يوسف 😏 ما فهمتش اذا راك معاه ولا راك واقف ضدو 😡
-يوسف: معلوم راني معاه ، وراح نكون ديما معاه ،
-ملاك : والله انا الشى اللي راني نشوف فى لعكس
-يوسف: لا ، انا برك ما نقدرش نتغضى على الغلطة اللي في كل مرة تصرا حاجة و تفكرو بيها ، وها نتي تشوفي ، المرة هادي الضربة تاني جات في ميرال ، ما علابالناش حتى واش دار فيها هاداك الكلب ، وفوق كامل هاد الشي كاين طفل صغير فالوسط ، واش ذنبو و الله حرام اللي راه تعيش فيه هاد الطفلة
-ملاك: ما راح يصرا الو لميرال ، راني متأكدة ، انس راح يلقاها و يمنعها ، راني متأكدة ، هو ما راحش يخلي لمرا اللي يحبها بين يدين هاذاك الشيطان
-يوسف: أن شاء الله ، نتمى انو ما يتطعطلش على هاد الشي😔
-ملاك: أن شاء الله😔
فالوقت اللي هوما كانو يتناقشوا مع بعض انس فهاداك الوقت كان ديجا ركب فالطموبيل وراح طيران عند أوس
↚
الحلقة 175
حبس قدام الفيلا نزل طول و راح يطبطب على الباب بقوة و مو هامو الوقت خلاهم كامل يفيقو حلتلو سيرين اللي كان مبين عليها بلي كانت غاطسة في سابع نومها ، عكس اوس اللي ما قدرش يرقد و حتى اياز ولبنات اللي كانوا واقفين غير يشوفو فيه و مش فاهمين واش السر اللي خلاه يجي فهاد الوقت من الليل ،
-أوس: خير انس علاه راك هنا فهاد الوقت ؟؟
-أياز: كاش ما صرا ؟
لينا : علاه جيت فهاد الوقت ،؟؟
قربت منو و شداتو من دراعو تحكي
-شهد: خير كاش ما بان على ختي ميرال ، كاش ما عرفت ؟ على بيها ما قدرتش تصبر حتى لغدوى؟
-أوس: هاد الشي صح ، جيتك لهنا عندها علاقة بميرال؟
بلع ريقو، شاف فيهم كامل من بعد هز راسه بالايجاب عاد هدر
أنس : ايه ، صح هاد الشي
-أوس: واشنو ، واش عرفت ، واش كاين ؟؟؟😨
لينا : انس احكي شبيك مازال ساكت اهدر 😨
أنس : انا عرفت شكون اللي خطف ميرال وجواد
تحلت ڨاع عينيهم خاصة سيرين اللي كانت مصدومة كتر منهم كامل ، هاد كانت متوقعاتو و خايفة في نفس الوقت انو يكون تاع الصح عرف بلي اياد هو ورا خطفهم كانت مصدومة لدرجة انو ما حستش كيفاه هدرت و سقساتو
-سيرين: شكون اللي خطفهم ، كيفاه عرفت ، شكون قالك ؟؟؟ (كي حست انو قريب تفضح روحها شافت فيهم لقاتهم كامل يخزروا فيها من سكتت)
-أوس: ايه ، رانا نسمعوا فيك ، قولنا شكون ، شكون هاد اللي تحرأ وخطف ميرال و جواد ؟؟
مروى : شكونو؟ احكي اللي تعرفو
لينا : أنس
حس انو خنقوه بأسئلتهم ، ومعادش قدر يتنفس ، واش راح يقولهم ، كيفاه راح يقولهم انو اياد هو اللي خطفهم ، كيفاه راح يتجرأ يقولهم انو هاد الاختطاف عندو علاقة بالشي اللي صرا قبل ربع سنين و قضية الاغتصاب ، شاف فيهم من بعد هز روحو راح دخل طول للصالون و هوما يتبعوا فيه ويسقسوا فيهم ، من بعد فجأه دار عندهم و قالها في وجههم
أنس : اياااد 😨 اللي خطف ميرال هو اياد
تصمروا كلهم في بلاصتهم ، بلعو ريقهم و وجههم تخطف
لينا : ششكون اياد اااه ؟؟
مروى : مستحيل يكون هذاك الحقير تاع صاحبك. ،ياك؟ قربت منو و شداتو من دراعو وتهز فيه
مروى : قولي ما شي هو ياك ؟ هدر 😡 قول بلي ماشي اياد صاحبك ، هدر 😭
-أوس: دقيقه ، دقيقه ، اياد اللي كان راح ...
قبل ما يكمل كلامو هز تليفونو ومدلهم يتفرجوا على هداك الفيديو الشي اللي خلا قلوبهم طيح من الشي اللي يشوفو فيه ، خوفهم على ميرال زاد كتر من قبل و هوما يتفرجوا على اياد و هو يحاول يتعدي عليها و هي كانت عاجزة 😨😨
حط يدو على فمو و عداها بالزربة ، عاود حطها على خصرو يدور راسو يمين ويسار ، شاف في انس من بعد هدر
-أوس: هاد الشي يعني عندو علاقة بيك ااه، 😡 كل شي صرا بسبابكم 😡😡
قرب منو و بلا اي تردد ضربو على وجهو ببونية جابو فالارض ، 👊 نزل لمستواه و زاد ضربو على وجهو ضربات متتاليات و هو كان مخليه يعمل فيه اللي يحبو ، كان يضرب فيه حتى قرب منو اياز وبعدو عليه بسيف
-أياز: اوس ، تهدن ، شبيك راك فايق على روحك واش راك دير 😡
-أوس: خليني ، خليني أياز ،خليني نخلص و نتهنوا منو 😡
-أياز: ااااوس😤
قربت منو و هو كان مازالو على الارض شداتو من تريكوه بقوة و تهز فيه
لينا : وين راه صاحبك ، وين ، اياد وين راه مخبي وين راه هاداك الكلب 😨 ؟؟
تترلها يدها من عيط في وجهها
أنس : ما علابليش، معلاباليش صدقوني من غير الشي اللي قلتهو لكم ما علابالي بحتى حاجة خلاف 😢
مروى : ما علابالكش اااه، بصح علابالك بلي ميرال راهي دوك نفس الشي درتوه لها نتا من قبل ، ودوك هذاك الكلب ربي يعلم واش دار فيها 😭 الله لا تربحكم في زوج ، الله ياخد فيك الحق، 😭
أنس : علاه راكو تلمو فيا ، علاه انا قلبي ما هوش محروق ، علاه حالتي راهي مليحة ، واش عمبالكم انا كي هاداك الكلب كي حط يدو على ما رانيش محروق اااه انا ناري راهي شاعلة ، وما راحش تطفى غير كي نلقى هاداك الكلب و نخلص عليه 😡
-أوس: من هاد الدقيقه ، اتفاقنا راه ملغى ، ما جبد روحك و ماتزيدش دور بينا ، انا اللي راح نلقى مرتي و ولدي ما نيحقش المساعدة تاعك 😡
أنس : ااااوس راك تغلط
-أوس: الغلطة درتها كي قبلت نخدم معاك و درت فيك ثيقة من اليوم ما تزيدش دخل روحك فهاد القضية سمعتني ، ودوك يا الله برا
↚
الحلقة 176
قرب منو شدو من دراعو باه يخرجوا برا ، فهاداك الوقت صونا تليفونو سيرين اللي تقلب وجهها كي شافت اسمو على الشاشة ، بلا ما تزيد تخمم هزت روحها و راحت تجري دخلت لاول حمام قابلها و رفدت عليه
-سيرين: الو، رحنا فيها ، رحنا ، انس جا لهنا و عرف انو نتا اللي خطفت ميرال و جواد ، الدنيا راهي قايمة هنا😨
-اياد: اممم و من بعد واش صرا ، واش قالو!
-سيرين: اللي صرا أوس ضرب أنس ، ڨاع لاموه على الشي اللي صرا ،
-اياد: غيرو؟؟؟ هدا مكان؟؟
-سيرين: اوس لغى اتفاقهم ، قالوا ما نسحقش تعاوني باه نحوس عليهم ، قالوا غلط كي درت فيك ثيقة ، و خليتو كان راح يخرجوا من برا
-اياد: اممم مليح معنتها ، خطة تاعي مشات كيما حبيت👿
-سيرين: واش من خطة اااه ، فهمني ؟؟؟
-اياد: ما كنتش غالط كي كنت نقول عليك بهيمة😡 ، في رايك من وين جاب انس هاداك الفيديو اااه، كيفاه عرف انو انا اللي خطفتهم 😡 انا اللي خليتو يعرف هاد الشي
-سيرين: نتا😨😨 بصح علاه ، علاه درت هاد الشي ، علاباك واش درت 😨
-اياد: علابالي ، الشي اللي درتو فيه ريسك كبير بصح بهاد الشي خليتهم يدورو على انس و يلوموه بحكم كان صاحبي ، يعني قدرت نخليهم يبعدوه و يعازلوه ، فهمتي دوك
-سيرين: امممم ، واعر ، تاع الصح الشيطان و ما يقدرلكش
-اياد:😈😈
فالوقت اللي كانوا هوما يحكوا و يخطو مع بعض ، أنس قدر يقنع اوس انو يتراجع عن قرارو و يعطيه فرصه ثانيه خاصة كي حكالهم على الاتصال اللى دار بينو و بين اياد و قدر يقنعو انو في اي وقت يقدر يعاود يعيطلو باي وقت تاني ،وهو قبل بصعوبة ، من بعد قرروا يروحو لمركز الشرطة يحطو هذاك الدليل و أنس يقدم افادتو ، فالاول كان متردد من هاد الشي لانو فهاد الحالة يمكن تنكشف قضية اغتصابو لميرال من قبل بصح من بعد وافق ، كانو راح يخرجوا حتى حبسوا اوس كي هدر معاه
-أوس: روح قبل غسل وجهك و داويه
أنس : غير مكلاه ماشى حاجة مهمة
-أوس: والله اذا عليك لوكان يخلوني دوك نكمل عليك ، بصح خسارة ، 😡 روح داوي لجروح ماتنساش رانا رايحين لمركز الشرطة مكلاه ندخلو ف سين و جيم فهاد الوقت 😏
أنس : صحا ،اوكي
-أوس روح منا على اليمين راح يقابلك حمام راح تلقي كلش تماك 😏
هز راسو من بعد راح طول لجيهة الحمام كان يمشي خطوات ثابتة ، و ما بطاش و لحق تماك ، حط يدو على البواني كان راح يحل الباب حتى جاه صوت من الداخل كان يشبه لصوت سيرين كانت تهدر فالتليفون ، هبط يدو درا باش يروح حتى سمع كلامها
-سيرين: قولي واش راح دير معها ، ؟ صح راح تهزها من منا هي و ولدها ؟؟
-اياد: خطرات نحير فيك ، صدقيني ، علاه اما خطفتها باش نرجعها مثلا😡
-سيرين: انا عمبالي خطفتها باش تنتقم من انس ، هادي هي غايتك من الاول
-اياد: لا يا سيدي ما كانتش برك هادي غايتي ، صح كنت حاب ننتقم من هداك ### تاع انس بصح تاني كنت حاب نوصل لميرال ، كنت حاب نحصل عليها ونخليها ليا وحدي😒
-سيرين: اياااد😡
أنس غير سمع اسم اياد تحلو عينيه ، مش قادر يصدق وذنيه و كلشي تلفتلو ، حط يدو على فمو و قرب وذنو من الباب باه يسمع مليح
-سيرين: نتا كذبت عليا ياك ؟ نتا ستغليتني و ستغليت حبي ليك باش توصل لهاديك #### تاع ميرال 😡😡
-اياد: سيرين لمي فمك خير لك 😡
-سيرين: لا ما نلموش😡 ما نلموش سمعتني😡 ، اياد علاه ما راكش حاب تحس بيا اااه و الله انا نحبك اكتر من روحي ، مستعدة نضحي بحياتي علاجالك 😢 اياد ، خلينا ننساوا كلش ، خلينا نروحو منا ، راح نهربو منهم كامل نوعدك راح نخليك اسعد واحد فهاد الدنيا و...
-اياد: وانا راني حاب نكون سعيد جنب ميرال فهمتي ،ما نحبش وحدة غيرها ، ديري مليح هاد الشي في بالك😤
-سيرين: يصح انا تاني نحب...
مكملتش كلامها و كوبا في وجهها خلاها تغلي و تسب فيه و نار غيرتها تشعل
-سيرين: صحا يا سي اياد صحا ، من اليوم نتا المسؤول عن الشي اللي راح يصرا و اذا ما كنتش ليا عمرك ما راح تكون لوحدة غيري انا ما نسمحلكش نستغلني من بعد ترمني على جنب و كأنو ما عنديش وجود 😡 راح نوريلك شكون هي سيرين😡
حطت يدها على السبالة فتحها و خلاتها الماء ينزل ، غسلت وجهها وبلت رقبتها كانت تشوف في روحها فلمرايا و تهدر كي المهبولة ، وهي ماكانش علابالها انو انس كان يسمع فيها ،و نارو شاعلة 🔥 ماكنش متوقع انها تكون تخدم مع اياد و انو هي اللي توصلو كل اللي قاعد يصرا ، حط يدو على البواني و ...
↚
الحلقة 178
حط يدو على البواني و كان راح يدخل عندها ويحاسبها بصح تراجع في اخر لحظة ، خمم مليح يعني واش راح يفيد اذا واجهها ،هي اكيد تنكر هاد الشي ، ويمكن حتى أول شي ديرو راح تخبر اياد وبهاد الشي يزيد يعقد الامور و يعرض حياة ميرال للخطر ، نزل يدو من البواني و راح تخبى كي سمع صوت اقدامها ، خرجت وما عطهاش اي فرصة انو تشوفو ولا تحس بوجودو ، راحت طول دخلت طول لبيتها و هو راح دخل للحمام بقا يروح و يجي ، يروح ويجي ، حط يدو على شعرو عدها عليه ، من بعد حطها ورا رقبتو ، غمض عينيه و يأخذ في انفاسو 😫 ، حلهم من بعد شاف فالسبالة ، قرب منها و حلها ، غسل وجهو عدات مرات ،شاف فلمرايا يحكي
أنس : والله راك طحت بين يدييا ، كان علابالي بلي كنت راح دير غلطة و تكلفك ثمن الشي اللي درتو ،مدام راك حاب تلعب خلينا نلعبو ، وهاديك الخاينة اللي راح تديني حتى لعندك ، و وقتاه نوريلك واش معنتها انك تتدنى لميرال غير ستنى ،غير ستنى😡😤
هز منشفة نشف وجهو ، حط المنشفة ، بقا يشوف في مدة فلمرايا من بعد هز روحو ويخرج ، رجع طول عند اللي كان يسنى فيه جاوا يخرجوا حتى حبسوهم اياز كي هدر
-أياز: اوس تسنى راح نجي معاكم
-أوس: صحا ، يا الله مالى
أنس : أياز نتا بقى هنا ، ماجاياش نخلو لبنات وحدهم ، هاد الشي خطير عليهم تاني
-أوس: (شاف في انس من بعد شاف في أياز) ايه صح ، عندو الحق ، واحد فينا لازم يقعد مع لبنات ، ما تعرف هاداك الكلب واش قادر يدير
-أياز: صح ، هاد الشي صح ، ما تقلقوش روحكم ، راح نبقى معاهم
-أوس: صحا خويا ، و تاني شوف كاش واحد يروح للكلينك عند راشيل ، حتى هي ما راهيش فالامان ، لازم نأخدو كل احتياطات تاعنا
-أياز: صحا ، دوك نفريها ، نتى ما تقلقش روحك
-أوس(حط يدو على كتفو يطبطب عليه) صحا خويا
بعدها خرحوا أوس و أنس كل واحد ركب في طموبيلتو و ديماراوا لمركز الشرطة ، اياز راح دخل للصالون ، كان يشوف جيهة لجنينة حتى لمحها قاعدة قدام البيسين ضامة روحها تشوف للسما راح قرب منها و حضنها عندو صدرو لصق في ظهرها ،يديه حطهم على كرشها و راسو حطو على كتفها ويهدر
-أياز: علاه راكي قاعدة هنا وحدك ؟؟
مروى : اياااز خلعتني😨
اياز: اممم سمحلي ما كانش قصدي ،شفتك قاعدة وحدك حبيت نجي عندك ، ما جاوبتنيش على سؤالي ، واش راكي ديري هنا وحدك ؟
مروى : والو حبيت برك نشم شوية هوا
دورها عندو ، هز يدو و رجعلها شعرها مور وذنها
-أياز: علابالي بلي راكي مقلقة عليهم ، بصح ما تقلقيش روحك راح نلقاوهم ونحاسبو هداك الكلب
مروى : وين راح نلقاوه ، وين
-أياز: راح نلقاوهم ، الشرطة راح دير شغلها و حنا تاني ، راح نتعاونوا حتى نلقاوها
مروى : راني خايفة ، خايفة😨 نتا ما تعرفش هكداك المهبول ، كل دقيقه يقرب فيها و يقضيها مع ميرال تخنق فيها ،اكيد راهي تعيش في أسواء ايامها ، اذا انا ما ما نيش قادرة نتخيل ولا نتقبل هاد الشي ، كيفاه هي اللي راهي تعيش فيه ، راهي تعيش في نفس الشي 😢
شدلها وجهها بين يديه حط جبينو على جبينها و يحكي
-أياز: شششت, علاه راكي تتشأمي ، ما راح يصرالها والو ، راح ترجع لنا،وجواد راح يجري هنا لجنينة و راح يهبالنا كيما عاويدو ،
مروى : صح راح يرجعوا ما راح يصرالهم والو 😭 ما راكش تقول هكدا باش تهديني ياااك ؟؟
-أياز: لا ، صدقيني يا عمري ، راني نحكي صح ، راني مأمن بهاد الشي ، ونتي تاني لازم تتمسكي يا لوكان بأمل صغير لازم نكونو قوايا دوك ماشي وقت نضعفو ، باش نقدرو نعاونوا ميرال
هزتلو راسها بالايجاب و غمضت عينيها تبكي وتضحك في نفس الوقت
مروى : ايه ، ايه, ماراح يصرالها والو هههه😭 هي و جواد راح يرجعوا لنا ،ماراح يصرلهم والو😭😭
ترمات في حضنو حطت راسها على صدرو و تبكي و هو ما كانش من المعاكسين ، حاوط ظهرها بيديه و حضنها هز يدو حطها على شعرها يمسحلها عليه خلاها تبكي و تفرغ كلش كان مكبوت داخلها
↚
الحلقة 179
عند اوس وانس
بعدما لحقوا لمركز الشرطة كانت الساعه تقريبا الزوج تاع الصبح ، دخلو للمركز و قدموا افادتهم و والفيديو كدليل قاطع، و ما طولش النائب اللي كان حاكم القضية و وصل للمركز ، قرا الافادة وشاف الفيديو ،من بعد سقساهم عدة اسئله ولا خليني نقول انو الاسئلة كامل كانت موجهة بشكل مباشر لأنس بحكم انو اياد كان صاحبو
-النائب: سي أنس تقدر تخبرني بالتفصيل عن المكالمه الي دارت بينك وبين اياد ؟؟
أنس : هو عيطلي باش يهنينى بعيد ميلادي ، ومنها قالي ننسي ميرال وجواد لانو راح يهزهم صباح منا وراح يديهم خارج لبلاد
-النائب: هدا مكان ؟؟؟
أنس : ايه ، هدا مكان
-النائب: ايييه يا السي انس ، دوك تقدر تفهمني علاه اياد عيط ليك و ماشي لواحد اخر ، مع انو المنطق يقول انو كان لازم يعيط للسي اوس بحكم انها تكون مرتو ؟؟
أنس : يعني راك قلتها هو كان صاحبي على هادي عيط ليا انا
-النائب: راني حاب نصدقك ، بصح كي نربط ڨاع الاحدات الي صرات نزيد نتأكد انكم مخيين حاجه مهمة، هو سبب الرئسى فهاد الاختطاف, سي أنس راني نسمع فيك اذا كان عنك شي حاجة حاب تضيفها ؟؟؟
سؤالو هاد زاد دخلو في حيط ، في لحظة تبكم و لسانو تعقد ، وجهو ولى حمر وانفاسو غير تضييق ، مادام هو جا لهنا كان متوقع من البدايه انو الشي هاد راح يصرا ، و قضية اغتصابو لميرال راح تظهر في الوسط ما كانش مفر حتى اذا ما هدرش هو، كي يوصلو لإياد راح يحكيلهم كلش ، بلع ريقو , خذا نفس وقبل ما يحل فمو سبقو أوس
-أوس: ماشى حاجة مهمة ،شيء يعني بصراحه قبل ربع سنين يعني أنس كانت تربطو علاقة مع مرتي ، و الظاهر انو اياد كان حاط عينو عليها و هي بطبيعة الحال ختارت انس ، على هادي حقد عليه هادي هي لحكاية
-النائب: و واش نوع من العلاقة اللي كانت تجمع بين السي انس و مرتك
-أوس: حضرة النائب اذا راك ملاحظ راك حطيتني في موقف محرج ، رانك تخليني نحكي على مرتي و ماضيها ، هاد الشي ثقيل شوية ،
-النائب: اممم سمحلي السي أوس ما كانش قصدي هاد الشي حبيت برك..
-أوس: حضرة النائب نظن انو مكلاه نحكو في شى ما عندوش اهميه ، موضوع كان مجرد نزوة و خلاص قبل ما يبدا ، ولا واش رايك سي أنس
أنس : شاف فيه و عيونو محلولين😳 و هزلو راسو بالايجاب
-النائب: صحا ،مدام راكو تقولو هكدا ، راح نبقاوا فموضوعنا الاساسي ، بما انو راك تقول هو راح يحاول يهرب مع المدام ميرال من غدوى صباح و حنا راح نخبروا كل المطارات و الموانئ راح نمعوا...
أنس : حضرة النائب ، تظن انو اياد غبي لهاد الدرجة ، هو مدام خبرني انو هو اللي خطفهم اكيد ماراحش يخاطر و يسافر من المطار ولا الميناء ، اكيد عندو خطة غير
-النائب: علابالي ، و حنا تاني راح نوهمو بهاد الشي ، راح نخاليه يفكر انو قدر يخدعنا ، هاد الشي اللي راح يخليه يعاود يتصل بيك ، باه يضحك و يحطك فموقف الغبي ، وحنا فهادك الوقت راح نراقب تليفون تاعك و نتعقبو الاتصال ، وانت مضطر طول معاه فالاتصال و تلهيه حتى نقدرو نحددوا موقعو ومن بعد حنا راح نتصرفو
-أوس: راك متأكد انو هاد الخطة راح تنجح ؟؟
-النائب: علاه عندك شك في قدرانتا ، ما عندكش تيقة فالشرطة؟؟
-أوس: لا ، حشا ، ما قصدتش هاد الشي
-النائب: مالى اذا ما عندكمش حاجة تزيدوها خلوني نخدم خدمتي
-أوس: صحا ، ما راحش نزيدو نعطلوك على خدمتك ، نتمنى انو كلش راح يصرا على حساب الخطة
-النائب: أن شاء الله ،
ناضوا في زوج و مدو يديهم للنائب و سلموا عليه ، من بعد خرجوا كانو يمشوا جنب بعض حتى واحد ما هدى مع لاخر ، حتى واصلوا لطموبيلاتهم ، حل اوس الباب يركب حتى حبسو انس كي حط يدو على الباب و غلقو و سقساه
أنس : علاه ما خليتنيش نحكي ، اااه علاه حبستني ؟؟
-أوس: صح حبستك ، بصح ما درتش هاد الشي علاجالك نتا ، درتو علاجال ميرال ، على خاطر رغم كلشي ماشي وقت يرموك فالحبس بسباب الشي اللي درتو معاها ، 😏
أنس : يعني ...
-أوس: نظن كلامي واضح ،ماكانش حاجة تشركنا من غير مصلحة ميرال😡
نترلو يدو من على الباب من بعد ركب فالطموبيل و ديمارا راجع للفيلا ، وهو تاني بقا واقف مدة يشوف فيه حتى ختفى عن الانظار من بعد زاد هو ركب فالطموبيل و راح
↚
الحلقة 180
فاق مفزوع على صوت التليفون يصوني ، دور راسو يمين ويسار يشوف و يحاول يستوعب وين راه ، حتى تفكر انو كان فالطموبيل قبل ما تديه عينو ، رفد التليفون شاف اسمو على الشاشه من بعد هز عليه
أنس : الو ، وي بابا خير واش كاين علاه راك تعيط فهاد الوقت ؟؟
-يوسف: جابلي ربي انا اللي لازم نسقسيك هاد السؤال, وين راك ؟ واش راك دير ؟ من اللي خرجت البارح طلع الصباح وانت مازال ما دخلتش ؟ فهمني وين راك؟
أنس : بابا ما تقلقش روحك ، عندي شغل،لازم نفريه
-يوسف: واش من شغل قولي ؟؟
أنس : شغل برك راح نفريه من بعد راح ندخل للدار
-يوسف: ياك ما هاد الشغل عندو علاقة لهاداك قليل الاصل ؟؟ أنس، وليدي بلاك دير شي تصرف متهور ، راني نقولك 😏
أنس : كان راح يهدر بصح سكت كي شافها خارجة من الفيلا تمشي وتشوف موراها تتأكد اذا يتبع فيها شي حد ولا لا ، تحلو عينيه تبسم على جنب من بعد رجع هدر مع يوسف
أنس : بابا، سمحلي راح نحكو من بعد عندي شغل دوك
-يوسف: أنس، واش راك ناوي دير فهمن...(ما كملش كلامو حتى قطع في جهو)
كان يشوف فيها من بعيد ، ركبت في تاكسي كانت تسنى فيها بعيد شويه على الفيلا من بعد ديمارات ديراكت و هو تاني شعل المحرك يتبع فيها بلا ما تحس عليه
أنس : يا الله ، يا الله نتي اديني عند شريكك يا الله ، هاد اللعبة راح تخلاص اليوم ، وشريكتك هي اللي راح نخاليها تخلاص يا السي اياد 😡 والله اليوم يا نتا يا انا واحد فينا راح يربح ، وحسب اللعبة هادي باينة بلي انا اللي راح نربح ، على خاطر انا انس المكاوي مستحيل يخسر لعبة دخل فيها ، 😡 راح نتواجهو يا السي اياد راح نتواجهو ، راني جاي لعندك 😤
كان يتبع فيها مدة و هي ما علابالها بوالو حتى لحقت لواحد لبلاصة كانت معزولة كان موجود فيها بناية تشبه للمستودع ، حبست تماك من بعد خرجت و خلصت مول الطاكسى و طلبت منو يرجع ، فهاداك الوقت هو كان صف على جنب في بلاصة وين ما يقدروش يلاحظو وجودو ، نزل من الطموبيل ، كان يقرب بالتخبية و يشوف فيها كانت تحكي فالتليفون ، و ما فاتتش مدة طويله حتى لمحوا كي خرج من واحد من البيبان اللي كانت تم ، كان يزرب في مشيتو كي الثور و غير لحق عندها شدها من دراعها شاف يمين ويسار من بعد كركرها معاه للداخل
أنس : وهاي راك تحط بين يدييا يا واحد الكلب ، راح نخليكم تخلصوا هاد الشي نتا و الكلبة اللي راهي معاك ، بصح خليني قبل نوصل عند ميرال وجواد من بعد راح نعرف شغلي معاكم 😡
كان راح يقرب حتى لمح مجموعة من الرجال كانوا واقفين قدام المستودع يعسوا فيهم ، سب بين شفافو ، من بعد قرر انو يشوف اذا يقدر يدخل من الجيهة الخلفيه ، راح يمشي بالتخبية ، قدر يتجاوز الرجال اللي كانو تماك ، بصح لسوء حظو تصدم بأثات كان محطوط تماك على جنب الشي اللي لفت انتباه الرجال و راحو يجروا يتفقدو الجيهة الخلفيه، سب و لعن زهرو من بعد راح زرب و تخبى ، كان واحد من الرجال يقرب من البلاصة اللي كان متخبي فيها حتى حبسوا صاحبوا كي هدر
👤: مكلاه تزيد تحوس هادي اللي دارت هاد الشي
دور راسو و نزل سلاحو كي لمح قطة جايزة من تماك ، هاد الشي كان لحسن حظ انس ، بعدو هادوك الرجال و هو تنفس الصعداء ،😫 من بعد راح كمل طريقو يحوس على شي مدخل يديه عند ميرال
↚
الحلقة 181
كمل طريقو يحوس على شي مدخل يديه عند ميرال ، بصح هاد المرة كان يمشي بحذر حتى لمح باب رسم ابتسامه على وجهو ، قرب من الباب بصح ختفات الابتسامة كي لقاه مغلوق ، دزو شي خطرات على امل انو يتفتح ، شاف في الباب من بعد زاد قرب شويه حتى بانت ايه طاقة صغيره ، قرب و دور راسو يمين ويسار بلاك شي يلقي حاجة يطلع فوقها و يدخل ، حتى جات عينيه على سلم كان مرمي على جنب ، راح جابو و طلع عليه حل الطاقة بلعقل كانت تاع توالات ، دخل بلاما يحسو عليه و فالوقت اللي كان راح يخرج لمح راجل كان جاي جيهة التوالات راح تخبى مور الباب و هاداك الرجل دخل و قضا حاجتو من بعد هز راسو و شاف في التاقة كانت محلول و غير جا يحل فمو حتى حط أنس يدو على فمو و لوالو رقبتو بدراعو حتى حس عليه غاب على وعيو من بعد تلقو و راح خباه، من بعد ما بعد من طريقو اول عقبة راح كمل رحلتو في البحث عن ميرال كان يقرب حتى سمعهم كي كانو يهدرو مع بعض
-اياد: هبلتي نتي ، اااه واش من عقل اللي عندك ، علابالك واش درتي😡😡
-سيرين: ايه هبلت ، هبلت😡 نتا لي خليتني نهبل ، واش عمبالك راح نخليك تروح مع هاديك ، ااه و راح نتخلي عليك
-اياد: واش راكي تخرفي 😡😡
-سيرين: مارانيش نخرف ، ماشي انا اللي راني نهدر ، عشقي ليك اللى راه يهدرني ، فهمت ، انا نحبك و نعشق فيك و ما راحش نسمحلك تروح مع هديك و تعفسني 😡
-اياد: هاد الشي ما يهمنيش ، نتي بالنسبه ليا كنتي مجرد وسيله ساعدتني نوصل الشي اللي نحبو 😡 و دوك راح يا الله طيري منا وما تخلينيش ننسي العشرة اللي كانت بيناتنا 😡
-سيرين: اياااد ، انا... ما لحقتش تكمل كلامها حتى سمعو صوت ميرال تعيط لإياد و تزڨي بصوت عالي و تضرب فالباب ، كان راح يخرج عندها حتى شداتو من دراعو
-سيرين: مستحيل نخليك تروح عندها 😡
-اياد: سيرين ,ما تجهلينيش ، نحي يدك و خليني نروح😡
-سيرين: لا ، ما راحش نخليك ، ما راحش نخليك😨
جا يحل فمو حتى سكتاتو كي حطت شفافها على شفافو و لوات يديها على رقبتو ، و هو كان يبعد فيها و هي تكبس عليه حتى خلاتو يستسلم لها و يتجاوب معها ،حطت يدها على زارا الشوميز تاعو تحلهم وحدة مور وحدة و نحالتهالو و رماتها على جنب و هو تاني حط يدو ورا ظهرها حلها السحاب تاع الروب تاعها دزها على الفوتاي و كملو الشي اللي بدوا فيه🔞🔞
فهاداك الوقت أنس كي سمع صوت ميرال راح يتبع فيه حتى لحق عندها و هي كانت تضرب على الباب ، رسم ابتسامه تدل على فرحتو حط يديه على الباب من بعد هدر معاها بصوت منخفض
أنس : ميرال، ميرال ، راكي تسمعي فيا؟
كانت قاعده على الارض ساندة راسها على الباب و غير سمعت صوتو تحلو عينيها ، مسحت دموعها بالزربة و ناضت من بعد حطت يدها على الباب تحكي
ميرال : أنس ، انس هدا نتا أنس🙂
أنس : ايه هدا نتا راني جيت
ميرال : هادا اياد ، هو اللي خطفني انا وجواد و جاني لهنا و حبسني 😢 انس الله يخليك راني خايفة خرجني من هنا 😭😭
أنس : شششت ما تخافيش يا روحي ، انا هنا ،مستحيل نخليك
ميرال : راني خايفة ، راني حابة نخرج ، حابة نروح عند جواد حابة نشوف جواد😭
أنس : علاه جواد ماهوش معاك ؟؟
ميرال : لا 😭 هذاك الحقير داه معاه و ما حبش يخليني نشوفو😭😭
أنس : شسشت خلاص يا عمري ما تبكيش،خلاص راح نخرجك منا نتي و ولدك بصح نتي برك سمعلي لكلامي و نوعدك انو راح نخرجوا منا
ميرال : واش راك ناوي دير ؟؟؟
أنس : نتي اللي راح ديري ، ماشى انا
ميرال : واش قصدك واش راح ندير
أنس : سمعني و ركزي معايا مليح ، نتي ...
↚
الحلقة 182
كانت مركزة في كلامو و غير نسنا فيه يفهمها واش لازم دير حتى تتخلص من الجحيم اللي راهي تعيش فيه
أنس : سمعني وركزي معايا مليح ، نتي لازم تخلي اياد يجي لهنا و يحل هاد الباب ،
ميرال : و كيفاه راح ندير هاد الشي ؟؟
أنس : هاد الشي ساهل ، نتي برك كملي عيطي ، و كسري الدنيا ، على اساس انك راكي حابة تحكي معاه ،
ميرال : يعني راك حاب ندخل في حالة هسترية ؟؟
أنس : ميرال، كاين غير هاد الطريقه باش يتفتح هاد الباب ،
ميرال : بصح راني خايفة منو😨 ، واش اذا رجع قرب مني اااه واش اذا حاول ي...
أنس : وقتها راح نقتلو و ناخد روحو 😡، ميرال ما متخافيش ، ماراحش نسمحلو يأذيك ، راني غير هنا ، راح نتخبى ، و هو غير يحل الباب راح نحاسبو على كلشي ، نتي برك ديري فيا ثيقة 😔
ميرال : ما انا درت فيك ثيقة من قبل ، نتا واش درت 😢 اااه (خبطت يدها الباب)😭
أنس : ميراال😔😔 ، سمعي علابالي بلي انا من قبل ...
ميرال : ماشي وقت تبريرات تاعك ، خلينا في الشي المهم
أنس : صحا😔 انا دوك نروح نتخبى و نتي ديري الشي اللي قولتهو لك
ميرال : صحا ، صحا 😒
راح تخبى و هي بدات تعيط و ترغي بصوت عالي، كسرت كامل الدنيا و تخبط فالباب برحليها
ميرال : اياد، حل هاد الباب ، خلينا نهدرو ، ايااااد حل ، هاد الباب ، حل ، حل😤
فالوقت اللي كانت هي تتخبط باه يفتح لها الباب ، هو كان ديجا ناض من فوق سيرين رمى روحو على جنب ينهج و يبلع في ريقو ، و هي تاني ما كانتش اقل منو ، هادي ثاني مرة تعمل معاه علاقة و يخليها تعيش في احاسيس بالنسبه ليها لامثيل لها ، شافت فيه و انتاسمت بخبث 😈 جات تقرب منو و تحط راسها على صدرو بصح دزها و راح لبس سروالو و زاد الشوميز تاعو ، سڨم شعرو وجا يخرج من بعد هدر معها بلا ما يدور عندها
-اياد: صح معاشرتك حلوة بصح ماتزيدش تقربي مني ، هاد الشي راه يكون اخر مرة ، اساسا. راح يكون هكدا انا لعشية راح نهز ميرال و نروحو من هنا ، راحو نبداو حياة جديده مع بعض ، على هادي نتي غير نسي اي شي صار بيناتنا اليوم و لا الشي اللي صرا من قبل ، هاد احسن شي ليك😏
عينيها تحلو من الشي اللي قاعده تسمع فيه ، هادي ثاني مرة يصدها بعد ما يجامعها ، خلاها تحس بالاهانة ، مع انو هي اللي وصلت روحها لهاد ،الشي ، هز روحو و خرج تاجه عند ميرال بخطوات. ، حتى وصل عندها قابلو واحد من رجالو كان راح يدخل ،بصح هو دارلو براسو بمعنى روح ، حط يدو في جيبو و جبد المفتاح ، حطو على الباب ، دورو حط يدو على البواني باه يدخل حتى جاتو ضربة قوية من انس على راسو ، خلاتو يطيح على طول و يفقد الوعي ، دورو على وجهو برجلو باش يتأكد انو صح فقد الوعي، بعد ما تأكد ، شاف فالباب ، تبسم ابتسامه عريضه تعبر على فرحتو ، حط يدو على البواني و حل الباب و دخل ، رمي عينيه يمين ويسار يحوس عليها ، حتى بانت ليه كانت واقفه في الزواية ساندة روحها على الحيط ، تعمرو عينيه بالدموع ، يعني و اخيرا شاف حبيبتو ، بدون اي مقدمات ، قرب منها و حضنها ، دخلها بين ضلوعو ،و يزير عليها ، يطبع في بوسات على راسها و يحكي
أنس : ميرال ، حبيبتي خلاص ، خلاص الكابوس خلاص ، ما عادش قادر يدير لك والو ااه 😢عكسها هي اللي ما دارت حتى ردة فعل ، بقات جامدة في بلاصتها حتي يديه كانو معلقين فالهوا ، ما قدرتش حتى تهز يديها تبادلو العناق، و هو بعدها عليه شوية حط وجهها بين يديه ورج حكى
أنس : ميرال ، خفت عليك بزاف ، كي شفت هداك الفيديو ، خفت ، قولي لي هو داراك شي حاجة ، هو آذاك شي اااه قولي لي؟؟؟
شافت فيه من بعد ضيقت عينيها ، هزت يديها حطتهم على صدرو و دزاتو بعيد ، خلاتو يتصدم من الجاست تاعها 😨 وكانها ما كفهاش هاد الشي حتى كملت عليه بكلامه
↚
الحلقة 183
ميرال : ما تخافش ، ما آذانيش ، اساسا ما كانش اللي آذاني فهاد الدنيا قدك نتا ،😢
خطى خطوة عندها بصح حبساتو بيدها ✋
ميرال : خليك في بلاصتك
أنس : (شاف فيها و عيونو تعمرو بالدموع) ميراال الله يخليك ما ديريش هاد الشي
ميرال : علاه راني نكذب ااه قولي ، كيما اليوم ،قبل ربع سنين فالوقت اللي كنت انا نبني احلام ونخطط لمستقبلنا مع بعض ، نتا واش كنت دير ااه واش كنت دير قولي
أنس : مييييراال
ميرال : انا راح نقولك واش كنت دير ، نتا كنت تخطط كيفاه راح تكسرني و دمرلي حياتي ، كنت تخطط مع هاداك اللي جيت تسلكني منو كيفاه تتناوبو عليا اااه ، بلاك كنتو نتفاهمو شكون فيكم اللي راح يكسرني لول😭 و طبعا كنت انت الاول ، على خاطر نتا الكل بالكل نتا أنس المكاوي الي جامي خسر 😭 انا انس المكاوي اللي ما يخسرس رهان فات فيه😭 ااااه هادا هو نتا 😭 بصح لوكان يرجع الوقت للور ماكنش راح نبني احلامي مع واحد اناني كيما نتا😢
كلامها كان بالنسبه ليه كي الملح على الجرح ، عاودت فتحتلو جروحو من جديد ، و صراحه جاتو صعيبة يسمح حقيقتو منها ، دور راسو يشوف في جيهة واحده اخرى حط يدو على فمو يكتم في صوت بكاه ، غمص عينيه وخلا دموعو يعرفوا طريقهم ، مسحهم بالزربة من بعد دار عندها شاف فيها و هدر
أنس : والله علابالي ، علابالي بلي غلط معاك ، بصح صدقيني راني نادم ، نادم بزاف 😭
ميرال : بواش راح تفيدني ندامة تاعك دوك ، راح ترجعلي ، حياتي لضاعت ، راح ترجعلي الشي اللي خديتو منو بالغصب ،اااه مثلا تقدر ترجعلي والديا اللي ماتوا و تحرقت عليهم ، .😭 راحت تقدر طفي نار اللي راهي شاعلة هنا( حطت يدها على قلبها) قولي تقدر ترجعلي ڨاع هاد الشي 😭
أنس : 😭
ميرال : مع الاسف ما تقدرش 😭 انا كنت عايشة في جنة ، نتا دخلتلها فسدتها ، ما خليتلي حتي شي نسامحك عليه ، مستحيل نقدر نسامحك ، مستحيل😢
أنس : ميرال ،شوفي ، علابالي راكي مجروحة مني براف و عندك الحق ، بصح علابالي تاني هاد لكلام ماهوش خارج من قلبك ، نتي مازالك تحبيني ، مازال قبلك ...
ميرال : لا راك غالط ، ما رانيش نحكي على خاطر راني مجروحه منك ، راني متأكدة من الشي اللي راني نهدر فيه ، ماعداش حاجة اسمها انس في حياتي ومن راح نقولك انو انا ميرال بكامل قواي العقليه انو انا نكرهك سمعتني نكرهك انس المكاوي
كلمة نكرهك بقات غير تتعاود في وذنيه، لاول مرة يحس انوخلاص فقد الامل اللي كان عايش علاجالو، و انو الانفاس اللي قاعد ياخذ فيهم عبثا على خاطر حياتو حبست و ما ولاتش عندها معنى فالدفيقة اللي خرجت هاديك الكلمة من فمها، بقا يبحلق فيها بلا ما يحكي حتى قربت منو رجعت حكات
ميرال : دوك خلينا نروحو منا ، حابة نروح نشوف جواد قبل ما يوض هاداك الحقير ، و نخرجو منا ، و تاع صح نتمنى انو تكون هادي اخر مرة نتجمعوا فيها في بلاصة وحدة ، ما نيش حابة نشوف وجهك و لا نشوفك قريب مني ولي من منين رجعت و خرج من حياتي سمعتني خرج من حياتي 😡 خزرت فيه من بعد جات تعدي من جنبو حتى تحلو عينها كي شافتو واقف قدامهم وفي يدو سلاح مصوبو جيهتهم😱
ميرال : ا ... انس😨
دار عندها و هو مهدود ، و غير شاف اياد صوب السلاح جيهتهم قرب من ميرال شدها من دراعها و رجعلها و خباها مور ظهورو
↚
الحلقة 184
قرب من ميرال شدها من دراعها و رجعلها و خباها مور ظهرو قرب خطوتين شاف في اياد وعيونو شاعلة فيهم النار ، وجهو كان حمر بعكس اياد اللي كانت علامات البرودة بادية على وجهو كان يحكي و يستفز في انس
-اياد: ااه انس واش راح ندير بيك دوك ااه قولي واش رايك لوكان نبدا من حبيبة قلبك و نحرقلك قلبك اااه 🙂 اممم بصح لا هاد الشي ما يمكنش فهاد الحالة انا تاني راح نتكوا و يتحرق قلبي ، لا لا مستحيل هاد الشي ماشي حل ما نقدرش نفرط فيها 😔 ،تعرف واش عندي حل مليح لينا كامل ، واش رايك نحط رصاصة بين عينيك و نريحك من العذاب اللي راك تعيش فيه ، 🙂 اااه واش رايك ؟؟
أنس : مدام المشكلة تاعك راهي معايا انا ،خلي ميرال تروح و خلينا نفرو هاد المشكل بيناتنا ، خلينا راجل الراجل😏
-اياد: ميرال ، ميرال ،ميرال😡😡 مازالك تحكي على ميرال ، هي ما راهيش حابة حتى تشوف وجهك و نتى راك تخابيها موراك
أنس : مدام راك حاب تمحني واش راك تسنى ااه ، يا الله ، يا الله ديرها يا الله ، مارانيش خايف
قرب خطوة منو حتى حبساتو ميرال كي شداتو من رداعو
ميرال : واشبيك هبلت ، واش راك تحكي علاه راك تحط راسك في راس هاد المهبول😨
شاف فيها من بعد شاف يدها ، حط يدو عليها نترهالها و عاود قرب كم من اياد كان راح يهدر حتى لقاها قدامو تشوف في اياد و تهدر
ميرال : اذا راك حاب تقتل كاش واحد قتلني انا 😡 يا الله ...
شدها من دراعها و رجعلها للور
أنس : نتي ما دخليش روحك
ميرال : واش راك حاب دير اااه واش هاد لهبال 😡 راك حاب تموت😤
أنس : (رغى في وجهها) ايييبه😡 حاب نموت ياك ما عندك اعتراض حتى فهادي
بلعت ريقها و تحلو عينها على وسعهم كي جاب سيرة الموت على لسانو 😨 جات تهدر قطع عليها اياد
-اياد: اوووه واش هاد الشي اللي راني نشوف فيه ، لي يشوفكم يقول عليكم راكو عايشين قصة حب افلاطوني واش هاد المسرحيه اللى ركوا تلعبو فيها؟ واش هاد الدراما؟ ، والله حصري ، بصح انا الشي ما فهمتوش علاه الناس تقدر تضحك في مسرحية دراما؟ ، على خاطر صراحه نتو منظركم وانتو فهاد الحالة تضحكو
أنس : لز على سنانو و يسب فيه
-اياد: والله مقبوله منك يا صاحبي لقديم 🙂 و دوك تشهد على روحك
حط صبعو على الزناد كان راح يخرج لرصاصة حتى جاه صوتها من اللور
-سيرين: اياااد واش راه صاري هنا
دار عندها يشوف فيها و هاديك الدقيقه انس ضربو على يدو طيحلو السلاح ، شاف فيه من بعد نزل حتى يرفدو بصح انس سبقو كي عفسلو على يدو برجلو من بعد رماه بيعد بها، و بدون اي مقدمات هز يدو و عطاه بونية على خليقتو جابو فالارض، راح تلاح عليه يضرب فيه، و كأنو يخاليه يخلص الشي اللي دارو كان يضرب فيه بقوة حتى حبس ودار كي سمع صوت ميرال عيطت بأسمو
↚
الحلقة 185
دار عندها ، من بعد شاف في الجيهة لخرا ،كانت مصوبة السلاح عليه و يديها كامل يرحفو ، شاف في اياد من بعد دزو على الارض وبعد راح قرب منها بخطوات ثابته ، حط يديه على السلاح قربو من صدرو و حطو عليه من بعد هدر باللامبالاة
أنس : يا الله ، يا الله ، واش راكي تسني
-سيرين: الظاهر راك مزروب على موتك
أنس : اساسا انا واحد ميت ، مارانيش خايف من الموت
-سيرين: اااه راك عارف واش راك تقول قولي اذا مت شكون اللي راح يسلك الاميره اللى موراك ااه قولي
أنس : حتى اذا قتلتني، اوس علابالو بلي راني وهو اكيد خبر الشرطة ، و راني متأكد انهم في طريقهم وما يبطوش و يكونو هنا ،يعني كاين اللي راح يسلكها
-سيرين: اااه علاه راك متأكد بلي راح تخرج منا عايشة😏 مدام مشكلتي ماشي معاك علاه نحمل دنوبك على رقبتي , اساسا مشكلتي راهي مع هادي ، ( صوبت السلاح جيهة ميرال) نتي ، نتي هي مشكلتي ، بسبتك اياد ماحبنيش ، انا درت كلشي غير باه يحس بيا بصح هو كان يهلوس غير بيك😢 ما حبنيش😢
أنس : سيرين ما دريش حاجة تندمي عليها نزلي السلاح ، و راح نخرج منا انا و ميرال ، راح نخذوا جواد ، يا الله خليك من لهبال
-سيرين: لا ، اذا هادي ما خرجتش من حياتنا اياد عمرو ما راح يحني ....( قطع عليها كلامها)
-اياد: سيييرين😡 بلاكي ، ما ديريش حاجة متهورة 😡 جيبي سلاح لهنا ، هادا ماشي لعب😡
أنس : ( قرب شوية منها يحكي )شوفي اذا نتي ...
-سيرين: عنداك تقرب ، 😡 خليك في بلاصتك😤
ميرال : أنس
-سيرين: اااه راكي خايفة عليه ، مادام راكي خايفة ، علاه رمتي روحك بين يدين هاكداك الخاين تاع راجلك اااه ، ولا درتي هاد الشي زكارة فيه، شوفي ، شوفي حالتو كيفاه ولات في جرتك ( كانت تهدر على أنس)
ميرال : انا ...
-سيرين: نتي واش اااه ، عمبالك ڨاع الدنيا راهي تدور عليك نتي ، و ماكنش وحده من غيرك مرئية فهاد الدنيا ، 😏بصح ما تخافيش غروروك هاد و خشمك اللى راكي مطلعتيه الفوق ، انا اللي راح نهبطو، راح نمحيك من الوجود, راح نبعتك للعالم الاخر😡
-اياد: سيرين ، نزلي السلاح ، سيريييين😡
أنس : واياك ديرها ، نزلي هداك السلاح من يديك
ميرال : 😨
-سيرين: جاهزة تروحي للعالم الاخر؟؟؟
ميرال : سيرين ،لا ( تهز راسها بالنفي)😢😭
رجعت خطوات للور و ملامحها بارده ، سڨمت سلاحها شداتو بين يديها الزوج ، شافت فيهم كامل من بعد شاف فميرال حطت صبعها على الزناد كبست عليه و بدون اي تردد خرجت منو زوج رصاصات ،خلاتهم مصدومين كاملين 😨
قرب منها اياد نحالها السلاح و حطو ورا خصرو ، شدها من دراعها يهز فيها و يعيط في وجهها
-اياد: يا المهبولة ، نتي واش درتي اااه ، علاه ما تخدميش مخك هاااد اااه ، علاه ديما متسرعة
-سيرين: انا ، انا ، هو اللي رمى رحو ، هو 😨
دار اياد يشوف انس اللي طاح على ركايبو ، و في صدرو زوج رصاصات و موراه واقفة ميرال اللي كانو عيونها تحلو من الصدمة ، 😲 ما كانتش متوقعة انو يرمي روحو قدامها ، الرصاصات اللي كان مفروض يقيسوها هي ، قاسوه هو كانت تشوف فية بصدمة من بعد نطقت اسمو بين شفافها
ميرال : أ ... أنس😨
فاقت من صدمتها كي شافاتو طايح ، راحت جرات عندو ، شدتلو وجهو بين يديه تهدر و تبكي بهسترية
ميرال : انس ، أنس ، قوم ، انس راك تسمع فيا😭 ، علاه درت هاد الشي علاه😭
درات عند سيرين اياد تشوف فيهم
ميرال : واش درتي،يا المهبولة😭 علاه، علاه درتي هاد الشي ، الله يكسر يديك 😭عاودت شاف في أنس اللي كان يتفارع باش يحكي معاها
أنس : مم.. مير.. ميرال انا ، انا
ميرال : شششت ، خلاص ما تحكييش ، ما تحكيش ما تعيش روحك 😭
عاودت شافت فيهم و رجعت حكات
ميرال : واش راكو تسناوا عيطو الاسعاف ، يا الله ، ما كوش تشوفو فيه 😭
-اياد: شاه يستهل ، يسهل يموت كي الكلب ، واذا راكي تسناي فيا نعيط للاسعاف راكي تحلمي، دوك نوريك واش راح ندير فيه
شد سيرين من يدها يكركر فيها راح جيهة الباب خرج و سكروا من برا حتى ما تقدرش تخرج من تماك و تطلب المساعدة ، وهي كانت تضرب فالباب و تترجاه يفتح لها الباب بصح لا حياة لمن تنادى ،الانسان كي يكون قبلو كحل و عديم الانسانية يقدر يعمل كلش ، ركب فالطموبيل و طلب من رجالو يبعدوا قدر المستطاع بما انو الشرطة راهي فالطريق ، ركب وركب معاه سيرين و طار طيران مخلي أنس غارق في دمو و ميرال عاحزة مش عارفه واش راح دير
↚
الحلقة 186
كانت تضرب فالباب وتبكي دارت عندو وشافت فيه كي سمعاتو يكح ،يتنفس بصعوبة و يحاول يحكي معاها
أنس : كح كح كح 😫 مم، ميراال😫 مم،ميراااال ,
ميرال : أنس ، انس ما تعبش روحك 😭 الله يخليك 😭 أنس😭
حطت يدها في جيوبو تحوس على تليفونو باش تعيط للاسعاف بصح ما لقاتوش كان مخاليه فالطموبيل نفخت هزت يدها اللي كانت معمرة بالدم ، مسحت دموعها ، وخلات كامل وجهها يتوسخ بالدم 😭 كانت تهدر و تبكي
ميرال : يا ربي واش راح ندير ، 😭 يا رب عاوني 😭 أنس الله يخليك تحمل ، تحمل ما تستسلميش😭 الله يخليك😭 انس😭😭
هز يدو بسيف وعداها على خدو يمسحلها في دموعها ويحكي بسيف
أنس : ششت مم..ماتبكيش ، والله دمو..عك 😫 ، دمو..عك اااااه 😫 غا.غال😫
ميرال : أنس😭، قولت لك ما تعبش روحك 😭
أنس : خلينى ، خليني ، نن..حكي😫 ققب..ل ما ننم..وت
ميرال : (حطت يدها على فمو ) شششت ما تزيدش تجبد سيرة الموت ، فهمت ، نتا ما عندك وين تروح سمعتني😭😭
أنس : (تبسم على جنب من بعد رجع حكى) ععلا..ه نندمم..تي ، يا. ياك من قبيل قولتلي مما..كيش حابة ، حابة😫 تتش..وفي ووجهي😫 هاي را..راح تتحق..ق امنيت..ك را.. راح تتخل..صي من..مني😫
ميرال : (كانت تهز براسها بالنفي) لا .لا انا كنت...
أنس : شششت.. خلني..ني انا .. انا نحكي😫 ، انا .. صح غلط ، مم..عك، بصح صصد..قينى انا ..أنا ندمت .. انا..أنا هادك .. هداك اليوم ..اللي ..اللي جيتي فيه مع ..مع .. يماك .. و..و قلتي بلي ..بلي ككننتي..حا..حامل بولدي..😫 انا..انا فهاداك ..اليوم حبيت..حبيتك.. 😢 ايه ميرال و.والله .حب..حبي ..ليك. حق.يقي😢 انا ننحب نحبك مم.مير..اال
تحلو عينيها على وسعهم وهي تسمعو فيه يعترفلها بحبو ليها، تبسمت بلا ما تحسن على كلامو 🙂، من جيهة فرحت انو هو اخيرا عترفلها بحبو بصح من جيهة كانت خايفة على حالتو اللي راهي تدهور ، كان يتنفس ويحكي بصعوبة وفوق كل هذا الشي ، كان قاعد تخسر فالدم واذا كمل هكدا ما راحش يقدر يتحمل كتر 😨 قرباتو منها تحضن فيه بقوة من خوفها عليه كانت تبكي وتهدر
ميرال : انس نتا تحمل ، تحمل شوية ، دوك يجوا و يخرجونا من ، نتا برك تحمل و ما تستلمش😭
كانت تحكي معاه و هو ما دار حتي ردة فعل ، بعلت ريقها حست انو ريقها نشف ، دورت لو وجهو بالزربة ،كانوا عيونو مغمضين ، شفافو بياض و وجهو كام شاحب ، هزت يدها تضريو في كفوف في وجهو تنوض فيه بصح هو ما جاوبهاش
ميرال : أنس ، أنس شبيك 😨 انس رد عليا ، نوض ، حل عينيك ، أنس.انس😭 الله يخليك ما ديريش فيا هكدا أنس😭 صدقيني كنت نكذب كي قولتلك ما نحبش نشوفك ولا نشوف وجهك 😭 والله كي قلتلك خرج من حياتي ما كنتش نحكي صح😭 وحتي كي قولتلك بلي انا نكرهك والله صدقني ما خرجتش من قلبي😭 انس لا ياروحي والله لكلام اللي حكيتو ما كانش خارج من قلبي ، كنت برك مقهورة منك هدا مكان😭 انس نوض ، نووض😢 ما تخلينش الله يخليك ، نوض والله انا تاني ما نقدرش نعيش بلا بيك 😭 ما نقدرش😭 ما تخلينش انس😭😭
كانت تهز فيه و تحاول تنوضو بصح هو كان فاقد وعيو و ماكاش حاسس بحتى شي شدتلو راسو بين ذراعها ، حطاتو على صدرها تبكي من بعد عيطت بأعلى صوت
ميرال : اااااانس
↚
الحلقة 187
بعد ما فقدت الامل انو يجي شي واحد و يحل عليهم الباب ، قعدت في الزاويه ضامة رجليها لصدرها، تهز في روحها تشوف ليه من بعيد كيفاه كان مسطح على الارض و كأنو جثة هامدة ، و كان غارق في دمو ، وهي مش قادره دير حتى شي ، فاتت ربع وهي تعيط و تضرب ، تبكي ، حاولت تكسر الباب بصح مع الاسف كل محاولاتها بأت بالفشل ، ما قدرو يجيبو حتى نتبجة ، كانت تشوف فيه و عيونها حمورا ، طابو من لبكا و هي تستنى في معحزة تصرا وتقدر تنقذ حياة أنس ، فجأة سمعت صوت كأنو شي حد كان يطبطب على الباب ، مسحت دموعها بكف يدها و راحت جرات قربت من الباب تحكي
ميرال : شكون هنا ؟؟ شكون ؟ أوس، اوس هذا نتا ؟
كانت تسنى في صوت اوس بصح تفجأت كي سمعت صوت مرا ورا الباب ، ضيقت عينيها قربت من الباب ورجعت حكات
-ميرال: شش ... شكون نتي ؟
👩: بنتي قولي لي نتي ميرال ؟؟؟
ميرال : نتي من وين تعرفني ؟ كيفاه علابالك راني هنا ؟ هذاك الكلب تاع اياد هو اللي بعتك ياك ؟ احكي ؟؟😡
👩: لا يا بنتي ، صحا قولي جواد ولدك ؟
تحلو عينيها كي سمعت اسم جواد حطت يديها على الباب وتسقسي فيها
ميرال : جواد😨 ، جواد وينو ، قولي ولدي وينو ، واش درتو فيه ؟ واش راكو حابين منا 😭
👩: تهدني يا بنتي ، و ما تقلقيش روحك ، جواد راه فالحفظ والصون ، ما بيه والو ، راني قايمة بيه كيما يلزم لحال
ميرال : يعني نتي هي لمرا اللي كانت تعس فيه ياك ؟؟
👩 : ايه انا
ميرال : مالى وين راه ، علاه ماراهوش معاك ، واش درتيلو؟ ياك ما هاداك الكلب داه معاه؟؟😭 قولي الله يعيشك خالتي و الله الكبدة تاعي راه مشوية عليك ، 😭😭
👩: بنتي قولت لك تهديني ، جواد راه مليح صدقيني ، انا خبيتو في بلاصة آمنة ، و كي سمعت صوت الرصاص جاي منا جيت لهنا خير ياك ما راكي متصاوبة ، كاش ما دارلك هاداك لمريض؟؟ ااه راكي مليحة؟
ميرال : ايه ،ايه راني مليحة ، انا ما بيا والو😭 بصح هو راه متصاوب😭 راه ينزف 😭 خايفة تصرالو حاجة😭 الله يخليك خالتي عاونيني لازم نديه للسبيطار ، عاونيني نحلو هاد الباب😭
👩: شكون هادا ؟؟
ميرال : أنس ، أنس ، الله يخليك عيطي للاسعاف يجو والله خايفه نخسرو ، راح يضيع من يدييا وانا ما نيش قادرة ندير والو ، والله لوكان تصرالو حاجة والله نموت😭 ما راحش نقدر نعيش بلا بيه😭
👩: خلاص بنتي ، خلاص حتى واحد ما راح يصرالو حاجه ، دوك نعيط للاسعاف و راح نشوف اذا كاين شي حد هنا قريب يعاوني ، نتي ما تقلقيش روحك ، وردي بالك عليه ، شوفي كاش حاجة طرف قماش ولا حطيها الجرح على الاقل توقفي النزيف بيد ما يلحقو الاسعاف لهنا
ميرال : صحا ،صحا ،ما طوليش عليا، الله يعيشك ، و .. و حاجة اخري دري بالك على جواد الله يعطيك ما تتمناي 😭
👩: على عيني و واسي 🙂
ميرال : يعطيك الصحه خالتي ، يعطيك الصحه🙂
عيطت هاديك لمرا للاسعاف و ميرال شافت فالمستودع شي قماش تحطو على الجرح بصح ما لقات غير غطا كان موسخ كامل، وهي ماراحش تقدر تستخدمو خايفة يتجرثم الجرح ، زتاتو بعيد و سبت بين شفافها ، شافت من بعد قربت منو و مكانش عندها حل اخر من غير انها تنحي التريكو تاعها ، نحاتو و قعدت غير بالبستي تاعها حطاتو على الجرح و تكبس عليه ، حطت يدها وجهو عداتها عليه لقاتو يغلي 🔥 طلعتو السخانة ، قربت شفافها حطتهم على جبينو تتحسس في حرارتو المرتفعة من بعد حكات
ميرال : يا روحي ، حرارتك راهي مرتفعة 😨 بصح راح ننقذك ، راح نخرجك منا نتا برك تحمل ، وعنداك تخليني
↚
الحلقة 188
بعد ما خرجت هاديك لمرا تشوف شكون يعاونها لمحت سيارات جاين لهاداك الاتجاه ، بقات تلوحهم بيديها حتى يشوفوها ، وكيما كان الحال شافوها و راحو زربوا عندها ، وغير لحقوا أوس رمى روحو من الطموبيل و راح قرب منها يسقسي فيها
-أوس: شكون نتي ااه ، مرتي و ولدي وينهم؟ احكي ، الكلب تاع اياد وينو اهدري ؟؟
👩: تهدن يا ولدي ، تهدن جواد راه مليح راه فالامان
-أوس : و ميرال اااه ؟ مرتي وينها
-النائب: سي أوس معليش تهدن خلينا نفهمو من لمرا؛ خليني نعرف نخدم خدمتي
👩: ما تقلقوش ميرال تاني مليحة راهي الداخل ،واشنو..
-أوس: واشنو واش ااه واش كاين؟؟
-النائب: خير خالتي واش كاين؟؟
👩: صراحه يا حضرة النائب ، اللي راه معاها راه متصاوب ، وعلى حساب كلامها حالتو خطيرة
-النائب: شكون اللي راه معاه ، ااه ، شفتيه ؟؟
-أوس: باينة الكلب تاع اياد . شكون من غيرو😡
👩: لا يا ولدي ، اياد راح هز لمرا اللي كانت معاه و راح هرب
-النائب: شكون مالى الي معاه شكون قص..
-أوس: أنس😨 ما يكون غير هو ، هو اللي جا قلبلنا😨
👩: ايه ، ايه ، هدا هو انس
-النائب: اااه يا انس واش درت واش درت😖
-أوس: وين راهم ، وين!!!
👩: راهم الداخل ، هداك المهبول قفل عليهم الباب حتي ما تقدرش تطلب المساعدة
-النائب: و من وقتاه صرا هاد الشي
👩: من شي نصف ساعه
-أوس: واشنو ، الله يلعن هاد الشي
-النائب: يا الله يا الله ، خلونا نتحركوا ، و نتي روحي جيبي معاك جواد و لحقينا
👩: امرك حضرة النائب
راحو دخلو للداخل وقربو من باب اللي كاينة فيها ميرال اللي كانت تحاول توقف نزيف انس و تنفضت من بلاصتها كي سمعت صوت اوس برا يعيطلها
-أوس: ميرال، ميرال راكي داخل؟
جرات عند الباب حطت يديها على الباب و تنفست الصعداء ، حست انو الروح رجعتلها
ميرال : أوس هدا نتا؟؟
-أوس: ايه انا ، رانا جينا نتي ما تقلقيش روحك
ميرال : اوس ، أنس ، أنس ماهوش مليح ، حالتو راهي خطيرة 😭
-النائب: مادام ميرال ما عليش تحافظي على هدوءك ، و دوك سمعني مليح ، نتي هزي روحك و بعدي من الباب ما راحش نقدرو نكسروه ، رانا مظطرين تستخدمو السلاح ، نتي بعدي من الباب يا الله
ميرال : صحا صحا
راحت بعدت من الباب و هاداك النائب هز سلاحو و صوب على الباب وتيرا حتى تفتح الباب دزو برجلو و دخلوا عندهم
↚
الحلقة 189
بعدت من الباب و هاداك النائب هز سلاحو و صوب عليه وتيرا حتى تفتح ، دزو برجلو و دخلوا عندهم ، واول حاجة شافوها هي ميرال اللي كانت واقفه على راس انس اللي كان غارق في دمو و كان مبين عليه انو حالتو خطيرة ، جراوه عندو ، قرب منو النائب و حط يدو على رقبتو يقيس في نبضاتو على عكس اوس اللي اول ما شاف ميرال راح ترمى في حضنها ،دخلها في ضلاعو وهي جات بين عينها صورتو كي كان يبوس في لينا ،بعدت منو ودورت راسها تشوف في أنس و هو تفهم هاد الشي، و فهاداك الوقت هدر هداك النائب
-النائب: عايش ، مازالو عايش ، لازم نأسعفوه في اسرع وقت ، وزيد راه خسر بزاف دم
ميرال : هاديك لمرا عيطت للاسعاف راهم في الطريق ،😭
-النائب: أن شاء الله يقدر يتحمل جسمو حتى يلحقو الاسعاف
ميرال : واش قصدك ، ااه اكيد هو راح يتحمل😭
-النائب: ايييه أن شاء الله😔
وغير كمل كلامو سمعو صوت سيارة الاسعاف كانت تقرب ، من البلاصة
ميرال : هاااه ، هادو هوما ،راهم جاو🙂 ، راك تسمع فيا انس ، راح ننقذوك ، سمعتني😭 الاسعاف جاوا
-أوس: انا راح نتفقدهم و تجيبهم
-النائب: صحا ، روح يا الله
خرج اوس و ما بطاش و رجع دخل و معاه زوج رجال من اعوان الاسعاف كأنو يجروا عند أنس ، راحوا تفقدوا حالتو دارلو اوكسجين و هزوه فوق السرير و يجروا بيه و هم يتبعوا فيهم ، وغير خرحوا قابلتهم هاديك لمرا ماسكة جواد من يدو ، و فاللحظة اللي شفاتو ميرال جرات عندو و هو تاني فلت يدو من يد لمرا راح يجري عندها
-جواد: ماما ، ماما 🙂
ميرال : جوااااد
قربت منو و دخلاتو في حضنها تزير عليه ، طبع في بوسات في كل شبر من جسمو خدودو ، كتافو جبينو ، يديه ما خلات حتى بلاصة و ما طبعتش بوسة و كأنها مش مأمنة انها تشوف فيه
ميرال : جواد😭 ولدي ، قولي راك مليح اااه ، ما دارو لك والو ياخي اااه قولي 😭
-جواد: لا ما دالو لي والو ، كنت خايف بثح خالتو نلمين (نرمين لمرا اللي كانت مع جواد) كانت معايا ومن بعد ما خفتث🙂 بثح توحثتك بذاف
ميرال : يا عمري حتى ماما توحشاتك بزاف بزاف😢
قرباتو عندها و ضماتو و فهاد الوقت اوس قرب منهم وهدر مع جواد
-أوس: جواد🙂 ولدي ، البطل تاعي
-جواد: باباااا 🙂
هزو بين يديه وهو ترمى في حضنو و حوط يديه لصغار على رقبتو لمدة تواني حتى فجأو كي طلب منو ينزلو على الارض و راح قرب من سيارة الاسعاف بخطوات ثابته كي شاف انس الداخل ، قرب منهم طلع عندهم شاف فيه هز يدو عداها على خدو من بعد حكي
-جواد: عمو انث😳😳
كانو كامل يشوفو فيه مصدومين خاصة ميرال اللي حطت يدها على فمها تكتم في بكيتها 😢 من المنظر اللي قاعده تشوف فيه ، تقطع قلبها و تشوف فيهم وهي مش عارفه اذا راح تصحلهم فرصة انو يعرفو الحقيقيه خاصة انس ما تعرفش اذا راح يتكتب لو عمر جديد و يعرف انو جواد ولدو هو 😔 قربت منو هزاتو بين يديها و نزلو من سيارة الاسعاف وهو ما كان يهدر و يسقسي فيها
-جواد: ماما ثبيه عمو انث ؟؟ (شبيه عمو أنس)
ميرال : (حضنت وجهو بين يديها) جواد حبيبي ما تخافش عليه ما بيه والو ، شوف انا راح نروح مع عمو انس و نتا روح مع بابا تفاهمنا
-جواد(هزلها راسو بالايجاب) حاضل ماما 🙂
طبعت بوسة مرصومة على خدو من بعد راحت طلعت فالاومبيلونص و طارو للسبيطار .
قرب النائب من نرمين وهدر معاها
-النائب: مادام نيرمين معليش تتفضلي معنا للمركز ، لازم نأخدو الافادة تاعك
-نيرمين: ايه اكيد حضرة النائب
-النائب: يا الله تفضلي معنا (دار عند اوس و رجع هدر)
سي أوس معليش تتفضل معنا نتا و جواد
-أوس: انا نقدر نجي ، بصح جواد علاه؟
-النائب: بما أنو هو اللي كان مخطوف رانا مظطرين نخدو الافادة تاعو هو تاني
-أوس : سمحلي حضرة على حساب اللي فهمتو راك حاب تستجوب طفل صغير ، اساسا هو مازال ما تجاوزش الصدمة...
-النائب: علابالي و راني متفهم قلق تاعك ، بصح رانا مظطرين ، لكن ما تقلقش روحك ماشي حنا اللي راح نحكو معاه ، راح نجيبولو اخصائي نفسي ، و هو يعرف كيفاه راح يتعامل و يحكي معاه
-أوس: صحا ، بصح بشرط ما تتضغطوش عليه
-النائب: قلت لك ما تقلقش روحك ،
-أوس: صحا مالى
-النائب: يالله ، تفضلو ا
راحوا ركبوا فالطموبيلات ، هم هزو معاهم نيرمين اما اوس حط حواص من اللور و زاد ركب هو و راحو خداوا طريقهم لمركز الشرطة
↚
الحلقة 190
كان يسوق الطموبيل كي المهبول و ينفض الفولون بيديه و يرغي في وجهها على الشي اللي داراتو
-اياد: الله لا تربحك يا المهبولة ، واش درتي اااه ، خربتيلي ڨاع شغلي ، اااااه 😡 واش راح ندير ييك دوك اااه 😡 واش راح ندير قولي لي😡
-سيرين: كنت حاب تهرب مع هاديك #### و تخليني اااه 😡 كنت حاسب راح تخليك تروح معاها😡😡
-اياد: علاه ما راكيش حابة تفهمي انا ما نحبكش ، ولا بحياتي راح نحبك 😡
-سيرين: وانت علاه ماكش حاب تفهم انو ميرال تحب أنس و ما تحبكش نتا اااه😡
-اياد: كانت راح تحبني ، كانت راح تحبني لوكان ماشي نتي اللي خربتيلي ڨاع الخطة تاعي😡
-سيرين: حتى نتا كنت راح تحبني لوكان ما دخلش بيناتنا 😡 لو كان ماشي انس اللي رمى روحو قدامها كنت تخلصت منها ، 😡
-اياد: نتي حمدي ربي انو جات فهاداك الكلب ماشي فيها ، على خاطر كنت راح نخلص عليك في نفس الدقيقة سمعتني😡
-سيرين: كنت راح تفرط فيا على جال هاديك اللي ما تتسماش اااه😡 صحا، كي عاد هكدا انا تاني راح نفرط فيك😡
حطت يديها على الفولون هي دور و هو يدور
-اياد: واش راكي ديري نحي يديك يا المهبولة ، راح نديرو اكيسدو، نحي😨
-سيرين: ايه هبلت ، خلينا نديرو اكسيدو ، 😡
-اياد: راح تموتو يا المهبولة 😨 راح تقتلينا نحي يديك😨😳
-سيرين: اية ما يهمنيش ، مدام ما راحش نكونو مع بعض ، على الاقل راح نموتو مع بعض ، سمعتني ، راح نموتو مع بعض😡😡
-اياد: سيريييين 😡
كانو يتفارعوا في زوج على الفولون ، حتى خرجتلهم شاحنة كبيرة دور اياد الفولون يتجنبها بصح فقد السيطرة و خرجوا من الطريق ، طاحو في منحدر و تقلبت بيهم السيارة حتى لحقت بيهم لتحت، من بعد شي دقايق نفجرت بيهم الطموبيل، و تحرقوا 🔥وهما كانوا مازاهم حيين( يستهلو هاد عقاب اللي يدنى لأنس)
فهاد اك الوقت كان النائب خذا افادة نيرمين بصح ما قدروا ياخدو والو من عند جواد لانو ما قالهم والو ما قدر يتفكر حتى الشي من اللي صرا قبل ما يحبسوه فهاديك البيت ، و على حساب كلام الاخصائي النفسي ،هاد الشي راجع لعوامل نفسية
-الاخصائي: كيما قلت لك هاد راجع لعوامل نفسية يعني جواد تعرض لصدمة نفسية خلاتو ينسى الاحداث اللي صارات قبل ما يحطوه فهاديك البيت ، هو متذكر غير من الدقيقة اللي كان فيها مع المدام نيرمين للوقت الحالي
-أوس: و واش يعني هاد الشي؟؟
-الاخصائي: هاد الشي يعني انو جواد تعرض لفقدان ذاكرة جزئي ، بسبب الصدمة ، اللي عاشو شي صعيب بالنسبه لطفل في عمرو، و الصراحه الفترة هادي يقدر تجيه كوابيس ويقدر تاني يعاني من التبول اللاارادي
-أوس: والحل ؟ اااه ، و اش لازم نديرو؟؟؟
-الاخصائي: الآمان، الامان هو الحل الوحيد ، لازم تخلو جواد يحس روحو انو في آمان ، لازم تبعدوه عن الجو المتوتر ، هاد يكون احسن شي ليه
-أوس: ايه ، ايه ، اكيد هاد الشي ، اللي راح نديروه ، بصح قول لي هاد الشي راح يطول ؟
-الاخصائي: صدقني هاد الشي متعلق بالظروف اللي راح يعيشها فهاد الفترة ، قصدي قد ما يحس روحو مرتاح و في الامان راح تتحسن حالتو بسرعة
-أوس: فهمت ، فهمت
-الاخصائي: نتمنى تاخد كلامي بعين الاعتبار
-أوس: اكيد هاد الشي ، راح نديرو اللي في جهدنا حتى نساعدو جواد
-الاخصائي: كي عاد هكدا نظن انو شغلي كمل ، انا تسمحولي 🙂
-أوس: اكيد ، تفضل
مدلو يدو و سلم عليه من بعد راح عند جواد اللي كان قاعد مع نيرمين ، قرب منو و غير شافو جواد جرا عندو
-جواد: باباااا🙂
-أوس: ولدي البطل 🙂 واش راك اااه ، راك مليح
-جواد: مليح 🙂
-أوس: واش رايك نروحو للدار ، الكل توحشوك حابين يشوفوك ، ونتا اكيد توحشهم
-جواد: ايه توحثتهم بزاف ، (يحسب بصباعو) عمتو لاثيل ، خالتو ملوى ، خالتو لينا ، عمو اياذ ، توحثت تاني الكلب تاعي 🙂
-أوس: وحتا هوما توحشوك ، مالى يا الله ، خلينا نمشوا🙂
-جواد: بابا ، لاني حاب نخدوا معنا خالتو نلمين ، ، خلينا ندوها معنا 🙂
-أوس: جواد حبيبي ، هاد الشي ما يمكنش ، بلاك خالتك نرمين ما تقدرش تجي معانا
-جواد: بابا 😔
تفكر كلام الاخصائي ، من بعد قرر يأخد لو الراي و راح قرب من نرمين و طلب منها تجي مع جواد بعد ما حكالها على حالة جواد من بعد هي قبلت تروح معاهم ، خرجوا من المركز بعد ما طلب من النائب يخلي واحد من الرجال الشرطة يوصلهم للفيلا ، وهو ركب طموبيلتو رايح عنده ميرال للسبيطار
↚
الحلقة 191
بعدما لحقوا المستشفى دخلو انس لغرفة العمليات وخلاوا ميرال تسنى برا وحاطة يدها على قلبها من خوفها عليه عينيها طابو من دموعها اللي ما حبسوش كانت تروح و تجي فالكولوار حتى لمحت لينا و مروى و اياز اللي جاوا بعد ما خبرهم اوس بالشي اللي صرا و حتى هو كان داخل معاهم، كانوا يرجروا عندها كي لمحوها رايحه جايه كي المهبولة ،و راحو قربو منها
مروى : ميرااال ياعمري راكي مليحة!! (ترمات في حضنها)
-ميرال هزتلها راسها بالايجاب بلا ما تحكي
قربت منها لينا و حضنتها هي تاني و تسقسي فيها ، وهي فهاديك الدقيقه تفكرت الفيديو ،و عيونها شاعلة فيهم النار ، بلعت ريقها ، شدتها من كتافها من بعد دزتها من عليها ، خلاتهم كاملين يتخلعوا من الجاست تاعها خاصة لينا اللي ستغربت من ردة فعلها
لينا : ممـ ... ميرا، خير شبيك؟؟؟
غير كملت كلامها حتى حست بكف في نص خليقتها خلى وجهها يدور من قوتو الشي خلاهم يتصدموا من الشي اللي داراتو ، وهي حطت يدها على خدها وتحكي
لينا : ميراال، شبيك علاه ... (قاطعتها قبل ما تكمل كلامها)
كانت تشوف في عينيها ، تلز على سنيها و تحكي
ميرال : هاااد ، هاد باش تاني مرة تخمي مليح قبل ما تخونني مع راجلي لعزيز😡😏(شافت في اوس)
تحلو عينيها ، بلعت ريقها ، حست أنو الارض راح تبلعها من الحشمة و الموقف اللي تحطت فيه ، وحتى اوس ما كانش اقل منها ، قرب منها وكان راح يحل فمو ويبرر موقفو حتى حبساتو بيدها كي لمحت عايلة المكاوي جاين و يجروا عندهم
ميرال : ماشي وقت تبريراتك دوك
عدات جنبو و راحت قربت من يوسف وملاك
ميرال : مادام ملاك ، السي يوسف
-ملاك: انس وينو ؟؟وليدي ؟ وينو؟ اهدري؟😭😨
-يوسف: احكي واش صرا؟ كيفاه صرا هاد الشي اااه؟؟
-رنيم: (شافت في يديها لمعمرين بالدم ) هاد ، هاد دم خويا أنس ياك 😭 ياك ما مات و انتي ما راكي حابة تقولي والو😭😭
ميرال : لا ، لا ، اكيد ما ماتش الله لا يقدر هاد الشي 😭 هو في البلوك ، يديرولو العمليه
-كريمة: واش صرا معاه اااه اهدري يا بنتي 😨
تفكرت الشي اللي صرا و كيفاه انس رمى روحو قدامها و قدام لرصاصات ، بلعت ريقها خايفة من ردة فعلهم كي يعرفوا الشي اللي صرا شافت فيهم من بعد تشجعت وحكات لهم كلشي صرا معهم كيفاه انقاذها انس ، وغير كملت خرجت الفرملية من البلوك و راحوا جراوا كامل عندها خبرتهم انو حالة انس راهي في خطر و انو خسر بزاف دم ، ولازم يتبرعولو بالدم و يلقاوا الدم باقصى سرعه لانو زمرة دمو ،o- و هاد الفصلية صعيب تقلقى الدم
الفرملية: المريض خسر بزاف دم , لازملو دم اذا كاين شي واحد فيكم دمو من زمرة o- يتفضل معيا
-أوس: هادي زمرة دمي ، انا راح نتبرع
الفرملية : صحا مالى يا الله معيا ، وانتو عيطو لمعرفكم اللي يقدرو يتبرعوا كي ما علابالكم هاد الزمرة صعيب تلقي اللى يتبرع هكدا ماراحش نضيعو وقت ،
راح اوس مع الفرملية ، وهوما هزو تليفوناتهم يعيطوا لمعارفهم كانوا كامل لاهين مع اتصالاتهم حتى تهزو كامل كي سمعو رنيم تعيط في وجه ميرال
-رنيم: كلشى صرا بسبابك نتي 😡 بسبابك نتي اللي انس داخل و يحارب باش يعيش😡
-ملاك: (قربت منها و شدتها من يدها) رنييم 😡
-رنيم: واش رنيم واش ااه ، علاه راني نكذب ااه ماشي بسبابها خويا أنس راه يموت ، لوكان ما رماش روحو قدامها ، ما صراش هاد الشي 😡
-يوسف: بنتي رنيم ، ماشي وقت هاد الهدرة
-رنيم: لا 😤 وقتها 😤
ميرال : رنيم صدقيني ما كنتش حابة يصرا هاد الشي ، علابالي راكي خايفة عليه، راني حاسبة بيك ، انا تاني...
-رنيم: ما تقدربش تحسى بيا فهمتي ، على خاطر اللي راه داخل ماشي خوك سمعتني 😤 هداك خويا فهمتي خويا
ميرال : (تحكي بين روحها) صح هو خوك ، بصح أنا تاني حبيبي و بابات ولدي 😭
-رنيم: تعرفي واش هو الشي اللي راه غايضني ، انو خويا أنس ضحى بحياتو في باطل ، على خاطر نتي ما تستهليش ، فالوقت الي خويا كان محروق عليك ، نتي رحتي رميتي روحك بين يدين راجل اخر و جبتي منو طفل، ما فهمتش انا على واه ضحى بحياتو ، علاه 😡
-ملاك: رنيم خلاص ، بلعي فمك ، ماشي وقت هاد الهدرة😤
ميرال : 😭
-رنيم: صدقيني اذا انس صراتلو حاجة راح نحملك مسؤوليه هاد الشي ، فهمتي 😤
ميرال : رنييم، انا ...
قبل ما تكمل كلامها طفاتها ، من بعد قربت منها ملاك ، حطت يدها ورا ظهرها تمسحلها عليه وتحكي معها
-ملاك: بنتي ما ديريش عليها و عذريها ، خوفها على خوها هو اللي خلاها تحكي هاد الشي 😢
كانت راح تحكي حتى حست انو الدنيا دور بيها ، رجليها ماعدوش قادرين يحملوها حطت يدها على راسها وكانت تميل ، بعدها اخر شي تفكراتو هو ملاك شدتها من يدها و تسقسي فيها اذا راهي مليحة و بعدها طاحت على الارض فقدت وعيها
↚
الحلقة 192
كانت تحل في عينيها بسيف ،بسبب الشي اللي عاشاتو الفترة الاخيرة و الظغوطات نزل ضغطها بعد ما حلتهم استوعبت انها فالمشفى ، تفكرت انس و تنفضت من بلاصتها تشوف يمين ويسار ، قابلتها مروى اللي كانت تحاول تهدي فيها ، ما دارتش عليها ، نترت السيروم من يدها و ناضت على رجليها ، كانت راح لو كان ماشي مروى اللي شدتها ، قعدتها على السرير ، من بعد عاودت ناضت و شدتها مروى تحكي
مروى : ميراال ، شبيك ااه علاه راكي تخشني في روحك اااه ، ما راكيش تشوفي في روحك ، ضغطك راه هابط بزاف ، يا الله حبيبة تسطحي و ريحي شوية
ميرال : راكي عارفة واش راكي تهدري ، ااه حبيتني نبقى هنا نريح و أنس لهيه يحارب باش يعيش اااه ياك
مروى : مارانش نقولك ما تروحيش بصح صبري على الاقل يخلاص السيروم و...
ميرال : قولي لي لو كان اياز اللي راه في بلاصة انس كنتي راح تصبري يخلاص هاد السيروم اااه قولي لي راح تصبري ولا راح تجري عندو😢😭
مروى : بلعت ريقها ما لقات واش تقول لها غير انها تهزلها راسها بالنفي
ميرال : مالى ما تستنايش مني نصبر 😭
تعدات من جنبها ، وراحت دخلت للحمام غسلت يديها و وجهها بهسترية كأنها تحاول تنحي في أثار دم تاع انس من يديها ، بعدها خرجت تكركر في رجليها بسيف ، رجعت ولات عندهم باه تسنى معاهم قدام غرفة العمليات ، و غير لحقت لمحت الطيب خرج وراحت جرات عندو و كامل العائله جرات عندو تسقسيه على حالة أنس
-ملاك: دكتور ولدي واش راه ، اااه عايش ياك ؟؟
-رنيم: واش راه خويا ؟؟ راه مليح؟
-يوسف: دكتور طنمنا الله يرضي عليك
-دكتور: ماراحش نكدب عليكم حنا درنا العملية قدرنا نحو لرصاصات ، بصح مع الاسف وحدة من الرصاصة كانت قربية من القلب ، هاد الشي صعب علينا العمليه، وكي جبتوه لهنا كانت حالتو حريجة و زيد هو خسر بزاف دم ،
-يوسف: واش يعني هاد الشي دوك ؟؟؟
-دكتور: بصراحه ولدك حالتو خطيرة ،بزاف ، و من الاحسن تجهزوا ارواحكم لكلش 😔
-ملاك: واش قصدك اااه ، واش قصدك بهاد الشي؟؟
-رنيم؛ يعني ، يعني خويا يقدر يم.. يموت😨
-دكتور: يا ريت نقدر نقول كلام غير هاد لكلام ، 😔
راح الطبيب وخلى في قلوبهم حصرة على أنس ، خاصة ميرال اللي ما قدرت تحل فمها و تنطق بكلمة كانت غير يشوف و عيونها قريب يخرجوا من الصدمه ، 😳 مش قادره تستوعب ولا حتى تتقبل كلام الطبيب حتى من صدمتها دموعها ما نزلوش تحجروا في عينيها ، كانت تشوف فيهم كيفاه كانوا يحضنوا بعض ، بيكوا و يندبوا على أنس 😭 اللي يشوفهم من بعيد يقول عليه مات و فهاداك الوقت تحل باب البلوك ، و خرجوا منو سرير كان انس مسطح عليه ، و غير شافوه جروا كامل عندو و يتيعوا فالفرمليات الي كانوا هازينو لييت غرفة خاصة ، باستثناء هي اللي كانت واقفة على جنب شافت فيه كان راقد تقول علي جثة بلا روح 😔 دخلوه للغرفة و هوما كانوا يشوفو فيه من الزجاج و يدعولو ربي يحميه و يرجعو ليهم
↚
الحلقة 193
كلام الطبيب و صورة انس ما بغاوش يروحو من بالها ،وحتى كلام رنيم بقا يتعود في راسها حست انو صح هي السبة فالحالة اللي راه فيها انس هو ضحى و تخلى على حياتو بلا اي تردد غير باش بنقذها وما هموش لكلام الجارح اللي قالتهو لو، 😔 حست انو راح تخسر الراجل اللي تحبو بسبة غرورها و عنادها ، 😔 حطت يدها قلبها اللي كان يضرب غير العادة حست انو البلاصة تخنق فيها صدرها يطلع و يهبط بلعت ريقها ، رجعت خطوات للور من بعد دارت وراحت تجري ، خرجت ما عرفاتش كيفاه حتى قدروا رجليها يوصلها للجنينة راحت رمات روحها و قعدت تاخد في انفاسها رفدت راسها تشوف فالسما و دورت راسها عندها كي هدرت معاها
لينا : راح يعيش ، راني متأكدة من هاد الشي ، انس قوية و راح يتجاوز هاد الشي
طفاتها و ما جاوبتهاش وهي راحت قربت منها و قعدت جنبها
لينا : ميرال 😨 بخصوص الشى اللي صرا أنا...
قبل ما تكمل كلامها ناضت باش تروح بصح حبستها كي شدتلها يدها
لينا : ميراال ، ميراال ، الله يخليك سمعيني😔 مرة واحده برك سمعني ...
ميرال : انا مايهمنيش الشي راح تحكيه ، انا الشي اللي يهمني دوك هو انس و حياة انس ، سمعتني ، حكاياتك ما يهمونيش😏
لينا : ميراال😔😔
ميرال : خلي تفوت هاد المحنة من بعد راح نقرر بخصوصكم ، بصح دري مليح في بالك انو الشي اللي دروتوه معايا مازال ما هضمتوش؟ و تاع صح معلاباليش اذا نقدر نسمحلكم ولا لا😏
لينا : ميرال الله يخليك ما تقوليش هاد الشي 😢 والله كانت غلطة و صدقيني...
ميرال : الله يخليك ، مانيش حابة نسمع والو 😡,
قبل ما تحل فمها راحت و خلاتها ، ورجعت للداخل ، طلعت للفوق عند أنس ، كانت تمشي بخطوات ثابته حتى حبست كي بعيد شوية ، اذا كاين شي حد تماك ، باش تفوت عند أنس ، راحت زربت في مشيتها كي ما صابت حتى واحد تماك ، وكانها تحاول تتجنب اي لقاء او مواجهه بينهم خاصة رنيم 😔 حطت يدها على البواني حلت الباب، ودخلت ، تحلو عينيها على وسعهم كي قابلها راقد فوق السرير و كل الاجهزه و لخيوط دايرين بيه ، بلعت ريقها و حطت يدها على فمها تحاول تكتم في بكيتها😢 قربت منو شويه،شوية حتى لحقت عندو ، وقفت على راسو ، هزت يدها عداتها على خدو بالسياسة ،طاحت دمعه على خدها مسحتها بظهر يدها وتحكي
ميرال : أنس 😢 رانى جيت راني جيت يا روحي😭
قعدت على طرف السرير ، هزت يدو بين يديها من بعد رجعت حكات
ميرال : ماشي يقولو بلي الواحد كي يمرض و لا تصرالو حاجة ، بصح كي يكون اللي يحبو جنبو يحس بيه و يحل عينيه 😢 ها نتا تشوف انا جيت نشوفك، بلاك راح تحس بوجودي معاك ، يا الله حل عينيك ، و شوف ، شوف راني جيت عندك ، 😭 والله قلبي محروق ، الطبيب قال وجدوا ارواحكم لكلش ، ما فهمتش انا كيفاه قدر يحكي هاد الشي ، 😢 هو ما علابالوش بلي اذا نتا صراتلك حاجة ما راحش نفدر نكمل حياتي ، مانيش قادرة😭 راني نحس انو كل نفس ناخدوا ونتا بهاد الحالة حرام عليا 😭 علاه ، علاه رميت روحك قدامي😭 علاه ، يا ريت انا هنا في بلاصتك ، يا ريت انا اللي تصاوبت ماشي نتا 😭 واش راح ندير انا اذا صراتلك حاجة ، كيفاه راح نقدر نعيش بلا بيك ، كيفاه 😭 الله يخليك حا عينك ، يا الله نوض و خليني تقول انو حبيبتك ميراال مازالها تحبك , 😭 عطيني فرصة تخبرك بهاد الشي 😭 و .. وتاني كاين جواد ، ايه جواد 😢 جواد ولدك نتا ، هو قطعة منك😭 ، نتا لازم تحارب علاجالو ،الله يخليك ما تروحش و تخلينا انا و ولدك رانا محتاجين لك ، بقا معانا ، والله لو كان نقدر نزيد عمري لعمرك ، راح نزيدو ، نتا برك قاوم ، ما تتخلاش علينا 😭 ما تقدرش نعيش بلا بيك ما نقدرش😭😭
حطت راسها على يدو تبكي بحرقه حتى سمعت صوت ، هزت راسها خرجوا عينيها من الشي اللي تشوف فية ، كان التخطيط تاع دقات قلبو صار خط مستقيم ، تنفضت من بلاصتها تشوف فية و تهز راسها ، بالنفي و راحت جرات حلت الباب تعيط فالكولوار على شي حد يجي عندها و يشوف انس
↚
الحلقة 194
وقفت في نص فالكولوار تعيط بصوت عالي ، باش يجي اللي يعاونها و يشوف انس ، حتى شافت في طبيب اللي مكلف بحالة انس جاي يجري و معاه فرمليات قربت منهم وتحكي وتبكي
ميرال : دكتور، دكتور عاوني أنس ما معلاباليش واش صرالو
-دكتور : مادام الله يخليك تهدني و خليني نشوف شغلي
دخل هو و الفرمليات و هي مانعوها تدخل و راحت قربت من الزجاج طل منو للداخل و فهاداك الوقت شافوها عايلة انس و جراوا قربوا منها يسقسو فيها
-يوسف: واشبيه انس ، واش صرالو😨😨
-ملاك: ااه ولدي شيبه😨😱
-رنيم : واش صرالو ، علاه راهم داخل😨
-كريمة: اااه يا ربي توخدت في حفيدي 😱 اااه يا ربي
ميرال : 😭
فهاداك الوقت هز جهاز الصدمات القلب بدا يشحن فيه و حطلو علي قلبو ، يحاول يخلي قلبو ينبض من جديد ، بصح في كل مرة يصعقو بيه بدون جدوى ، و كان حاب يلبي طلب ميرال كي طلبت منو يخرج من حياتها ، وكأنو حاب يقولها راني رايح بلا ما نقول حتى كلمة ، رايح و راح ندي معايا كل مشاعري، راح ندي معايا كل حاجه كانت تفكرك بيا وبالشي اللي دروتوه لك ، راح ندي معايا ، حبي ، ذكرياتي ، اخطائي ، بلاك بهاد الشي راح نخليكى تعيشي حياتك بعيد على كل حاجة تفكرك بيا 😔 قلبو كان رافض يرجع ينبض رفضا باتا، رغم كل محاولاتهم ، بعد ما يأسوا من انو يرجع ،حط من يدو الجهاز وهز براسو بمعنى انو ما خلاص ما نقدرو نديرو والو , الشي اللي خلى اللي كانوا برا يتصدموا يبكوا و يندبوا على أنس اللي فارقهم قبل الوقت ، 😭😭، كانوا راح يسجلوا ساعة الوفاة حتى دخلت عليهم ميرال ، جرات عند أنس شدتلو يدو تبكي بحرقه ، والفرمليات يحاولو يبعدوها عليه ، دزتهم و راحت قربت من الطبيب شداتو من البلوز تاعو تهز وترغي في وجهو
ميرال : انس ما راحش يموت سمعتني ، نتا ما تقدرش تخليه و تروح فهمت 😡
-دكتور: الله غالب حنا درنا اللي علينا ،
ميرال : جرب ، جرب مرة خرا هو ما يقدرش يروح و يخلينا ، انا ما نقدرش نعيش بلا بيه ، 😭
-دكتور: مدام راني نقول انو ...
ميرال : يا تعاود تجرب و ترجعوا يا تقلتلني معاه سمعتني 😡
هزلها راسو بالايجاب ، من بعد طلب من الفرملية تحقنو ، قرب منو و هز يديه حطهم على قلبو و بدا يضغط عليه
-دكتور: يالله يا وليدي يا الله ما تستسلميش ، يا الله في خاطر الناس اللي راهي تسنى فيك برا يا الله
قربت من. ميرال و شدتلو يدو حطتها على قلبها اللي كان يضرب في الميتين وكانها بهاد الشي تحاول تخليه يحس بنبضات قلبها ، القلب اللي ما قدر حتى واحد يملكو من غيرو ، كل نبضة منو تعبر مدى حبها ليه ، هز الطبيب جهاز الصدمات شحنو ، حطوا على صدرو و صعقو حتى سمعو صوت نبضات قلبو من جديد تنهد من عمق قلبو ، بالنسبه ليه هاد الشي صرا معجزة ، ما فهمش الشي اللي صرا بصح الشي اللي فهمو وجود ميرال كان عندو اهمية كبيره، وحتى هي كانت فرحتها تتوصفش ،رجعتلها الروح برجوع انس ، 🙂 وفي الجانب الاخر ملاك و لخرين فرحوا و حمدو ربي كي رجعلهم ولدهم للدنيا و تكتبلو عمر جديد 🙂.
↚
الحلقة 195
خرجت ميرال عندهم بعد ما طلب منها الطبيب تخليهم يعاينوه ، و غير خرجت قابلوها لبنات و راحت مروى ترمات في حضنها
مروى : الحمد لله ، الحمد لله
ميرال : الحمد لله على كل ، والله كنت خايفه عليه 🙂 ، انس رجع لنا ، رجع☺️
كانوا كامل يعبروا على فرحتهم كي رجع انس الحياة ، حتى خرج الطبيب من عندو ، قربوا منو يسقسوا فيه
ميرال : قولي ، هو مليح. ياك، ماكنش خطورة على حياتو ؟
-ملاك: الله يرضى عليك طمنا ، طمنا عليه
-دكتور: ما علاباليش واش راح نقولكم 😔
-يوسف: خير يا طبيب ، واش كاين، ياك ما حبس قلبو تاني؟؟😨
-دكتور: لا ،لا ، دوك هو صح رجع قلبو ينبض ، بصح الاسف، للاسف السي انس دخل في غيبوبه😔
ميرال : و... واشنو
-ملاك: غي.. غيبوبه😱
-رنيم: واش قصدك بهاد ، كيفاه حتى صرا هاد الشي ااه فهمنا
-دكتور: صراحة انا الشي اللي فهمتو انو جسمو راه رافض يتجاوب معنا ، وكأنو هو اللي مش حاب يعيش
-يوسف: و واش يعني هاد الشي تاني 😨
-دكتور: هاد الشي يعني انو هو مش حاب يتجاوب ، و لا يتمسك بالحياة ، و كأنو راه يتخلى على حياتو ،راه رافض يعيش ، ارادتو في العيش منعدمة
هاد لكلام كان بمثابة صفعة لميرال تفكرت لكلام اللي قالتهو لو ، حست انو هو راه يلبيها في الطلب تاعها و يحاول يخرج من حياتها ، بلعت ريقها شدت حوايجها بطراف اصابعها و كأنها تحاول تهدي في روحها شافت في طبيب من بعد هدرت
ميرال : قداش راح طول الغيبوبة ، يعني قصدي وقتاه راح يفيق منها ؟؟
-دكتور: صراحه ما تعرفش يمكن ، ايام ، اسابيع ، شهر ، و يمكن حتى بعد سنوات 😔 هاد الشي متعلق بالإرادة تاعو ، اذا هو حس انو الناس اللي راهي الناس اللي يحبها ، و لا حس انو كاين الي يسناه راح يساعدو هاد الشي
-ملاك: اكيد رانا هنا راح نخاليوه يحس و يعرف انو رانا تسناوا فيه و انو حنا نحبوه 😭
-دكتور: صراحه كاين انسان واحد بيناتكم راح يقدر يساعدو بزاف
-يوسف: واحد فينا؟؟ شكون قصدك ؟
-دكتور(دار عند ميرال ورجع حكا) مادام ميرال هاد الشخص هو نتي ، نتي اللي تقدري تعاونيه
ميرال : اااه ، انا ، ما فهمتش ، علاش انا بالضبط؟
-دكتور: الشي اللي صرا من قبل يوضح كلامي ، وجودك جنبو رجعلو حياتو ، و تاني شي ، كي جابوه لهنا كان غير يهلوس باسمك ،
ميرال : اااه ، باسمي😳😨
-دكتور: ايه ، بأسمك ، وعلى حساب الشي اللي فهمتو الظاهر انو متعلق بيك ، على هادي راني نقولك بلي وجودك جنبو راح يفيدو بزاف
ميرال : قصدك يعني اذا كنت جنبو راح يحس بيا ؟؟
-دكتور: اكيد ، اكيد هاد الشي هاد احسن شي بالنسبه لو ، نتي خمي بكلامي و اذا راكي حابة مصلحتو راح تاخدي برايى 🙂
بعدها راح الطبيب وخلاهم ، من بعد قربت ملاك من ميرال شدتلها يدها من بعد حكات
-ملاك: بنتي ميرال ، شوفي علابالي انس غلط معاك و عندك الحق انك ما تسمحيلوش ، و تاخدي بخاطرك ، انا ما راحش ندافع عليه ولا راح نحكي كلمة عليه ، بصح راح نحكي باسمي انا، ماراحش تحكي معاك كمرا لمرا بصح راح نحكي معاك كأم ، ام وليدها مصيرو راه بين يديك، انا كنترجاك كأم ، عاونيه ، حطي كامل الشي اللي صرا على جنب و ديري اللي قالو الطبيب ، الله يخليك يا بنتي ، نتي تاني ام ، عندك ولد و علابالك واش معناتها كي تتشوى كبدة تاعك على ولادك ، والله راني مستعدة نركع على رجليا ، ايه اذا هاد الشي يلزم راح نركع ونترجاك😭
كانت راح تركع بصح حبستها ميرال و شدتلها يديها
ميرال : مادم ملاك واش واش راكي ديري ، 😳 ما تحرحينيش بهاد الشي😳
-رنيم: ما مااا واش راكي ديري😳
-ملاك: راني نحاول نحمي وليدي ، 😭
ميرال : مادام ملاك نتي ماراكيش مضطرة تركعي ولا تترحايني على خاطر انا...
-ملاك: لا يا بنتي الله يخليك ما تخاليش قلبك يقساح😭
ميرال : عندك الحق ، انا اكيد ما راحش نقسي قلبي و راح ندير اي شي نقدر عليه على جال انس ، نتى ما تقلقش روحك
-ملاك: صح اااه راكي تحكي صح
ميرال : ايه ، اكيد راني نحكي صح
-ملاك: الله يعطيك ما تتمناي الله يرضي عليك ، يعطيك الصحه ، يعطيك الصحه☺️
قربتها منها و ترمات في حضنها تزير عليها و تحمد ريي و تشكرها كي قبل دير هاد المعروف مع انس🙂
↚
الحلقة 196
وفاتوا هادوا ليامات كي السنين ،طوال وصعاب على كل واحد ، فاتو اسبوعين و ما تبدل والو انس مازال ما فاقش من الغيبوبة، فهادوك ليام اللي فاتوا كانت ميرال كل يوم تجي عندو تحكي معاه ، تقرالو من كتاب ، تمسحلو وجهو و يديه بمنشفة ، تخليه يسمع لاكتر اغنية يحبها ، تحكيلو حتى على مواضيع الخدمة توصلو معلومات تاخذهم من عند يوسف ، دير اي حاجه تجي في بالها المهم انو يعمل ردة فعل بصح مع الاسف ما تبدل. والو ، لحد ما قررت انو تخلي حتى جواد قريب منو ، بلاك يحس بشي من جيهتو ، بالرغم من انو حتى هو حالتو النفسية مكانش مليحة ، كان تقريبا كل يوم يشوف كابوس و ينوض مفزوع ،كان يصير معاه تبول لا ارادي ، بالرغم كل هاد الشي قررت انو تداويهم ببعض عيطت لنرمين اللي ولات المربية تاع جواد بعد ما تعلق فيها ، طلبت منها تروح للمشفى و تديلها جواد و كيما كان الحال راحت وداتهو معاها ، كانت في فالكولوار تروح و تجي تسنى فيهم ، بفارغ الصبر ، حتى لمحاتهم جاين وقربت منهم وتشكرت نرمين ، من بعد شافت في جواد نزلت لمستواه تحكي
ميرال : حبيبي جواد علابالك شكون راح نشوفو ؟
-جواد؛ هز راسو بالنفي ثكون؟
ميرال : حكات في قلبها
(باباك يا روحي باباك 😔) امممم واش رايك نخاليها مفاجئة🙂
-جواد: هييه( يصفق بيديه ) تعيث ماما🤗🙂(تعيش ماما)
ضحكو على تصروفاتو ناضت و مدتلو يدها وشدهالو خذات نفس عميق و بدات تقرب من غرفة انس ، حطت يدها على البواني و حلت الباب دخلت و دخلاتو معاها ، وقفت قدام الباب مدة تشوف فيه ، من بعد قربت منو بخطوات ثابته وهي متأملة انو الشي اللي ناوية ديرو راح يجيب نتيجه ، وقفت عند راسو و هزت جواد و قعداتو على طرف السرير جنب انس شافت فيه وحكات
ميرال : جواد حبيبي, واش رايك في المفاجئه ااه ؟؟
-جواد: هذا عمو انث ، يثح شبيه لاقد ؟؟
ميرال : ايه راه راقد ،بصح علابالك علاه جبتك لهنا ؟
-جواد: باث نثوفو
ميرال : ايه صح جبتك لهنا باش تشوفو ، بصح علاه ؟
-جواد: علاه؟؟
ميرال : جبتك هنا باش نعاونو حتى ينوض ، فهمتني ؟؟
-جواد: هز راسو بالنفي
ميرال : (قربت وحضت وجهو بين يديها) شوف حبيبي عمو انث راه راقد، وحنا لازم نعاونوه حتى ينوض،
-جواد: و كيفاه لاح نديلو هاد الثي؟
ميرال : ساهل نتا برك حكي معاه ، قولو انك جيت تشوفو ، مثلا حكيلو على الكلب تاعك ااه ياك هو اللي سلكو هاداك اليوم ااه
-جواد: يعني اذا حكيتلو لاح يثمعني؟؟
ميرال : اكيد راح يسمعك ، نتا برك حكيلو
شاف فيها من بعد شاف انس ، وبدا يحكيلو على اي شي يخطر على بالو، وهي غير تشوف فيهم و دموعها ما حبسوش ، 😭 حط يدو لصغيرة على يدو يعديها عليها من بعد هز يد ميرال زاد حطها تبسملها ورجعتلو التبسيمة 🙂 حط راسو على صدرو و غمض عينيه ، حطت يدها على فمها تكتم في صوت بكاها زادت حطتها يدها على يديهم و رجعت حكات
ميرال : الله يخليك انس ما تتخلاش علينا يا الله رجع ،يا الله حل عينيك و شوف رانا هنا ، عايلتك هنا ، الله يخليك ما تخاليناش ناقصين بلا بيك، ما تخاليش قصة حبنا ناقصة 😢 رانا محتاجين لك ، رانا نسناوا فيك ، 😢😭
كانوا قراب ليه لدرجة انو تقول حس عليهم ، حس بلمسة يديهم حتى حرك يدو و رمش عينيه ، غير حسو بيه تحرك بعدوا وشافو فيه ، كان يحاول يحل عينيه ،اول ما شافو فرحتهم ما كانش تتوصف، برجعتو رجعتلهم حياتهم ، روحهم وآمالهم
↚
الحلقة 197
خرجت تجري في الكولوارو تعيط للطبيب يجي يشوف انس عارضتها ملاك اللي طاح قلبها كي شافتها تجري كي المهبولة ، راحت قربت منها
-ملاك: ميراال😨 خير يا بنتي واش كاين ، واش صرا😨
ميرال : مادام ملاك ، مادام ملاك ، أنس ،انس
-ملاك:😱😱 خير واشبيه ، ياك ما صراتلو حاجة , ما تقوليهاش يا بنتي ، والله قلبي راح يحبس😨
ميرال : لا ،لا انس ، فاق ، فاق ، هو حل عينيه من قبل 😅
-ملاك؛ اااه ، تحكي صح ، ااه صح هو فاق ، كيفاه حتى صرا هاد الشي 🙂
ميرال : دوك فاق ،دوك ، كنا نحكوا معاه حتى حل عينيه
-ملاك: اااااه يا سيدي ربي نحمدك كي رجعتلي وليدي ، الحمد لله الحمد لله
ميرال : الحمد لله والله كنت عارفة انو راح يفيق وماراحش يخالينا 😄
ترماوا في حضن بعض في هاداك الوقت كان الطبيب دخل عند أنس وفحصو وهما كانوا برا يسناوا وملاك عيطت ليوسف وخبراتو انو أنس فاق من الغيبوبة و هو تاني فرح وخبرها انو يجيب رنيم و كريمة و يروحوا وميرال كانت شادة جواد في حجرها تمسحلو على شعرو
شافت فيهم ملاك وقربت منهم تحكي
-ملاك: هدا هو ولدك ، ياااك ؟
ميرال : (تبسمتلها و هزت راسها بالايجاب) ايه ، جواد
-ملاك: مشاء الله😍 الله يبارك يهبل الله يخليهولك
ميرال : أن شاء الله يعطيك الصحه🙂
-ملاك: كان راح يجيكم ولد ، قصدي نتي و أنس ، هو فهاداك اليوم اللي عرف فيه انك كنتي حامل بولدو تبدل هو صار انسان واحد اخر ،تعرفي انو هاد اليوم جينا عندك ، كان راح يطلب منك تمديلو فرصة يصحح غلطتو معاك ، كان حاب يكون اب لولدوا ويتحمل المسؤولية ، بصح القدر ما خلاهش يكمل هاد الشي😔
ميرال : واش قصدك ؟؟ واش من يوم ؟؟
-ملاك: يعني ، هاداك اليوم المشؤوم ، قصدي يوم الحادثة ،
ميرال : ضيقت عينيها تحاول تفهم الشي اللي راهي تحكي فيه من بعد رجعت حكات : علاش فهاداك اليوم انس جا عندي؟؟
-ملاك: ايه ، اكيد جا عندك حتى يشوفوك بصح مع الاسف بطبينا ، فالوقت اللي وصلنا لداركم كان خوك داك معاه ، من بعد جينا موراكم بصح كان فات الوقت 😔
تحلو عينيها من الشي اللي تسمع فيه حطت يدها على فمها شافت فيها من بعد رجعت حكات
ميرال : يعني لوكان لحق قبل ما كانش راح يصرا اللي صرا ، يعني كان راح يتحمل المسؤولية ؟ يعني ما تخلاش علينا؟
ملاك: لا ، صدقيني لوكان وصل خمس دقائق قبل ، كانتو راح تكونو مع بعض دوك ، كان ما يصراش اللي صرا ، بصح واش تحبي ديري ، كان مكتوب تمشوا فهاد الطريق ، كان مقدر انو نعيشوا هاد اليوم 😔
كانت راح تهدر حتى خرج الطبيب من عندو و هوما قربوا منو يسقسوه
ميرال : دكتور قولي ، واش ، صرا ؟ راه مليح ؟
ملاك: فاق ياك ، هو تخطى مرحلة الخطر ؟
دكتور: ايه ، ايه ما تقلقوش كل شي راه مليح ، هو تجاوز مرحلة الخطر ، و حالتو راه مليحة
ميرال : الحمد لله
ملاك: الف حمد وشكر ليك يارب 🙂
ملاك: قولي لي نقدر نشوفو؟
دكتور: اكيد ، بصح يا ريت ما تعبوهش ، كيما علابالكم ما عندوش بزاف من اللي فاق
ملاك: صدقيني ما راحش نطول عليه ، راح نطمن برك عليه ونشوفو بعينيا
دكتور ، صحا ، الحمد لله على سلامتو
دخلت عندو ملاك وحدها ميرال ماكانش عندها الجرأة تدخل بعد اخر شي صار ولكلام اللي قالته لو في وجهو ، خاصة كي قالتلو انها تكرهو ، خافت من ردة فعلو ، و الشي اللي راح يقولو على هاد الشي قررت انها تأجل لقاءوا لخطرة على الاقل تسنى يسترجع صحتو مليح من بعد تحكي معاه و تخبروا بكلشي
↚
الحلقة 198
تسريع في الاحداث (بعد يومين)
فاتوا يومين و أنس كان يسترجع في صحتو شوية شوية كان قادر يحكي و يڨصر معاهم ، بصح الشي اللي حيرهم انو فهاد اليومين ما جبدش سيره ميرال على لسانو ،ما سقساهمش عيلها و لا جبد اسمها و حتى هم خلاوه على راحتو ، حتي للوقت اللي قررت ملاك تفتح معاه هاد الموضوع ، كانت معاه في البيت ، قاعدة على كرسي ، من بعد وحكات
-ملاك: انس ، ولدي ، ماشي كانك نسيت تسقسي عليه ؟
أنس : واش قصدك ؟ على واش راح نسقسي؟ ما فهمتش؟؟
-ملاك: اممم ما علاباليش اذا راك دير في روحك ما فهمتش عليا ولا صح ما فمتش قصدي ، على كل حال انا راح نفهمك ، اللي قصدتو انو نتا من اللي فقت حتى لدورك ما حوستش ولا جبد اسم ميرال ،
غير سمع اسمها ، تنهد تنهيدة من اعماق قلبو ، بلع ريقو ، شد على السرير بطراف يديه و حكي بلا ما يشوفها
أنس : يما معليش تغلقي على الموضوع ، مارانيش حاب نحكي فيه 😏
-ملاك: علاه ، علاه ما راكش حاب تحكي ، علاه راك تتهرب ، فهمني واش كاين ، واش صرا؟
أنس : ما صرا والو ، ميرال ما ولاتش تهمني ، و دوك بدلي الموضوع
-ملاك: راك حاب تقنعني دوك انو امر ميرال ما ولاش يهمك ياك
أنس : ايواااه هادي هي
-ملاك : نتا راك ضحيت بروحك غير باه تنقذلها حياتها هي و ولدها، كنت راح تموت ، دخلت في غيبوبه ، باش فالاخر تقولي انها ما تهمكش اااه ، شكون راك تخدع ، انا ولا راك تخدع روحك بهاد لكلام 😏
أنس : وعلاه لازم نسقسي عليها ،اااه علاش هي سقسات عليا ، وينها ااه قولي لي ، وينها ، على خاطر انا ما رانيش نشوف فيها ، ما عطاهاش قلبها حتى تجي و تسقسي عليا 😏اذا هي خيرت حياتها و طريقها ، انا تاني راح ندير كيفها ، انا تاني راح نعيش حياتي و نخير طريقي بعيد عليها
-ملاك: لا يا ولدي راك غالط ، نتا ما علابالكش ، واش كاين ، كي كنت نتا فالغيوبة ميرال كانت...
كانت راح تحكيلو على الشي اللي داراتو ميرال معاه وكيفاه ما فارقاتوش ولا حتى دقيقه ، بصح ما لحقتش تحكي و حبست كي سمعت صوت الباب ندق ، من بعد تحل ودخلت كانت واقفة تشوف فيهم والإبتسامة ما فارقتش وجهها ، شافو فيها بدهشه ، خاصة انس اللي ماكنش متوقع أنو يشوفها و لا انها تجي ، ضيق عينيه ، من بعد نطق باسمها
أنس : جينيفر 😳😳 !!
-جينيفر: انس🙂
قربت منو راحت حضناتو بقوة و طبعت بوسة مرصومة على خدو ،وتهدر
-جينيفر: انس ، راك مليح؟ مابيك والو ياااك ؟
أنس : جيفير ، نتي واش راكي ديري هنا اااه كيفاه حتى عرفتي ؟
بعدت عليه شافت في عينيه من بعد رجعت حكات
-جينيفر: كي طولت ما عيطش ، ولا بان عليك حتى خبر ، حسيت انو كاينة حاجة من بعد بابا تصل بمعارفوو هوما خبروه بالشي اللي كان
(هزت يديها و حضنت وجهو من بعد كملت كلامها)
-جينيفر: قولي لي ياك راك مليح ، ماكنش حاجة توجع فيك ؟ والله خفت عليك بزاف ما قدرتش نصبر وجيت لهنا باول طيارة
أنس : ايه ، ايه مليح ما تخافيش ، الظاهر انو الموت مازال ما ختارتنيش و تكتب لي حياة جديدة
حطت يديها على فمو كي جبد سيرة الموت هزت راسها بالنفي
-جينيفر: شششت ، بعيد الشر سيرة الموت ما تجبدهاش ، فهمت 😢
ترمات في حضنو وهو تاني بادلها العناق و مانتبهوش لميرال اللي كانت تشوف فيهم و صدمتها كبيرة ،😦 تعمروا عينيها بالدموع وهي تشوف فيهم و هوما يحضنو في بعض , طاحت دمعتها، بلعت ريقها و تفرك في يديها يديها ،و قبل ما يحسو عليها هزت روحها وراحت تجري خرجت لبرا ركبت فالطموبيل وراحت هربت بعيد
↚
الحلقة 199
كانت تسوق كي المهبولة و صورة انس و جينفر ما حبتش تروح من بين عينيها ، دموعها عرفوا طريقهم ، نار الغيره شعلت فيها هذا وين حست بالشي اللي كان يحسو كي تكون مع اوس ، شربت من نفس الكاس ، اذا هي مجرد حضن دار فيها هاد ، كيفاه هو كان متحمل الشي اللي كان يشوفو قدام عينيه ، كيفاه كان
قادر يتحمل وهو عند بالو جواد ولد اوس وانو زواجهم حقيقي ، صفت على جنب شدت الفولون بيديها الزوج و تاخذ في انفاسها ، سندت راسها على الفولون و خلات دموعها يطيحو، كانت تبكي بحرقة 😭 خلات كل شي كان مكبوت داخلها يخرجوا ، حتى حسنت روحها هدات ، مسحت دموعها ، من بعد تحركت الطموبيل و راحت .
بعد مدة من السيران ، حبست الطموبيل قدام الفيلا ، بقات مدة تشوف فيها من الداخل ، من بعد نحات السانتور و نزلت راحت دخلت ،راحت طول للصالون لقاتهم كامل متواجدين تماك ، شافت فيهم و عيونها كانو تعبانين ، ناض اوس قرب منها كان راح يهدر معاها بصح حبساتو بيدها و سبقاتو كي حكات
ميرال : الله يخليك اوس خلينا نحكو من بعد ، مانيش قادرة نسمع حتى كلمة
-أوس: ميرال ...
ميرال : اوس الله يخليك
الشي الوحيد اللي راني حابتو دوك نشوف جواد ونرتاح
بلاما تزيد كلمة دارت و طلعت للفوق ، راحت دخلت طول لبيت جواد لقاتو راقد و نرمين قاعدة جنبو ، سندت راسها على الباب وربعت يديها و تشوف فيه وغير وشافتها نرمين ناضت من بلاصتها وهي قربت منهم
ميرال : عندو بزاف من اللي رقد؟
نيرمين : عندو شي ربع ساعه
ميرال : خالتي قولي لي ياك تفقدتي فراشو مليح ، حوايجو ، ما دارهاش تحتو ؟
-نيرمين: راني متأكدة مادام ميرال ، وزيد عندو يومين ما شاف لا كابوس ولا ناض مفزوع، وقبل ما يرقد كانت حالتو مليحة وحتى هو قعد بزاف مع السي أوس لعبوا مع بعض ، وحتى غفى عندو ،
ميرال : الحمد لله ، يا رب😔 الله يخليك معليش تخلني وحدي مع جواد
-نيرمين: اكيد، طبعا🙂 قولي لي كاش ما تحتاجي قبل ما نخرج؟
ميرال : لا، لا يعطيك الصحه
-نيرمين: صحا انا تسمحلي مالى
ميرال : 🙂
خرجت نيرمين وخلات ميرال ، دخلت عند جواد تحت لغطا، قربت وجهها منو و حطت شفافها على جبينو، مسحتلو على شعرو تحكي
ميرال : اااااه يا ملاكي، يا روحي ، واش كنت راح ندير في وسط هاد العاصفة لوكان ماشي نتا ، كيفاه كنت راح نتحمل 😢 والله قلبي راه يوجع فيا بزااف💔 😔 ما معلاباليش اذا تقدر تفهم الشي اللي راح نقولو ، ولا لا ، الحياة حطتني باصعب امتحانات ، في كل امتحان كنت نضيع طريقي وكنت راح نستسلم ، بصح في كل مرة كنت نتغلب على الصعوبات ونتجاوز كل امتحان ، 😔 بصح هاد المرة ما نعرفش اذا راح نقدر نتخطى هاد الامتحان ولا راح نخسر ، تاع الصح هاد الخطرة راني حاسة روحي علي الهاوية لو كان نزيد خطوة للقدام راح نطيح😢 حاسة روحي عاجزة و ضعيفه ؛ راني كي طفلة صغيرة اللي ضيعت والدها في وسط زحمة وما قدرتش تلقاهم 😢 معلاباليش اذا لازم نسنى شي حد يجي و يشدلي يدى ويورلي الطريق كيما كل خطرة ولا نحارب وحدي ، و نوقف على رجليا 😔 راني خايفه ، خايفة وضايعة ، راني خايفة نضيع و ما نلقاش طريقي ، خايفة نستسلم ، خايفة من انو ما يكونش عندي القوة الكافية باش نحارب 😭 عيت بزاف عيييت😭😭
حطت راسها على لمخدة و قربت منو حطت خشمها على راسو تشم في ريحة شعرو وتلعب بيه و كأنها فهمت انو هو اليد اللي تسني تتمد لها ، فهمت انها مجبورة تبقى قوية وتحارب علاجالو بقات مدة على نفس الوضعية حتى داتها عينها و غفات معاه في نوم عميق
↚
الحلقة 200
بعد شي ساعة و لا ساعتين من النوم فاقت على يدين جواد يتحسسوا خدها ، حلت عينيها ،شافت فيه وتبسمتلو وجبداتو عندها و حضناتو وتبوس فيه و هو تاني رجعلها التبسيمة وحكا
-جواد: ياخي انا كنت لاقد مع بابا و كي نوضت نتي لاقدة معايا
ميرال : امممم هذا سر
-جواد: يعني ما لاحش تقولي لي
هزت راسها بالنفي من بعد طبعت بوسة مرصومة على خدو
ميرال : يا روح ماما 😍 ملاكي ، امممم ريحتك كالمسك ،😍
-جواد: نتي تاني ليحتك بيية😍 ماما
ميرال : يا عيون ماما😍
بعدت عليه كي سمعت صوت تليفونها يصوني ، رفداتو وهزت عليها
ميرال : الو شهد
-شهد: ختي ميرال واش راكي ؟
ميرال : صافا ، ونتي؟
-شهد: صافا 🙂 راني مصباح راني نسنى فيك ، ولا بدلتي رايك ؟
ميرال : لا،لا ، ما بدلتش رأيى ، دوك نجي ، نوجد جواد ونجوا
-شهد: راني متأكدة من الشي اللي راح ديره؟ ما تسرعتيش فقرارك ؟
ميرال : ايه ، راني متأكدة ، ما راحش نتراجع على قراري ، 😔 شهد معليش خلي نجي و نحكو على راحتنا ختيتو ، ما نقدرش نحكي دوك
-شهد: اممم فهمت يعني جواد راه جنبك ،
ميرال : ايه ، مانيش حابتو يحس على شي
-شهد: خلاص ختي نتي ارواحي وراح نحكوا راني نسنى فيك
ميرال : صحا ختيتو ، ما نطولش عليك
-شهد صحا 🙂
كوبات و دارت عند جواد تبسمتلو و حكات
ميرال : جواد علابالك وين راح نروحو دوك؟
-جواد: وين ؟؟
ميرال : راح نروحو عند خالتو شهد ، و راح نقعدو معاها شي يامات واش رايك ؟؟
من فرحتو ناص و يسوطي على السرير و يحكي
-جواد: هيبه هيييه لاح نلوحو عند خالتو ثهد ، لاح نلوحو عند خالتو ثهد 🙂🤗
ضحكت على تصروفاتو من بعد هزاتو و راح غسلتلو و وجدتلو حوايجو و طلبت من نيرمين توجد روحها باش تجي معاهم و فهاداك الوقت راحت هي خذات دوش خفيف من بعد وجدت روحها و جمعات قشها باش تروح عند شهد
↚
الحلقة 201
بعد ما وجدو كامل رواحهم نزلت لتحت حتى تخبرهم بالقرار اللي خداتو دخلت عندهم الصالون و هي كانت تجر في فاليزتها شافو فيها و ناضو كامل خاصة أوس اللي تحلو عينيه مش فاهم واش راه صاير ولا واش راش تعني هاديك الفاليزة ، قرب منها ويسقسى فيها
-أوس: ميرال ، واش راه صاير؟ وين راكي رايحه بهاد الفاليزة ؟
ميرال : راني رايحة عند ختي شهد
-أوس: خير ياك ما صرات حاجة ، ولا كاش ما زاد دار خوك تاني ولا...
ميرال : لا ما صرا والو ما تقلقش روحك
-أوس: مالى راكي رايحه تريحي ، ماعليه ، نتي ما تقلقيش على جواد راح نرد بالي عليه
ميرال : جواد تاني راح يروح معايا
-أوس: اممم صحا ، كي تنوي تولي عيطلي باش نجي و..
ميرال : اوس الظاهر ما فهمتنيش ، انا راح نخلي الفيلا ، راح نروح نعيش في دار بابا
-أوس: واش قصدك اااه؟؟؟
راشيل : ميرال خير واش كاين ؟
ميرال : كلامي واضح ، بعد الشي اللي صرا انا خذيت قرار
-أوس: قرار؟؟ واش من قرار ؟
ميرال : انا بعد الشي اللي عشتو باخر فتره ، وتاني الشي اللي بينك و بين لينا أنا...
-أوس: ميرال صدقيني الشي اللي صرا كان مجرد غلطة ، ماكانش لازم تصرا اصلا ، صرا في لحظة في لحظة ضعف و ..
ميرال : غلطة و لحظة ضعف ، اللي صرا ، صرا ، و اصلا ما رانيش هنا باش نحكي فهاد الموضوع
-راشيل : دقيقه ، دقيقه ، معليش تفهموني واش راه صاير هنا ، واش صرا بين خويا اوس ولينا اااه ،
ميرال : هاد الشي خلي خوك يفهمك واش صرا😏، المهم اوس انا جيت باش نخبرك بقراري
-أوس: و اللي هو ؟؟
ميرال : انا ، انا حابة نرفع دعوة طلاق
-أوس: وو.. واشنو 😳😳 طلاق؟؟
ميرال : ايه, هاد احسن حل
-أوس: ميرال ، ما ديريش هاد الشي اااه ، خمي اااه ، ماتاخذيش قرار في لحظة...
ميرال : لا راك غالط هاد القرار خذيتو من تخمام ، هاد احسن شي لحنا في زوج
-اوس: الله يخليك خمي مليح ، وزيد كاين جواد ، ااه واش راح نقولو لو ، وزيد علابالك بلي انا نحبو بزاف و تعلقت بيه ، ما نقدرش نعيش بلا بيه ،😔 صح انا ماشي باباه بصح انا ربيتو ، انا اللي كبرتو 😢 انا اللي كنت حاضر كي خطى اول خطوة ، صح انا غلط بصح نظن انو انا ما تستاهلش منك هاد العقاب ، انك تبعبدي عليا جواد هاد اكبر عقاب صدقيني😢
ميرال : اوس ، واش راك تحكي ، علاه شكون قال انو انا حاب نبعد عليك جواد ، انا عندي لا خممت فهاد الشي ، انا مستحيل تخمم نبعد عليك جواد ، و انا علابالي شحال تحبو وشحال راك متعلق فيه ، وحتى هو يحبك بزاف واساسا هو يعرف اب واحد واللي هو نتا ، 😢 صدقني حتي طلقنا هاد الشي ما راحش يأثر على علاقتك مع جواد 😢
-أوس: بصح راح يجي نهار راح يعرف الحقيقه ، ويمكن فهاداك اليوم راح نكون خسرتو 😢
ميرال : ايه صح يمكن راح يجي يوم وراح يعرف الحقيقه ، بصح هاد الشي ما راح يبدل والو ، محبة جواد ليك ما راحش تتبدل ، صدقني على خاطر الانسان كي يحب يحب بقلبو ماشي بدمو فهمتمني 😢
-أوس: وانتي !!! علاش ماكيش حابة تبدلي قرار ماكيش تشوفي انك تسرعتي
ميرال : لا ، انا ماراحش نتراجع على قراري ، راني حابة ننهو هاد الزواج و كل واحد يعيش حياتو
-أوس: اااه ، فهمت قصدك نتي راكي حابة نطلقو باش تشوفي حياتك مع انس ياك ؟؟؟
ميرال : اوس مكلاه ندخلو فهاد التفاصيل ، انا خذيت قرار و نتمنى انك تحترمو
-أوس: ايه صح عندك الحق شكون انا باش تحكي معايا بتفاصيل حياتك اااه ،
ميرال : اوس علاه راك حاب تخلق في مشاكل ، اصلا ماشي انا اللي غلط نتا الي غلط ، نتا اللي رحت قربت من صاحبتي ، فهمت 😡 على هادي مكلاه تلومني انا😏
-أوس: اااه راني نلوم فيك قلتيلي اااه ، صحا قولولي نتي سقسيتي روحك علاه انا روحت بست لينا ااه ، خممتي علاه درت هاد الشي ، انا راح نقولك ، انا درت هاد الشي على خاطر انا تاني حسيت بالاهانة كي شفتك بعيني نتي و أنس كنتو تبوسو في بعض ، هنا وقدام عينبا ، علاه واش عمبالك انا ما عنديش كرامة ، انا ماشي راجل ، تشوف مرتي مع واحد اخر اااه قولي
تحلو عينيها كي سمعت هاد الشي ما جاش في بالها انو شافهم هاداك اليوم
ميرال : ماشي انا اللي بستو هو اللي باسني ، هو ماشي انا😡
-أوس: ايييه صحا ،مدام راكي خذيتي قرارك ، ماشي مشكل ، غدوى راح يوصلولك وراق الطلاق ،راح نطلقو ، وكل واحد راح يروح في طريقو 😏
ميرال : ايه هاذا احسن شي
لحنا الزوج
في الوقت اللي كانوا يتناقشوا مع بعض ، نزلت نيرمين و جواد مع بعض ، ودعو اوس بلا ما يحسسوا بحتى شي من بعد هزو رواحهم و خرجوا ، راحو ركبوا في الطموبيل راحو خذاوا طريهم عند شهد
↚
الحلقة 202
بعد ما تحسنت حالة انس سمحلو الطبيب يخرج ، راح رجع للقصر ،كان راح يطلعوه لبيتو بصح حبسهم
أنس : مانيش حاب نطلع للبيت ، راح نريح هنا معاكم
-ملاك: لا مستحيل ، نتا لازم تريح في بيتك ، ما سمعتيش الطبيب واش قال، قالك لازم تحادر على روحك ، هيا وليدي معايا نروحو لبيتك ،
أنس : يما ، يما ما تقلقيش روحك راني مليح ، انا كرهت من الفراش ، راني تحس في روحي عاجز ،
-كريمة: اه يا ولدي يماك عندها الحق ، نتا لازم تريح ، يا الله خوذ الراي
أنس : ماااني ،الله يخليك والله ماني قادر ، راني حاب نريح هنا معاكم
-رنيم: يا الله خلوا خويا السبع بحالو ، ما تقلقش روحك مدام ختك راهي هنا ، كلشي عندو حل ، خويا لعزيز واش رايك نروحو نقعدو فالجنبنة ااه واش قلت
أنس : اااه والله صح عندك الحق ، وزيد الحال اليوم راه شباب 🙂
-ملاك: بنتي رنيم ، واش راكي ديري ،انا نحوس على راحة خوك ونتي راكي حابة تديه للجنينة
-رنيم: ماما علاه راكي تكبيرها ،ها نتي تشوفي أنس راه مليح الحمد لله
-ملاك : انا راني نكبر فيها ياك ؟ نسيتي واش درتي نتي فالمشفى ، اااه كنتي راح تموتي من الخوف ، وحتى المسكينه تاع ميرال ما خليتي كلمة وما رميتيها في وجهها نسيتى ولا نفكرك
غير سمع اسم ميرال ، تحلو عينيها ، بلع ريقو، حس انو جسمو يعرق قربت منو ملاك كانت راح تهدر بصح حبسها
أنس : انا راح نقعد فالجنبنة ، ما تقلقيش روحك ما راحش نطول
-ملاك: صحا وليدي صحا ، نتا روح مع ختك و انا راح نوجدلك حاجة تاكلها
أنس : صحا يما
خرج مع رنيم للجنينة راحو قعدوا تماك كان ساكت وسارح في تخمامو حتى قطعت علية رنيم سرحتو
-رنيم: انس ، خير وين راك رايح بيها ؟؟
أنس : اااه ، لا راني غير هنا ، ما عندي وين نروح
-رنيم: بصح اللي راني نشوف فيه العكس، فاش راك تخمم اااه؟؟؟
أنس : لا ماشي حاجة مهمة
-رنيم: و هاد الحاجة اللي ماهيش مهمة ما يكونش اسمها ميرال مثالا
أنس : (قحرلها) رنيييم
-رنيم: علاه راني غالطة ؟؟
أنس : رنيم ما تخلينش نندم كي خرجت معاك لهنا 😏
-رنيم: خويا ، علاه راك دير هاد الشي , علاه راك تتهرب كي تسمع اسم ميرال، ولا...
أنس : ماراني نتهرب ولا شي 😏
-رنيم: راك تتهرب ، ماراكش شايف روحك ، والمشكل هو انو نتا مهم حاولت تتهرب تفضحك روحك ،
أنس : رنيم مانيش حاب نحكي فهاد الموضوع
-رنيم : ما فهمتش انا مدام تحبو بعضاكم علاه راكو ديرو فرواحكم هاد الشي ، علاه راكو حابين تتعذبوا
أنس : مكان لا حب و لا والو
-رنيم: اااه راك حاب تقنعني انك ماعادتش تحب ميرال ، ياك ، واذا صح ما تحبهاش ، قولي علاه ضحيت بحياتك على جالها ، اااه نتا كنت راح تموت، وزيد حتى الشي اللي داراتو هي على جالك كي كنت في الغيبوبه ، اذا ماهوش حب ، واش يكون؟؟
على اخر جملة قالتها، تحلو عينيه ، دخلاتو في حيط ،
أنس : ووا.. واش قصدك بهاد الشي؛ علاه ميراال واش دارت ؟
-رنيم: ااه😳 علاه ما علابالكش ؟
أنس : بواش ؟؟ اهدري ، واس دارت ميرال اااه؟؟؟
-رنيم يعني ، انا في بالي كنت تعرف..
أنس : رنيم ما تخرجينيش من علقي😡 اهدري واش كاين😏😏
خكاتلو رنيم كلش ، لحظة بلحظة ، حكاتلو على اللحظات اللي حبس فيه قلبو ، وكيفاه رجع كي كانت ميرال جنبو ، حكاتلو كيفاش كانت تروح عندو و تهتم بيه ، فالمدة اللي كان فيها فالغيبوبة ، حتى الدقيقه اللي فاق فيها ، ناض من بلاصتو قرب منها شدها من يدها و نوضها و يسقسي فيها
أنس : رنيم راكي متأكدة من الشي اللي راكي تحكي فيه اااه 😨
-رنيم: ايه , خويا متأكدة ، هذا اللي صرا واذا ما أمنتنيش سقسي ماما راح نقولك نفس الشي
غمض وهز يديه عداهم على شعرو ،كان يروح ويجي عدا يدو على فمو من بعد شاف في رنيم ،كي هدرت معاه
-رنيم: أنس خير واش كاين ، واشبيك ؟؟
ما جاوبهاش ، نفخ وعدا جنبها من بعد راح دخل و عينيه شاعلة ، دخل كي الثور الهايج يحوس على ملاك حاب يفهم منها لحكاية
↚
الحلقة 203
دخل عند ملاك للكوزينة لقاها توجد فالعشا ، وغير شفاتو و وجهو ما كانش يضوي ، خلات من كلشى في يدها وراحت قربت منو
-ملاك: أنس😨 ولدي خير واش كاين ، شبيه وجهك ما يتفسرش ، ياك ما كاين حاجة توجع فيك قولي 😨
أنس : ايه كاين ،
-ملاك: وين قولي لي ، واش راه يوجع فيك ااه ، قلتلك لازم تريح فبيتك بصح نتا راسك خشين وما تاخذش راي ، قولي واش راه يوجع فيك اااه ؟؟؟ ولا خلي نعيط للطبيب يجي يشوفوك 😨
شاف فيها من بعد هزلها يدها و حطها على قلبو تعمرو عينيه بالدموع من بعد رجع هدر
أنس : هذا ، هذا اللي راه يوجع فيا 💔 قولي لي اذا عيطتي للطبيب و جا راح يقدر يخفف لوجيعة اللي راهي هنا 😢 راح يقدر يطفي النار اللي راهي شاعلة هنا و يداوني اااه قولي لي يا يما ، (طاحو دموعو 😭) قولي علاه ما خبرتينش بلي ميرال كانت تجي عندي كي كنت فالغيبوبة ، علاه خبتي عليا، علاه😭
بلعت ريقها ، كلامو ودموعو قطعلو قلبها وهي تشوف فيه كيفاه يتعذب و مش قادره دير حتى شي ، نزلوا دموعها طول من بعد جاوباتو
-ملاك: انا ما خبيتش عليك ، نتا اللي ما كنتش حاب تسمعلي ، كنت في كل مرة نحاول نخبرك بكلشي ، بصح نتا تسكتني و ما تخالينيش نفتح فمي ، صدقني انا تاني كنت حاب تعرف انو بفضل ربي سبحانه وبفضل ميرال اللي راك معانا اليوم ، بصح ما قدرش ، ما قدرتش نخبرك😢
هز راسو بالايجاب بمعنى صح انا اللي ما كنتش حاب نسمعلك ، حط يدو على فمو يكتم في صوتو مسح دموعو بالزربة منبعد شاف فيها و رجع هدر
أنس : وقتاه ، وقتاه راح يخلاص هاد لعذاب ، لوقتاه راح نظل نخلص و ندفع ثمن الغلطة اللي درتها ،😢 ما كيش تشوفي بلي راني خلصت وبالزيادة ،😢 والله ما رانيش قادر نتحمل كتر من هاد الشي ، وقتاه راح يخلاص هاد الشي ، وقتاه راح يخلاص عذابي😭
قربت منو و حضنت وجهو بين يديها تهدي فيه و تحكي
-ملاك: راح يفوت ، صدقني كلش راح يفوت ، نتا راك تجاوزت محنات كبار من هادي ، وراني متأكدة بلي راح تتجاوز حتى هادي 😢 و راح يفوت هاد لعذاب وراح ترجع الدنيا تضحك في وجهك 😢 صدقيني ياولدي😭
أنس : وقتاه يا يما وقتاه ، مانيش قادر نتحمل كتر 😭 مارنيش قادر 😭
حضانو بين يديها و تزير عليه وهو تاني بالمثل ، زير عليها بيكي حتى طاح على ركايبو حط راسو على صدرها يبكي كي طفل صغير😭😭 قطعلها قلبها 💔 وحتى رنيم كي شفاتو وهو بهاديك الحالة ما قدرتش تتحمل ، راحت قربت منهم وزادت ترمات عليهم بقاوا مدة هكذا يواسو
↚
الحلقة 204
ناضت على رجليها و شدت أنس من دراعو توض فيه و تحكي معاه
-ملاك: نوض ، نوض يالله ، نوض
عاونتها رنيم و توضوه في زوج ،حتى خلاوه يوقف على رجليه ، هزت يديها تمسحلو في دموعو من بعد حضنت وجهو تحكي
-ملاك: ماشي نتا اللي تضعف ماشي نتا اللي يبكي و يستسلم فهمتني ، نتا انسان قوي، نتا راح تحارب من جديد ، ياك وعدتني انك ماراحش تيأس اااه ولا نسيت ،قولي وين راح انس اللي كي يكون يحب حاجة يدير كلشي ، يدير المستحيل باش يحصل عليها , ما رانيش نشوف فيه ، انا راني نشوف و في واحد قدامي ضعيف ، عاحز ،مهزوم و ما عندوش حيلة ، هذا اللي راني نشوف فيه
أنس : و واش راكي حابتني ندير ،ااه ، راكي حابة نروح نحط عيني على مرا مسمية على واحد اخر ،ااااه حابة نحط عيني على مرت راجل ،😡 نفضل نموت ولا ندير هاد الشي ، حتى من قبل صح كنت انسان مغرور ، كنت طايس وهامل بصح عمري ما قربت على مرت راجل ، على هادي ما تنسايش مني ندير حاجة 🙄
-ملاك: ونتا واس يضمن لك أنو زواجهم حقيقي اااه وبلاك هوما ...
أنس : جواد ، جواد هو الدليل ،نستى انو عندهم جواد 😔
-ملاك: جوااااد😔😔، انا يعني كنت حابة ...
أنس : يما خلاص ، ما عادش كاينة حاجة تتحكي، حكايتي انا وميرال خلاصت حتى قبل ما تبدا ، انا خسرتها قبل اليوم ، خسرتها فالليلة اللي تعديت عليها ، انا اللي وصلتنا لهاد النقطة، ضيعتها بيدييا و على هادي انا ماراحش نلومها و لا حتى راح ندير اي شي يوقف في وجه سعادتها مع عائلتها 😢 اذا هي راهي فرحانه ومهنية واش راح نطلب كتر من هاد ، انا هاد الشي يكفيني 😢 وصدقني يا يما هاد الشي يريحني من الداخل 😢
عمض عينيه وتفكر هاداك اليوم في المستودع كي قالتلو نكرهك و بلي كانت حابة يخرج من حياتها تفكر كلمة بكلمة حط يدو على فمو ، من بعد مسح دموعو بالزربة و تبسم ابتسامه تاع واحد مقهور، بلع ريقو ، خذا نفس عميق😫 من بعد عاود هدر
أنس : نتمنى انو ماعادش تجبدو هاد الموضوع مرة اخرى و ما تحبرونيش نحكي فيه ، اذا صح يهمكم امري سكرو على سيرة ميرال وما عادش تجبدوها😢 وخلوني نبدا حياتي من جديد ونخير طريقي وحدي 😔 الله يخليكم ما تحبرونيش نعاود كلامي مرة اخرى 😔
-ملاك: أنس😔
أنس : تفاهمنا!!!؟
-ملاك: هزت راسها بالايجاب
أنس : ايه مليح ، ودوك سمحولي انا راح نطلع لبيتي نريح
-ملاك: صحا وليدي صحا 😔 روح أن شاء الله ربي يفتحها في وجهك ، الله يريح بالك 😔
أنس : امين يا يما امين😔
هز روحو. يكركر في رجليه حتى يخرج و يطلع لبيتو ، قربت منو رنيم و شدتلو دراعو تعاون فيهم ، شاف فيها ، تبسلها من بعد جبدها عندو و حضنها وهي بادلاتو الحضن تبكي وتهدر
-رنيم: سمحلي بزاف خويا ، هاد الشي اللي صرا بسبابي ، انا اللي اصريت نحكو ، انا اللي فتحت معاك الموضوع سمحلي😭
أنس : شششت ، رنيم نتي مادرتي والو هادي ماشي الغلطة تاعك 😔
-رنيم: 😭😭😭
أنس : ختي اذا راح تبقاي هكدا تبكي ما راحش نقدر نطلع لبيتي نريح وصراحه مارنيش نحس روحي مليح ، راني حاس بدوخة😵
بعدت عليه و مسحت دموعها و شدتلو دراعو وتجر فيه وتحكي
-رنيم: خير خويا ، شييك ااه؟ راك قادر توقف على رجليك ؟
-ملاك: أنس واش من دوخة ااه ، راك مليح؟
أنس : تهدنو ، تهدنو ؛ مكان والو ،كنت برك نتمسخر ،غير باه نخلي هاد البكاية تخلني نروح لبيتي😉
-ملاك: الله يسامحك يا ولدي علاه راك تخلع فينا 😒
-رنيم: (ضرباتو ضربة خفيفه على كتفو) ياخي سامط 😒
أنس : امم ، نتي بلا احساس مازالكي مخليني واقف على رجليا ، راني حاب نطلع نريح
-ملاك: يا الله بنتي يا الله ادي خوك يريح 🙂
أنس : سمعتي ماماك واش راه تقول ، يا الله🙂
-رنيم: خلاص ، خلاص ، سمحلي يا الله خلينا نطلعو لبيتك ، يا الله خويا
أنس : يا الله 🙂
كان يحاول يخفف عليهم باي طريقه ، بالرغم من انو هو المجروح ،بصح ماكانش حاب يتأثروا بالشي اللي صرا ، كان مسند روحو على رنيم باش يطلع لبيتو ، فهاداك الوقت صونا الباب من بعد هدرت ملاك
-ملاك: اااه هذا ما يكون غير باباكم اللي جا
-رنيم: ايه مليح ، خليه يجي و نحكيلو على عمايل وليدو 😒
أنس : علاه انا واش درت اااه
-رنيم: امشي دوك من بعد راح تعرف واش درت
أنس : رنيييم
-رنيم: يا الله ما تهدرش براف
خرجوا من الكوزينة كانوا راح يطلعوا فالدروج حتى تصدموا كي شافوها واقفة مقابلتهم شادة جواد بيديها وتشوف فيهم
↚
الحلقة 205
كانت واقفة تشوف فيهم و شادة جواد من يدو بلعت ريقها وهي تشوف فيه ، تكذب لو كان تقول ما توحشاتوش من النهار اللي فاق من الغيبوبة ما شفاتوش وحتى هو ما كانش اقل منها ضيق عينيه و حس بدوخة ، كان راح يوقع ،لوكان ماشي رنيم اللي شداتو ، بلع ريقو, يديه كان يرجفوا قلبو كان يخرج من بلاصتو ، ما علابالوش علاه في كل مرة يقول انو راح ينساها و يخرجها من قلبو و تفكيرو ، تخرج قدامو و تخربلو كل مخطاطتو ، زاد قلبو يخفق كتر كي شافها تقرب منهم وهدرت
ميرال : انا ، يعني سمحولي بزاف ، جيت بلا ما نخبركم و لا نعيط قبل
-ملاك : ميرال استغفر الله بنتي ، واش هاد لكلام ، علاه نتي غريبة باه تعيطي قبل ما تجي ، الدار دارك وقت ما تحبي تفضلي عندنا 🙂
ميرال : يعطيك الصحه مادام ملاك 🙂
-رنيم: ياك غير الخير ميرال
ميرال : ايه خير ، يعني بصراحه جواد اللي اصر عليا نجيبو ، يعني كان حاب يشوفوك ( تهدر وتشوف في أنس) هو من نهار اللي شافك فالمشفى و هو غير يسقسي عليك و اليوم اصر عليا نجيبو
-ملاك:. يا عمري😍
قرب منهم انس من بعد نزل لمستوى جواد شاف فيه و تبسملو من بعد هز يدو على راسو فرفشلو شعرو
أنس : اممم يعني كنت حاب تشوفي ياك 🙂
-جواد: ايه ، انا كنت حاب نثوفك
أنس : علاش ؟؟
-جواد: على خاطل انا هداك اليوم كي كنت لاقد جيت عندك و هدلت (هدرت) معاك من بعد فقت 🙂 على هادي حبيت نثوفك🙂
أنس : اممم صح قالو لي بلي نتا اللي خليتني نفيق ، هاد الشي بفضلك نتا 🙂
-جواد: هز راسو بالايجاب☺️
-ملاك: بنتي ميرال واش رأيك تجي معايا نحكوا شوية ونخلوا جواد و عمو انس يحكو على راحتهم 🙂 واش رايك حبيبي جواد 🙂
-جواد: هز راسو بالايجاب
ميرال : صحا مادام ملاك🙂
شافت في جواد من بعد نزلت حتى هي لمستواه تحكي
ميرال : جواد حبيبي ، دوك نولي ياك نتا خليك مع عمو انس انا راح نحكي مع خالتو ونولي ما راحش نطول 🙂
-جواد: حاضل ماما🙂
ميرال : شاطر
دورت عينيها ،كان انس يشوف فيها بكل حب ، كانوا قاعدين في زوج على نفس الوضعية ويشوفو في بعض وجواد كان في وسطهم 👨👩👦 وناسين اللي دايرين بيهم وكانهم كانو وحدهم ، وكأنو حتى الزمن وقف فهاديك الدقيقه و الصراعات داخلهم تاكل فيهم كل واحد فيهم يخبي داخلو حبو و اوجاعو كانوا قراب من بعضاهم ونفس الوقت بعاد قد ما السما راهي بعيدة على الارض ، الفجوة اللي بيناتهم كل يوم تزيد تكبر و علاقتهم و قصتهم مع بعض راهي تصير مستحلية، حكايتهم كملت قبل حتى ما تبدا حبهم مات قبل حتى ما يتخلق ، بصح رغم كلشى راه مبين من برا بصح اللي راه داخل غير ، حتى نظراتهم هادوك كانوا يعبروا عن كمية الحب و الكيمياء اللي بيناتهم بصح كل هاد الشي راح في جرة غلطة دارها انس و عناد وغرور ميرال، بقاوا يشوفوا في بعضاهم حتى قطعت عليهم ملاك كي هدرت
-ملاك: بتني ميرال
فاقوا في زوج من سرحتهم من بعد هي ناضت وراحت قربت منها اما انس كان يخزر في نقطة وحدة من بعد شاف في جواد تبسملو ، ناض و شدو من يدو خرجوا و معاهم رنيم للجنينة و خلاو ميرال مع ملاك فالصالون يحكوا مع بعض
-ملاك: بنتي ميرال انا ما صحليش فرصة نشكرك على الشي اللي درتيه مع انس ، ما معلاباليش واش لازم ندير باه نشكرك ، لو كان ماشي نتي لوكان راني دوك نندب عليه و...
ميرال : مادام ملاك ، ما تقوليش هاد الشي ، اصلا انا ما درت والو
قربت من الشباك تطل على الجنينة كانت تشوف في أنس وجواد يلعبوا مع بعض و فرحانين تبسمت لا اراديا من بعد رجعت حكات
ميرال : انا تاني ام و حاسة بيك ، انا تاني لوكان تصرا حاجة لجواد نخرج من عقلي ما نقدرش نعيش بلا بيه ، راني فاهماتك على هادي ما عندك علاه تتشكرني ، اصلا الشي اللي درتو كان على جال جواد
-ملاك: 😳😳 اااه واش قصدك ، كيفاه زعما علاجال جواد واش علاقتو بهاد الشي ؟؟
ميرال : 😨 دارت عندها كي ردت البال على الشي اللي حكاتو ، تلبكت و كانت تفرك في يديها من بعد هدرت
ميرال : والو ، يعني برك ، انا قصدي ...
-ملاك: ميراال ، خير واش كان قصدك ؟؟
تبكمت و تحلو عينيها على وسعهم بلعت ريقها ما لقاتش واش راح تقول جات تحل فمها و تبررلها حتى حبست كي جاها صوت من اللور و دارت عندها تشوف فيها بصدمة
-جينيفر: Hi
-ملاك: هادي نتي ؟؟ مرحبا
قربت منها و سلمت عليها من بعد شافت في ميرال اللي كانت وجحها ما يضويش شافت فيها مدة من بعد حكات
-جينيفر: تلاقينا من قبل ؟ راني حاسة اني شفتك من قبل بصح ما شفيتش وين ؟؟؟
مدتلها يدها تسلم عليها من بعد رجعت حكات
-جينيفر: على العموم ، انا جينيفر ونتي ؟
شافت في يدها الممدودة ليها مدة من بعد شافت فيها ، من بعد مدتلها يدها هي تاني تسلم عليها
ميرال : و انا ميرال
-جينيفر: ميراال!!؟ ااااه تفكرت وين شفتك ، انا شفتك في التليفون ، قصدي شفتك صورتك كي كنتي مخطوفة نتي ولدك تفكرتك دوك ، 🙂 واش راكي ، أن شاء الله تكوني مليحة؟ و وليدك واش راه
ميرال : لاباس الحمد لله
-جينيفر: الحمد لله 🙂 ( دارت عند ملاك و رجعت حكات) طاطا ملاك انا جيت نشوف أنس ، وين راه اذا في بيتو خليني نطلع عندو 🙂
ملاك: لا ماشي في بيتو راه فالجنبنة ( تهدر وتشوف في ميرال)
جينيفر: اوكي طاطا مالى انا نروح نشوف أنس ، نتو كملو هدرتكم 🙂
هزت روحها وخرجت لجنينة راحت طول رمات روحها في حضنو و طبعت بوسة مرصومة على خدو و كل هاد الشي صرا تحت انظار ميرال اللي بلعت ريقها كانت تحس في النار شاعلة داخلها و تغلي 🔥 من غيرتها
↚
الحلقة 206
خرجت للجنيية ، كانت تقرب من جواد اللي كان يلعب مع جينيفر قربت منو شدانو من يدو بعداتو عليها ، الشي اللي خلاهم يتصدموا كلهم من الجاست تاعها 😨 شافت فيهم كامل من بعد شافت في جواد و حكات
ميرال : جواد يا الله ماما خلينا نروحو ،راح الحال
-جواد: ماما مانيث حاب نلوح دوك معليث نذيدو ثوية
ميرال : لا ماما ، خلاص لازم نروحو ، يا الله
-جواد: ماما مانيث حاب نلوح ، حاب نقعد مع عمو انث
ميرال : لا جواد قلتلك لا زم نروحو يا الله
-جواد: نتي لوحي و انا لاح نقعد مع عمو انث و عمتو جينيفل ،
غير سمعت اسم جينيفر ، حست انو داخلها يغلي و في اي دقيقة نقدر تنوض و نخنقها، بصح هي ما قدرت تخرج النار اللي شاعلة فيها غير على جواد كي عيطت عليه
ميرال : جوااااد😡 خلاص علاه ما راكش حاب تفهم اااه قلتلك لازم نروحو يعني لازم نروحو😡
تصدموا كامل من تصرفها هاد مع جواد اللي هذا الاخير طلق العينان لعينيه يبكي 😭 من بعد جابت خبر على الشي دراتو حطت يدها على فمها و كانت راح تحطها راسو بصح هو صدمها كي هرب و تخبى عند أنس و يحكي من موراه
-جواد: 😭😭 مانيث حاب نلوح 😭 لا ني حاب نقعد مع عمو انث😭 علاث لاكي تعيطي عليا😭
ميرال : (قربت منو) جواد😨 يا روحي ، سمحلي😢 انا ما قصدتش نعيط عليك ، سمحلي بزاف 😢
-جواد😭😭😭😭
ميرال : جواد يا عمري خلاص ما تبكيش 😢 والله ما نزيد نعيط عليك,خلاص
-جواد: خليني نقعد هنا 😢
أنس : اذا ما عندكش مشكل خليه يقعد وانا راح نجيبهو لك لعشية
بلعت ريقها ، حتارت واش راح دير اذا ترفض جواد راح يزعف ويبكي ، واذا تقبل راح يعرفو انها راهي قاعدة عند شهد و ما هيش فالفيلا ، شافت في جواد اللي كان يسنى فيها تقبل ، وفعلا ما كانش عندها حل اخر من غير انها تقبل
ميرال : صحا اوكي ، راح نخليه بصح انا راح نرجع و نديه
أنس : لا ما تقلقيش انا راح نجيبهو لك
ميرال : لا لا غير مكالاه نقدر نجي نديه انا
أنس : اوكي كيما تحبي
قربت من جواد نزلت لمستواه تحكي
ميرال : انا راح نروح دوك وما نطولش و نرجع ، نتا قعد شاطر ياك وما تعبهومش تفاهمنا 🙂
-جواد: حاضل ماما🙂🤗
-جينيفر: وليدك مشاء الله عليه ، ما يتشبعش منو ،نتي روحي و كوني مهنية عليه أنا و جواد و أنس راح نشبعو لعب بيد ما تولي 🙂 (قربت من انس و دخلت داعها في دراعو)
ناضت و فقت شافت فيهم كيفاه كانت مدخلة دراعها في دراعو و كيفاه كانت تشوف فيه ، بلعت ريقها وبلا ما تجاوبها هزت روحها وخرجت قبل ما دير شي حاجة و تفضح روحها في وسطهم و أنس كان يتبع فيها بعينه حتى غابت عن الانظار
↚
الحلقة 207
بعد ما خرجت حط يدو على قلبو كان راح يخرج من بلاصتو ،شافت فيه جينفر وهدرت
-جينيفر: هي ياك؟؟
أنس : اااااه😳 واشنو؟؟
-جينيفر: هي صاحبة التجربة الفاشلة اللي عشتها ياك؟؟
أنس : ااه واش قصدك بهاد الشي؟ على واش راكي تهدري؟؟
-جينيفر: أنس راك فاهم مليح على واش راني نهدر
أنس : لا ما فهمتش
-جينيفر: أأأنس ماشي عليا هادو الحركات راك فاهم عليا مليح 😉 تقدر تكذب على روحك بصح ما راح تكذب عليا علابالي مليح واش يعني انك تجي من امريكا لهنا وانك ترمي روحك للموت باش تسلكها اذا هاد ماشي حب واش راح تساميه اااه ، حتى اذا راك حاب تنكر هاد الشي عينيك فضحوك ،راني قادرة نشوف فيهم قداش تحبها صح ولا راني غالطة؟؟؟
حط يدو على رقبتو يعديها ، تنهد من اعماق قلبو من بعد هدر
أنس : و واش الفايدة اذا كنت نحبها و لا اااه واش راح يتبدل هي خيرت حياتها و ها تني تشوفي عندها ولد😔
-جينيفر: ما معلاباليش واش هي حكايتكم بالضبط بصح نكذب عليك لوكان نقولك لوكان نقولك انها ما تحبكش هي تاني
أنس : واش راكي تحكي نتى ، واس من حب ، ما خليتش في قلبها حاجة تحبني على جالو 😔 وحتى هي قالتها بلسانها و هي تشوف في عينيا
-جينيفر: امممم يعني راك تقول بلي جرحتها ياك؟ وهي قالت لك بلي ما تحباكش
أنس : ايه ،صح مع الاسف😔
-جينيفر: ونتا صدقتها ياك!!!
أنس : ايه مدام هي قالتها بلسانها
-جينيفر: اااه يا انس خطرات نحير فيك صدقيني
أنس : علاه؟؟؟
-جينيفر: يعني مرا عاشقة ومجروحة من الانسان اللي تحبو برايك واش راح تسنى منها اااه واقيل كنت حابها تجي تحضنك ،هاد الشي مستحيل
أنس : المعنى ؟؟؟
-جينيفر: يعني بغض النظر عن الشي اللي قالته لك ، قالتو على خاطر هي مازالها مجروحة منك ، كلامها ما كانش من قلبها
أنس : يعني قصدك يكمن مازالها .. مازالها تحبني ؟؟
-جينيفر: راني متأكدة من هاد الشي
أنس : كيفاه حتى راكي متأكدة ، كيفاه حتى عرفتي ؟؟
-جينيفر: غيرتها مني ، هاد دليل واضح على انها مازالها تحبك ، (تبسمت على جنب)
صدقيني كي نكون قريبة منك نخاف على روحي ، نقول فاي لحظة تقدر تهجم عليا و تقلتلني ،حتى ردة فعلها مع جواد كانت نتيجة غيرتها ،بصح عزة نفسها و كبرياءها ما يسمحولهاش تقولك هاد الشي ، صدقيني ميرال مازالها تحبك وتغير عليك
قرب منها و شدها من كتافها يحكي
أنس : يعني تحكي صح ، راني متأكدة من الشي اللي راك قوليه ؟
-جينيفر: راني متأكدة كيما راني شايفك
من فرحتو ضحك حتى بانت ضرسة لعقل ، حط يدو على فمو ويضحك حس انو الدنيا مش سايعاتو و فرحتو مش قادر يعطيها لحد قرب منها حضنها ويزير عليها بعدها عليه و طبع بوسة على خدها تعبر على شكرو وبعد كي سمعو صوت يعيط
-جواد: ماماااا
دارو في زوج يشوفو حتى لقاوها واقفة بعيد و تشوف فيهم وجهها ما يتفسرش ، شافو في بعض وتبسموا فهمو أنو هي شافت كلش قربو منها يفهموا علاه رجعت
أنس : خير، علاه رجعتي ، كاش ما صرا
-جينيفر: ولاجيتي تدي جواد ؟
ميرال : انا، جيت ، علاجال جواد ، يعني نسيت هاد دواء تاع جواد ، انا ،يعني هاد الدواء لازم يكون ديما معاك ، في حال صراتلو حاجة ولا..أنا نسيتو على هادي اللي رجعت (كانت تحكي وهي مصدومه من الشي اللي شفاتو😨)
-جينيفر: اااه ، امممم يعني نسيتى الدواء و رجعتي
ميرال : ايه
أنس : ايه صحا ،ما تقلقيش روحك( شدها الدواء عليها)
ميرال : انا راح نروح من بعد نرجع عند جواد
أنس : ايه كيما تحبي
هزت روحها تزرب في مشيتها حست انها رح نتخنق راحت بلا ما دور عندهم راحت ركبت فالطموبيل و ديمارات
↚
الحلقة 208
بعد ما لحقت لعشية راحت جابت جواد من القصر وراحت رجعت للبيت راحت دخلت طول قعدت فالصالون رمات روحها على الفوتاي سندت راسها وغمضت عينيها ستحضرت كل اللي صرا صباح بين عينيها واكثر شي قهرها و حرقلها قلبها الفصل الاخير اللي شفاتو، طاحو دموعها طول حلت عينيها و لقات شهد واقفة مقابلتها دورت راسها للجبهة لخرا مسحت دموعها بالزربة قربت منها شهد و قعدت جنبها من بعد حكات
-شهد: ميرال ، مكلاه تخبي دموعك عليا 😢 شدتلها (يديها ورجعت هدرت) علاه راكي تبكي ؟ واش صرا؟
ميرال : والو ، والو نتي ما تقلقيش روحك ما صرا والو😔
-شهد: بسباب انس ياك ؟
غير سمت اسم انس حطت يدها على فمها تعض في ظفارها و تهز في رجلها هزت يدها و غلغلت صباعتيها شافت للقدام من بعد حكات
ميرال : مدام انا اللي طلبت منو يخرج من حياتى وانا خيرت يبعد عليا علاه راني نحس روحي مانيش مليحة ، علاه قلبي راه يوجع فيا 😭 علاه غرت كي شفتو معاها😭
-شهد: مع شكون؟؟
ميرال : مع جينيفر هاديك ، معلاباليش من مين خرجتلي هادي 🙄
-شهد: علاه كاين حاجة بيناتهم !!؟
ميرال : ما معلاباليش ، معلاباليش الشي اللي علابالي بيه انو هوما قراب بزاف لبعضهم 😔
-شهد: بلاك هوما اصدقاء برك
ميرال : مانعرفش😔اصلا انا ما معلاباليش علاه غرت ، علابالي بلي هو من حقو يشوف حياتو مع وحده اخرى من حقو يختار طريقو بصح ما قدرتش نشوفو مع وحدة غيري ما قدرتش والله قلبي يوجع فيا💔😢 ما معلاباليش اذا راح نقدر نتحمل هاد الشي ولا لا والله صعيبة عليا بزاف😭
-شهد: ما فهمتش علاه راكي تعذبي في روحك كامل هكدا ، مدام تحبيه علاه ما تروحيش و تقولي لو ، روحي حكيلو هاد الشي و بركاي ما تخبي هاد الشي في قلبك ، خلي الماضي موراك و حاولي تعيشي حياتك مع الانسان اللي تحبيه ، قبل ما يفوت الحال ، روحي لمي عايلتك خلي انس يعرف انو جواد ولدو ، خليه بعرف منك خير ما يسمعها من شي حد اخر ، هو من حقو يعرف بهاد الشي ، وحتي جواد من حقو يعرف خير ما يكبر بكذبة ، حكي اللي راكي مخبياتو في قلبك و صدقيني راح ترتاحي بزاف صح أنس غلط معاك ويمكن بالغلطة تاعو هو ما خربش غير حياتك نتي برك خربنلنا حياتنا كامل ، بصح هو ندم ، و خلص الشي اللي دارو معاك و بزيادة ، ماراكيش تشوفي انو لازم تنهي هاد لعذاب ، ڨاع الناس اللي تغلط فهاد الدنيا يستاهل فرصة ثانية ، وانس واحد من هاد الناس ،هو غلط ونتي غلطي بصح دوك لازم تصحوا الاخطاء تاعكم اذا ماشي علاجالكم ، بصح علاجال جواد يمكن القدر فرقكم بصح جواد راح يرجعم لبعض 🙂
ميرال : وبلاك هو ما عادش حاب نكون في حياتو اااه بلاك هو خير هاديك جينفر
-شهد: هو تخلى على حياتو و سلكك هو بلا ما يخمم ختار يموت باش تعيشي نتي ، تعرفي واش يعني هاد الشي و لا لا
ميرال : يعني هو يحبني انا !!
-شهد : اكيد هو يحبك و كيما تحبيه نتي ، ما عرفتش علاه راكو تجرحوا بعضاكم مدام تحبو بعض لهاد الدرجة علاه راكو تعذبوا في رواحكم
ميرال : صدقيني والله انا تاني حابة نروح نجري عندو حابة نضمو و نقولو شحال نحبو و شحال توحشتو حابة نروح نقولو انو انا عمري ولا نيستو،حابة نشدلو يدو ونقولو بلي راني حابة نبدا معاه من جديد حابة نحقق الاحلام اللي بنيتهم من قبل😢 راني حابة نتخلق معاه من جديد ونبدا معاه من اول دقة قلب ، حابة نروح و نعيط في وجهو و نقولو جواد وليدك نتا 😭
-شهد: واش راكي تسناي اااه روحي و قولي لو كلش
ميرال : ما نقدرش
-شهد: علاه ، علاه ماكيش قادرة؟
ميرال : قبل ما نتأكد انو هو صح يحبني و حاب نكون معاه ماراح ندير والو ،
-شهد: ماشي قلتلي بلي فهاد اليوم قالك بلي يحبك ؟؟
ميرال : ايه قالي ، بصح ما رانيش متأكدة ، هو ماكانش في وعيو على هادي ما معلاباليش اذا الشي اللي حكاه صح ولا كان يهترف برك 😔 وزيد كاين جواد هو في بالو اوس هو باباه ، ما نقدرش نروح ونخبرو ديراكت انو هو ماشي باباه هاد الشي صعيب عليه ماراحش يتحمل هاد الشي كيفاه راح نفهمو ها....
↚
الحلقة 209
قبل ما تكمل كلامها سكتت و دارت على صوت حاجة طاحت على الارض ، تحلو عينيهم كي بقاوا جواد مطيح الالعاب تاعو على الارض ، كان واقف يشوف فيهم و لون وجهو كان مخطوف كان مبين عليه انو سمع لكلامهم و فهم انو اوس ماشي باباه ، ناضو في زوج ضربة وحدة و جروا ، شداتو ميرال من يديه و تمسحلو في دموعو وتحكي
ميرال : جواد 😨 حبيبي ، شوف انا ...
-جواد: ثح بابا اوث ماثي بابا ، انا ثمعتك 😭
ميرال : لا ،لا ماشي صح يا عمري أوس باباك هو باباك نتا اللي سمعتو ماشي صح😨😭
-جواد: لاكي تكذبي😭 لاكي تكذبي 😭😭
نتر لها يديها و راح هرب دخل للبيت يبكي 😭 وهي تبعاتو من اللور تبكي معاه تحاول تخليه يفهم حلت الباب و دخلت و قربت منو شداتو من كتافو تحكي معها و تحاول تهاديه و حتى حست عليه كيفاه طاح بين يديها فقد وعيو ، تحلو عينيها و حست انو قلبها راح يحبس و يخرج من بلاصتو من خوفها عليه هزت يدها تضرب فيه بكفوف باش يفيق
ميرال : جواد شييك ، فيق يا عمري فيق ، يا الله ماما فيق 😭 ما تخلعنيش عليك 😭 جوااااد😭
-شهد: ميرال ، ختي هدني روحك خلينا ندوه للسبيطار 😨 يا الله ، نوضي ، ميراال
كانت تحاول تفيقها من صدمتها ، كانت ضامة جواد لصدرها وتهز في روحها و تبكي كانت تحاول معها حتى دخل قيس و لقاهم على هاديك الوضعية ، ضيق عينيه ، فالاول كان متردد من أنو يقرب وكان راح راح يرجع من وين جا بصح فالاخير قدر يتغلب على الوحش اللي كان داخلو قرب منهم و بعدها جواد من بين يديها حط يدو يتحسس في نبضاتو و يسقسي شهد
-قيس: واشبيه ؟ واش صرا ااه ؟؟
-شهد: كان يبكي من بعد فحاة طاح فقد وعيو 😢
-قيس: علاه ! واش صرا علاه كان يبكي ؟ فهمني
-شهد: كنا نحكوا انا و ميرال وهو سمع لكلامنا 😭
-قيس: واذا ما رانيش غالط هو سمع الشي اللي ماكنش لازم يسمعو ياك هو عرف أنو هاداك ماشي باباه ياك 😏
-شهد: هزتلو براسها بالايجاب😭 شاف في جواد من بعد شاف في ميرال كانت مازال تحت الصدمة ، شدها من كتافها يهز فيها من بعد هز يدو عطاها كف خلاها تفيق من صدمتها 😨 شافت في جواد و عاودت ضماتو عند صدرها و تبكي
ميرال : جواد ، يالله نوض ماما نوض 😭 و نوعدك راح يكون كلشي مليح ، نوض حل عينيك😭😭
-قيس: نوضي و خلينا ندوه للسبيطار ، يالله
كان راح يهزو من بعد دزاتو بعيد شافت فيه و حكات بغش عنداك تحط يديك عليه فهمت ، ما تمسش وليدي بيديك هادوك فهمت ، اصلا الشي اللي صرا بسبابك نتا 😡 بسباب وحشيتك اللي وصلنا لهنا فهمت بسبتك نتا😤😭
ناضت وكانت راح تهز جواد بين يديها بصح الدوخة سبقتها و كانت راح طيح ، ناض قيس و هز جواد بين يديها و خرجو لبرا وهي كانت تبع فيه و تكركر في رجليها ، هزت لمفاتح تاع الطموبيل ، دخلو جواد و خطوه لور من بعد كانت راح تروح تركب باه تسوق حبسها قيس كي نحى لها لمفاتح و قالها بلي هو اللي راح يسوق على خاطر حالتها ما كانتش مليحة وهي قلبت بلا ما تناقشو ، الشي الوحيد اللي يهمها حاليا هو جواد ، ركبو في الطموبيل و طلبت منو يديهم للكلينك اللي تخدم فيها راشيل بحكم هي اللي مستكلفة بحالتو من بعد شعل المحرك و طارو للكلينك طيران
↚
الحلقة 210
بعد بجواد للكلينك هزو قيس بين يديه و دخل يجري و ميرال وشهد يجروا موراه، قابلتهم فرملية حطوه على سرير و يجروا بيه دخلوه لغرفة الإستعجالات ، وهوما خلاوهم برا يسناوا ،قربت شهد من ميرال و حضتها و تهدي فيها ، و ما فاتش وقت بزاف حتى دخلت راشيل تجري و معها اوس ، قربو منهم و يسقسوا فيهم
-راشيل: وينو ؟ ااه
ميرال : دخلوه داخل
-راشيل: اوكي ما تقلقيش روحك راني هنا
دخلت راشيل عند جواد و اوس راح قرب من ميرال شدها من كتافها يحكي
-أوس: ميرال واش صرا معاه ؟
ميرال : هو عرف كلش ، سمعني كلامي كي كنت نهدر مع شهد😭 علابالو بكلش😭
-أوس: واش قصدك😨!!؟
ميرال : جواد عرف بلي نتا ماشى باباه 😭 صرا الشي اللي كنت خايفه منو😭
-أوس: ووا..وشنو😨
عدا يدو على شعرو من بعد حطها ورا رقبتو و يتنهد هز يدو و ضربها على زجاج تاع هداك الصندوق الي يخلو فيه القرعة الحمرا اللي يطفو بها النار( الاكستنتور) خبطها فيه حتي دخل الزجاج في يدو و تجرحت تحلو عينيهم من الشي اللي دارو قربت منو من و شدتلو يدو
ميرال : أوس واش درت هبلت 😨، شوف يدك راهي مجروحه ،
-أوس: علابالو شكون باباه؟
ميرال : (هزت راسها بالنفي) لا مازال ما علابالوش😔، اوراح دوك معايا يخيطولك الجرح من بعد راح نحكو بهاد الشي ، يا الله
شداتو من دراعو تجر و فهاداك الوقت دخل اياز و معاه مروى و لينا اللي طاحو عينيها على يد اوس كانت راح تقرب منو بصح حبستها مروى كي شدتها من دراعها ، وهزتلها راسها بالنفي قرب منهم اياز يحكي
-أياز: اوس شبيها يديك ؟ كيفاه حتى تجرحت؟
-أوس: والو ، والو ما تقلقش روحك خويا ، مكان والو
ميرال : يا الله اوس
راحو دخلو اوس يخيطولو الحرج نتاعو و ميرال كانت واقفة على راسو كان يشوف وعينيه مركزين فالارض بعد ما كملو لخياطة خرجو لبرا ،كانوا يمشوا جنب بعض بلا يحكوا حتى كسر اوس الصمت كي هدر
-أوس: ميرااال
ميرال : نعم اوس
-أوس: سمحلي بزاف 😔
ميرال : على واش ؟
-أوس: كلشي صرا بسبابي لوكان ما غلطش انا ما كنتيش زعفتي مني ، وما كانش راح يصرا اللي صرا 😏 سمحلي بزاف ما وفيتش بوعدي لك و...
ميرال : اوس ، ما تحكيش هاد الشي ، نتا ما عندك حتى علاقة بالشي اللي صرا ، علاه انا نقدر نسى الشي اللي درتو معايا و مع جواد اذا اليوم راني عايشة هاد الشي بفضلك ، نتا وقفت معايا لاخر دقيقة ، ومستحيل ننسلك هاد الشي ، على واش راك تطلب السماح ، انا اللي لازم نطلب منك السماح على خاطر انا اللي كنت أنانية معاك أنا اللي خذيت موقف منك على خاطر قلبك دق لوحدة اخرى ، كنت أنانية معاك على خاطر نتا كنت حاب تعيش حياتك و انا وقفت في طريقك
-أوس: انا ما كنتش حاب نوصلوا لهاد النقطة ، صدقني اذا راكي حابة تتراجعي عن قرار الطلاق راني جاهز و راح ...
ميرال : (قربت منو و شدتلو يدو) اوس انا اذا خذيت قرار الطلاق ماشي على خاطر زعفت منك ، بالعكس ، انا كنت حابة نخليك تجتامع بحبيبتك ، علابالي شحال تحبها ، وهي تاني تحبك 🙂 قولي عترفتوا لبعضاكم بهاد الشي ؟
-أوس: لا ما قدرتش نقولها والو
ميرال : اممم غير جري على روحك هاني قلتها لك
-أوس: راح نقوللها ، راح نقوللها ، غير يولي جواد بخير و نتهناوا عليه
ميرال : أن شاء الله ، بصح خلي نقولك من دوك الله يعينك على لينا ربي يكون معاك 🙂
-أوس: اممم مولات اللسان الطويل 🙂
ميرال : انا ما دخلني فيها ، عندك ما تتحمل 😃
-أوس: امري لله ، اللي يحب يتحمل 🙂
تبسمتلو و هو تاني رجعلها التبسيمة من بعد فتحلها دراعو وهي ترمات في حضنو و تزير عليه ، كانت هاداك الحضن يعير على بزااف معاني شكر ، مصالحة عرفان ، وآمان لانو صح رغم كلشى اوس كان بالنسبه لميرال سند ،بفضلو اللي قدرت توقف على رجليها و تكمل حياتها و تتحدي كل صعوبات الحياة 😔 هو اللي علمها كيفاه تعيش و تحب الحياه من جديد هو اللي زرع آمل داخلها .
فالوقت اللي كانو هوما يحضنو بعض ، كانت لينا واقفة من بعيد تشوف فيهم ، و عيونها تعمرو بدموع ، حطت يدها على قلبها اللي كان يوجع فيها 💔 مرارة و وجع الحب صعيب بزاف حتى الحب يدخل بلا استئذان ، الانسان يقدر يتحكم في كلش الا مشاعرو خاصة اذا هاد المشاعر عندها علاقة بالقلب مستحيل انها تحب راجل مزوح و بصحابتها هاد الشي كان اقوى منها ، ما كانتش راح تقدر تمنع هاد الشي حتى لو كان حبت 😔 نزلو دموعها طول ومسحتهم بالزربة بظهر يدها مسحت كامل وجهها رجعت خصلات شعرها ورا وذنها وقبل ما يشوفها و يحسوا عليها دارت و هزت روحها و رجعت عند مروى
↚
الحلقة 211
بعد ما طلعت عند مروى راحت قعدت جنبها بلا ما تحكي ولا كلمة ، دارت عندها مروى شافت فيها و سقساتها
مروى : لينا ، راكي مليحة ؟ راكي تباني مقلقة, خير ؟؟
لينا : عادي نتقلق ، ماكيش تشوفي وين رانا ، ولا نسيتي بلي جواد راه داخل ورانا نسناوا يطمنونا عليه🙄😏(كانت تحكي معاها بغش)
مروى : خير علاه راكي تحكي معايا بهاد الطريقة ، علاه راكي تخرجي فيا غشك 😏
لينا : اووف مروى 😫 ونتي علاه راكي ديري عليا ماكيش تشوفي فيا مقلقة🙄
دورت راسها للجبهة لخرا حتى شافت ميرال و اوس كانوا يقربوا عندهم وهو كان محاوط رقبتها بدراعوا وهي تاني كانت محاوطة خصرو يديها ، حست بغصة في قلبها و هي تشوف فيهم مع بعض وجهها ولا حمر من الغيرة ، بصح قررت انها تحافظ على هدوءها خير ما يصرا حاجة ماشي مليحة ، شدت طرف البونك بصباعتيها و بلعت ريقها ، وغير لحقوا عندهم خرجت راشيل من عند جواد و هوما قربو منها يسقسوا فيها على حالتو
ميرال : راشيل قولي لي جواد واش راه ؟
-أوس: خير ختي واش راه ؟؟ مليح؟؟؟
-راشيل: ايه ، ايه ماتقلقوش رواحكم ، الحمد لله ماكانتش ازمة ، ضغطو الي كان شوية هابط ، الظاهر كان متعب روحو كتر من اللازم ،على هادي ، بصح ما تقلقوش راه مليح دوك
ميرال : اوف 😫 الحمد لله يارب
-أوس: الحمد لله 🙂
ميرال : راشيل الشي اللي صرا ماشي بسباب لعيا برك ،
-راشيل: خير واش صرا مالى؟؟
ميرال : جواد عرف أنو اوس ماشي باباه😔 راني خايفة كاش ما يصرا لو ولا يزيد يأثر عليه هاد الشي 😔
-راشيل: واشنو😨 ، كيفاه حتى عرف؟؟
ميرال : سمعني كي كنت نحكي مع شهد ، ما حسيتش عليه ، 😔
-راشيل: صحا ، صحا نتي ما تقلقيش روحك ، فهاد الحالة راح نخليه هاد الليلة هنا تحسبا لاي شي ماتخافيش راح ناوب الليلة وراح نرد بالي عليه مليح وان شاء الله ما يكون غير الخير 🙂
ميرال : شكرا، بزاف ، ما نعرفش كيفاه راح نشكرك
-راشيل: خسارة عليك ميرال فبل اي شي هاد واجبي ، وزيد نستي بلي بالرغم من كلشي جواد وليد خويا ، وراح يبقي بنظري هاك دايما، حتى حاجة ماراح تتبدل 🙂
ميرال : ايه علابالي ، اساسا جواد ما يعرفش اب من غير اوس ،
-راشيل: ايه اكيد بصح ما تنسايش أنس و جواد من حقهم يعرفو الحقيقيه
ميرال : راح نخبرهم بصح ماشي دوك ، خلي يجي الوقت المناسب ، و راح نخبرهم
-راشيل: راح يكون احسن 🙂 ، المهم انا تسمحلولي راح نكمل خدمي ، عندي مرضى من غير السي جواد🙂
ميرال : ايه ايه، روحي ربي يسلهك
-أوس: روحي ختي الله يعاونك 🙂
حطت يدها على كتف اوس وطبطبت عليه من بعد راحت تكمل خدمتها ، و اوس وميرال كانوا واقفين جنب بعض من بعد قربت منهم لينا تحكي
لينا : الحمد لله على سلامتو
ميرال : يعطيك الصحة
شافت في اوس من بعد شافت في اوس بلا ما يحكي معها هزلها راسو بالايجاب و تبسملها ، فهاد الوقت خرجت الفرملية من عند جواد و خبرتهم انو جواد فاق و طلبت منهم يدخلوا عندو ، وكيما كان الحال دخلوا في زوج عندو. ولينا كانت غير تشوف فيهم ، غمضت عينيها خذات نفس عميق ، من دارت تمشي و تكركر في رجليها و خرجت للجنينة تشم هوا
↚
الحلقة 212
بعد ما دخلو عند جواد قربو منو بخطوات ثابته كانو خايفين من ردة فعلو ، كان يشوف فيهم مدة من بعد هدر مع اوس
-جواد: ثح نتا ماثي بابا 😔
قرب منو اوس و شدلو يده لصغار قربهم من شفافو ويطبع في بوسات من بعد هدر
-أوس: وشكون قالك هاد الشي اااه؟
شاف في ميرال من بعد عاود شاف فيه و رجع هدر
-جواد: انا ثمعت ماما تحكي مع خالتو ثهد ، قالتها نتا ماثي بابا😔 يعني انا ماثي وليدك 😥
ميرال : (قريت منو هي تاني) شششت جواد عمرك لا تعاود هاد الهدرة ،
-أوس: جواد حبيبي شوف فيا و سمعني مليح ، اي صح انا ماشي باباك ومن بعد؟
ميرال : اوس
-أوس: هزلها راسو بمعنى ما تقلقيش علابالي واش راح نحكي من بعد عاود شاف في جواد ورجع هدر
-أوس: شوف جواد ، يمكن صح انا ماشي باباك تاع الصح ، بصح انا حبيتك كيما وليدي ، و ما كانش يهمني اذا كنتي وليدي تاع الصح ولا لا ، انا كي زدت و خملتك بين يدييا كنت صغير بزاف فهاداك الوقت ، قررت اني نكون باباك انا حبيتك كتر من روحي ، صح نتا ماشى من دمي بصح نتا قطعة من روحي ، نتا اغلى و اجمل حاجة صرات في حياتي ، وحتى واذا ما كنتش باباك الحقيقي بصح حبي ليك حقيقي ، انا بالنسبه راح تبقي وليدي حتى لو ڨاع الدنيا قالو العكس ماعلاباليش اذا راك فاهم عليا بصح صدقني انا نحبك كتر ما تتصور و راح تبقى ديما وليدي البطل 😔
-جواد: يعني انا تاني ماثي لاذم نكون تكون بابا تاع الثح حتى نحبك ، 😥
-أوس: ايه ، على خاطر رابط الدم ما يهمش ، اللي يهم هو الشي اللي راه هنا( حط يدو على قلبو) مدام اللي كاين فالقلب حقيقي ، الحاجات الاخرى ما عندهاش اهمية ،
-جواد: و كيفاه زعما؟؟
-أوس: اممم مثلا يمكن كنت قادر نكون باباك تاع الصح ، بصح ما نحبكش ،و ماراحش نقدملك الحنان ولا راح نهتم فيك فهمتني ؟
-جواد: بثح نتا ماثي بابا تاع الثح بثح تحبني 🙂
-أوس: ايواااه ، هادي هي 🙂
-جواد: يعني نتا ثح تحبني ؟
-أوس: اكيد نحبك ، وحتى نحبك كتر من روحي
-جواد: 🙂🙂 انا تاني نحب بذاااف بابا😄🤗
-أوس: يا عيون بابا يا روح بابا 😊 جبدو عندو و دخلو في حضنو من بعد طبع بوسات على خديه و يشم في ريحتو ، و ميرال كانت واقفة تشوف فيهم ودموع شلالات، ما توقعتش انو جواد يكون متفهم هاد الشي رغم صغر سنو بصح عقلو و تفكيرو كانو اكبر من عمرو ، و حتى أوس زاد وقف معها مرة اخرى و ما خلاهاش وحدها مسحمت دموعها بيديها من بعد هدرت معاهم
ميرال : واقيل ما عنديش بلاصة ييناتكم و لا واش ، ااه ولا حبيتو نغير
-أوس: معقول نتي هي الصح هنا ولاش رايك جواد؟
-جواد: ايه ، نتي تاني نحبوك بذاف ،
ميرال : انا تاني نموت عليك يا اروع ولد فهاد الدنيا
فتحلها دراعو من بعد قربت منو و حضناتو بقوة من بعد زاد قرب منهم اوس و حضنهم في زوج ، شافت فيه ميرال و درتلو جاست بعينيها يدل على شكرها و امتنانها بالشي اللي دارو و هو فهم عليها و تبسملها بمعنى بلامزبة ما درتش حاجة تشكرني عليها ☺️🙂بقاوا مدة يحضنو في بعض و جواد كان مرة يشوف في اوس و مرة يشوف في ميرال و يتبسم ☺️ كان فرحان لدرجة انو حاس روحو راح يطير ، واش كان راح يطلب طفل صغير في عمرو من غير انو يكونو باباه و يماه جنبو ، وهاد الشي تحقق بالنسبه لو حتى لو كان اوس ماشي باباه الحقيقي
↚
الحلقة 213
خرجوا من عند جواد بعد ما غفى، كانوا واقفين في نص فالكولوار يشوفو لقدام كان هو قدام و هي موراه ، كان يمشي حتى حبس و دار عندها كي هدرت معا
ميرال : اوس
-أوس: نعم
ميرال : (قربت خطوتين) تاع الصح ما لقيتش كيفاه راح نشكرك على كلشي عملتو معايا ، نتا تاع الصح كنت سند ليا ، فكل ثغرة نواجهها في حياتي نلقاك جنبي😔 و حتى اللي عملتو من قبيل ما يتنساش ،اللي عملتو مع جواد...
-أوس: الشي اللي عملتو مع جواد ما عملتوش غير باه نواسيه لا بالعكس عملت هاد الشي لانو جواد ولدي ، و شي طبيعي نعمل هاد الشي واذا يلزم راح ندير كتر ، سواء عرف اني ماشي باباه ولا لا حتى لو عرف شكون باباه ، بالنسبه ليا هو راح يبقى ولدي وهاد الشي حتى ما راح يقدر يغيرو
ميرال : علابالي ، علابالي قداه تحبو اصلا حتى هو يحبك و متعلق بيك ، انا ما قلتش هاد الشي باه نوصلك فكرة انو جواد ماشي ولدك ، لا حتى بالنسبه ليا راح تبقى ديما باباه ، وصدقني هاد الشي يليق بيك بزاف ، في نظري جواد راح يكون فخور لانو عندو اب بحالك ، نتا احسن و احن اب شفتو في حياتي كامل
-أوس: وانا تاني فخور و فرحان بزاف على خاطر الحياه قدمتلي ولد كيف جواد 🙂
تنهد تنهيدة من اعماق قلبو ، دور راسو و يحوس فيها بعينيه حتى يأس وعاود دار يشوف فيها ، كان راح يحل فمو بصح هي سبقاتو
ميرال : ماهيش هنا ، غير مكلاه تحوس عليها هنا
-أوس: 😳😳 اااه واشنو ؟؟
ميرال : راني على لينا ، راني نقولك ماكنشها هنا ☺️
-أوس: ميرال ، انا ، يعني...
ميرال : ما عندك علاه تبررلي تكون قاعدة فالجنبنة ، روح حكي معاها ، وخبرها بكلشي راه في قلبك و ما تأجلش هاد الشي ، خليها تعرف انك تحبها ، روح وما تضيعش وقت ☺️
-أوس: يعني هاد هو رايك ، نتي ..
ميرال : واش يهمك فيا انا ، راني نقولك روح عندك حبيبتك ، راني متأكدة راهي تسنى فيك ، يا الله روح 🙂
-أوس: ايه راح نروح ، راني رايح و راح نخلي ڨاع الدنيا تعرف ماشي غير هي 🙂
ميرال : يا الله ، وما ترجع لهنا غير يدك في يدها ، يا الله وريلي شطارتك ☺️
-أوس: ايه ، و هاد الشي اللي راح يصرا☺️
بلا ما يزيد كلمة معها هز روحو يجري فالكولوار كي المهبولة ، خرج للجنينة ، رمى عينيه يمين ويسار ، رمى عينيه يحوس عليها في كل بلاصة حتى لمحها قاعدة في زاوية ضامة روحها بيدها الزوج و تشوف فالسما ، رسمت ابتسامه على وجهو 🙂 فرب بخطوات ثابته جيهتها حتى وصل عندها ، دار يديه داخل جيوبو ، هز راسو السما يشوف معاها من بعد حكي
-أوس: خير كاش ما راكي مضيعة لفوق فالسما ولا راكي قاعدة تعدي فالنجوم؟
دارت شافت فيه و بلعت ريقها من بعد شافت فالجيهة الاخرى غير باش ما تشوفش فعينيه و تضعف قدامو ، واذا صار و ضعفت يعني راح تزيد تغلط معاه غمضت عينيها عضت شفتها التحتانية و شبكت في يديها كي حست بيه يقرب جيهتها حست انو قلبها راح يخرج من بلاصتو ولا راح يوقف على قد ما راه يخفق ، قعد جنبها مخلي مسافة قصيرة بيناتهم ، دور راسو عندها يشوفها كيفاه كانت تفرك في يديها وتشوف في الجهية الاخري ، كان صدرها طالع هابط تتنفس بالزربة ، تبسم على حالتها هز يدو وحطها يديها وهي تمتم دارت شافت فيه طاحو عينيهم في عينين بعض ، هبط راسها شافت في يديه نترتها بقوة ، نقضت من بلاصتها وبلا ما تحكي كلمة جات تهز روحها تروح حتى حست بيه شدها من يدها على جبدها عندو وحتى ضريت في صدرو بعدت باه تروح حتى صدمها كي خاوط خصرها بيدو وقربها منو ، تحلو عينيها من الجاست تاعو هزت عينيها شافت فيه ،تكذب على روحها لوكان تقول انو قربو منها ما يأثرش عليها ، كانت مستحلية لمستو و ريحتو اللي داخلة في خشمها دخلت في بعضها وهو يعدي في يدو لخرا على خدها غمضت عينيها تستحلي في لمسة يدو ، وحتى هو ما كانش اقل منها تأثيرها عليه يزيد في كل مرة يقرب منها ، فكل مرة تزيد تخلي نارو تشعل لدرجة انها ولات نقطة ضعفو غمض عينيه ، قرب شفافو من وذنها يحكي بصوت مبحوح وينهج
-أوس: وين راكي ناوية تروحي اااه
دخل راسو في رقبتها يشم في ريحتها اللي خلاتو يسكر وهو صاحي ، زاد كمل عليها كي هدر ونفسو السخون يضرب في رقبتها غمضت عينيها وتزير عليهم من بعد هدرت بصوت متقطع
لينا : اوووس😑 خخ.. خليني نروح ، الله يخليك😔
-أوس: شششت ،خلاص ريحي كميا راكي و سكتي 😔
لينا : اوس الله يخليك ، اللي راني نديرو فيه عيب ، نتا راك راجل صحبتي ، عيب ميرال ما..
قبل ما تكمل كلامها سكتها كي حط شفافو على شفافها يبوس فيها ، وهي كان تبعد فيه ، كلقدميه ما تحاول دزه وهو يرجع يكبس عليها كتر ، فالاول كانت غير تحاول تفاوم فيه بصح سرعان ما هدات بين يديه وتجاوبت معاه هزت يديها و لفتهم على رقبتو و غطست معاه في بوسة طويله
↚
الحلقة 214
بعد ما جابت خبر الشي اللي دير فيه ، حطت يديها على صدرو و دزاتو بكل قوتها و عيطت في وجهو
لينا : علاه 😤 علاه دير فهاد الشي علاه😡 علاه راك مصر ديما نغلطو 😤 علاه ماراكش حاب تفهم انو الشي اللي رانا نديرو ما يجوزش ، عيب ماراكش ملاحظ أنو بهاد الشي رانا نخونو في ميرال 😡 وانا ما نقدرش ندير معاها هاد الشي سمعتح مستحيل ندير هاد الشي 😤
-أوس: علاه نتي ما حستي بوالو ااه ، علاه ما كنتيش حابة هاد الشي ااه ، قولي لي ؟؟
لينا : اوس راك حاب تهبلني ياك ، انا راني نقولك بلي هاد الشي عيب و نتا راك تقول لي اذا حسيت بشي حاجة اااه هاد الشي. يهمك ياك , 😤 وحتى حسيت بحاجة ، واش راح يتبدل قولي اااه ماراح يبدل والو كيما كل خطرة دوك تهز روحك و ترجع عند مرتك و ولدك والكف انا اللي ناكلو 😔 قولي بواش يهمك اذا حسيت ولا ما حسيتش ااه ؟
-أوس: يهمني بزاف ، وكتر ما تتصوري
لينا : فاش يهمك اااه فاش
-أوس: على خاطر انا نحبك يا بهيمة
تسمرت في بلاصتها ،تحلو عينيها من الشي اللي تسمع فيه كلمة نحبك يقات تتعاود في وذنيها مرات و مرات 😳😨
لينا : واشنو؟ واش قلت؟
-أوس: ايه كيما سمعتي ، انا نحبك لحد الجنون
قرب منها و شدلها وجهها بين يديه ورجع هدر
-أوس: لينا أنا نحبك من قلبي ، لا انا مش نحبك برك ، انا نعشق فيك علاه ماراكش تفهمي ،ااه انا ما عدش نقدر نعيش دقيقه بعيد عليك ، حاب نكون معاك في كل لحظة في حياتي
لينا : مستحيل هاد الشي مستحيل 😔
-أوس:ماكانش حاجة مستحلية سمعتني
لينا : اوس علاه راك دير هاد الشي ، علاه راك تعذب فينا ااه ، نسيت بلي نتا و ميرال
-أوس: ما تقلقيش روحك ، ماعدش كاينة حاجة نخافو منها ولا نحشمو منها ، ميرال علابالها بكلش ، وصراحه هي اللي شجعتني نجي نحكي معاك
لينا : اااه ، قلت لي ميرال !!!
-أوس: ايه ميرال ، هي علابالها بكلش ،وما عندهاش اعتراض على علاقتنا ، بالعكس هي اللي شجعتني اني نهدر معاك🙂 وزيد انا وميرال راح نطلقو ، يعني معادش كاينة حاجة توقف في طريقنا 🙂
لينا : اوس ، واش راك تحكي اااه ، يعني نتا ميرال راح طلقو
-أوس: ايه ، راح نطلقو
لينا : اذا صح كيما راك تقول ،راح طلقو ، تقدر نفسريلي الشي اللي شفتو من قبيل ،اااه مدام راح طلقو علاه كنت تحضنو في بعض واش يعني هاد الشي؟
-أوس: اممم يعني شفتينا ياك
لينا : جاوبني على سؤالي
-أوس: والو الشي اللي شفتيه ما يعني والو ، كنا برك نشكرو في بعضنا هذا مكان
لينا : يعني نتوما ما رجعتوس لبعضاكم ؟
-أوس: لا راني نقولك راح نطلقو ، اصلا حنا بدينا باجراءات الطلاق
لينا : راك تحكي صح ياك ، ماراكش تقول هكدا غير باه تقنعني
-أوس: لا نحكي صح ، من اليوم ماكنش اللي راح يحاسبنا ، من اليوم ما راحش نبعدو على بعض سمعتني 🙂
لينا : ماراحش نبعدو على بعض ياك ، نتا ماراحش تتخلى عليا راح تبقى معايا لاخر يوم فحياتك 😥
-أوس: عمري لا راح نتخلى عليك ، راح نبقى ديما معاك و راح نحبك لاخر نفس
لينا : وعد؟؟
-أوس: وعد ، نوعدك بهاد الشي 😧 ، وانتي ؟؟
لينا : انا واش؟
-أوس: ما عندكش حاجة تقوليهالي ؟
لينا : كيما واش؟
-أوس: اممم مثلا حاجة كنتي تخبيها في قلبك و دوك جا وقت تقوليها ؟
لينا : اكيد كاين
-أوس: ايييه راني نسمع يا الله🙂
حطت عينيها في عينيه حضنت وجهو بين يديها قربت شفافها من شفافو و طبعت بوسة خفيفه عليهم ، حطت جبينها على جبينو غمضت عينيها تعيش فالحظة حتى يقساها
-أوس: و واش يعني هاد الشي اااه؟؟؟
لينا : هاد الشي يعني انو انا تاني نحبك و نعشق فيك ، نحبك من كل قلبي يعني انا تاني حابة نكمل حياتي معاك 🙂
-أوس: اااه يا ربي راح تجيبي اخرتي قبل الاوان ، يا طفلة انا تاني نموت عليك نموت عليك 😍
جبدها عندو وحضنها ودخلها بين ظلوعو ويكبس عليها و كانو كان خايف تهرب منو من جديد وحتي هي ما كانتش اقل منو حاوطت ظهرو بيديها ، و زيرت على الفاست تاعو بطراف صباعتيها غرقوا في حضن بعض والإبتسامة ما فرقتش وجوههم فرحتهم ما كانتش تتوصف تقول عليهم هدا وين زادو
↚
الحلقة 215
كان واقف قدام باب بيت جواد حط يدو على البواني وهو يخمم بينو وبين روحو اذا يدخل ولا لا ، بعد مدة من المد والجزر وتفكير مطول قرر انو يدخل ، حل الباب و بان ليه كان راقد في سابع نومو ، شاف يمين ويسار اذا كاين شي حد يشوف فيه دخل و غلق الباب موراه قرب منو و وقف على راسو يشوف فيه مدة و مركز معاه وكأنو كان يدور على الكلمات اللي راح يقولو حك لحيتو من بعد هدر
-قيس: ودوك علاه راني ، واش جابني لهنا ؟🙄
شاف فالباب من بعد عاود فجواد من بعد رجع هدر
-قيس: يعني دوك ، هاداك اليوم ، قصدي انا هداك اليوم اوووف وانا واش راني نهدر ما قدرتش حتى جملة صحيحه قدام طفل صغير و نتا راك ناوي تروح تحكي معاها ، 🙄 واش هاد الحالة و زيد طفل راه راقد 🙄😏 تبسم على جنب على الحالة اللي راه فيه من بعد هز يدو و كان راح يحطها على راسو حتى تحل عليه الباب و هو دار يشوف معها ،كانت واقفة عند الباب و تخزر فيه باستغراب بلع ريقو ، و زاد تلبك كتر كي حطت يديها داخل طابلي تاعها و تقرب منو حتى وصلت عندو و حكات
-راشيل:خير واش راك دير هنا ؟؟؟ شكون نتا ؟؟؟
-قيس: الهدرة تلفتلو) والو، انا... برك.. سكت مدة رجع هدر : والو اساسا انا كنت خارج ، نفخ من بعد تعدى جنبها وكان راح يخرج وحبس كي هدرت معاه
-راشيل: نتا خو ميرال ياك؟
كان واقف في بلاصتو وهي راحت قربت منو و رجعت حكات
-راشيل: نتا هو قيس ياااك ، يعني اخيرا شفناك ☺️ وانا راشيل المارديني ، يعني اخت اوس
مدتلو يدها باه تسلم عليه ورسمت ابتسامه عريضة على وجهها وهي تسنى فيه يمدلها يدو ، شاف في يديها الممدودة من بعد عاود شاف فيها وبلاما يهدر معاها طفاها و هز روحو و خرجت تبسمت على جنب من الجاست تاعو هزت حاحبها للفوق من خرجت موراه لمحاتو يمشي لجيهة برا من بعد هدرت معاه
-راشيل: انا تاني تشرفت بمعرفتك يا قيس بن جلال
جاوبها بلا يلتفت عندها
-قيس: اممم مليح أن شاء الله برك ما تندميش من بعد
راح خرج لبرا خلاها تحكي وحدها
-راشيل: ميرال عندها حق تاع الصح مهبول🙄 وزيد راه يتهرب ، ايييه ، هرب ، هرب خليني نشوف شحال ظل تتهرب ، الا ما تحكي الشي اللي راك خايف منو، ما راحش يكون اسمي راشيل اذا ما طلعش الشي اللي راه في بالي صحيح وليام بيناتنا ☺️
دارت حتى تروح حتى خرجت في وجهها وكانت تشوف فيها باستغراب
ميرال : راشيل راكي تحكي وحدك ، غير الخير
-راشيل: اااه لا مانيش نحكي وحدي خوك كان هنا
ميرال : ايييه ، علابالي اساسا هو اللي جابنا لهنا
-راشيل: مافهمتينش قصدي كان عند جواد
ميرال : اااه عند جواد!!؟ جواد مليح؟ مادرلوا والو ياااك😨
-راشيل: ميرال ، شبيك نتي ، ما تقلقيش روحك جواد راه مليح ، وزيد علاه تخلعتي ڤاع هكدا تقول فات عندو واح غريب ما تنسايش بلي هذاك خالو يعني خوك
ميرال : اااااه خويا😏 ياك ، خويا اللي حاول يقتلني و انا كنت حامل بيه 😏
-راشيل: ميراال ...
ميرال : ختي راشيل معليش ما نحكوش فهاد الموضوع دوك تعيشي
-راشيل:اوكي كيما تحبي🙂
كانت راح تفوت عند جواد حتى حبست كي شافتهم يقربو منهم و مشبكين يديهم والإبتسامة ما فارقتش وجههم ، تبسمت لا اراديا كي شافتهم فرحانين مع بعض ، حست بتحسن داخلها وراحة وكأنو شي ثقيل وتنحى من كتافها
↚
الحلقة 216
قربوا منهم يشوفو في ميرال و راشيل اللي هاد الاخيره ما فهمت والو من الشي اللي قاعد يصرا
ميرال : واخيرا
-أوس: ايه اخيرا ، صرا الشي اللي كنا نتمناوه اخيرا قدرت احكي اللي كان في قلبي وهاد الشي بفضلك
لينا : (قربت من ميرال) ميرال ، انا من قبل صدقيني ما كنتش حابة...
ميرال : شششت ، خلاص مكلاه نحكوا على الماضي ، خلاونا ما نتفكروش الاشياء الخايبة من اليوم كانش حاجة اسمها ماضي ولا قبل من اليوم راح نحكو برك على الحاجات لمليحة برك فهمتو
ترمات لينا في حضنها و هي تاني بادلتها العناق تحكي
ميرال : يا عمري لوكان تعرفي شحال توحشتك
لينا : انا تاني توحشتك ، توحشتك بزاف😔
راشيل كانت واقفة بيناتهم و تحاول تفهم الشي اللي راه صاير
-راشيل: دقيقه ، دقيقه واحد فيكم يفهمني الشي اللي راه صاير هنا 🤔🤔
شافو في بعضاهم من بعد شافو فيها من ضحكو في ثلاثة 😃 ، قربت لينا من اوس و هو جبدها و حضنها عندو من بعد جاوبها
-أوس: هاد هو الشي اللي راه صاير
-راشيل: يعني نتوما ..راكو مع بعض ياك ؟؟
-أوس: واش راه مبين لك نتي ااه ، (غمزتلها😉)
-راشيل: اااه وقتاه صرا هاد الشي، ااه وين كنت ، وقتاه كنتو ناوين تقولي لي؟؟؟
-أوس: ماعندوش بزاف من اللي صرا ، غير كيما ☺️
-راشيل: يعني اخيرا درتها اااه , بصح تعرفو واش ، تليقوا بزاف على بعضاكم ، الله يكملكم على خير 😍
-أوس: تعيشي ختي😊
ميرال : اوس راح نوصيك من دوك ، بلاك تزعفلي صاحبتي راني نقولها لك من دوك
-أوس: ما تخافيش عليها ، والله نزعف ڤاع الدنيا و ما نزعفهاش هي ، راني حطيتها في قلبي يعني بلاصتها راهي محفوظة عندي 🙂
ميرال : علابالي ، علابالي 🙂 الله يخليكم لبعض 😍
في هذاك الوقت لحقت مروى واياز وحتى هوما كانوا يسقسوا على الشي اللي راه صاير
مروى : خير واش راه صاير هنا؟
-أياز: علاه راكو فرحانين ، فرحونا معاكم ، واش كاين (شاف في اوس هزلو راسو من بعد غمزلو)
حكاوا لهم الشي اللي صرا و هوما تاني فرحولهم وباركوا لهم على علاقتهم يعني واخيرا تصلحت علاقته مع بعضاهم بعد ما كان الجو مشحون بيناتهم خاصة بين الثلاثي ميرال ، اوس و لينا ، زال سوء التفاهم بيناتهم و رجعت علاقتهم كيما لول 😍
فهاداك الوقت و جيهة وحده اخرى بالضبط عند أنس كان متكسل على فراشو ومرجع يديه ورا راسو ويشوف فالسقف كان سارح في تخمامو و في كلام جينيفر يتعاود في راسو و بمجرد ما يتفكر أنو صح ممكن ميرال تكون غارت عليه يتبسم لا اراديا ،و يتسلل داخلو شعور رائع بالنسبه ليه ، شاف في تليفونو هزو بين يديه و خربش فيه دخل للڨالري يشوف في تصاور ميرال و يعادي فيهم وحدة مور وحدة و يتمعن في جمالها تبسم على جنب من بعد هدر
أنس : اااااه يا روح قلبي ، يا ملاكي، يا ريتك معايا دوك ، ياريت لو كان كنت نقدر نقربك مني و نشم ريحتك ، والله ما رانيش قادر نصبر كتر ، والله ساعات عقلي هاد يقولي روح خطفها وخليها تفهم و تشوف شحال تحبها بصح الله غالب ، ما نقدرش مانيش حاب نفرض عليك حاجة ، بصح صدقيني راح نخليك ترجعي و برضايتك ، راح نخلي قصة حبنا تكمل ، أنا ضيعتك مره و مستحيل نزيد نضيعك بعد ما لقيتك هاد الشي مستحيل ، قلبي راه يقولي أنو ما نطولوش و نرجعوا لبعض ، راني حاس انو هاد اليوم قريب بزاف راني حاس بهاد الشي😔😔
قرب التلفون من شفافو و طبع بوسة عليه ، حطو على صدرو جيهة قلبو غمض عينيه من بعد عاود هدر
أنس : تصبحي على خير ملاكي 😔
وفهاد الوقت ميرال كانت واقفة على الشباك تشوف فالسما و كانت ضامة روحها بيدها الزوج ، كانت تخزر فالقمر تبسمت بلا ما تحس غمضت عينيها من بعد هدرت بين شفافها
ميرال : تصبح على خير حبيبي
حلت عينيها ودارت شافت في جواد اللي كاين غاطس في نومو قربت منو ودخلت معاه تحت لغطا حطت راسها على لمخدة وضمت جواد عندها وتلعبلو بشعرو حتى داتها عينها و غفات
↚
الحلقة 217
فات اسبوع من هاديك الليلة و فهاد الاسبوع ميرال و اوس كملوا اجراءات الطلاق وخلاص تطلقوا بالتراضي ورجعت حرة من جديد و علاقتو مع لينا صارت احسن ، و من جيهة الاخرى اياز عرض الزواج💍 على مروى وهي بطبيعة الحال وافقت على عرضو .
كان نازل من الدروج يجري جيهة لجنينة يحب يشوف بعينيه التحضيرات اللي راهم يقومو بها بمناسبه عيد ميلادو ، خرج شاف في كامل التجهيزات وفرحتو بهاد الشي ما تتوصفش ، قاعد يجري و يصفق بيديه و يعيط
-جواد: اليوم عيد ميلادي ، اليوم عيد ميلادي😍😍 هيه هيه 😍😄
ميرال : جواد حبيبي عنداك طيح بلعقل 🙂
-أوس: جواد رد بالك ، ما تعبش روحك
-راشيل: شبيكم خلو الطفل يعبر على فرحتو ، خلوه اليوم يومو ، حلوه على الاقل خطرة فالعام يدير اللي يحب عليه بلاما يقولو كاش واحد دير ولا ماديرش
لينا : صح عندك الحق ، لازم خلوه يتنفس
ميرال : اليوم فرحتو غير ، ماشي غير بعيد ميلادو
مروى : يعني راكي متأكدة من الشي اللي راح ديريه ؟؟؟
ميرال : ايه متأكدة ، هو صارلو اسبوع و يحوس يفهم شكون باباه ، و نظن انو هو عندو الحق يعرف الحقيقه ، و حتى أنس عندو الحق يعرف أنو جواد وليدو،
-راشيل: هي الصراحه عندك الحق ، مالازمش تخبي كتر هوما من حقهم يعرفو هاد الشي
ميرال : ايه ، وانا على هادي خيرت هاد اليوم ، راح يكون احلى هدية راح نقدمها لجواد 😍 هو راح يعرف أنو أنس باباه ماعلاباليش واش راح راح تكون ردة فعلهم بصح انا قررت نحكي ونخبرهم الحقيقيه
-أوس: ما تخافيش ، انس مبين عليه يحبو و حتى جواد من أول يوم شافو فيه تعلق بيه ، وانا فراي هاد انسب شي ، خلي الأب يجتامع بولدو
ميرال : ايه وانا هاد هو رأيى
لينا : و متأكدة انو أنس راح يجي الليله ؟
ميرال : ايه هو وعد جواد أنو يجي ، يعني ما نظنش أنو راح يكسر بخاطرو في يوم عيد ميلادو
لينا : يعني ما تفهمينش غلط بصح نظن انو أنس علاقتو بحفلات اعياد الميلاد ماهيش مليحة 😑
فهمت انو قصدها بهاد لكلام يكره حفلات اعياد الميلاد لانو يفكروه فليلة عيد ميلادو ، الليلة اللي غيرت كل حياتهم وخلاتهم يوصلو للمرحلة الي وصلولها اليوم ،ماجاوبتهاش ودخلتها شك داخلها انو صح يقدر ما يجيش و يفسدلها الشي اللي راه مخططالو ، هبطت راسها ركزت على باقي التجهيزات وهي تدعي في قلبها انو يجي وتيسر الامور كيما راهي مخططة لهم
↚
الحلقة 218
بدات لجنينة تتعمر بالمعازيم مكانش بزاف ناس كانوا برك الناس لقريبة منهم اللي جابوا معاهم ولادهم باه يشركوا جواد بفرحتو بحكم انو مكانش عندو بزاف اصحاب ، كانت واقفة في نص لجنينة وعينيها يعسوا غير فالباب وقتاه يدخل ، كانت لايسة روب فالتوار مواتتها 👗 شعرها لماتو ومكياحها كان خفيف 💄 كانت تفرك في يديها من الستراس ، ماعلابالهاش واش راح يصرا الليلة ، مصير حياتها متوقف على هاد الليلة يا راح تقدر توصل لشي اللي راهي حابة عليه يعني راح تقدر اخيرا تجمع بين وليدها و باباه وترجع علاقتها مع انس و تلم عايلتها ، او راح يصرا العكس تماما ، غمضت عينيها و حطت يدها على قلبها اللي كان يخفق بشدة و كانت تدعي في قلبها وتحكي
ميرال : يا رب ، يا رب كون معايا هاد الليلة ، يا رب عاوني وخليني نلم عائلتي ، خلي وليدي يجتامع مع باباه يا رب راني متوكلة عليك ، غير نتا اللي تقدر تيسرها و تفرجها عليها يارب😔
حلت عينيها رومات فيهم جيهة الباب و خفق قلبها وكانو لاول مرة وقت لمحاتو مع عايلتو و كان هاز مع كادو 🎁 لجواد اللي هاد الاخير أول ما شافو راح جرا عندو و ترمى في حضنو ، مدلو الكادو تاعو و هو شدو من عليه و طبع بوسة على خدو ، يعبر على شكرو، كانت واقفة تشوف فيهم و عينيها معمرين بالدموع 😥 من حكات بين شفافها
ميرال : حتى لو جابتلو افخم هدية ماراحش تبان هديتي على خاطر نتا هو هدية جواد راح تكون أجمل هدية ممكن يتلقاها في حياتو ، الليلة نوعدك راح ننهي هاد لعذاب ، وراح نجمعكم مع بعض 🙂
هز عينيه ودخل على بعضو وقت لمحها واقفة تشوف فيهم ، بلا ما يحس على روحو قرب منها بخطوات متناسقه ، و مع كل خطوة يخطر على بالو يستحضر فهاديك الليلة المشؤومة و يتذكر في كل لحظة عاشها معها من قبل ،وصل عندها و وقف مقابلها و يشوفو في بعض وكل واحد منهم يعبر عن حبو للاخر بهادو النظرات الشي اللي ما قدرش عليه لسانهم ستكلفت بيه عينيهم رسم ابتسامه خفيفه على وجهو من بعد هدر
أنس : مساء الخير
ميرال : مساء النور ، واش راك ، مليح ؟ أن شاء الله تكون ريحت؟
أنس : ايه صافا حمد الله
سكت مدة من بعد عاود هدر
أنس : على فكرة ، راكي شابة
ميرال : يعطيك الصحة
-ملاك: ميرال واش راكي؟
ميرال : مليحة ونتي واش راكي ؟
-ملاك: : والله نحمدو ربي
ميرال : الحمد لله
دارت عند يوسف مدتلو يدها تسلم عليه ورجعت حكات
ميرال : السي يوسف مرحبا بيكم 🙂
-يوسف: الله يسلمك بنتي ، تفضلي هادي لجواد (هدية)
ميرال : علاه شقيت روحك
-يوسف: واش من شقى ، بالعكس ، جواد غالي بزاف و معزتو كبيرة وربي يشهد على كلامي
ميرال : (تحكي في قلبها) ايه طبيعي هادا حفيدك😔 ما بقاش بزاف و تعرفو هاد الشي 😔
كانت غايسة تحكي بين روحها حتى قطع عليها سرحتها صوت جيفير كي هدرت وشافت فيها لقاتها مدخلة دراعها في دراع انس
-جينيفر: ميرال راكي بزاف شابة ، تهبلي😍
ميرال : يعطيك الصحه ، نتي تاني راكي تاني ، والروب خرجت عليك
-جينيفر: عينيك اللي شايين بب ( رمات لها بوسة فالهوا😘)
ميرال : يعطيك الصحه 🙂(تبسمتلها من فوق قلبها)
فالوقت هاداك دخل جواد بيناتهم جرا عند ميرال شدها من الروب تاعها و يجبدها منها ، شافت فيه و نزلت لمستواه تحكي
ميرال : جواد خير شبيك حبيبي ؟
-جواد: ماما ماما حاب نلوح
ميرال : خير وين وين راك حاب تروح اااه
-جواد: مامااا مانقدلش نقولك عيب 😊
ميرال : ااااه
قريت منو وهمستلو في وذنو من بعد هو هزلها راسو بالايجاب( كان حاب يروح للتوالات) وقفت على طولها دارت عندهم تحكي
ميرال : انا تسمحلولي مظطرة نروح مع جواد ما نطولش و ترجع ، نتو خدوا رحتكم 🙂
-ملاك: روحي بنتي روحي
ميرال : 🙂
شدت في يد جواد وراحت تتمشى للداخل عارضهم اوس حكا معهم لثواني من بعد هز يدو على ظهرها و انس كان يشوف فيهم من بعيد بحصرة ، فهاديك الدقيقه تمنى لوكان جات عايلتو ، تمنى لوكان كان في بلاصة اوس، وجواد وليدو هو 😔، راحت ميرال دخلت مع جواد وهو تبع فيهم بعينيه حتى دخلو و هي دات جواد للتوالات و كي كمل خرجت خرجت معاه كانو يشموا حتى حبس في وسط لجنينة يشوف فيها ويحكي
-جواد: ماما وينو بابا ، ياك قلتلي لاح يجي في عيد ميلادي ونثوفو علاث ماجاث😔؟؟
ميرال : (قربت منو قوست ظهرها تحكي) : جواد انا وعدتك انو اليوم راح تشوفو ، وراح تشوفو ، كي طفي الشموع نتا راح تشوفو ، نتا زيد صبر غير شوية تفاهمنا 🙂
-جواد: ايه ، مالى خلينا نجيبو الڨاطو و نطفي الثموع باث تثوف بابا 🤗
ضحكت على كلامو و حماسو قربت منو وطبعت بوسة مرصومة على خدو من بعد شدتلو يدو وراحت عند اوس ولجماعة وقفت جنبهم ، و ما فاتش بزاف وقت حتى جابو الكعك وجابوا جواد و حاوطهم يغنيلو و هو كان فرحان و يصفق بيديه و الدنيا مش سايعاتو ، من جيهة فرحان بعيد ميلادو من جيهة فرحان على خاطر ما بقاش بزاف و يتعرف على باباه الحقيقي
↚
الحلقة 219
طفى شموع بالزربة من بعد شاف في ميرال وقرب منها تبسم لها وهدر
-جواد: ماما هاني طفيت ثموع ماثي قلتلي لاح يجي بابا في عيد ميلادي ، وين لاه؟☺️
تبسمتلو و نزلت لمستواه هزت يدو و فرفشتلو شعرو من بعد جاوباتو
ميرال : انا وعدتك انو اليوم في عيد ميلادك راح تشوف باباك الحقيقي ،وانا راح نوفي بوعدي 🙂 قولي راك واجد تعرف شكون هو
-جواد: هز راسو بالايجاب ايه ماما واجد 🤗
وقفت على طولها شدتلو يديو من بعد شافت فيه و تبسمتلو و هو تاني رجعلها التبسيمة 🙂☺️ كانت متحمس بزاف يعترف على باباه الحقيقي، زيرت على يدو و غمضت عينيها و خذات نفس عميق 😫 حلت عينيها من بعد شافت في انس اللي كان واقف من بعيد ، قربت منو بخطوات ثابته ، وقلبها يخفق بشدة ، مع كل خطوة تخطيها تقرب بين جواد و انس تقربهم من الحقيقيه اللي عندها سنين وهي تخبي فيها ، واخيرا راح تقدر تخلي وليدها يتعرف على أنس على اساس باباه ، لحقت عند أنس اللي كان واقف غير يشوف فيهم و مش فاهم حتى حاجة ، شافت فيه من بعد شافت في جواد كي سقسها
-جواد: ماما واث لانا نديلو عند عمو انث ؟ ياك قلتلي لاح تديني نثوف بابا الحقيقي؟
كلام جواد خلى انس يتصدم تحلو عينيه على وسعهم😳 اخر شي كان متوقعو انو جواد مايكونش وليد اوس، ضيق عيينه عقد حواجبو ، كان يحاول يستوعب كلامو قرب من ميرال وحط عينيه في عينيها و كانو كان يسقسي فيها بعينيه على الشي اللي قالو جواد ، بلعت ريقها و خذات نفس من بعد هدرت وهي تشوف في أنس
ميرال : حبيبي جواد نتا كنت حاب تتعرف على باباك الحقيقي ، وانا راني جبتك عندو😥 جواد وليدي باباك الحقيقي يكون انس ...
كلامها خلاهم كامل يتصدمو خاصة انس اللي تحلو عينيه😳 مش مصدق الشي اللي راه يسمع فيه ، للحظة حس روحو انو راه يحلم ، وفي اي لحظة راح يفيق ، قرب منها يكركر روحو و حالتو مهدودة ، وقف مقابلها بلع ريقو من بعد هدر
أنس : وو..واشنو ؟ واش قلتي دوك ؟؟
كانت غير تشوف فيه بلا ما تحكي حرف ، وعيونها معمرين بالدموع😥 هز يديه و شدها من داعها كبس عليها هزها بقوة عيط في وجهها ويسقسى فيها
أنس : راني نسقسي فيك ، اهدري ، عاودي واش قلتي من قبيل ، 😤😡
طاحو دموعها ، دورت راسها تشوف في جواد اللي كان تاني مصدوم من بعد شافت في انس ورجعت حكات
ميرال : كيما سمعت ، جواد وليدك نتا ، نتا باباه 😭
بلع ريقو، نحا بعد من دراعها هز راسو بالنفي ، ورجع خطوة للور ، دار وعطاها بظهرو ، انفاسو كانت غير تزداد ، نضبات قلبو كانو غير العادة ، حط يدو على قلبو حس بيه راح يحبس في اي لحظة حس بدوخة ورجليه مش قادرين يهزوه قرب من طابلة اللي تم باس يسند روحو عليها بصح فقد توازنو وقت حط يدو عليها ، طاحت الطابلة وكان راح يطيح معاها ، جاب ربي كان يوسف جنبو ، شدو قبل ما يطيح ، بصح من كتر ما رجليه فشلو من الصدمة ما قدرش يوقف كتر ، وطاح على ركايبو ، خلاهم كامل يتصدمو خاصة ميرال اللي دموعها شلالات ، حطت يدها على فمها تكتم في صوت بكاها وهو كان شاد راسو بيده ويهز في روحو بقا هكاك حتى سمع صوت جواد هدر
-جواد: بابا 🙂
على كلمة بابا هز راسو وشاف فيه تركز على الارض و ناض على رجليه قرب منو خطوات ثابية حتى وصل عندو نزل لمستواه وقعد على ركايبو شاف فيه مدة من بعد هدر
أنس : ووا..ش..واش قلت ؟؟
-جواد: (تبسملو من بعد رجع هدر) انا قلت بابا ، ياك نتا دوك ماثي عمو انث نتا بابا 🙂🤗
هز يدو وحطها على خدو يعديها عليه بالسياسة تبسملو ، و هزلو راسو بالايجاب ، طاحو دموعو 😭 طول على خديه و يهدر
أنس : ايه ، ايه انا ماشي عمك انا باباك ، انا باباك يا جواد 😭 نتا وليدي و انا باباك😭😭 جبدو عندو و حضنو بين ضلاعو و يزير فيه بكل قوتو، كان يطبع في بوسات على خديه و يشم في ريحتو ،ويحكي ويبكي في نفس الوقت
أنس : ولدي جواد اااه ولدي جواد نتا وليدي انا ، ولدي انا
-جواد: بابا 😭
كانو يحضنو في بعض ويبكوا بحرقة ، بصح هاد المرة دموعهم دموع الفرحة ، فرحتهم ببعض وخيرا الاب وابنو جتامعوا مع بعض لا انس كان متخيل انو هداك الولد اللي حبو و تعلق فيه يطلع في اخر المطاف وليدو ، ولا حتى جواد كان متوقع انو الاب الي صارلو ايام يسنى يتعرف عليه يطلع انس بحاد ذاتو ،كان منظرهم مع بعض كان يقطع القلب💔 يبكي حتى لحجر 😭 ،بعد عليه و شاف جيهة ملاك ويوسف ناض على طولو وقرب منهم يحكي ويضحك بهسترية
أنس : بابا جواد ،جواد وليدي انا , انا ههههه ، يما سمعتني جواد طلع وليدي انا ، هو من دمي يعني قطعة مني ، هو حفيدك ههههه والله طلع عندكم حفيد ههههه راكي جدة ، وانت يا بابا جد هههه
-يوسف: ايه ، ايه حفيد 🙂 جواد حفيدي انا
أنس : ايه ايه يا جدو
ضخكو من فرحتهم و ترماوا في حضن بعض ويزيرو في بعضاهم ، دار انس عند جواد و قرب منو هزو بين يديه قربو عند ملاك ويوسف ، طبعو بوسات على خدودو ورجعو عنقو بعضاهم و يضحكو من فرحتهم ، هاد اجمل شي ممكن يصرا معاهم هدية من السماء ، و منها اجمل هدية ، حاوطو جواد في وسطهم و غرقوا مع بعضاهم في حضن عائلي
↚
الحلقة 220
من كتر ما بكوا دموعهم قريب ينشفوا بعدو على بعض ،دار أنس عند ميرال اللي كانت تشوف فيهم وحتي هي دموعها ما حبسوش 😭 حط حواد ونزلو على الارض ، مسح دموعو بالزربة من بعد قرب منها ، حتي وصل وبلا اي مقدمات سقساها الف سؤال ورا بعض
أنس : علاه ؟علاه خبيتي عليا هاد الشي ؟ علاه وقت سقسيتك اذا هو ولدي نكرتي وقلتلي لا هو ماشي ولدك ، علاه حرمتني منو ڨاع هاد السنين ؟لهاد الدرجة راكي حاقدة عليا ؟😤 لهاد الدرجة قلبك قساح من جيهتي ؟
قربت منو و حطت عينيها في عينيه ديراكت تحكي بغش
ميرال : قلتي قلبي قاسح اااه ، قلتلي حاقدة عليك 😤
رجعت خطوة للور ، حلت يدها ورجعت حكات
ميرال : شوف ، شوف فيا مليح ، وقلي واش راك تشوف ، قولي اذا حالتي راهي مبينة تاع وحدة حاقدة و قلبها قاسح ولا العكس ، قولي واش كنت تسنى مني اااه بعد كلشى صرا اااه بيناتنا ، كنت مجروحه منك ، نتا حرقتلي قلبي😭 انا عمبالي فهاداك اليوم رغم انك عرفت اني كنت حامل انا ظنيت انك تخليت علينا انا هداك اليوم كنت غير نسنى فيك تجي و تشدلي يدي
أنس : انا جيت ، جيت انا ما تخليتش عليكم ، بصح مع الاسف كان فات الحال😔
ميرال : تعرف واش ، لوكان ما طولتش ، رغم كل شيء عملتو معايا ، رغم كل إساءتك ليا كنت راح نسامحك و نبدا معك من جديد ، على خاطر انا صح حبيتك ، حبيتك كتر من روحي حبك كان يمشي في عروقي كنت كلشي بالنسبه ليا، كنت حب حياتي ، اول حب واخر حب 😥
عقد حواجبو يحاول يستوعب كلامها ، قرب منها بخطوات شاف في عيينها رسم ضحكة على وجهو من بعد هدر
أنس : نعرف هاد النظرة🙂 نعرفها مليح ، النظرة اللي كنت نحوس عليها فعينيك من شحال هادي ،
ميرال : نظرتي ليك عمرها ما تبدلت و لا راح تتبدل ، برك الظروف اللي تبدلو
أنس : ولكلام اللي حكيته هداك اليوم فهادك المستودع
ميرال : كلام وحدة مجروحة يعني ماشي صحيح ، كلام فارغ
أنس : يعني ما تكرهينش كيما قلتلي ؟
ميرال : انا يمكن صح تقهرت منك و تعذبت زعفت منك كنت حابة ننتقم منك ، بصح جامي كرهتك ، على خاطر الانسان مستحيل يكره ويحب اللي يحبو في نفس الوقت ، مستحيل 😥
تحلو عينيه من اخر جملة حكاتها ، زاد قرب منها يشوف فيها و يتبسم ، هز يدو وكان يحاول يحطها على خدها بصح كان متردد بصح فالاخير حطها وزاد حط اليد لخرا و حضن وجهها بين يديها قرب وجهو من وجهها من بعد رجع حكى
أنس : يعني نتي مازال تحبيني ؟ مازال قلبك ينبض علاجالي ياك ، قولي لي نتي مازال تحبيني؟
ميرال : بجنون، انا نحبك كي المهبولة ، انا عمري لا نسيتك ولا قدر قلبي ينساك ، نتا طول هاد السنين كنت عايش معيا صح كنت بعيد عليا بصح كل ليله كنت ننتمي ليك 😭 عمرو ولا فات يوم وما حبيتكش فيه ، كنت نحبك و مازال نحبك وراح نحبك لاخر يوم في حياتي ، سمعتي انس انا نحبك ، نحبك نحبك😭😭
طاحو دموعو طول ، كان قلبو يضرب بقوة لدرجة انو دقات قلبو وصلو عندها ، حس بيهم لاول مرة بعد كل هاد السنين ، لاول مرة حس انو عايش، حياتو اللي كان عايشها من قبل فاضية ، بلا الوان وبلا اي معنى ، رسم ضحكة عريضة على وجهو حتى بابو ضروس العقل ، حط جبينو على جبينها ، غمضو عينيهم في زوج خذا نفس عميق عاد هدر
أنس : انا... أنا تاني نحبك ، نحبك وتعشق فيك ، نحبك ونموت عليك
طاحت دمعة سخونة مش مصدقه الشي اللي تسمع و تعيش فيه يعني اخيرا عترفلها بحبو الشي اللي كانت تحلم و تسنى فيه من سنين ، وخيرا قالها ، قالها نحبك و نعشق فيك ، بدون اي سابق انذار ترمات في حضنو تكبس عليه بيدها و هو ماكانش من المعاكيس ، لف خصرها بيديه ويزير عليها ، و يشم في ريحتها واخيرا بعد كل هاد لعذاب وكل هاد لفراق ، قدروا يرجعوا مع بعض ، بعد ما تجاوزوا عاصفة كبيره ، قدروا يراسو في بر الامان و يكملو حكاية حبهم من النقطة الي حبسوا فيها
↚
الحلقة 221
الحياة اذا حبت تعطيك الشي اللي تحب عليه لازم دائما تاخذ منك حاجة خلاف تخليك تمر بامتحانات وتجارب كتار على قد شعر راسك ، بيهم تختبر صبرك و قوة تحملك قبل، هادى هي الحياة عمرها ما تعطيليك حاجة بدون مقابل ، الحياة صعيبة بزاف ، عديمة الشففة متمرده قاسية وغير منصفة الحياه مليئة بعقبات وصعوبات وابتلاءات ،وحتى في بعض الأحيان هاد الابتلاء يكون على هيئه انسان ، تماما كيما الشي اللي صرا مع ميرال ، كان اكبر ابتلاءها فالحياة أنس ، واصعب امتحان مرت بيه هو حبها ليه ، تعذبت ، بكات، وقعت، تقهرت وتجرحت 💔 الحياه جبرتها تلبس الثوب الاسود وتذوق لمرار ، بصح رغم كل هاد الانكسارات اللي مرت ييها عرفت كيفا تتغلب على كامل العقبات وتتجاوز كامل الامتحانات ، عرفت كيفاه تتغلب على كامل العواصف و توقف في وجهها وكيفاه ترسي بروحها في بر الامان وتوقف في وجهها و تحمي حبها ، هاد الشي كامل لانها كانت دائما متأمل وشافت الحياه من زواية اخري،فيها آمال كتيرة، بعد الشي اللي عاشاتو فهمت انها على قد ما راهي صعيبة و معقدة راهي بسيطة ،فهمت انو وين ما تكون الحياه راح يكون هناك أمل ، الامل اللي ممكن يكون على هيئه انسان وفهاد لحكاية اوس كان لميرال مثل بصيص الامل هو علمها الحياة و هي بدورها علماتو الحب ، وبعدها قدمتلو حب حياتو ، ببساطه هادي هي اخذ وعطى كل شي عندو مقابل وثمن🙂
اهم شي انو ميرال فهمت بلي بدل من انها تشوف موراها وتتحسر على الماضي من الاحسن انها تشوف للقدام وتعيش حياتها مع الانسان الوحيد اللي تحس روحها كاملة غير كي تكون معاه وبالفعل نجحت بهاد الشي وعلاقتها مع انس من بعد هاديك الليلة صارت كيما لول او احسن على خاطر هاد المرة مشاعرهم متبادلة حبهم تخلق في وسط اخزان ومشاكل ويقولو ديما انو الحب اللي يتخلق فهاديك الاجواء يكون قوي وما يموتش وزيد هاد الحب توج بثمرة واللي هو جواد ، جواد اللي كان جا نتيجه اغتصاب أنس لميرال ، بيوم من الايام كان هو سبب في فراقهم كي واجهت ميرال الموت ، بصح بمشيئه القدر كان هو سبب رجوعهم لبعض من بعد فراق دام سنين.
تعدوا ايام على هاديك الليلة ايام كانت كلها حب على عشاقنا ، كل يوم يعدي يفوتوه مع بعض، وكانهم حابين يعوضو سنين الحرمان ولبعاد ، كانو حابين ينساوا كل لحظة من حياتهم بعاد على بعض ❤️
كانوا يتمشاوا جنب بعض ومشبكين يديهم في يدين بعض ، يتمشاوا ومرة على مرة كان يطبع في بوسات على خديها ولا على جبينها ، ويحضن فيها وهي غير تشوف فيه وتضحك على تصرفاتو ، كانت فرحانه لدرجة انها خافت يحسدها شي حد و تتبخر فرحاتها ، قعدو مع جنب بعض على مقعد يطل على البحر ، كانت الناس رايحة جاية ،بصح من فرحتهم ببعض كانوا ناسين كامل هادوك الناس وكأنو ما كاين حد من غيرهم ، قربت منو و حطت راسها على صدرو غمضت عينيها و تسمع في صوت دقات قلبو اللي عملو سمفونيه حبهم ، تبسمت لا اراديا كان عاجبها الحال، ومستحيلية لمسات يديه وهو يمسحلها على شعرها ، كانو ساكتين بلا ما يحكوا حرف وكانهم قرارو يستمتعوا باللحظه ويعيشوا فيها حتى قررت تكسر الصمت كي هدرت بلا ما تحل عينيها
ميرال : أنس
أنس : اممم
ميرال : دوك صح رانا مع بعض ياك ، حتى واحد ما راح يقدر يقرقنا ، حنا راح نبقاوا مع بعض لاخر نفس
على كلامها حل عينيه هز يدو وطلعلها راسها بصبعو شاف في عينيها من بعد هدر
أنس : حتى واحد ما راح يقدر يقرقنا على بعض ، انا ما لقيتكش بسهوله حتى نتخلى عليك بسهولة، نفضل نموت ولا نتخلى عليك ولا على جواد ،
على سيرة الموت حطت يدها صباعتها على فمو تسكت فيه
ميرال : ششششت ، الله يخليك ما عادش تجبد سيرة الموت
↚
الحلقة 222
هز يدها اللي حطتها على فمو عاود قربها من شفافو من طبع بوسة مرصومة عليها عاد هدر
أنس : نتي تاني لا عاد تجيبى سيرة لفراق على لسانك ، على انا مستحيل نتخلى عليكم ، نتي وجواد صرتوا كلشي بالنسبة ليا ، عائلتي ، حياتي ، ملجائي ، نتوا اهم شي في حياتي ومستحيل نخليكم تبعدو عليا مرة خرا ، انا صح ضيغتكم مرة بسبة غبائي بصح مستحيل نعاودها ،انا وعدتك وراح نوعدك مرة اخرى ، راح نخليك تنساي كل لحظة تعيسة عشتيها بسبتي، راح ندير كلش غير باه نسيك فهادوك ليام ، ومن اليوم ماراح تشوفي منى غير الحب و الاهتمام انا اليوم هنا غير باش نحبك وتعشقك
ميرال : اممم وانا نحب الكل يعرفو هاد الشي ، انا كل مرة نشوف وحدة تخزر فيك نحب نروح عندها و نقلع لها عينيها و نقولها هادا تاعي
أنس : اوووه قولي والله
ميرال : ايه ،ما نحبش كي يشوفو فيك
أنس : اممم يعني تغيري عليا ياك ؟؟؟
ميرال : ايه نغير عليك واش راح ندير
أنس : الله يخللي المغيارة😍 بصح خليني نقولك حتى اذا شافت عينيا بنات حتى وحدة فيهم ما تقدر تحرك فيا شعرة ، حتي وحده فيهم تقدر تعمرلي عينيا على خاطر انا عينيا ما يشوفو غير فيك و قلبي ما يحوس غير عليك نتي
ميرال : والله علابالي بصح الله غالب هاد الشي اقوى مني☺️
أنس : اروحي ، اروحي عندي ياعمري 😍
حصنها بقوة عندو وطبع بوسه على راسها من بعد هدر بين شفافو
أنس : وهادي تاني علاه راهي تشوف فيا هكدا واقيل صح عجبتها
سمعت كلامو وهزت راسها دور فيه على اللي قاعده تشوف فيه ، ترمي في عينيها يمين ويسار ،ودارت تشوف فيه كي سمعاتو يضحك فهمت بلي كان يزكر فيها قحرتلو و ضرباتو على صدرو ضربة خفيفه عاد هدرت معاه
ميرال : اااانس 😏 عجباك الحال ياك🙄
أنس : معلوم عجبني الحال علاه راح نكذب و نقول العكس غيرتك عليا يعني حبك ليا بصح ما تقلقيش روحك راح نخلي ڨاع هادو اللي راكي تغيري يعرفو بلي انا تاعك وملكلك نتي، ستناي و شوفي فيا
ناض و وقف في نص الطريق و يصفق بيديه ، وهي غير شفاتو تحلو عينيها و راحت قربت منو و شدتلو دراعو تحكي
ميرال : أأأنس ، واش راك دير 😳😳؟
أنس : راني ندير فالازم ، دقيقه وقفيلي هنا دقيقه دور راسو شاف اللي كانوا رايحين و جاين تبسم على جنب عاد هدر بصوت عالي
أنس : مرحبا ، شوفي فيا ، عندي كلام حاب نقولو
ميرال : أأأنس ، واش راك دير سكت الله يخليك ، راح تفضحنا 😳😳
ما ردش عليها ورجع هدر
أنس : شوفي فيا وسمعوني مليح (شاف في وحدة جايزة وهدر معاها) هيه نتي ، راكي تشوفي فهاديك اللي راهي واقفة تماك هاديك حبيبتي ، يعني انا حبيبها وحنا نحبو بعضانا سمعتني انا وهي تعشقو في بعضنا ، هيه راني حاب تسمعوني كامل واش راح نقول قدامكم كامل ، خلي ڨاع الناس تعرف الحاضر فيكم يروح يخبر الغايب ، انا انس المكاوي حاب نقولكم اني قبل ربع سنين انا شفت هاد الطفلة،حطيتها في بالي تراهنت عليها مع صاحبي ..
قطعت علية كلامو قبل ما يكمل شدتلو يدو وتجر فيه وتحكي
ميرال : انس واش راك تحكي، خلاص الله يخليك خلينا نروحو
أنس : دقيقة ميراال
↚
الحلقة 223
نترلها يدها ورجع يحكي ، وڨاع الناس كانت مركزة عليه وعلى حكايتو
أنس : كيما قلتلكم انا تراهنت عليها مع صاحبي ، وكيما كان الحال اني مدة اسبوع راح نخليها طيح بين يديها ، وانا فهاداك الوقت كنت درت كلش غير باه نربح الرهان وتاع الصح ربحت و بعد اسبوع خليتها تقبل بيا 😔 هي قبلت بيا على خاطر شافت فيا راجل وانا كنت مع الاسف ذيب كنت نسنى برك الوقت اللي نكسرها فيه 😔 وتعرفوا انو انا نكره يحلق عيد ميلادي و بالنسبه ليا هادك اليوم أسواء يوم في حياتي ، ما علابالكمش علاه ، انا راح نخبركم انا نكره هاد اليوم على خاطر انا قبل ربع سنين وبالظبط بيوم عيد ميلادي انا .. انا مديت يديا عليها و تعديت عليها 😔
ڤاع اللي كانوا تم تخلت عينيهم😳😨 و تصدمو من كلامو و يشوفو فيه وهو كمل هدر
أنس : ايه انا غتصبتها انا كنت حيوان معاها تبعت غرزتي و شهوتي 😔 و لحكاية ما خلاصتش هنا ، فوق الشي اللي درتو معاها، وصلت بيا حقارتي حتى بعتلها صاحبي يتعدى عليها😔 ، لو لا ضميري اللي فاق في اخر لحظة كان هو تاني راح يتعدى عليها
دار عند ميرال لقاها شادة يديها و تفرك فيهم ومنزلة راسها تبكي ، قرب عندها طلعلها راسها بيدو شاف فيها من بعد رجع حكى
أنس : علاه راكي مهبطة راسك ااه؟ نتي ما درتي والو ، بالعكس اذا كاين شي حد هنا لازم يهبط راسو و يخجل فهو انا 😔 انا اللي لازم نحشم ماشي نتي انا 😞،
شافت فيه شدتلو من بعد هدرت
ميرال : علاه راك دير هاد الشي ، واش لزومو ، انا نسيت كامل لحكاية و...
أنس : اذا نتي نسيتي انا ما نقدرش ننسى ، مانقدرش ، حتى كي نحط عيني فعينيك نحس روحي صغير قدامك و نحشم 😞
ميرال : لا ، واياك تقول هاد الشي ، اللي صرا صرا وما نقدروش نبدوله ، وزيد ياك حنا قررنا نخلوا الماضي مورانا ، مالى قولي علاه راك دير فهاد الشي ، علاه راك تنبش فالماضي 😔
أنس : مارنيش ننيش فالماضي ، انا درت هاد الشي باش نطلب منك السماح قدام الناس كامل ، حاب نرجعلك اعتبارك ، ونداوي كرامتك و نخاليك تتصالحي مع انوثتك، على هادي حبيت ندير هاد الشي ، على هادي انا قدام كامل هاد الناس راني حاب نطلب منك السماح ، حاب تغفرلي وتقبلي اعتذاري😭 سمحلي بزاف ميرال سمحلي 😭😭
ميرال : أنس انا سمحتلك من شحال هادي ، انا نسيت كلش فالدقيقة الي رميت روحك للموت علاجالي ، فهادك اليوم عرفت قيمتك و عرفت اني ما نسوا والو بلا بيك ، خفت بزااف اني نخسرك ، فهادك اليوم فهمت اني مهم تكابرت ونكرت انك ما تعنيلي حتى شي قلبي كان ديما يقول العكس ، فهمت مليح انو اذا انس مايكونش ميرال تاني ماراحش تكون ، ببساطة انا نكون اذا نتا تكون وحياتي بلا بيك ما عندها حتى معنى بلا بيك نكون ناقصة وكي نكون معاك نكون كاملة
دارت عند هادوك الناس شافت فيهم خذات نفس من بعد كملت كلامها
ميرال : صح هو غلط معايا ، بصح ماكانش منا اللي معصوم عن الخطأ ، انا بالرغم من الغلطة تاعو ، وحتى اذا رجع غلط مرة اخرى راح نبقى نحبو لاخر يوم في حياتي ، وراح نسمحلو ، واش راح ندير اذا قلبي وقدري خترهولي وما راحش نكدب عليكم انا فرحانة انو هو قدري ، على خاطر انا نحبو من كل قلبي ، نعشق فيه ومستحيل نقدر نعيش بلا بيه ، على هادي قداكم كامل راح تقولو اني سمحتلو من قلبي
دارت عند أنس اللي كان دموعو يحرقولو في خدو ، قربت منو هزت يديها و تمسحلو في دموعو و تحكي
ميرال : ما نحبش نشوفك بهاد الحالة ، انا ما رانيش حابة نزيدو نحكو فهاد الموضوع ، خلينا ننساوا الشي اللي صرا ونبدوا حياة جديدة مع بعض ، حياة ما يكونو فيها غير انا ونتا و ولدنا جواد ، خلينا نبنوا عالمنا وحدنا ونعيشوا لبعضانا 🙂
هزلها راسو بالايجاب رسم ابتسامه على وجهو عاد هدر
أنس : ايه ، ايه راح نكونو مع بعض و راح نعيشو فرحانين نوعدك اني راح نبقى نحبك لاخر يوم في حياتي ، وراح ندير اي شي باش نخليك فرحانة ، نوعدك بهاد الشي 🙂
ترمات في حضنو بلا ما تحكي اي حرف نزير عليه و هو تاني كان المثل ، حاوط خصرها بيديه و يكبس عليها وڨاع اللي كانوا تم يصفقوا و يصفروا لهم ، وهوما كانو يضحكوا عليهم ، بعد تلفتوا كامل عندو كي هدر من موراهم
↚
الحلقة 224
-قيس : نسيتوا الجزء الاهم فهاد لحكاية
عقدت حواجبها كي شفاتو وبلغت ريقها ما كانتش متوقعة انو يكون هنا و يشوف فيهم
ميرال : قيس
انس فضل انو يتنحى على جنب و يخليهم يحكوا و يتواجهو مع بعض
-قيس: ايه واش رايك تكملي الفصل الناقص من لحكاية ولا نكملوا انا 😒
دار عند الناس اللي وكانت تسني فيه يحكي و يفهمو واش قصدو قرب منهم من بعد رجع هدر
-قيس: كنت جايز منا حتى شفت هاد العرض و شفت انو نساوا اهم فصل فيه وقلت خلي نكملوا هكاك تكمل لحكاية، أول حاجة خليني نعرفكم على روحي انا اسمي قيس وانا نكون خو ميرال، خوها اللي كي عرف انها خسرت شرفها ، وعرف انها كانت بالحمل ،بلا ما ندير حساب لاي شي ولا نسمعلها، كركرتها معيا و صوبت السلاح في وجهها بلاما يرفلي جفن خرجت رصاصة من هداك السلاح ، رصاصة لي خلاتنا نحسبوها ميتة مدة تلاث سنين، ما درتش حساب انها كانت بروحين ، بعد هاد الشي اللي صرا بابا ما تحملش هاد الشي ، ما تحملش فكرة انو اخ يقتل ختو، تعرض لأزمة قلبية ،و مات💔😔 و بعد شهور يما تاني زادت ماتت ، ماتت مقهورة ، ماتت من الهم ، ما علاباليش اذا كلامي راح يأثر عليها ولا لا بصح راح نحكي
دار عند ميرال قرب منها بخطوات ثابته حتى وصل عندها ورجع حكى
-قيس: ما علاباليش اذا تقدري تتقبلي كلامي ولا لا ، ولا واش راح تكون ردة فعلك وحتى ماعلاباليش اذا فات الحال على الشي اللي راح نحكيه ولا لا ، بصح راني حاب نعتاذر على الشي اللي درتو معاك ، نتمنى انك تقدري تسمحلي على الشي اللي خليتك تعيشه ، معليش حتى اذا ما قدرتيش تسمحلي ماراحش نلومك ، عندك الحق ، بصح على الاقل خليني نحكي و نريح ضميري ، حاب نرتاح من هاد لعذاب اللي يحاوطني كل ليلية ، عذاب الضمير راه ياكل فيا ، حاس روحي اذا ما حكيتش راح نطرطق😔😞 صدقني راني تبدلت بزاف وراني حاب تعطني فرصة نصحح اخطائي ، حاب نكون اخ ليك و لشهد ، حاب نكون مسؤول عليكم و سندكم من اليوم و رايح
طاحو دموعها من كلامو مش مصدقه انو خوها القاسي اللي كان كي الحجرة يحكي فهاداك لكلام بحياتها ما كانت تتخيل انو قيس يوقف قدامها و يحكي فهاداك لكلام بالنسبه ليها هادي معجزة ، رسمت ابتسامه على وجهها و حطت يديها على فمها من الفرحة من بعد هدرت معاه
ميرال : تعرف شحال عندي وانا نسنى توقف قدامي وتحكي هاد لكلام ، اااه ماشي عام ماشي زوح ، من الوقت اللي كنا صغار كنت حابة نكونو كاي اخوة فهاد الدنيا و نساندو بعض انا معلوم راني مسامحاتك ومن قلبي ، وراني حابة تكون خويا ، خويا اللي يوقف معايا و يحمني ، يكون سند تاعي 😭 هاد الشي اللي كنت حباتو من بكري ، 😭
-قيس: يعني راكي مساحتني ياك😢
ميرال : ايه ، راني مسامحاتك دنيا واخره خويا لعزيز😭
-قيس: ختي ميراال😭
فتحلها دراعو وهي ترمات في حضنو اللي لاول مرة تكتشف هاد الشعور ، شعور تحس انو عندك اخ يوقف معاك وتسندي ضهرك عليه وقت الدنيا توقف في وجهك و هو تاني ما كانش اقل منها ، كتشف لاول مرة واش يعني شعور انك تكون الاخ والسند ،شعور بالمسؤوليه ضمها عندو و زير عليها و ويبكوا بحرقة في حضن بعضاهم ، 😭 اما انس و الباقية كانو يشوفو فيهم اللي يبكي يبكي ، واللي مصدوم مصدوم وهم يشوفو في عرض رد الاعتبار لميرال
↚
الحلقة 225
حبس الطموبيل قدام الفيلا ،شد الفولون بيديه الزوح دور عندها لقاها تشوف فيه فهمت انو كان معلق كلام وبلي كاينة حاجة حاب يقولها بصح متردد ، تبسمت في وجهو سڨمت قعدتها من بعد حكات
ميرال : خير ، واش راك حاب تقولي؟؟
هز حاجبة للفوق ، تبسم على جنب حك لحيتو عاد هدر
أنس : علاه راه مبين عليا لهاد الدرجة ؟؟
ميرال : اممم كتر ما راك تتصور ، يا الله قول ، واش كاين ؟
أنس : اممم صحا راح نقولك بصح نتمنى تفهمني
ميرال : (عقدت حواجبها) خير واش كاين ؟
أنس : يعني انا مازال ما فهمتش علاه مازال راكي عايشة فالفيلا ، علاه ما رحتيش لداركم ؟؟😏
ميرال : انس علابالك مليح علاه ما رحتش ، راني هنا غير علاجال جواد ما رانيش حابة نخربلو نظامو ، اصلا وليت نخاف عليه من اخر مرة
أنس : ما عندك علاه تخافي الوضع دوك تبدل
ميرال : حتى انا ما علاباليش علاه راك من وجودي هنا ، واذا حاط في بالك انو اوس ما...
أنس : علاه شكون جاب سيرة اوس ، اساسا انا ما عنديش مشكل معاه
ميرال : علاه مالا ؟؟
أنس : ماعلاباليش علاه ، المهم انا كي تكوني في داركم راح نرتاح كنر هدا مكان
ميرال : اااه راح ترتاح ،يعني راك حاب نعيش في دارنا ، ماشي في بلاصة وحدة اخرى ياك ؟؟
أنس : وين راكي حابة تعيشي مالى اذا ماشي في داركم ؟؟
بلعت ريقها و تبسمت فوق قلبها كان عمبالها راح يقولها راح تعيشى في داركم مؤقتا من بعد راح نعيشو مع بعض ، كي يتزوجوا بصح خاب ظنها😔
ميرال : صحا ما تقلقش روحك نحكي مع اوس من بعد راح نتنفل
أنس : صحا يا عمري 😍
ميرال : راح تدخل معايا ، ولا راح تروح ؟
أنس : ايه راح نفوت معاك حاب نشوف جواد توحشتو ، وزيد حاب نحكي مع اوس
ميرال : مع اوس؟؟ خير ؟ ياك ما راك ناوي تقولو نتا ، ؟ ياك قلتلك انا اللي راح نحكي معاه من..
أنس : لا، لا راح نحكي معاه بشي تاني
ميرال : و واش هو هاد الشي ؟
أنس : دوك تعرفي يا الله خلينا نفوتو
ميرال : ايه صحا
نزلو من الطموبيل و راحوا دخلو الفيلا ، فاتو طول لصالون كان اوس تماك و جواد قاعد في حجرو و غير شافهم راح يجري عند أنس
-جواد: بابااا
أنس : ولدي البطل
هزو بين يديه وطبع بوسه على خدو و هو تاني حاوط رقبتو بيديه الصغار وهدر معاه
-جواد: علاث ما جيتث لبارح ، توحثتك بذاف
أنس : انا تاني توحشتك بزاف بزااف😘
-جواد: بابا هيا نلحو نلعبو فالجنبنة ياك قلتلي لاح تجي و لاح تلعب معايا
أنس : اممم صح راح نلعب معاك ،بصح خليني نحكي قبل مع ماماك و باباك اوس من بعد راح نلعب معاك وعد
-جواد: وعد؟
أنس : وعد
-جواد: مالى لاح نثناك تهدل مع عمو اوث و نرجع
تحلت عينهم من كلمة عمو ، خاصة أوس اللي ما كانش متوقع انو ينساه بهاد السهولة دور راسو لجيهة لخرا بلع ريقو و تبسم بمرارة و ما دار غير كي حس بيدو لصغيرة كي حطها على يدو ويحكي
-جواد: لاك ذعفان مني(راك زعفان مني )😔
-أوس: علاه نزعف منك اااه ؟؟
-جواد: على خاطل قولتلك عمو ماثي بابا 😥
-أوس: لا ، لا مازعفتش علاه اصلا انا نقدر نزعفك ؟
-جواد: ثامحني بابا 😥
جبدو عندو و دخلو في حضنو و كبس عليه و هو تاني ما كانش من المعاكيس ترمى في حضنو و حط راسو على رقبتو من بعد بعدو منو و رجع حكى معاه
-أوس: يا الله حبيبي دوك روح طلع لبيتك راح نهدر مع باباك
-جواد: حاضل بابا 🤗
فرفشلو شعرو وطبع بوسه على خدو من بعد هو داتو نرمين لبيتو وهو قرب من انس يحكي
-أوس: خير انس واش راك حاب تحكي ، ؟؟
أنس : خير ، خير
-أوس: يا الله تفصل قعد و حكلي واش كاين
↚
الحلقة 226
راح انس قعد وقعدت ميرال جنبو ، شاف فيها من بعد شاف في اوس و رجع حكى
أنس : الموضوع يخص جواد
-أوس: ايييه ، شبيه جواد غير الخير ؟؟؟
ميرال : انس حكي واش كاين واشبيه جواد ؟؟
أنس : ما بيه ، علاه راكي مقلقة ،انا برك كنت حاب نقولك انو مادام جواد ولدي انا ، يعني صراحة راني حاب نسجلو على اسمي ، حاب نعطيه اسمي ، بعد اذنك
-أوس: اااه يعني راك حاب تعترف بيه و تمدلو اسمك
أنس : ايه ، نتمنى ما تفهمينش بالناقص ، علابالي بلي نتا ربيتو و تعبت عليه ، عكيتو اسمك ، وهاد الشي اللي ما راحش ننساهو لك ، هاد الشي راه دين في رقبتي ، بصح نتا تاني نتمنى تفهمني ، ماعدش قادر نصبر كتر ، حاب نعوض السنين اللي فاتو ..
-أوس: انا الشي اللي درتو ، درتو من قلبي ، بالنسبه ليا جواد كان اجمل حاجة صارت لي ، راح يبقى ولدي حتى لو الدنيا كامل قالت العكس ، نتا راك باباه الحقيقي و الشي اللي راك تطلب فيه من حقك، ماراكش مجبور تطلب مني الاذن
أنس : لا مستحيل ، انا ما كنتش راح ندير هاد الخطوة بلا ما تحكي معاك ،
-أوس: ايه ، تقدر تدير هاد الشي ، خلي جواد يحمل اسم باباه 🙂 جواد المكاوي
أنس : ايه جواد المكاوي🙂
ميرال : يعني واخير ، ياك ما رانيش نحلم ، هاد الشي حقيقي ياااك🙂☺️
أنس : اكيد حقيقي ، من غدوى راح نسجل جواد بأسمي ، راح نخلي ڨاع الدنيا تسمع بهاد الشي 🙂
ميرال : اااه يا ربي ما رانيش مأمنة هاد الشي🙂
ترمات في حضنو وهو بدور حاوط خصرها بيديه ويضحك من فرحتو وما بعدو على بعض حتى سمعو صوتها جاهم من اللور وشافو فيها
-جينيفر: يعني الثنائي العظيم ديما مع بعض 🙂
أنس : جيني (اختصار اسم جينيفر ) واش راك ديري هنا ؟
-جينيفر: اممم والله جيت نحكي مع ميرال ، و شفت طموبيلتك برا عرفت بلي راك هنا
ميرال : تحكي معيا !؟ انا !؟
جينيفر: ايه معاك ، ولا خلي نقول معاكم في زوج مدام روميو تاعنا راه هنا دون
أنس : خير ، واش كاين ؟؟
-جينيفر: خير خير
قربت منهم و رمات روحها في وسطهم حتى خلات انس في يمينها و ميرال في يسارها ، شافت فيهم في زوج من بعد حكات
-جينيفر: يوووه علاه راكو تشوفو بهاد الطريقة ، انا جيت لهنا برك نودعكم ، على خاطر راجعة الليلة لامريكا ، وما حبيتش نروح قبل ما نشوفكم that's all
أنس : راجعة ؟؟ والليلة تاني ؟؟ علاه ما خبرتينش من قبل ؟
-جينيفر: كي شغل انا راني نشوفك كل يوم ، كل دقيقه ، حتى اذا شفتك ، نتا عقلك ديما في جيهة وحده اخرى
أنس : جينفير الله يخليك سمحلي ،
-جينيفر: don't worry عادي ماشي مشكل ، راني متفهمة وضغك 🙂
دارت عند ميرال شدتلها يديها و رجعت حكات
-جينيفر: ميرال انا قبل ما نسافر حبيت نشوفك ونحكي معاك ، مارانش حابة نروح و نتي واخدة عني صورة ماشي مليحة ، حبيت نروح و نخلي بلاصتي نقية ، علابالي بلي تعرفنا في ظروف ماشي ملاح ، علابالي كنتي ما تحملينيش على خاطر كنت قربية من انس ، و يمكن غيرتك خلاتك...
ميرال : لا ، غير تهناي ، اصلا انس حكالي كلشي درتيه معانا ، على هادي انا اللي لازم نتشكرك
-جينيفر: لا لا انا ما درت والو ، ما تقلقيش روحك ، اصلا انس انسان عزيز عليا بزاف 🙂 ، نتمنى برك الدنيا تضحك لكم و أن شاء الله تبقاوا مع بعض لاخر العمر ،
ميرال : ايه ان شاء الله
أنس : أن شاء الله
كملت كلامها و ناضت على طولها من بعد شافت فالساعة و رجعت حكات
-جينيفر: مالي انا تسمحلولي بزاف لازم نروح ، راح نوحد روحي ما بقاش بزاف على طيارتي
ميرال : ايه ، ايه خدي راحتك ، وبالسلامة ، ربي يسهل لك ،
-جينيفر: يعطيك الصحه🙂 تشرفت بمعرفتك ميرال
ميرال : انا تاني ، تشرفت بمعرفتك جينيفر 🙂
-جينيفر: بقاي على خير
ميرال : بالسلامة
جات تخرج حتى تبعها انس الباب ، حل و كانت راح تخرج دارت شافت في عينيه من بعد هدرت معاه
↚
الحلقة 227
-جينيفر : تعرف واش هدا وين فهمت علاه ما كنت حاب تعمل علاقة و لا تخرج مع اي وحدة كي كنا مريكان
أنس : واش فهمتي ؟
-جينيفر: ميرال اللي كانت السبب ، حبك ليها اللي ماخلاكش تحط اي وحدة في بالك ، علاجالها اللي كنت تغم روحك فالخدمة 24/24 ساعة ، فهمت هاد الشي من اللمعة اللي راني نشوف فيها فعينيك ، الشي اللي كان ناقصك تماك ، راني نشوفو فيك دوك ، حبك ليها باين من عينيك ، حتى انا ما قدرتش نأتر فيك 😔
أنس : جينيفر انا ...
-جينيفر: لا ، مكلاه تحكي ، خلني برك تحكي قبل ما نروح مانيش حابة نزيد نخبي كتر ، حتي لوكان علابالي بلي ما راح يتبدل والو على الاقل خليني نفرغ قلبي 😔
غمضت عينيها، نفخت ، عاودت حلتهم من بعد رجعت حكات
-جينيفر: انا من النهار الاول اللي شفتك فيه ، ماقدرتش نمنع قلبي انو يحبك ، أول ما شفتك قلبي دق بقوة تم عرفت اني راح نحبك بالرغم من اني عرفت انك مستحيل تكون ليا حبيتك ، و صدقني ما راني مسنيه منك والو ، راني برك حابتك تكون سعيد ، مع عايلتك ، صدقني عندك عايلة تهبل مشاء الله ، نتمنى برك من ربي يكملكم مع بعض ريي يخليكم لبعض
أنس : جينفر صدقيني ما علاباليش واش نقولك ، تاع الصح ، أن شاء الله تلقاي الانسان اللي يقدرك و يعرف قيمتك ، على خاطر نتي صح جوهرة فريده ، و قلبك كبير
-جينيفر: ايه ان شاء الله ما نعرفو واش راهي مخيتلنا الدنيا هادي 🙂 ، اييه المهم انا تسمحلي لازم نروح
أنس : تحبي نوصلك للمطار؟
-جينيفر: لا لا ماكلاه ، نروح وحدي احسن 😔
أنس : متأكدة!
-جينيفر: ايه راني متأكدة ☺️
أنس : اوكي مالى ، بالسلامه جيفير 🙂
-جينيفر: بقى على خير🙂 يا روميو😔
قربت منو وطبعت بوسة مرصومة على خدو و لفت يديها على رقبتو تخص فيه و هو تاني بادلها العناق من بعد ثواني بعد عليه حلت الباب هزت روحها و خرجت ، و غير حطت رجلها برا طلقت العنان لعينها وخلات دموعها اللي كبتت فيهم من قبل و كأنها كانت تسني برك. وقتاه تخرج و تخرج اللي في قلبها ، طلعت فالطموبيل شدت مسحت دموعها بظهر يدها ، شدت الفولون بيديها ، دورت راسها شافت فيه لاخر مرة من بعد شعلت المحرك و ديمارات ، هاد الشي كامل صرا تحت انظار ميرال ، اللي حست بسعادة وفرحة كبيرة كي سمعت لجينفير قالتو كيفاه كان عايش فلماريكان و كيفاه كان يتجنب فالنسا زاد كبر في عينيها ، وقبل ما يحس عليها راحت هزت روحها رجعت للصالون وهو بعد ما ودع جينفر راح طلع طول عند جواد لبيتو
احيانا الانسان الشي الوحيد اللي يتمناه انو يكون ذكرى جملية في حياة الناس الي عرفهم ، وهاد الشي تماما اللي صرا مع جينيفر برغم مشاعرها و حبها لكبير لأنس الا انها خيرت تنسحب من حياتو ، وتقدملو معروف كبير بيه يتذكرها طول حياتو ، لانو صح جينيفر كان عندها دور في رجوع انس و ميرال لبعض ، فالوقت اللي كان هو فقد الامل انو يرجعوا مع بعض وقرر يرجع لامريكا و ينساها هي خلاتو يوعى و يفهم انو ميرال مازالها تحبو ،بالنسبة لجينفير كان يكفيها انها تشوف أنس فرحان جنب الانسانة اللي يحبها ،اللمعة اللي شافتها في عينيه كي يكون مع ميرال هاد الشي اللي راح يصبرها انها تكمل حياتها بلاييه 💔
حلقت طيارة جينيفر فالسما راجعة لامريكا ومخلية واراها حبها وكل شي كان متعلق بأنس
↚
الحلقة 228
صباح جديد و احدث جديده ، بعد ما قرر انس انو يسجل جواد بأسمو ، راح هو ميرال و اوس و دارو كل الاجراءات اللى تلزم ، واخيرا جواد صار يحمل اسمو الحقيقي و صار من جواد المرديني لجواد المكاوي ، هاد الشي اللي خلا ميرال و انس يطيرو من فرحتهم ،وقرر أنس انو يخلي هاد اليوم عيد ، ويحتفلو بيه مع بعض ، طلب منها تخرج معاه الليلة ويتعشاوا مع بعض و يفوتو السهرة فاليخت تاعو، راحت رجعت للفيلا وفرحاتها مش سعيتها ، حاسة روحها انها راح طير ، راحت تجري طول لبيتها باش توجد روحها ، حتى دخلت في لينا و مروى اللي عارضوها في طريقها ، شافت فيهم من بعد هدرت
ميرال : بعدوا، يا الله بعدوا خلوني نجوز
مروى : خير شبيك ، علاه راكي مزروبة ؟؟
ما جاوبتهاش وراحت كملت طريقها دخلت لبيتها وهما تبعوها يحكو
لينا : ميراال ، خير واش كاين !
مروى : حكيلنا واش كاين يا الله
راحت حلت خزانتها تحوس بعينها وكانها مش تسمع فيهم كامل ، شدتها لينا من دراعها و سكرت لخزانة تحكي
لينا : ميراال ، رانا نحكو معاك ، ماراكيش تسمعي فينا؟؟
ميرال : سمعتكم ، سمعتكم ، بصح خلني دوك نروح نوجد روحي من بعد راح نحكوا
مروى : علاه ، وين راكي رايحه ؟
لينا : وين راكي رايحه ، على واش راح توجدي روحك؟؟ واش كاين فهمينا ؟؟
ميرال : رايحه مع انس باينة
مروى : اممم على بيها ما راكيش ڨاع في عقلك
لينا : بلعقل عليك يا بنتي شبيك خايفة عليك والله راني نسمع في صوت دقات قلبك ، راهم واصلين عندي
ضيقت عينيها من بعد حطت يدها على قلبها ، كان يخفق بشدة لدرجة انها صح امنت انو تسمع فيه نفخت من بعد عدات من جنبها و راحت قعدت على طرف السرير ،من بعد رمات روحها عليه ، زادوا قربو منها هوما و ترماوا جنبها ويخزروا فالسقف بلا ما يحكوا حرف حتى كسرت الصمت كي هدرت
ميرال : راني حاسة روحي هاد وين راني عايشة ، حاسة روحي فرحانة بزاف وفرحتى مش راح نعطيها لحد ☺️☺️
لينا : ايه فرحي ، فرحي عندك ما شفتي نتي تعذبتي بزاف وخسرتي بزاف باش وصلتي لليوم ، راني متأكدة هادوك ليام الخايبن لا يبقاوا موراك وما راحش يولوا والايام الجاية راح ينسوكي فكلش
مروى : ايه صح ، انا تاني راني حاسة بهاد الشي ،من اليوم عيشي حياتك ونسي كلشي فات عليك ، نسي كلش وما تخمي فوالو
ميرال : يعني لازم ننسي ؟
مروى : ايه نساي كلش
ميرال : اممم يعني فهاد الحالة يعني لازم ننساكم نتوما تاني ، ياك
مروى : (دورت راسها تشوف في لينا وتحكي) اللي سمعتو دوك صح ولا راني نتخيل ؟؟
لينا : والله واش نقولك انا تاني سمعت الشي اللي سمعتيه
مروى : اممم ، قولولي عند فكرة واش راح نديرو فيها ااه
لينا : والله كاين ، كاين واش رايك بفس الهجوم كيما يامات زمان واش قولتي
مروى : والله فكرة مليحة
لينا : اوكي خلني نحسب للثلاثة قبل
مروى : يا الله
ميرال : هيه هيه دقيقه دقيقة واش راكو ناوين ديرو ؟
لينا : دوك نشوفي ، ثلاثة
غير قالت ثلاتة هجموا على ميرال في زوج يدغدغوا فيها وهي كانت غير تضحك و تعيط تترجى فيهم يبعدوا عليها بصوت عالي لدرجة انو صوتها وصل عند اياز و أوس غير سمعوها راحو يجروا طالعين لبيتها ، دزوا الباب عليهم و لقاوهم فوق السرير محاوطيين ميرال ويدغدغو فيها ، دارو في تلاثة شافوا فيه كي هدر
-أوس: واش راه صاير هنا ؟
بعدوا عليها وناضوا في ثلاثة وقفوا جنب بعض يحاولوا يكتموا في ضحكتهم
ميرال : لا ، والو ، والو كنا برك نحكوا مع بعض
-أوس: اااه تحكوا قلتلي ، راني نشوف فالعكس
لينا : حبيبي اوس ، ما تقلقش روحك صرا برك سوء تفاهم بيناتنا و حليناه
-أياز: واش هاد السوء تفاهم اللي خلا صواتكم توصل لعندنا ، حنا كنا حاسبين كاش ما صرا و نتوما راكو تتمسخرو 😏
شافوا في بعضاهم من بعد ترطقو بالضحك عليهم وهوما كانو وجههم ما تتفسرش
-أياز: شفت خويا شفت حنا قلوبنا قريب طاحت في جرتهم و هما يضحكوا في وجوهنا 🙄
-أوس: ايه شفت ، شفت ، خلينا نمشوا اصلا انا ما نحبش هاد اللعب الصامت 😏
دار يخرج حبساتو لينا كي هدرت معاه وقربت منو مخبية مخدة مور ظهرها
لينا : صار هكدا ، قولت لعب صامت ياك ؟؟
-أوس: ايه ، فالوقت اللي انا ما علاباليش كيفاه حتى وصلت لهنا وانا حاكم قلبي بيديا و نتوا كنتو تلعبو هنا 😏
لينا : مالى هاد لعب صامت ياك ، مالى خليني نوريلك اللعب الصامت كيفاه يكون
-أوس: واش راح تورلي ؟
غير كمل كلامو حتى حس بيها كي خبطاتو بالمخدة بفوة حتى خرج منها الريش ، حلت عينيها من وهاداك الريش كان يتطاير ، و ما فاتش وقت بزاف حتى حست بضربة جاتها من عند ميرال ، شافوا في بعضاهم من بعد رجعتلها الضربة زادت مروى هزت مخدة تضرب فيهم كانوا يتهايشوا بالمخايد و الريش كان يتطاير منها ، صارت حرب لمخايد بيناتهم في خمسة كل واحد فيهم يضرب في لاخر حتى ولات ڨاع البيت كلها بيضاء من الريش ، كانوا يضحكوا و صوت ضحكاتهم و قهقهاتهم وصلوا لاخر الدنيا
↚
الحلقة 229
بعد ما خلصت حرب لمخايد راحت فاتت للدوش خذات دوش سخون ، خرجت بعد ما شللت روحها ، لبست الكاب وخرجت ، راحت جبدت اللروب الي راح تلبسها ،حطتها على جسمها شافت روحها فلمرايا و تبسمك ، عاودت حطتها على السرير ، نشفت شعرها حطت مكياج خفيف وناعم ، كي كملت لبست الروب تاعها و ، هزت قرعة ريحاتها و رشت منها ، وفي هداك الوقت صونا تليفونها ، هزاتو وشافت اسمو على الشاشه ، رسمت ابتسامه على وجهها و رفدت عليه
ميرال : الو انس
أنس : يا روح انس
ميرال : امممم ، واقيل توحشتني وما راكش قادر تصبر
أنس : والله ماراحش نكذب ، راني متوحشك براف
ميرال : ياك غير الصباح كنا مع بعض
أنس : من بعد ، حتى كي تكوني معايا نتوحشك ونحب ديما تكوني معايا
ميرال : اممم مادام راك متوحشني لهاد الدرجة ، خلني نخرج وما تعطلنيش
أنس : ايه مادام راكي جاية لعندي ماشي مشكل ،
ميرال : اوكي صحا ، من بعد مالى
جات تكوبي حبسها كي عاود هدر
أنس : ميرال ،ميرال
ميرال : امممم نعم
أنس : نحبك بزاف ونعشق فيك😍
ميرال : انا تاني نحبك ونموت عليك
كوبات عليه و حطت اللمسات الاخيره هزت الساك تاعها وخرجت ، نزلت في الدروج ، كانوا كامل يسناوا فيها وغير شافو تحلت عينهم من جمالها و بساطتها في نفس الوقت ، قربو منها لينا و مروى يحضنو فيها ويحكوا
لينا : يا عمري راكي تهبلي 😍
مروى : خموس عليك تهبلي 😍 والله انس راح يضيع عقلو هاد الليلة
ميرال : اممم خلاص والله حشمتوني 😊😊 والله حاسة روحي راح نبكي
-أوس: قبل ما تقلبوها دراما خلوها تمشي خير ما تتعطل
ميرال : ايه صح خلوني نمشي ،يا الله باااي
حلت الباب و خرجت كان راحت تركب طموبيلتها بصح تفاجأت كي لقات طموبيل من نوع ليموزين تسنى فيها برا والشوفو حللها الباب تدخل ، عرفت انو انس مور هاد الشي ، تبسمت وراحت قربت و ركبت معاه زاد هو تاني ركب و شعل المحرك و ديمارا .
ما فاتش وقت بزاف حتى وصلو قدام اليخت ، حبست ليموزين و خرج منها السائق راح جرا جيهة ميرال حللها الباب حطت رجل على الارض طلت راسها من بعد خرجت ،شادة ساك تاعها بيد و دور راسها يمين ويسار ، حتى لمحاتو كان واقف جنب اليخت لابس كوستيم مواتيه ومفصل على جسمو ، كان حط يديه في جيوبو و وسامتو تدي لعقل 😍 تبسمت بلا ما تحس و راحت قربت منو بخطوات كلها أنوثة و هو تاني يقرب منها و رجلتو طاغية حتى لحق عندها ، بقاوا مدة يشوفوا في بعضاهم ، من بعد قرب شفافو وطبع بوسه على خدها ،و رحع قربهم من وذنها يحكي
أنس : راكي ناوية تجيبي اخرتي نتي ،راكي تهبل😍
انفاسو السخونة كانت تضرب في وجهها غمضت عينيها مستحلية قربو منها وتحكي
ميرال : نتا تاني، راك انيق و و وسيم بزاف
أنس : امممم يعني راكي حابة تقولي انو الكوستيم خرج عليا ياك 🙂
شافت في عينيه و هزتلو براسها بالايجاب رسم ابتسامه على وجهو من بعد مدلها يدو وهي بلاما تخمم شدتها و شبكوهم مع بعض ، راحو قربو من اليخت طلع هو من بعد عاونها تطلع معاه ، تحلو عينيها من اللحظة اللي حطت رجليها فيه و هي تشوف فالارض كلها ورد شدلها يدها من بعد راح حرك اليخت وبعدو شويه، بعد مدة حبسو راح طلعها معاه داها الجيهة الاخري وين كان وجدو طابل على جنب ، موجدها بطريقه رومانسيه، شموع، ورود، وموسيقى هادية ، تعمرو عينيها بالدموع وهي تشوف في ڨاع هاداك الشي
↚
الحلقة 230
قرب من الطابل بعدلها الكرسي وخلاها تقعد، وراح قعد مقابلها وهي غير تضحك من فرحتها ، كانو في زوج فرحانين ببعص ، جاز هاداك لعشا ولا اروع 😍
بعد ما كملو لعشا تاعهم شدلها يدها و طلعها للفوق، وقفت على جنب كم من بعد حضنها من اللور حاوطها بيدية و حاط راسو على رقبتها يحكي
أنس : راكي فرحانة ياك ؟ فرحانة كي راكي معايا؟
ميرال : كتر ماراك تتصور ، راني حاسة روحي في حلم ، فرحانة لدرجة اني حاب نعيط و نخلي ڨاع الدنيا تعرف 🙂
دورها عندو حط يديه على وجهها و حضنو و رجع حكا
أنس : اولا نتي ما راكيش تحلمي ، راكي عايشة اللحظة صح ، وثانيا انا راني حاب نقضي كل لحظه معك ، حاب تكوني ديما قريبة مني ، معادش قادر نزيد نعيش ولا حتى لحظة بعيد عليك ، حاب نرقد فالليل على صوت انفاسك و نوض صبح على هادو لعيون ، حاب كل يوم كي نوض نلقاك قدامي و نبدا نهاري و نتصبح بيك ، حاب كي نروح ندوش نلقاك قدامي و تكوني خيرتلي واش نلبس ، حاب نتهايش معك شكون اللي راح يرقد فالجيهة اليمني ، مع انو انا نحب نرقد عليها بصح معليش راح نخليهالك ،راني حاب نتي تربي ولادي حاب يكون لجواد اخوات منك نتي ،
كانت غير تسمع لكلامو ، بلعت ريقها من اخر جملة قالها ، و صدمتها زادت كتر كي نزل و ركع على رجليه ، دخل يدو في جييو وخرج منها علبة صغيره ، حلها كان داخلها خاتم ألماس كان تصميم خاص بيها ، على قد ما كان بسيط كان غالي في نفس الوقت، كان ناعم وسادة وانيق سر جمالمو في بساطو مثلها تماما ، لدرجة تحس انو الخاتم يشبهلها ،💍 شاف في عينيها ورجع حكى
أنس : انا ما عادش قادر نعيش بلا بيك ، ميرال تقبلي تتزوجي بيا ، تقبلي تكملي حياتك معايا ؟ تقبلي تكوني مرتي وحبيبتى وام ولادي ؟
طاحو دموعها طول على خديها ، ما كانتش متوقعة انو راح يعرض عليها الزواج ، وبهاد الطريقة ، حطت يدها على فمها ومن صدمتها كانت غير تشوف فيه نسات تجاوبو
أنس : واش قلتي؟ ااه راكي قابلة تكملي حياتك معايا ولا لا؟
ميرال : (هزت راسها بالايجاب ) عندي شحال وانا نسنى فهاد اللحظة و صبرت بزاف علاجالها 😍 انا ، معلوم راني قابلة ، قابلة نكون مرتك و نعيشك معاك الاخر يوم في حياتي 🙂😊
رسم ابتسامه على وجهو تعبر على فرحتو ، خرج الخاتم من العلبة و هزلها يدها و لبسهولها و طبع بوسة مرصومة على يدها ، من بعد ناض على رجليه ، شدلها وجهها بين يديه و رجع حكى
أنس : نوعدك انك جامي تندمي و راح نعوضك على الماضي والشي اللي فات و راح نخلي كامل احلامك تلامس الواقع
ميرال : أنا يكفيني اني نكون معاك ، نتا هو اكبر حلم ليا و راني حققتو ، ما نحبش كتر من هاد الشي
أنس : وانا راح نكون ديما معاك ، ديما 🙂 تحبك بزاف ، نحبك ونعشق فيك يا ملاكي
ميرال : انا تاني نحبك ونعشق فيك ياروحي 😍
حط جبينو على جبينها غمضو عينيهم كانوا يتنفسوا في هوا واحد ، كانت صدرهم في زوج طالع هابط صوت دقات قلبهم تتسمع من اخر الدنيا ، هز يدو وحطها على خدها و يعديها بالسياسة ، بلعت ريقها ، خلاها كامل ترجف من لمستو ،وهي هزت يديها الزوج لفتهم على رقبتو وكانها عطاتو الضوء الاخضر باش يدير اللي راه في بالو ، بلا اي مقدمات حط شفافو على شفافها بكل حب غلغل اصابيع يدو في شعرها ورا رقبتها و غرق معاه في ثاني بوسة جمعتهم فهاد المكان ، في نفس اليخت
↚
الحلقة 231
وافقة قدام لمرايا تشوف في روحها وتبتسم لا اراديا ، تشوف في روحها وهي لابسه فستان الابيض وقداش واتاها ، كانت كي الاميرة تاع لحكايات اللي موالفة تسمع بيهم وتقراهم ، كانت واقفة وجنبها صحابتها اذا ما قلتش عليهم خوتاتتها رفيقات دربها ، كانوا هوما تاني بالفستان الابيض. كانت كل وحدة فيهم احلي من التانية، جمالهم مو طبيعي وكأنو على شوي حتى القمر راح يحسدهم، اذا رجعوا للور قبل ربع سنين وقالهم كاش واحد انكم راح تتزوجوا في يوم واحد راح يضحكوا عليه ، والحال أنو صح القدر خلاهم يتزوجوا في ثلاتة في نهار واحد و كل وحدة منهم راح تتزوج عن حب وقناعة شافو في بعضهم من بعد شدوا في يدين بعض ويحكوا
ميرال : مارنيش مأمنة انو حنا الثلاثه راح تتزوجوا في نهار واحد
مروى : ايه صح انا تاني 🙂
لينا : والله شكون قال انو راح يصرا معنا هاد الشي
ميرال : بصح صرا 🙂 و في نظري هاد الشي اجمل حاجة صرات معانا 🙂
لينا & مروى : ايه
ترماوا في حضن بعض بيكوا و يعبروا على فرحتهم حتى تفتح عليهم الباب ودارو و شافو فيهم
-راشيل: مادام ملاك قولي لي هادوا لبنات حساسات زيادة عن اللزوم ولا انا اللي عندي خلال فالمشاعر تاعي ؟ قولي لي
-ملاك: ااه يا بنتي ، اللي راكي تشوفي فيه عادي ، هاد اليوم مميز بالنسبه ليهم واي بنت راح تبكي فيوم كيما هاد
-راشيل: اااه يا ربي ، هاد يوم تاع فرح ،ماشي ڨاع تاع نديب
لينا : ايييه خلينا نشوفك نتي كي تتزوجي واش راح ديري
-راشيل: اااه فهادي راح تسناي بزاف باه تشوفي هاداك اليوم بب
ميرال : اااه قولي والله ، بصح انا اللي راني نشوف فيه العكس تماما ، وقريب بزاااف
-راشيل: واش قصدك بهاد لكلام ؟
ميرال : اممم هاد الحركات ماشي عليا ياك ، واش عمبالك ما رانيش ملاحظة الشي اللي راه بينك وبين خويا قيس ،اااه
-راشيل: ميرااال واش راكي تهدري اااه ماكان والو بيني وبين خوك ، حنا برك اصدقاء هدا ما كان ما يروحش بالك بعيد
ميرال : اااه اصدقاء ياك ، علاه الاصدقاء يشوفو في بعض بهاد الطريقة
-راشيل: واش قصدك ، واش من طريقه !!
ميرال : اييه شوفي موراك و راح تفهمي
دورت راسها وتصدمت كي لقات قيس موراها يشوف فيها بكل اعجاب ، الشي اللي خلاها تتوتر قدامهم كامل. حست انها لوكان تزيد شويه راح طيح ، دورت راسها ، بلعت ريقها من بعد رجعت حكات
-راشيل: اييه يا خلينا نروحو ما تخلوش العرسان يسناوكم خصوصي أنس اللي اعصابو راهي محروقة و ما عندوش صبر
-ملاك: ااه في هادي صح عندك الحق ، يا الله نهبطو خير يطلع و يخطفك ، يا الله
ضحكو على كلامها من بعد ملاك قربت من مروى شدتلها يديها ، وراشيل من لينا ، اما قيس قرب من ميرال ، شدلها راسها بين يديه و طبع بوسة على جبينها من بعد دخلت يدها في دراعو ، وراحوا خرجهم ، في ثلاثة، كانوا نازلين فالدروج ، و العرسان كانوا تحت كل واحد فيهم يسنى في حببتو و شريكة حياتو ، حتى هم ما كانوش اقل منهم كل واحد منهم اوسم من الثاني ، يدو لعقل ، وغير شافهم تحلت عيونهم على وسعهم و هما يشوفو في قنابل نازلين من الدروج ، حتى لحقوا عندهم
↚
الحلقة 232
قرب اياز من ملاك وشد مروى من يديها و قربهم لشفافو طبع بوسة عليهم ، حاس انو الكلمات هربلو وبقى غير يشوف فيها ، وحتى اوس قرب من لينا اللي كانت حكايتو معاه غير حكاية بدات بالكره و سرعان ما تحولت الى حب كبير، شد يدها ودخلها في دراعو و قرب طبع بوسة على خدها، والجيهة الاخري كان انس ديجا قرب من ميرال اللي قصتهم حتى هوما كانت غير ، قصة بدات بي رهان ربحو انس، بيه خلا ميرال تحبو ، وبالمقابل حتى هو ستسلم لمشاعرو و صار حبها كلشي بالنسبه ليه و ما يقدرش يتحرر منو ، حبها كان كي المعجزة ، قدرت تخلق فيه انسان اخر بعد ما كان انسان مغرور و طايش . طاحت دمعة من عينو وهو يشوف فيها قدامو وهي لابسه فستان الابيض وما بقاش بزاف و تولي حلالو، هاد اجمل شعور يمكن يحس بيه الانسان ، انس اللي عرف بزاف بنات على قد شعر راسو ، بنات اشكال والوان ، و بين ڤاع لبنات قلبو ختار ميرال، اللي كانت بالنسبه ليه النصف الثاني، الشي اللي كان ناقصوا من قبل و دوك يحس في روحو كامل بيها قرب منها شدلها وجهها بين يديه و قرب شفافو من جبينها و طبع بوسة مرصومة عليه وهمسلها في وذنيها
أنس : واخيرا راح تصيري مرتي و حلالي
بلا ما تجاوبو تبسمتلو برك و دخلت يدها في دراعو و هو حط يدو على يدها و خرجو لبرا لجنينة و ين راح نديرو العرس ، خرحوا تحت انظار المعازيم اللي غير شافوهم بداوا يصفرو ويصفقوا واللي كان فرحان كتر منهم هو جواد اللي دنيا نش سايعاتو ، وفرحتو ما تتوصفش راح قعد في حجر ملاك وهو غير يصفق مع المعازيم كي يقبلوا العرسان ببعضاهم
بعد ما كملوا ماراسيم العرس، حطو موسيقي هادية و ناض انس و مد يدو لميرال باش تشاركو الرقصة ، مدتلو يدها وراحوا يرقصوا مع بعض ، حط يديه على خصرها وهي حاوطت يديها على رقبتو و يتمايلو على انغام الموسيقى ، تبعهم اوس ولينا و بعدها اياز و مروى يرقصوا في ستة ، كل واحد مدخل حبيبتو في ضلوعو ويستمتع بلحظة.
بعد ما وافا العرس ، كل واحد فيهم هز مرتو باش يكمل سهرتو معاها ، اوس و لينا راحو لاوتال ، اياز راح لدارو بحكم انو عايش وحدو ، اما ميرال فطلبت من اوس يديها لدار اللي بدات فيها حكايتهم الدار اللي تعدى فيها عليها فالاول رفض و ماكانش حاب ، انو يرجع يفتح هادوك لجروج بصح هي قنعاتو انهم يبدوا اول ليله في حياتهم الجاية فالبلاصة اللي فرقتهم على بعض
كان واقف في نص البيت يخزر في السرير كان مزين بطريقه رومانسيه ، حس انو قلبو راح يحبس و هو يشوف فيه و هو يستحضر في كل ذكريات الماضي صدرو كان يطلع و يهبط و حس انو جسمو يعرق و كان راح يهرب بصح شداتو من يدو تحكي معاه و تهدي فيه
ميرال : انس ستنى ، ما تروحش
أنس : ميرال الله يخليك ، خليني نخرج ، حاس روحي راح نتخنق
ميرال : لا ما عندك وين تروح ، سمعتني، صح كنا نقدرو نروحوا لاجمل بلاصة فهاد الدنيا بصح انا خيرت هادي ، على خاطر هنا عشنا أسواء ذكرة لينا، وراني حابة نمحي هاديك الليلة من حياتنا راني حابة ننسوها
أنس : خايف ، مارحش نقدر نديرها ، خايف نجرحلك انوثتك ، الله يخليك خلينا نروحو منا ، خلينا نرجعوا لهنا في وقت اخر
ميرال : لا ما راحش نروحو سمعتني ، وزيد ياك نتا اللي قلتلي خلينا ننساوا الماضي و نبدوا صفحة جديده ، مالى خلونا نحلو هاد الصفحه هنا و فهاد لبلاصة
أنس : بصح ...
جا يهدر حتى حطت شفافها على شفافهو سكتاتو ببوسة خفيفه ، من بعد رجعت حكات
ميرال : مانيش حابة نسمع اي اعتراض ، انا دوك راح نفوت ندوش ما راحش نطول عليك .
هز راسه بالايجاب، راحت دخلت دوش و هو راح قعد على البونك الي تم و يهز في رجليه ، و ما فاتش وقت بزاف حتى خرجت و ريحتها سبقتها ، هز راسو وشافها كانت لابسه كاب ، راح قرب منها و كان راح يطبع بوسة حبساتو كي حطت يدها على فمو و دزاتو الدوش باش يدوش، وبعد مدة خرج هو تاني لقاها واقفة قدامو كانت حاطة خيمار على راسها ، قربت منو و شدتلو يدو تحكي
ميرال : أنس خلينا قبل نصلو زوج ركعات باه ربي يباركلك لنا هاد الزواج و يسهلنا حياتنا
هزلها راسو بالايجاب من بعد راحو صلو زوج ركعات هو كان لقدام و هي موراه ، كي كملو الصلاه ، نحات لباس هاداك و قعدت بنوزات خفيفه ، قرب منها أنس ، شاف فيها و هز يدو رجعلها خصلات شعرها ورا وذنها ، حط جبينو على جبينها ، وهي شدتلو وجهو بين يديها وما لقات روحها حتى بادرت هي وحطت شفافها على متاعو باش تشجعو و تنحيلو العقدة تاع هاديك الليلة من بالو ،فالاول كانت حاسه بيه كيفاه كان يرجف بصح سرعان ما تحول هذاك الخوف لاستسلام و ما حسش على روحو كيفاه خذاتو لعالم اخر و تجاوب معاها ، هزها بين يديه و حطها على السرير و غرقو في احاسسهم و مشاعرهم اللي سافرت بيهم لابعاد مكان
↚
الحلقة 233 و الأخيرة
نجحت ميرال من بعد هاديك الليلة انها تمحي من حياتهم أسواء ليله مرت عليهم ، وتخلي انس يتخلص من عقدتو و مخاوفو. فاتو على هاديك الليلة خمس سنوات ، خمس سنوات و كل يوم حب ميرال و انس يزيد يوم بعد يوم ،بهاد الخمس سنين قدروا يداووا بعضاهم و ينساوا كلشي خايب صرا معاهم ، بهاد الخمس سنين كل واحد فيهم قدر يأسس عايلة كيف ما كان حابها ، اوس و لينا رزقو بزوج ولاد طفل سماوه فراس في عمرو 4 سنوات وطفلة في عمرها عامين اسمها فرح، اما أياز و مروى، زاد عندهم زوج ولاد اسلام في عمرو اربع سنوات و يزن في عمرو تلات سنوات، يوسف وملاك راحو للحج وزادو قرروا يعاودو يروحو المرة الثانية ( تاع الصح كانش اجمل حاجة فهاد الدنيا كي تتقرب من ربي سبحانه)، رنيم هي تاني تزوجت و عايشة مع راجلها برا البلاد ، اما شهد هي تاني قررت تبني مستقبلها و راحت لامريكا باش تكمل قرايتها تماك ، كان حلمها انها تولي افضل جراحة ، وراهي تمشي خطوة مور خطوة ورا احلامها ، اما قيس و راشيل غير كيما تزوجو ما فاتش عام على زواجهم ، مازال ما رزقهمش ربي ، اما فيما يخص انا و أنس قدرنا نزيدو نكبرو عايلتا كي زاد ربي رزقنا بتوام في عمرهم اربع سنوات باران و نازان ، و آدم في عمرو عام ونص، و حبيب قلبنا جواد صار عمرو دوك 8 سنوات.
أنا ميرال ، ميرال الطفلة اللي كانت ابسط لحوايج تفرحها ، كيما كوب قهوة ، ولا قطرات المطر ، كان الوان القوس قزح تفرحها كي تسطع شمس عليهم ، الحياة ختبرتي و ختبرت قوة صبري مشاتني على اشواك الخيبة وقت حطت انس في طريقي قدام باب الجامعة ، فهاداك اليوم اللي شفتو فيه عرفت انو قصتي معاه راح تكون غير ، وتاع صح كانت غير ، و معاه بدات رحلتي ومنها احلي رحلة ، فيها عرفت تبكي و نضحك ،نقاوم و نستسلم ، نحب ونكره في نفس الوقت فهاد الرحلة رسمت انا و أنس اهم تفاصيل حياتنا و حبنا اللي رغم الإمتحانات اللي مرينا بيها و الصعوبات والتحديات بصح قدرنا نتحدوا كل شي ، حتى تحدينا مرة الموت فاليوم اللي رمي انس روحو قدامي و في وقتها قلت انو مازال الحال على انو يروح و يخلني انا. و لدو ، كنت عازمة اني نكمل حكايتي معاه و كيما كان الحال قدرت نكملها و نخلي هادك الحب يعيش وماشي غير هاك انا وانس توجنا هاد الحب بعايلة تاخد لعقل ، انا ميرال ، باسمي و باسم كل وحدة مرت بخيبات بحياتها حابة نقولكم انو مهما صرا معكم و مهما مريتو بثعرات في حياتكم وإياكم تستسلملوا بالعكس حاربوا ، قاموا و تمسكوا يالشي اللي تحبوه ، ولا تفقدو الامل لانو ما نعرفوش الدنيا واش راهي مخبيتلنا
سكرت الدفتر و حطت القلم من يديها وقت سمعت صوت الباب ، حلو و دخل عندها يمشي بخطوات سريعه ويحكي
-جواد: ماما يا الله ، راهم كامل يسناوا فيك تحت
ميرال : ايه صحا ، راني جاية ، حبيبي جواد قولي باباك راه تحت؟
-جواد: ايه راه تحت وحتى خالو قيس و عمتو راشيل جاوا
ميرال : يا الله مالى ما نخالوهمش يسناوا كتر
شدت في يدو و راحوا خرجوا كانو كامل يسناوا فيهم باش يودعوا يوسف وملاك يروحو للحج مرة ثانية ، فربت منهم وسلمت عليهم و زادو لخرين سلموا عليهم من بعد راحوا ، فالوقت هاداك قرب انس من ميرال طبع بوسة على شفافها من بعد بعداتو عليها
ميرال : ااانس عيب لولاد راهم يشوف فيك
أنس : ايه من بعد، خليهم يعرفوا كيفاه حتي جاوا لهاد الدنيا
ميرال : اااانس عيب
راحت هزت ادام بين يديها وتحكي في كلام مش مفهوم وهو غير يضحك على تصروفاتها ، وراحت دخلت الصالون وين كان مجتمعين كامل ، راحت قعدت و زاد قعد انس جنبها من بعد ناضت راشيل و قيس وقفو جنب بعض يحكوا
-قيس: يا جماعه انا راشيل حابين نقولو لكم خبر يفرح
راشيل: عندي اسبوع و انا حابة نقولكم بصح ما لقيتش كيفاه و اليوم قررت نحكي لكم
ميرال : راشيل ما تقوليش برك اللي راه في بالي صحيح
هزت راسها بالايجاب من بعد رجعت حكات
راشيل: اي صح وجدي روحك راح تولي عمة 🙂
قيس: ونتا اوس راح تولي خالو ،
ناضو كامل يباركو ليهم و يشاركهم فرحتهم ، و فهاداك الوقت قرب انس من ميرال وهمسلها في وذنها
أنس : علابالك راني غرت ، واش رايك نزيدو نجيبو اخت لنازان اااه حرام راهم في ثلاثة ولاد
ضحكت على كلامو وشافت فيه من بعد جاوباتو
ميرال : تاع صح نتا مهبول
أنس : فيك ، مهبول فيك 🙂
ميرال : وانا راه عاجبني هبالك 😍
أنس : و انا نعشقك فيك يوم من بعد يوم 😍
ميرال : انا تاني مهبولة فيك و نعشق فيك 😍
جبدها عندو ودخلها في ضلوعو يحضن فيها و هي ماكانتش من المعاكيس لفت يدها على ظهرو و بادلاتو العناق
النهاية